Quote: منقول ... سناريو الصدمه الحكومة تريد أن توجه الضربة القاضية لتجار العملة سوف يتم رفع قيمة الدولار إلي أعلي سقف محتمل ..يرفع البنك المركزي القيمه فيترتفع السوق الموازي ثم يجمع الجنيه في البنوك بتبديل العمله. ..كل العمله التي تم طباعتها الأن بفئات جديده. ..توريد جميع الأرصدة الماليه بالجنيه في حسابات بالبنوك خلال فترة سماح 15 يوم فقط ..تبديل العمله يكون بتوريد المبلغ المالي في حساب الشخص بعد إبراز الأوراق اللازمه ولا يسمح له بسحب نقد مباشر العملة الجديده إلا في حدود 10الف جنيه خلال فترة التبديل ويمكنه أن يحول من حسابه الي اي حساب آخر داخل النظام المصرفي بشكل مفتوح. .. أي مبالغ لاتوجد لها أوراق ثبوتيه يتم توريدها في حساب وزارة العدل لحين تكلمت الإجراءات القانونية اتجاهها ويتم الفصل فيها خلال ثلاث شهور كحد أقصي. .والأوراق المطلوبه هي تحديد مصدر الدخل وأوراق الضرائب والزكاة والمعاملات الرسمية التجارية وأوراق تسجيل الشركات والمراجع العام والحساب الجاري وأسباب عدم توريدها في النظام المصرفي وفق اللوائح الماليه للدولة والشركات واذا كانت الأموال تابعة لشركات حكومية أو مسجلة يتم توريدها في حساب بنك السودان للفصل فيها وفق القانون والعمل بنظام الخزانة الموحدة بالنسبه للأموال الحكومية.. بعد انقضاء إل15 يوم تصبح أي عمله قديمه متداوله غير قانونية ولا يعمل بها.. يعلن بنك السودان قيمة الدولار بمبلغ 18.6 جنيه سعر جمركي موحد يلغي بنك السودان عمل الصرافات وتدمج في البنوك إصدار قانون النقد الأجنبي الذي يجرم السوق الموازي. . يحظر خلال فترة التداول علي جميع منتسبي النظام القضائي والقانوني والمحامين والموثقين تسجيل إبرام الصفقات التجاريه مثل شراء العربات والأراضي والسلع
Post: #2 Title: Re: يا خوانا السناريو دا صاح ولا هرطقات واتس ا Author: عبدالله عثمان Date: 10-11-2018, 06:18 AM Parent: #1
الأستاذ محمود محمد طه يقول أنهم يفوقون سوء الظن العريض هم سلفا سرقوا من الناس حوالي 60 من مدخراتهم بمعنى أن قروشك التي حجزوها قبل ما يزيد على الستة أشهر نقصت قيمتها اليوم الى اربعين في المية أو أقل
إنها فتنة تجعل الحليم حيرانا ولكن، لحسن التوفيق، سوف تنتهي فيما بينهم
Post: #8 Title: Re: يا خوانا السناريو دا صاح ولا هرطقات واتس ا Author: الطيب عباس Date: 10-14-2018, 04:16 AM Parent: #2
Quote: الأستاذ محمود محمد طه يقول أنهم يفوقون سوء الظن العريض هم سلفا سرقوا من الناس حوالي 60 من مدخراتهم بمعنى أن قروشك التي حجزوها قبل ما يزيد على الستة أشهر نقصت قيمتها اليوم الى اربعين في المية أو أقل
إنها فتنة تجعل الحليم حيرانا ولكن، لحسن التوفيق، سوف تنتهي فيما بينهم
الله يصلح الحال اخونا عبد الله شكرا للمرور الانيق
Post: #3 Title: Re: يا خوانا السناريو دا صاح ولا هرطقات واتس ا Author: Osman Mahmoud Date: 10-11-2018, 06:38 AM Parent: #1
لييه يرفعو قيمة الدولار لأعلى سقف اذا كان الجنيه معاهم ..؟
اذا كان الصرافات وتجار العملة لا يملكون ما يكفي من العملة الجديدة، فقط العملة الجديدة مع البنك المركزي لا حاجة للبنك برفع قيمة الدولار .. لأنو في الاخير وبي عقلية السماسرة حا يكون في عرض للدولار مقابل عدم وجود كاش بالجنيه السوداني، ودا حا يخلي المضطر يبيع الدولار لفك حوجته بأي سعر ربما في الأيام الأولى ..
ربما يعتقدون بهذه الطريقة يستطيع البنك ان يتقدم على تجار العملة بخطوة بالحصول على احتياط من النقد الاجنبي .. الخطة دي ممكن تتجح في حالتين الأولى انو ما يكون في واردات ضرورية مثل القمح والدواء والبترول وقطع الغيار وووووعيييييك .. الحالة الثانية انو ما يكون في عملة وطنية متداولة من اساسه حتى لو كانت محجمة وملجمة لأبعد حد .. حتى على المستوى الأمني تغيير العملة ما حا يديهم الشيئ الكثير بكشف تجار الدولار ..
الحل واضح وصريح .. حل المشاكل السياسية .. بعدها ستأتي مكافحة الفساد، دعم الانتاج، الانفتاح على الخارج بمفهوم مختلف، جدولة الديون الخارجية، اقامة المشاريع التنموية بدارسة وشفافية ..
عقلية السمسار التخليك اليوم كلو تفكر بفلهوة انك توقف ارتفاع سعر الدولار من غير انتاج يأتي بهذا الدولار طوعا، ثم القبضة الأمنية ونشر الرعب والتخويف .. دا ما بحل ايي مشكلة .. واكبر دليل هذا هو نهج النظام منذ اعتلائه السلطة، فقط بأساليب مختلفة ..
.
Post: #9 Title: Re: يا خوانا السناريو دا صاح ولا هرطقات واتس ا Author: الطيب عباس Date: 10-14-2018, 04:20 AM Parent: #3
Quote: اذا كان الصرافات وتجار العملة لا يملكون ما يكفي من العملة الجديدة، فقط العملة الجديدة مع البنك المركزي لا حاجة للبنك برفع قيمة الدولار ..
هذا هو الحل الذي اوردته الكل يعرفه بس الية التطبيق ..؟ ماهي ؟
الحل واضح وصريح .. حل المشاكل السياسية .. بعدها ستأتي مكافحة الفساد، دعم الانتاج، الانفتاح على الخارج بمفهوم مختلف، جدولة الديون الخارجية، اقامة المشاريع التنموية بدارسة وشفافية ..
واضيف القطط السمان لازم تتقبض
تحياتني عثمان محمود
Post: #4 Title: Re: يا خوانا السناريو دا صاح ولا هرطقات واتس ا Author: الطيب عباس Date: 10-11-2018, 08:44 PM Parent: #1
كلامي دا صح ولا ماصاح ؟
Post: #5 Title: Re: يا خوانا السناريو دا صاح ولا هرطقات واتس ا Author: Nasr Date: 10-11-2018, 11:30 PM Parent: #4
".تبديل العمله يكون بتوريد المبلغ المالي في حساب الشخص بعد إبراز الأوراق اللازمه ولا يسمح له بسحب نقد مباشر العملة الجديده إلا في حدود 10الف جنيه خلال فترة التبديل " ++++++++++ الجزئية دي بتتكلم عن تبديل عملة ودي طبعا حيتأثروا بيها الناس العندها كاش من العملة السودانية وديل طبعا ناس شووووية ديل قدر العندهم بيمشوا يغيروه وكان الله يحب المحسنين
""سوف يتم رفع قيمة الدولار إلي أعلي سقف محتمل ..يرفع البنك المركزي القيمه فيترتفع السوق الموازي ثم يجمع الجنيه في البنوك بتبديل العمله"" ++++ في الحالة دي الناس العندها دولار وداير تبدله بعملة سودانية فديل حيطالبوا بكاش أولا وبعملة جديدة تانيا وغير كدي دولارهم وهم أسياده
سياسة مالية نصها أحلام والنص التاني تدابير سماسرة وليس إقتصاديين
Post: #6 Title: Re: يا خوانا السناريو دا صاح ولا هرطقات واتس ا Author: Hafiz Bashir Date: 10-12-2018, 00:15 AM Parent: #5
في ناس بتتخيل السوق الأسوق الأسود بتاع العملات دا سوق مطلوق ساي وسعر الدولار فيهو بحددوه التجار علي كيفهم. صحي التجار ممكن يكون عندهم دور محدود في التذبذبات البتحصل بين ساعة وساعة او حتي قول اسبوع والتاني لكن سعر الدولار في السوق الأسود على المدى الطويل بحددو العرض والطلب والعرض والطلب ذاته بيحددهم الميزان التجاري. الموازنة بين موارد العملات الأجنبية من صادر وغيرو و الحوجة لإستيراد يضائع او خدمات. بنك السودان لو أعلن الدولار بمبلغ 18.6 جنيه سعر جمركي موحد ما حيقدر يفي بالألتزام بتوفير الدولار لمقابلة إحتياجات الإستيراد. وببقى السعر المعلن من بنك السودان دا طق حنك بيش. ولو بنك السودان جاتو قوة سحرية وقدر يوفر دولار بسعر 18.5 لفترة بيكون أضر شديد بالإقتصاد السوداني لأنو ببساطة حيزيد الإستيراد. يبقى الهدف من الفكرة واللف والدوران الفوق دا كلو ما عندو فايدة بمليم.
لو الناس دي إقتنعت إنو رفع قيمة الجنيه السوداني عندها طريق واحد بس وهو زيادة الإنتاج ومافي طريق تاني حتى لو إخترعو فهلوي بن فهلوي. أنا قاصد بالناس المواطنين العاديين ما الحكومة ولا الإقتصاد. لأنو قناعة الناس العاديين بالحلول الواقعية بيساهم مساهمة كبيرة في إنو يمنع الحكومة تبيع لينا الوهم في مقابل إنها تأكل قروشنا و حقوقنا.
Post: #7 Title: Re: يا خوانا السناريو دا صاح ولا هرطقات واتس ا Author: سفيان بشير نابرى Date: 10-12-2018, 04:45 AM Parent: #6
الطيب اخوي حالك و احوالك؟ فعلاً الكلام الجبتو دا سيناريو بخيال تعبان اتبع من الخيال الأدبي بتاع ابلمبة
Post: #10 Title: Re: يا خوانا السناريو دا صاح ولا هرطقات واتس ا Author: الطيب عباس Date: 10-14-2018, 04:27 AM Parent: #1
.. عاطر التحايا
ناصر
حذيفة وسفيان بشري
وكل المتداخلين ..
ويجك باوقيشن هسع يكعكع وينبهل فينا ههههه السوق الاسود مع المصارف بيلعب لعبه القط والفار يعني لمن يعمل 57 الاسود بدق 70 وماف كنترول ممكن يبيعو بالشيكات بالاجل بالدس بالدغمسه .. وهلم جراً