Post: #1
Title: لازال يحسب نفسه ..
Author: عبدالحفيظ ابوسن
Date: 10-08-2018, 12:13 PM
Parent: #0
12:13 PM October, 08 2018 سودانيز اون لاين
عبدالحفيظ ابوسن-no where
مكتبتى
رابط مختصر قالوا مسابقة ابيخ نكتة
واحد قال
في نملة طلعت الجبل وقعت انتحرت
ادوهو الجايزة
السنة الجاية حكي نفس النكتة
قالوا ليهو
دي قديمة حكيتها السنة الفاتت
قال ليهم
بس دي نملة تانية
هههه اضحكوا ياخ تستضحكون
|
Post: #2
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 12:33 PM
Parent: #1
سيزيف
بطل اسطوري في الميثلوجيا القديمة
كان قدرة ان يحمل صخرة حتي قمة الجبل ولا يكاد يصل القمة . حتي تتدحرج منه للسفح
ينزل تاني ويشيلها ويطلع بيها وهلمجرا
جهد ضخم مبذول في اللانتيجة مفيدة
|
Post: #3
Title: Re: لازال يحسب نفسه ..
Author: Arif Nashed
Date: 10-08-2018, 12:42 PM
Parent: #2
قال أعيدوا بوست اسالوني...
سلام ابو سن
|
Post: #4
Title: Re: لازال يحسب نفسه ..
Author: جلالدونا
Date: 10-08-2018, 12:49 PM
Parent: #3
ممكن نقراها سيزيف المهدى يا ود اب سن
|
Post: #5
Title: Re: لازال يحسب نفسه ..
Author: Yousuf Taha
Date: 10-08-2018, 12:57 PM
Parent: #2
Quote: بطل اسطوري في الميثلوجيا القديمة
كان قدرة ان يحمل صخرة حتي قمة الجبل ولا يكاد يصل القمة . حتي تتدحرج منه للسفح
ينزل تاني ويشيلها ويطلع بيها وهلمجرا
جهد ضخم مبذول في اللانتيجة مفيدة |
اب سن كيفك...............ا.محمد مدني قال
Quote: سيقذف سيزيف صخرته
ويغادر ابليسُ لعنته
ويطير الحمامُ اذا … قامت القائمة . |
|
Post: #6
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 01:06 PM
Parent: #5
طول بالك عارف
ذكرتني نكتة لا تحكي علنا
وسرا زاتو الا من وراء حجاب
|
Post: #7
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 01:08 PM
Parent: #6
يا جلال دي وكرة ياخ
اخوك خاينة خايفة
تنوم متسايفة
وتاكل متعايفة
راقد طرف
|
Post: #8
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 01:19 PM
Parent: #7
يا يوسف طه من سمات الشعر الحديث استخدامه الاسطورة والميثلوجيا المحلية او اليونانية . اشتهر بذلك السياب ثم تبعه الاخرين
حتي القدال كشعر شعبي دارجي يستخدم ذلك
يستخدمونها كرمز ودلالات
سيزيف مثلا في كجراي
وهأنذا كمجذوب يسير علي هواه
يجد ، يظهر في جموع السفر في كل القطارات
فيا شمسا تغيب هنالك وراء البرزخ
الممتد في أقصي المدارات
أتوه أظل ابحث عنك
بين مواكب الدهماء ،
خلف مرافيءالظلماء،
فوق مجرة الاسماء
لا ألقي سوي صمت يغربل لي عذاباتي
رأيت الليل مسعورا يمزق لي شعاراتي
يقود مظلة الاعصار ،يسخر من معاناتي
واما لذت بالاحياء يلقيني علي ابواب أمواتي
رفعت علي ركام الغيب فوق مدارج المجهول راياتي
وهأنذا أنوء بصخرتي الصماء
يا سيزيف ، أهدر في دروب الليل طاقاتي
فيا وطن الضياع المر يا نصلا
يمزقني ويكثر من جراحاتي
متي ينسل موج الضوء يغسل رمل واحاتي
|
Post: #9
Title: Re: لازال يحسب نفسه ..
Author: ابو جهينة
Date: 10-08-2018, 01:23 PM
Parent: #8
سلام ابوسن
قالوا له
ليه الخشب يتيم؟.......
قال لأ نه مقطوع من شجرة.
|
Post: #10
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 01:33 PM
Parent: #9
هههه
رغم ان الشجرة تقطع ساقها وتظل جذورها راسخة في الارض
امكن مرات تقوم تاني 😆😆
|
Post: #11
Title: Re: لازال يحسب نفسه ..
Author: أحمد محمد عمر
Date: 10-08-2018, 01:59 PM
Parent: #10
كنا في أولى أو تانية ابتدائي لمن عمك من حلتنا بتروا ليه رجلينو بسبب السكري والزمن داك مافي موبايلات ولا قنوات ولا أي حاجة بتشغل الناس
مشكلته كان عازب يعني مافي أولاد يتحملوهو
بطلع كرسيهو المتحرك في الشارع ويا ويله البجي ماري بالشارع .. يبريهو ليك بري الجن حكاوى عن نفسه وتاريخ حياته الشايفينها قدامنا .. يعني عادي يحكي عن كيف البنات كانن بجرن وراهو وهو لامن عجز عزابي! .. أو كمية القروش الأدوها ليه الخواجات في مشروع الجزيرة وهو قاعد في بيت ورثة قديم فيه عشرين اسرة .. وهكذا
المهم بيحكي وانت غصباً عنك تسمع وغالباً بكون ماسك يدك أثناء الحكي عشان ما تجري .. والكلام دة غالباً بكون نصة نهار والناس ماشية على السوق تجيب اغراضها وملاح الغداء وما بقدر ليك أي ظرف حتسمع يعني حتسمع
نحن الصغار كنا دايماً بندقس نلقى نفسنا في نص الشارع وهو يكورك لينا والزمن داك ما بتقدر تقول لي زول كبير لأ .. لكن الشباب كانوا حرفاء بخلونا نعاين ليهم بالشارع قبل يوصلوا اللفة عشان يشوفوا عمك قاعد ولا مافيش .. إن بقى قاعد طوالي يغيروا الطريق
عمك دة مرة لقى الشارع فاضي الناس كلها بقت تلفلف بالزقاقات قام دور الكرسي المتحرك بتاعه على الميدان البلعبوا فيه الشفع كورة وبقى قاعد لحدي ما الكورة جات جمبه طوالي خطفها وختاها في حجره قال ليهم ما بديكم الكورة إلا تحلوا لي الغلوطية دي وقعدهم كلهم وهم ينقنقوا بي تحت ويهدوا في بعض خلونا نمشيهو عشان نشيل الكورة
والغلوطية بقت 10 وقلبت حكايات وونسة وضحك والأولاد كلهم منتظرين الكورة وهو ما راضي يفكها لأنه لو فكاها تاني مافي زول بعبّرو .. وطبعاً لحدي ما الواطة فللت وانتهى زمن الكورة ما فكاها بس الأكيد إنه دي كانت أمتع لحظات حياته كونه قاعد في الكرسي وحوالينه 20 ولد بستمعوا لحكاياته
في نفس الزمن داك كنا عايشين فقر مدقع مافي طريقة حلاوة من الدكان وحركات زي دي .. قام جاء قريبنا أكبر مننا شوية أبوهو مرتاح مادياً وهو مكمل الشقاوة
الزمن داك ظهر بسكويت جديد اسمه أشكَر بدل ستة قطع فيه تسعة قطع شايفنو وسامعين بيه لكن لا ضقناهو لا شفنا الضاقو
قريبنا المرتاح كان محتاج زول يعاونو على شقاوته وينفذ طلباته بقى سايق ود خالتو ومشغلو مهام صعبة .. أطلع راس البيت داك جيب لي كورة الشراب .. أمشي فن كلب ناس السرة بالحديدة من قريب عشان يكورك وعمتك تتخلع .. وهكذا
الطللبات كلها من النوع الصعب ومع كل طلب قريبنا برفض بقوم يكشكش ليه كيس بسكويت في جيب جلابيتو يقول ليه بعدين ما بنخليك تاكل معانا بسكويت أشكر طواااالي يدنقر وينفذ المطلوب
لاقيت قريبنا المرتاح بالليل قلت ليه أها أكلت ود الناس دة اشكر ولا لسة شاريهو ضحك وطلع لي كيس بسكويت فاضي من جيبو قال لا عندي بسكويت ولا أبوي بديني قروش لكن الكيس الفاضي دة بشغلوا بيه الإجازة كلها
________
يوم وفاة عمك كنت مغطي خشمي بي يدي في المقابر عشان ما تفضحني ابتسامة الارتياح من البري ووقفة الشمس لكن بعد مشيت الصيوان لقيت الناس دي ما فاضل ليهم إلا يجيبوا فنان ويرقصو .. أي ناس تمشي بي جمبهم تلقاهم بتكلموا براحة براحة : والله ارتاح وريحنا
آخر مرة لاقيت قريبنا الكان مرتاح كان عاطل في الحلة وبكورك في ود خالته الحندكوا بصندوق البسكويت بالتلفون وهو بحنس فيه يجيب ليه موبايل من دبي ويقول ليه انت كل مرة بتقول لي بجيبو ليك في الاجازة ولما تجي تقول لي نسيته
يا ربي بكون خاتيها ليه من الزمن داك !
|
Post: #12
Title: Re: لازال يحسب نفسه ..
Author: Nasser Amin
Date: 10-08-2018, 02:47 PM
Parent: #11
عمك البرّاي الله يرحمو ما كان بقول ليكم افقدوني ما تزوغوا مني
اب سن سلام جاك
|
Post: #13
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 02:51 PM
Parent: #12
معلم لكن
بركة المرقت 😆😆 تراكا ما شبح وقت عندك الذكريات دي كلها
بهتوك ساي
تعرف يا احمد كدة وصفتو تمام
كترت كلام ووعود غير منجزة
|
Post: #14
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 02:52 PM
Parent: #13
حباب السلام ناصر
بعضهم يصنع نفسه آله من طين
لو كان عجوة يكون افضل 😆😆
|
Post: #15
Title: Re: لازال يحسب نفسه ..
Author: Rami Abdelkareem
Date: 10-08-2018, 03:32 PM
Parent: #14
الحس المكوه في سبعه كان فاهم حاجه
يعني الواحد يقعد في البنبر ده 24 ساعه
حسي مشيت الشغل وجيت بقيت مسطح
|
Post: #16
Title: Re: لازال يحسب نفسه ..
Author: Arif Nashed
Date: 10-08-2018, 03:36 PM
Parent: #14
Quote: طول بالك عارف
ذكرتني نكتة لا تحكي علنا
وسرا زاتو الا من وراء حجاب |
يجازي محنك قطعت مصاريني ظاتو..
ذكرتني اغنية تعلق قلبي فتي وشنو كده ما عارف..
|
Post: #17
Title: Re: لازال يحسب نفسه ..
Author: أحمد محمد عمر
Date: 10-08-2018, 03:43 PM
Parent: #16
غايتو يا رامي عبد الكريم أكان ما فهمت من المقتبس دة معناها قاعد في بنبر تاني | Quote: عمك البرّاي الله يرحمو ما كان بقول ليكم افقدوني ما تزوغوا مني |
|
Post: #18
Title: Re: لازال يحسب نفسه ..
Author: محمد البشرى الخضر
Date: 10-08-2018, 03:55 PM
Parent: #17
علي اليمين يا احمد عمر بالغت!!
أنا ساويك دفعتي و مباريك فيلمي وفيلمك وغلاطي وغلاطك واتاريك شافع ود امبارح!!
بسكويت اشكر دا لامن طلع احنا في البركس و كمّلنا خلط العوارة داك وخشينا في المسائل الجادة و التربيط وكدي!
|
Post: #21
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 04:02 PM
Parent: #18
يا رامي المكوة ام سبعة نمر دى بتلقوها وين ياخ؟
قالوا الزول حلف ما يقعد في بيت مريسة . تاب
بعد فترة الكاروشة بمساعدة بطانة السوء 😆😆 ارته سوء حلفه 😆😆
عشان يفك الحلف . بقو يقعدو في شدرة برة البيت . اها تاني حلف ما يقعد في بنبر مريسة
والكاروشة
قالوا ليهو ما تقعد في بنبر مريسة . جر سرج حمارك
وفعلا تاني حلف ما يشرب
الكاروشة قامت عليهو
حلوها يشرب واقف لانو حلف قاعد 😆😆😆
|
Post: #19
Title: Re: لازال يحسب نفسه ..
Author: Yousuf Taha
Date: 10-08-2018, 03:56 PM
Parent: #17
Quote: غايتو يا رامي عبد الكريم أكان ما فهمت من المقتبس دة معناها قاعد في بنبر تانيQuote:
وقام ختاها ليو تاااااااااااااااااااااااااااااااااااااااااااااخ🤣
|
Post: #22
Title: Re: لازال يحسب نفسه ..
Author: muntasir
Date: 10-08-2018, 04:07 PM
Parent: #19
يا ودالبشرى انت خلطت سنة كم لأنو انا ما سمعت بي أشكر ده غايتو سجمنا لو ظهر بعد ما مرقت من السودان معناتها هرمنا غايتو يحضرونا الما بفقدونا
|
Post: #20
Title: Re: لازال يحسب نفسه ..
Author: Rami Abdelkareem
Date: 10-08-2018, 04:00 PM
Parent: #17
لا لا كان كده فهمت تب
مشكور يا احمد وفرت علي مشاوير كتيره خلاص
|
Post: #23
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 04:08 PM
Parent: #20
يا عارف بقينا نلعب وبالنا في الحكم والخصم ورجل الخط والجمهور زاتو
يا معلم ما تضيق الملعب امرق برة شوية ان شاء الله تمشي باريس
وياماشي لي باريس
رامي انزل هنا محطتك ما جات
انزل عشان ما دفعت 😆😆😆
قح ياخ
نحن الا تقح لينا
نزل معاك يوسف ما يعمل بلعب بي موبايلو ورايح
|
Post: #25
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 04:10 PM
Parent: #23
ما عيب عليكم يا ودو
طلعتو بتاعين بسكويت 😆😆
نحن ناس كرم وبسكويت محشي كوكا
|
Post: #24
Title: Re: لازال يحسب نفسه ..
Author: أحمد محمد عمر
Date: 10-08-2018, 04:09 PM
Parent: #20
| Quote: وقام ختاها ليو تاااااااااااااااااااااااااااااااااااااااااااااخ🤣 |
الختاها لي صاح أب سن دة
مريسة في عينك يا عواليق 
يا البشرى وكمان بيبي فيس ومسميني أب جضوم
|
Post: #26
Title: Re: لازال يحسب نفسه ..
Author: محمد البشرى الخضر
Date: 10-08-2018, 04:19 PM
Parent: #24
نحنا ناس سنة تسعين واحد وتسعين يا منص لكن خلطنا في اتنين وتسعين لا من مرق مننا وهم الدفاع الشعبي و الصلعة قامت يا دوب
| Quote: بيبي فيس ومسميني أب جضوم |
يا زول تاني تختانا كدا ولا كدا
كمان بعد العمر دا عايزة تجيب ليها اوبجيكتف وما ادراك ما عجلاتية وشنو وشنو
|
Post: #28
Title: Re: لازال يحسب نفسه ..
Author: أحمد محمد عمر
Date: 10-08-2018, 04:23 PM
Parent: #26
يا زول انت ما شفت أزمة المدام مع الموضوع دة
مربية ليها 3 شيبات في راسي كل يوم تجي تطمن عليهن .. مرة اتنين اختفن حلفت علي ما أمشي للحلاق دة تاني :)
______
يا أب سن غايتو احسن نغير ليك الموضوع .. أب طبلة حااااااايم
|
Post: #104
Title: Re: لازال يحسب نفسه ..
Author: nazar hussien
Date: 10-14-2018, 08:06 AM
Parent: #26
نحنا ناس سنة تسعين واحد وتسعين يا منص لكن خلطنا في اتنين وتسعين لا من مرق مننا وهم الدفاع الشعبي و الصلعة قامت يا دوب
ود البشري انت حاضر زمن الدفاع الشعبي والصلع؟؟؟ قبلك وحدك وبراك
كان كده نحن نتلم مع ناس بشاشا وعادل عبدالعاطي
|
Post: #105
Title: Re: لازال يحسب نفسه ..
Author: دفع الله ود الأصيل
Date: 10-14-2018, 10:10 AM
Parent: #104
Quote:
علا مرات بخلوني اركب الدقداق لامن الدرب يروح لي
وسعيد بطلعة احمد بالجد
يا اخوي المراسة ديل حكم
|
سلام مربع لود أبسن و صاحبو ابسنين أحمد عمر ثنائي ماتع بالجد
فا تسمحو بالله تتارروا لينا نونسمعاكم شوية بتخريمة ذكرتوني ياها.
® علا إتا يا ود البشرى اللخو ، تحين قوت لي لامنخلطو في البركس
في التسعينات وكدي. . يا زول ما تخاف الله و تقوم تلف يا عمگ ما تشبحا
شديد گدي ، يقوم ينگطع فينا معاگ طايوق، و لا تنزلق لگ صابونة مخروقة.
ياخي التعسيعنات دي نحنا ظاطنا اللسغر منگم ما رجيناهافيالبركس. حاضرين
السانوي العام ، و گان ليگم إتا آبو ضراع، عاد تگونو من الوسطى و زات الراسين
و لي غادي.و لا عاد گان گدي أخير نرجعگ مرحلو الأساس راسو عدييل!!
© عمومن، باشتح دا ذگرتتي عمگ الجاگ الگضاب. مرة في لمة فراش بگا
ماسگ لگ المجلس مگطع الناس النفس. بس الدورابة و را الدورابة. فگان
جنبو ود عمن ليو،قاللو إتا آالجاگ گلو ما تگبر الگضبة أنا بديگ قرصة
و بقولگ الجاگ ، أنبهگ و گدي، عشان تباقصا شوية. قاللو سمح أتفقنا.
∆ و يلا قبل علي اللمة ، و بدا يحگيلو في مغامرة بطلا هو ظاطوشخسياً
مع تومساح عوشاري ، قال صدناهو في بحر أزرق ترا جيهة الصعيد دا.
قال ضنبو دا برايو بجيبلو خمسطاشر متر؛ أها و د عمو بدا يقارص فيه
و هو بدا يباقص في طول الضنب ، لحدت ما وصلو نص متر بس. و داگ
لسة يقارص فيه لامن كرَّهو ومسخ عليه اللمة، و يسويلو : الجاگ ، الجاگ.
فلامن خلاس زهج منو ، قاللو: ياخي ما گطعت لي تَجلدي، تطير عيشتو
الجاك ، أها عاد علا گان أخليه ليگ أملط ، برا ضنب؟! و يلا انگطعت
انشمطت و راحت الحگاية شمار في مرقة. بس أوعة تكون مسموعة.
|
Post: #27
Title: Re: لازال يحسب نفسه ..
Author: Yousuf Taha
Date: 10-08-2018, 04:21 PM
Parent: #24
| Quote: بسكويت اشكر دا لامن طلع احنا في البركس و كمّلنا خلط العوارة داك وخشينا في المسائل الجادة و التربيط وكدي! |
تاني بناديك بــــــــــــــــــــــــ يـاعمو البشرى 🤣
|
Post: #29
Title: Re: لازال يحسب نفسه ..
Author: Yousuf Taha
Date: 10-08-2018, 04:24 PM
| Quote: نزل معاك يوسف ما يعمل بلعب بي موبايلو ورايح |
ههههههه الكيبورد مشقلب ياخ
|
Post: #30
Title: Re: لازال يحسب نفسه ..
Author: Rami Abdelkareem
Date: 10-08-2018, 04:27 PM
ات يا اب سن المكاوي ما اتغيرت في نمره عشره كمان
ياخي انا يادوب ركبت خليني النتوهط وبعداك بنزل
|
Post: #31
Title: Re: لازال يحسب نفسه ..
Author: Rami Abdelkareem
Date: 10-08-2018, 04:30 PM
Parent: #30
اها خلاص نزلت قفلوهو
بعد كده كل قرد يطلع شجرته
|
Post: #32
Title: Re: لازال يحسب نفسه ..
Author: محمد البشرى الخضر
Date: 10-08-2018, 04:32 PM
Parent: #31
هوووي يا يوسف طه ما تستغل الوضع!! عمو دي ما مسموح لأي واحد فيكم يقولها
بس ناس وضاحة وصاحباتها ممكن غير كدا ما معانا
|
Post: #35
Title: Re: لازال يحسب نفسه ..
Author: Yousuf Taha
Date: 10-08-2018, 04:45 PM
Parent: #32
| Quote: عمو دي ما مسموح لأي واحد فيكم يقولها |
هههههههههه انت براك دقست وقلت لمن كنا في البركس يامعلم انا لمن زول يقول لي انا سكنت في البركس طوالي بلصق ليو ياعمو
نحن في زمنا البركس قلبوها بقت حقت جكس ياعممممممك وكنا بنعمل رحلة الشتاء والصيف مع التتي
واظن سموها الزهراء واللا شنو مابعرف ليك
ههههههههه
|
Post: #33
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 04:38 PM
Parent: #31
يا منص الناس تقول النجم ام ضنب وتساب كم وسبعين واتا مرجعيتك بسكويت 😆😆
امكن ظهر لكن ما جاكم لسة
|
Post: #34
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 04:43 PM
Parent: #33
معلم ياخ
الكورة جاتنا مدردقة براها وكراعي اكلتني
اخوك قناص
اب طبلة كمان داير يحرمنا الونسة ساي 😈😈
تعرف النسوان ديل صعبات خلاس . تكبرك في اي مجتمع وهي مدقرة في عمر واحد
عما لينا بقول ليك عمري 35 سنة
تقول ليهو السنة الفاتت كان 35 قول 36
يقول مالو !؟
طلق السنة الجاية 35
|
Post: #36
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 04:47 PM
Parent: #34
انا غايتو بعتبر الشباب احساس
لكن كمان ما للدرجة دي ياخ
😆😆😆😆😆😆😆😆
|
Post: #37
Title: Re: لازال يحسب نفسه ..
Author: محمد البشرى الخضر
Date: 10-08-2018, 06:33 PM
Parent: #36
يا يوسف ما عشان اصغر عمري لكن قلبة البركس زهراء دي حضرناها
ايه رايك قرينا الفاينال في المناهل، ولا من ودونا ليها كانت لسة مضروبة بنفسجي و بمبي و الوان حنينة كدا لامن اتحسسنا زاتو!!
|
Post: #38
Title: Re: لازال يحسب نفسه ..
Author: أحمد محمد عمر
Date: 10-08-2018, 06:56 PM
Parent: #37
| Quote: طلق السنة الجاية 35 |
خالتي الله يرحمها قالت لينا عمري 35 .. بنتها كوركت قالت ليها يمة أنا عمري 41 قالت ليه كل زول بطريقته
بمناسبة الشباب قبل كم يوم بتونس مع صاحبنا اصغر مننا في السعودية الكفيل عاصره مطلع زيته بطلع من صباح الرحمن وبدخل البيت 11 مساء
قال لي بمسك الشافع عشان انومه بنوم أنا وبخليهو صاحي :)
قلت ليه بالطريقة دي معناها انت والمدام عايشين اخوان اخوان
قال لي المسكينة بتحاول بكل الطرق والعطور والروبات واخوك ما فيه حيل يمد يدو يشرب موية لحدي ما مرة قالت تجيبها بي فوق فوق قالت ليه نفسي في بنية حليوونة كدة قلت ليها شفتي الولدين العندك ديل! أبقى عليهم عشرة الله أعلم يكون فيها تالت :)
|
Post: #39
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 07:10 PM
Parent: #38
هههه غايتو ناسنا ديل علينا بالظاهر 😆😆 صور ردوم مع الجكس والمقابضة
ناسنا من شدة المسؤوليات الجسام تقول ما قاعدين يلدو زاتو 😆😆 لكن سبحان الله 😆😆😆
واحد بتونس معانا ويشكو قلة الفئران في شنو كدة ما عارف
معانا واحد قال ليهو
والله جارنا دخاخينهم وريحتهم يومي شامينها بالليل
قال ليهو والله الا كان شغال شحاد
وفعلا طلع شحاد
غايتو لو ادتوني قناع شبحية احكي ليكم جنس قصص😆😆😆
|
Post: #40
Title: Re: لازال يحسب نفسه ..
Author: أحمد محمد عمر
Date: 10-08-2018, 07:13 PM
Parent: #39
الشبحية نور ونار .. من أراد نورها فليصطلي بنارها
|
Post: #43
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 07:17 PM
Parent: #40
ادوني فيها كجة وبتان شيلوها
احكي ليك قصة
|
Post: #41
Title: Re: لازال يحسب نفسه ..
Author: عبدالمنعم الطيب حسن
Date: 10-08-2018, 07:16 PM
Parent: #37
صديقي (محمد عمر) ليك وحشة (يازول)
وفقدناك والله وقربنا نسال عنك
لكن شغلنا بتاع المريسة البكرعا واقف دا
بحكي يا رجل قصص بسيطة جدا بعتبرا خطيرة!!
وهي
وبتحصل كل يوم للناس ولا بقيفوا عندها
ااااهااااا شكلو وفقوا اسحن ارحتنا؛
تقوم تتداخل اشكتيك....
النصيحة بسوكيتك دا ولا سمعتا بيهو
نحن حدنا اسبرو ومراقب الورشة وحلاوة لكوم!!!
وفي اخر طفولتنا جات حلاوة قطن....
ضحكتني الشيبتين تحت المراقبة
والحلاق دا شكلو اسيك
لكن وضعو اخف من وضع صاحبنا الذي تلقاه
اليوم مساهر يساسق من بوست لطبلة!!!
وكان حتى صباح اليوم مزهوا
وزاهيا ولا يكضب
وهو ابن سويسرة الحرة؛
ما علينا
.......
بالجد المنبر يفقتقد صديقنا العميق حاتم ابراهيم
نناشده العودة؛
......
ابسن فقري ولماح ولماخ
وبهدوء؛
|
Post: #42
Title: Re: لازال يحسب نفسه ..
Author: عبدالمنعم الطيب حسن
Date: 10-08-2018, 07:16 PM
Parent: #37
مكرر
|
Post: #44
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 07:27 PM
Parent: #42
المرة عندها سخل جابتو السوق معاها ولدها
في ذلك التاريخ السحيق النسوان لا يرتدين ملابس داخلية . لاشئ غير الفركة وثوب الزراق
اها
وقفها زول داير يشتري العنبلوك او السخل . واداها سعر ميت جدا
من الزعلة خمت السخل والقرقاب معاهو
ولدها شاف المنظر وداير ينبهها بدون تشعر
امي ختيهو يعني نزلي السخل في الواطة
قالت
وحات الله ما اختو . افتكرتو قاليها بيعي بالسعر دة
قال ليها
لا يا امي . ختيهو وبتان شيليهو
😆😆😆
بين قوسين
قصة رمزية
|
Post: #45
Title: Re: لازال يحسب نفسه ..
Author: عبدالحفيظ ابوسن
Date: 10-08-2018, 07:33 PM
Parent: #44
شرفت يا منعم
اخوك زي البشتر ليهو في شدرة لالوب يدلي الني والنجيض
بعدينك الضيوف ديل لامن يجو البوست الزول لازم يونسهم كتر خيرهم
علا مرات بخلوني اركب الدقداق لامن الدرب يروح لي
وسعيد بطلعة احمد بالجد
يا اخوي المراسة ديل حكم
ناس البغو
|
Post: #47
Title: Re: لازال يحسب نفسه ..
Author: أحمد محمد عمر
Date: 10-08-2018, 07:48 PM
Parent: #45
أوووووو منعم
شوق الشوق ياخ
أب سن طبعاً حريف في مناقشة القضايا .. بجيبها ليك بفوق فوق وبدون أسامي وكمان ولا بظهر في البوست بتاع المشكلة
بجدع الطواقي واللبس مجان
أنا طبعاً متابع المهزلة الأخيرة وصراحة كل البوستات اتلوثت بشكل النقاش العقيم عشان كدة ما صدقت أبو سن فتح البوست جيت جاري
تصدق أنا متأكد مليون في المية أكان جاء سيد الاسم داخل البوست دة ما حيفرز أي حاجة .. والله صحي :)
| Quote: علا مرات بخلوني اركب الدقداق |
حالتو لسة حافظ بشير ما جاك :)
|
Post: #46
Title: Re: لازال يحسب نفسه ..
Author: امتثال عبدالله
Date: 10-08-2018, 07:39 PM
Parent: #44
احمد محمد عمر
غايتو قصة عمك الباترين رجلينو بسبب السكري وختف الكورة من الشفع وبقى يحكي ليهم قصصه غصبا عنهم وهم منتظرين الكورة...قصة اوسكار ....
ود ابو سن
نهدي ليك اغنية خاينة يا دنيا ..ظالمة يا دنيا ...
|
Post: #48
Title: Re: لازال يحسب نفسه ..
Author: جمال ود القوز
Date: 10-08-2018, 07:49 PM
Parent: #46
مونساتيه زي المونساتيه ..
بوست أكثر من رائع ..
متابعة لصيقة جدا .......
أب سن أزيك يأخ ..
دوما لامي الحبايب والحلوين ..
|
Post: #49
Title: Re: لازال يحسب نفسه ..
Author: عبدالمنعم الطيب حسن
Date: 10-08-2018, 08:23 PM
Parent: #48
والله والونسة ما بناباها لكن خايفين من المحاكم،
...........
عشان كدة يا احمد
(محمد عمر)تصدق ما تداخلت في اي بوست
حيث (لا) عندنا اضافة؛؛
اقرب بوست لرؤيتي كان علي بس اول مداخلة قال انتهى
قنا خلاص فعلا
انتهى
نهاية بطل .....
...........
شايف في كومرين كدة نزلوا الخدمة بعد فترة غياب
واحد فيهم رابط مكنة استاندر المانية
والتاني خمسين في المية من مكنتو شرق المتوسط
والاتنين قريبين من تركيا؛
والدي ان اي لكيهما احمر قاني؛
وعاملين تحليلات وعمايل!!!
...........
|
Post: #50
Title: Re: لازال يحسب نفسه ..
Author: علي محمد الفكي
Date: 10-08-2018, 10:38 PM
Parent: #49
ود اب سن والصحبه الكرام
الثيرد باك غتيت
فك ليهو اللعب قاصد
وردمو ردمه قانونيه خلا عجاجتو قايمه
ما لقى نفسو الا في المساطب
زمان الزهره فريق حلة الفلاته عندهم مهاجم خطيير اسم صديق
لاعبين مع المورد مدافعهم مضر من المضره مسمن دبيب
صديق جاهو باص ودبيب وراهو واحد من مشجعين الزهره بقى يكورك
صديقا اعمل حسابك دبيبا دا مضره
زولك كل المساطب والمقصوره تنادي فيهو اعمل حسابك من الاسد الاطرش
وهو شايف انياب الاسد افتكرو بضحك ليهو
لحدي ما لقى نفسو في الرج
|
Post: #51
Title: Re: لازال يحسب نفسه ..
Author: عبدالحفيظ ابوسن
Date: 10-09-2018, 05:11 AM
Parent: #50
غيريها لي بغنية فرايحية امتثال انا بحب الجبجبة
يا ود القوز الحبايب بحبو لمة الونسة الماتعة
يا علي زي ما قال عمنا كشيب مرة لي
اولاد الجامعة بلعبو معانا . شابكننا انجليزي واحد قال اوفر عرفتها ليك . جدعو ليهو الكورة قام معاها . عفصت ليك اصبعو الكبير بي طرف الكدارة. اسمع ليك رجججج
الكراع فيها كم مفصل ؟
سألني
قلت ليهو ما عارف
قال لي 360 مفصل . فكيت مفاصل كراعو من الاصبع لي راسو فوق
|
Post: #52
Title: Re: لازال يحسب نفسه ..
Author: Haytham Ghaly
Date: 10-09-2018, 05:31 AM
Parent: #51
تاني يا احمد ما بنقولك شبح
لانك طلعت مجرد شبيح صغنوني
لكن لسان سليط ..
زي الزول البوصف في بت
قال هي في الابتدائي .. لكن شنو كدا ما عارف في الجامعة
|
Post: #53
Title: Re: لازال يحسب نفسه ..
Author: أحمد محمد عمر
Date: 10-09-2018, 09:00 AM
Parent: #52
| Quote: اقرب بوست لرؤيتي كان علي بس اول مداخلة قال انتهى |
عارف يا منعم لأول مرة يجمع الأعضاء على رأي في قضية بدون يشذ منهم زول
لأول مرة زول ينشغل بالمنبر طول اليوم لمدة عام كامل ويتداخل في كل القضايا ويتصدر العناوين وتكون المحصلة ما عندو ولا ربع صليح !
مافي أي زول عارفه هل اتوقف ولا حردان! بل مافي زول مهتم يعرف
عادة في الحالات الزي دي بتظهر رسائل عبر أصدقاء العضو المختفي يا إما موقعة بإسمه يا إما هم بتكلموا عن وضعه كلام الخبير المتابع
بيجوا ناس يدافعوا عن حق التعبير وحرية الرأي وبيظهروا الأنبياء البقولوا ليك اختلف معانا وأذانا لكن نتمناهو بخير .. بس دة كلو ما حصل
عشان كدة يا امتثال أنا قصدت أورد مشهد الشماتة في المقابر وصيوان العزاء رغم لؤمه بسبب إنه شعور طبيعي تجاه إنسان ما خلى ليك درب لشعور تاني
|
Post: #54
Title: Re: لازال يحسب نفسه ..
Author: أحمد محمد عمر
Date: 10-09-2018, 09:02 AM
Parent: #53
أها دة لف ليك الدركسون على شارع الدقداق .. تعال استلم
| Quote: قال هي في الابتدائي .. لكن شنو كدا ما عارف في الجامعة |
|
Post: #55
Title: Re: لازال يحسب نفسه ..
Author: عبدالمنعم الطيب حسن
Date: 10-09-2018, 10:56 AM
Parent: #54
عارف يا احمد
ما زال النبض العام بخير
ما زال ايقاع الشعب العام متزن
منبعا من دواخل الناس المليانة بالخير وبالمحبة وبالسموء
رغم العزف الاشتر هناك وهنا ولسنين؛
شكر لهؤلاء السودانيين جميعا النبلاء هنا وهناك
فالهم واحد؛ والعدو واحد ....
..........................
وبالمناسبة لا هذه ولا تلك
ولا الدنيا باكملها تساوي ؛
ملتقى النيلين في الخرطوم يا سمراء...
ولكن:
اقدلي هي اقدلي
وسكتي الخشامة
وانزلي في العوازل كي
..........
كي فوق الدبر والدم
قدل شيخي
قدل شعبي،
|
Post: #56
Title: Re: لازال يحسب نفسه ..
Author: محمد البشرى الخضر
Date: 10-09-2018, 11:05 AM
Parent: #55
ايوة أنا كنت عايز اسال الـ rating هنا كم؟ PG ولا في فرقة
|
Post: #57
Title: Re: لازال يحسب نفسه ..
Author: أحمد محمد عمر
Date: 10-09-2018, 11:09 AM
Parent: #56
لحدي الآن R لكن ساعين في موضوع الـ NC-17
|
Post: #58
Title: Re: لازال يحسب نفسه ..
Author: عبدالحفيظ ابوسن
Date: 10-09-2018, 12:24 PM
Parent: #57
ممكن
NC-70
😆😆😆
|
Post: #59
Title: Re: لازال يحسب نفسه ..
Author: muntasir
Date: 10-09-2018, 12:49 PM
Parent: #58
قعدتوا يحسب يحسب لمن خوشقتوا بيه ،انا زمان قلت ليه بكري بيعمل فيك عملية القرد والأسد الأطرش ما سمع كلامي ( ما بتاعين الماسورة ديل ستريت)
|
Post: #60
Title: Re: لازال يحسب نفسه ..
Author: عبدالحفيظ ابوسن
Date: 10-09-2018, 12:56 PM
Parent: #59
وول ستريت يا منص
الزمن دة عادي مكنة البنزين تقلب جاز ومرات دبل جينت
وين احمد عمر بوظ البوست عديل
|
Post: #61
Title: Re: لازال يحسب نفسه ..
Author: سفيان بشير نابرى
Date: 10-09-2018, 03:09 PM
Parent: #60
سمعنا بأم البتاعه القلتوها دي بس أبوها يطرشنا
|
Post: #62
Title: Re: لازال يحسب نفسه ..
Author: Hafiz Bashir
Date: 10-09-2018, 03:37 PM
Parent: #61
التساب تساب ستة واربعين.
والنكتة المناسبة لتمثيل المفارقة بين عمر الشبيبيح وطول لسانو لم تكن نكتة الزول البوصف في بت آنذاك
بل نكتة الفصل السألوهو في وجود المفتش التعليمي عن حاجة بتبدأ بحرف الباء، فاجاب أحد التلاميذ: " باء بعيو ثم تفنن في وصف البعيو مستخدماً يده اليمنى للتوضيح.
|
Post: #63
Title: Re: لازال يحسب نفسه ..
Author: أحمد محمد عمر
Date: 10-09-2018, 03:40 PM
Parent: #62
أها شفتو دي مشكلة الأشباح لما تظهر للعلن
|
Post: #64
Title: Re: لازال يحسب نفسه ..
Author: Rami Abdelkareem
Date: 10-09-2018, 04:12 PM
Parent: #63
خلاص قلبتوها ونسه
طيب نونسكم
عندي واحد صحبي اليوم كله قصاد المرايا ، يعاين لي نفسه ويشتم المرايا
عرس ليه خواجيه، يوم قالو يعملو جو رومانسي، مرته سألته بتحب فيني شنو
قال ليها شعرك طويل واشقر وعيونك ووووو
اها قال ليها بتحبي فيني شنو قال خمسه دقايق بتبحلق فيه مالقت اي حاجه تشكرها
في النهاية قالت ليه ياخي انت ظريف ووناس
|
Post: #65
Title: Re: لازال يحسب نفسه ..
Author: أحمد محمد عمر
Date: 10-09-2018, 06:15 PM
Parent: #64
| Quote: سمعنا بأم البتاعه القلتوها دي بس أبوها يطرشنا |
ديك ما طبلة يا اب ملاحاً (ساقط)
|
Post: #66
Title: Re: لازال يحسب نفسه ..
Author: أحمد محمد عمر
Date: 10-09-2018, 06:21 PM
Parent: #65
Quote: مالقت اي حاجه تشكرها
في النهاية قالت ليه ياخي انت ظريف ووناس |
بت خالي كانت معذبة البلد كلو بحلاتها عشان كدة معاييرها كلها جمالية
كانت بتناديني اشرح ليها رياضيات
أها في بريك كدة اثناء الشرح بتونس معاها قالت لي نحن في المدرسة أصلو ما بنفهم من الاستاذ الشين
استاذ محمد دة يملا السبورة ويشرح الحصة كلها وما نفهم حاجة لكن استاذ مهند كان جاء وقف ساي بدون ما يتكلم بنفهم :)
وانا طبعاً قاعد بشرح ليها طواااالي صلحت اللياقة وابتسامة للأضان قلت ليها رفعتي معنوياتي ياخي
عاينت لي باستغراب وقالت لي ومنو القال ليك أنا بفهم منك!
|
Post: #67
Title: Re: لازال يحسب نفسه ..
Author: عبدالحفيظ ابوسن
Date: 10-09-2018, 06:25 PM
Parent: #66
غايتو الدقداق دة قدر ما نزح منو ونطلع الزلط ترجعونا تاني
|
Post: #68
Title: Re: لازال يحسب نفسه ..
Author: جلالدونا
Date: 10-09-2018, 06:26 PM
Parent: #65
معقولة دى ... براى المشاتر
الناس كلّها لفّت يمين و انا لفيت شمال مع الصادق المهدى
غشيتنى بى هلمجرا دى يا سنّو
|
Post: #69
Title: Re: لازال يحسب نفسه ..
Author: عبدالحفيظ ابوسن
Date: 10-09-2018, 06:34 PM
Parent: #68
تخيل يا جلال انت الوحيد الكنت صاح
ياخ الجماعة قاموا جارين ومسكت قميصي في سنوني وجريت وراهم
حتي كمان يقولو ما بعرف الموت😆😆
جدعت الاشارات ب هلمجرا
وبعامل السن
وبشنو وشنو
ويحسب نفسه
قلت ما بحرجهم
كل مرة اجدع اشارة
وهم راكبين راسهم
|
Post: #70
Title: Re: لازال يحسب نفسه ..
Author: جلالدونا
Date: 10-09-2018, 06:35 PM
Parent: #65
|
Post: #72
Title: Re: لازال يحسب نفسه ..
Author: سفيان بشير نابرى
Date: 10-09-2018, 06:40 PM
Parent: #70
| Quote: ديك ما طبلة يا اب ملاحاً (ساقط) |
برضو تقول عن نفسك صغير و جاهل وزمن بسكويت اشكر؟
غايتو في زمنا نحنا بقت ام طبلة.
|
Post: #73
Title: Re: لازال يحسب نفسه ..
Author: أحمد محمد عمر
Date: 10-09-2018, 06:50 PM
Parent: #72
يا زول وحاة الطلاق لي يوم الليلة اسمها أم سقاطة
أها دخلت بيكم جوة حفرة .. تاني تقولوا يا حليل الدقداق
.
|
Post: #71
Title: Re: لازال يحسب نفسه ..
Author: جلالدونا
Date: 10-09-2018, 06:37 PM
Parent: #65
اسف للتكرار
|
Post: #74
Title: Re: لازال يحسب نفسه ..
Author: Arif Nashed
Date: 10-09-2018, 06:55 PM
Parent: #71
أول مرة اعرف البني آدم عندو 360 مفصل تكون محسوبة بالكبيسة 2018 سنة كبيسة وما تتكرر إلا كل 4 سنوات..
آب سن حسبت الاضافر
|
Post: #75
Title: Re: لازال يحسب نفسه ..
Author: عبدالحفيظ ابوسن
Date: 10-09-2018, 06:56 PM
Parent: #71
آمنتو بي الله
احمد دة يهدوهو من التليب من راس البيت يمسك سلك الكهربا حفيان
ياخ رسل لي باص ورد شبح
اتجدع بيهو شوية وبتان ارجعو ليك
|
Post: #76
Title: Re: لازال يحسب نفسه ..
Author: Rami Abdelkareem
Date: 10-09-2018, 07:03 PM
Parent: #75
والله يا ابوحميد لمن تجي من بت خالتك تاكلها في حنانك لكن من مرتك حاره
ياحفيظ نعمل شنو البنبر ده كل يوم واحد مقبقب اخوه في الحيطه والبنج جاتنا طايره
احسن نونس
|
Post: #77
Title: Re: لازال يحسب نفسه ..
Author: Haytham Ghaly
Date: 10-09-2018, 09:04 PM
Parent: #76
يا مولانا قول بسملاي
انت حتى النكتة عايز تغالط فيها؟؟؟
دي مصيبة شنو دي😂😂😂
|
Post: #78
Title: Re: لازال يحسب نفسه ..
Author: محمد البشرى الخضر
Date: 10-09-2018, 09:20 PM
Parent: #77
طالما ما عايزين تدونا الأكيدة في موضوع الـ rating دا انا بديكم ليها مسنسرة !
بمناسبة آلية تحديد سعر الدولار و القفزة في سعره قالوا في موقف شبيه زمان ود الجبل رحمه الله قال ليهم الدولار دا زي الـ - تيت تيت- كان هابشتوه بقوم !
|
Post: #79
Title: Re: لازال يحسب نفسه ..
Author: عبدالحفيظ ابوسن
Date: 10-09-2018, 09:26 PM
Parent: #78
لا يا ودو ما تيت تيت
تيت تيت ممكن تقوم دفرة
يا عارف دة حسب كلام كوشيب السنة عندو بتنتهي بي راس السنة 😆😆
|
Post: #80
Title: Re: لازال يحسب نفسه ..
Author: محمد البشرى الخضر
Date: 10-09-2018, 09:30 PM
Parent: #79
أهاااااا دي آخرة الونسة مع الاشباح و الوليدات والمولانات ! بقيت غالااااااط
تغالط الواحد فييييييييي .. نكتته
|
Post: #81
Title: Re: لازال يحسب نفسه ..
Author: جلالدونا
Date: 10-10-2018, 02:06 PM
Parent: #80
شكرا سنو
طيب احمد محمد عمر ده مالو
جا مكتنز ليهو حاجات و كبّاها هنا
لوى عنق البوست غصبا عن البوست ذاتو
غايتو الجاتك فى بوستيك سامحتك
اصلو بوست مقطوع من شدرة
|
Post: #82
Title: Re: لازال يحسب نفسه ..
Author: Haytham Ghaly
Date: 10-11-2018, 05:54 AM
Parent: #81
Quote: طيب احمد محمد عمر ده مالو
جا مكتنز ليهو حاجات و كبّاها هنا
|
احمد محمد عمر يا جلال عندو فروقات كلام كتيرة ، الراجل كان واقف من البورد لظرف ما ولما جا راجع عايز يعوض الفترة الفاتت هههههه
ذكرني ايام معسكر الخدمة الوطنية لمن كنا داخلين الجامعة ، اول خمسطاشر يوم دي كانت شي قاسي وصعب وتدريب مستمر ووقاف في الشمس وتمام تسعة حدو صلاة الصبح
يا زول نحنا كنا لمن نلقى فرقة مافي زول بتكلم بس بنجري ننوم وبننوم اثناء الصلاة كمان بس حدنا السجدة الاولى تجي وما بنقوم تاني مع الناس ولمن الناس تجلس للتشهد الاخير الجنبنا يصحونا وكمان نقوم ونسلم عادي وقبل كدا انا سلمت قبل الامام زاتو ههههههه
بعد حوالي تمنطاشر يوم من العزاب وعدم الكلام عدا ترديد التكبيرات والتهليلات والجلالات الفارغة شردنا انا وصاحبي اثناء المحاضرة اليومية بتاعة الجماعة اياهم وقدرنا مرقنا لحدي الشارع العام والزمن داك معظم المواصلات كانت دفارات .
المهم وقفلنا دفار وكان فيهو مجموعة من الركاب اول ما ركبنا واحد من الركاب قالنا انتو طلبة المعسكر وللا مالكن مبشتنين كدا هههه وتاني عينك ما تشوف الا النور صاحبي استلم ليك المجلس استلام تام ردحي وحكاوي وهزيان والله انا لمن اتحرجت منو واعتذرت للناس وقلتلم نحنا لينا تمنطاشر يوم ما اتكلمنا وصاحبي عايز يجيب الفرق ههههه
اها اسع صاحبي ود عمر دا بدور يجيب الفرق فااا استحملوه واعملوا ساتر في بعض الاحيان
|
Post: #83
Title: Re: لازال يحسب نفسه ..
Author: أحمد محمد عمر
Date: 10-11-2018, 09:12 AM
Parent: #82
يا زول وحاتك عندي قراية غلبتني .. الغلب الواااااحد دة
قلت أديها بريك يومين كدة عشان ارجع ليها بنفسيات جديدة
فتحت برطمانية العسل الاسمها الاونلاين قلت لحسة صغيرة كدة ما بتضر وانا أصلاً بطني قالبة وشبعان وما عارف شنو .. المهم قدرت أحنك روحي :)
اللحسة جرت أختها وكل مرة أغسل يدي نظام خلاص انتهيت
في النهاية لقيت روحي شايل عيشة وكاشح برطمانية العسل في الصحن وغاطس فيها للكوع
بس خلاص البريك بنتهي الجمعة أو السبت بالكتير وبعدها تاني ريجيم بس لحس عسل مافي
لكن لحدي الوقت داك يمنع دخول النساء والأطفال
|
Post: #84
Title: Re: لازال يحسب نفسه ..
Author: علي محمد الفكي
Date: 10-11-2018, 09:49 AM
Parent: #83
الاسطوره اليونانيه قالت انو كان في صياد ماهر اسمو نيرسسوس
وكانت امو الحوريه ليربوبي ومنها اكتسب الجمال
وكان مغرور جداً ورافع قزازو
الالهه نمسيس بنت اللذينا ما عاجبه غرورو
شكلو شوكشه
قالت تنتقم منو ساقتو ودتو البحيره
وخلتو يشوف انعكاس صورتو في البحيره
زولنا علق في الصوره وحب الصوره بدون ما يكون عارف انها صوره
وبقى واقف قدام البحيره منجذب للصوره ورفض مغادرة مكانو الى ان مات ..
اها جبنا القصه دي ليه ؟
عشان نستعدل البوست ونرجعو للنقطه الاولى الانطلق منها ابووسن
نيرسسوس نرجسيتو مات بيها براهو وما جاب كفاوي للاخرين
اما زولك دا يا ابوسن نرجسيتو دي ملت البلد كفاوي وغطست حجره
|
Post: #85
Title: Re: لازال يحسب نفسه ..
Author: محمد عبد الله الامين
Date: 10-11-2018, 10:18 AM
Parent: #84
حكمة هذا البوست ...
لا تفسد جمال الخميس ...
بي ناس بشبهو الأحد ...
وتحياتي للجميع
|
Post: #86
Title: Re: لازال يحسب نفسه ..
Author: أحمد محمد عمر
Date: 10-12-2018, 04:49 PM
Parent: #85
أبو حسين البركة فيكم
|
Post: #87
Title: Re: لازال يحسب نفسه ..
Author: أحمد محمد عمر
Date: 10-12-2018, 07:20 PM
Parent: #86
بدر الدين الأمير وعثمان عووضة برضو البركة فيكم
المحيرني هيثم الغالي جلى من الكشة كيف!
غايتو التفسير الوحيد يكون جاء بعد البوكسي :)
|
Post: #88
Title: Re: لازال يحسب نفسه ..
Author: محمد البشرى الخضر
Date: 10-12-2018, 07:59 PM
Parent: #87
كدي دي اديني ليها برواقة, و بالتفصيل الممل و اهم من كدا بالترتيب يعني الضرب التلفون اول منو وكدا
و عمك عووضة دخله شنو!
|
Post: #89
Title: Re: لازال يحسب نفسه ..
Author: جمال ود القوز
Date: 10-12-2018, 10:56 PM
Parent: #88
أبو حسين غايتو الجاتو في بوستو سامحتو .. هههههه
ذكرتني بتاعة من الكورة للبنضورة ..
أنا غايتو من شفت البنضورا طوالي اتخذت الساتر ..
وعملت ساينق آوت ..
بعد ما علقت قمت مسحت تعليقي ..
قلت الظروف مامعروفة ممكن يفلقونا بي بنضورا معفنة .. خخخخخخخ
في صمة خشومنا ..
مع الكبسيبة ولاحتعرف جاتك من وين ذاتووو
قال ليك شنو ..
عايرني البنات وقالن لي خلقتك شينة مابندورا ..
شاحد الله الكريم يجعل عليهن بورا ..
لايشوفن عرس لايضوقن البنضورا .. ..
شاعر بنضوراوي حمتان ... خخخخخخخ ..
|
Post: #90
Title: Re: لازال يحسب نفسه ..
Author: جمال ود القوز
Date: 10-12-2018, 11:07 PM
Parent: #89
مشى الخووور ياعمك ..
دي بركة البنضورا الكشفت دورا ... هههههههه
ماتقابض امامك حوض متروس بنضوره لي عينو ..
ــــــــــــــــــــــــــــــــــــــــــــــــــــــــــــــــــــــــ
مشينا نعصر معاهو الفراش بي غادي
لقينا عمك عمل ليهو دبل كيك ... ههههه
فقلت في عقل بالي ياود النجيبو لي أب سن بي جاي ..
ربما تجيك المقشاشة .. ههههههههههههههه
|
Post: #91
Title: Re: لازال يحسب نفسه ..
Author: جمال ود القوز
Date: 10-12-2018, 11:10 PM
Parent: #90
كبسة ..
السواري قال لي تاني ما اشوفك خاشي حوض البنضورا ده ..
النمش ننووووووم أخير ..
|
Post: #92
Title: Re: لازال يحسب نفسه ..
Author: أحمد محمد عمر
Date: 10-13-2018, 06:07 AM
Parent: #91
Quote: كبسة ..
السواري قال لي تاني ما اشوفك خاشي حوض البنضورا ده |
ودوك الماسورة؟!
عادي عادي .. أنا ذاتي كنت هناك
غايتو الناس دي في الخاص دعّايين خلاص
هسة بعد اتشجعت وقلت اعزمهم رقصة بدل فاقد يقولوا لي يكسر كرعيك الاتنين!
أرقص بلا رجول كيف يعني!
طيب خلو لي كراع واحدة أتم بيها الرقصة
|
Post: #93
Title: Re: لازال يحسب نفسه ..
Author: أحمد محمد عمر
Date: 10-13-2018, 06:14 AM
Parent: #92
| Quote: و عمك عووضة دخله شنو! |
عووضة كان قاعد تحت الشجرة الجمب بدر الدين لكن بكاسي آخر الليل دي ما بتفرز .. كشتهم الجوز
|
Post: #95
Title: Re: لازال يحسب نفسه ..
Author: أحمد محمد عمر
Date: 10-13-2018, 06:16 AM
Parent: #93
| Quote: كدي دي اديني ليها برواقة |
أبداً مافي شئ
أنا طبعاً زي ما انت عارف ما عندي أي علاقة بالموضوع .. من البداية خشيت أهدئ الناس واقول ليهم عيب تجيبو سيرة الناس والبوستات المحذوفة وكلمتهم عن بياض النية والتماس الأعذار وكدة بس للأسف الجماعة اتمادوا
المهم الموضوع بدأ بالقناصة .. متدسين بي وراء ويفكوا في الطلقات القاتلة بالخاص
بعد العدد كتر ضربوا تلاتة تسعات وجابو ليهم ليهم سلاح المدفعية .. خش البوكسي المدجج بالدوشكار والهاوزر واشتغل ليك قصف شديد امسح اكسح قشو أكلو ني ما تجيبو حي .. وحصل الحصل
|
Post: #94
Title: Re: لازال يحسب نفسه ..
Author: وضاحة
Date: 10-13-2018, 06:16 AM
Parent: #91
احمد محمد عمر
ود القوز
ود الغالي
خليتكم لي جدي حامد اب عصاءة سيف ياخد لي حقي منكم يا شينين يا حاقدين ما مجردين من الرومانسية والإحساس😂😂😂
قال نرقص كلنا ترقص بلاهن يا فقر😂
نكشة : اسمعوا عمك اب قلة مشاء يكابس في بوست المدير بعد
شكلوا المدير لحس مداخلاتوا وشخطو اسموا معلق بث
صحي والله ولا انا عيوني السمحات ديل بقن ما بشوفن 🤣🤣🤣🤣🤣
حمبرة وغنائية اكدو لي بالله الكلام دا😂
غايتوا جنس عدم كرامة ياخي الزول قال لي سيد الحوش انا ما عاوز اشوف رقعه وجهك تاني شنو🤣🤣🤣
عدم الإحساس مشكلة😀
|
Post: #96
Title: Re: لازال يحسب نفسه ..
Author: أحمد محمد عمر
Date: 10-13-2018, 06:21 AM
Parent: #94
| Quote: قال نرقص كلنا ترقص بلاهن يا فقر😂 |
أها شفتو!
جبتو لينا الكلام
يعني يومنا النفكر نرقص يحرجونا كدي!
كلو منكم
أهدي فيكم الليل كلو واقول ليكم سيبوا الناس في حالها وانتو لايكين الموضوع لبانة
|
Post: #97
Title: Re: لازال يحسب نفسه ..
Author: وضاحة
Date: 10-13-2018, 06:25 AM
Parent: #94
😂😂😂😂😂😂😂😂😂
الله يكتلك يا احمد عمر أكان عاوز تكتلن ناقصة عمر
كنت بفطر وبشرب في الشاي اتشرقت من الضحك حرام عليك😂
|
Post: #98
Title: Re: لازال يحسب نفسه ..
Author: Haytham Ghaly
Date: 10-13-2018, 06:44 AM
Parent: #97
لا حولااااا
الكنس الحاصل دا شنو؟؟؟
بعدين انا يا وضاحة ما طماع زي احمد
ما عايز ارقص ولا شتين
انا بدور اشوف بس
|
Post: #99
Title: Re: لازال يحسب نفسه ..
Author: Salah Zubeir
Date: 10-13-2018, 08:51 AM
Parent: #98
| Quote: أبداً مافي شئأنا طبعاً زي ما انت عارف ما عندي أي علاقة بالموضوع .. من البداية خشيت أهدئ الناس واقول ليهم عيب تجيبو سيرة الناس والبوستات المحذوفة وكلمتهم عن بياض النية والتماس الأعذار وكدة بس للأسف الجماعة اتمادوا |
سجم أم البراءة ...
مش في حاجه إسمها شياطين الإنس والجن ...
احلي مافي الكوت كلمة (إتمادو)
😈☠👹👿😱🕵️♀️🕵️♀️🕵️♀️
غايتو لو لما فيك سيف ولا سمعه وفحصليك أل DNA ... بطلعوك واحد من إخوة سيدنا يوسف عليه السلام ...| Quote: يا أبوحسين البركة فيكم .. |
غايتو مواساتك دي زكرتني بي (فأكله الذئب) :-
{فَلَمَّا ذَهَبُوا بِهِ وَأَجْمَعُوا أَنْ يَجْعَلُوهُ فِي غَيابَتِ الْجُبِّ وَأَوْحَيْنا إِلَيْهِ لَتُنَبِّئَنَّهُمْ بِأَمْرِهِمْ هذا وَهُمْ لا يَشْعُرُونَ (15) وَجاؤُ أَباهُمْ عِشاءً يَبْكُونَ (16) قالُوا يا أَبانا إِنَّا ذَهَبْنا نَسْتَبِقُ وَتَرَكْنا يُوسُفَ عِنْدَ مَتاعِنا فَأَكَلَهُ الذِّئْبُ وَما أَنْتَ بِمُؤْمِنٍ لَنا وَلَوْ كُنَّا صادِقِينَ (17)}.
صدق الله العظيم ...
|
Post: #100
Title: Re: لازال يحسب نفسه ..
Author: Osman Awoda
Date: 10-13-2018, 11:43 AM
Parent: #1
يمينبلاي ووحاة كتاب الدين
انا تخويرتي دي اول مرة اعرفها
منكم
انا ادوني حبوب مسكنة ،،،خلي
بالكم اكون بلعت لي حبة وقلت
اخد لي غمدة وما كضب سيد الملجة
جراني وداني الخور
يمينبلاي ولا حسيت بي نفسي في الخور
،،،
التسوي كريت في القرض تلقاهو في
الخور
|
Post: #101
Title: Re: لازال يحسب نفسه ..
Author: وضاحة
Date: 10-13-2018, 02:39 PM
Parent: #100
تبري انت من القرض يا ود عووضة
القرض اريتوا في رجلين احمد محمد عمر
ود القوز ود الغالي يعالجوا بيهم من السخانة والحمة بركة الصالحين 😂😂😂😂
|
Post: #102
Title: Re: لازال يحسب نفسه ..
Author: Haytham Ghaly
Date: 10-14-2018, 06:00 AM
Parent: #101
Quote: القرض اريتوا في رجلين احمد محمد عمر
ود القوز ود الغالي يعالجوا بيهم من السخانة والحمة بركة الصالحين |
يا ريت لو السخانة في الرجلين آ بت عمي
ما كان حصل كل الحصل
|
Post: #103
Title: Re: لازال يحسب نفسه ..
Author: عبدالحفيظ ابوسن
Date: 10-14-2018, 06:24 AM
Parent: #102
سخانتك وين هيثم 😆😆 كلو عندنا ليهو علاج
اصلو بوست راح في حق الله ..
قال ليهو
حاااار
قال ليهو
لااا مسيييييخ
|
Post: #106
Title: Re: لازال يحسب نفسه ..
Author: دفع الله ود الأصيل
Date: 10-14-2018, 10:17 AM
Parent: #103
معليش ود البسن ، اقتبسنالك مع قصة عمنا الجاك لكن نزلت فوق.
@ برضو عندي واحدة عن الجنا باشري تراهو باقي جناين ويحيد أمو.
مدلعاه على الفاضي رغم أنهم ترا عايشين بالكفاف.. أها لهمة الكسرة دي
يوم بي بصارة، دُقَّة ملحة و شطيطة يَتِفًّو فوقا بصلة و يظرطوها يبلعوها
متل الشي الكعب.و كان غيروا خلااااس علا بي ملاح لوبة و لا ويكاب
(Wake-Up)لانو بِنَعَّس . حيلتم بسمعزاية تقرتن فرد و احدة بحلبوها
لي طنوب اللبينة، و دحيش نعير يركبوبو لي (طــاحونة الأنيــن).
و عندهم حبيبات فتريتةزي اردبين مدفونات في مطمورة
في صفاق البيت.
# فيوم أمو مرقت ليها لي ناس بكا فالزول دا انتهز فرصة
غيابا و غفلا ليك قام يتشوبر قلع المطمورة مشى جلب العيش
باعو في سوق تمبول. فا جات أمو سعلتو . قال داير يحفر ليهم
مُسْتُراح (لزوم يطلوع فوقو زي الناس) قال يرتاحوساااه من
مساسقت الخلا و المزازاة بي شدر العَشَر و بُتُّق اللعوت.
# أها قامت أمو لامن جات راجعة لقتو خارب سوبا.
فسعلتو وراها بالحاصل. قامت زعلت شدشد و قالتلو:
" هي و نا يا الخزين الدُخريو عشا البايتات ،يا البدرج
العاطلات، تحين أدبخانتك البدور تحفرا دي بتملاها بي
شنو ،و كتين بعت مونتنا و قَمَّحْتنا عدَّمتنا البُتَّابة؟
|
|
|