يقال انها كتبت لصلاح بن البادية لكن وردي سابق الريح وحلت ارادة المولى وأبدع ابداعا
وا أسفاي.. إرادة المولى رادَتني و بِقيت غَنَّاي.. أسوِّي شنو مع المقدور براهُ الواهِب العَطَّاي.. مِنو البِدور يساهر الليل و يسافِر فوق جناح الشوق يكُوس نَجماً بعيد ضَوَّاي.. مِنو إذا وَصفوا لُه أرض الحور تلاقي قوافلُه طول الليل تَشِقَّ التيه تَجُرَّ النَم مع الحَردَلو في الدوباي.. وا أسفاي.. بَبيع الدُنيا كُلَّ الدُنيا عَشان خاطِر عُيون حِلوين مَنابَع الطيبة مُتجاورين متسامحين في السَمحين و أسافِر فوق صِبَيّ العين معاكِ سلامَة يا دُنياي.. و بتمَدَّد و بتوَسَّد وِسادَة شوق و أنوم مُرتاح و خالي البال و أقالِد تاني عَهدِ صِباي.. عَشان ما تَبكي بَبكي أنا و أحاكي الطرفة في نُص الخريف بَكَّاي.. حُمولي تَهِد جِبال الشيل و خايف في العَتامير ليل و مِتوَكِل عليك يا الله دافرَ الليل بِريق البَسمة إن لاح لي بِتِتفَتَّح مَشاتل الريد و أحس بالجُوَّة زَغرَد فيها صوت الناي.. وا أسفاي.. إذا ما شُفتَ ناس سمحين يتاتوا زي قَدلة جنى الوِزين يتاتوا يا حِليل الكان بِهَدِّي البين صِبِح مُحتار يكوس هَدَّاي.. مِن ناس ديلَ.. وا أسفاي.. مِن زي ديلَ .. وا أسفاي..
Post: #2 Title: Re: **عشان ما تبكي ببكي أنا** Author: علي عبدالوهاب عثمان Date: 10-31-2018, 07:07 AM Parent: #1
حبيبنا عوض .. تحياتي .. شكراً على هذا الجمال رحم الله وردي هذا العملاق لن يتكرر حبيبنا عوض .. يومياً لازم أسمع وردي على الاقل مرتين أغنية نوبية وأغنية بالعربية أي إيحاء عن وردي تجدني أول الحاضرين .. وردي أسطورة .. تعويذه نوبية .. رحم الله وردي .. ورحم الله إسماعيل ود حد الزين .. وحد الزين بالنوبية ( مسونكيل ) يعني منتهى الجمال ============ عندما تغني وردي بأغنية وا أسفاي .. الناس قالوا المقصود ناس مايو وخاصة في المقطع : مِن ناس ديلَ.. وا أسفاي.. مِن زي ديلَ .. وا أسفاي.. ولفترة زمنية اصبح ترديد الاغنية نادر في الاذعة والتلفزيون تحياتي الحبيب عوض ..
Post: #14 Title: Re: **عشان ما تبكي ببكي أنا** Author: عوض جاه الرسول Date: 11-01-2018, 05:31 AM Parent: #2
Quote: حبيبنا عوض .. تحياتي .. شكراً على هذا الجمال رحم الله وردي هذا العملاق لن يتكرر حبيبنا عوض .. يومياً لازم أسمع وردي على الاقل مرتين أغنية نوبية وأغنية بالعربية أي إيحاء عن وردي تجدني أول الحاضرين .. وردي أسطورة .. تعويذه نوبية .. رحم الله وردي .. ورحم الله إسماعيل ود حد الزين .. وحد الزين بالنوبية ( مسونكيل ) يعني منتهى الجمال ============ عندما تغني وردي بأغنية وا أسفاي .. الناس قالوا المقصود ناس مايو وخاصة في المقطع : مِن ناس ديلَ.. وا أسفاي.. مِن زي ديلَ .. وا أسفاي.. ولفترة زمنية اصبح ترديد الاغنية نادر في الاذعة والتلفزيون تحياتي الحبيب عوض ..
الجميل علي منتهى الجمال انتا اولاً استاذنا الفاضل ماعارف لكن لو عندي سلطة وصوت مسموع كان نصبتا الأغنية دي نشيد السودان الوطني عدييييييل .
Post: #3 Title: Re: **عشان ما تبكي ببكي أنا** Author: almulaomar Date: 10-31-2018, 07:36 AM Parent: #1
عوض جاه الرسول عندما يلامس سحر الكلمات لحن موسيقي راقي يأتينا عبر صوت عبقري رائع يأسرنا ويسحرنا العمل وعندها تتم الصورة الفنانة بإستماعنا ودهشتنا بما يقدم. الراحل وردي عبقري موهوب ومتمكن برحيله إنطفأ سراج ورحلت إيقونة قل أن يجود الزمن بمثلها. أما الراحل (سماعين) إسماعيل حسن فهذا شأن آخر وإن كنا نقرأه دائماً مسافر فوق جناح الشوق يكوس نجما بعيد ضواي. الصدفة التي جعلت وردي يتغني بها بدلاً من إبن البادية يمكن أن نقول عليها أجمل صدفه لا قدحاً في إبن البادية ولا مدحاً في وردي فكلاهما قامات سامقات لكن لأنها أصبحت واقعاص وكأنها فصلت تفصيلا لوردي ، بالقدر الذي لم بكي الكثيرون معه ولم يبكي وحده لكي لا تبكي هي – الحكاية شنو الناس دي دموعها قريبه خلاص
Post: #4 Title: Re: **عشان ما تبكي ببكي أنا** Author: Ahmed Yassin Date: 10-31-2018, 08:17 AM Parent: #3
لمحبي وردي خاصة.. وللبعرفو يسمعو وردي كويس اغنية (اسفاي) تعتبر (كربون) لأغنية (المستحيل) لنفس الشاعر فيهما تشابه كبير جدا في السياق وفي المفردات وحتى في المعنى وفي فلسفتها (فلسفة القدر) وفي الــ (لا ارادية) ويمكن تكون (جزء مكمل) او نسخة حديثة من (المستحيل) مع ان الراحل (وردي) قال " الفنان الذي يعيد تجاربه يعتبر مفلس"
Post: #5 Title: Re: **عشان ما تبكي ببكي أنا** Author: MOHAMMED ELSHEIKH Date: 10-31-2018, 11:47 AM Parent: #4
في كل فترة تعلق معاي اغنية معينة اقوم بترديدها لنفسي واستمع اليها في البيت في الشارع ( في المكتب)
كانت معلقة معاي رجعنالك يمكن شهر. وبعدها الطير المهاجر اتفكيت منها قبل اسبوع. ومن قبل اسبوع وللصدفة العجيبة وااسفاي ولم ابدأ الأستماع لها بوردي بل بالفنانة آمال النور! واهو علقت عديييييل مع هرمنا رقم 245 استاذنا المرحوم وردي
ابداع
طبعا بعد التحية لكم كووولم
Post: #6 Title: Re: **عشان ما تبكي ببكي أنا** Author: بدر الدين الأمير Date: 10-31-2018, 11:57 AM Parent: #5
غايتو يالرطانة اكان ماجبتو غير خليل فرح ووردى لكفاكم مجدا وفخرا
Post: #7 Title: Re: **عشان ما تبكي ببكي أنا** Author: بدر الدين الأمير Date: 10-31-2018, 11:57 AM Parent: #5
غايتو يالرطانة اكان ماجبتو غير خليل فرح ووردى لكفاكم مجدا وفخرا
Post: #8 Title: Re: **عشان ما تبكي ببكي أنا** Author: بدر الدين الأمير Date: 10-31-2018, 11:57 AM Parent: #5
غايتو يالرطانة اكان ماجبتو غير خليل فرح ووردى لكفاكم مجدا وفخرا
التحية للجميع اخونا احمد فيما يلي العبقري وردي اسفاي و المستحيل ليس بينهما من تشابه سوى ان اللحن في العملين يمكن اعتباره علامة ( فارقة) في فن الغناء السوداني ( وهذا رأي شخصي) في المستحيل : وردي ( الصوت) وردي صاحب المقدمة الموسيقية ( وهو بالكاد بلغ الثلاثون من العمر) ثم وردي ( واضع) اللازمة الموسيقية في مقطع ( في شبابك في صباك ... في جمالك في بهاك) وَيَا المسير وماك مخير جعل الشعب السوداني كله يُؤْمِن بالقدر لا غرو ان منحته الإذاعة السودانية اعلى اجر مالي في تاريخ الغناء وقتها
في واسفاي : Again المقدمة الموسيقية قفلة مقدمة الاغنية ( براه الواهب العطاي ) مقدمة مقطع ( بتمدد و بتوسد وسادة شوق وانوم مرتاح وخالي البال) عشان ما تبكي ببكي انا ( عنوان البوست) تجعلك تتحسر كم خسر الشاعر اسماعيل حسن عندما قلل من شأن وردي في ١٩٦٢
وردي سادتي عبقرية أشك في تكرارها
Post: #10 Title: Re: **عشان ما تبكي ببكي أنا** Author: علي عبدالوهاب عثمان Date: 10-31-2018, 04:56 PM Parent: #9
غايتو يالرطانة اكان ماجبتو غير خليل فرح ووردى لكفاكم مجدا وفخرا =========== الامير الحبيب صدقت .. وبإسم كل أهلنا نرفع سموكم أسمى آيات الشكر والتقدير .. مودتي ============== حبيبنا عوض .. البوست جميل .. نظرة إسماعيل للبطانة في هذه القصيدة تختلف عن من سبقوه من شعراء البطانة حيث رمزية السيف والخيل والليل والابل ولكن إسماعيل نظر إليها من خلال ثقافة أهل الشمال .. وهي نظرة جمالية وتأمليه .. لأن المجتمعات ثقافتها تختلف حسب المهنة ( الزراعة ، الرعي ) شكراً على البوست ..
رحمك الله يا وردي .. لن يتكرر وردي .. الحبيب زكريا .. أحب قراءة كتاباتك عن وردي .. واصل ..
و
Post: #11 Title: Re: **عشان ما تبكي ببكي أنا** Author: Ahmed Yassin Date: 10-31-2018, 05:19 PM Parent: #10
اخونا زكريا
Quote: اخونا احمد فيما يلي العبقري وردي اسفاي و المستحيل ليس بينهما من تشابه سوى ان اللحن في العملين يمكن اعتباره علامة ( فارقة) في فن الغناء السوداني ( وهذا رأي شخصي)
كلام جميل يا ابوالزيك من ناحية موسيقية والمقدمة واللحن انت عارف يا ابوالزيك ان (اسفاي) اتلحنت مباشرة بعد (ارحل) التي فازت بكل شىء وهي ساحرة الاغاني لكن انا كلامي عن سياق (القصيدتين) بمعنى (الفلسفة القدرية) والــ (لا ارادية) في تشابه كبير في الفكرة (القدرية) بين (اسفاي ) و(المستحيل) حتى في التعابير
Post: #12 Title: Re: **عشان ما تبكي ببكي أنا** Author: علي عبدالوهاب عثمان Date: 10-31-2018, 06:06 PM Parent: #11
الحبيب عوض .. تعليقاً على مداخلة حبيبنا الرائع الامير بدرالدين .. كلنا في الشمال نوبة ومستنوبين .. ما في فرق بين إسماعيل ووردي وحميد .. إلخ . مهداة إلى الامير بدرالدين .. =================== من المعروف ان معظم الذين أثروا وجدان الشعب السوداني ينتمون الى بيئة الشمال وعلى سبيل المثال لا الحصر (، خليل ، وردي ، اسماعيل ، حاج الماحي ، الطيب الصالح ، حميد ، ... وغيرهم كثر ) تسنموا قمم الابداع وأصبحوا رموزاً يعتد بهم من كل أبناء الوطن على اختلاف اثنياتهم ، لنقف قليلاً ونسأل عن سبب هذا العطاء اللامحدود من الجمال الظاهر والمكنون في انتاجهم الشعري والادبي والغنائي رغم أن اقامة بعضهم كانت خارج المنطقة ولكنهم اصطحبوا معهم تلك الصور في دواخلهم يستحضرونها متى فاضت بهم رغبة الاندياح ، فالخضرة والماء والفضاء والطبيعة موجودة في كل بقاع الوطن وربما اكثر جمالاً وأرحب مساحة مما هو موجود في حضانات الشمال ولكن الفرق هو الانسان المتأمل الذي يرى أنه جزء وعنصر اساسي من مكونات هذا الجمال بل هو ذرة من هذا الوجود الابداعي لهذه المنظومة الالهية ، ويصيف اليه قيمة انسانية مهمة ألا وهي الأمن الذاتي ليخلق بيئة آمنة ليس فيها وجل او خوف من الآخر المجهول الذي يمكن أن ينتزع هذا الجمال او يشوهه ، لنأخذ مثالاً مبسطاً وقراءة ذاتيه دون اي نظريات أو إسقاطات علميه معقدة عن فوارق الابداع في بيئة جمالية أخرى تضاهي بيئة الشمال فلتكن القراءة في أدب وشعر البطانة رغم أن بعض المفردات الرعوية غريبة على واقعنا ومن الصعب علينا فهمها ولكن مضمون الشعر بصفة عامة من النوع الوصفي للواقع ( إبل وعشب وماء وفضاء وليل .. الخ) ولكن كل هذا العطاء الرباني الذي زين به الخالق هذا الجزء من الكون وجعله مهوى لافئدة العشاق والمتأملين تفرد بنوع من الشعر الذي ينحو الى حياة البادية والذي لا يخلو من جمال النظم وإعلاء لبعض قيم الشجاعة التي ربما كانت صالحة في زمان غابر في مرحلة ما قبل استقرار البشر وتكوين المجتمعات الحضرية وبسبب ذلك ينظر الى هذا الشعر بمقياس اليوم بأنه مؤطر بنوع من تضخيم الذات تحت مصطلح الفروسية بمضمونها وقيمتها الفجة بنظرية ( البقاء للأقوى ) والتي تتمظهر في القوة الجسدية المفرطة الفائضة عن حاجة المجتمع لتستخدم في الاعتداء على الاخر الضعيف وتهشيم صورته ووضعه في دائرة الخوف وعدم الامان ، وكان في الامكان توظيف معطيات تلك الطبيعة الرائعة الى جمال وصفي بإسقاط قيم السلم والمحبة عليها والتي يمكن معها جذب الاخر الى دائرة التعايش ، وهنا مثال لتوظيف نفس هذه الطبيعة ومعطياتها الجمالية بعيداً عن عنجهية الفروسية والأنا المفرطة فكان نموذج اسماعيل حسن (عندما ذهب لفترة قصيرة إلى منطقة البطانة وهو يؤدي مأمورية او مهام خاصة بوظيفته ) إستطاع خلالها ان ينقل لنا صورة جمالية هادئة خالية من الغلظة وضجيج الشوفينية فكانت مقاطع من اغنية ( واسفاي ) التي تغنى بها وردي ورددها كل الوطن ومازال ، فقد استطاع إسماعيل ان يجسد جمال البطانة بعدة ابيات عجز أهلها عن توصيلها الى الآخر رغم مئات القصائد من المسادير والاشعار ، ومن وجهة نظري ان القالب الذي وضع فيه إسماعيل تلك المعطيات هو الأعمق والأقرب الى أمزجة عامة الناس : وقد أمعن اسماعيل في وصف معطيات البطانة واستخدام ادواتها التي يندر وجودها في بيئة الشمال مثال : عشان ما تبكي ببكي أنا واحاكي الطرفة في نص الخريف بكاي حمولي تهد جبال الشيل وفايت في العتامِ الليل ومتوكل عليك يا الله دافر الليل وقد أتى برمزية الطرفة وهي في ثقافة اهل الشمال شجرة حمراء الساق واغصانها دقيقة وصغيرة تنمو على ضفاف النيل ، ولكن الطرفة في مناطق السودان الممطرة مثل البطانة نوع السحاب الممطر وقد اتى بها الشاعر لرمزية انهمار الدموع وأحسب أن نفس قصيدة اذا قالها الشاعر انطلاقاً من بيئة الشمال لشبه البكاء بالساقية والدموع بإنهمار الماء من القواديس وهو التشبيه الاقرب والبليغ لأن صوت الساقية اشبه بالبكاء والانين ، ولكن إسماعيل نظم القصيدة في سهول البطانة وعاش تلك اللحظات فيها وخرج بهذه الصورة الرائعة رغم اختلاف البيئة والجغرافيا وعدم معرفة اهل الشمال بثقافة المطر ومفرداته ولكن الاحساس بالطبيعة من حوله ومقدرته على استحضار الجمال والتأمل فيما حوله هو الذي أوصل اسماعيل الى هذه اللوحة الرائعة عن جمال تلك الطبيعة
معليش الحبيب عوض .. البوست تمدد .. كلو عشان وردي
Post: #13 Title: Re: **عشان ما تبكي ببكي أنا** Author: بدر الدين الأمير Date: 11-01-2018, 05:00 AM Parent: #12
Quote: حبيبنا عوض .. البوست جميل .. نظرة إسماعيل للبطانة في هذه القصيدة تختلف عن من سبقوه من شعراء البطانة حيث رمزية السيف والخيل والليل والابل ولكن إسماعيل نظر إليها من خلال ثقافة أهل الشمال .. وهي نظرة جمالية وتأمليه .. لأن المجتمعات ثقافتها تختلف حسب المهنة ( الزراعة ، الرعي ) شكراً على البوست ..
رحمك الله يا وردي .. لن يتكرر وردي .. الحبيب زكريا .. أحب قراءة كتاباتك عن وردي .. واصل ..
حبيبنا على بوب هل تعلم ان اغنية ارحل كلمات التجانى سعيد لحن وغناء وردى هى مش نص واحد هما نصين في بتين مختلفتين وردى بعبقريته دمجهم فى نص واحد وهل تعلم ان وردى كان بجى لمصطفى سيد احمد ويقوليهو يامصطفى غنى لى ارحل مصطفى باديها ادا خرافى كدى قوقولها بصوت مصطفى وايقاعات عبدالمنعم الفكى فى واحدة من جلسات الروعة بالدوحة وبعدها بجى احكى لكم قصة البنتين والنصين
Post: #18 Title: Re: **عشان ما تبكي ببكي أنا** Author: عوض جاه الرسول Date: 11-01-2018, 06:13 AM Parent: #13
Quote: غايتو يالرطانة اكان ماجبتو غير خليل فرح ووردى لكفاكم مجدا وفخرا
ونكون من الشاكرين يا بدر
Quote: وبعدها بجى احكى لكم قصة البنتين والنصين
كدي قبل نقوقل احكي لينا
Post: #21 Title: Re: **عشان ما تبكي ببكي أنا** Author: عوض جاه الرسول Date: 11-01-2018, 07:43 AM Parent: #12
خلي يتمدد ويتوسد وسادة الشوق كمان استاذ/ علي عبدالوهاب عثمان كلو يهون من اجل الكبار
Post: #17 Title: Re: **عشان ما تبكي ببكي أنا** Author: عوض جاه الرسول Date: 11-01-2018, 06:06 AM Parent: #5
صباحكـ سعيد MOHAMMED ELSHEIKH
Quote: كانت معلقة معاي رجعنالك يمكن شهر.
من اسماعيل حسن ل عبدالباسط سبدرات. يعني اسفاي حتعلكـ سنتين تلاتة كمان ههههه
Post: #16 Title: Re: **عشان ما تبكي ببكي أنا** Author: عوض جاه الرسول Date: 11-01-2018, 06:00 AM Parent: #4
Ahmed Yassin تحايا وود. فلسفة القدر وال لا ارادية كانت غالبة في اشعار تلك الحقبة يمكن ، لكني لا أرى تشابه بين الأغنيتين كدي اسمع تاني
Quote: لمحبي وردي خاصة.. وللبعرفو يسمعو وردي كويس اغنية (اسفاي) تعتبر (كربون) لأغنية (المستحيل) لنفس الشاعر فيهما تشابه كبير جدا في السياق وفي المفردات وحتى في المعنى وفي فلسفتها (فلسفة القدر) وفي الــ (لا ارادية) ويمكن تكون (جزء مكمل) او نسخة حديثة من (المستحيل) مع ان الراحل (وردي) قال " الفنان الذي يعيد تجاربه يعتبر مفلس"
Post: #15 Title: Re: **عشان ما تبكي ببكي أنا** Author: عوض جاه الرسول Date: 11-01-2018, 05:38 AM Parent: #3
Quote: عوض جاه الرسول عندما يلامس سحر الكلمات لحن موسيقي راقي يأتينا عبر صوت عبقري رائع يأسرنا ويسحرنا العمل وعندها تتم الصورة الفنانة بإستماعنا ودهشتنا بما يقدم. الراحل وردي عبقري موهوب ومتمكن برحيله إنطفأ سراج ورحلت إيقونة قل أن يجود الزمن بمثلها. أما الراحل (سماعين) إسماعيل حسن فهذا شأن آخر وإن كنا نقرأه دائماً مسافر فوق جناح الشوق يكوس نجما بعيد ضواي. الصدفة التي جعلت وردي يتغني بها بدلاً من إبن البادية يمكن أن نقول عليها أجمل صدفه لا قدحاً في إبن البادية ولا مدحاً ف ي وردي فكلاهما قامات سامقات لكن لأنها أصبحت واقعاص وكأنها فصلت تفصيلا لوردي ، بالقدر الذي لم بكي الكثيرون معه ولم يبكي وحده لكي لا تبكي هي – الحكاية شنو الناس دي دموعها قريبه خلاص
سلامات almulaomar
Quote: الحكاية شنو الناس دي دموعها قريبه خلاص
بكايين ياخ ثنائية لن تتكرر (وردي - اسمعين) بعدين انصح بالاستماع للأغنية دي بسماعات أبل. مودتي ليكـ .
Post: #19 Title: Re: **عشان ما تبكي ببكي أنا** Author: Ahmed Yassin Date: 11-01-2018, 06:38 AM Parent: #15
Quote: فلسفة القدر وال لا ارادية كانت غالبة في اشعار تلك الحقبة يمكن ، لكني لا أرى تشابه بين الأغنيتين كدي اسمع تاني
طيب ياعوض مافي تشابه في المستحيل اسماعيل حسن ادخل (لو بايدي) كم مرة في نصه الشعري لو بإيدي او بايدي كنت طوعت الليالي لو بإيدي. لو بإيدي كنت زللت المحال لو بإيدنا من زمان لو بإيدي كان هديتك ورمى كل تلك الــ (لو) لـ (الارادة) واستسلم (للحسرة ) لانه :ـ لا يستطيع مجابهة المستحيل و: يا المسير وماك مخير وختمها بـ : انت ياصابر عند الله جزاك -------- نجي لى (اسفاي) في الاستهلالية بدأ بالاسف والحسرة (و) ... أسفاااااي ومباشرة رمى لتلك (الارادة ) الالهية وقال (إرادة المولى رادَتني) واكد ذلك بـ (القدر) وقال ( أسوِّي شنو مع المقدور) لانه في المستحيل قال (يا المسير وماك مخير) و(غصبا عني وغصبا عنك) في المستحيل وهنا (براهُ الواهِب العَطَّاي) واخيرا اتكل على الله وقال (و مِتوَكِل عليك يا الله)
كدي اقرأ تاني
Post: #20 Title: Re: **عشان ما تبكي ببكي أنا** Author: عوض جاه الرسول Date: 11-01-2018, 07:38 AM Parent: #19
Quote: كدي اقرأ تاني
دي على وزن كدي اسمع تاني ؟ ههههههه Ahmed Yassin اولاً ليكـ الشكر على إثراء البوست بجميل الكلام ومنكـ نستفيد حقيقة والله .
سؤال بسيط ، وارجوا ما أكون من ال بجاوبو سؤال بسؤال في رايكـ التكرار البودي للافلاس هنا من ياتو فيهم الشاعر ولا الفنان
Post: #22 Title: Re: **عشان ما تبكي ببكي أنا** Author: Ahmed Yassin Date: 11-01-2018, 09:37 AM Parent: #20
اول شىء اختيارك جميل للاغنية يا عوض جاه الرسول العملت حملة ضد وردي في زمنها.. من الشيوعيين ومن (السلفيين) ايضا في التعابير زي ماقلنا وانت عارف ان صلاح بن البادية عمل (المستحيل) عشان يغني (واسفاي) وحاول بشتى الصور مع انها كانت (عربون) رجوع العلاقة الجميلة بين اسناعيل و -- وردي الى سابق عهدها وحلاوتها صلاح قال ان الاغنية دي حقتي خاصة فيها ( رادة المولى رادتني وبقيت غناي) في اشارة لقصته هو شخصيا فهو كما معروف ومفهموم لدى الجميع انه من بيت (دين) وشيوخ و(صالح) نفسه شيخ كبير وطبعا اشتكى لطوب الارض .. ولكن وردي بهذا اللحن المعبر والانيق والقوي .. نجح كعادته وقال لصلاح (غنيها بطريقتك انت) تكرار الفنان او المبدع في اي مجال فني حتى في التمثيل والرسم او حتى مفرادات (النقد) تعجل بنهاية الفنان .. او الشاعر او اي مبدع .. عشان كدة الشعراء اكثر الناس حرصا في المفردات الجديدة واي مفردة تتكرر في قصائده بتكون ثقيلة على الاذن وبتصاب بالترهل معظم اعماله والملحن كذلك يبعد عن التشابه لان اي شبه لحني او حتى (مازورة) في غناه بتكون مشكلة وردي قال لى عثمان حسين (انت ياعثمان اظن الجن قاعد يلحن ليك اعمالك دي ما براك) ضحك عثمان حتى ادمعت عيناه وقال لــ وردي (كيف .. الكلام دا ) وردي قال ليهو لانه كل الغنا اللحنتو انت مافيهو اغنيتين بشبهو بعض اطلاقا .. اها دا شغل جن ولا ما جن؟
Post: #23 Title: Re: **عشان ما تبكي ببكي أنا** Author: عوض جاه الرسول Date: 11-04-2018, 09:25 AM Parent: #22
AHMED YASSIN عساكـ طيب
Quote: اها دا شغل جن ولا ما جن؟
جن راسو عدييييل ههههههه
Quote: (غنيها بطريقتك انت)
اليغني ليها شنو تاني مع حبنا وتقديرنا لابن البادية الفنان الشامل