هجم النمر ..!! هجم النمر ..!! هجم النمر ..... خلاس تطبيقات Sudaway العملاقة حا ترفرف في الاسافير ..

09:19 PM November, 10 2018

سودانيز اون لاين
توفيق عيسى مكي-
مكتبتى
رابط مختصر

عشان هي عملاقة ...
اخدت زمن ..

وعشان برغم تكلفتها العالية ...
ارتضيت امول بشخصي الضعيف اهم عمل محتاجه السودان في هذا القرن ..
ونجحت الف % ...
اخدت كل هذا الزمن

عشان هي عملاقة كل ما نقول انتهينا ...
نلقى نفسنا كأننا بنبدأ من الاول ..

قبل ما نخش في صلب ما دايرين نوصله ....
كدي نقرأ رسالتنا الأخيرة في السوشال ميديا ...

Quote: مؤسسة الشفافية للخدمات التجارية ترنسبيرنسي للخدمات تطبيقات Sudaway استديوهات الشفافية المتطورة ++++++++++++++++++++++ لما نقول تطبيقات انتاجية بنعني بتهتم بالنواحي الانتاجية في قطاعاتنا الرئيسية مثل الزراعة والصناعة والثروة الحيوانية والمعدنية وده يا أخواننا شغل ما ساهل ومن خلاله بيتم تطوير القطاعات المعنية التي يستهدفها التطبيق المعني وهي نسبة لامكانياتنا المادية الذاتية اختصرناها في خمسة تطبيقات تحوي خمسة وعشرون قطاعا تجاريا وتقليديا +++++++++++++++ ما عندنا اي تحفظات او اي مانع ان نعطي فكرنا للدولة فالهدف دائما رفعة بلادنا الحبيبة السودان وان نساعد المهتمين ان رأينا بعض الجدية فننسق ان نعمل معا ونعطي من فكرنا المتطور جدا لنخدم معا بلادنا ولكن بما لمسناه وبطريقة تفكير بعض المسؤلين فيما يهمنا من تخصصنا كان محبط جدا ومستفذ تجاوزناه بعين واعية حكيمة بصيرة وهدف جيد نبيل وها نحن اليوم نعلن بأن ايادينا ومكاتبنا وكل ما امتلكناه يمكن ان نساهم به معا لرفعة بلادنا وتطورها ++++++++++++++++ بنبدأ مثلا في تطبيق الزراعة من ذرات التربة نحللها في كل منطقة من مناطقنا الصالحة للذراعة لنعطي الزارع افضل الخيارات للمناسب له والوقت والافضل في طريقة الري وما يحتاج من نوع سماد ويوفر التطبيق كيفة احضاره مرورا بتكنلوجيا متقدمة جدا في حصاد انتاجه مع افضلية الخيارات لافضل سبل تسويق انتاجه ويوفر كل كل الاسواق والاسعار المحلية ثم البورصات الرئيسية ثم افضلية تصدير انتاجه وما يحتاجة من اوراق لعملية الصادر واسهل طرق الترحيلات من ارضه حتى ان اراد لخارج السودان فهذا جذء من تطبيق يحوي ثلاثة قطاعات حيوية +++++++++++++ بنحمل فكر كبير فوق تفكير العقول المتحجرة المستفذة التي تتحكم في ادارة قطاعاتنا الانتاجية اليوم ونأمل تفسح المجال لقيادات شابة متنورة متطورة تقدر ان تفهمنا ونقدر ان نتعامل معها ونعلم يقينا اننا لو كنا في بلاد متحررة فكريا بعض الشيئ منذ بدأنا قبل خمسة سنوات هذا العمل الملح جدا لاستطعنا اليوم ان نسبق كثير من بلدان العالم المتطور في استخدام التكنلوجيا لزيادة الانتاج وخلق طفرات غير مسبوقة في افريقيا نحن اكبر بنك معلومات تجارية عن السودان في العالم نحن الرواد في هذا المجال بلا منازع نحن الذين نعشق تراب هذا الوطن ونحبكم بالجد كثيرا

عشان لو في زول ما عنده فكرة
يتابع ...
ويقدر يستوعب الكلام الجايي

هو الزول لما يكون بالفعل امير ... يعني شنو ....
معناه انسان همه الاول والاخير بلده وانسان بلده
ما ساكي شهرة ولا قروش ولا منفعة شخصية لكن انسان همه مصلحة امة وبلد كامل
ومستعد يضحي بحياته عشان الحاجة دي
وما قصر واحتكر العمل لنفسه بل فسح الجال للناس تشاركه وهو موقن في زمن الفساد الضارب بلادنا زول بشارك مافي عشان لم يصل الناس تقدر تفرز بين الامير والحمير ...

مثلا تطبيقنا بتاع الزراعة ...
من البداية ختينا هدفنا :
البستخدم تطبيقنا لو كان انتاج فدانه 5 جوال يصير 20 جوال بالتقانة والتكنلوجيا
وكمان يقدر يعرف بيانات كاملة عن ارضه وموقعها من الاعراب بكل التفاصيل البحتاج ليها في العملية الانتاجية من القاع او اصل بدايته لزراعته
والمامه بما يجب عليه زراعته تقنيا
والمامه بالاسعار المحلية والقومية والعالمية
واسعار ترحيلاته حتى خارج بلده
وافضلية بيع محصوله وتسويقه
وكله قدامه واضح بالقمر الصناعي شوف بيان وعيان ومباشر
وعشرات وعشرات الخيارات البيوفرها ليه التطبيق
البلد محتاجة شغل على زيادة الانتاج وبطريقة علمية عملية حديثة ساهلة في متناول اليد مجانية لحد ما
ده للزول الجوة السودان ....!!!
اما المستثمر الخارجي التطبيق بيوفر ليه اهم بورصة
اها كيف اهم بورصة للسلع الزراعية
دي بالظبت ماخدة مننا عمل سنتين وخبرة سنتين قبليها وسابقة الدول الجنبنا بسنتين ضوءيات

بقينا بنشوف نجاحنا قدام عيوننا ....
خلال ساعتين زمن من صباح اليوم تلاتة اتصالات من شخصيات نافذة وعالمة
بتطلب عرض شغلنا لمعتز موسى الزول جادي وانتو ما يحتاجه
لكن .........
غايتو ....
المتابعني عارفين ...

خمسة سنوات متواصلة ليل ونهار شغالين لبلدنا بحب ...
بندفع كل يوم دم قلبنا بسعادة غامرة ..
عشان الصروح العملاقة تقوم وتفيد بلدنا البنعشقها
صاح في ناس مريضة معفنة استرزقت من فكرنا ....
وفي ناس ما تامين ناس خمسة سنوات بيحبطوا فينا ...
وفي ناس من شدة حسدهم وبخلهم كلمة الله يوفقكم استكتروها فينا .....
عجبا .... يا بعض ناس بلادي الحبيبة ...

قلنا القطاعات التجارية التقليدية في السودان 25 قطاع
وقلنا في عشرة قطاعات حديثة انتشرت في كل العالم المتحضر
دايرين نوطنها في بلدنا
الليلة بدينا واهدينا اولها لمؤسسة ووريناها كيف تشتغلها
ولو حبت بندفع تكلايف بدايتها نحن
ومت شاء الله بدو وبداية قوية جدا

بنركب الدفارات مع الغنم والحمير عشان نجيب معلومات بالكون وقروش تسندنا نكمل .....
وبعض الجاهلين واقفين بجنبات الطريق يهللوا ويصفقوا للراكب الكروزر والبرادوا عشان فطسهم وافسدهم ونهب خيراتهم بالمليارات وهربها .....
نحن بننظر بعيد جدا
كل مرة بنقول هجم النمر ... هجم النمر .. هجم النمر ...
وفي الحقيقة نحن اسد عشاري ههههههه

ما باقي لينا غير استديوهاتنا ...
وهنا نقف عن الكلام ///

ألف مبروك يا توفيق يا فردة،
يعني ممكن هسى ننزل التطبيق؟!
طبعا اخوك متابع الموضوع
وقافل عليهو كرت بين جوكرين،
وكمساهمة مجانية مني، ح أعمل ليك دعاية
في إعلانات سودانيز اون لاين
والراكوبة

ما بتقصر يا النزير يا اخوي لكن يادوب الشركة المصممة وهي الذهبية لتقانة وتكنلوجيا المعلومات بعد تلاتة او اربعة ايام حا ترفعه في السيرفر ونبدأ تغزيده بالداتا ليكون جاهز للناس
ودي مرحلة تعبنا تعب شديد وتعب خرافي لنصلها

على وشك ....

Quote: وفي الحقيقة نحن اسد عشاري ههههههه

تمسااااااح .. تمساح يا أمير ,,,
أسد شنو كمان العشاري ده !! ..

Quote: تمسااااااح .. تمساح يا أمير ,,, أسد شنو كمان العشاري ده !! ..

دي بسموها يا جمال يا اخوي بلاغة الملوك والامراء ...
يعني لو ختيت تمساح قبل الاسد بتديك معنى ...
ولو ختيت تمساح بعد الاسد بتديك معنى تاني ...
ولو حزفت كلمة تمساح بتديك المعنى المقصود القاصده انا ...
اها فهمت ولا اشرح اكتر

صادق الامنيات بالنجاح والتوفيق

تشكر أخي محمد حيدر المشرف ...
اهي كلماتكم البسيطة دي بنشوفها حاجة كبيرة بتدينا دافع نعمل كل مافي وسعنا