سودافاكس – الخرطوم : اقامت المطربة السودانية منى مجدى حفلاً في مول سيتي بلازا بمنطقة جبرة بالخرطوم ، وسط حضور كبير من المجهور بمختلف اعمارهم .واثارت الصور التي تحصلت عليها شبكة سودافاكس ضجة واسعة عبر مواقع التواصل الاجتماعي حيث كانت ترتدي الفنانة ملابس تحدد أجزاء حساسة من جسدها .رابط الصور.. https://sudafax.com/108811/؟fbclid=IwAR3g1pNkNJu0ToSZDkUt5XR-RlFVSUxNqDo0dOWX5m9ucUhp23_lb4_Y7lkhttps://sudafax.com/108811/؟fbclid=IwAR3g1pNkNJu0ToSZDkUt5XR-RlFVSUxNqDo0dOWX5m9ucUhp23_lb4_Y7lkhttps://sudafax.com/108811/؟fbclid=IwAR3g1pNkNJu0ToSZDkUt5XR-RlFVSUxNqDo0dOWX5m9ucUhp23_lb4_Y7lkhttps://sudafax.com/108811/؟fbclid=IwAR3g1...X5m9ucUhp23_lb4_Y7lk
لا اري بأنها تخطت ما يخدش الحياء العام.. طبعا لازم يعملوا من الحبة قبة.. سيأتي من يقول بأنها كاشفة شعرها وهلمجر
Post: #4 Title: Re: فضيحة السندريلا مني مجدي في مول سيتي بلاز� Author: سيف النصر محي الدين Date: 10-16-2018, 07:14 PM Parent: #2
الواحد داير يقول كلام من نوع عدم الموضوع او قلة الشغلة بعملوا اكتر من كده لكن الناس دي عندها مواضيع وشغلات مهمة تبتدي من قروشهم المحتجزة في البنوك حتى انخفضت قيمتها الى تامين ابسط مقومات الحياة بكل كلفة ومعاناة مرورا بالمرض والحروب والقتل والإهانة من كل من هب ودب ضربا وحلاقة شعر.. الخ.
Quote: زى دى ضمن القوى الناعمه للنظام ولا يمسهم قانون النظام العام من قريب ولا من بعيد الا فى حاله استخدامهم لاثاره معارك انصرافيه
سلام عارف والمتدخلون الأساذ عاصم بكل بساطة صنَّفت منى مجدي وصفيتها ضمن "القوى الناعمة" للنظام؟ أتمنى أن تكون لديك معلومة موثقّة وموثوقة وإلا تكون بهتّها، ليتك تفصح عمّا لديك إثباتاً لما أتيت به. مع خالص تقديري.
سلام عليكم التعليق دا لانو نماذج مشابهه عايشناها فى الجامعه وفى افى الحى واماكن اخرى صنعو ولايطالهم مايطال البسطاء والمناضلين.. هذه الحاله قلبها قوى وعارفه انو فى حاجه اسمها (قانون نظام عام ) لم تسلم منه نساء امثال وينى عمر واخريات سبفنها. . ؟؟؟؟؟؟؟؟
Quote: الواحد داير يقول كلام من نوع عدم الموضوع او قلة الشغلة بعملوا اكتر من كده لكن الناس دي عندها مواضيع وشغلات مهمة تبتدي من قروشهم المحتجزة في البنوك حتى انخفضت قيمتها الى تامين ابسط مقومات الحياة بكل كلفة ومعاناة مرورا بالمرض والحروب والقتل والإهانة من كل من هب ودب ضربا وحلاقة شعر.. الخ.
الاخ سيف النصر... تحياتي المواضيع التي ذكرتها يجب ان تكون أولويات المواطن ومثل هذه المواضيع يستغلها كتائب الحداد الإلكتروني في مواقع التواصل للالهاء.. من ناحية اخري بتوضح معايير النظام العام في حالات سابقة سوف اذكرها لاحقا..
* أصدرت محكمة شمال الخرطوم حكما قضى بتغريم فتاتين مسيحيتين 500 جنيه سوداني (خمسة وسبعون دولار) تقريباً وذلك على خلفية ارتدائهما البنطال أثناء خروجهما من كنيسة في إحدى مناطق العاصمة السودانية. وذكرت المحكمة في حيثياتها بأن المدانتين تم القبض عليهما من قبل شرطة النظام العام وتقديمهم لمحكمة الاختصاص بالخرطوم بحري وأصدرت حكماً على كلٍّ من فردوس ألتوم ورحاب كومي بالغرامة المذكورة لارتدائهما “بنطلون” الأمر الذي اعتبرته المحكمة بأنه “زي غير لائق” بحسب قانون النظام العام.
* أوقفت شرطة “النظام العام” فردوس آلتوم (19 عاما) مع 11 فتاة مسيحية أخرى في يونيو/حزيران من خلال تواجدهن أمام الكنيسة المعمدانية الإنجيلية في شمال الخرطوم، حيث كن يحضرن قداساً للصلاة، واقتادتهن إلى مركز محلي للشرطة في شمال الخرطوم، ووجهت إلى 10 منهن تهمة ارتداء الزي الفاضح، بموجب المادة 152 من القانون الجنائي لسنة 1991، بينما أخلت سبيل فتاتين. وتتفاوت أعمار الطالبات بين 17 - 23 سنة، وجميعهن مسيحيات، وهن في الأصل من جبال النوبة في ولاية جنوب كردفان، ونوهت الفتيات إلى أنهم حين القبض عليهن، كانت بعضهن يرتدين البنطلون بينما ارتدت أخريات التنانير، وأفرج عن اثنتين من الطالبات بعد نحو 4 ساعات من القبض عليهما، بينما أفرج عن العشر الأخريات بالكفالة حوالي الساعة 10 مساء.
* نفذت محكمة ود مدني بولاية الجزيرة، وسط السودان، عقوبة الجلد على فتاتين تبلغان من العمر 16 عاماً و 18 عاماً تحت المادة 152 من القانون الجنائي، وذلك بسبب ارتدائهما “بنطلون”، فيما استنكر أهالي منطقة في جنوب الجزيرة، موطن الفتاتين، تنفيذ العقوبة بالرغم من عدم تحديد مواصفات الزي الفاضح. هذه الحادثة ربما تعيد الجدل حول تطبيق عقوبة الجلد على النساء بسبب ارتداء ملابس بعينها، مذكرةً بتطورات قضية الصحفية لبنى حسين، التي سبق وأن مثلت أمام محكمة في الخرطوم لتحاكم أمام القانون السوداني الجنائي بتهمة “خدش الحياء العام” لارتدائها بنطالاً في مكان عام في 2009.
هذا ما يقصده الاخ عاصم قانون النظام يطبق علي عامة الشعب ولا يطبق علي أخريين مسنودين بمراكز نفوذ...
Quote: التعليق دا لانو نماذج مشابهه عايشناها فى الجامعه وفى افى الحى واماكن اخرى صنعو ولايطالهم مايطال البسطاء والمناضلين.. هذه الحاله قلبها قوى وعارفه انو فى حاجه اسمها (قانون نظام عام ) لم تسلم منه نساء امثال وينى عمر واخريات سبفنها.
سلام الأساذ عاصم وكأنِّي بك تستحث زبانية "النظام العام" على "الإخلاص" في البحث عن نساء البلد من لابسات البناطلين، وما أكثرهن، فإن لم تقع أعينهم أو أعين أزلامهم على هذه أو تلك من لابسات البنطلون فهي إذن من "جماعتهم" وهذا كلام يجانبه التروي والانتباه إلى طبيعة ما يسمى بـ"النظام العام" إذ ما هو إلا عصا تسبق و/أو تتلو الجزرة يرفعها النظام لتحقيق مكاسب "متدنية" في براغماتيتها وهي -أي تلك العصا- للأسف تجد أيادٍ لا تنتمي للنظام بل تعاديه وتعمل جاهدة لمقاومته، غير أنها تمسك بتلك العصا كما هو الحال هنا، ومن دون أي معرفة ملموسة وحقائق واقعة يلصق البعض تهمة الانتماء أو الاستفادة من النظام بأناسٍ، كمنى مجدي- وليتك تعرف عنها أبعد من ما كُتِبَ وقيلَ هنا وهناك. دعونا نعمل على إلغاء قانون النظام العام وليس تعميمه على الجميع من خلال فهم غريب للعدالة، ثم لننتبه إلى ما يسوقنا إليه المخذلون.
مساء الخير الشخصيات العامه فى ظل هذا النظام (فى الداخل) فى الفن والاعلام وجالات اخرى وجودوا مساحه (سمح) لهم بها النظام عبر ادواته العامه والخاصه و من يفوقونهم خبره وابداعا ( ضيق )عليهم الامر حتى تركوا البلد ومنهم من ركز فى وطنه (التحيه للفنان ابوعركى). . .
Quote: هذا ما يقصده الاخ عاصم قانون النظام يطبق علي عامة الشعب ولا يطبق علي أخريين مسنودين بمراكز نفوذ... ProfileEditرد على الموضوع
سلام عارف أرجو قراءة التعقيب مقروناً مع ردي على عاصم حتى لا أفتئت على الآخرين، شخصياً أفهم من الاقتباس أعلاه "ضمنياً" أن منى مجدي مسنودة بمركز/مراكز نفوذ، وليس لديَّ سوى البيِّنة على من ادَّعى.
تقديري
Post: #15 Title: Re: فضيحة السندريلا مني مجدي في مول سيتي بلاز� Author: Arif Nashed Date: 10-17-2018, 00:02 AM Parent: #14
Quote: سلام عارف أرجو قراءة التعقيب مقروناً مع ردي على عاصم حتى لا أفتئت على الآخرين، شخصياً أفهم من الاقتباس أعلاه "ضمنياً" أن منى مجدي مسنودة بمركز/مراكز نفوذ، وليس لديَّ سوى البيِّنة على من ادَّعى.
تقديري
الاخ محمد مدني... تحياتي الشئ الأكيد هو ليس هناك جهة ما املت علي الفنانة مني ارتداء هذه الملابس التي تعتبر في عرف النظام العام زي فاضح "لابسة من غير هدوم" وأظنك شاهدت الصور في الرابط.. أوردت عدة سوابق للنظام العام ضد فتيات تم معاقبتهن لارتدائهن بناطلين .. من صاحب مول سيتي بلازا؟. لاحظ الحدث في مكان عام وربما الحفل قد سبقته دعاية مما يعني علم النظام العام بهذا الحفل مما يستوجب وجود بعض منسوبي النظام العام لمراقبة الوضع. مركز القوي يتمثل في صاحب / او أصحاب المول.. ي حبيبنا الشغلانية لا تحتاج لبينة فالوقائع دليل إثبات.. مودتي.. .
Post: #16 Title: Re: فضيحة السندريلا مني مجدي في مول سيتي بلاز� Author: محمد مدني Date: 10-17-2018, 01:24 AM Parent: #15
الأخ عارف تحية واحترام تُرى هل "جوقة" النظام العام أكثر حِرَفيةً وتأهيلاً من جهازي أمن واستخبارات النظام؟ فإذا كانت أجهزة الأمن والاستخبارات لم تتمكن حتى الآن من الإلمام بمفاتيح "فاعلة" في العمل المقاوم للنظام، أيتوجب علينا أن نلومها لأنها قَصّرت؟ ولا بد لها لها من الكشف عن أولئك الفاعلين كما فعلت مع مَن سبق وكشفتهم أو "كُشِفوا" لها تطوعاً من "الحادبين" على المساواة في العدالة- عدالة من؟- ثم الحالات التي ذُكِرَت مِمَن تغوّلَ عليهن "النظام العام" وقف المجتمع "الواعي والمستنير" مع حقها في اختيار ملبسها ومظهرها وضد "الحق المزعوم" للنظام العام في قهرها. أخي أنت هنا تقول يجب أن يقوم النظام العام بتجريم، جلد، قهر...إلخ منى وغيرها، لا لشيء غير أنه قد فعل هذا مراراً وتكرارا، إذن وكأنَّنا نقول: أبشروا بطول سلامةٍ يا دعاة "المشروخ الحقاري" وساووا بيننا في الظلم، أي أظلمونا جميعاً ولا تنسوا واحدةً أو واحدا. هنيئاً لنا بالمساواة في الظلم إذن.
تحياتي يا عارف متن البوست لغاية الآن ما فيهو مشكلة لكن العنوان صادم وكما هو معروف فإن شقيق الفنانة منى عضو معنا في هذا المنبر
هذا لا يمنع من مناقشة القضية بالطبع لكن بدون فضيحة في العنوان لقد عانت هذه الأسرة كثيرا بسبب التعليقات الفظيعة التي صدرت من البعض بهذا الخصوص وانتشرت في الفيس والواتس ولقد حمدت الله كثيرا أن صرف سودانيز عن التقاط الموضوع ولكن..
مع تقديري الذي تعرفه يا عارف
Post: #24 Title: Re: فضيحة السندريلا مني مجدي في مول سيتي بلاز� Author: محمد مدني Date: 10-17-2018, 10:04 AM Parent: #15
Quote: الشئ الأكيد هو ليس هناك جهة ما املت علي الفنانة مني ارتداء هذه الملابس التي تعتبر في عرف النظام العام زي فاضح "لابسة من غير هدوم"
1- حتى بالجلد والقهر والسجن والغرامة لا يستطيع كائن من كان أن يملي على منى مجدي أو أي فتاة تحترم حريتها وخياراتها نوعية وكيفية ارتداء ملابسها.2- هل أفهم من الشق الثاني من الاقتباس أنك تتفق مع ما "تعتبر في عرف النظام العام زي فاضح؟" ثم الشيء الأكيدأن "النظام العام" لم يقُل "لابسة من غير هدوم" وطبعاً هذه الإضافة تبيِّن بعض ما جاهدتَ للاقتراب منه في هذا الخيطابتداء بالعنوان - الذي يحسدك عليه صحافيو الدار- مروراً بعبارات مثل "العندو ضهر" و مركز الثقل صاحب المول"يعني لو كان في المسرح القومي مركز الثقل حيكون منو؟ وأخيرا قولك "الشغلانية لا تحتاج لبينة".البينة التي طلبتُها يا سيدي ليست على ما كانت تلبسه منى مجدي، بل على أنها من "القوى الناعمة" التابعة للنظام وهوما ألبسها إياه الأخ عصام ووافقته أنت ضمنياً. أما ما الذي ارتدته منى في الحفل إياه أو غيره فليس من شأني ولا شأن أي كان في شيء. وطبعاً محاولة إقحام منى مجدي في مقارنة مع أبو عركي البخيت وكأنهما ضدان يحتربان أو صنوان يخضعان للمعايير نفسها في الحكم على تجربتهما-الفنية، الحياتية وغيرها- لا تفوت على فطنة المتابعين للبوست إذ ليس هناك أي رابط ولا سبب أو مبرر يجعل الأخ عاصم "يحشر" عركي هنا حشراً. وليته سأل عركي عن رأيه في هكذا طرح.
Post: #18 Title: Re: فضيحة السندريلا مني مجدي في مول سيتي بلاز� Author: محمد حيدر المشرف Date: 10-17-2018, 03:57 AM Parent: #1
يا عارف اذا كانت تتمتع بالحرية في اختيار ملبسها .. فاين هي الفضيحة الواردة في العنوان؟!
الاجابة بان العنوان ليس هاما .. وانه سبب تصفحي للبوست .. كل هذه الاسباب لا تنفي االخطأ العنوان .. والاهم من ذلك انو العنوان فيهو تعدي واضح.. ليس على منى نجدي وحدها وانما يمتد لآخرين
Post: #19 Title: Re: فضيحة السندريلا مني مجدي في مول سيتي بلاز� Author: Ashraf El Bagir Date: 10-17-2018, 07:17 AM Parent: #18
اللبس هذا لا يتناسب مع الحفلات العامة (الجماهيرية) فلكل مقام مقال لها ان تلبس ما تشاء في الحفلات الخاصة و الدكاكينية
رحم الله وردي , زيدان , سيد خليفة وجميع عمالقة الفن السوداني كانو جميعا (Full Suit) بدلة وكرفتة وكامل الاناقة في هذه النوعية من الحفلات
Post: #22 Title: Re: فضيحة السندريلا مني مجدي في مول سيتي بلاز� Author: Yousuf Taha Date: 10-17-2018, 08:57 AM Parent: #19
Quote: اللبس هذا لا يتناسب مع الحفلات العامة (الجماهيرية) فلكل مقام مقال لها ان تلبس ما تشاء في الحفلات الخاصة و الدكاكينية
رحم الله وردي , زيدان , سيد خليفة وجميع عمالقة الفن السوداني كانو جميعا (Full Suit) بدلة وكرفتة وكامل الاناقة في هذه النوعية من الحفلات
الأخ اشرف سلام واحترام افتكر زمان كان في حاجة اسمها جكسة في خط ستة واللا انا غلطان؟
Post: #26 Title: Re: فضيحة السندريلا مني مجدي في مول سيتي بلاز� Author: محمد مدني Date: 10-17-2018, 10:20 AM Parent: #22
Quote: حم الله وردي , زيدان , سيد خليفة وجميع عمالقة الفن السوداني كانو جميعا (Full Suit) بدلة وكرفتة وكامل الاناقة في هذه النوعية من الحفلات
سلام الأخ أشرف الباقر
يعني منى تلبس (Full Suit) عشان بكرة يجيك هناي داك ناطي "لعن الله المتشبهات والمتشبهين بعدين ياخي هذه منى مجدي وليس وردي، زيدان أو سيد خليفة رحمهم الله، ومن قال إنها تريد أن تكون مثلهم ثم ما وجه المقارنة في الأساس؟
Post: #29 Title: Re: فضيحة السندريلا مني مجدي في مول سيتي بلاز� Author: Ashraf El Bagir Date: 10-17-2018, 10:50 AM Parent: #26
Quote: يعني منى تلبس (Full Suit) عشان بكرة يجيك هناي داك ناطي "لعن الله المتشبهات والمتشبهين بعدين ياخي هذه منى مجدي وليس وردي، زيدان أو سيد خليفة رحمهم الله، ومن قال إنها تريد أن تكون مثلهم ثم ما وجه المقارنة في الأساس؟
تحياتي اخ محمد مني .. بالله معقول دي يكون قصدي!!!!
Post: #20 Title: Re: فضيحة السندريلا مني مجدي في مول سيتي بلاز� Author: محمد أبوجودة Date: 10-17-2018, 07:32 AM Parent: #18
سلام، وَ "شوية" مَلامxإلغازٍ أو ألغام..
أُعجِبَ أحدهم بفتاة، فَ وَرّى لها عبر أخرى قائلاً: يا أختَ خير البدوِ والحـضارة ،،، كيف ترين في فتىً من فــزارة ..؟ أصبح يهـــوى حُــرّةً مِعطارة ،،، إيّاكِ أعني ....!! واسمعي ياجــارَة.
فما إنْ سمعته حتى ردّت له بذات "الأثير" الأسافيري، مُــوَرِّيةً:
إنّي أقول يا فتى فــزارة ،،، لا أبتغي الزوج ولا الدّعــــــــارة ولا فِراق أهل هذي الحارة ،،، فارحل إلى أهلك باســــتخـــارة *
وقد قيل (في قصة ذاك المَثَل العربيّ، والفصيح جدّا: إيّاكِ أعني واسمعي يا جارَة**): إن "المُدَوِّن" الفزاري، استحى للطّيش، بعدما قال بيتيه اليتيمين(!) فاسترجع نفسَــه وقال: ما أردتُّ مُنكَراً واااا سوأتاه..!!
ويقول مُغنِّينا السوداني: ال قلوب ال طيبة ما *** كانت رَضِيّة، واللا طاريك يا أم دَرَق وُ طاريييي ال عشيرة..
The box ــــــــــــــ
. .. غايتو المنبر دا، فيهو ناس مُستهبلين بششششششكل * .. أعتقد أن "الاستخارة" المُقَفّاة هنا، غير "الدينية" حَقّة الأصوليين السودانيين ديييك، بل أزعُمُ أنها استخارة "دُنيوية" بحتة وَ لَهيَ أقرَب ل "بيت الشاعر الكريم نزار بن قبّاني" إنّي خَيّرتُكِ فاختاري ،،، ما بين الموت على صَدري،، أو بين دفاتر أشــعاري..!!! "يااااا إننننننيييي ياخ ال زول دا ما بااااالغ عديل كدا
**.. "يا جارَة يا جارة .. لا طلّة من السور؟ لا طَلعَة لا زيارة" أغنية لمغنٍّ سوداني تغيّب في الآونة الأخيرة، وربما أفل نجمُ سعدِه "منَدري"..! فقد قلّت طلّته وأُنسيَتْ جارته ال غُنِّية أعني؛ ولا أظن أن سبب غيابو "النظام العام" على سوء النظام العام وقتها والآن..! وبالتالي عدم توفّر نوعية كويسة منّو وكدا، في الحالتين المتسلّطتين. ثم إن كلمة "جارة" تذكّر ال زول ال متغرّب في دولٍ حاتلٌ بعضها نحو القاع سيّان بيدِه أو بيد الآخر( عمروترامب)..!! بمألوف أسماعنا قديما: جيب ليْ "توب الجيران" حقِّي داااك النّمرُق بيهو ليْ بَــرّة وأيضاً تذكّرنا بأغنية للفنان ابن المُبارك (وهذا اسمه عبدالعزيز، حتى لا يختلط الأمر - على قارئي ال عزيز - بالواعظ آل-واطسابي ابن المبارك، وأعداد ما وهب من دجاح محمَر و بعير رحلٍ ممرر وأثواب نقشبندية حجازية و حجارة بطاريات كانت معدومة وبعضاً من "كمّون"..!! وابن المبارك الواطسابي، زماننا هذا، قد كاد يخرج من قبره، ويُشمّم الآناف عطره وجمال كرمه وسوح فنّه "إمكِن!!" قد أضحت قصصه "الفطيرة بنظري!" حيلة بعض عَجَزَة وَ كَسَدَة الواطسابات، يصلونك بأخبارِه القديمة، ويقدّووونك قَدّاً يكاد، بشمائله التدينية..!) : أحلى جارة يا أحلى جارة ..عَطَّرتِ كل الدنيا وانتِ مارّة .. وَ "حات" حرير خَدَّيْك و "حات" نضارة سالمينا - لو - بالعين أو بالإشارة ... تيرا تتا تيرا تتا تيرا تتا تررا تتتيرا .. ومعلوم، أن هذه الأغاني المذكورة قد سبقت نزوة "النظام العام" آل - عَميان بتاع الكيزان؛ بل إن بعضها قد سبق حتى نظام النّميريّان بقوانين سبتمبره التي أراد أن يرشي بها الشعب، فإذا بالشعب يرشّو "رحمه الله تعالى" ..
*** .. هذه الــ "ما" ليست نافية، بل "اسم موصول" والجُملة الشعرية إذن Positive ليست بالــسلبية Negative "ماكات رضية"
ويا أخانا عارف، يا زول، إن شاء الله تكون بقيت كويّس؟ وبيْ كل أمانة، بوستك دا، يضعك ببساطة في قافية "المرحوم النِّعام آدم" ( لا شوفتَن تبلّ الشوق؟ لا سطراً يطمّن) أعني بعد التصرف الشعري في غُناء النعام التّمام، بــ شِعرٍ مُكاجِر كــ: لا "بوستَن" يثبّت سلامة الصّحّة،،، لا "موضوعاً" يُطمّن؟! وَ العجب "ليس حبيبي" .. بل العنوان ..! ياخ انتا ال قاصد المطربة التي سطع نجمها في "أغاني وأغاني" .. أأنتَ حانق أم عليها زعلان؟ فنوع عنوانك دا، هو بالتحديد: تقريب اللهب من البنزين
وسلام على ضيوف بوستيكك دا..
وابقا واعي..
Post: #21 Title: Re: فضيحة السندريلا مني مجدي في مول سيتي بلاز� Author: محمد أبوجودة Date: 10-17-2018, 07:34 AM Parent: #18
أغنية " أنا غـَ نــّيت ليك أغاني .. يا حبيبي أسمى المعاني وووين نتلاقى تاني ..
لثنائي النغم، و لعبدالعظيم حركة،
وأغنية معبّرة، جميلة، في زمنها وزمن اليوم ..
ولها شقيقة: أنا غيرك ما حَبــَّيت يا حبيبي ،، كان مُــتَّ ذنبي عليك ..
وأجمل مافي الشقيقة: حصلتْ ليْ محبّة في مدني شارع القُبّة وووين يا حبيبي
Post: #23 Title: Re: فضيحة السندريلا مني مجدي في مول سيتي بلاز� Author: Ahmed Yassin Date: 10-17-2018, 09:10 AM Parent: #21
عارف ناشد وشركاه دي صورة من نفس الحفل
Post: #27 Title: Re: فضيحة السندريلا مني مجدي في مول سيتي بلاز� Author: Ashraf El Bagir Date: 10-17-2018, 10:43 AM Parent: #23
مشكلتنا دائما نلجاء للتعاطف المطلق من غير نظرة منطقية للامور!!!
الموضوع ليس اللبس .. بل لبس المكان ولبس المناسبة
لكل مناسبة لبسها الملائم
انا شخصيا البس بنطلون جنز وتي شيرت عندما اكون مع اصحابي او في المول او مع الاسرة لكن لا استطيع ان اذهب الي العمل ب بنطلون جنز.. ليس هناك مشكلة في بنطلون الجنز ولكن بنطلون الجنز لا يناسب مكان العمل.
انصح مني مجدي بالاختيار الذكي لملابسها حسب الحالة وحسب المكان.. يعني اللبس ده ممكن كان يكون مناسب في رحلة بس حفلة عامة اعتقد او اختيار غير موفق
Post: #25 Title: Re: فضيحة السندريلا مني مجدي في مول سيتي بلاز� Author: جمال ود القوز Date: 10-17-2018, 10:18 AM Parent: #18
النقول هي مارست حريتها ولبست اللبس البيرضيها .. الشباب المحروم ده (يمارس ) حريته كيفن؟ وهل ده فيهو تعدي على حريتهم في الممارسة أياً كانت ؟ .. بالنسبة لزول طاعن في السن ممكن منظر زي ده ... عادي أو بيقدر يتحمله أو عنده اولويات وعقلانية بتحكمه .. اها شباب مليء بالرغبة يقع وين لمن يشوف زوله بتمارس في حريتها ؟ بالصورة دي وهم مالاقين مجال يمارسوا حريتهم !.. غض النظر عن دين او لا دين او شرع أو كيزان أو شيوعيين او غيره .. وفي ظل معطيات بتحكمنا على الواقع ( الماعندنا يد فيهو ) .. هل في حجر على حرية آخرين .. هل في تعدّي وظلم وقع عليهم بحرمانهم من ممارسة حريتهم ولاّ لا ؟ .. وهل كلام زي ده فيهو عدل او إنصاف .. إنسانينا ساي كده هل حندكة جموع من الشباب .. بينفع عشان فرد وااااحد عايز يمارس حريته !! .. هل ده منطق أو كلام مقبول ومعقول ؟ .. غايتو دي باقية لي زي زول عايز يكب برميل ملان موية .. في (كوز ) صغيرووووني .. وكمان منتظر (الكوز) ده يشيل موية البرميل كلللها بدون مايدفق .. غايتو دي جرعة بتاعة حرية لامن بي عادي .. فأول بالتبادي الشباب يمارس حريته .. بعدين يمكن لمنى مجدي كفرد ان تمارس حريتها .. ده طبعا في ظل حريات الآخرين وتلبس الدايراهو .. ياتن كمان كل الناس تمارس حريتها وتبقى هيصه .. زي ماقال فلان داك يا نمارس حريتنا كلنا .. ياكمان تمارسوا حريتكم بعيد مننا .. وماتحندكونا (بالحرية) العندكم دي .. غايتو دي ولا حرية ولا شيتين .. ولاحرية لفرد إلا في ظل حرية الآخرين .. وعدم التعدي عليهم وغبنهم .. ومساحة الحرية محكومة بأطر كثيرة إن لم يتم وضع الأرضية المسقبة لها .. مابنفع زول/زولة يجي يمارس حريته براهو كده ..
Quote: النقول هي مارست حريتها ولبست اللبس البيرضيها .. الشباب المحروم ده (يمارس ) حريته كيفن؟ وهل ده فيهو تعدي على حريتهم في الممارسة أياً كانت ؟ .. بالنسبة لزول طاعن في السن ممكن منظر زي ده ... عادي أو بيقدر يتحمله أو عنده اولويات وعقلانية بتحكمه .. اها شباب مليء بالرغبة يقع وين لمن يشوف زوله بتمارس في حريتها ؟
الأخ جمال ود القوز: صَحِّحني إذا فهمتَ غلط: منى دي لبست البيرضيها في جسمها هي، ما مشت فرضتو علي زولة/زول تاني يعني في حدود نفسها أما من أسميتهم بالشباب المحروم عاوزهم يمارسو حريتهم في الاعتداء على الآخرين/الأخريات؟ شخصيا فهمت كده من كلامك ده "أها شباب مليء بالرغبة يقع وين لمن يشوف زوله بتمارس في حريتها؟" يعني نقفل المطاعم ذات الموائد العامرة لأنو في ناس جعانين؟ نقفل البنوك لأنو في ناس ما عندهم التكتح؟ ما نشغل المروحة أو المكيف لأنو في ناس ما بيعرفو الكهرباء أصلاً؟ ما نتعالج بقروش لأنو في ناس بتموت من المرض؟ باختصار نفس الموّال، فحوى كلامك المطالبة بالمساواة في الحرمان وليس النضال من أجل انتزاع المزيد من الحقوق. قد نتفق أو نختلف حول هذا الثوب أو ذاك ولكن ليس من حق أيٍ منا تنصيب نفسه قاضٍ ومنفذ لأحكام لا قواعد لها ولا ضوابط ولا تفسير من نوعية "زي فاضح" و"خادش للحياء العام" وهي كما تابع معظمنا مسرب ومدخل السلطة لضرب من تريد وأحياناً لتهييج ذوي النيات الحسنة من بسطاء الناس. ثم ليه الواحد ما يكون عنده "أولويات وعقلانية بتحكمه" علي قولك؟
سلام لم استطع متابعة كل المداخلات ، لكن لاحظت كلام عن رد فعل الشباب تجاه اللبس و خطر لي سؤال :-- ليه الناس لما تسافر لدول غير إسلامية بتتصرف بي تحضر و رقي، و لما تشوف نفس الزي هنا بتبقى حيوانات؟
Quote: فرق واضح جدا بين حاجتين .. قناعتك بالحرية الشخصية .. وقناعتك انت الذاتية ودرجة انفتاحك (ليبراليتك او محافظتك الخ) ..
الحاجات دي ما متعارضة بالمناسبة انا اؤمن بالحرية الشخصية ولكن اتبنى نهجا محافظا اطبقه على نفسي وارتضيه لاهلي الخ الخ (لا اعني نفسي وانما الاشارة)
الم تكن كذلك فانت ببساطة لا تؤمن بالحرية الشخصية كمبدأ ..
عليك نور يا مشرف لو لاحظت أن ما يحدث في هذا الخيط ليس مناقشة الحرية الشخصية، الليبرالية أو المحافظة أو أو أو كل الذي يحدث أن البعض نفض الغبار عن كيبورده وعبأه إدانةً وحكماً والبعض الآخر انبرى للتشهير والتجيير والتلوين السياسي والسلطوي بحق منى مجدي وإنِّي أجزم أنَّ كلاهما لا يعرف عنها سوى صوتها وليتهم حاكموها على هذا إذن لتُرِكَ الأمر للمختصين، "النظام العام، التقاليد، الشباب المحروم....إلخ" باقي يجينا الركابي واللمبي ورئيس هيئة ساينتستس السودان.
Quote: لم استطع متابعة كل المداخلات ، لكن لاحظت كلام عن رد فعل الشباب تجاه اللبس و خطر لي سؤال :-- ليه الناس لما تسافر لدول غير إسلامية بتتصرف بي تحضر و رقي، و لما تشوف نفس الزي هنا بتبقى حيوانات؟
هل لأن قانون النظام العام يوحي للشاب بأن البنت متهمة و مجرمة، لذا يجوز التحرش بها و التشهير بها ؟ طبعاً هناك حيوانات لا تغير طباعها أينما ذهبت، مثلاً الدبلوماسيان المتحرشان في الحانة و في المترو في نيويورك!
Quote: هل لأن قانون النظام العام يوحي للشاب بأن البنت متهمة و مجرمة، لذا يجوز التحرش بها و التشهير بها ؟ طبعاً هناك حيوانات لا تغير طباعها أينما ذهبت، مثلاً الدبلوماسيان المتحرشان في الحانة و في المترو في نيويورك!
احييك يا محمد مدني، عادة نوع البوستات دي بحصل فيها نوع من الحالة القطيعية ويعوم المتداخلين على عوم فكرة صاحب البوست او الفكرة التي يطرحها احد المتداخلين الاعلى صوتا - تقرأ الأكثر نضالا برضو- لكن مداخلاتك المختلفة فرتقت الحفلة القطيعي وكانت بمثابة الكرسي في كلوب الهتافية ودعوة للتفكير بشكل مختلف قبل الاندفاع المعتاد للتأمين على افكار الآخرين والاكتفاء بصب اللعنات على حائط المبكى.
______________________
ديسكليمر: حائط المبكى هنا نسبي وكل له حائطه الخاص به، عشان ما يجيني واحد متنبر للغلاط
محمد مدنى - الحاجة المهمة عندي المعايير المزدوجة ومعيار الازدواجية كان قانون النظام العام (لس تأييدا) لكن لان النموذج موضوع البوست ليس حول نشاط سياسي او .... او .... او .... وانا انتقلت بيهو من حاله شخصنه الى التعبير عن عام (بعض القوى الناعمة المتنعمين بحريات النظام (المنحة) دون غيرهم الذين غادرو المشهد وحتى البلد) - في مجالات من ضمنها الفن والاعلام (كقوى ناعمه) قام النظام بعمليه اشبه بالإحلال والابدال التي حدثت في الخدمة المدنية ليصنع من يصنع على عينه وأصبح هناك مغضوب عليهم يضيق عليهم مالم يحدث تنازل ومرضى عنهم تفتح لهم مساحات أوسع ليس لأنهم يتفقون مع طرح النظام وفكره وانما ليتجمل بهم (ديكور ومكياج) وبعضهم أصبح جزء من أدوات الدبلوماسية الشعبية للنظام رغم ان البعض يعتبرهم مناضلين. والحالة لا تحتمل لون رمادي فإما ان تكون جزء من مشهد النظام او جزء من مشهد الوطن والجماهير . وشكرا
حكايه اللبس دى حريه شخصيه وكل زول مسئول عن لبسو الراى ليس بكون شخصيات عامه خاصه فى الفن والاعلام ومجالات اخرى وحسابها على النظام بل (ومصنوعه ) ليست حكم غيب وانما يكون مبنى على معطيات لنماذج وامثله كثيره. . جوا البلد كان مالقيت هوا (كتمو عليك ) تضرى عيشك معناها مغضوب عليك والعكس. . شكرا
Quote: منى دي لبست البيرضيها في جسمها هي، ما مشت فرضتو علي زولة/زول تاني يعني في حدود نفسها
يا مدني كيفن مافرضتو!!! هل لبسها ده لابساهو جوه غرفة نومها مثلا ؟ .. الناس البتعاين دي كلها مااديتها اعتبار يامدني.. وبتدي اعتبار لمنى مجدي كفرد واحد بس !! .. بدعوى انها تمارس حريتها !!! .. ده منطق غريب .. طيب بنفس فهمك ده أي واحدة ممكن تجي لابسه مايوه في نص السوق .. أو تجتى عريانه مثلا وتقول ده جسمها وهي حره فيهو .. !!! .. حرية الانسان في نفسه وجسمه انت قايلها ماعندها ضوابط مثلا؟ .. كقاعدة عامة أي حرية لفرد تتقاطع مع حريات آخرين .. أو يتم استفزازهم واثارتهم او التعدي عليهم بأي شكل من الأشكال .. أو بأي صورة من الصور حتى لوتجرح احساسهم ومشاعرهم ساي .. بيكون فيها تعدي على حريات الآخرين .. المحددات الزمانية والمكانية بتحكم أي فعل ومعقوليته وقبوله .. فضروري تستصحبها معاك فمايناسب مكان ليس بالضرورة إنه بيناسب آخر ... غض النظر عن أي ضوابط ( وانا بالمناسبة وبالعنية حيدت موضوع الدين .. في مداخلتي الفوق عشان مافي زول يجي يتعلق بيها زي ماعملت في آخر مداخلتك .. وزي ماالبعض بيحاول يتعلق بيها مافي دين ولا في شرع ولا في أي حاجة .. ممارسة حرية سليقة ساي كده هل لبس زي ده وفي المكان ده.. مافيه تعدي على حرية الآحرين باستفزازهم ؟ .... بعدين بتضرب أمثال عجيبة جدا يامدني مافي أي مقارنة بالمناسبة .. لانه ضرب المثل لابد من مراعاة الحالة والوضع والزمان والمكان .. يعني مثلا ممكن عادي تاكل الاكل العاجبك بعيد عن الآخرين بدون ماتستفز جوعهم ... لو كانوا بيموتوا من الجوع ومحرومين من الأكل .. وممكن عادي تلبس الدايروا في بيتك وجوه غرفة نومك بدون أي استغزاز للآخرين .. وممكن برضو تشغل مكيفك ومروحتك في بيتك بي طريقتك .. ممكن تمارس حريتك أو تقلب هوبة حتى المهم وين ؟ ومتين .؟.. يعني مابينفع تجي تفرش أكل قدام ناس جعانيين وتقول انا حر .. او تجي في ظل مجتمع غير اباحي أيا كان البيحكموا .. وتلبس لبس كاشف او بيجسّم وبيشف وتدعي ممارستك لحريتك .. حتى في بلد الحريات الشغلة دي ما مطلوقة كده .. ده البيفرق بين الانسان وبين البهيمة المحددات العقلية دي .. بالعكس انا بشوف دي دعوة للبهيمية واطلاق الغرائز .. وليس العكس فالصورة مقلوبة تماما
Quote: أما من أسميتهم بالشباب المحروم عاوزهم يمارسو حريتهم في الاعتداء على الآخرين/الأخريات؟ شخصيا
انت لو ما راعيت الآخرين وحرياتهم وانت بتمارس في حريتك .. حيجوا الآخرين ديل يعتدوا عليك وعلى حريتك بدعوى ممارسة حرياتهم برضو .. فالشغلة حتبقى هيصة وانفلات لن تستطيع بعد استفزازهم .. والتعدي عليهم انك تتحكم في ردود افعالهم .. بعدين الغرب ده شبع من الحريات ولا محددات في الحتات دي تحديدا .. فضرب المثل بالمجتمعات الغربية بيكون مجافى للواقع وغير منطقي بل غير مقبول اصلا .. انت زول داخل على مجتمع وانت فرد لازم تنضبط بضوابطه .. دي حاجة بديهية ومش مامحتاجه ضرب مثل .. بعدين كيف تنقل مفاهيم مجتمعية تأسست وترسخت عبر الممارسة لسنين ,, وحكمت تطورها اطر مختلفة .. وتجي تقوم بنقلها وتنزيلها في مجتمعات مختلفة تماما .. دي عاملة زي فهم شعوب الغرب للديقراطية وممارستها .. وفهم دول العالم الثالث لها وممارستها !!.. فرق ضخم ومهول لان تراكمية الممارسة لن تستطيع نقلها بجرة قلم .
Quote: فحوى كلامك المطالبة بالمساواة في الحرمان وليس النضال من أجل انتزاع المزيد من الحقوق.
ده مش فحوى كلامي يامدني .. فحوى كلامي حرية الفرد لابد ان تنتهي وتقيف .. حين تتقاطع مع حرية الآخرين أو حتى أي مساس بها .. بيكون خط أحمر أي رفض ليهو بتكون المسألة محض هرجلة .. (أياً كانت الضوابط والأطر الدينية والقانونية التي تحكم هذه المسألة .).
Quote: ومن دون أي معرفة ملموسة وحقائق واقعة يلصق البعض تهمة الانتماء أو الاستفادة من النظام بأناسٍ، كمنى مجدي- وليتك تعرف عنها أبعد من ما كُتِبَ وقيلَ هنا وهناك.
سعيدين بي وجودك يا مدني .. النقطة دي لفتت انتباهي .. هل انت بتنطلق من واقع معرفة لانه لو ده حاصل .. بتنتقل وجهة نظرك لواقع محدد بمعرفة غير متاحة للآخرين .. وبتنتقل كذلك من مربع العام للخاص .. فحيكون في خلط وربكة ولاّ أنا غلطان ..
معليش لو السؤال ده محرج أو لو ما عجبك. عادي ممكن تتجاهله .. تقديري لك .. لكن للنقطة دي أهميتها ولو من الجانب الذي يخص مداخلاتك ..
بالمناسبة ربما لم يصلك ما قصده عارف .. مسنوده ضمنياً دي تُقرأ بنت عرب وتنتمي اثنيا للشمال .. لو كانت بتنتمي لانتماء إثني آخر ربما كانت الشغلانية فيها كلام تاني .. ده قصد عارف الوصلني وليس انها تنتمي فعليا .. او تنحاز للمؤتمر الوطني والنظام الحاكم مثلا ..
الأخوة والأخوات المتداخلين... تحياتي لدي مشكلة في الجهاز وحتي لم يتم معالجتها جزريا وسوف أعود للتعقيب لاحقا.. الأخوة. معاوية الزبير. ود المشرف. جودة. ليس لدي مانع من تغيير العنوان بناء علي ملاحظاتكم ورغبتكم. فأنتم إخوة أكن لكم كل إحترام وود. مودتي
أسمح لي أبدا معاك من الآخر: 1- (بالمناسبة ربما لم يصلك ما قصده عارف .. مسنوده ضمنياً دي تُقرأ بنت عرب وتنتمي اثنيا للشمال .. لو كانت بتنتمي لانتماء إثني آخر ربما كانت الشغلانية فيها كلام تاني .. ده قصد عارف الوصلني وليس انها تنتمي فعليا .. او تنحاز للمؤتمر الوطني والنظام الحاكم مثلا ..) طبعاً من حقك تفسِّر زي ما شايف، ضمنياً، علي قولك لكن أنا شخصياً لو"دخلوني القنصلية وقطعوني حِتَتْ" ما بقول كلام زي ده!! ده تسونامي يا ود القوز ياخ. عموماً أنا بتجاوزو، ما لم تصر عليه أو الأخ عارف يأكد إنّو ده قصده. ثم حكاية تصنيفها كـ"قوى ناعمة" تابعة للنظام ده كلام الأخ عاصم وأنا رديت عليه، أما عارف فقلت ليهو"هل انت متفق مع ما يعتبره النظام العام زي فاضح؟".
2- (هل انت بتنطلق من واقع معرفة لانه لو ده حاصل .. بتنتقل وجهة نظرك لواقع محدد بمعرفة غير متاحة للآخرين .. وبتنتقل كذلك من مربع العام للخاص .. فحيكون في خلط وربكة ولاّ أنا غلطان ..
معليش لو السؤال ده محرج أو لو ما عجبك. عادي ممكن تتجاهله .. تقديري لك .. لكن للنقطة دي أهميتها ولو من الجانب الذي يخص مداخلاتك ..)
أبداً يا ود القوز، مافي سؤال مُحْرِج ولا سؤال ما بيعجب وأتمنى إنّو أجوبتي ما تكون مُحرجة أو ما بتعجب. طيِّب خلِّيني أتناول الفرضيتين الأولى نفترض إنّي بعرف منى مجدي وأمها وأبوها وجدودها وحبوباتها وجيرانهم وصاحباتها وأصحابها، ياخي كدي قول بتِّي عديل كده!! هل ده معناه أنا لازم أدافع عنها في الباطل والبطال؟ أو كمان يحرمني من الوقوف مع حقها زي ما بعمل مع أي إمرأة أخرى فقط لأني بعرفها "بتي" مثلاً؟ التانية نفترض إنّي ما بعرف عن منى مجدي دي غير الفيديو والصور الفي البوست ده وأضيف ليها "أغاني وأغاني". هل ده بيديني الحق إنِّي أصنفها "قوة ناعمة" تبع النظام، والنظام بيفتح ليها عشان تبقى ليه ديكور، وكمان أجيب ليها "ضهر" عشان ما تنضرب علي بطنها، ولا من يسألوني من أين لك هذا أقول ناس النظام العام ما جلدوها ليه؟ وأضيف إنها لابسة (ما يعتبر في عرف النظام العام "زي فاضح؟") يا جماعة يعني الما بيجلدوها لامن تلبس بنطلون طوالي نطلع ليها بطاقة "قوة ناعمة"؟ ثم حكاية المعرفة غير المتاحة للآخرين، إن وجدت، دي مشكلة العارف ولا الما عارف؟ ياخي أنا عندي أعمام وأبناء وبنات أعمام وخيلان في قمة أجهزة هذا النظام كما هو الأمر بالنسبة لكثيرين وكثيرات غيري، ولكن ذلك لم يدفعنا إلى مداراة سوءات أفعالهم وفساد ذممهم بل انتشناهم وطردناهم كالذباب. الموضوع يا ود القوز، عندك رأي في لبسها قولو ما في مشكلة لكن كمان أقبل رأي غيرك ثم أبداً طالما في "معرفة غير متاحة" ما في داعي للتشهير بالبشر "سياسيا" وشخصياً إذا نسبني أحدهم/إحداهن إلى عصبة الظلام الحاكمة المتحكمة هذه فإنني أعتبره سبّني في شرفي، وهذا رأيي وكلي استعداد أن أتفهم رأي من يختلف معي.
3- (بعدين الغرب ده شبع من الحريات ولا محددات في الحتات دي تحديدا .. فضرب المثل بالمجتمعات الغربية بيكون مجافى للواقع وغير منطقي بل غير مقبول اصلا .. انت زول داخل على مجتمع وانت فرد لازم تنضبط بضوابطه .. دي حاجة بديهية ومش مامحتاجه ضرب مثل .. بعدين كيف تنقل مفاهيم مجتمعية تأسست وترسخت عبر الممارسة لسنين ,, وحكمت تطورها اطر مختلفة .. وتجي تقوم بنقلها وتنزيلها في مجتمعات مختلفة تماما .. دي عاملة زي فهم شعوب الغرب للديقراطية وممارستها .. وفهم دول العالم الثالث لها وممارستها !!..) هسي في ذمتك دي يا ود القوز الكلام ده جبتو من وين؟ دحين لو جرِّيت الخيط ده من طرفو البداه الأخ عارف ومرورو بي "خرم الإبرة" لغاية كلامي ده، حتلاقي أي ضرب مثل بالغرب؟ أو العالم الثالث أو الديمقراطية؟ ياخي أنا مركِّز على عدم البهتان واكيل الاتهامات والتشويه والتشهير السياسي والاجتماعي فدي استعنت بيها انت ما تنسبها لي وأكون شاكر ليك. شكلي كتّرت..أنجم وأرجع إن النَّفَسْ طاوع. تحياتي وتقدير لك والمتدخلين/ات
Quote: الأخ عارف تحية واحترام تُرى هل ;جوقة; النظام العام أكثر حِرَفيةً وتأهيلاً من جهازي أمن واستخبارات النظام؟ فإذا كانت أجهزة الأمن والاستخبارات لم تتمكن حتى الآن من الإلمام بمفاتيح;فاعلة; في العمل المقاوم للنظام، أيتوجب علينا أن نلومها لأنها قَصّرت؟ ولا بد لها لها من الكشف عن أولئك الفاعلين كما فعلت مع مَن سبق وكشفتهم أو ;كُشِفوا; لها تطوعاً من ;الحادبين; على المساواة في العدالة- عدالة من؟- ثم الحالات التي ذُكِرَت مِمَن تغوّلَ عليهن ;النظام العام; وقف المجتمع ;الواعي والمستنير; مع حقها في اختيار ملبسها ومظهرها وضد ;الحق المزعوم; للنظام العام في قهرها. أخي أنت هنا تقول يجب أن يقوم النظام العام بتجريم، جلد، قهر...إلخ منى وغيرها، لا لشيء غير أنه قد فعل هذا مراراً وتكرارا، إذن وكأنَّنا نقول: أبشروا بطول سلامةٍ يا دعاة ;المشروخ الحقاري وساووا بيننا في الظلم، أي أظلمونا جميعاً ولا تنسوا واحدةً أو واحدا. هنيئاً لنا بالمساواة في الظلم إذن.
ودمت بخير
الاخ محمد مدني.. تحياتي ايرادي لتلك الأمثلة لا يعني موافقتي ورضاي عن ممارسات النظام العام .. الناس ديل عندهم عصا نايمة وعصا قايمة ويعرفون متي وضد من يستخدمونها.. لست ضد حقها في اختيار ما ترتدي حتي وإن كانت ترتدي شورت فهذا يخصها.. وبنفس الحق الذي أعطاها حرية اختيار ردائها بالمقابل أعطي الآخر حق الانتقاد كما حدث في وسائل التواصل الاجتماعي فالمسألة في النهاية تندرج تحت ممارسة الحريات. حريات بدون تعدي او قذف او إساءة أخلاقية.. مودتي
Quote: تحياتي يا عارف متن البوست لغاية الآن ما فيهو مشكلة لكن العنوان صادم وكما هو معروف فإن شقيق الفنانة منى عضو معنا في هذا المنبر
هذا لا يمنع من مناقشة القضية بالطبع لكن بدون فضيحة في العنوان لقد عانت هذه الأسرة كثيرا بسبب التعليقات الفظيعة التي صدرت من البعض بهذا الخصوص وانتشرت في الفيس والواتس ولقد حمدت الله كثيرا أن صرف سودانيز عن التقاط الموضوع ولكن..
مع تقديري الذي تعرفه يا عارف
الاخ معاوية.. تحياتي مسألة العنوان أمرها سهل من أجل عين تكرم الف عين.. المثل بقول أمشي عدل يحتار عدوك.. الشخصيات العامة دائما ما تكون حريصة علي تصرفاتها الشخصية لأنها دائما ما تكون تحت المجهر وأي شيء محسوب عليها. الزمن تغير وفيما مضي ما ترتديه المعنية يعتبر غاية الاحتشام. زمن جكسا في خط ستة والخطوة.. الخ. نفوس الناس تغيرت والقيم والأخلاق اختلفت وتردت والنظام زرع مفاهيم مغلوطة في عقول الناس..
Quote: - حتى بالجلد والقهر والسجن والغرامة لا يستطيع كائن من كان أن يملي على منى مجدي أو أي فتاة تحترم حريتها وخياراتها نوعية وكيفية ارتداء ملابسها. 2- هل أفهم من الشق الثاني من الاقتباس أنك تتفق مع ما ;تعتبر في عرف النظام العام زي فاضح؟; ثم الشيء الأكيد أن;النظام العام; لم يقُل;لابسة من غير هدوم; وطبعاً هذه الإضافة تبيِّن بعض ما جاهدتَ للاقتراب منه في هذا الخيط ابتداء بالعنوان - الذي يحسدك عليه صحافيو الدار- مروراً بعبارات مثل;العندو ضهر; و مركز الثقل صاحب النول;يعني لو كان في المسرح القومي مركز الثقل حيكون منو؟ وأخيرا قولك;الشغلانية لا تحتاج لبينة;.البينة التي طلبتُها يا سيدي ليست على ما كانت تلبسه منى مجدي، بل على أنها من;القوى الناعمة; التابعة للنظام وهو ما ألبسها إياه الأخ عصام ووافقته أنت ضمنياً. أما ما الذي ارتدته منى في الحفل إياه أو غيره فليس من شأني ولا شأن أي كان في شيء. وطبعاً محاولة إقحام منى مجدي في مقارنة مع أبو عركي البخيت وكأنهما ضدان يحتربان أو صنوان يخضعان للمعايير نفسها في الحكم على تجربتهما-الفنية، الحياتية وغيرها- لا تفوت على فطنة المتابعين للبوست إذ ليس هناك أي رابط ولا سبب أو مبرر يجعل الأخ عاصم;يحشر; عركي هنا حشراً. وليته سأل عركي عن رأيه في هكذا طرح.
الاخ محمد مدني... تحياتي أوردت أمثلة لحالات فتيات تم القبض عليهن لارتدائهن بناطلين وبعضهن مسيحيات ولهذا قلت أن هذا عرف النظام العام وهو لا يعني بالضرورة أن يكون قانونا يجرم لبس البناطلين لكنه فهمهم للبس الفاضح في صحائف اتهامهم .. في الآونة الأخيرة حوادث حلق الرؤوس ومطاردة من يرتدون البناطلين الضيقة من الشباب!! أما موضوع القوي الناعمة فلم أتطرق له وبالنسبة للعندو ضهر فهو قول مجاز للحالة مقارنة بحالات اخري..
Quote: يا عارف اذا كانت تتمتع بالحرية في اختيار ملبسها .. فاين هي الفضيحة الواردة في العنوان؟! الاجابة بان العنوان ليس هاما .. وانه سبب تصفحي للبوست .. كل هذه الاسباب لا تنفي االخطأ العنوان .. والاهم من ذلك انو العنوان فيهو تعدي واضح.. ليس على منى نجدي وحدها وانما يمتد لآخرين..
ود المشرف... تحياتي موضوع العنوان تجاوزناه وتم تعديله.. ي حبيبنا أمامنا حالة تناولها البعض بالنقد اللاذع وهناك من وقف ضد هذا النقد من باب الحريات الشخصية واتفق معهم في ذلك.. احمد الله بانه حتي الآن لم يدخل البوست احد دواعش المنبر ليتحدث عن القيم والأخلاق وسترة المرأة ونحن مجتمع مسلم ويدعم كلامه بالآيات والأحاديث والأمثلة... الخ
Quote: اللبس هذا لا يتناسب مع الحفلات العامة (الجماهيرية) فلكل مقام مقاللها ان تلبس ما تشاء في الحفلات الخاصة و الدكاكينية رحم الله وردي , زيدان , سيد خليفة وجميع عمالقة الفن السوداني كانو جميعا (Full Suit) بدلة وكرفتة وكامل الاناقة في هذه النوعية من الحفلات
الاخ أشرف... تحياتي الله يرحم هؤلاء العمالقة الذين تركوا بصماتهم علي مسيرة الفن السوداني. اللبس ياهو اللبس والجمهور ياهو الجمهور سواء في مكان عام او دكاكيني..
Quote: ويا أخانا عارف، يا زول، إن شاء الله تكون بقيت كويّس؟ وبيْ كل أمانة، بوستك دا، يضعك ببساطة في قافية ;المرحوم النِّعام آدم; ( لا شوفتَن تبلّ الشوق؟ لا سطراً يطمّن) أعني بعد التصرف الشعري في غُناء النعام التّمام، بــ شِعرٍ مُكاجِر كــ: لا ;بوستَن; يثبّت سلامة الصّحّة،،، لا ;موضوعاً; يُطمّن؟! وَ العجب ;ليس حبيبي; .. بل العنوان ..! ياخ انتا ال قاصد المطربة التي سطع نجمها في;أغاني وأغاني; .. أأنتَ حانق أم عليها زعلان؟ فنوع عنوانك دا، هو بالتحديد: تقريب اللهب من البنزين وسلام على ضيوف بوستيكك دا.. وابقا واعي.
أبو جودة.. تحياتي الله يجازي محنك ياااخي قطعت مصاريني.. تصدق وتأمن بالله أول مرة اسمع بالمطربة دي حتي لم اتابع حلقة واحدة من حلقات اغاني واغاني.. النعام آدم كان زول حكمة الله يرحمه.. ما توصي حريص ي عمك..
الاخ أحمد ياسين... تحياتي كمان عندها صورة مع أحد المقعدين. لمسات إنسانية جميلة.. لكن.....
Post: #61 Title: Re: حفل السندريلا مني مجدي في مول سيتي بلازا يثير جدلا Author: Arif Nashed Date: 10-18-2018, 01:10 AM Parent: #60
Quote: إنسانيا ساي كده هل حندكة جموع من الشباب .. بينفع عشان فرد وااااحد عايز يمارس حريته !! .. هل ده منطق أو كلام مقبول ومعقول ؟ .. غايتو دي باقية لي زي زول عايز يكب برميل ملان موية .. في (كوز ) صغيرووووني .. وكمان منتظر (الكوز) ده يشيل موية البرميل كلللها بدون مايدفق .. غايتو دي جرعة بتاعة حرية لامن بي غادي .. زي ماقال فلان داك يا نمارس حريتنا كلنا .. ياكمان تمارسوا حريتكم بعيد مننا .. وماتحندكونا (بالحرية) العندكم دي .. غايتو دي ولا حرية ولا شيتين .. ولاحرية لفرد إلا في ظل حرية الآخرين .. وعدم التعدي عليهم وغبنهم .. ومساحة الحرية محكومة بأطر كثيرة إن لم يتم وضع الأرضية المسبقة لها .. مابنفع زول/زولة يجي يمارس حريته براهو كده .. ـــــــــــــــــــــــــــــــــــــــــــــــــــــــــ ياعارف داير تمسك العصاية من النص ياخلبوص ..هههههه
ود القوز انزيك غايتو جنس حسادة عليك لا عايز ترحم ولا عايز تخلي رحمة الله تنزل.. الغناء زاتو لأمن يكون شوف وسمع بكون قمة المتعة.. الحندكة دي في ياتو سياق!! الواحد لما يكون مالك كمالاتو يحندك زي ما عايز.. بعدين اتا قائل الحرية دي اي زول بعرف يستخدمه ولو قالوا ليكم اديناكم حريتكم حتعملوا بيها شنو! يا صاحب الواحد لازم يلعب في الوسط لعب الأطراف بعوق وعايز لياقة ونحنا قد هرمنا..
Post: #62 Title: Re: حفل السندريلا مني مجدي في مول سيتي بلازا ي Author: Arif Nashed Date: 10-18-2018, 01:16 AM Parent: #61
Quote: والله يا عارف المولد دا فاتني كل الكلام العايز اقولو قالوهو ...
البركة الفاتك المولد دا يا ود حمزة..
Post: #63 Title: Re: حفل السندريلا مني مجدي في مول سيتي بلازا ي Author: Arif Nashed Date: 10-18-2018, 01:26 AM Parent: #62
Quote: يا شباب .. نقطة نظام بالله .. فرق واضح جدا بين حاجتين .. قناعتك بالحرية الشخصية .. وقناعتك انت الذاتية ودرجة انفتاحك (ليبراليتك او محافظتك الخ) ..
الحاجات دي ما متعارضة بالمناسبة انا اؤمن بالحرية الشخصية ولكن اتبنى نهجا محافظا اطبقه على نفسي وارتضيه لاهلي الخ الخ (لا اعني نفسي وانما الاشارة) الم تكن كذلك فانت ببساطة لا تؤمن بالحرية الشخصية كمبدأ ..
ود المشرف يعني نفهم من كلامك بأنك يمكن ان تسمح داخل محيطك الشخصي بارتداء مثل هذا الزي في مكان عام مثلا.. درجة الانفتاح البتقصده هل لها علاقة بتعاليم وقيم معينة..
Post: #64 Title: Re: حفل السندريلا مني مجدي في مول سيتي بلازا ي Author: Arif Nashed Date: 10-18-2018, 01:38 AM Parent: #63
Quote: سلام لم استطع متابعة كل المداخلات ، لكن لاحظت كلام عن رد فعل الشباب تجاه اللبس و خطر لي سؤال :-- ليه الناس لما تسافر لدول غير إسلامية بتتصرف بي تحضر و رقي، و لما تشوف نفس الزي هنا بتبقى حيوانات؟
هل لأن قانون النظام العام يوحي للشاب بأن البنت متهمة و مجرمة، لذا يجوز التحرش بها و التشهير بها ؟ طبعاً هناك حيوانات لا تغير طباعها أينما ذهبت، مثلاً الدبلوماسيان المتحرشان في الحانة و في المترو في نيويورك!
نعمات عماد.... سلام غايتو ما قدرت افهم قاصده منو بالناس الحيوانات !! يحضر أجنبيات للسعودية ويلتزموا بلبس العباية وتقاليد البلد وسلوكها.. هل تصدقي ان بعض السودانيات في اوربا يتجولن بالبكيني علي الشواطئ.. هل تصدقي بأن سودانيات في اوربا يتبادلون القلب في الشوارع مع جنسيات اخري.. هل تصدقي بأن بعض السودانيات المتزوجات عندهن بوي فريند.. وهل تصدقي سودانيات في الصيف يتجولن لابسات اردية وستيانات..
Post: #65 Title: Re: حفل السندريلا مني مجدي في مول سيتي بلازا ي Author: بدر الدين الأمير Date: 10-18-2018, 03:32 AM Parent: #64
هسى وينى دبت التور الشايلين بيها حالها في الوتساب غايتو ناس الفتوشوب ديل اخير منهم ناس الدعم المتخلف
سلام مع مقترح قفل البوست. مداخلتي السابقة تدور حول الذهنية التجريمية التي يخلقها قانون النظام العام و يستغلها بعض المنحرفين. أعني تضرر النساء في الداخل بصورة عامة، و لا علاقة لذلك بسلوك القلة خارج السودان.
Post: #70 Title: Re: حفل السندريلا مني مجدي في مول سيتي بلازا ي Author: Ashraf El Bagir Date: 10-18-2018, 05:51 AM Parent: #69
حاتم الهواري .. ي حبيب لو فرضا عايزين نطبق الحرية الشخصية في مجتمعاتنا فهل ستكون كالحرية في المجتمعات الغربية؟؟.
ود القوز... تسلم علي التوضيح فلقد تجنبت الإشارة المباشرة حتي لا يأخذ الموضوع طابع عنصري .. قبل فترة وصلني مقطع في الواتساب عن القبض علي حرامي ود عرب علي قولك والناس متلمة حواليه مستغربين كيف ود عرب يكون حرامي!! كانوا بسالوه من اسمه ويقولوا ليهو "العب"..
Post: #75 Title: Re: حفل السندريلا مني مجدي في مول سيتي بلازا ي Author: محمد محمد قاضي Date: 10-18-2018, 01:21 PM Parent: #1
بعيداُ عن قانون النظام العام (أنا ضده جملةُ وتفصيلاُ) والحريات الشخصية
لبس المطربة مني مجدي لا يليق حتي بفتاة عادية من عامة الشعب فما بالك وهي من المفترض فنانة تحمل رسالة فن سامية تهذب وتضبط سلوك الناس
وفوق لي ده قالوا هي معيدة في كلية الموسيقي يعني مدرسة وأستاذة ومعلمة!
مالك بقيت زي اخونا سيف بتاع (ذراري المسلمين) داك يا عارف؟! شابكني كل ما اكتب ليهو حاجة (نفهم من كده انك من الملحدين والمرتدين؟!!)
Quote: ود المشرف يعني نفهم من كلامك بأنك يمكن ان تسمح داخل محيطك الشخصي بارتداء مثل هذا الزي في مكان عام مثلا.. درجة الانفتاح البتقصده هل لها علاقة بتعاليم وقيم معينة..
لا يا عزيزي .. لم اكتب حول قناعاتي الشخصية ودرجة محافظتي او ليبراليتي .. كتبت انو مهما كانت درجة هذه المحافظة او الليبرالية فانها لا تتعارض مع مبدأ احترام الحريات الخاصة ..
ما هو قووول, مثلا يعني, انا محافظ جدا في دوائري الخاصة .. ذلك لا يمنع احترامي لحريات الآخرين .. احترم حرية بت جيراننا مثلا في الملبس ونمط الحياة .. الامران لا يتعارضان ..
الما ممكن يتلاقوا هنا حاجتين .. احترام حريات الاخرين الشخصية و عدم احترامها في نفس الوقت .. يعني ما ممكن تقول انا احترم حرية الآخرين الشخصية في اختيار ازياءهم ثم تقوم وبكل اريحية منك تنتقدها نقدا اخلاقيا وتوصمها بالفضيحة الخ .. من يؤمن بانو ممكن يعمل كده, فهو حتما ولابد يعاني من شيزوفرانيا حادة مخبوءة بمهارة تحت الجلد بس هو ما عارف ساي .. او احتمال جاهل بمعنى الحرية شخصية ومقتنع جدا انو بحترم الحرية الشخصية والود منفتح وضد الرجعية وكدا..
Quote: طيب بنفس فهمك ده أي واحدة ممكن تجي لابسه مايوه في نص السوق .. أو تجتى عريانه مثلا وتقول ده جسمها وهي حره فيهو .. !!! .. حرية الانسان في نفسه وجسمه انت قايلها ماعندها ضوابط مثلا؟ .. كقاعدة عامة أي حرية لفرد تتقاطع مع حريات آخرين .. أو يتم استفزازهم واثارتهم او التعدي عليهم بأي شكل من الأشكال .. أو بأي صورة من الصور حتى لوتجرح احساسهم ومشاعرهم ساي .. بيكون فيها تعدي على حريات الآخرين .. المحددات الزمانية والمكانية بتحكم أي فعل ومعقوليته وقبوله .. ده البيفرق بين الانسان وبين البهيمة المحددات العقلية دي .. بالعكس انا بشوف دي دعوة للبهيمية واطلاق الغرائز .. وليس العكس فالصورة مقلوبة تماما..
ود القوز... تحياتي الحرية الشخصية لها حدود ما مطلوقة ساي بتحدها عوامل كثيرة بالإضافة للزمانية والمكانية منها المجتمعية والأخلاقية وطبيعة وتربية المجتمع ذات نفسه .... الخ.
Quote: اخونا عارف اقترح قفل البوست وعدم تحميله اكثر مما يستحق.. قبل فترة البت المسكينة لوشي برضو دخلوها في موضوع فستان وظهور حلمات وعانت واسرتها الكتير نحن بقينا ذى الببسي نفور لي اي خجة بالمناسبة حميتي وهارون اتصالحو..
أشرف.. تحياتي لا اتفق معك والاخت نعمات بقفل البوست وكما تري نقاش أطر الحريات الشخصية وتباين واختلاف وجهات النظر قمة الفهم والرقي.. عايزين نصل لنقطة مفهوم الحريات الشخصية في مرتكزات الفكر المجتمعي السوداني ..
معايير الحرية الشخصية دي مسألة ثقافية ومجتمعية ودينية واخلاقية وفكرية الخ ..
ماذا عن عدم لبس الطرجة مثلا ؟ ماذا عن البنطلون؟ ماذا عن البنطلون الضيق؟ ماذا عن الشورت؟ ماذا عن المايوه؟!
ما هو الواحد مننا ممكن يرسم خط تحت اي درجة من اعلاه .. ارسم انا خط بين البنطلون والبنطلون الضيق واقول ده الحد الفاصل .. اي حاجة تحتو سأشهر قلمي في الضد وامارس حفي في ممارسة القهر المجتمعي على من يتجاوزه ..
طيب يجيك واحد يقول ليك لبس الطرحة ده ذاتو ما صاح .. صاح النقاب... ما برضو رسم خطو زي ما انت رسمت خطك ومارس حقو المكتسب في ممارسة القهر الديني عليك. وانت الذي لا ترى ضرورة على الاطلاق لرسم اي خطوط ..
الفكرة الاساسية هنا انو احترامنا للحرية الشخصية هو الحل الوحيد ودونما ذرائع .. اثارة الغرائز الجنسية تمثل الذريعة الاشهر .. الانحلال المجتمعي حرمة جسد المرأة (حواء الزمااان ديك بتاعت التفاحة وابليس الخ) (النظام العام الذكوري !) الخ
واحد يجي يقول ليك لا دي مجرد تقاليد لا بنية وهي تناسلي ولا يحزنون .. والمسكين لا يدري ان هذه التقاليد كانت مجرد تجلي لبنية الوعي التناسلي في المجتمع وهكذا تكونت وهكذا هي الآن.. هذه الذاكرة الجنسية ممتدة في كل تفاصيل (تقاليدك)
ممكن نفسر مفهوم الحرية بطريقة مختلفة .. كلما تعارضت مفاهيمك الشخصية مع مبدأ الحرية الشخصية .. ابتعد عن الاعتداءات اللفظية والمعنوية وممارسة القهر المجتمعي والديني على الآخر .. فاذا ما مارست ذلك فانت غير مؤمن بمبدأ الحرية الشخصية .. وعادي الواحد ممكن يتعايش مع ذلك وفي منتهى النزاهة
تحياتي عارف وضيوفك طيب اهو نحن ناس مرتفعين درجة عن الفهم التقليد لمعظم الاميين . اقصد نحن البورداب . متنورين ومتعلمين ونمتلك قدر من الثقافة والوعي . وعارفين كما ان جسد المرأة مثير للشهوات الذكورية كذلك جسد الرجل مثير للشهوات الانثوية . ومش كدة بل ان الفهم الشعبي يقول بان شهوة المرأة تفوق شهوة الرجل وحددها بي مية مرة !! داير اصل لي شنو ؟ اذا امرأة قالت ان لبس الرجل بشكل محدد مثير للشهوة والغرائز فاضح رأينا شنو ؟
ههه يا منص في مقطع فيديو امريكي لافي استطلاع مع بنات مثيرات 😆😆 سألوهن ما اكثر ما يثيرهن في الرجل قالن عضلات جسمو مش قالت ليهو بصل شندي دة سمح خلاس 😆😆😆😆
Post: #88 Title: Re: حفل السندريلا مني مجدي في مول سيتي بلازا ي Author: Arif Nashed Date: 10-19-2018, 10:46 AM Parent: #87
Quote: هسى وينى دبت التور الشايلين بيها حالها في الوتساب غايتو ناس الفتوشوب ديل اخير منهم ناس الدعم المتخلف..
بدر الدين الأمير.. تحياتي يا عمك دي قوية بكم كرت..
Post: #89 Title: Re: حفل السندريلا مني مجدي في مول سيتي بلازا ي Author: Arif Nashed Date: 10-19-2018, 10:49 AM Parent: #88
Quote: بعيداُ عن قانون النظام العام (أنا ضده جملةُ وتفصيلاُ) والحريات الشخصية لبس المطربة مني مجدي لا يليق حتي بفتاة عادية من عامة الشعب فما بالك وهي من المفترض فنانة تحمل رسالة فن سامية تهذب وتضبط سلوك الناس وفوق لي ده قالوا هي معيدة في كلية الموسيقي يعني مدرسة وأستاذة ومعلمة! سلام عارف وضيوفك الكرام
الاخ محمد القاضي.. تحياتي لا يمكن تقييم اي شخص من خلال اختياره لما يلبس.. مشكور علي المرور والإضافة.
Post: #90 Title: Re: حفل السندريلا مني مجدي في مول سيتي بلازا ي Author: Arif Nashed Date: 10-19-2018, 10:58 AM Parent: #89
Quote: مالك بقيت زي اخونا سيف بتاع (ذراري المسلمين) داك يا عارف؟! شابكني كل ما اكتب ليهو حاجة (نفهم من كده انك من الملحدين والمرتدين؟!! لا يا عزيزي .. لم اكتب حول قناعاتي الشخصية ودرجة محافظتي او ليبراليتي .. كتبت انو مهما كانت درجة هذه المحافظة او الليبرالية فانها لا تتعارض مع مبدأ احترام الحريات الخاصة ..
ما هو قووول, مثلا يعني, انا محافظ جدا في دوائري الخاصة .. ذلك لا يمنع احترامي لحريات الآخرين .. احترم حرية بت جيراننا مثلا في الملبس ونمط الحياة .. الامران لا يتعارضان .. الما ممكن يتلاقوا هنا حاجتين .. احترام حريات الاخرين الشخصية و عدم احترامها في نفس الوقت .. يعني ما ممكن تقول انا احترم حرية الآخرين الشخصية في اختيار ازياءهم ثم تقوم وبكل اريحية منك تنتقدها نقدا اخلاقيا وتوصمها بالفضيحة الخ .. من يؤمن بانو ممكن يعمل كده, فهو حتما ولابد يعاني من شيزوفرانيا حادة مخبوءة بمهارة تحت الجلد بس هو ما عارف ساي .. او احتمال جاهل بمعنى الحرية شخصية ومقتنع جدا انو بحترم الحرية الشخصية والود منفتح وضد الرجعية وكدا..
ود المشرف... تحياتي ياااخي معقولة تقارني بهذا المهوس! بتفق معاك لكن برضو الحرية الشخصية عندها حدود لا يجب ان تتجاوزها اي بعدم التعدي علي حريات الآخر.. الحرية تشمل كافة مناحي الحياة الإنسانية من فعل وقول ومراعاة للأحاسيس والمشاعر الإنسانية..
Post: #91 Title: Re: حفل السندريلا مني مجدي في مول سيتي بلازا ي Author: Arif Nashed Date: 10-19-2018, 11:01 AM Parent: #90
Quote: الحبيب عارف .. مودتي .. بعد ما نزلت المداخلة .. قراتها للمرة الثانية حذفتها .. الله يحفظنا ويحفظ أولادنا وأحفادنا يارب ..
الاخ علي عبد الوهاب... تحياتي مشكور علي المرور وقد وصلت مشاركتك..
Post: #92 Title: Re: حفل السندريلا مني مجدي في مول سيتي بلازا ي Author: Arif Nashed Date: 10-19-2018, 11:04 AM Parent: #91
Quote: والله نزلت بالماوس من فوق لحدي تحت لمن صباعي وجعني وما لقيت اي صورة تؤكد ما جاء بعنوان هذا البوست أها ،،، بتنزلوا لينا الصور المزعومة ولا ناكل باسطة ؟.
الاخ سيف الدين... تحياتي الباسطة في متناولك مد إيدك فوق..
Quote: معايير الحرية الشخصية دي مسألة ثقافية ومجتمعية ودينية واخلاقية وفكرية الخ .. ماذا عن عدم لبس الطرحة مثلا ؟ ماذا عن البنطلون؟ ماذا عن البنطلون الضيق؟ ماذا عن الشورت؟ ماذا عن المايوه؟! ما هو الواحد مننا ممكن يرسم خط تحت اي درجة من اعلاه .. ارسم انا خط بين البنطلون والبنطلون الضيق واقول ده الحد الفاصل .. اي حاجة تحتو سأشهر قلمي في الضد وامارس حفي في ممارسة القهر المجتمعي على من يتجاوزه ..
طيب يجيك واحد يقول ليك لبس الطرحة ده ذاتو ما صاح .. صاح النقاب... ما برضو رسم خطو زي ما انت رسمت خطك ومارس حقو المكتسب في ممارسة القهر الديني عليك. وانت الذي لا ترى ضرورة على الاطلاق لرسم اي خطوط ..
الفكرة الاساسية هنا انو احترامنا للحرية الشخصية هو الحل الوحيد ودونما ذرائع .. اثارة الغرائز الجنسية تمثل الذريعة الاشهر .. الانحلال المجتمعي حرمة جسد المرأة (حواء الزمااان ديك بتاعت التفاحة وابليس الخ) (النظام العام الذكوري !) الخ
واحد يجي يقول ليك لا دي مجرد تقاليد لا بنية وهي تناسلي ولا يحزنون .. والمسكين لا يدري ان هذه التقاليد كانت مجرد تجلي لبنية الوعي التناسلي في المجتمع وهكذا تكونت وهكذا هي الآن.. هذه الذاكرة الجنسية ممتدة في كل تفاصيل (تقاليدك)
ممكن نفسر مفهوم الحرية بطريقة مختلفة .. كلما تعارضت مفاهيمك الشخصية مع مبدأ الحرية الشخصية .. ابتعد عن الاعتداءات اللفظية والمعنوية وممارسة القهر المجتمعي والديني على الآخر .. فاذا ما مارست ذلك فانت غير مؤمن بمبدأ الحرية الشخصية .. وعادي الواحد ممكن يتعايش مع ذلك وفي منتهى النزاهة..
ود المشرف. .. تحياتي من الملاحظ عندما يتم التحدث عن الحرية الشخصية دائما ما يكون له علاقة بالغرائز الجنسية والنظرة الذكورية للانثي .. الغرائز الجنسية ليست صفة مكتسبة بل هي طبيعة بشرية وضعها الخالق في البشر للتكاثر والحفاظ علي النوع في كافة الكائنات علي وجه البسيطة.. ما ممكن واحد مثلا يشوف ليهو واحدة في وضع مثير وما تتحرك لديه الشهوة وغرائزه الجنسية دا إلا يكون فيهو عطب ما.. كما ان مرحلة الإثارة الجنسية بتتفاوت من شخص لآخر وبتختلف درجاتها في المجتمعات المنفتحة والمجتمعات المحافظة.. هذه مداخلة لأحد الأخوة في حوش مجاور يتم النقاش في نفس الموضوع..
Quote: البت الغلط راكبها من راسها لى كرعيها وبى لبستها الفاضحة دى جابت اللوم لى نفسها . واهلها اكيد ح يصلهم راس السوط لانو المرة وليان والما عندها ولى بتنطلق وتعولق نفسها جنس العولاق ده . الموهمين من دعاة الحرية الشخصية وعاملين فيها خواجات ديل منظراتية ومتلقيين حجج وبالواضح كدة اى زول يؤيد الفجور والتعرى وقلة الادب بدواعى الحريات و ( سيداو ) والكلام الفارغ الما بشبه عادتنا و تقاليدنا ده راجل ( خرونق .ومكسور وعاضهو النعجة كمان ) ومحتاج يمشى يعمل فحص ( رجولة ونخوة ) ولو لقا ليهو حبة ( لبوس ) ترفع ليهو حرارة قلبو ما يتحرج ياخدها طوالى كسرة كونو انها تعنى فى حد زاتو عيب خليك من الباقى . الى زمن قريب الغنا للراجل فى عضمو كان عيب. مافى شى كتل البلد دى غير الاختشاء والغتغتة الغلطان ياخد على راسو كفاية مجاملات سخيفة.. *ود سنترها*
Quote: معايير الحرية الشخصية دي مسألة ثقافية ومجتمعية ودينية واخلاقية وفكرية الخ ..
ود المشرف.. تحياتي جيت في نقطة كل المتداخلين تجنبوها وهي معيار الحرية المرتبط بالمفاهيم الدينية والأخلاقية.. لو نظرنا للموضوع من هذه الزاوية فالمعنية ترتدي ملابس تكشف تضاريس جسدها وهو ما اثار هذا الجدل لانه في اعتقادهم ينافي تعاليم الدين الإسلامي الذي يأمر بسترة المرأة..
Quote: التحية والقومة ليك أخي عارف وانت بتقول كلام ;يقرطس; طبعاً نحن من زمن القرطاس- البوست كووولو ويدينا معاها حبتين حلاوة دربس عشان ننبسط. شخصياً ممكن اعتبر كلامك ;قفلة; موفقة للبوست، طبعاً دي صيغة مبالغة إعجابية عشان ما تفتكرو نفسي قام وكده.
تحياتي واحتراماتي
محمد مدني.. تحياتي. حاشا لله ان يكون القصد قرطسة ياااخي مقامكم اكبر من كده.. في مثل هذه المواضيع يجب التريث واختيار المفردات بعناية . وأحييك علي اتزانك ونفسك الهاديء..
Quote: تحياتي عارف وضيوفك طيب اهو نحن ناس مرتفعين درجة عن الفهم التقليدي لمعظم الاميين . اقصد نحن البورداب . متنورين ومتعلمين ونمتلك قدر من الثقافة والوعي . وعارفين كما ان جسد المرأة مثير للشهوات الذكورية كذلك جسد الرجل مثير للشهوات الانثوية . ومش كدة بل ان الفهم الشعبي يقول بان شهوة المرأة تفوق شهوة الرجل وحددها بي مية مرة !! داير اصل لي شنو ؟ اذا امرأة قالت ان لبس الرجل بشكل محدد مثير للشهوة والغرائز فاضح رأينا شنو ؟
ود ابو سن انزيك بمفهوم الحريات من حق هذه المرأة ان تدلي برأيها.. برأي الحرية الشخصية في نظري هي احترام وجهات نظر الآخر مهما كانت بشرط أن لا تكون مخالفة للقوانين والأعراف والقيم المجتمعية..
Post: #113 Title: Re: حفل السندريلا مني مجدي في مول سيتي بلازا ي Author: Ahmed Alim Date: 10-21-2018, 11:26 AM Parent: #100
بعيداً عن الهوس الديني والنظام العام ..
المجتمع نفسه بتأثر بشكل كبير بثقافة الدولة المنتشرة عبر اجهزة إعلامها!! فتقييم الزي في كونه محتشم أم فاضح أمر متغير! والشاهد على كدا، إنوا اللبس الكان مقبول قبل إنتشار الهوس الديني ولاحقاً قوانين سبتمبر لم يعد مقبولاً اليوم عند أغلبية الناس!! والأمر واضح من خلال ردود الافعال في وسائل التواصل الإجتماعي تجاه أية واقعة يكون النظام العام طرف فيها!
التغيير دا ممكن يتفهم بإعتبار إنوا الوعي بتاع عامة الناس ممكن يتغير نتيجة لتوجهات الدولة الرسمية عبر مناهج التعليم والاعلام وغيرو!
لكن المستغرب فيهوا انوا تأثير الهوس الديني إمتد ليشمل عدد مقدر من منسوبي التيارات الحداثية!! ودي في حد ذاتها ظاهرة مدهشة :)
بحسب عدد من البوستات في الفيسبوك تم القبض على الفنانة منى مجدي وتم فتح بلاغ ضدها بالمادة 152 من قانون النظام العام على خلفية الصور التي تم التقاطها في حفل خيري
هكذا الحاجات تقود الى بعضها قانون النظام العام لم يطبق في السودان عبثا وانما هو تعبير عن تصورات غالبية الناس حول مفاهيم كالحشمة وعورة جسد المرأة والعفاف المجتمعي في مسألة الجنس .. اما انواع العفاف الاخرى فليست ضمن اهتمامات الشعب.
وبغض النظر عن احتمال وجود فوتوشوب في الصور كما ورد وبافتراض ان الصور صحيحة تماما انا ارفض ان تحاكم اي سودانية بهذا القانون.
جمهور التواصل يدخل مكارم بشير نادي (الملابس الفاضحة) بعد ضجة منى مجدي..
انتشر فيديو للفنانة مكارم بشير تظهر فيه هي الأخرى بملابس صنفها المتابعون ورواد مواقع التواصل الاجتماعي بالفاضحة حيث كانت ترتدي بنطالا يظهر – حسب تعليقات المتابعي بأنه ضيق وكاشفاً للمحاسن. الفنانة مكارم بشير صوب نحوها الذين شاهدوا الفيديو هجوماً كبيراً حيث ذكر أحد المعلقين :(عملتيها شينه بتنقص من شعبيتك …لكن عندك السوابق. ..الله يهديك ي مكارم).. بينما اتهم معلق آخر نجمات الغناء بأنهن أصبحن يظهرن بملابس غير محتشمة حيث قال:( للأسف أكثر الفنانات يعتبرن أن النجومية في لبس الفاضح وإظهار المفاتن). وتساءل البعض قائلاً (أين النظام العام). وكتب آخر معلقاً :(أغنیه جمیله وسمحه بس اللبس والبیظهر مفاتن البنت دا مشگله گبیره بقا من المفترض ای بنت جسمها ملفت للأنظار علی الأقل تحاول تلبس لبس مستور).
غايتو الغرسها نظام الإنقاذ في بلدنا ما بتمرق بأخوي وأخوك النظام العام الفرضو النميري (قوانين سبتمبر) كان أحد الأسباب القوية التي أطاحت بنظام مايو لكن أوضاع المجتمع السوداني في تلك الفترة كانت مختلفة وما كان الناس ليتحملوا الذل والهمجية لفترة طويلة
الآن الوضع اختلف حيث تماهى الناس مع ثقافة النظام العام وصاروا أدلاء للنظام ومرشدين له أصبح الوضع مهيئا تماما لعودة "الدنيا مهدية" ووا أسفاه
Quote: قانون النظام العام لم يطبق في السودان عبثا وانما هو تعبير عن تصورات غالبية الناس حول مفاهيم كالحشمة وعورة جسد المرأة والعفاف المجتمعي في مسألة الجنس .. اما انواع العفاف الاخرى فليست ضمن اهتمامات الشعب.
ود المشرف.. تحياتي تضامنا مع الفنانة مني مجدي ولا لقهر النساء.. قانون النظام العام خصص لاذلال وقهر المرأة السودانية. محاولات الإدانة والاستنكار لن تغير من واقع الحال وسيظل النظام العام حاسما علي صدر الشعب السوداني والحل بيد الشعب أن أراد نهاية هذا الوضع القمعي.. المثل بقول أمشي عدل يحتار عدوك. لماذا اصنع بيدي المبررات التي تتيح لهؤلاء الهمجيين التزرع بها!. نحن من نصنع الأسباب التي تجعلنا تحت رحمتهم..
Post: #106 Title: Re: حفل السندريلا مني مجدي في مول سيتي بلازا ي Author: قسم الفضيل مضوي محمد Date: 10-20-2018, 09:18 PM Parent: #105
. .. والله يا اخوانا قبل فترة بسيطة جدا جيت ماري بأحد أنشطة جامعة النيلين وكان هناك كتير من الطلاب من الجنسين قاعدين على جانبي الطريق جزء منهم بياكل وجزء بيتونس وهم في الغالب من مواليد التسعينات ... فجاءة اسمع ليك صفافير وكواريك وراي !! اتلفت لقيت شابة لابسة بنطلون وبلوزة وهو في اعتقادي لبس اكتر من عادي في الاخر في شباب مشوا حاوطوها وبقوا يتكلموا معاها ... داير اقول انه المجتمع السوداني يكاد يكون (اتدعش) بنسبة تجاوزت 80% ولو الانقاذ دي استمرت تاني عشرة سنوات نسبة التدعيش حا تصل الى 110% ... ياخي بنات سنة أولى ابتدائي ملزمين بلبس الحجاب بالكامل !!! غايتو بس باقي يتم استبدال علم السودان الحالي بالراية السوداء بتاعة جماعة ISIS ... . .. .
Quote: غايتو الغرسها نظام الإنقاذ في بلدنا ما بتمرق بأخوي وأخوك النظام العام الفرضو النميري (قوانين سبتمبر) كان أحد الأسباب القوية التي أطاحت بنظام مايو لكن أوضاع المجتمع السوداني في تلك الفترة كانت مختلفة وما كان الناس ليتحملوا الذل والهمجية لفترة طويلة
الآن الوضع اختلف حيث تماهى الناس مع ثقافة النظام العام وصاروا أدلاء للنظام ومرشدين له أصبح الوضع مهيئا تماما لعودة "الدنيا مهدية" ووا أسفاه
ود الزبير.. تحياتي ثلاثة عقود وهذه المنظومة تنحت في عقول هذا الشعب وتغرس فيه مفاهيم لا أنزل الله لها من سلطان.. غيروا تركيبة المجتمع السوداني تماما واعادوا صياغته بمفهوم الدولة الدينية.
Quote: والله يا اخوانا قبل فترة بسيطة جدا جيت ماري بأحد أنشطة جامعة النيلين وكان هناك كتير من الطلاب من الجنسين قاعدين على جانبي الطريق جزء منهم بياكل وجزء بيتونس وهم في الغالب من مواليد التسعينات ... فجاءة اسمع ليك صفافير وكواريك وراي !! اتلفت لقيت شابة لابسة بنطلون وبلوزة وهو في اعتقادي لبس اكتر من عادي في الاخر في شباب مشوا حاوطوها وبقوا يتكلموا معاها ... داير اقول انه المجتمع السوداني يكاد يكون (اتدعش) بنسبة تجاوزت 80% ولو الانقاذ دي استمرت تاني عشرة سنوات نسبة التدعيش حا تصل الى 110% ... ياخي بنات سنة أولى ابتدائي ملزمين بلبس الحجاب بالكامل !!! غايتو بس باقي يتم استبدال علم السودان الحالي بالراية السوداء بتاعة جماعة ISIS ...
قسم الفضيل... تحياتي ياااخي ده تدحيش وليس تدعيش يعني خلاص مشكلة اللبس بقت الشغل الشاغل للشباب مشاكل الغلاء وأزمات الوقود والخبز والدواء والفقر والبطالة خلاص انتهت!!.. البلد زاتو بقت كل يوم فنان وفنانة جديد بقوا أكتر من الرقشات زاتو.. اذا كان هذا الحال اطمئنك الكيزان باقون ونسبة التدحيش ستصل 150%.. ياااخي ده زمن غريب والجاي اسوأ.. فى تلاتة حاجات من ما جات الناس اتشوطنت والبلد انساطت :- الاولى (حكومة الهوس الدينى). التانية (القنوات الفضائية). التالتة (الإنترنت).
Post: #109 Title: Re: حفل السندريلا مني مجدي في مول سيتي بلازا ي Author: Ashraf El Bagir Date: 10-21-2018, 05:31 AM Parent: #108
هنالك مسلم يشرب الخمر ولكن لا يستبيحها هنالك مسلم يزني ولكن لا يستحل الزني هنالك مسلمة متبرجة ولكن في غرارة نفسها تعلم ما تفعله بعيد عن الدين
الاسلام لا يتجزاء بمعني تاخذ منه ما يستهويك وتترك ما لا يستهويك
سؤال للذين يدافعون عن هذا اللبس وبعد ده خشمي عندي
* هل انتم مسلمون ؟؟؟ * والي غير المسلمين .. هل تريدون تغير واقع المجتمع السوداني والذي في معظمه ريفي ويري العيب حتي في وقوع التوب من راس المراة؟
سلام ليس دفاعاً عن اللبس و لكن الإنسانية تدفعنا للوقوف ضد حملة تسليمها لجهاز الأمن و قد نجحت الحملة الشرسة بتنبيه الجهاز للقبض عليها تمهيداً لمحاكمتها تحت المادة 152 من قانون النظام العام سئ الذكر. لعل من قادوا الحملة قد يكونوا حضور لحفلة جلدها! هل الإسلام هو جلب صورها و التشهير بها لأنها أخطأت؟ و ماذا عن خطأ من نشر الصور و دبج المقالات. .. هل الإسلام أمرهم بذلك؟
Post: #111 Title: Re: حفل السندريلا مني مجدي في مول سيتي بلازا ي Author: محمد بدرالدين Date: 10-21-2018, 07:10 AM Parent: #110
كل التقدير و الاحترام للجميع الرائعة دكتورتنا نعمات .. اوافقك .. نعم الراى مودتى و تقديرى و اللهم صلى على كامل النور
Post: #112 Title: Re: حفل السندريلا مني مجدي في مول سيتي بلازا ي Author: Ashraf El Bagir Date: 10-21-2018, 07:17 AM Parent: #110
Quote: هل الإسلام هو جلب صورها و التشهير بها لأنها أخطأت؟ و ماذا عن خطأ من نشر الصور و دبج المقالات. .. هل الإسلام أمرهم بذلك؟
احسنت اختنا نعمات
طلبنا من قبل بعدم تشخيص الموضوع وطرح النقاش في الاطار العام من غير ذكر اسماء
اعتقد الموضوع سبب احراج لشرطة النظام بعد ان اصبح "راي عام"
Quote: هنالك مسلم يشرب الخمر ولكن لا يستبيحها هنالك مسلم يزني ولكن لا يستحل الزني هنالك مسلمة متبرجة ولكن في غرارة نفسها تعلم ما تفعله بعيد عن الدين
الاسلام لا يتجزاء بمعني تاخذ منه ما يستهويك وتترك ما لا يستهويك
سؤال للذين يدافعون عن هذا اللبس وبعد ده خشمي عندي
* هل انتم مسلمون ؟؟؟ * والي غير المسلمين .. هل تريدون تغير واقع المجتمع السوداني والذي في معظمه ريفي ويري العيب حتي في وقوع التوب من راس المراة؟
الاخ أشرف... تحياتي الاسلام ايضا لا يتجزأ في تطبيق حدود الله التي شرعها في كتابه الحكيم.. هل لديك قناعة بأن الحدود الشرعية يتم تطبيقها في السودان ؟. ماذا عن جرائم الاغتصاب والقتل والترويع والنهب التي ينفذها منسوبي النظام في المواطن !..
Post: #115 Title: Re: حفل السندريلا مني مجدي في مول سيتي بلازا ي Author: Ashraf El Bagir Date: 10-22-2018, 05:42 AM Parent: #114
Quote: الاخ أشرف... تحياتيالاسلام ايضا لا يتجزأ في تطبيق حدود الله التي شرعها في كتابه الحكيم..هل لديك قناعة بأن الحدود الشرعية يتم تطبيقها في السودان ؟.ماذا عن جرائم الاغتصاب والقتل والترويع والنهب التي ينفذها منسوبي النظام في المواطن !..
حبيبنا عارف اتفق معاك تماما ولو كان هنالك اسلام يطبق لكانت الاسوة والموعظة الحسنة هي اساس الحكم انا ايضا ضد اهانة المراة وترويع المواطنين اللبس الذي ظهرت به مني مجدي حسب راي الشخصي فيه تحدي قوي جدا لواقع اليوم واعتقد انها "فطت" ثلاثة سطور مرة واحده عارف يا اخوي ..الشارع العام لا يرفض لبس المراة للبنطلون وكما تري ونري الفنانة نانسي عجاج تقريبا وفي كل حفلاتها وحتي في التلفزيون تلبس بنطلون (لكن بنطلون من بنطلون يفرق) انا كنت زمان من ابطال السباحة واحرزت ميداليات وكنا نسبح ونتدرب مع البنات في نفس الحوض بل حتي في النيل (ده وانا teenaged )
مولود في الديم وكل خميس في الديسكو
ده كان من اكتر من ثلاثين سنة ... المجمتع الان اتغير والناس اتغيرت
سلام اخ اشرف الباقر لم افهم مداخلتك. هل تقصد ان المجتمع اتغير للأحسن (بفضل) قانون النظام العام، خاصة المادة 152؟
Post: #117 Title: Re: حفل السندريلا مني مجدي في مول سيتي بلازا ي Author: Ashraf El Bagir Date: 10-22-2018, 07:47 AM Parent: #116
Quote: هل تقصد ان المجتمع اتغير للأحسن (بفضل) قانون النظام العام، خاصة المادة 152؟
اختنا نعمات من الخطاء تسميته "نظام" هو بطش عام
انا ضد قهر المراة
يديك العافية
Post: #118 Title: Re: حفل السندريلا مني مجدي في مول سيتي بلازا ي Author: Arif Nashed Date: 10-22-2018, 09:34 AM Parent: #117
Quote: سلام ليس دفاعاً عن اللبس و لكن الإنسانية تدفعنا للوقوف ضد حملة تسليمها لجهاز الأمن و قد نجحت الحملة الشرسة بتنبيه الجهاز للقبض عليها تمهيداً لمحاكمتها تحت المادة 152 من قانون النظام العام سئ الذكر. لعل من قادوا الحملة قد يكونوا حضور لحفلة جلدها! هل الإسلام هو جلب صورها و التشهير بها لأنها أخطأت؟ و ماذا عن خطأ من نشر الصور و دبج المقالات. .. هل الإسلام أمرهم بذلك؟
الأخت نعمات.. تحياتي هل هذا إقرار منك بأن لبس المعنية لم يكن لائقا!. الإدانة والشجب الأخلاقي لن يفيد ويمكن لهؤلاء التزرع بهذا الحديث :- عن أبي سعيدٍ الخدري رضي الله عنه قال: سمعت رسول الله صلى الله عليه وسلم يقول: ((من رأى منكم منكرًا، فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان))؛ رواه مسلم. المسكوت عنه كثير ولأنها تمس النظام فلن يتعرضوا لها او يثيرونها.. قانون النظام العام لا يطبق إلا علي العامة وفي اعتقادي قانون سن لقهر النساء وقمع الحريات الشخصية وذريعة لاختراق الأسوار والبيوت المغلقة والتعدي علي خصوصيات الناس .. مرت شخصيات إجتماعية بحوادث مماثلة بخصوص الزي والتبرج من المفترض الناس تتعظ منها وتكون حريصة في هذه المسائل ولكن.... يقع الحدث المحظور ونتعامل معه بردود الافعال وهذا لن يؤدي لتغيير القانون أو النظام ..
يا اخ عارف مهما كان رأي النظام في زي أي شابة، فلن أعينه على إدانتها و محاكمتها و التشهير بها و ذلك لمعرفة القاصي و الداني بفساد النظام و استغلاله للشريعة في قهر الضعيف و تبرئة الشريف، او مدعي الشرف في الحقيقة. الكلام عن علاقة منى مجدي المزعومة بالنظام في هذه الظروف قد ينتج عنه تشديد الحكم عليها للأسف ف حقو تخف عليها شوية.
Post: #120 Title: Re: حفل السندريلا مني مجدي في مول سيتي بلازا ي Author: Arif Nashed Date: 10-22-2018, 10:12 AM Parent: #119
Quote: طلبنا من قبل بعدم تشخيص الموضوع وطرح النقاش في الاطار العام من غير ذكر اسماء
اعتقد الموضوع سبب احراج لشرطة النظام بعد ان اصبح ;راي عام;..
الاخ أشرف.. تحياتي تفاعل النظام العام مع هذا الموضوع بهذا الاسلوب يمثل انتصارا لحراس الفضيلة والاخلاق في مواقع التواصل.. كما ان توجيه تهمة اللبس الفاضح او المادة 152 علي خلفية صور او مقاطع فيديو يجب عدم العمل بها.. لو كان هذا الحفل دكاكيني وخاص فهل كان سيتعامل النظام العام بنفس رد الفعل!!.. هنا تكمن خطورة الموقف...
Quote: حبيبنا عارف اتفق معاك تماما ولو كان هنالك اسلام يطبق لكانت الاسوة والموعظة الحسنة هي اساس الحكم انا ايضا ضد اهانة المراة وترويع المواطنين اللبس الذي ظهرت به مني مجدي حسب راي الشخصي فيه تحدي قوي جدا لواقع اليوم واعتقد انها ;فطت; ثلاثة سطور مرة واحده عارف يا اخوي ..الشارع العام لا يرفض لبس المراة للبنطلون وكما تري ونري الفنانة نانسي عجاج تقريبا وفي كل حفلاتها وحتي في التلفزيون تلبس بنطلون (لكن بنطلون من بنطلون يفرق) انا كنت زمان من ابطال السباحة واحرزت ميداليات وكنا نسبح ونتدرب مع البنات في نفس الحوض بل حتي في النيل (ده وانا (teenaged مولود في الديم وكل خميس في الديسكو ده كان من اكتر من ثلاثين سنة ... المجمتع الان اتغير والناس اتغيرت..
الاخ أشرف.. تحياتي المسألة تنحصر في ممارسة الحريات الشخصية في مجتمع إسلامي تحكمه قيم أخلاقية وثوابت دينية لا يمكن تجاوزها او التقاضي عنها بدواعي الحريات الشخصية ..
ثلاثون عام وآلة الإعلام الكيزانية تعمل في تغيير مفاهيم المجتمع السوداني حتي في المدارس والمعاهد والجامعات..
Quote: يا اخ عارف مهما كان رأي النظام في زي أي شابة، فلن أعينه على إدانتها و محاكمتها و التشهير بها و ذلك لمعرفة القاصي و الداني بفساد النظام و استغلاله للشريعة في قهر الضعيف و تبرئة الشريف، او مدعي الشرف في الحقيقة. الكلام عن علاقة منى مجدي المزعومة بالنظام في هذه الظروف قد ينتج عنه تشديد الحكم عليها للأسف ف حقو تخف عليها شوية.
الأخت نعمات أتفهم وأقدر موقفك ففي قرارة نفسك تقرين بخطأ المعنية لارتدائها مثل هذا الزي في مكان عام ومن جهة اخري تضامنك معها ورفضك لمحاكمة المعنية وممارسات النظام العام في قهر النساء.. لم افهم ماذا تقصدين بان اخف عليها شوية!!..
Quote: Quote: وتساءل البعض قائلاً (أين النظام العام).
Quote: غايتو الغرسها نظام الإنقاذ في بلدنا ما بتمرق بأخوي وأخوك
الاستاذ معاوية الزول صاحب التسأول اعلاه عادي ممكن يكون جدادة فشنو هم عندهم تكتيك زي دا الجداد بيجوا كلهم مع بعض بالذات في الفيس بيعملوا نفسهم ما منسقين في المواضيع اللهي عادية لكن هم بقدرة قادر بقلبوها ليك controversialالقصص دي اظن لاتخفى عليكتحياتي
أكيد يا يوسف أفهم تماما تكنيك الجداد الإلكتروني هؤلاء هم بايظ الإنسانية ولكن لا سبيل سوى أن يكونوا جزءًا من المجتمع لا يوجد مجتمع فاضل بأكمله في هذه الحياة
ي عارف لو سحبت البوست ح تخف عليها. ما فائدة البوست الآن؟ ما هي النتائج المهمة الوصل ليها؟ هل مثلاً التناول ح بختلف في الحالات الجاية؟ في قرارة نفسي يوجد فقط رفض قاطع للمادة 152 و تعاطف تام مع الضحايا. طالما هذا القانون موجود، فالكل مهدد بالقهر و الإذلال لأنه قانون عشوائي ينفذه عشوائيون لمصلحة سلطة فاسدة. و هو خطوة في الطريق الى طالبان و بوكو حرام .
Quote: بعيداً عن الهوس الديني والنظام العام. المجتمع نفسه بتأثر بشكل كبير بثقافة الدولة المنتشرة عبر اجهزة إعلامها!! فتقييم الزي في كونه محتشم أم فاضح أمر متغير! والشاهد على كدا، إنوا اللبس الكان مقبول قبل إنتشار الهوس الديني ولاحقاً قوانين سبتمبر لم يعد مقبولاً اليوم عند أغلبية الناس!! والأمر واضح من خلال ردود الافعال في وسائل التواصل الإجتماعي تجاه أية واقعة يكون النظام العام طرف فيها! التغيير دا ممكن يتفهم بإعتبار إنوا الوعي بتاع عامة الناس ممكن يتغير نتيجة لتوجهات الدولة الرسمية عبر مناهج التعليم والاعلام وغيرو! لكن المستغرب فيهوا انوا تأثير الهوس الديني إمتد ليشمل عدد مقدر من منسوبي التيارات الحداثية!! ودي في حد ذاتها ظاهرة مدهشة :)
الاخ أحمد عالم.. تحياتي ياااخي ثلاثة عقود من حكم هذه المنظومة ليس بالأمر السهل وكما تفضلت الناس تغيرت وتشبعت بمفاهيم وتوجهات الدولة الكيزانية حتي التيارات الحداثية تأثرت بواقع هذا المجتمع نتيجة لهذا التحول الذي حدث في المجتمع وأي تعارض معه يعد خروجا عن الملة في ظل هذا التحول في المفاهيم وخاصة أنها تتسم بطابع ديني...
Quote: معقولة لكن للدرجة دى ؟؟؟؟ للمتباكين على الحرية اين احترام المجتمع المحافظ وقيمه ناهيك عن معتقده
الاخ عبدالله حسين.. تحياتي أسئلتك مشروعة. ذكرنا من قبل ارتباط الحرية الشخصية بقيم المجتمع الأخلاقية والدينية التي لا تتعارض والحرية الشخصية كحق مكفول للمواطن/ة في العديد من مناحي الحياة العامة..
Quote: ي عارف لو سحبت البوست ح تخف عليها. ما فائدة البوست الآن؟ ما هي النتائج المهمة الوصل ليها؟ هل مثلاً التناول ح يختلف في الحالات الجاية؟ في قرارة نفسي يوجد فقط رفض قاطع للمادة 152 و تعاطف تام مع الضحايا. طالما هذا القانون موجود، فالكل مهدد بالقهر و الإذلال لأنه قانون عشوائي ينفذه عشوائيون لمصلحة سلطة فاسدة. و هو خطوة في الطريق الى طالبان و بوكو حرام .
الأخت نعمات البوست يحفل بالعديد من الآراء المتباينة والمتوافقة في مسألة الحريات الشخصية وحذفه لن يغير من سير أحداث الموضوع.. بعد هذا الزخم الذي حدث للمعنية فهل يمكن تكرار المشهد ولن يكون هذا درسا لغيرها!!.. هذا مداخلة لك في بوست مجاور تقرين بخطأ المعنية لم نفهم هل انتي مع او ضد..
Quote: من الآخر كدا يا أبو بكر هي أخطأت في تقدير ضخامة التربص و سعار النهش في السير عند البعض..
السلطة فاسدة والقانون فاسد وهذا امر لا تتناطح فيه عنزتان. لكن علي من تقع مسئولية هذه الفوضى ومن بيده تغيير كل ذلك؟!. لقد أصبحت سمتنا التعامل مع الاحداث بردود افعال قولا وليس فعلا.. ما تفعله قوات النهب السريع من جرائم أليس صورة من بوكو حرام وطالبان؟..
وكيل النيابة الأعلى يطلب ملف “منى مجدي” لتقييم البلاغ..
طلب وكيل النيابة الأعلى ملف المطربة “منى مجدي سليم” المتهمة بالزي الفاضح لتقييم البلاغ ومن ثم تحويله إلى المحكمة أو حفظه. وشهد صباح أمس (الأحد)، بالخرطوم تدافع مجموعة من الجمهور المتضامن مع الفنانة “منى مجدي” أمام المحكمة، التي كان قد فُتح ضدها بلاغ تحت المادة (152) من القانون الجنائي (اللبس الفاضح).. المجهر
سلام عارف لن أحكم على الفنانة منى مجدي او اي شخص آخر. موقفي واضح ؛ أطالب بإلغاء القانون و بتبرئة كل من حاكموهن تحت المادة 152. مداخلاتك تفيد بأنك موافق على المادة 152 و تنتظر الحكم ليكون عظة للأخريات كما قلت انت. سؤالك عن مسئولية من؟ مسئولية كل مواطن بما فيهم نحن. لذا طلبت منك سحب البوست الملئ بالإدانة.
Post: #132 Title: Re: حفل السندريلا مني مجدي في مول سيتي بلازا ي Author: Arif Nashed Date: 10-23-2018, 11:53 AM Parent: #131
Quote: سلام عارف لن أحكم على الفنانة منى مجدي او اي شخص آخر. موقفي واضح ؛ أطالب بإلغاء القانون و بتبرئة كل من حاكموهن تحت المادة 152. مداخلاتك تفيد بأنك موافق على المادة 152 و تنتظر الحكم ليكون عظة للأخريات كما قلت انت. سؤالك عن مسئولية من؟ مسئولية كل مواطن بما فيهم نحن. لذا طلبت منك سحب البوست الملئ بالإدانة.
نعمات سلام لكنك اقريتي بخطاء ارتدائها لهذا الزي وهو بمثابة إدانة للمعنية فهل تراجعتي عن موقفك !. أما مداخلتي فلا أدري كيف فهمتيها بأنني موافق علي المادة 152.. كل ذلك لن يغير القانون ولا النظام وأكثر ما نجيد عمله الشجب؛ الادانة؛... الخ. سواء كانت هناك إدانة او شجب من البعض فهي آراء وكل حر في طرح رأيه..
سلام يا عارف حتى لا يصبح الموضوع عني و عنك و انتي قلتي و انا قلت، أتوقف عن التداخل هنا و آمل ان يتسع التفاكر في بوستات أخرى عن المادة 152 كأداة من أدوات تمكين الإنقاذ وجب علينا مقاومتها و حماية ضحاياها.
Post: #134 Title: Re: حفل السندريلا مني مجدي في مول سيتي بلازا ي Author: Arif Nashed Date: 10-24-2018, 11:18 AM Parent: #133
نعمات سلام المسألة كل ما يحصل حدث مماثل لتحدي الشخصيات الناس تغور زي البيبسي وتطالب بإلغاء النظام العام والمادة 152 وينتهي الحدث والناس تنسي النظام العام والمادة 152... ما يعني بأن الناس بتنفخ في قربة مقدودة.. الناس بتتفاعل مع الأحداث فقط.. هل هناك مبادرات لتعديل او إلغاء المادة 152 علي الأقل في هذا البورد ؟. نجيد الكلام وبس..
ياخ ال زول دا ما بااااالغ عديل كدا
وأيضاً تذكّرنا بأغنية للفنان ابن المُبارك (وهذا اسمه عبدالعزيز، حتى لا يختلط الأمر - على قارئي ال عزيز - بالواعظ آل-واطسابي ابن المبارك، وأعداد ما وهب من دجاح محمَر و بعير رحلٍ ممرر وأثواب نقشبندية حجازية و حجارة بطاريات كانت معدومة وبعضاً من "كمّون"..!! وابن المبارك الواطسابي، زماننا هذا، قد كاد يخرج من قبره، ويُشمّم الآناف عطره وجمال كرمه وسوح فنّه "إمكِن!!" قد أضحت قصصه "الفطيرة بنظري!" حيلة بعض عَجَزَة وَ كَسَدَة الواطسابات، يصلونك بأخبارِه القديمة، ويقدّووونك قَدّاً يكاد، بشمائله التدينية..!) : أحلى جارة يا أحلى جارة ..عَطَّرتِ كل الدنيا وانتِ مارّة .. وَ "حات" حرير خَدَّيْك و "حات" نضارة سالمينا - لو - بالعين أو بالإشارة ... تيرا تتا تيرا تتا تيرا تتا تررا تتتيرا .. ومعلوم، أن هذه الأغاني المذكورة قد سبقت نزوة "النظام العام" آل - عَميان بتاع الكيزان؛ بل إن بعضها قد سبق حتى نظام النّميريّان بقوانين سبتمبره التي أراد أن يرشي بها الشعب، فإذا بالشعب يرشّو "رحمه الله تعالى" ..
