Post: #1
Title: اول ظاهرة شغب في تاريخ الكرة السودانية
Author: بلدى يا حبوب
Date: 11-13-2018, 04:40 PM
03:40 PM November, 13 2018 سودانيز اون لاين
بلدى يا حبوب-kahrtoum
مكتبتى
رابط مختصر | Quote: لامح هلالية : - في العام 1960م .. سافر الهلال الي السعودية بدعوة من اندية "الاتحاد والاهلي والوحدة" .. كسب مبارياتها الثلاثة .. وتبرع بدخل مباراته مع الاتحاد لصالح التعليم بالمملكة ..! - في العام 1932م وفي مباراة بين الهلال والمريخ في ميدان "سوق القش" كان الهلال متقدما علي المريخ 2/1 .. وعندما احتسب حكم اللقاء "سليمان العتباني" ضربة جزاء لصالح الهلال دخل رئيس نادي المريخ الملعب حاملا "عصي" ضرب بها الكرة .. ورفض تنفيذ ضربة الجزاء صائحا : "ده كلام فاااااااارغ" وطلب من اللاعبين الخروج من الملعب وعدم اكمال المباراة و كانت هذه اول ظاهرة شغب في تاريخ الكرة السودانية : يا جماعة .. هي الشعلة اتاريها خربانة من كبارها ..! - وفي العام 1932 م طلب المريخ من "طلعت فريد" الانضمام لهم .. فوافق شريطة ان يتم تغير اسم المريخ الي اسم الاهلي .. حيث تم فعلا وفي نفس العام تغير اسم الفريق الي اسم الاهلي : الناس ديل من زمااان ما عندهم عهد ولا مبدأ .. بس بيع وشراء .. بيع وشراء حقو يسموهم نادي "ابيع نفسي" - في عام 1935م .. كانت المباراة معلنة بين المريخ ومنتخب الجيش البريطاني .. فتخلف منتخب الجيش وحدث هرج ومرج بين الجمهور .. فتقدم كابتن طلعت فريد لكابتن المريخ بمقترح ان تكون المباراة بين الهلال والمريخ .. فوافق كابتن المريخ ... وسريعا تم تجميع لاعبي الهلال والذي كان جزء منهم وسط الجمهور لمشاهدة لقاء المريخ والجيش تقدم المريخ بهدف .. عادله الهلال سريعا ثم تقدم بهدف "طلعت فريد" لينسحب لاعبو المريخ بحجة ان الهدف كان تسللا .. ورفضوا تكملة المباراة .. فهتف الجمهور "حفاية عراية .. أتنين كفاية" - الهلال اول فريق سوداني كان لدية احذية كرة قدم استجلبها من "لندن" لم يتفوق عليه في ذلك الا الفرق البريطانية الموجودة في السودان ..! - رئاسة بالانتداب : في العام 1940م تقدم وفد من نادي المريخ بقيادة "محمد علي بخيت وسليمان العتباني" بطلب للهلالي السيد "محمد عامر بشير فوراوي". ليتولي رئاسة نادي المريخ ليضع لهم "هيكلة" لناديهم واعداده علي اسس نادي الهلال .. فإشترط عليهم موافقة اهل الهلال في ذلك .. فوافق اهل الهلال علي ذلك وتراس "محمد عامر بشير فوراوي " نادي المريخ لمدة عام و تقولي شنو ؟ وتقولي منو؟ يا ضلنا .. ويا ........ !! - في العام 1950م .. طلب المريخ من الهلال التباري معه وديا .. والتنازل له عن دخل المباراة لمقابلة تكاليف رحلة المريخ لمصر والتباري مع فرقها .. فوافق الهلال علي ذلك : شفتوا كيف .. حتي خزينتكم نحنا الكنا بنملاها ليكم قروش عشان تلعبوا برة .. وهسة نحنا البنجيب ليكم النقاط البتخليكم تلعبوا في تمهيدي الكبار .. تاني نسوي ليكم شنو ؟ - في العام 1964م .. خاطب مجلس ادارة نادي المريخ مجلس الهلال للموافقة علي اللعب ضد الاسماعيلي المصري الزائر والتنازل عن دخل المباراة لصالح تكملت مباني استاد المريخ .. فوافق مجلس الهلال واقيمت المباراة يوم 30/9 : يعني نحنا لما قاعد نقول ليكم الاستاد ده عندنا فيهو نصيب صدقونا .. استادكم ده نحن البنيناهو ليكم ..! ياولد .. اقعد في الضل بي ادبك ..!! - في العام 1966م وفي دورة "كاس الرئيس موبوتو" .. فاز الهلال علي فريق "الداقوون الكنغولي" 4/1 .. ونال كأس البطولة ..! "نواصل" |
|
Post: #2
Title: Re: اول ظاهرة شغب في تاريخ الكرة السودانية
Author: بلدى يا حبوب
Date: 11-13-2018, 04:46 PM
Parent: #1
الكلام ده فى الفيس بوك تحت عنوان الهلال السودانى
اه صحته شنو يا اهل الرياضة
h
لمصدر https://ar-ar.facebook.com/HILAL.ALZAEEM/posts/https://ar-ar.facebook.com/HILAL.ALZAEEM/posts/
|
Post: #3
Title: Re: اول ظاهرة شغب في تاريخ الكرة السودانية
Author: علي عبدالوهاب عثمان
Date: 11-13-2018, 04:53 PM
Parent: #2
في العام 1960م .. سافر الهلال الي السعودية بدعوة من اندية "الاتحاد والاهلي والوحدة" ..
كسب مبارياتها الثلاثة .. وتبرع بدخل مباراته مع الاتحاد لصالح التعليم بالمملكة ..
=============
الحبيب يا حبوب .. تحياتي ..
إن شاء الله غداً في المكتب .. أطقطق زميلي السعودي
تحياتي ..
|
Post: #4
Title: Re: اول ظاهرة شغب في تاريخ الكرة السودانية
Author: نادر الفضلى
Date: 11-14-2018, 06:12 AM
Parent: #3
Quote:
- الهلال اول فريق سوداني كان لدية احذية كرة قدم استجلبها من "لندن" لم يتفوق عليه في ذلك الا الفرق البريطانية الموجودة في السودان ..!
- العام 1966م وفي دورة "كاس الرئيس موبوتو" .. فاز الهلال علي فريق "الداقوون الكنغولي" 4/1 .. ونال كأس البطولة ..! "نواصل"
|
كامل المقتبس حكى فارغ وما بيستاهل نقله .. أقبست نقتيت:
الهلال أول فريق سودانى يليس أحذية إستجلبها من من لندن تفوق عليه الفرق البريطانية بالسودان ... المريخاب بيناكفوا الهلالاب
بالمستر كلارك ترأس نادى الهلال (نادى الوطنية) .. يكون كلارك هو الإستجلب الأحذية من لندن أسوة بالفرق البريطانية بالسودان
(كلهم فى الهوى سوى) ..
أما كاس الرئيس موبوتة 1966 نسب لأن التاريخ نسبيا قريب .. فهذه الفرية قد تم تأكيد كذبها وشهد شهود العيان بأنها أكذوبه
منهم الكباتن سبت دودو وجكسا والصحفى المرافق دكتور كمال شداد والصورة المتداولة التى على أسسها تم صناعة الكذبة
صور لاعب الهلال إبراهيم يحيى الكوارتى أخت الرئيس موبوتو تهديه كأس صغير الشهود قالوا إعجابا بكورتو ..
ويبدو إعجابا به ! كما أن كوارتى لم يكن كابتن الهلال ليتسلم كاس بطولة، فالكابتن سبت دودو كان حاضرا ولاعبا ..
دا بس عشان تعرف الحكى كله فارغ وبجيب ليهم الهوا
|
Post: #5
Title: Re: اول ظاهرة شغب في تاريخ الكرة السودانية
Author: محمد جلال عبدالله
Date: 11-14-2018, 06:48 AM
Parent: #4
الأخ بلدي يا حبوب .. تحية طيبة
| Quote: عادله الهلال سريعا ثم تقدم بهدف "طلعت فريد" لينسحب لاعبو المريخ بحجة ان الهدف كان تسللا .. ورفضوا تكملة المباراة |
في عام 1935 هل كان في حاجة اسمها التسلل في كرة القدم؟ 
|
Post: #6
Title: Re: اول ظاهرة شغب في تاريخ الكرة السودانية
Author: MOHAMMED ELSHEIKH
Date: 11-14-2018, 07:18 AM
Parent: #5
ود جلال يا خطير تتصور:
| Quote: طبق قانون التسلل الحالي في العام 1974 وتم تطبيقه في بطولات كأس العالم. |
|
|