سلام للجميع... ومحبه

03:05 PM November, 06 2018

سودانيز اون لاين
محمد عبيد الفاضلابى-
مكتبتى
رابط مختصر

الشـجـر

الشجر
البقوم فِ النيل
ببقى مُزهر طول حياتو
وإنت
لو ختيت فِ بالك
تبقى زيّو
بتبقى زي الأرض
لو شاقيها نيل
إخضرارك
مُنتشر في كل جهاتو
أفصل الريح عن جناها
لحوجتك
وأغسل الصوت
من ضحك
كل النباتات السغار
اللاقتك
برجع الليل
فتحه فِ النوم والحلم
وبرجع اللون
... جرحه في الغربه ولغاتو
وبعرفك
تسقي بالليف من سبيل
والبفضّل من بِذورك
كلو للزول البزورك
فِ الكتيره و ف ِ الشويه
مع بناتو
كيف بتفصل
طبعك الذوق الأساس عن أصلو ؟
وين تصفـّي المويه منـّك ؟
وكيف تصفـّر
بي فصوص ناشفه
وتغنـّي عن اليباس ؟
عن شهوتك فِ العُزله
وين ؟
وين بتلقى محله زاتو ؟
تحفظ الحاجات فِ حتـّه
وإنت عُمرك
مانكرت جميل
ميقـِّن
في مواعيدنا ... وثباتو
وكيف ؟
كيف تنقـِّع حزنك
الناخب بلادو
والمصابين بالصياح ؟
وأنا بعرفك
تبصق النكهة
المعلمه فِ المطر
من طين
وتدّيو أمنياتو
وبعرفك
حي مُدّخر
ممكن تناضم الطير
يلبِّن
كيف تجرِّح صوتك
العارف سُكاتُو
بالعيون الشافت أكتر
من جِراح
وتغلي زي ما كأنَّك إِنت المُعترِف
بالنار
وبالناس اللِي فاتو
يا عنصرين
علمتنا نشوفك سعيد
خلّي السعاده تخُشنا
ح نبني جمبك عشنا
حيران طريقه
وأغنيه
مَ الجار القريب للنيل
بتبقى منك أغنياتو .
:

محمد عبيد الفاضلابي