الاخ محمد المسلمي يتحدث بمنتهى الشفافيه

Post: #1
Title: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-10-2018, 11:08 AM
Parent: #0

11:08 AM October, 10 2018
سودانيز اون لاين
علي محمد الفكي-
مكتبتى
رابط مختصر
مقتطفات من لقاء لاخ محمد المسلمي مع صحيفة اخبار اليوم الصادره اليوم
كان حزب المؤتمر الوطني بعد المفاصله يدار بواسطة الرئيس ووفق رؤيته
الان ظهرت مواقع قوه تقرب من تشاء وتبعد من تشاء
حزب المؤتمر الوطني يفقد الايدلوجيه والنظام
الحزب يدار بقيادات في العلن واخرى في الظل
القاعده الجماهيريه لحزب المؤتمر الوطني مغيبه وبعيده عن اتخاذ القرار
دورها فقط تنفيذ ما يملى عليها من القادة
المؤتمر الوطني تسيره قوى خارجيه وفق رؤاها
اصلاح حال الحزب في العوده الى الجماهير
كان قبل السلطه صورة عضو الحركة الاسلاميه في المجتمع انه زاهد وذو اخلاق ودين
تغير الحال بعد الوصول الى السلطه
وتغير اسلوب حياة اعضاء الحركه بسبب السلطه وجريان المال في ايديهم
المال غير واضح المصادر
المال الموجود لديهم ارتبط عند العامه بالفساد والنهب من الدوله واصبح عضو الحركه رمز للفساد عند المجتمع
لذا اختفى صوت الحركه الاسلاميه وتاثيرها في المجتمع
الحركه الاسلاميه شريك في الصراع السياسي
الحركه شقت الاحزاب بعضويتها المندسه داخل الاحزاب وبالاغراءات الاخرى
المجتمع السوداني قائم على العفويه والثقه والتي تتماشى مع الاسلام
اليسار السوداني يعيش حياته الخاصه وفق الواقع الذي يتماشى مع قيم وتقاليد المجتمع السوداني المسلم
مثال سكرتير الحزب الشيوعي الذي قال انه يصلي في جماعه ويؤم اهله في القيام في رمضان
المجتمع السوداني مجتمع غير متطرف
الثقافه الصوفيه اسهمت فيسلمية المجتمع و التعايش و التكافل داخل المجتمع السوداني

Post: #2
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-10-2018, 11:11 AM
Parent: #1

Post: #3
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-10-2018, 11:14 AM
Parent: #2

Post: #4
Title: Re: الاخ محمد المسلمي يتحدث بمنتهى الشفافيه
Author: muntasir
Date: 10-10-2018, 11:20 AM
Parent: #3

سلام علي ،مسلمي باحث في المذهب الإسلامي دي شنو يعني بوذي😂

Post: #5
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-10-2018, 11:22 AM
Parent: #4

دي غلبتني يا منتصر
ممكن تكون نجر من ناس الجريده
او يكون المسلمي مركب مكنة الخبير غريبه

Post: #6
Title: Re: الاخ محمد المسلمي يتحدث بمنتهى الشفافيه
Author: muntasir
Date: 10-10-2018, 11:27 AM
Parent: #5

تعرف يا علي انا من زمان سامع بالمستشرقين ديل وما فارزهم أتاريهم ديل أهلنا ناس المسلمي في شرق النيل

Post: #7
Title: Re: الاخ محمد المسلمي يتحدث بمنتهى الشفافيه
Author: محمد علي البصير
Date: 10-10-2018, 11:33 AM
Parent: #6

تحياتي الأخ علي

فعلاً أرى في المسلمي قدر من الإعتدال

وسؤال يفرض نفسه ـ هل الجرائد دي في حد بقراها اليوم ؟؟

في تقديري الصحف الورقية فقدت قدر كبير جداً من أهميتها ولم تعد وسيلة معرفية تحظى بإهتمام كما كان يحدث في الماضى
وذلك تحت وطاءة الضربات المتلاحقة لوسائل التواصل الإجتماعي وغيرها من وسائل التقنية الحديثة

Post: #8
Title: Re: الاخ محمد المسلمي يتحدث بمنتهى الشفافيه
Author: MOHAMMED ELSHEIKH
Date: 10-10-2018, 11:54 AM
Parent: #7

اين انت يا دينق من هذا المولد؟
بل اين المجاهد الواحد دا من شيخو

Post: #9
Title: Re: الاخ محمد المسلمي يتحدث بمنتهى الشفافيه
Author: علي عبدالوهاب عثمان
Date: 10-10-2018, 12:06 PM
Parent: #8

كان قبل السلطه صورة عضو الحركة الاسلاميه في المجتمع انه زاهد وذو اخلاق ودين
تغير الحال بعد الوصول الى السلطه
وتغير اسلوب حياة اعضاء الحركه بسبب السلطه وجريان المال في ايديهم
المال غير واضح المصادر
المال الموجود لديهم ارتبط عند العامه بالفساد والنهب من الدوله واصبح عضو الحركه رمز للفساد عند المجتمع
لذا اختفى صوت الحركه الاسلاميه وتاثيرها في المجتمع
الحركه الاسلاميه شريك في الصراع السياسي

====================

حبيبنا علي .. تحياتي .. شكراً على البوست
الكلام فوق .. إختصر كل شيء بتركيز شديد وعبارات محدودة
قراءة في غاية الدقة .. صحيح 100% لقد لاحظت ذلك في اجازتي الاخيرة في دنقلا
لم يعد لهؤلاء الشيوخ أي مكانة إلا البعض القليل منهم .. ولا حتى المؤتمر ( الموضوع أكل العيش ) فقط
شكرا حبيبنا المسلمي ..

وتحياتي الحبيب علي ..

Post: #10
Title: Re: الاخ محمد المسلمي يتحدث بمنتهى الشفافيه
Author: عمر دفع الله
Date: 10-10-2018, 12:41 PM
Parent: #9

Quote: كان قبل السلطه صورة عضو الحركة الاسلاميه في المجتمع انه زاهد وذو اخلاق ودين
تغير الحال بعد الوصول الى السلطه
وتغير اسلوب حياة اعضاء الحركه بسبب السلطه وجريان المال في ايديهم
المال غير واضح المصادر
المال الموجود لديهم ارتبط عند العامه بالفساد والنهب من الدوله واصبح عضو الحركه رمز للفساد عند المجتمع

https://www.0zz0.com
المستشرق البروفيسور محمد المسلمى

كيتن في منتصر دا
لو في طريقة تستاهل اكتر من كلمة مستشرق .
آهو ما عندك مشكلة وبتعرف تقول الحق
بس لكن يا شيخنا بعد كلامك الحقانى دا كلو
لسه عندك رايك بحرمة الخروج على الحاكم الفاسد ؟
هل من العدالة ان نقبل بحكم اللصوص ؟
قلت ان احوال شيوخ الحركة الاسلامية تغيرّت بسبب جريان
المال بين ايديهم . فمن اين لهم هذا ؟
جزاء الذين يفسدون في الارض معروف ومعلوم
ولّ دا فساد من نوع تانى لا يستوجب الصلب والنفي في الارض ؟
من المعيب بل من العار ان يتحدث الشخص بلسانين
وان يفتى في امر يتعلق بمعاش وارواح الناس ، في مأكلهم
ومشربهم وصحتهم وتعليم اولادهم وفوق هذا وذاك ان يفتى
فيما يتعلق بأمنهم وسلامة ارواهم وكرامتهم الانسانية .

Post: #11
Title: Re: الاخ محمد المسلمي يتحدث بمنتهى الشفافيه
Author: السيد المسلمي
Date: 10-10-2018, 12:53 PM
Parent: #10

جاكم مقنطر 😁😁

Post: #12
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-10-2018, 01:01 PM
Parent: #11

Quote: جاكم مقنطر 😁😁

ابدا يا السيد المسلمي
هو قال كلمة الحق بمنتهى الشجاعه
وقال ما يرضي ضميره
لكن قالو البقول الحق يخت عكازو جمبو
لو في قنطره الا يجي يشوتو المجاهد ود الباوقه
اصلو عندو حساسيه من كلمة الحق

Post: #13
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-10-2018, 01:05 PM
Parent: #12

Quote: تعرف يا علي انا من زمان سامع بالمستشرقين ديل وما فارزهم أتاريهم ديل أهلنا ناس المسلمي في شرق النيل

ناس المسلمي ديل شمال بحري يا منتصر
لكن من هنا ولي قدام ناس المؤتمر الوطني بطلعو من المله وبطلعوا مستشرق

Post: #15
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-10-2018, 01:12 PM
Parent: #13

Quote: في تقديري الصحف الورقية فقدت قدر كبير جداً من أهميتها ولم تعد وسيلة معرفية تحظى بإهتمام كما كان يحدث في الماضى
وذلك تحت وطاءة الضربات المتلاحقة لوسائل التواصل الإجتماعي وغيرها من وسائل التقنية الحديثة

الاخ محمد البصير
تحياتي
المسلمي قالها بمنتهى الشجاعه
وبي وضوح
وما قاله قد يجر عليه سخط ناس المؤتمر الوطني
الجرايد قالوا الجريده بي 10 جنيه
الناس با 10 يشترو خبز ولا جريده
عشان كده نقلت ملخص من اللقاء هنا عشان الناس تشوفو

Post: #14
Title: Re: الاخ محمد المسلمي يتحدث بمنتهى الشفافيه
Author: عمر دفع الله
Date: 10-10-2018, 01:07 PM
Parent: #11

Quote: لم يعد لهؤلاء الشيوخ أي مكانة إلا البعض القليل منهم .. ولا حتى المؤتمر ( الموضوع أكل العيش ) فقط

ونضيف - يا اخ على عبدالوهاب - الى ذلك السقوط الاخلاقى للاسلاميين
يوم صرّح عرابهم الراحل بحديث ( الغرباوية والجعلى )
لم يكن الحديث سوقيا فقط بل هدم المعبد معنويا بمن فيه .
عشان كدا كانت محاولات الترويج لما اسموه ( بالاثر الباقى )
في ذكرى رحيل العراب ، فاشلا ومضحكا كفشل خططهم الاقتصادية .....

Post: #16
Title: Re: الاخ محمد المسلمي يتحدث بمنتهى الشفافيه
Author: أحمد الشايقي
Date: 10-10-2018, 02:27 PM
Parent: #14

الفرصة الصحافية دي لو كانت لواحد تاني غير الاخ المسلمي

لقام بالتطبيل وما يسمى بتكسير الثلوج ولقرأ الناس حكايات لا توجد ولا في الاحلام

لكن الزميل من بيت طيب التربية والتنشئــة لذلك أثـر قول كلمة الحــق والحقيقة

أحمد الشايقي

Post: #17
Title: Re: الاخ محمد المسلمي يتحدث بمنتهى الشفافيه
Author: Bashasha
Date: 10-10-2018, 03:00 PM
Parent: #16

شفافية؟

قرقرقرقر!

وقسما بامون اتعجب من براءة اهلنا هذه!

مافاهم، انقاذي، وهابي، يكون شفيف كيف؟

كيف مخلوق محارب في صفوف نظام الفسقة يكون شفيف؟

مامعني شفيف لغة؟

Post: #18
Title: Re: الاخ محمد المسلمي يتحدث بمنتهى الشفافيه
Author: Deng
Date: 10-10-2018, 03:24 PM
Parent: #17

Quote: كان قبل السلطه صورة عضو الحركة الاسلاميه في المجتمع انه زاهد وذو اخلاق ودين

هههههههه

ده كلام فارغ

الاخوان المسلمين وبجميع مسمياتهم اللاحقة هم أفسد الناس.

قبل الإنقاذ.

1-تاجرو بالمواد التموينية عن طريق تخزينها وإفتعال ازمات في السوق من أجل رفع الاسعار، وكل ذلك كان يتم عن طريق بنك فيص الاسلامي.
2- الدكتور علي الحاج قام ببناء قصر عشوائي وفي منطقة غير مصدقة له.
3- بدر الدين طه قام بتوصيل خط كهربائي من المسجد الى منزله، وذلك من أجل الحصول على خدمة كهرباء بالمجان.

أما عن الفضائح الجنسية فحدث ولا حرج.

فهنالك من كان يقوم بخطف الشباب من الشوراع وأخر ضبطته الشرطة بالثابتة في شوراع بحري.

دي أمثلة بسيطة من سلوك الكيزان قبل الإنقاذ.

Post: #19
Title: Re: الاخ محمد المسلمي يتحدث بمنتهى الشفافيه
Author: عمر دفع الله
Date: 10-10-2018, 03:55 PM
Parent: #18

Quote: الفرصة الصحافية دي لو كانت لواحد تاني غير الاخ المسلمي

لقام بالتطبيل وما يسمى بتكسير الثلوج ولقرأ الناس حكايات لا توجد ولا في الاحلام

لكن الزميل من بيت طيب التربية والتنشئــة لذلك أثـر قول كلمة الحــق والحقيقة

أحمد الشايقي

ياتو حق يا اخونا ابوحميد ...
انت ما شايفو اليومين ديل شايليهو طار ويمدح : ( الخروج على ولى الامر كبيرة ) ؟
الصوفى لامن يقلب وهّابى مفروض يهدّ القبة الكان تحتها اولا ويقلب بعد داك صفحة جديدة ... ولّ ما كدا !

Post: #20
Title: Re: الاخ محمد المسلمي يتحدث بمنتهى الشفافيه
Author: Arif Nashed
Date: 10-10-2018, 04:32 PM
Parent: #19

كلام المسلمي تكملة لحديث حمدتي عن الاسلامويين..
يظهر بأن هناك ما يحاك في الخفاء..

Post: #25
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-10-2018, 07:01 PM
Parent: #17

الارو بشاشا
سلام
ما تضيق واسع يا اخ
باب العوده الى جادة الطريق مفتوح
دون ان يسقط الحق
وأي عائد حقو نرحب بيهو وندعمو
وكلمات المسلمي تدل على شجاعه وانو فيهو خير
وزي ما قال مولانا احمد الشايقي الفرصه دي لو اتيحت لاخرين كان كسرو تلج بالالوان

Post: #26
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-10-2018, 07:01 PM
Parent: #17

الارو بشاشا
سلام
ما تضيق واسع يا اخ
باب العوده الى جادة الطريق مفتوح
دون ان يسقط الحق
وأي عائد حقو نرحب بيهو وندعمو
وكلمات المسلمي تدل على شجاعه وانو فيهو خير
وزي ما قال مولانا احمد الشايقي الفرصه دي لو اتيحت لاخرين كان كسرو تلج بالالوان

Post: #24
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-10-2018, 06:54 PM
Parent: #16

Quote: لكن الزميل من بيت طيب التربية والتنشئــة لذلك أثـر قول كلمة الحــق والحقيقة

مولانا احمد الشايقي
هذه هي الحقيقه

Post: #23
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-10-2018, 06:50 PM
Parent: #10

الفنان عمر دفع الله
اوعاك من يشتنة المسلمي الزول دا بنفخك الزول ورثة صلاح
عارف يا عمر الصالحين ديل بكونو ماسكين الرسن لي جناهم و برخوهو ليهو
لكن اول ما يزيد في الانحراف بشدو الرسن ويرجعوا الخط
اها محمد المسلمي دا برجع بالكامل
لسه الرسن ما اتشد للاخر
ثم النسبيه مطلوبه كونو يتفق مع الناس في 30 % نقول جيد وندعم ونحاول نزيد نقاط الاتفاق
من الاخر كده دي شجاعه تحسب للمسلمي

Post: #22
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-10-2018, 06:43 PM
Parent: #9

استاذنا علي عبد الوهاب
حكاية انو الحركه الاسلاميه بقت وصمه الناس تتبراء منها دي حقيقه ثابته
ومن المنبر دا في كيزان كتار ناكرين
تشوف الكتابه والمواقف الضرب ضرب اب محجن والنضح نضح البلقاء
لكن ابو محجن ناكر
ونفس الكلام دا قالوا قيادي اسلامي كبير هو المرحوم ياسين عمر الامام
قال انا ما بهدي اي واحد في احفادي يبقى حركه اسلاميه الان لانو ما عندنا وجه نقول للناس تعالو ابقو معانا

Post: #21
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-10-2018, 06:38 PM
Parent: #8

محمد الشيخ تحياتي
ود الباوقه ح يجي يخلع المسلمي من الشياخه
زي ما عمل قبل كده
لانو عندو حساسية من كلمة الحق

Post: #27
Title: Re: الاخ محمد المسلمي يتحدث بمنتهى الشفافيه
Author: معاوية الزبير
Date: 10-10-2018, 07:07 PM
Parent: #21

Quote: كان قبل السلطه صورة عضو الحركة الاسلاميه في المجتمع انه زاهد وذو اخلاق ودين
تغير الحال بعد الوصول الى السلطه
يبدو يا علي الفكي أنك لا تعرف الكثير عن تاريخ الإسلامويين
غايتو سمعة الكيزان في المجمتع العشنا فيهو -مما قمنا- كانت زي الواطة دي

كلام دينق الفوق ده قطرة من فيضان من الخزي والعار

Post: #28
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-10-2018, 07:30 PM
Parent: #27

Quote: يبدو يا علي الفكي أنك لا تعرف الكثير عن تاريخ الإسلامويين
غايتو سمعة الكيزان في المجمتع العشنا فيهو -مما قمنا- كانت زي الواطة دي

معاويه سلامات
الكلام دا ما كلامي انا
دا كلام محمد المسلمي في جريدة اخبار اليوم
عدد اليوم

Post: #29
Title: Re: الاخ محمد المسلمي يتحدث بمنتهى الشفافيه
Author: عمر دفع الله
Date: 10-10-2018, 07:32 PM
Parent: #27

Quote: اوعاك من يشتنة المسلمي الزول دا بنفخك الزول ورثة صلاح

الله يرضى عليك يا ودالفكى ما تستهين بالمسلمى وتشبهو بالباشمهندس الاعلامى غريبة ، الله يطراهو بالخير .
هسي في ذمتك صلاح غريبة يتكرم - أكابر القوم - ويعزوه بزيارة زي دى في داره ؟

https://www.0zz0.com

على اليمين زي صلاح قوش دا لو جانى في عزا إلا اطردو . لكن الفي المسلمى اتعرفت وكتر خير ودالباوقة ....

Post: #30
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-11-2018, 09:02 AM
Parent: #29

دينق
تحياتي
المسلمي تقدم خطوات في الطريق
خلونا نساعدو في انو يعبر
ثم الشجاعه التي تناول بها الموضوع تحسب ليهو
يلا يدك معانا
وبشرو ولا تنفرو

Post: #31
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-11-2018, 09:08 AM
Parent: #30

Quote: كلام المسلمي تكملة لحديث حمدتي عن الاسلامويين..
يظهر بأن هناك ما يحاك في الخفاء.

عارف
تحياتي
يا زول حميدتي دا ما تدوه اكبر من حجمو
هو في النهايه اداة يستخدمونه لفتره
بعدين المؤشرات الان بتقول بصعود نجم الاسلاميين مره اخرى في الانقاذ بعد خفوته
معتز موسى الكوز رئيس وزراء بدل بكري الانقاذي
هاشم عثمان الكوز والي بدل اللمبي الانقاذي
صلاح قوش - الكوز
ووكلاء الوزارات الجدد كلهم

Post: #33
Title: Re: الاخ محمد المسلمي يتحدث بمنتهى الشفافيه
Author: علي محمد الفكي
Date: 10-11-2018, 09:14 AM
Parent: #31

Quote: الله يرضى عليك يا ودالفكى ما تستهين بالمسلمى وتشبهو بالباشمهندس الاعلامى غريبة ، الله يطراهو بالخير .هسي في ذمتك صلاح غريبة يتكرم - أكابر القوم - ويعزوه بزيارة زي دى في داره ؟

عمر الفنان
عارف احنا السودانيين ناس طيبين وفي الغالب ما بنخلط الاجتماعي بالسياسي او المواقف
فممكن تكون في علاقه اجتماعيه ما بين قوش والمسلمي
وحتى لو كانت علاقة عمل
بعتبر المسلمي بي كلامو دا وجه ضربه مؤلمة وقدم اعتراف ممكن يخليهو شاهد ملك
انا شخصيا ارحب بي كل من ينزل من باص الانقاذ او ينتقدو ويعترف بالاخطأ
وزي ما قلت دون ان اسقاط للحقوق
ثم عليك الله هل غريبه بقدر يقول كلام المسلمي دا حتى لو من باب التجمل

Post: #32
Title: Re: الاخ محمد المسلمي يتحدث بمنتهى الشفافيه
Author: عمر دفع الله
Date: 10-11-2018, 09:12 AM
Parent: #30

في حاجتين يا ود الفكى بتخلينا نقيف مع ودالمسلمى :
1- يتراجع عن الترويج والتخذيل بالفتوى بتاعت عدم الخروج على الحاكم الظالم
2 - يوضح سر صداقته بسفاح بيوت الاشباح ...

غير كدا ما بنقبل منه اي كلام حتى لو شتم البشير والترابى في قبرو زاتو ....

Post: #34
Title: Re: الاخ محمد المسلمي يتحدث بمنتهى الشفافيه
Author: عمر دفع الله
Date: 10-11-2018, 09:22 AM
Parent: #32

اخونا المسلمى
هل حصلت شفت الفيديو بتاع صديقنا الطريفى دا ؟
بالمناسبة الزول دا بلدياتنا ( من اولاد الشبارقة ) ورفض الخروج من السودان ولسه قاعد جوّه البلد في انتظار اليوم الموعود .....

Post: #35
Title: Re: الاخ محمد المسلمي يتحدث بمنتهى الشفافيه
Author: عمر دفع الله
Date: 10-11-2018, 09:36 AM
Parent: #34

يا ودالفكى
هسي لو صلاح قوش دا ودخالتك عدييييييل
وقال ليك تعال ناخد صورة تذكارية . الله يسألك ما بتقوم جارى منو !
كلامك عن احتمال ان تكون علاقة قوش بودالمسلمى علاقة اجتماعية او قرابة
وبعيدة من الشبهات ( الامنية ) تصح في حالة ان المسلمى شخص معتدل في تفكيره
ومحايد على اقل تقدير في مواقفه السياسية .
لكن ارجع للارشيف وشوف المسلمى قاعد يكتب كيف .
غايتو انا لا زلت اشك في ان العلاقة بينهما علاقة مشبوهة
واتمنى ان ينأى اخونا المسلمى بنفسه من مواطن الشبهات سيما
فالرجل يُحسب على بيت صوفى مسالم ومتسامح ...

Post: #36
Title: Re: الاخ محمد المسلمي يتحدث بمنتهى الشفافيه
Author: مني عمسيب
Date: 10-11-2018, 09:52 AM
Parent: #35

التحية للجميع .

الشئ الوحيد النفسي اعرفه ويرد عليه المسلمي بشفافية
هل المسلمي امنجي ولا ماهي علاقته بالمتوحش قوش ؟

هل من رد بمنتهي الشفافية من المسلمي ؟

في الانتظار .

Post: #40
Title: Re: الاخ محمد المسلمي يتحدث بمنتهى الشفافيه
Author: محمد حمزة الحسين
Date: 10-11-2018, 11:09 AM
Parent: #34

Quote: على اليمين زي صلاح قوش دا لو جانى في عزا إلا اطردو . لكن الفي المسلمى اتعرفت وكتر خير ودالباوقة ....

إتلومت يا شيخ العرب والله لننزعن منك السوداناويه كما ينزع ود الباوقه بطاقة المؤتمر الوطني من شيخي المسلمي ...

وفي الشعر قال الشاعر :-
Quote: إنما الأمم الأخلاق ما بقيت فإن هم ذهبت أخلاقهم ذهبوا

,وأختم بقوله صلّ الله عليه وآله وسلم :-
Quote: عن أبي هريرة ـ رضي الله عنه ـ قال: قال رسول الله ـ صلى الله عليه و سلم ـ: ( إنما بعثت لأتمم صالح الأخلاق )رواه أحمد .

فليس محمدهـ هدم صالح الأخلاق أخي عمردفع الله شيخ العرب.
:
:
:
مع التحيات لله الزاكيات .

Post: #37
Title: Re: الاخ محمد المسلمي يتحدث بمنتهى الشفافيه
Author: Yasir Elsharif
Date: 10-11-2018, 10:18 AM
Parent: #32

سلام للجميع

Quote: كان قبل السلطه صورة عضو الحركة الاسلاميه في المجتمع انه زاهد وذو اخلاق ودين

كلام المسلمي دا هو عن صورة عضو الحركة الإسلامية في نظر المضللين بهم، لدرجة أن أصبحوا جزءا منهم، كشأن أنصار السنة، والمسلمي منهم طبعا.. ولكني أتعجب من قول المسلمي الآخر الذي كان يكرره كثيرا في الأيام الفائتة:

Quote: انا اتبع السنة ونهج الصحابة والسلف الصالح ( شفت منهج انصار السنة ) ده انا اعتبره نهج النبي الصحيح واترضي علي الصحابة رضوان الله عليهم وعندي الخروج علي الحاكم كبيرة

وهذا ما يقوله من يسمونهم بالجاميين أو المدخليين من الوهابيين. عبارة "الخروج على الحاكم" نفسها ملتبسة فهي في الأصل تعني الذين خرجوا على سيدنا علي بن أبي طالب، وقبل ذلك الذين شقوا عصا الطاعة على سيدنا عثمان ابن عفان. المشكلة هي مقارنة حكام مثل حكام السودان وحكام السعودية بالخلفاء الراشدين رضوان الله عليهم. بينما هؤلاء في السعودية ملوك استغلوا الدين في سبيل الحكم وقد بدأ أمرهم يتضح لكل ذي بصر، فما هو الدين الذي يجعل ولي العهد محمد بن سلمان يشتري رسمة بمبلغ 450 مليون دولار؟؟ والحكام في السودان أيضا استغلوا الدين وأفسدوا وقد قال عنهم المسلمي:

Quote: المال الموجود لديهم ارتبط عند العامه بالفساد والنهب من الدوله واصبح عضو الحركه رمز للفساد عند المجتمع

مقاومة الحاكم الفاسد والظالم تعتير واجب وقد جاء : ((وسئل النبي صلى الله عليه وسلم: أي الجهاد أفضل؟ فقال: كلمة حق عند سلطان جائر. ))
وقد جاء أيضا: ((وقد قال رسول الله صلى الله عليه وسلم: سيد الشهداء حمزة بن عبد المطلب، ورجل قام إلى إمام جائر فأمره ونهاه، فقتله. ))

وسيعرف السودانيون جميعا في يوم من الأيام من هو الرجل الذي قام إلى إمام جائر فأمره ونهاه، فقتله..

ياسر

Post: #38
Title: Re: الاخ محمد المسلمي يتحدث بمنتهى الشفافيه
Author: محمد عبد الله الامين
Date: 10-11-2018, 10:58 AM
Parent: #37

كلمة حق في جريدة رسمية تحسب لود المسلمي .....

Post: #39
Title: Re: الاخ محمد المسلمي يتحدث بمنتهى الشفافيه
Author: مني عمسيب
Date: 10-11-2018, 11:06 AM
Parent: #38

لك التحية اخي العزيز \ ود اللمين .

اي حق ؟؟؟؟!!!!!
كلمة حق في جريدة رسمية تحسب لود المسلمي .....
من يعرف الحق لايتبع الباطل ! مسلمي لاكلمة
ولا رأي شخصي عنده بكرة بجي المهرج بهدده
وحا تلقاهو غير الكلام دا كلوووو وهذا عن تجربة !

تعيس يهدد خائب رجاء !

Post: #41
Title: Re: الاخ محمد المسلمي يتحدث بمنتهى الشفافيه
Author: محمد عبد الله الامين
Date: 10-11-2018, 11:25 AM
Parent: #39

Quote: اي حق ؟؟؟؟!!!!!

مرحب بالاخت بت عمسيب ...
الايجابية في النقد الموجه الي السلطة الحاكمة
لمن نعهد من الكيزان غير التطبيل والهتاف والتكبير
خلف ولاة امرهم .... وخير مثال في هذا المنبر بق بق ... خير شر بطبل ^ـــ^
اما كلامك عن ماسيحدث منه مستقبلا
فأقول لك لكل حادث حديث ...
وتحياتي ...

Post: #42
Title: Re: الاخ محمد المسلمي يتحدث بمنتهى الشفافيه
Author: مني عمسيب
Date: 10-11-2018, 11:35 AM
Parent: #41

مشكور يا عزيزي .

فاقد الشئ لايعطيه .
الايجابية في النقد الموجه الي السلطة الحاكمة
عمره السلبي لا يعرف الايجابية . مسلمي من قريب ولابعيد
مؤيد شرس للانقاذ مهما تلون وتزيف ودا لو ما احتمال كبيير
امنجي حامي للنظام ! باختصار امثال مسلمي اخير منهم الكيزان
البخشم الباب علي الاقل بتعرفهم لكن الزي المسلمي البتكلم عن
السلبيات وبأكد فيها وهو غرقان لي سبيب راسه فيها دي براها
كارثة اخلاقية لا تغتفر !

الله فرجيني !

Post: #43
Title: Re: الاخ محمد المسلمي يتحدث بمنتهى الشفافيه
Author: معاوية الزبير
Date: 10-11-2018, 05:16 PM
Parent: #42

Quote: معاويه سلامات
الكلام دا ما كلامي انا
دا كلام محمد المسلمي في جريدة اخبار اليوم
عدد اليوم
آسف يا علي الفكي اختلط عليّ الأمر

أظن محمد المسلمي كان يقصد صورة السوداني المتدين وليس الإسلامويين

Post: #44
Title: Re: الاخ محمد المسلمي يتحدث بمنتهى الشفافيه
Author: Bashasha
Date: 10-11-2018, 05:50 PM
Parent: #43

وكلمات المسلمي تدل على شجاعه وانو فيهو خير

ابو علوة،

ياريت، ياريت، ياريت ود المسلمي يرجع لي اصلو، لي ارثو الصوفي الكوشي ياريت!

ولكن هذا شبه مستحيل!

نعم ليس من السهل.

لحدي الزمن داك، الشايفو قدامك ده، صراع كيمان ليس الا، وهذا طبيعي وعادي في اي منظومة جريمة منظمة كما المافيا الايطالية او عصابات المخدرات في كالفورنيا وبقية انحاء امريكا.

عملت قبل كده في كالفورنيا مع ضحايا العصابات اي الgangs في اصلاحية وبالتالي عندي فكرة عن طبيعة عمل شبكات الجريمة المنظمة!!

نعم النظام الحالي باختصار شبكة جريمة منظمة تحديدا او بي كده فهو خطير جدا وباكبر واكثر مما نتصور بالمناسبة!!

كل من ينظر للنظام الحالي ك"حكومة" زول مضهب، اطرش، او عرة ساهي!!!

Post: #45
Title: Re: الاخ محمد المسلمي يتحدث بمنتهى الشفافيه
Author: محمد المسلمي
Date: 10-13-2018, 01:10 PM
Parent: #1

الاخ الحبيب علي محمد الفكي شاكر لك نشر الاستطلاع هنا وشاكر مشاركة الجميع ولي عودة