الاهداء للاخ العزيز علي عبدالوهاب عثمان الذي جمعني به المنبر ولكل من سيفتقدني وكلنا نرجع لنوبيتنا يا اخ علي التي لنا فيها بعض السلوى بقينا نعبر بالغنى لنودع المقام
Post: #2 Title: Re: (قاسي قلبك علي ليه، غلطة كانت وتاني ابيت) � Author: أحمد محمد عمر Date: 10-10-2018, 07:09 AM Parent: #1
Quote: ولكل من سيفتقدني
كدي احسبهم ديل
Quote: لنودع المقام
أنا شايف تخت رقم للوداع .. يعني تقول الوداع السابع بعد المائة مثلاً عشان نقدر نفهم دة ياتو وداع رأيك شنو نكون كريمين معاك ونقول دة الوداع الثلاثين ونبدأ نحسب من هنا .. يعني بوست الوداع الجاي يكون الحادي والثلاثين وهكذا
Post: #3 Title: Re: (قاسي قلبك علي ليه، غلطة كانت وتاني ابيت) � Author: علي عبدالوهاب عثمان Date: 10-10-2018, 07:30 AM Parent: #2
حبيبنا الكنزي .. مودتي .. شكراً لهذا الاهداء .. رحم الله وردي .. أهلنا الكنوز ديل ناس حلوين شكلاً وموضوعاً من زمن عبدالله برشمبو إلى اليوم .. كانوا مشهورين عندنا بصناعة المراكب والتجارة .. ولا توجد عائلة في دنقلا خالية من جينات الكنزيين .. (هههههه ) بعدين بياض البشرة كانت مهمة عملوا لينا خلطة جميلة صدقني يا الحبيب الكنزي إذا تركت كل البوستات وركزت على تاريخ الكنوز تجد كنوز من المحبة والمودة .. يكفي الفنان الذري الرائع إبراهيم عوض شكلاً وموضوعاً ونغم وصوت وأدب وجمال تعرف أن لغة النوبية الدنقلاوية مسماها ( كنزي ) داخل المنطقة النوبية في مصر الحبيب الكنزي .. عندما يؤصل الانسان نفسه ويجد مرجعية واضحة .. يكون متسامحاً مع نفسه ومفيد ايضاً لأولاده لكي ينتموا إلى الارض ويمشون عليها ثابت الخطى واثقين ..
مع الفنان الرائع وردي .. كمان لو نزلت أغنية لأبراهيم عوض .. مع التأمل في ملامحه وأنا هنا في جدة كان لي شرف مقابلة أخته وبنت أخيه بعد محاضرة عن إبراهيم عوض رحمه الله لقيت فيها نفس ملامح ( حبوبتي ... هجيجة كنوز .. بالعربي خديجة كنوز ) ولا فرق
كلنا في دنقلا 50% كنوز بطريقة مباشرة أو غير مباشرة ..
مودتي .. سودانيز فيه مجال واسع جداً لبناء الاخوة الصادقة والصداقة الدائمة أقرب مثال التسابق لعلاج الاخ في مصر .. وفي مجال الاخوانيات .. إستقبال الشغيل لود المدير في عطبرة وحبيبنا محمد حمزة في الخرطوم وجلسات رمضان وكنت أنت أحد اقطابها ..