Post: #1
Title: بهدوء جدا وزارة العمل
Author: عبدالحفيظ ابوسن
Date: 11-13-2018, 07:07 AM
06:07 AM November, 13 2018 سودانيز اون لاين
عبدالحفيظ ابوسن-no where
مكتبتى
رابط مختصر أعلنت وزارة العمل عن استقدام عدد (1816) أجنبيا للعمل في البلاد، بجانب استخدام عدد (27.805)مواطناً للعمل بالخارج، وأكدت الوزارة عن وصول قانون العمل الجديد مراحل متقدمة ﻹجازته بعد التوافق عليه من قبل الشركاء الاجتماعيين.
وكشف وزير الدولة بالعمل خالد حسن خلال تقديم بيان اداء الوزارة أمام البرلمان أمس، عن تعيين (1386) خريج، وتعهدت الوزارة بالتسوية وحسم النزاعات الودية بالطرق السلمية من خلال رفع مستوى الحوار بين الأطراف الثلاثة ( الحكومة ، اتحاد العمال، أصحاب العمل)، ووضعت الوزارة ثلاثة برامج تفصيلية في خطتها حتى العام2020 تتضمن 15 مشروعا بكلفة بلغت 2 مليون دولار و(742) مليون جنيه.
منقول
|
Post: #2
Title: Re: بهدوء جدا وزارة العمل
Author: عبدالحفيظ ابوسن
Date: 11-13-2018, 07:11 AM
Parent: #1
ملخص البيان
جابت 1816 اجنبي للعمل بالسودان
شغلت 27805 سوداني برة السودان
ستقوم بتقديم قانون عمل جديد
عندها 3 برامج بي 2مليون دولار و 742 ج
|
Post: #3
Title: Re: بهدوء جدا وزارة العمل
Author: عبدالحفيظ ابوسن
Date: 11-13-2018, 07:22 AM
Parent: #2
كمواطن بسيط داير اعرف العمالة الجابها دي رغم تواضع رقمها 1816 نفر . جات عشان تشتغل شنو هنا بالضبط ؟ ياتو تخصص يجيدونه و غير موجود عندنا هنا ؟
وكمواطن عرفت من البيان دة ولا التصريح دة انو وزارة العمل مجضمة شغلها وعارفة الداخل ومارق في سوق العمل ولو كانوا دون الألفين عامل . فدي فرصة اسألها عن ملايين العمالة الرثة ( الرثة كمصطلح وليس وصفة ) الموجودة بالسودان جابتهم هي ولا خشو ساي كيري ؟
نقول خشو كيري تبع وزارة ما بتخصها يعني ما شغلها خشو كيف . طيب لكن جو واشتغلو في صميم عملها كوزارة عمل . وهي صحي ما بتقدر تتابعهم لكن ممكن تتابع الناس والمؤسسات البتشغلهم بوضع قوانين جديدة برضك .
والامر مفهوم ليه تهتم بحصرهم ووضع القوانين والضوابط
غايتو لو ما عارفة ليه الرماد كال حماد
|
Post: #4
Title: Re: بهدوء جدا وزارة العمل
Author: عبدالحفيظ ابوسن
Date: 11-13-2018, 07:29 AM
Parent: #3
لي فترة طويلة داير لي جهة اسألها من الاعداد المهولة للاجانب والعمالة غير الماهرة
شغالين طلبة في البنيان وعمال مطاعم
وستات شاي
وبيع عدة واعمال هامشية جدا
ويسكنون في تجمعات وسط الاحياء
ويتحركون في مجموعات
وسواقين عربات وركشات
ومش كدة وبس وحتي ممارسة الخداع المفروض ان يكون دة شغل ناس البلد . يعني دكاترة مزيفين
ل شنو داير اعرف
هل الوزارة عندها احصاء بيهم . احصاء تفصيلي بعددهم وطبيعة عملهم
اقلاها نشوف العدد البسيط دة ممكن يكون كارثي زي المثل
القندول الفنقل الريكة
|
Post: #5
Title: Re: بهدوء جدا وزارة العمل
Author: عبدالحفيظ ابوسن
Date: 11-13-2018, 12:47 PM
Parent: #4
شوفو الدقة دي بي الله
وكم وعشرين ألف و خمسة 😆😆😆
الموضوع حسابات وارقام
عشان كدة داير اعرف دلوقتي كم عدد العمالة الاجنبية بالسودان ؟
اتنين توزيعهم الجغرافي ؟
تلاتة تخصصاتهم ؟
عشان اقلاها نعرف كدة كفاية ولا دايرين 1816 الجداد ديل ؟
ولا ننقصهم ؟
ولا اصلا ما محتاجين ليهم في بلد تصدر النبق والدكاترة
|
|