بس التقنية كمان مساعدة كتير ! و تظهر. مهارات العازفين و تحسّن الأداء
و ياني قايم بدور كبير في الخلفية 🙄
Post: #5 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-15-2018, 03:58 PM Parent: #1
سلام أمير ياني بدأ بموسيقى الكترونية مكررة لفترة تزيد عن العشرة سنوات ومافي زول جاب خبره كان بيكرر ولسة بيكرر لو ركزت في بعض اعماله ما اشتهر إلا لما وظف الآلات الفولكلورية في مقطوعات بعينها.
وبالتأكيد ما كل المسموع طبيعي كل الكيبوردات مربوطة ببعض ودا كلامه هو ذاته بمعنى إنو العزف على واحد بيشغل الخمسة الباقيات ودي ظاهرة عند مينغ فريمان العازف بتاع السينثايزر أبو شعر طويل.
باقي الوتريات عاملين ليها تعديل صوت تقيل.
Post: #6 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-15-2018, 04:00 PM Parent: #1
وعادي ممكن يتم التسجيل في استوديو وإعادة العرض أمام الجمهور ما عادت مشكلة طالما التقليد جيد.
Quote: ما اشتهر إلا لما وظف الآلات الفولكلورية في مقطوعات بعينها.
سلام حاتم كلامك سليم ، توظيف الآلات الفلكلورية في الأعمال لعب دور كبير و دي حاجة انتبه ليها ياني مؤخراً عملت فرق كبير !
فعلاً ياني رابط الكيبوردات مع بعض و عنده درجة تحكم عالية في أصوات الاَلات ... الزول دا ممكن يستغنى عن الفرقة دي كلها و يشتغل عادي ! و مافي زول يحس بأيّ فرق !!
Post: #11 Title: Re: بخصوص Yanni, يا حاتم رأيك مطلوب ! Author: Ahmed Yassin Date: 11-15-2018, 04:20 PM Parent: #6
مهارة عازف الهارب .. الفرعوني دا بيعزف على (45) وتر...
Post: #10 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-15-2018, 04:19 PM Parent: #1
عندو اكتر من عشرة البومات لفترة الثمانينات استمعت ليها كلها وبالكاد تميز الألبوم من الباقيات موسيقى تقيييلة وتشعر بيها زي مصنع النسيج تصلح للاسانسيرات والمولات كان شغال براهو ومايل جدا على نمط الموسيقى اليونانية بأسلوب الكتروني حديث.
لكن التغيير حصل في حفل الاكروبوليس سنة 1995.
Post: #13 Title: Re: بخصوص Yanni, يا حاتم رأيك مطلوب ! Author: عثمان علي Date: 11-15-2018, 04:34 PM Parent: #10
ممتع .. شكراً.
Post: #12 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-15-2018, 04:24 PM Parent: #1
الموسيقى الكان بيعزفها زمان قريبة لموسيقى مواطنه فانغاليس Vangelis دا أشهر منو بكتير مع إنو شحيح في أعماله وأميزها Chariots of fire
Quote: وعادي ممكن يتم التسجيل في استوديو وإعادة العرض أمام الجمهور ما عادت مشكلة طالما التقليد جيد.
هل الكلام ده عادي؟!
Post: #15 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-15-2018, 05:31 PM Parent: #14
الما عاجبك فيهو شنو؟
معظم الفرق العالمية والفنانين المشهورين الأنت قد تكون سمعت ليهم بيشتغلوا بالأسلوب دا.
____ شايفهم بيغشوك قال يعني؟
Post: #16 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-15-2018, 05:44 PM Parent: #14
فلما تقطع تذكرة عشان تدخل لحفل لفنان مشهور فانت أصلا ماشي عشان (تشوف) الفنان لانو الغناء انت سامعه في البيت.
بريتني سبيرز ديانا روس ماريا كاري مايكل جاكسون جستن بيبر وكل المغنيات الجميلات المعاصرات بيغنن في الحفلات بخلفية مسجلة بل حتى فرق مشهورة زي Celtic Woman رغم حلاوة أصواتهن كل حفلاتهن الحية تسجيل. هو يوسف عضو المنبر قاعد يسويها في التلفزيون علني. ثقف نفسك وما تزعل، في النهاية التسجيل حق الفنان ذاتو.
انا غايتو شايف انو ياني متحكّم في المقطوعات كلها من خلال الكيبوردات الخمسة وهي قايمة بشغل كتير في العمل ، حتي الشغل الصولو مسنود من الكيبورد ! طلعاً دا لا ينفي انو العازفين جضّامين و ما فيهم كلام بس كمان دا عصر التكنولوجي و ال touches ظاهرة !
Post: #19 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-15-2018, 06:30 PM Parent: #18
معظم الوتريات بتدخل مرحلة في تعديل الصوت اسمها Autotune
لعمل تصحيح للنغمة الطالعة من الآلة، حاجة كدة زي المصحح الإملائي أثناء الكتابة. التقنية جعلت دا ممكن أثناء الأداء مش بس للآلات بل حتى لصوت المغنين إذا رغبوا في الأداء اللايف.
زمان دا كان مستحيل إلا بعد التسجيل عشان كدة معظم الحفلات الخية القديمة صوتها بشع. الأجهزة الالكترونية الرقمية حاليا سريعة جدا لدرجة عدم ملاحظتها بالاذن.
Post: #20 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-15-2018, 06:35 PM Parent: #1
وصلوا مرحلة حاليا بيتم فيها التعامل مع النغمة على مستوى النوتة وبقصد النوتة الصوت مش التدوين.
اسم التقنية Direct Note Access DNA
بعد التسجيل في الاستوديو وتحسين خصايص الموسيقى بيتم ترقيع صوت الفنان لدرجة الكمال من ناحية تمكنه من إخراج النوتة الصحيحة حاجة كدة زي الرسم الهندسي.
بيستفيدوا منها في تعديل صوت الفنانين العجائز عشان يظهروا شباب والأهم في انقاذ الأعمال القديمة وإظهارها بجودة أفضل.
Post: #21 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-15-2018, 06:43 PM Parent: #1
دا بيذكرني عمل لأخينا يوسف اسمه قصة ثورة أو حاجة قريبة من كدة في بوست سابق.
المهم بتظهر في الصوت حشرجة يقوم الود بتاع الاستوديو يعمل فلنشات Flange بتخلي الصوت يغوغي زي الكأن التسجيل تم في الحمام وهي تقنية قديمة وظاهرة جدا للاذن المعتادة عليها.
أها قلت ليوسف الشغل دا يا زول فلنشة، قال لي لا دا المايك عامل صدى قلت ليهو الصدأ غايتو إلا يكون في صوتك دا لأنو المايك دا ما غريب علي قام مسح مداخلاتي جت عليهن هههههه
لو صبر لي يوم كنت شرحت ليهو شغل الدي إن إيه دا، عجيب في تجلية الصوت المشروخ.
_____ والله العظيم.
Post: #22 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-15-2018, 06:49 PM Parent: #1
Quote: بتخلي الصوت يغوغي زي الكأن التسجيل تم في الحمام وهي تقنية قديمة وظاهرة جدا للاذن المعتادة عليها.
مش يمكن حركة الصوت يغوغي دي تكون مقصودة ؟!! ذيادة في التطريب يعني 😏
.....
Post: #24 Title: Re: بخصوص Yanni, يا حاتم رأيك مطلوب ! Author: MAHJOOP ALI Date: 11-15-2018, 07:20 PM Parent: #22
Quote: فلما تقطع تذكرة عشان تدخل لحفل لفنان مشهور فانت أصلا ماشي عشان (تشوف) الفنان لانو الغناء انت سامعه في البيت.
ياحاتم قبل اسبوع ولدي مجنني عشان احجز ليه تذكرة لي حفل المغنية اريانا غراندي ، طبعا بعد عنت قلت ليه كويس جينا نحجز مشيت لي الاقل تكلفة ، قال لي مافي داعي للحجز احسن لي اقعد في اوضتي دي واسمع اغانيها كلها واتفرج علي صورها الفي الحيطة !! ههههه شحطني ليك بي تذكرة تجيب الفالج ( مع وعد بالسداد) والحفل في يونيو 2019
أجمل شي تلقى الناس البتحبهم كلللهم ملمومين في بوست واحد. وفي موضوع إنت بتحبّو.. خليكم دايماً كده بالله. ..............................
Quote: أمتع شيء في البوست دا انو الخواض وهاشم الحسن ما ح يقدروا يشاركوا معانا فيه بسبب أميتهم الموسيقية
Post: #38 Title: Re: بخصوص Yanni, يا حاتم رأيك مطلوب ! Author: Nasr Date: 11-16-2018, 00:00 AM Parent: #37
أمتعتونا يا معلمين أنار الله ديناكم وآخرتكم ياني أنا غايتو سمعت ليه حاجات الواتساب ديك لكن حقت لن ننسي اياما مضت، قربت تبكيني
Post: #39 Title: Re: بخصوص Yanni, يا حاتم رأيك مطلوب ! Author: قسم الفضيل مضوي محمد Date: 11-16-2018, 01:50 AM Parent: #38
. حكى لي واحد اخونا وهو من ناس الضهاري قال لي قبلونا في جامعة الخرطوم زمن كان ما في واتس اب ولا في أي حاجة وبعد كم شهر اتعلمت لي كم مصطلح كدة قلت اتجدع بيها على أصحابي ، قال قابل واحد بلدياتو وسألو قال ليه بتعرف الفيديو كليب ؟ قال صاحبو فكر ثم قدر وقال ليه : الفيديو بعرفو ، لكن (كليب) دي أول مرة أسمع بيها ...... . . . اسا نحنو أول مرة نسمع بي ياني ... . .
Post: #45 Title: Re: بخصوص Yanni, يا حاتم رأيك مطلوب ! Author: محمد الأمين موسى Date: 11-16-2018, 06:29 AM Parent: #37
Quote: أجمل شي تلقى الناس البتحبهم كلللهم ملمومين في بوست واحد. وفي موضوع إنت بتحبّو.. خليكم دايماً كده بالله.
عالم ما بتجيش إلا بالجزمة! خليك هنا وبلاش...
Post: #40 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-16-2018, 04:06 AM Parent: #1
يا أبوبكر الثقافة لما تتبع الغرض بتكون دايما مايلة ناحية من يمليها.
Post: #41 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-16-2018, 04:10 AM Parent: #1
حأجيب امثلة لميزة التعديل autotune في أعمال سودانية ولو انها اظهر في اغاني المغاربة وأهل غرب افريقيا عموما.
بالنسبة لياني كل البوماته لحفلاته الحية طالتها يد المونتاج بما في ذلك اعادة تركيب الصوت.
Post: #42 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-16-2018, 04:37 AM Parent: #1
أها شفتو زي أريانا المصنوعة صناعة دي يندر تغني لايف بصوتها الحقيقي.
فكل موضوعها ينحصر في جعلها ماركة للترويج لسلع وخدمات تجارية.
___ فلا يمكن يصل عدد مشاهدات اعمالها للمليارات.
Post: #43 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-16-2018, 05:37 AM Parent: #1
Autotune (تعديل النغم) تقنية تلاعب في الصوت على مستوى النغم (التردد تحديداً) فلو كان المغني لا يحسن إخراج النغمة المطلوبة بدقة فهنالك برامج كمبيوتر أو حتى أجهزة تقوم بذلك مباشرة في نفس وقت الغناء بالزمن الحقيقي بحيث يتم تعديل النغم الخارج عند حروف معينة وتعديلها للأجود
النتيجة دقة مبهرة في الصوت الناتج كأنه آلة والتركيز يكون في أغاني الترويج غالباً هذا ما تلاحظه في أداء زوزيتا مقارنة بالأداء بدون هذه الميزة
استخدام الميزة ملاحظ بكثرة في غناء المغاربة والموريتانيين يصل لحد التشويه
في أغنية زوزيتا أعلاه تم تطبيقها بمهارة بالكاد يتم ملاحظتها لكن تظهر منفلتة في الحروف المترددة (trills) مثل حرف الراء، في (المريود، الريدة ) وعندما تترنم (لا لا لا ) في الدقيقة 1 وما بعدها
Post: #44 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-16-2018, 05:47 AM Parent: #1
Post: #48 Title: Re: بخصوص Yanni, يا حاتم رأيك مطلوب ! Author: يحي قباني Date: 11-16-2018, 06:42 AM Parent: #44
Quote: نجي للتعديل، فعندك مثلاً أخونا الأفصح عن (حبه للأغنيه) بصوت خشم البت والله الغنيه دي حبيتها في خشم البت دي .. مع احترامي لي القامه شرحبيلوالله الغنيه دي حبيتها في خشم البت دي .. مع احترامي لي القامه شرحبيل
انت قباني ده التقول كان مناسب حبوبتك ... لساك بليد و مبرمج .. ههههه نقول ليو ده كلام الرفع الفيديو يقول احلبو ...
كدي حسة بلف الراحة الرسلت مساعد يايك يفتحوا ليك هنا عشان تسسسس تنفس ... ده خلي ...
امش خلص لينا حسابك مع ود الشيخ و هاشم الحسن ...
ولا قول الروب ... ههههههههه
شكلك ما شحنت الهارد درايڤ الداخلي من قوقل و جاتك ميتة الفجأة ... هههه
بالمناسبة دي ... ما شفت ليك طبيب نفسي زي ما نصحتك زمان ؟
لانه حالتك زي بقت متآخرة ... هههههاي
Post: #46 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-16-2018, 06:35 AM Parent: #1
Quote: أجمل شي تلقى الناس البتحبهم كلللهم ملمومين في بوست واحد. وفي موضوع إنت بتحبّو.. خليكم دايماً كده بالله.
ليميز الله الخبيث من الطيب ويجعل الخبيث بعضه على بعض فيركمه جميعا
___ شفت كيف!
Post: #47 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-16-2018, 06:40 AM Parent: #1
Post: #49 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-16-2018, 06:48 AM Parent: #1
Post: #50 Title: Re: بخصوص Yanni, يا حاتم رأيك مطلوب ! Author: امير بوب Date: 11-16-2018, 08:42 AM Parent: #49
Quote: كدي حسة بلف الراحة الرسلت مساعد يايك يفتحوا ليك هنا عشان تسسسس تنفس ... ده خلي ...
يا قباني ياخ ما اعتقد قبل كدا وجّهت ليك إساءة او غلطت في حقك ! لو عندك كُوماج مع حاتم يا ريت تحسموا بدون ما تقحمني فيه و لو كمان قاصد و متعمّد تفتح معاي جبهة ( رغم اني ما فاضي ليها) و جاييني متحزّم فأنا بلاقيك ميطي !!
......
ما علينا
Post: #51 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-16-2018, 09:24 AM Parent: #1
دا مخلوق عبيط بيسمع بشمع اضنينو ما فارز الغناء الطبيعي من المعدل.
Post: #52 Title: Re: بخصوص Yanni, يا حاتم رأيك مطلوب ! Author: امير بوب Date: 11-16-2018, 10:38 AM Parent: #51
بالله يا حاتم شفتا المسرح دا بجهّزوهو كيف ! ترحيل الآلات و المعدات جايبين ليها كرين !!
و الله الراجل دا أبيبالغ أبيشز 😂
.... المغاربة فعلاً استخدامهم للاوتوتيون فيه تشويه و حاجة مزعجة جداً أحياناً ، زي الهرجلة بتاعت الشفّع أوكّا و اورتيقا ديلك !
Post: #53 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-16-2018, 10:52 AM Parent: #1
ياخوي الفن الموسيقي عندنا (قايمين) بيهو سماسرة ساي يعلم الله تمسك لي اقطع ليك، لا فهم لا دراسة لا تقدير لا تقييم، بس يا فلان اتوصى على ولدنا ويا علان شوف لينا فرصة.
Post: #54 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-16-2018, 10:56 AM Parent: #1
لو جبت ليك التوظيف بتاع ناس السنغال والنيجر ونيجريا للأوتوتيون والله تقوم جاري
ما تقدر تكمل دقيقة استماع.
عموما بفتش لفيديو اخير لبناء المسرح لياني في الهند وحاتكلم معاك بعدها في التقنيات بتاعة العرض والكونسيرت.
Quote: عموما بفتش لفيديو اخير لبناء المسرح لياني في الهند وحاتكلم معاك بعدها في التقنيات بتاعة العرض والكونسيرت.
m
دا المطلوب 👌
.....
الغريبة يا حاتم رغم الزخم دا ، ما شايف ياني بستخدم البتاعة المدوّرة !! 😂
Post: #57 Title: Re: بخصوص Yanni, يا حاتم رأيك مطلوب ! Author: MOHAMMED ELSHEIKH Date: 11-16-2018, 01:49 PM Parent: #55
جيت اسلم علي دكتور بوب وضيوفوا لانو المستنير ضحكني حتى بانت اللوز. قال ماحايقدروا يشاركوا "معانا" في البوست دا . لاحظ معانا ذكرتني الفار الراكب في ضهر الفيل وقال ليهو " شايف يا عمك الارض بتهتز تحت اقدامنا كيف؟ " والله يا مستنير انا بحبك لوجه ربي لدرجة اني بتصل تلفونات دولية على اصحابي لقراءة تعليقاتك. حسي البوست دا مكلفني 2.75 دولار. تحياتي
لو قيض لي ان اشتري تذكرة واحضر حفل ل ياني .. هل ساستمع لتسجيل مسبق واتمتع فقط برؤية ياني والعازفين وهم عاملين فيها بعزفوا؟!
لم أسال عن مايكل جاكسون ولا اسمها منو ريانا الخ .. ولم اسأل عن الاستعانة بكيبورد واحد او خمسة كيبوردات في الحفلات الحية ...
سؤال بسيط جدا
Post: #58 Title: Re: بخصوص Yanni, يا حاتم رأيك مطلوب ! Author: أبوبكر عباس Date: 11-16-2018, 02:39 PM Parent: #56
ورب المجرات، يا ود الشيخ، لمان شفتك آخر متداخل خفت جداً تكون جيت كرد فعل للصراع في بوست عاصم، وأضمرت أن أرسل لك رسالة داخلية بأن تبعد عن ردود الأفعال، لكنك خذلتني ووجدتك جميلاً نسيماً كحالك دائماً
الله يعرّس ليك يا شفيف
Post: #59 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-16-2018, 02:58 PM Parent: #1
Quote: الغريبة يا حاتم رغم الزخم دا ، ما شايف ياني بستخدم البتاعة المدوّرة !!
العارف عزو مستريح
والنوتة البيهاتو بيها من 2002 دي ولا شغال بيها ذاتو، لا بقراها ولا بيكتبها
Quote: يا قباني ياخ ما اعتقد قبل كدا وجّهت ليك إساءة او غلطت في حقك ! لو عندك كُوماج مع حاتم يا ريت تحسموا بدون ما تقحمني فيه و لو كمان قاصد و متعمّد تفتح معاي جبهة ( رغم اني ما فاضي ليها) و جاييني متحزّم فأنا بلاقيك ميطي !!
......
ما علينا
و انت جاي متحنفش مالك سمح ؟
زولك العيان ده براو هبشني ...
و لا هو حلال عليو استاذكم المعلم .... هههه
انا بصراحة جني جن النفسيات ... و زولكم ده ممكون ياخ ... بدل ما تساعدوه شغالين تغرقول فوقو بس ...
اما انت فما في راداري اصلا يا امير ... و اذا زعلتك اني رديت لي عيانك ده في بوستك ... خلاص حقك علينا ...
لكن اسمح لينا اي زول بقل ادبو و بعمل فوقها صعلوق بنرد عليو و لو في راس النعامة و هي جارية ...
جاي وين يا زول ، البوست دا بتاعي ! و بعدين متحنفش كيف يعني ؟ زول وجّهت لي إساءة في صمة خشمي و سألتك هل سبق بيننا كلاش او تعدّيت عليك قبل كدا ؟
طيب لزوم إقحامي في موضوعك مع حاتم شنو ؟ كونك تقول انو حاتم عيان او هبشك ، فدا موضوعك انت و تحسمو مع حاتم في النقعة ! لاكين حكاية تصفني بالمراسلة و اني فتحت البوست تنفيس عن حاتم !! فما عارف الداعي ليها شنو سوى انك عايز بقصد او بدون قصد تفتح ليك جبهة معاي ! و يا كمان بتردد في كلام بعض الممغوسين ساي مثل حكاية تابع و مراسلة و حامل إبريق و خلافه !
و دا ياهو كلامك و إشارتك لي :
Quote: كدي حسة بلف الراحة الرسلت مساعد يايك يفتحوا ليك هنا عشان تسسسس تنفس ... ده خلي .
شفتا كيف يا خينا ! ما زلت أكن لك شوية احترام و لذلك خاطبتك بتحفّظ و مازلت بعيداً عن مرمى نيراني !!
فيا ريت ما تلخبت الكيمان ، عندك مشكلة مع حاتم ارجو ان تحسمها معه رجل لرجل و بعيداً عني ! و لو كمان قاصدني عديل برضو خليك واضح و بعد داك الحشاش يملا شبكتو و نحن كمان البقل أدبو معانا بنعرف نرد ليه صعلقتو و لو في راس سوسيو و هو بياكل !! 😏
Quote: جيت اسلم علي دكتور بوب وضيوفوا لانو المستنير ضحكني حتى بانت اللوز. قال ماحايقدروا يشاركوا "معانا" في البوست دا . لاحظ معانا ذكرتني الفار الراكب في ضهر الفيل وقال ليهو " شايف يا عمك الارض بتهتز تحت اقدامنا كيف؟ " والله يا مستنير انا بحبك لوجه ربي لدرجة اني بتصل تلفونات دولية على اصحابي لقراءة تعليقاتك. حسي البوست دا مكلفني 2.75 دولار. تحياتي
لا شمهندس محمد الشيخ سلامات ياخي .
المستنير مع انو تم تحذيره من دخول البوست لاكين شايفو جا قاطع بي جاي ! و كمان عايز يتفوجج ! زول ثقافتو الموسيقية بُنقز و دربكّة معقول يخدم البوست بي شيء ؟!! 😂
لو قيض لي ان اشتري تذكرة واحضر حفل ل ياني .. هل ساستمع لتسجيل مسبق واتمتع فقط برؤية ياني والعازفين وهم عاملين فيها بعزفوا؟!
لم أسال عن مايكل جاكسون ولا اسمها منو ريانا الخ .. ولم اسأل عن الاستعانة بكيبورد واحد او خمسة كيبوردات في الحفلات الحية ...
سؤال بسيط جدا
دكتور المشرف سلام شايفك مُصر على السؤال رغم انو مافي زول قال انو ياني سجّل الموسيقى في الاستوديو و جا المسرح عمل عرض صوري ساي ! و الكلام لم يكن بخصوص ياني تحديداً ! و لكن تمت الإشارة الى حدوث حالات عرض على المسرح لايف و المحتوى يكون مسجَّل مسبقاً prerecorded و دا ما شيء جديد او غريب ! و حصلت كتير ، و غالباً بتحصل مع الفنانين الذين يكون الجمهور حريص على مشاهدتهم لايف و الاستمتاع بالرؤية المباشرة لهم دون الحرص الشديد على محتوي الاغنية او الميوزيك و التي يمكن الاستماع اليها و بنقاء و جودة عالية من خلال اسطوانة !! هنا العامل البصري هو المهم ! و يتم توظيف التكنولوجيا كويس ! و تم ذكر نماذج لفنانين و مشاهير عملوا حفلات لايف على المسرح و كان المحتوى مسجَّل !! لا اعتقد ان ياني من ضمن هؤلاء و ما أفتكر في زول بدفع قروش و يدخل المسرح عشان خِلقة ياني او الاستمتاع بمشاهدته شخصياً
بل يتم السعي لمشاهدة موسيقاه لايف لما فيها من حيوية في الأداء و تفاعل مع الجمهور و غيرها لذلك ما عندها معني يعمل عرض fake و يجيب عازفين يعملوا فيها انهم بيعزفوا !!
.... اما ما قلته انا بخصوص الكيبوردات الخمسة و مضمون البوست انو فرقة ياني كاربة ما فيها كلام و و الموسيقى اكتر من رائعة و العازفين مافي أمهر منهم بس كمان اثناء العرض الإمكانيات الفردية المهولة البظهروا بيها في العزف مدعومة من ياني من خلال التلاعب بالكيبورد و مساندة العازف و اضافة شغل من عندو ! ....
Post: #73 Title: Re: بخصوص Yanni, يا حاتم رأيك مطلوب ! Author: MOHAMMED ELSHEIKH Date: 11-17-2018, 10:32 AM Parent: #72
يادكتور يخيل لي هناك حفلات مثلا لايتوفر فيها مجموعة العازفين المطلوبة فيقوم الفنان بتسجيل الموسيقى مسبقا ويجي المسرح يفتحها ويغني لايف والموسيقى مسجلة وانا حضرت حفلة للاخ الموصلي بمسقط بالحيثيات اعلاه .
يكون ماعارفني قاعد كان استعان بي ههههههه ( نتقمص شخصية بكور)
Post: #99 Title: Re: بخصوص Yanni, يا حاتم رأيك مطلوب ! Author: محمد حمزة الحسين Date: 11-22-2018, 10:46 AM Parent: #71
test
Post: #74 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-17-2018, 10:42 AM Parent: #1
مافي فرقة موسيقية بتخاطر بمستقبلها وتعزف على الآلات بدون تعديل أو حتى تسجيلات في الخلفية.
Post: #75 Title: Re: بخصوص Yanni, يا حاتم رأيك مطلوب ! Author: امير بوب Date: 11-17-2018, 11:53 AM Parent: #74
Quote: وانا حضرت حفلة للاخ الموصلي بمسقط بالحيثيات اعلاه .
يكون ماعارفني قاعد كان استعان بي ههههههه
يا هندسة ، نقصان الفرقة او غياب بعض الآلات ما مشكلة عادي بتسجّل الشغل الناقص و تلعبو في الخلفية ، دي ما فوكّا حاجة !
يستعينوا بيك انت بتعزف ( رِق) ولا شنو؟!!😂
المشكلة في السابق كانت في الشغل ال vocal و الأداء لايف على المسرح لأنو القدرة على التحكم في الصوت و تعديله و تغطية عيوبه كانت صعبة في الشغل اللايف لاكين مع تقنية Autotune live ، ممكن تجيب أي زول صوته أجش و مشروخ و تمسّكو مائك و يطلع يغنّي لايف و الصوت يطلع كأحلى ما يكون !
https://ibb.co/n7AzAL
جهاز واحد زي دا ممكن يحل مشاكل كتيرة و يخلق نحوم و فنانين من مافي !
بخصوص التسجيل و تشغيله اثناء الحفلات...كانت في فضيحة لفرقة ميلي فانيلي Milli Vanilli المشهورة في بداية التسعينات.
و هي فرقة شبابية ألمانية عالمية اشتهرت في نهاية الثمانينيات و بداية التسعينيات, تتكون من الشابين "فاب مورفان Fab Morvan" و"روب بيلاتوس Rob Pilatus".
من أشهر أغانيهم "Girl You Know It's True"
بعد نجاح عالمي قوي لمدة سنتان, افتضح أمر الفرقة خلال حفل موسيقي, أثناء تأديتهم إحدى أغانيهم تسبب عطب تقني في تكرار مقطع من الأغنية عدة مرات, كمحاولة للتغطية على الحادث, أكمل الشابين في الرقص للحظات قبل خروجهما من الخشبة. تبين أنهما لم يكونا يغنيان, بل فقط تسجيل صوتي !
لم تنته الفضيحة هنا اُكتشف فيما بعد أنهما لم يغنيا حتى أغانيهما, بل كانا يستعينان بمغنيين في الخفاء. هذا الحادث أكد شكوك المدير التنفيذي لMTV, حيث استغرب عند لقائهما أن الشابين لا يتقنان الإنجليزية بينما في الأغاني يظهر العكس تماما (أحد الشابين ألماني, و الأخر فرنسي). اضطرت الفرقة بعد ذلك إلى ارجاع بعض الجوائز التي ربحتها, لتنتهي المسيرة الفنية بعد سنتين من الشهرة, تلتها حياة من العار.
لم يستحمل أحد الشابين ما حدث, و بدأ في الإفراط في استهلاك الكحول و المخدرات ليتم العثور عليه ميتا سنة 1998.
في الفيديو الاغنية الفضيحة على المسرح تبدأ من الدقيقة 1:50
Post: #77 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-17-2018, 03:27 PM Parent: #76
احترمتهم والله شوف التربية، أول حاجة رجعوا الجوائز القديمة وطوالي خلوا الشغلانة.
Post: #78 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-17-2018, 03:32 PM Parent: #1
الشهرة في مجال الفن إدمان ومن الصعب على المغني تخيل انحسار الأضواء عنه
لذلك من المستحيل يغامر بأي خطأ ممكن يكلفه ابتعاد الجماهير ومستعد يركب أصوات فوق صوته ويعمل أي حيلة عشان يبدو في كامل لمعانه.
في موضوع الفضيحة اتخيل لي المنتج هو الورطهم في موضوع الانتحال (الفيديو الاول و التاني)
فعلا الشهرة ادمان, شوف جهجة احد اعضاء الفرقة وهو المتوفي بسبب الافراط في الكحول (الفيديو التالت)
Post: #84 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-17-2018, 04:25 PM Parent: #83
المنافسة العالية في المجتمعات المتقدمة بتفرض عليهم الأساليب دي بالإضافة لمهور ذواق ولا يرضى إلا بأعلى المعايير في كل شيء، نقاء الصوت وتجهيزات المسرح ودقة الرقصات ومن المستحيل إرضاء أذواقهم المتطورة جداً.
كلهم يعلمون أن أن هنالك تسجيل في الخلفية ولكنهم يرضون أنفسهم بأن الفنان الحقيقي موجود وأنه من قام بالتسجيل أيضاً فالتقنية مقبولة. المنتجين كذلك يستعجلون شهرة الفنان ومن وراءه الملايين، نفس ما يحدث مع المدربين في مجال الرياضة باللجوء للمنشطات بل ربما (تلفيق) المباريات بالذات في الملاكمة والمصارعة.
فلا يمكن على سبيل المثال تصديق أن مايكل جاكسون يغني بالفعل مع حادثة غريبة مثل هذه
بل ربما أضاف الحادثة تدبيراً كما يحدث هذه الأيام مع الكثيرين.
ومن المستحيل تصور أن البنات يقمن بالأداء على الهواء ومع ذلك يخرج الصوت بنقاء الأستوديو
ولو أن في الفيديو الأخير يمكن جداً أن المنتج قد ركب صوت الأستوديو على الحفل لإنتاج الأسطوانة لغرض البيع، المستمع في المنزل لن يقبل بصوت مسجل على الهواء مطلقاً.
وبالتأكيد لم يكن يعلم الكثيرون أن الأغنية المشهورة أدناه كانت مجرد تسجيل في الخلفية استغرقت أيام في الاستوديو لتسجيلها
ولو أن القصد منها كان البث على التلفزيون ولكن نفس التقنية مجازة للبث الحي.
Quote: رغم انو مافي زول قال انو ياني سجّل الموسيقى في الاستوديو و جا المسرح عمل عرض صوري ساي !
راجع انت بداية البوست وسياق المداخلة ادناه
Quote: وعادي ممكن يتم التسجيل في استوديو وإعادة العرض أمام الجمهور ما عادت مشكلة طالما التقليد جيد.
اتت بعد ادناه مباشرة
Quote: ياني بدأ بموسيقى الكترونية مكررة لفترة تزيد عن العشرة سنوات ومافي زول جاب خبره كان بيكرر ولسة بيكرر لو ركزت في بعض اعماله ما اشتهر إلا لما وظف الآلات الفولكلورية في مقطوعات بعينها.
وبالتأكيد ما كل المسموع طبيعي كل الكيبوردات مربوطة ببعض ودا كلامه هو ذاته بمعنى إنو العزف على واحد بيشغل الخمسة الباقيات ودي ظاهرة عند مينغ فريمان العازف بتاع السينثايزر أبو شعر طويل.
باقي الوتريات عاملين ليها تعديل صوت تقيل.
وده كلو وانت تتسائل عن ياني وبتقول كلامك القلتو في معرض اجابتك لي..
ده كان السياق .. وده المفهوم منو ..
المهم انك وضحت انو الفهم الممكن يكون وصل الناس ده ما صاح .. والامر بسيط جدا كما ارى.
اذا كان التسجيل واعادة التسجيل في الحفلات اللايف ما عيب .. ناس الفرقة بتاعين ناصر ديل رجعوا الجوائز ليه وتم احترامهم بهذا السبب؟!
نحنا ناس جايين نتثقف بس .. لا تبخلوا علينا
Post: #81 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-17-2018, 03:51 PM Parent: #80
لعدم الإجادة أمام الجمهور كان فشل.
____ لمجرد ذلك.
Post: #82 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-17-2018, 04:01 PM Parent: #1
Quote: وده كلو وانت تتسائل عن ياني وبتقول كلامك القلتو في معرض اجابتك لي..
ده كان السياق .. وده المفهوم منو ..
المهم انك وضحت انو الفهم الممكن يكون وصل الناس ده ما صاح .. والامر بسيط جدا كما ارى.
طيب، عليك تفهم إنو أشهر حفلات ياني هي الاتعملت في مسارح على الهواء الطلق لانو عنده حفلات تانية في صالات مغلقة زي كونسيرتاته في ألبرت هول
حفلات الصالات ممكن لحد ما يكون الأداء مزدوج بعضه حقيقي والكثير مسجل أما من ناحية التعديل فدا 100% حادث، ولما نقول تعديل دا بيعني إنو كل الآلات الأنت سامع صوتها دي أصواتها غير حقيقية، يعني أجريت ليها معالجات فورية في نفس لحظة العزف، دا بالنسبة للآلات البتعزف بالفعل.
الحفلات في الهواء الطلق ما ببساطة مايكات وسماعات، لأنو الصوت بينطلق في اتجاه واحد ويتبدد وكل المؤثرات المتوقع توجيهها للجمهور ما بيحصل عليها وهي كتيرة جداً على مستوى الآلة ربما أكتب عن بعضها هنا.
لذلك بيتم إضافة التأثيرات في تسجيل احترافي (استوديو) وإعادة البث بالترافق مع وجود العازف.
أغنية شرحبيل الفوق قد تبين الفرق وما أحاول أن أقوله هنا.
____ مطروح تساؤلات عن تسجيلات خلفية في موقع ياني أعلاه.
Post: #85 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-17-2018, 04:42 PM Parent: #1
موريد نيسبت عازفة ماهرة لكن من المستحيل تعزف مع الأكروبات والجري الكمان أصلا من الحساسية بحيث أنه استبعد في المارشات العسكرية فكيف يتم عزفه أثناء الركض والقفز
الانغماس في الاستمتاع بالمشهد ينسي الحضور التفكير في احتمال التسجيل، نفس الشعور عند المشاهد للسينما، يذهب بإرادته وهو يعلم سلفاً أنه سيتعرض للغش والخداع البصري، لكنه مع ذلك يستمتع بمشاهدة البطل
____ بالله البنات زي الرصاص، ما تعرف تعاين لياتا، عيونك يبقن 16 ههههه.
Quote: اذا كان التسجيل واعادة التسجيل في الحفلات اللايف ما عيب .. ناس الفرقة بتاعين ناصر ديل رجعوا الجوائز ليه وتم احترامهم بهذا السبب؟!
دكتور المشرف سلامات... ناس الفرقة دي مشكلتهم حتي المسجل دا ما صوتهم،في واحد صوته جميل تلقاهو في الفيديو الاول المداخلة السابقة، بجي يغني و يسجل لهم وهم فقط lip-sync and dancing وبالخدعة دي فازوا بجائزة غرامي الي ان افتضح امرهم في حفلة لقناة MTV
شكراً على مداخلتك تصدِّق يا ناصر انو آخر موسم من برنامج The Voice برضو أثار ضجة هنا حيث كان يتم عرضه بإعتباره لايف و اخيراً تم اكتشاف انو العروض كلها كانت مسجَّلة !!
اميركو ...سلامات في حلقة لي X Factor UK 2018 قبل فترة وانا متابع قام سايمون باستبعاد احد المشاركين بسبب التسجيل المسبق وايهام الحكام و الجمهور بانه غناء لايف...المشارك تقبل الامر باريحية و انسحب.
Post: #89 Title: Re: بخصوص Yanni, يا حاتم رأيك مطلوب ! Author: محمد حيدر المشرف Date: 11-18-2018, 04:12 AM Parent: #1
شكرا حاتم على الاجابة ..
Post: #90 Title: Re: بخصوص Yanni, يا حاتم رأيك مطلوب ! Author: Ahmed Yassin Date: 11-18-2018, 06:34 AM Parent: #89
Quote: ومن الصعب على المغني تخيل انحسار الأضواء عنه ذلك من المستحيل يغامر بأي خطأ ممكن يكلفه ابتعاد الجماهير ومستعد يركب أصوات فوق صوته ويعمل أي حيلة عشان يبدو في كامل لمعانه.
الله يكون في عون الطيب عبدالله - محمد ميرغني - النور الجيلاني - عثمان مصطفى -بالاضافة لى احمد الصادق معقول التقنية الحديثة دي ما سمعوا بيها متعهدي الحفلات؟ ولا شنو يا بوب ؟
Post: #91 Title: Re: بخصوص Yanni, يا حاتم رأيك مطلوب ! Author: امير بوب Date: 11-18-2018, 09:40 AM Parent: #90
انت يا احمد ياسين بتعزف شنو ..... مندلين ؟😂😂
Post: #92 Title: Re: بخصوص Yanni, يا حاتم رأيك مطلوب ! Author: حاتم إبراهيم Date: 11-18-2018, 01:54 PM Parent: #1
Quote: معقول التقنية الحديثة دي ما سمعوا بيها متعهدي الحفلات؟
معقول جداً. بتذكر سمعت شريط كاسيت لمصطفى فيهو الموسيقى حديثة والغناء قديم لكن الفرق واضح للسمع، فدي أقصى حاجة قدروا يعملوها أظن.
بس مع الميلوداين ممكن يتم إعادة انتاج حتى أغاني الحقيبة المشخشخة.
حتى على مستوي الكلمات.
Post: #93 Title: Re: بخصوص Yanni, يا حاتم رأيك مطلوب ! Author: معاوية المدير Date: 11-21-2018, 06:32 AM Parent: #92
UP
Post: #94 Title: Re: بخصوص Yanni, يا حاتم رأيك مطلوب ! Author: احمد حمودى Date: 11-21-2018, 11:44 AM Parent: #93
بمناسبة ماريا كاري الجبناها فوق عرضاً الزولة دي ماهلة في كل شيء ! مستحيل تكون طبيعية 🙄
يا حاتم لاقاك زول تاني بالمدى الصوتي بتاعا دا سبعة Octaves و ما فوق !😳 و الاغرب من كدا قدرتها السريعة للإنتقال من اوكتاف للتاني زي الماف حاجة ! عادي ممكن تقوم من ال C1 و ما ما تقيف الا في G10
قال لي قبلونا في جامعة الخرطوم زمن كان ما في واتس اب ولا في أي حاجة وبعد كم شهر اتعلمت لي كم مصطلح كدة قلت اتجدع بيها على أصحابي ، قال قابل واحد بلدياتو وسألو قال ليه بتعرف الفيديو كليب ؟