Post: #1
Title: الباش قُوالات
Author: محمد عبيد الفاضلابى
Date: 11-06-2018, 04:11 PM
Parent: #0
03:11 PM November, 06 2018 سودانيز اون لاين
محمد عبيد الفاضلابى-
مكتبتى
رابط مختصر الباش قوالات
__________
محمد عبيد الفاضلابي
الباش قوالات
العمم الكواذب
والعقالات..
اللي هم..
رسموا الحريق
من صوف تجارتم المريضه
وباعوا أسنان المرايات..
انا شفتهم
في كم مجله بيرسموك
زي نايمه عينيك
في الضفور
وملصقنك
من صناديق .
قالوا يشربوا من حسيسك
لخبطوكي مع البخور
هم لوبي... ولوبي واسع
إمتدادم من ضميرك
شكلي دائره
لحدي ما يطلع هجيرك
من هجيري.
هنا بتكبر الدايره الكبيره
القالوا ليك
لفي..
إستديري
فرجينا على جراحك
وإلتهاب غلطك وصاحك
إستجبتي
قمتي لفيتي
اللفافه
وانتي غيرك ... ماكي انتي
من قفاك شفنا الفضيحه
ومن امام الطله
خرشه
وبين جناب الوهمه
ورشه
ودسوا قلبك في السديري
وإ ستقلتي..
لا عرفتي تمصي مخك
من مضخك
لا جمع زولا يكوس
فتش لقلبو
هنا .. بتطلع الناس للاجازه
بيطلعوا ...
وكل شافع شال على كيفو الجنازه.
حلاوه .. حربو
الباش قوالات
كلهم حاضرين توارخم البليله
الشوارع قسموها على الصحابه
والاحاديث الشقيه
مطوا مصرانه وسرابه
...
اليمين شربك شمالو
وإتجاهاتك .. خطيري
محمد عبيد الفاضلابي
|
Post: #2
Title: Re: الباش قُوالات
Author: muntasir
Date: 11-06-2018, 05:24 PM
حمدلله على السلامة يا فاضلابي
|
Post: #3
Title: Re: الباش قُوالات
Author: محمد عبيد الفاضلابى
Date: 11-07-2018, 05:00 PM
Parent: #2
الله يسلمك يا حبوب
|
|