دلالة جمالهم عندي انني ادخل بعض البوستات فقط لقراء مداخلاتهم آي والله .. بخش عشان اقرا ردهم هم بس . ويصدف جدا ان لا اقرا سوي ردودهم فقط ليه؟ لغتهم رصينة ومنطقهم موضوعي غير مدعين امتلاك الحقيقة و بعضهم للردود الطريفة المباغتة
سيف النصر برغم شحه الشديد وندرة كتابته في المنبر فهو يمتلك منطقا هادئا ومتماسكا يميل دوما نحو العقلانية والموضوعية شرس في تثبيت وجهة نظره بتكرار التداخل
لامن اكون سايق ومسافر بركز اني اباري لي عربية قدامي الشوارع سيئة والعربية القدامي بتكشف لي الشارع . نظري تعبان شوية في ملاحظة الحفر والمطبات وهسة التصفح من الموبايل مرهق . في شنو بثق في خيارات البعض لقراءات سابقة بقدمهم
يا حفيظ شيل شيلتك لو ما ذكرت المتورمين أبو لمبة والكنزي ديل شايفين نفسهم مركز الكون، بالرغم بأن لا احد يقرأ لهما ولا احد يعيرهما انتباها لذا يسلكان طرقا ملتوية للفت الإنتباه، نوع يا الله شهرة حتى لو كانت ظرطة
أجمل البورداب على الطبيعة: الأستاذ الشيخ عبد الله عثمان مدرسة لحالها
Post: #26 Title: Re: اجمل البورداب Author: حمد عبد الغفار عمر Date: 11-03-2018, 01:23 PM Parent: #24
Quote: حمد عبدالغفار من الذين لا اتجاوز ردا له ظهر لي رغم انني احس انه فيه حدة طبع
كتر خيرك يا أبوسن وكونها تجي منك دي ما ساهلة ووشاح يشرف حدة الطبع ممكن تكون صادق فيها بس غالبا ليها مسبباتها أنا - واعوذ لالله من كلمة أنا- في الغالب زول مسالم جدا وكثير التنازل لمصلحة السِلم
Post: #25 Title: Re: اجمل البورداب Author: Kamal Alalla Date: 11-03-2018, 01:14 PM Parent: #1
هاشم الحسن معاوية الزبير ابو سن ذات نفسو المستنير د.المشرف جلالدونا تماضر عاصم علي قباني ومنوعاته عثمان موسى وبدون صور هاني عربي عبد الله ادريس اقرا معظم ما يكتبون ولا يخذلوني القائمة اطول ولكن هؤلاء من تذكرت في هذه العجالة
اذا كده عندك حق يا ود قباني ... لخبطت بين محمد المشرف ومحمد البشرى ...كلو شين شين . .ومعقولة مع جري نيويورك الواحدة فينا ما تلخبط ...العتبى على سوء الفهم والتوترات البسببها لينا طرمبة كل يوم بتصريحاته العويرة...واخر تصريح ليه بيؤكد ان السفارة السعودية ما عندها اي ضلع في مقتل البنتين السعوديتين...طبعا بدافع عن حليفه بن سلمان....اها قلبتها ليك سياسة ..رايك شنو ...
العزيز ابو نظارة 😂 دكتور محمد المشرف اسما من كل الحروف تعجز الكلمات في وصفة فهو رجل بمعني الكلمة ديل اولاد الأسر المحترمة الأصيلة انسان جميل الأخلاق ويكفي ادبوا واحتراموا للآخرين تحياتي له ولي اسرتوا الكريمة ربنا يحفظن من كل شر❤️
يحي الشوووق بتبالغ ما تعمل رائح 🙈 🤣🤣🤣🤣🤣🤣 ياخي امتثال حبيبتي بتكون بردانة يا حليلاتها البرد يا امتثال حالتوا لسة ما دخل العظم 🤣🤣🤣 لما يوصلكم بي عواصفوا البحصل عليك شنو 🤣🤣🤣🤣
سأعود للرد الراتب اها يا ناس ياهون دة حمد أقر بحدة طبعه احيانا .. وانا لم اتحدث عن حدة طبعه كسمة لازمة له ولكن من خلال متابعتي الصارمة له قلت اشعر والاحساس لا يعول عليه مالم تسنده شواهد مادية وحبابك حمد لا والله لم اقل الا صدقا في كل من ذكرت كل حين سأذكر بعض من تأسرني كتاباتهم للقراءة ويمكن لكل واحد منكم ان يكتب قائمته وكما اسلفت فهو تقييم شخصي جدا دون ان يقلل من اعجابي بغيرهم
ههه يا ابراهيم العزيزة وضاحة ختتني في ركن ضيق بالتأكيد لم ار سوي بضع اعضاء لا يتجاوزن الخمسة . وماذكرتهم تحديدا حتي الان لم ارهم ولكني قادر علي رؤية جمالهم الداخلي
ابوحسين شنو يا صلاح في الصقط دة ابوحسين وآخرون عندهم قائمة مختلفة جدا اتا زاتك في نصها عبدالله ادريس وانت في قائمتي هذه مرتب ومنظم وموضوعي جيد اللغة
Post: #42 Title: Re: اجمل البورداب Author: حمد عبد الغفار عمر Date: 11-03-2018, 06:46 PM Parent: #41
علاء وعبدالله ومنعم يديكم العافية ومشكورين على حسن الظن اما عادل الباهي قصتو براها انا انضميت لقروب لقيت عادل الباهي تاني اكبر زول فيها والقصة شكلها ماكلة معاهو جمبة للتعترو قام الاكبر منو غادر بقى هو جلكين القروب. يوم دردقوني في الونسة عرفوني دفعة كم في الجامعة يعني اكبر منو ياخ عادل دا قرب يضبح لدرجة نزل صورتو في القروب رغم انو الفرق بيني وبينو حرابيش بس ههههههه
Post: #43 Title: Re: اجمل البورداب Author: أبوبكر عباس Date: 11-04-2018, 03:06 AM Parent: #42
لا أفوت قراءة أي مداخلة أو بوست للمهندسان الأمريكيان النذير حجازي وصديق مهدي، كتاباتهم بسيطة جداً ودائماً تجلب لك البسمة والضحك. ربنا يخليهم كأجمل بورداب مرروا على هذا المنبر
Post: #44 Title: Re: اجمل البورداب Author: أبوبكر عباس Date: 11-04-2018, 03:15 AM Parent: #43
لا أفوت قراءة أي مداخلة أو بوست للمهندسان الأمريكيان النذير حجازي وصديق مهدي، كتاباتهم بسيطة جداً ودائماً تجلب لك البسمة والضحك. ربنا يخليهم كأجمل بورداب مرروا على هذا المنبر
منص او منتصر بلغة الفرنجة 😆 احسه يكتب المداخلة في ورقة خارجية . ثم ينقحها ويزيل عنها الزوايد يقراها تاني ويضغط حروفها ثم ينظر لها نظرة اخيرة ويكتبها في المنبر وينقصها لطبعه
Post: #54 Title: Re: اجمل البورداب Author: هاشم الحسن Date: 11-04-2018, 05:20 AM Parent: #53
يا ود أب سن أخجلت تواضعنا وشرفتنا ياخي علي بجملة الحلال لو عارفك ممن يقرأ لي هترشاتي دي وكمان ترصد وتصيب وصف ما أتعمده فيها، لكنت بخرتهن ليك بالصندل كليمة كليمة.. هن اصلا لولا كرمك كانن حيطولن ولّ حيطولن! ياخي أخوك كان عندو خطة للربع الجاي قوامها هو: أن أقتدي بهممك الموضوعية وببلاغات منص السليطة في ضمن "اقتباسات" أخرى.:) أها بعد شرفتني وكبرت لي راسي بقا عندي منك طلب: تشوف لي طريقة تمرقني بيها من قوائم الشينين ناس المستنير وكبر الحنين وأحمد ود ياسين ومن لف لفهما.
تصدق يا حفيظ.. وباختصار؛ البورد دا ولوووود وبطنو بطرانة، لكن مع الزمن تعلمت منه شيء عجيب: الأغلبية العظمى ممن مر هنا فهو/هي من الجميلين حتى ولو تختلف معاهم.. يوما ما حتستفيد! ولذا فأنا مشتاق وأتساءل عن حبيبنا آدم صيام، ما شفتوهو يا جلابة؟
التعديل، بمناسبة كل الجميلين الحلوين، والجميلتين الحلوتين ديل، والبوستين الجميلين المفتوحين عنهما بواسطة جميلين آخرين.
Post: #55 Title: Re: اجمل البورداب Author: أبوبكر عباس Date: 11-04-2018, 05:31 AM Parent: #54
غايتو لو منتصر في اللستة، أسمح لي يا أبسن أقول ليك: بوستك دا بوست علاقات عامة ساكت
Post: #56 Title: Re: اجمل البورداب Author: هاشم الحسن Date: 11-04-2018, 05:47 AM Parent: #55
كضضضضضاب يا فكي أبكر! كضاب حنس كضب!! منتصرداموس دا خيتك وجار بيتك.
يا هاشم قصة حكاها لي شقيقي عادل قاعد في الطاحونة . وجا واحد من ناس حلال كوستي سايق معاهو صبي وطاحونة عادل تفتح علي الشارع الرئيسي للسوق الشعبي وقريب لي مواصلات قري كوستي جو مارين جمب طاحونتي ومعاي واحد بعرفهم . شافهم وقفهم مالكم ؟ عنكم عافية من الدغش الولد عندو انتصاب من امس . واتعبو تعب شديد ابوهو موديهو الدكتور الزول قعد يسأل فيهو اسئلة حول الحصل وليه؟ ومتين وشايل معاهو مطرق . غفل الولد وصقعو في عضم الشيطان بغتة الولد طرش بي محلين 😆😆😆 فطرو فول ورجعو الحلة
Post: #59 Title: Re: اجمل البورداب Author: موسى العجب Date: 11-04-2018, 06:58 AM Parent: #58
ود اب سن سلام وانت من الجميلين ايضا والمهندس محمد ابراهيم علي و ود حلتكم عبدالحميد البرنس برغم الغياب
نابري ود المدير ود الزبير من الجميلين والتحيات لكل الجميلين المذكورين وغير المذكورين
Post: #60 Title: Re: اجمل البورداب Author: Kamal Alalla Date: 11-04-2018, 08:01 AM Parent: #1
هو دحين يا ود اب سن الانتصاب مرض ما عدمو؟ غايتو يدي البتاع للماعندو بتاع تعرف عندنا حمار في الحلة بتاع سيد المغلق الشى دا قرايتو كلها انتصاب ما نظامي عامل لينا احراج في الشارع ما عارف ناس النظام العام وين من الكلام دا قلت لي عضم الشيطان بتاع الحمار وين؟
هههههه ود على الله نزل بى كدارتو و كمان عاوز يلعب راس حربة اها شيلو شيلتكم و اقترح تطقوهو فى عضم الاضان ______ ياخى شكرا على اختارك لى فى قائمتك من تقرأ لهم و اتمنى دايما اكون عند حسن ظنك و حسن ظن القراء و الزملاء و الزميلات
اعتقد لن تخفى عين الجمال عن هؤلاءالجميلين فيصل محمد خليل شاهين شاهين محجوب عبدالله حامد الصاوى عبد الله الشقلينى اسامة الخواض خالد العبيد ابوذر بابكر بلة محمد الفاضل محمد المرتضى حامد دهب تلبو و فى الخاطر الكثير منهم
Post: #68 Title: Re: اجمل البورداب Author: محمد على طه الملك Date: 11-04-2018, 07:56 PM Parent: #67
Quote: وشايفك اخر عمرك غزيت كراعك في الفلسفة باقي ليك تشرب السجاير
هههه عارف يا ود ابسن لما قريت مداخلات جلالدونا في بوستات الفلسفة دعكت عيني تلاتة مرات .. قلت في نفسي معقول جلال عندو دا كلو مدكنه و قاعد يجلبط معانا في البورد؟ السماحة وقبل ذلك التواضع الجم هبة من الخالق .
هههها ده كلو يا ملك سماحة و معاها تواضع كمان تصدق راسى قررررب يقع منى وحاتك كلو من هنا و كل لحطة تمر بنتعلم منكم الكتير اهل الفلسفة ديل كل عودى معاهم بقراليهم ومن سطور كلماتن بلقى لى فرقة سؤال ليهم و مع كل اجابة بتتوسع دايرة الاهتمام و التركيز شكرا ليهم عبد اللطيف سنارى صلاح فقير كبر وكثر اخرين و وراهم بوست بوست ومداخلة مداخلة _____ تصدق كان عندى سؤال عن مفهوم العرفان فى الفلسفة لكن خفت تسحرونى
بقينا مرة مرة نتاوق ويدنا تحرقنا .. ولكن مع احساس الزول البياكل مع جماعة ومادافع الشيرينج
Post: #73 Title: Re: اجمل البورداب Author: صلاح عباس فقير Date: 11-05-2018, 05:37 AM Parent: #72
رغم أنه قد ورد ذكر محمد المرتضى حامد، أعلاه، مرّة، لكني أعتقد أن المساهمات الأدبية الوطنية اللي قدمها في الفترة الماضية، كافية لتُبوِّءه أعلى قمة في هرم الجمال.
سلام أخوي عبدالحفيظ أتفق معك في معظم المذكورين، أعشق كتبات الكثير من كُتاب سودانيز ( بس الوقت ما مساعد )، ولكن البعض يكفي أن أجد اسمه في قائمة المواضيع لكي يجبرني علي الدخول، لا أحتاج إلي معرفة عنوان الموضوع. أبو جهينة أولهم وبالتأكيد مولانا محمد المرتضى.
جنس سغالة ده حقو تحوله لبرنامج سٌغلاء المنبر بتاع ودالمدير ويقعد هناك نامن يجي ابو حسين يضمنو.
Post: #77 Title: Re: اجمل البورداب Author: عبد الصمد محمد Date: 11-05-2018, 06:40 PM Parent: #1
هذا زمانكم يا عبدالحفيظ أبو سن والنذير ووضاحة فأمرحوا في البورد وقيموا الناس على كيفكم أرفعوا من ترفعوا على كيفكم ما انتو بتمتلكوا المعايير والموازين والقادرات على تحديد الأجمل من الما أجمل كم تصيب مثل هذه البوستات بالغصة من حملوا راية هذا من المنبر منذ 2002 وأعطوه الوقت والفكر وكل ما يملكون. لكن كما قال المتنبي عَلى قَدْرِ أهْلِ العَزْم تأتي العَزائِمُ وَتأتي علَى قَدْرِ الكِرامِ المَكارمُ وَتَعْظُمُ في عَينِ الصّغيرِ صغارُها وَتَصْغُرُ في عَين العَظيمِ العَظائِمُ
مرحب بيك في بوستي يا عبدالصمد والذي ذكرت في بدايته ان التقييم شخصي ويخصني .
Quote:
هذا زمانكم يا عبدالحفيظ أبو سن والنذير ووضاحة فأمرحوا في البورد وقيموا الناس على كيفكم أرفعوا من ترفعوا على كيفكم ما انتو بتمتلكوا المعايير والموازين والقادرات على تحديد الأجمل من الما أجمل كم تصيب مثل هذه البوستات بالغصة من حملوا راية هذا من المنبر منذ 2002 وأعطوه الوقت والفكر وكل ما يملكون. لكن كما قال المتنبي عَلى قَدْرِ أهْلِ العَزْم تأتي العَزائِمُ وَتأتي علَى قَدْرِ الكِرامِ المَكارمُ وَتَعْظُمُ في عَينِ الصّغيرِ صغارُها وَتَصْغُرُ في عَين العَظيمِ العَظائِمُ
هذا زمانكم يا عبدالحفيظ أبو سن والنذير ووضاحة فأمرحوا في البورد وقيموا الناس على كيفكم أرفعوا من ترفعوا على كيفكم ما انتو بتمتلكوا المعايير والموازين والقادرات على تحديد الأجمل من الما أجمل كم تصيب مثل هذه البوستات بالغصة من حملوا راية هذا من المنبر منذ 2002 وأعطوه الوقت والفكر وكل ما يملكون. لكن كما قال المتنبي عَلى قَدْرِ أهْلِ العَزْم تأتي العَزائِمُ وَتأتي علَى قَدْرِ الكِرامِ المَكارمُ وَتَعْظُمُ في عَينِ الصّغيرِ صغارُها وَتَصْغُرُ في عَين العَظيمِ العَظائِمُ.
عبد الصمد محمد 05:40 PM05: تاريخ التسجيل: 12-12-2004
يا صمد، زعلني وضعك ل أبسن في لستة واحدة مع النذير ووضاحة! بوستات النذير وضاحة بتاعت أحسن وأجمل زول فعلاً كنت شايفها عوارة ساكت، الغريبة بوست أبسن دا شايفو بوست خفيف ولطيف يمكن لأنني لا أحب النذير ووضاحة
فشنو؟ باين عليك مكجنم التلاتة فشنو القلوب دي حكايتها عجيبة
وتزعل ليه يا كبير كلامك ده يتعارض مع اهداف حزب الخدر عبد الصمد من حقّو يصنّف طالما المعيار شخصى و الفحل من حقو يتماهى فى الحتة دى الحل الوحيد المتاح انو يطلب سحبو من اللستة دى و يا دار ما دخلك شر
بلاشك يا اشرف بلاشك طارق زول يجيد الحكي الممتع والمغموس في المحلية وله الفضل في الحفاظ ونشر التراث السوداني الشعبي من اصدقائي بالفيس ولو كنت اتحدث عن الاجمل اطلاقا بالمنبر لكان هو وكثر جدا يزينون قائمتي
أجمل البورداب كل البورداب وبالأخص كل زميلاتنا الغائبات والحاضرات اللائي ما فتئن يعطرن وجودنا بوجودهن وكل القراء الذين ظلوا يدامون على متابعة ما نكتب دون أن نشعر بهم ولكنهم يظهرون عند عزائم الإمور كالآخ عوض عبدالله الذي يتابع معنا من خارج الأسوار ولكن عندما طلبنا المساعدة في علاج شاب القاهرة أرسل لنا مائة دولار وأخت بوردابية أرسلت من أوروبا مائة يورو ورفضت رفضاً باتاً ذكر اسمها بمثل هؤلاء نغني مع وردي يطيب الجلوس ويكون الكلام
تحياتي ليكم جميعا بدون فرز البوست بوست محبة وتقديرات شخصية جدا رغم تكراري انه قائمة شخصية لم يردع هذا البعض من التعامل مع البوست لأغراض تخصهم . كأنه مناقصة وراءها مصلحة وتخضع لضوابط او كأنه امتحان يخضع لمقرر واجوبة نموذجية هو تقدير شخصي جدا ووضعت معيار جمالهم انا ادخل من اجلهم بعض البوستات قد يكون اخترت احدهم ولا يطيقه شخص آخر وذلك من حقه . كما انه من حقي . دون ان احجر عليه او يمنعني للاسف كان هذا البوست مفيدا جدا لي لمعرفة الرسائل المرمزة والمشفرة والاشارات الخبيئة التي ارسلها البعض في ثنايا البوستات و############ات المنبر من مساوئ التي اعدها محاسن انني لا احفظ الاساءات ولا كاتبيها . انساها بحكم الطبيعة . والردود المغلفة او المشفرة لا تغلب احدا ولكنها غثاء كغثاء السيل ويبقي الكلم الطيب وحسن العشرة واخيرا مكرر البوست ليس تقيما للاعضاء لا عموما ولا خاصة . ولكل كاتب هنا مجاله الذي يبدع فيه
تحياتي لك والاسرة الكريمة الصغيرة والكبيرة ومبروك صعود الامتداد الي الدرجة الاولي
Post: #100 Title: Re: اجمل البورداب Author: عبد الصمد محمد Date: 11-09-2018, 02:50 PM Parent: #1
شكراً يا ودالبشرى على وصفي بالسخافة وانت أيها الرمادي الفقير معرفياً والمدمن للفت الأنظار بكل ما يمكنك من مواقف متناقضة أورمادية في أحسن الأحوال أما نقدي لك يا أبوسن فينطلق من فهمي أن أي بوست هو منشور موجه للراي العام ويسهم بحد قليل أو كبير في تشكيله حتى العنوان كان مطلقاً أجمل البورداب وهذه عبارة قيمية تتحمل تبعاتها وتبعات كل ما كتب في البوست على أساسها نعم كتبت في مقدمة البوست راي شخصي جدا جدا يكون شخصي جدا جدا لو وجهته عبر الماسنجر أو إحتفظت بيه لنفسك من المؤسف حملت تقييمات الناس (الشخصية جداً جداً ) وصف أن أجمل البورداب فلان أو علان وبعضهم لا يكتب في البورد إلا نادراً فهل هذا عادل في حق من يسهرون كل يوم يجمعون المعارف ويقدمون جهود علمية وثقافية لا تقدر بثمن انا لا اقصد نفسي على الاطلاق لان اعرف قدر نفسي وانني لا اقدم شيء ذي بال يذكر لكني أشعر بأثر مثل هذه البوستات التقييمية على آخرين يظنون أن ما يقدمونه مفيد جداً ومعترف به تخيل عندما يأتي أحدهم ويذكر أن اجمل البورداب هو فلان وهم يعلمون ان هذا الفلان لم يقدم للبورد ربع ما يقدمون ماذا سيحفزهم للاستمرار في الكتابة هنا أتمنى يا أبوسن ان لا تفهم كتابتي كانها شخصية او استقصاد وأتمنى ان يسهم الجميع بما فيها المنفعة
ما وصفتك انت بالسخافة بل وصفت دخلتك الشمال عرض هنا بذلك, لكن لو عايز تلبس اتفضل البس ما بغلى عليك شايفك المرة دي بطلت استعلاء و ما قلت عريبي لولا الجامعة ما عارف شنو ههههههه صحي والله نظرتي فيك ابدا ما خابت , زول بريمة قاعد لباس ساي
Post: #102 Title: Re: اجمل البورداب Author: عبد الصمد محمد Date: 11-09-2018, 04:09 PM Parent: #101
يا سيد انت ما وصفت الكتابة بإنها سخيفة بل قلت سخافة صمد ومهما كانت نواياك إلا أنها مبادرة بالإعتداء لم يقم بها صاحب البوست وكنا سنقول رد بإنفعال لكنه إناءك الذي نضح بالإساءة وكل إناء بما فيه ينضح وانت من أنت؟ ألم تصفك إحدى البوردابيات وقبل أكثر من 8 سنوات بضحوكنجي المنبر وهي صادقة تماماً انت كنت في المنبر دوماً إما من رعاة بوستات الهزل وقت كان الناس يموتون في محارق الطغيان وكنت كذلك مثال للشخص المقلق العاوز يلفت الأنظار ليه بكل طريقة فيدمن حركة خالف تذكر و كذلك كنت دوماً على عكس زملاءك الصناديد ناس عبدالكريم محمد الأمين الله يطراه بالخير نصير للإنقاذ والأصولية على عمومها ولو بشيء من الحياء حتى لقبوك بالرمادي لكن استمرأت دور العدو الذي يقف بالمرصاد ليتصيد هفوات أي معارض تبش في سواءتهم كأنك لا تدرك أن الكثير من هذه الهفوات من فعل المؤامرات التي يبثها الجداد الإلكتروني في الفترات الأخيرة تحاول الظهور بمظهر من ينتقد الإنقاذ والظلاميين على إستحياء أتمنى أن يكون هذا إتجاه إيجابي يستمر لكن تذكر لا تبادر الناس بالإساءات وتتبكى بعدها
تحياتي للجميع هنا دون فرز ماذا يا صمد لو قلنا للشاعر نزار قباني ان قولك بلقيس اجمل النساء ما كان لك ان تقولها لنا .. بل ان تكتبها في ورقة وتضعها مع تابوتها ؟ وما الشعر وبعض الادب إلا تعبيرا عن مشاعر خاصة جدا منشورة للعلن دون ان ير احدهم انها تحز في نفسهم . كتبت قبل سنوات عن زوجتي مسبغا عليها من الصفات ما يرفع شأنها فوق البشر . فلم تنبري لي احد العضوات ان قول لها ذلك وحدها لقد آذيت بعضنا ولعل من نافلة القول تكرار . انني قياسا علي حديث الرسول عليه الصلاة والسلام اذا احب احدكم اخاه فليخبره فوددت ان اقول لهم قبل ان يعجزني ذلك احد الاصحاب ارسل لي كأنك تكتب بوست مودع . تلك بوستات عزاء
ﻻ حوﻻﻻﻻﻻﻻﻻﻻ دا شنو يا محمد البشرى اللذيذ وصحبه عبدالصمد اﻻسد هسي الواحد يقول ليكم شنو بس ؟؟،! والله حيرتونا في الدنيا دي... والله غريبة دا بوست اسمو اجمل ..تجوا تقلبوا اشنا لغاية هنا وكفاية ..واليوم جمعة واﻻمة مجتمعة دا اذا كان لينا مساحة 1 ملم مربع في خاطركم
لا يا خوي انا لم اتباكى على سخفك الكتبته وقلت لك انها دي قدرتك وقدرك، وعندما قلت لم اصف المرة الاولى سوى دخلتك الشتراء فاعنيها لكن برضو لامانع من وصفك كدا كلك على بعضك بالسخيف فانت حقا اهلا لها. الشي التاتي اوعى سر الفذلكة الذكرتها عني دي ومواقفي التي ترى انها تنال من المعارضة و المعارضين تكون عايز تحسب نفسك منهم ودخلتك بالعرض هنا نضال وكدا! يا راااجل، انت هنا لا تعدو ان تكون شايل ابريق ومتوهم انه من تحمله لهم اسي مبسوطين وكدا.
Post: #106 Title: Re: اجمل البورداب Author: صلاح عباس فقير Date: 11-09-2018, 07:23 PM Parent: #105
لاااا يا ود البشرى، لا والله ما هكذا عهدناك! رجاءً! *** والله الحكاية ما بتستاهل. *** صاح في الأول إنت ما قاصد، بس عبارتك تتضمن شيء أثار الأخ عبد الصمد فكتب ما كتب، ثم كأنك وجدت نفسك مبلول وطنبجتها ههه فرجاءً يا ود البشرى! *** مع كل احترامي لك وللأخ عبد الصمد.
Post: #107 Title: Re: اجمل البورداب Author: هاشم الحسن Date: 11-10-2018, 02:31 AM Parent: #1
تحيات للشباب جميعا. والتحيات للأحباب عبد الصمد وود البشرى بالأخص.. شكلهم على زهجة ويمكن ما يسمعوها الا بصعوبة.. تحيااات يا شاب انت وهو.:) الأمر لا يستحق يا أحباب.. رأي ورأي على الرأي.. ويا دار ما دخلك شر. صحيح بعض الالفاظ قاسية وما كانت لازمة لكن نقول بنت لحظة الانفعال وحتما سيمكن تجاوزها. باركوها وتجاوزوا المرارات الله يبارك فيكما.
من ناحية أخرى يا عبدالصمد، تعرف، انت والبشرى وسناري وصلاح وكل القدامى، أن بوستات مثل هذا البوست واشد تخصيصا منه وأقل موضوعية قد طالما ملأت المنبر.. على مدى تاريخه. كاتبي لهذا الشهر لذلك الربع لتلك السنة كاتبتي المفضلة احلى صورة وأجمل موضوع والبوست الاجمل والتعليق الافضل، والبعض منها يعرض للتصويت العام .. وهكذا.. مرة رمضانية كدا انا صوّت لأحد بوستات عبدالعزيز شلال (دكين).. والشهر قبل الفات سميت محمد جمال الدين كاتبي المفضل والشعر دا ممكن انتخب فقيري وسناري مشترك.. هل لو كتبت عن هذا الامر معناها قللت من شأن محسن خالد او عجب الفيا او عبد الله بولا او انت او حفيظ؟ الامر لم يعد ان يكون تعبيرا عن اعجاب او مرحا او تشجيعا او دفعا لخطاب بعينه.. وتنبيها الى طريقة وغيرها .. صحيح في احيان اخرى قد تكون نكاية وهذا نادر. وليس هنا. ربما لو كنت تتابع بوستات حفيظ وطريقته المنبرية لما فكرت أبدا انه يمكن أن يكتب للتقليل من شأن او اقصاء او اهمال او حتى مقارنة س مقابل ص.. هو تعبير عن رأي في هذا الوقت الراهن وقد يتغير غدا فلا يمكن عندها ولا سيحق لاي منا ان يسائله لماذا وكيف. وايضا فطبيعة الحال هنا، لن تجد من سيفهم ان عليه اعتماد تفضيلات حفيظ المسببة ذاتيا كمفضلات معيارية ملزمة للآخرين..
الراي راي ولنتجاوز عن الالفاظ القاسية.. لن يكون الا خير..
يا حفيظ، ما جاك كلامي؟! نوع البوستات دي بتجيب الحسد، بتذكر من نحن شفع صغار كان عند السودانيين قول مأثور يقول : يا فيها يا مفسيها بعد ما شكرت أبو لمبة بطل الفسو ضدك، وانت قاليو شايلها معاي فسو حار ليه؟ علشان قبل كدا فتح بوست أو بوستات زي دي وما ذكرتو فيها هههههههههه، غايتو الله يكبر العقول، ويا الف مرحب بالعدو الجاهل
كسرة: ياريت واحد ينزل كلام د. عبد الله الطيب بتاع عشرة قبائل عربية دخلت السودان، اشتهرت بالحسد الا واحدة
في الغالب زول مسالم جدا وكثير التنازل لمصلحة السِلم 