ولأول مرة أعرف أن المرحوم سيد خليفة غنى بثلاث لغات مختلفة في تحيته البشوشة لكل إخوتنا في شرق القارة ولا أقول إثيوبيا فقط فهم نحن ونحن هم.
حييناهم فردوها بأحسن مما فعلنا، يؤدون أغنياتنا الآن بأفضل مما نفعل، شكراً لكم ملوك القرن.
الشحنة الإيجابية التي تلقتها الطفلة في الدقيقة الثانية لو وزعت على أطفال الخرطوم لفاضت عنهم.
____ سيد خليفة بوجهه البشوش قال التحية بلغات الأمهرية والتغرينيا والأورومو، فضج الأستوديو بالزغاريد.
Post: #2 Title: Re: فقد كنا أقرب Author: حاتم إبراهيم Date: 11-04-2018, 06:10 AM Parent: #1
في تعليق لأخ إثيوبي ذكر أن عبد العزيز المبارك يؤدي الأغنية بصوت محبب كالطفل يقصد طريقة النطق بالأمهرية.
Post: #3 Title: Re: فقد كنا أقرب Author: Haytham Ghaly Date: 11-04-2018, 06:12 AM Parent: #1
Quote: حييناهم فردوها بأحسن مما فعلنا، يؤدون أغنياتنا الآن بأفضل مما نفعل، شكراً لكم ملوك القرن.
والله فعلاً يا حاتم ردوها باحسن مما فعلنا بكثير
بالله شوف الشاب دا بجضم ربيع الدنيا كيف
Post: #6 Title: Re: فقد كنا أقرب Author: حسن ادم محمد العالم Date: 11-04-2018, 06:46 AM Parent: #3
ياسلام ياحاتم ذكرت مكانا عزيز علي تعرف يا حبيب كل المقاهي في الويك اند حريصة علي الأغاني السودانيه ترديدها بطريقه يحسدها عليهم كبار الفنانين عندنا من اجمل المشاهد التي تدل علي تأثير الوجدان السوداني عند اهلينا الحبش ما ان ذهبت مقهي وانت سوداني الا قام صاحب المقهي بتغير الشريط الي أغنية سودانية بصوت اثبوبي التحية والرحمة لسيد خليفه وردي وعبدالعزيز المبارك وياسر تمتام وطلاهون دسسا وتقس وتيدي حنه وكل اللذين يرددون الأغاني السودانيه
Post: #4 Title: Re: فقد كنا أقرب Author: حاتم إبراهيم Date: 11-04-2018, 06:34 AM Parent: #1
ترجموها بالأمهرية إلى (ትዝታ አያረጅም) Tizita Ayarejim ذكريات خالدة!
والتيزيتا في إثيوبيا مصطلح لصنف من الأغنيات تماثل في قيمتها (أغاني الحقيبة) عندنا.
___ وغناها منليك ووسناجو، من أشهر الفنانين.
Post: #5 Title: Re: فقد كنا أقرب Author: حاتم إبراهيم Date: 11-04-2018, 06:39 AM Parent: #1
أيوة يا هيثم صدقت
لأول مرة أشعر بفرايحية الأغنية دي بصوت تيلاهون الصغير في نسختها السودانية تحس فيها بشجن وحزن بينما الكلمات أصلاً يفترض تكون بهيجة وفرحة
اسمو أبنيت قرما (Abinet Girma) بيلقبوهوا بتيلاهون الصغير (Tinishu tilahun)
____ فهم معاني الكلمات فأداها بأفضل ما تكون وبما يجب أن تكون.
Post: #7 Title: Re: فقد كنا أقرب Author: Haytham Ghaly Date: 11-04-2018, 06:55 AM Parent: #5
Quote: لأول مرة أشعر بفرايحية الأغنية دي بصوت تيلاهون الصغير
طبعاً هم فرايحيين بطبعهم وفرحهم دايماً ينعكس على ادائهم الغنائي
واي اغنية يغنوها يصبوا عليها سعادتهم هذه فتخرج الكلمات والالحان والموسيقى بصورة بهيجة
لذلك تجد المغني يعيش مع الكلمات والموسيقى بكل احاسيسه وينعكس كل ذلك على الاغنية
شوف بتنا دي بتعبر بالرقص والاشارات بكل احاسيسها كيف مع اغنية عثمان حسين مسامحك يا حبيبي
ما اظنها هي المؤدية وانما بتردد مع الفنانة فقط لكن طريقة تعببيرها ورقصها اعجبتني جداً
Post: #8 Title: Re: فقد كنا أقرب Author: حاتم إبراهيم Date: 11-04-2018, 07:09 AM Parent: #1
سلام أستاذي حسن العالم
الحديث عن أهلنا في إثيوبيا لا يمل لا تملك سوى الابتسام طول الوقت وأنت تطالع فنونهم
Tekle Tesfazghi تكلا تسفازاقي
___ غنتها حنان بلوبلو في الثمانينات، لم أجد فيديو.
Post: #9 Title: Re: فقد كنا أقرب Author: Hassan Farah Date: 11-04-2018, 07:44 AM Parent: #1
حاتم لك التحية بوست جميل التفاعل والتواصل بين الجيران عمل انسانى رائع وضرورى لدعم العلاقات الاخوية و الابتعاد عن كل ما يعكر صفو العلاقات ويؤدى الى النزاعات من المفروض ان يكون النفاج بيننا وبينهم مفتوحا... لا شك هم فى ذلك متقدمين علينا المرحوم سيد خليفة كان من المبادرين فى هذا المجال دحين البيرقص دا مش المرحوم احمد المصطفى؟
Post: #10 Title: Re: فقد كنا أقرب Author: علي عبدالوهاب عثمان Date: 11-04-2018, 09:01 AM Parent: #9
مع التحية لصاحب البوست الحبيب حاتم
سمعت بأن الاخوة الاثيوبيين سجلوا أعنية عازة في هواك لخليل فرح ضمن التراث العالمي على اساس أنها أغنية أثيوبية أنا محبي هذا الشعب الجميل .. ما عندي مانع .. ولكن هل صحيح ؟
تحياتي للجميع
Post: #11 Title: Re: فقد كنا أقرب Author: محمد محمد قاضي Date: 11-04-2018, 02:34 PM Parent: #1
أغنية سابا سابينا للفنان تكلا كان تبدأ بيها سهرة صالة ديسكو الفروسية وتنتهي بيها
مستحيل تشعر بالغربة وإنت في الزهرة الجميلة ولا في أسمرا السمراء ... مننا وفينا
تحياتي حاتم وصحبه الكرام
Post: #12 Title: Re: فقد كنا أقرب Author: عباس محمود Date: 11-04-2018, 03:06 PM Parent: #11
سلام يا حاتم وياسلام على كل الحاجات الجميلة النزلتها قضيت الأسبوع الثالث من أكتوبرالفات بأكمله فى أديس وفعلا كان الغناء السودانى حاضرا دائما فى 4 سهرات فى أماكن مختلفة . فى سهرة فى مطعم لبنان قدمت أحدى المغنيات أغنية لم أتوقع سماعها .. عجبونى الليلة جو .. أيوة والله متابع لهذا البوست الجميل
Post: #13 Title: Re: فقد كنا أقرب Author: حاتم إبراهيم Date: 11-04-2018, 03:18 PM Parent: #1
مرحب هيثم غالي فعلاً غنتها تيقست بيلاجو
===============
مرحب أخ حسن فرح فعلاً هو الراحل أحمد المصطفى انفتحنا شرقاً وغرباً عندما كان وزير خارجيتنا منصور خالد. وكل الأثر اللاحق كان من تلك السياسة.
==============
مرحب أخ علي عبد الوهاب إذا سجلوها قبلنا فلا أحمل عليهم إصرا بل لو شالوا غنانا كلو وأعادوا تسجيله وتسويقه للعالم حأكون مبسوط جداً
___ ما أحسن من نرجع القهقرى للباروك؟
==============
مرحبا أخ محمد قاضي إثيوبيا سويسرا أفريقيا شوف وسمع وشم وجم
لم أسمع بتكلا إلا من خلال فرقة جانو
___ مافي كلام.
Post: #14 Title: Re: فقد كنا أقرب Author: Hatim Alhwary Date: 11-04-2018, 03:32 PM Parent: #13
Quote: فقد كنا أقرب
ويا ليتنا نعود اقرب واقرب اصلوا ما بفقد الامل نعود...لانه دا فضاءنا الحقيقي والواقعي الجغرافيا بتقول كده والتاريخ
شكرا حتومة على البوست الجميل
Post: #15 Title: Re: فقد كنا أقرب Author: حاتم إبراهيم Date: 11-04-2018, 09:10 PM Parent: #1
سلموا على أخوكم علي برة
____ برتكان = برتقال
Post: #16 Title: Re: فقد كنا أقرب Author: معاوية المدير Date: 11-04-2018, 09:25 PM Parent: #15
قووم بلا فقر معاك ...
Post: #17 Title: Re: فقد كنا أقرب Author: جلالدونا Date: 11-04-2018, 09:28 PM Parent: #16
يا زول انت وين هسى وصلت قطر ولّ معلق فى السما
Post: #18 Title: Re: فقد كنا أقرب Author: معاوية المدير Date: 11-04-2018, 09:32 PM Parent: #17
في مونتريال
Post: #19 Title: Re: فقد كنا أقرب Author: جلالدونا Date: 11-04-2018, 09:36 PM Parent: #18
يا زول ... الف الف حمدلله على السلامة يعنى تانى قدامك سفر لى كالقرى اقترح انك تمشى ترتاح فى اى نُزل و تاخدلك جمّه و تسافر باكر و انت مرتاح تلفونك اشتغل عشان نتوانس
Post: #20 Title: Re: فقد كنا أقرب Author: معاوية المدير Date: 11-04-2018, 09:41 PM Parent: #19
تلفوني ما شغال وانتهز هذه السانحة لاهديك غنوة سيد خليفة ازيكم كيفنكم ...
Post: #21 Title: Re: فقد كنا أقرب Author: جلالدونا Date: 11-04-2018, 09:52 PM Parent: #20
ياخى شكرأ على الهدية القيمة دى و اردها ليك سمع و بصر و احساس كمان و يا فرحتى بى عودتك ياخ وكمان شوف الشعل البسوى فيهة الاكورديو العاجب محمد الشيخ ده ]
Post: #22 Title: Re: فقد كنا أقرب Author: معاوية المدير Date: 11-04-2018, 10:00 PM Parent: #21
عووضة ساكن جمب محطة البلابل جامع القبب بالله اهديهو ياخي بعد الشر عليك ...
Post: #23 Title: Re: فقد كنا أقرب Author: جلالدونا Date: 11-04-2018, 10:20 PM Parent: #22
يا سلام على عووضة ياخ و الف بعد الشر عليهو هو الفقه رقبتو شنو
Post: #24 Title: Re: فقد كنا أقرب Author: معاوية المدير Date: 11-04-2018, 10:34 PM Parent: #23
هو بالله اتفقه آب فقهة ؟، إنت فقد كنا دي دحين ألفا دي ميها السببية البيقولوها ؟.
بسراعك الداهية دي مواعيدا قرربت ...
Post: #25 Title: Re: فقد كنا أقرب Author: جلالدونا Date: 11-04-2018, 10:44 PM Parent: #24
الفقهو يتكلم فى التلفون و يتلفت بفتش فى زول براك عارف زحمة محطة البلابل ياها السببت السببية ذاتا هسعيتى نعلّو بقى طيب و ماقاعد يورد شى
Post: #26 Title: Re: فقد كنا أقرب Author: معاوية المدير Date: 11-04-2018, 10:55 PM Parent: #25
هو كويس . الداهية دي بتدور تقوم، سوف أطل عليكم من اللاب توب إن شاء الله ...
Post: #27 Title: Re: فقد كنا أقرب Author: جلالدونا Date: 11-04-2018, 10:57 PM Parent: #26
قدامك كم ساعة شان تصل على العموم تحياتنا لكل الشاب الحلوين هناك و نواصل بعد تصل
Post: #28 Title: Re: فقد كنا أقرب Author: معاوية المدير Date: 11-04-2018, 11:36 PM Parent: #27
4 ساعات ؤ نص ...
Post: #29 Title: Re: فقد كنا أقرب Author: Haytham Ghaly Date: 11-05-2018, 04:59 AM Parent: #28
اغنية اغلى من عيني واحلى من ابتسامي
اداء رائع وموسيقى اروع ورقص بديع غير انو اظن وليس كل الظن اثم
ان اخوتنا الاحباش فاهمين موضوع الرقص بالمؤخرة دا غلط ..
فما اظن بناتنا قاعد يرقصن كدا او امكن انا ما لاقتني الحركة دي هههههه
Post: #30 Title: Re: فقد كنا أقرب Author: سفيان بشير نابرى Date: 11-05-2018, 05:03 AM Parent: #29
المتاكد منو انا أن العفش في داخل البوست على مسؤولية صاحبه أو أصحابه ما فرقت.
Post: #31 Title: Re: فقد كنا أقرب Author: جلالدونا Date: 11-05-2018, 06:35 AM Parent: #30
ود المدير ده شكلو رقد سلطة السفرة طويلة و معاها قلبة يوم نوم العوافى يا صاحب
Post: #32 Title: Re: فقد كنا أقرب Author: Yousuf Taha Date: 11-05-2018, 06:48 AM Parent: #31
Quote: Tekle Tesfazghi
تخلي تسفازقي فنان ارتري ادى بعض اغانيه مع فرقة روها في اديس اغتيل في اديس ابان عهد الديكتاتور منغستو هيلي مريم
Post: #33 Title: Re: فقد كنا أقرب Author: عبدالعظيم عثمان Date: 11-05-2018, 07:11 AM Parent: #32
سلامات يا حاتم زمان نادر خضر كان يتهم بأنه قام بتحبيش الأغنية السودانية (تخيل) إستنكروا عليه أن يغني بطريقة مختلفة خوفا من ان تشبه الأغنية السودانية الحبشية ونفس الناس ديل بيكونوا مبسوطين من أحمد الجابري في الجريف واللوبيا مع كسرة السباعى، وفرحانين من أي زول بيغني سلم سباعي.. دونية وإستعلاء أجوف
Post: #34 Title: Re: فقد كنا أقرب Author: جلالدونا Date: 11-05-2018, 07:17 AM Parent: #33
سبحان الله ... البلادة كنز لا يفنى
Post: #35 Title: Re: فقد كنا أقرب Author: Ahmed Yassin Date: 11-05-2018, 07:40 AM Parent: #34
عبدالعظيم
Quote: وفرحانين من أي زول بيغني سلم سباعي.. دونية وإستعلاء أجوف
لا ما دونية ولا استعلاء السودانيين عملوا ايقاع العشرة بلدي قاعدة ضرب ايقاعي للخماسي حقنا ما تنسى تاثير الثقافة المصرية من سينما ومسرح وتطور في التسجيلات والالات كان ليها دور كبير وماتنسى دور الموسيقار (مصطفى كامل) مدرس الى (القانون) ودي فيها (78) وتر كان يدرسها بالمدارس المصرية وبقى موجه ومدرب واستاذ لفرقة الاذاعة بامدرمان .. وماتنسى كبار الفنانين السودانيين شاركو في حفل زواج الملك فاروق من (ناريمان) احمد المصطفى (كمثال) بقلب الفلس في (ظالمني وطول عمري ماظلمتك يوم) من فالس الى عشرة بلدي بجملة لحنية مبسطة معظم الالات الحديثة جابوها من مصر حتى (الرق) جابوهو من مصر والطبلة والبنقز والبيكلو والساكسفون والكلارنيت التوزيع كان على يدر (اندريا رايدر) الوزع اغنيات اسمهان في افلامها ... زي ما استعان بيهو وردي في الود كل الاسطوانت من زمن كرومة كانت بتسجل في مصر
Post: #36 Title: Re: فقد كنا أقرب Author: عبدالعظيم عثمان Date: 11-05-2018, 08:30 AM Parent: #35
احمد ياسين شكرا علي الرد طيب ليه الخوف والرجفة من الطريقة التي كان يغني بها نادر خضر وكان يواجه إتهام تحبيش الأغنية السودانية؟ وهل إذا تأثرت الأغنية السودانية بالحبشية هذا يحط من قدرها بينما نفس الموضوع مع مصر يتم تفسيره إثراء وتلاقح ثقافات
Post: #37 Title: Re: فقد كنا أقرب Author: Salah Zubeir Date: 11-05-2018, 08:54 AM Parent: #35
Quote: زمان نادر خضر كان يتهم بأنه قام بتحبيش الأغنية السودانية (تخيل)
عبعظيم اديك شهادة إنك ما شبح ... ممكن حوار متيم في دباديبو (تقرأ من رأسه الي أخمص اصابعه) ... تحبيش أصلها حبش ومنها حبوش وتعني قاطني بلاد الحبشه ... زولك المتيم فيهو دا لا يطيق رؤية كلمة (حبشي) ويعتبرها نبذ عديييل لي أهلو الاثيوبيين من اهلو السودانيين ... فا شنو .. دير بالك ما يديك طقه في الراص بي اناكوندا ولا سحليه ... وإن كان لسان حالك دايما" :- ضرب الحبيب الذ من الباصطه ظاطا .... هههه
Post: #40 Title: Re: فقد كنا أقرب Author: جمال ود القوز Date: 11-05-2018, 12:51 PM Parent: #29
Quote: اظن وليس كل الظن اثم ان اخوتنا الاحباش فاهمين موضوع الرقص بالمؤخرة دا غلط ..
ياغالي الجمل مابشوف عوجة مؤخرتو ... خخخخخخخ انت كمان ماتطلب ممن يقلدك ان يجيد تقليدك بنسبة 100 % .. أترك مجال لبعض الهنات .. بالمناسبة انا لاحظت ملاحظتك دي من زمن ..
هاك هزّ المؤخرة ده .. ده العمل الاروع من وجهة نظري .. كله .. اداء .. وهزّ بتاعة .. خخخخ ..
Post: #41 Title: Re: فقد كنا أقرب Author: أبوذر بابكر Date: 11-05-2018, 12:55 PM Parent: #40
وجهة نظرك براها يا ود القوز ؟
على بالجمال دى وجهة نظر الكوكب ده كله
او هكذا يفترض ان بكون
هههههه
Post: #44 Title: Re: فقد كنا أقرب Author: جمال ود القوز Date: 11-05-2018, 01:19 PM Parent: #41
Quote: وجهة نظرك براها يا ود القوز ؟ على (بالجمال) دى وجهة نظر الكوكب ده كلها و هكذا يفترض ان بكونهههههه
تسلم أباذر يافنان .. ويسلم الجمال الجواك .. والله زي ماقلت وكلامك صحي العمل ده متعوب فيه جدا .. وجميل وبيلفتك وبيجذب الأذن التي تعشق الفن والجمال .. حبيايبنا الاحباش يفترض أن نبادلهم حبهم بحب .. هم يتدلّهون حبا فينا وفي فننا .. وناس كده جارين لمن لايحبون إلا انفسهم .. وساعة الحارة تجدهم قاعا صفسطا ..
Post: #38 Title: Re: فقد كنا أقرب Author: Hassan Farah Date: 11-05-2018, 11:39 AM Parent: #1
Post: #42 Title: Re: فقد كنا أقرب Author: جمال ود القوز Date: 11-05-2018, 01:03 PM Parent: #38
هذا مع حبي الأجمل والأجزل والأوحد .. لحبايبنا البحبونا وبنحبهم الاحباش .. شعب يشبهنا ونشبهه ولهم أثر عميق في عمق بلدنا قديما وحديثا.. لكن ناسنا الطيبين رافضبن يعترفوا وناكرين الحبش حطب .. عمري ماشفت شعب اجمع على حبنا زيهم .. أي والله .. هم عارفين البيربطنا بيهم .. فكان يعملوا DNA ده إجباري .. عشان الناس الفاااازه (وجاكه) منهم .دي . تهجد وترسى وتعرف راسا من (قعرا) ..
Post: #39 Title: Re: فقد كنا أقرب Author: أبوذر بابكر Date: 11-05-2018, 12:27 PM Parent: #1
تحياتى يا حاتم وكل الزملاء الاعزاء هنا
الاغنية الامهرية الجميلة البغنيها عبد العزيز المبارك بتاعة مطرب مدهش وصاحب صوت عجيب وفريد و اداء ساحر اسمه
مولوكن مليس Muluken Melese بتشديد اللام
عليك الله كوس الزول ده فى يوتيوب واسمع الطرب الما عادى عنده
ويا ريت زول ينزل لينا شويه من إبداعاته هنا
Post: #43 Title: Re: فقد كنا أقرب Author: جمال ود القوز Date: 11-05-2018, 01:13 PM Parent: #39
Post: #45 Title: Re: فقد كنا أقرب Author: أبوذر بابكر Date: 11-05-2018, 01:30 PM Parent: #43
تحياتى يا ود القوز اغنية قابلتو مع البياح انتشرت بشكل كبير فى السنوات الأخيرة ومغنيين كتار بقو يغنوها المشكلة هى انه كل او معظم الناس، بما فيهم المغنيين، بفتكرو الاغنية حقت النور الجيلانى، وده خطأ كبير
الاغنية دى اهزوحة شعبية نقب و لكن و فتش ولقاها الموسيقار والباحث العبقرى اسماعيل عبد المعين و سجلها بصوته بعد ما عمل ليها موسقة جميلة
المطرب النور الجيلانى هو السهل انتشارها و شهرتها
والاغنية متوفرة بصوت عبد المعين فى الشبكة
Post: #46 Title: Re: فقد كنا أقرب Author: Hatim Alhwary Date: 11-05-2018, 03:30 PM Parent: #45
Post: #47 Title: Re: فقد كنا أقرب Author: حاتم إبراهيم Date: 11-05-2018, 03:59 PM Parent: #1
سلام أبوبكر حأشوف أغنيات الفنان مولوكن مليس وأرجع أجيبا هنا.
أها، نجي لتيقست بكلا البت دي فيها حاجة بتجذبني جاذبية شديدة خلاس! يعني ما تعرف لطف واحساس بالفن وجملة بتاعة حاجات كدة ما قادر أعبر عنها لكن للصوت تأثير عظيم ما بنكره، حاجة كدة زي البندول
أها أغنيتها دي تشعر بيها تلاتة في واحد تارتا-تااها
ماركونجا
Post: #48 Title: Re: فقد كنا أقرب Author: حاتم إبراهيم Date: 11-05-2018, 04:11 PM Parent: #1
فرقة جانو (موسيقى الروك)
دي هلولويا، شخصياً أعتقد صوتها ضعيف لكنها فرايحية ودايماً مبتسمة الفرقة عالمية حالياً لكن مقلة في عروضها.
في نفس الفرقة معاها زميلتها هيوان، صوتها أقوى
Post: #49 Title: Re: فقد كنا أقرب Author: Hassan Farah Date: 11-05-2018, 04:19 PM Parent: #1
Post: #50 Title: Re: فقد كنا أقرب Author: Hassan Farah Date: 11-05-2018, 04:53 PM Parent: #1
Post: #51 Title: Re: فقد كنا أقرب Author: Hassan Farah Date: 11-05-2018, 04:58 PM Parent: #1
Post: #52 Title: Re: فقد كنا أقرب Author: ابو جهينة Date: 11-05-2018, 05:07 PM Parent: #51
تحياتي حاتم
Post: #53 Title: Re: فقد كنا أقرب Author: Hassan Farah Date: 11-05-2018, 05:10 PM Parent: #1
اغاني سودانية بصوت اثيوبي في اجمل واروع فيديو روسي
Post: #54 Title: Re: فقد كنا أقرب Author: سيف اليزل سعد عمر Date: 11-05-2018, 08:23 PM Parent: #53
سلام يا حاتم وكل عشاق الفن الإثيوسودانى.. وقفت كتير عند كلمة (كنا أقرب)..
انا حقيقة منزعج من حتة الخزلان الممكن نسببه لهؤلاء الناس بسبب الدمار الذي نعيشه فى كافة نواحي الحياة..
Post: #55 Title: Re: فقد كنا أقرب Author: حاتم إبراهيم Date: 11-06-2018, 05:33 AM Parent: #1
مرحباً بالأساتذة الكرام أبو جهينة حسن فرخ حاتم الهواري أبوذر بابكر جمال ود القوز عبد العظيم أحمد ياسين يوسف طه سفيان بشير عباس محمود محمد قاضي علي عبد الوهاب
=================
Quote: سلام يا حاتم وكل عشاق الفن الإثيوسودانى.. وقفت كتير عند كلمة (كنا أقرب)..
انا حقيقة منزعج من حتة الخزلان الممكن نسببه لهؤلاء الناس بسبب الدمار الذي نعيشه فى كافة نواحي الحياة..
فعلاً يا سيف، كلمة محورية عندي في البوست وكنت عايز أطوف للفترة الممتدة من نهاية الستينات إلى منتصف السبعينات فترة التجاذب بين المعسكرين وتأثرنا سلباً وإيجاباً بالأحداث في الفترة ديك
لو تلاحظ إنو التقارب كانت له دوافع سياسية أيضاً ربما بسبب خارجي أيضاً هيلا مريام هناك ونميري هنا واشتراكيات وبرامج على امتداد القارة، للأسف المتوفر من الفنون على الانترنت شحيح قصدت من التناول للفترة القديمة التلميح لذلك، ولا أنسى أيضاً أن الوعي كان متوفر على مستوى الجمهور لاحظ أن تلك الأيام لم تبدأ هجرات السودانيين إلى الدول العربية بذات الكثافة التي حدثت في الثمانينات.
التقارب الأخير يبدو أن للانترنت والقنوات الفضائية الأثر الكبير فيه وآمل أن يثمر عن علاقات أمتن.
___ موضوع يصلح رسالة علمية.
Post: #56 Title: Re: فقد كنا أقرب Author: Ahmed Yassin Date: 11-06-2018, 05:55 AM Parent: #55
ممكن نقول الايقاع الاثيوبي (الإسكستا) .. والرقص الرشيق حقهم اسمو(الشِب رِب) والايقاع يظهر بوضوح في الفنان الخارق ما عايز اقول الخرافي لانه فعلا خرافي هو (طولون قساسا) وايضا في غناء(ملوكا ملاسا) الإسكستا هو (التم تم) الحار بتاعنا والايقاعين هم يغشقهم السودانيين عشقا غريبا ويسكن وجدانهم كمثال بسيط على نفس ايقاع (الإسكستا) الرهيب عبدالعزيز المبارك غنا اغنية (انو ) ودي بنت تاجر اثيوبي ونجحت الاغنية وبقت في التوب لسنين طويلة .. برضو محمود عبدالعزيز غنا بالتم تم الحار اغنية ( يا حلاة السكرية و القامة السمهرية ) مع تداخل الايقاع الاثيوبي ودا ذكاء كبير من محمود ومن الموزع محمد حامد جوار
Post: #57 Title: Re: فقد كنا أقرب Author: معاوية المدير Date: 11-06-2018, 01:32 PM Parent: #56
Quote: ود المدير ده شكلو رقد سلطة السفرة طويلة و معاها قلبة يوم نوم العوافى يا صاحب
والله يا جلال تعب السِيّح والريّح لكن البوست دا ينسيك وعثاء السفر ...
Post: #58 Title: Re: فقد كنا أقرب Author: معاوية المدير Date: 11-06-2018, 01:38 PM Parent: #57
Quote: مرحباً بالأساتذة الكرام أبو جهينة حسن فرخ حاتم الهواري أبوذر بابكر جمال ود القوز عبد العظيم أحمد ياسين يوسف طه سفيان بشير عباس محمود محمد قاضي علي عبد الوهاب جلالدونا معاوية المدير
وأنا كمان من جانبي أرحب بيك يا أُستاذ حاتم ؤ عشان الترحاب يكون بالأحضان كنت اتمنى ألآقيك في محطة البلابل لكنك ما جيت !، مالك يا زول قالولك أنا وكران في حوض طِيّن !...
Post: #59 Title: Re: فقد كنا أقرب Author: سيف النصر محي الدين Date: 11-06-2018, 10:31 PM Parent: #58
حاتم جايبو الغنا والميوزيك والفضاء الثقافي لكن هيثم غالي وحاتم الهواري وجمال القوز و ابوذر بابكر ديل باقي لي جايبهم البكا سااااكت :)
Post: #60 Title: Re: فقد كنا أقرب Author: Haytham Ghaly Date: 11-07-2018, 05:09 AM Parent: #59
Quote: حاتم جايبو الغنا والميوزيك والفضاء الثقافي لكن هيثم غالي وحاتم الهواري وجمال القوز و ابوذر بابكر ديل باقي لي جايبهم البكا سااااكت :)
ههههههههههههههه
بالغت يا دكتور سيف ياخي
البكاء في حضرة الجمال جمال يا دكتور
والجمال هنا هو جمال اللحن والموسيقى والايقاع وجمال الرقص
ثم من بعد ذلك جمال من يؤدي الرقص
شفت كيف
Post: #61 Title: Re: فقد كنا أقرب Author: MOHAMMED ELSHEIKH Date: 11-07-2018, 05:41 AM Parent: #60
مرحب بالأساتذة الكرام: ....... .... .... ....
سفيان بشير
-----------------------------------------------
شنو يا حاتم التلج دا؟ معقول دا استاذ كريم؟
Post: #62 Title: Re: فقد كنا أقرب Author: Hatim Alhwary Date: 11-07-2018, 06:00 AM Parent: #61
Quote: ديل باقي لي جايبهم البكا سااااكت :)
ل
لووول د.سيف
زي ماقال هيثم بكا مستحق بعدينبكانا دا "بكاء" مستنير ياخ التوقيع ابوبكر عباس
Post: #63 Title: Re: فقد كنا أقرب Author: Ahmed Yassin Date: 11-07-2018, 06:36 AM Parent: #60
اول ما يلفت الانتباه ان الاثيوبيين عندهم اجادة عجيبة في استخدام (آلات النفخ) طبعا دي واحدة من الابداعات التي تخلي (حاتم ابراهيم) يستمتع ويمتعنا نحن الجمهور الفنان العظيم (منليك) كان نجما متلالىء في سماء الخرطوم من ايام الهابي لاند وكان يحي الاعراس والمناسبات كان انيقا جدا يلبس من افخم الماركات والبيوتات العالمية .. اخيرا في السودان وصل به الحال ان عمل (رشبسنت) في احد فنادق الخرطوم وكان كثيرا ما يشاهد وهو يرتدي العراقي والسروال. ما بين الــ (ماسنقا) ذات الوتر الواحد وهي تقابل (ام كيكي) حقتنا .. الماسنقا دي بحملها مغني اسمه (الازماري) زي ما مغنينا (الهداي) بعزف على ام كيكي .. وبراعته تظهر في تحكمه في طول الوتر الازماري فنان او مغني متجول بتلقى حايم وسط التجمعات اذا وجد (عطايا) كويسة .. يمدح اما ان كانت قليلة فانه (يهجو) .. وهو يتميز بصوت قوي ومهارة في العزف وما بين الــ (باقينا) ذات العشرة اوتار ... تنبع شلالات من الابداع والحركة والرشاقة وحتى في الرقص بتلقى وجوه معبرة للراقصين حتى وانت بتسمع غنانا بلسان اثيوبي غير مبين .. مثلا قم يا ترير ياشباب قنى لنا قني وفجر لي الاهناب واملاب ها دني حتا يجفو الشراب من هلفة الكاسي
بتلقى نفسك مستمتع ومنتشي واخر سكسكة وبتهوزز
Post: #64 Title: Re: فقد كنا أقرب Author: حاتم إبراهيم Date: 11-07-2018, 08:43 AM Parent: #63
Quote: اول ما يلفت الانتباه ان الاثيوبيين عندهم اجادة عجيبة في استخدام (آلات النفخ)
دا ما الكاتلنا ذاتو يا أحمد ياخ
___ مزامير تدفيك.
Quote: ما بين الــ (ماسنقا) ذات الوتر الواحد وهي تقابل (ام كيكي) حقتنا .. الماسنقا دي بحملها مغني اسمه (الازماري) زي ما مغنينا (الهداي) بعزف على ام كيكي .. وبراعته تظهر في تحكمه في طول الوتر
فعلاً، لو بتلاحظ بيقلدو صوت نفس الآلة دي بالحلق.
نديك ليهن الاتنين مزمار وأم كيكي صينية.
____ لاحظ التحكم في النوتة بضرب الوتر في مكان مختلف.
Post: #65 Title: Re: فقد كنا أقرب Author: حاتم إبراهيم Date: 11-07-2018, 08:54 AM Parent: #1
Post: #66 Title: Re: فقد كنا أقرب Author: معاوية المدير Date: 11-07-2018, 08:59 AM Parent: #65
ايوا كِدا أمشي لملِم من اليو تيوب ؤ تعال أردِم ؤ خليك في السحسحة بتاعتك دي ما تعمل فيها شِفِت ؤ صعلوق عشان ما ننخسك ...
Post: #67 Title: Re: فقد كنا أقرب Author: جلالدونا Date: 11-07-2018, 09:44 AM Parent: #66
تحبيش الغنا السودانى ظاهرة يسندها من يسندها هنا بنلقى بداية الموضوع .. على الاقل فى سودانيز اون لاين رفض تام لى عالمية اغنية عازة فى هواك كعمل سودانى طيب ياخ ما عالمية لكن البوست اتفتح تحت ظرف خبر يقول انه قم تم تسجيلها ضمن التراث الحبشى السبب انها اغنية ساهلة العزف و لا ترقى لمستوى عمل عالمى الشكر للزميل بابكر قدور و الزميل معاوية حسين بمشاركاتهما القيمة التى تثبت سودانية عزّه فى هواك كلمات و لحنا و الشكر للزميل جنّى الذى اضاء البوست برابط له و الشغلة ما جديدة اغنية المانسونا ايضا قيل ان لحنها اثيوبى و قد يجى زمن و كل غنانا ألحانو اثيوبية و البداية قد تكون من ازيكم كيفنكم
