هل يجوز تناول الغداء في المسجد اثناء سماع خطبة الجمعة ؟

10:14 PM October, 06 2018

سودانيز اون لاين
يحي قباني-فى الدنيا العجيبة
مكتبتى
رابط مختصر

للبوسنة مركز اجتماعي اسلامي و به مسجد في مدينة تورنتو ...

معظم صلاتي يوم الجمعه هناك ...

صالة المسجد على كبرها اصبحت لا تستةعب عدد المصلين يوم الجمعة ...

فاصبحنا نصلي في الصالة الكبيرة و التي يقيم فيها اهل البوسنة مناسباتهم و افراحهم و اتراحهم ...

و على مدخل الصالة يوجد مطعم ... كل دخله يذهب لدعم المسجد ...

يتبع ... للقصة بقية ...

ود قباني ...الرد على السؤال مبدئيا ..لا يجوز ..فقد سمعت يوما ان امام مسجد نيويورك الكبير قال ان الخطبة جزء من الصلاة...وانك يجب ان تستمع للخطبة وكانك في صلاة...وانك اذا حضرت للمسجد والامام يخطب يجب ان تجلس وتستمع للخطبة وليس من الضروري ان تصلي تحية المسجد ...والله اعلم ...

روقي يا بتنا ...

خليني اكمل القصة بالاول ...

المهم ...

الصالة الجانبية الكبيرة كما اسلفت في بدايتها مع المدخل يوجد المطعم

تعود الناس شراء غداءهم بعد صلاة الجمعة و اخذه معهم لمكان عملهم او غيره
و علينا ان نتذكر ... يوم الجمعة هنا يوم عمل عادي ...

اامهم مؤخرا اصبح الناس ياتون للمسجد و يبتاعون الوجبات لأكلها قبل الصلاة لان معظم
الناس تاني للصلاة في فترة راحة الغدا من اشغالهم
شيئا فشيئا اصبح الناس يأكلون و تبدا الخطبة

يقول الله تعالى في سورة الجمعة:]يَا أَيُّهَا الَّذِينَ آمَنُوا إِذَا نُودِيَ لِلصَّلَاةِ مِنْ يَوْمِ الْجُمُعَةِ فَاسْعَوْا إِلَى ذِكْرِ اللَّهِ وَذَرُوا الْبَيْعَ ذَلِكُمْ خَيْرٌ لَكُمْ إِنْ كُنْتُمْ تَعْلَمُونَ (9) فَإِذَا قُضِيَتِ الصَّلَاةُ فَانْتَشِرُوا فِي الْأَرْضِ وَابْتَغُوا مِنْ فَضْلِ اللَّهِ وَاذْكُرُوا اللَّهَ كَثِيرًا لَعَلَّكُمْ تُفْلِحُونَ (10) وَإِذَا رَأَوْا تِجَارَةً أَوْ لَهْوًا انْفَضُّوا إِلَيْهَا وَتَرَكُوكَ قَائِمًا قُلْ مَا عِنْدَ اللَّهِ خَيْرٌ مِنَ اللَّهْوِ وَمِنَ التِّجَارَةِ وَاللَّهُ خَيْرُ الرَّازِقِينَ (11)[

اذا نودي الى الصلاة ... اي عند اول اذان
يقفل الناس محلاتهم و يتجهون للمساجد لسماع الخطبة و اداء الصلاة

طيب لو المطعم اصلا داخل المسجد و المطعم يستفيد من بيع الوجبات لدعم المسجد
و الناس تأتي جعانة و ليس لديهم وقت للصلاة ثم الذهاب لتناول وجبة الغدا

و الناس تاكل و تسمع الخطبة بوضوح
فماذا يضير لو اكل من اكل و هو جالس يستمع للخطبة بوضوح ثم ينتهي من وجبته
قبل الصلاة تماما ...
اذا اقرينا ان الدين يسر ... فما المانع ان يستمع البعض من ليس لديهم وقت لأخذ وجبة الغداء و الذهاب الى صلاة الجمعة
ان يفعلوا مثل ما رأيت امس في صلاة الجمعة ؟

هههههههههههه
بchومو والخطبة شغالة ..
ما تخاف بلقو ليها تصريفة يا قبة
(حسب المؤمن لقيمات يقمنا صلبه)

المنطق بقول عادي وما فوكا حاجة

الزمن اتغير يا فردة والدوامات والالتزام بالزمن في العمل برضك عبادة

اسع بجوك وهايجين ويقولولك لا يجوز وعوك عاك وامكن كع

لانو زمن الرسول المسلمين ما كانوا بتناولوا وجباتهم اثناء الخطبة

وناسين انو زمن الرسول ما كان زي زمنا دا ولا بشبهو زاتو

الناس كانت فااااضية ومتفرغة لموضوع الدين الجديد دا والغذوات وغنائمها وسباياها مع قليل من التجارة

مافي فنقر برنت جنب باب المسجد ولا في HR بحكها معاك بالدقيقة والثانية

خلو الناس تاكل عشان تقدر تتحمل جلوس القرفصاء مع عناء سماع الخطبة على الاقل

Quote: حكم الاكل أو الشرب أثناء الاستماع لخطبة الجمعة خبَّاب بن مروان الحمد ما حكم الاكل أو الشرب أثناء الاستماع لخطبة الجمعة؟! غفر الله لك، ألا تصبر قليلاً للأكل بعد الخطبة :) على كل قد حصل هنالك خلاف بين العلماء في هذه المسألة بين من يُحرِّمها ومن يقول بكراهيتها. فالحنفية والمالكية يحرم عندهم الأكل حال الخطبة. وقال الأوزاعي : تبطل الجمعة إذا شرب ، والإمام يخطب ، واختار ابن المنذر الجواز قال : ولا أعلم حجة لمن منعه . والشافعية والحنابلة يرون كراهة الشرب حال الخطبة إلا إن اضطر إليه الشخص كمن يشتد عليه العطش، ويخشون أن يذهب عنه الخشروع بسبب اضطراره للماء، وقد كرهوا ذلك لأنَّه قد يترتب عليه نوع من إصدار الصوت، وكثرة الحركة، فكأنَّه فعله يشبه مس الحصى والنبي صلى الله عليه وسلم نهى عن مسه أثناء الخطبة فقال: ومن مس الحصى فقد لغا. رواه مسلم. والذي يظهر لي والله أعلم: أنَّ الحكم في ذلك على التفصيل: فإن كان قد قام وتحرك وآذى المصلين لغير حاجة إنما من قبيل الالتذاذ بشرب الماء فإنَّ هذا فعل مرَّم لأنه أكثر من عملية مس الحصى. أما لو أنَّه قام وأدَّى ذلك من قبيل الاضطرار لا الاختيار وبسبب عطشه الشديد وخشيته على نفسه من انعدام الخشوع فيجوز له الشرب . والله تعالى أعلم وأحكم

قباني كيفنك
لا أعتقد خافي عليك الحكم العام للأكل والشرب اثناء خطبة الجمعة ..
اختلاف في الشرب للضرورة لمغالبة العطش ..
لكن الأكل فيه اجماع بتحريمه أثناء الخطبة ..
ربما كان من الأفضل أن يفتي لكم من هو معكم من العلماء ..
فهو اعلم بحالكم لأن الظروف قد تتغير بتغير الحال والمكان ..
فباب الاجتهاد مفتوح لمن لا يُخشى من تدينه وورعه ..

يا قبة يا عزيز اكل وشراب شنو ؟
انا في قلب الرياض ذاتها والجامع الجنبي عبارة عن سوق مفتوح يوم الجمعة
يبدأ من الساعة عشرة وحتى الرابعة عصرا.
اي وقت حضرت فيهو لهذا الجامع قبل الخطبة- اثناء الخطبة- الخطبة الثانية- اقامة الصلاة - التسليم وو......
البيع والشراء ما قاعد يتوقف
ولا في زول بيقول للتاني عينك في راسك

تقول لي جمعة في تورنتو
لا
احسن تخليها "الجمعة في شمبات"

Quote: هههههههههههه بchومو والخطبة شغالة .. ما تخاف بلقو ليها تصريفة يا قبة (حسب المؤمن لقيمات يقمنا صلبه)

شيخنا الشنفري ...

انا افتكر زول ياكل و ينتبه للخطبة اخير من البدقسو اثناء الخطبه و الا تلكزهم عشان يقوموا للصلاة ....

إستفتي نفسك ولو أفتوك!

عادي تاكل وتشرب أثناء الخطبة وكمان ماتخلي الإمام يخمك يعني لو قال كلام خارم بارم يحق للمصلي أن يقيف علي حيلو ويمنطق الإمام زي الترتيب وفي الغالب صلاتو تكون 100% مظبوطة بل هي أحسن من صلاة الناس الساكتين بيطأطئوا في رؤوسهم ساي.

لايعقل، نجلس خلف إمام، قاعد معانا بجسده وعقلو، يعالج في مواضيع تخص القرن السابع الميلادي!

سلام قباني

كل الآراء التي حرمت الأكل أثناء صلاة الجمعة إستندت على قياس الأكل بالكلام.
وهو في رأيي قياس قد يصلح في ظرف دون ظرف آخر.
فالعلة في تحريم الكلام واضحة لا لبث فيها وهي قد تنطبق وقد لا تنطبق على الأكل والشرب.
والقاعدة عند المالكية أنه يحرم كل ما ينافي وجوب الإنصات، وعليه حرموا الأكل والشرب أثناء الخطبة لأنه إذا لم تدع له ضرورة كما هو غالب الحال في زمانهم فهو أدعى لعدم الإنصات.
أما الشافعية والحنفية فقد أجازوا الشرب عند الضرورة. وذلك يعنى أن حكمهم في عمومه خاضع على تقدير الضرورة والآثار المترتبة على فعل الشرب. وأن تحريمهم للأكل قد جاء لأنه لم يكن في تصورهم وجود ضرورة للأكل أثناء الخطبة.
وعموماً مسألة الكلام أثناء الخطبة او في وجود أي متحدث ليس من الأدب وهو أمر متفق عليه، هذا على غير الأكل والشرب الذي فيه إختلاف ومتسع حسب الظرف والعرف.
خلاصة القول أن الحكم على جواز او حرمة الأكل أثناء خطبة الجمعة ليس فيه دليل نصي قاطع وأن الحكم عليه يكون قياساً و قياس من سبق من الفقهاء صالح لزمانهم ومكانهم وليس مطلقاً لكل زمان ومكان.
فقيسوا بأنفسكم وأفتوا على حسب ظرفكم وعرفكم و لا تسألوا فقيهاً بعدي.

مولاكم حافظ بشير

Quote: مولاكم حافظ بشير

عجبتني مولاكم دي والله

طيب في حالة اجازة الاكل داخل المسجد

هل يجب التقيد بوجبات معينة وللا ممكن اشيل معاي ويكتي وقراصتي وقرينات الشطة من البيت عادي

ثم انو التركين يوم الجمعة فرض عين على البعض .. اها الراي كيف ؟؟

القاعدة يا غالي في الحكم على أي فعل أثناء خطبة الجمعة هي أن لا يكون الفعل محرماً في ذاته و أن لا يكون الفعل سبباً للإنشغال عن الخطبة وأن لا يعبر عن إنشفال عن الخطبة وأن لا يكون فيه مضايقة للمصلين الآخرين.
وعلى هذه الأربعة يمكنك إجراء القياس.
مثلاً أكل التركين بالتحديد داخل المسجد، قد يكون حراما إذا لم يكن من طعام الغالب من أهل البلدة وبالتالي لا يطيقون رائحته. أما في البلدة التي يكون غالب أهلها من أكلة التركين فلا بأس في أكله في المسجد إذا كان عموم الأكل في المسجد مباح.

لا تجرب مولاك يا غالي

إنتو محمد أدم اسلم يا قباني وكمان بقي يفتي ...
أما يكفي المؤمن يوم تلك الجمعة الإكتفاء بوجبه واحدهـ وهو الذي يصوم يومه كامل في رمضان ولمدة 30 يوم مثلها ...
ناسك ديل ياقباني جمعه ما عندهم ... أما أجر الصلاة مع الجماعه الله أعلم ..
:
:
:
:
:
مع التحيات لله الزاكيات

Quote: ناسك ديل ياقباني جمعه ما عندهم ... أما أجر الصلاة مع الجماعه الله أعلم ..

شكلك عندك لستة باسماء الناس الداخلة الجنة واسماء الناس الماشين النار


بالله ارفقها لينا هنا ينوبك ثواب

Quote: القاعدة يا غالي في الحكم على أي فعل أثناء خطبة الجمعة هي أن لا يكون الفعل محرماً في ذاته و أن لا يكون الفعل سبباً للإنشغال عن الخطبة وأن لا يعبر عن إنشفال عن الخطبة وأن لا يكون فيه مضايقة للمصلين الآخرين. وعلى هذه الأربعة يمكنك إجراء القياس.

حسب كلامك دا يا مولانا ولأنو الناس ازواقها مختلفة معناهو اي اكل حا يضايق جزء من الناس ومعناهو حرام!!

يعني ناكل لبان وللا شنو.. ؟؟ وهل تجوز الطقطقة؟؟

خطبة صلاة الجمعة جزء اصيل من الصلاة
بخلاف خطبة صلاة العيدين حيث تتم بعد الصلاة ولمن اراد ان يسمع يسمع ومن اراد ان يذهب يذهب
لكن خطبة الجمعة قبل الصلاة وجزء منها
ووضعت لها ضوابط تخص الخطيب والخطبة والمستمع
لهذا الموضوع ليس موضوع اكل
الموضوع تصرف اثناء الخطبة ( الصلاة)
لا اعتقد انه من السهوله ان نحدد الامر حسب ما نراه لان مثل هذه الامور قتلت بحثا من قبل اهل الفقه
حتى المسجد نفسه وهل يجوز الاكل فيه والنوم وغير ذلك كل هذه الامور بحثت
لهذا اطلب من الاخ قباني تحويل السؤال لجهة مسؤلة فقهيا
وبعدين جيب لينا الرد

إذا امتثل المسلم لأمر الله, قال تعالى : ( يَا أَيُّهَا الَّذِينَ آمَنُوا إِذَا نُودِيَ لِلصَّلاَةِ مِنْ يَوْمِ الْجُمُعَةِ فَاسْعَوْا إِلَى ذِكْرِ اللَّهِ وَذَرُوا الْبَيْعَ ذَلِكُمْ خَيْرٌ لَكُمْ إِنْ كُنْتُمْ تَعْلَمُونَ ) الجمعة/9 .

لما كان هناك حاجة لمناقشة أمر الأكل والشرب أثناء الخطبة فما عليه الجمهور أنّ النداء المعني في الآية هو النداء الثاني الذي يجلس عنده الخطيب لإلقاء الخطبة
وعجيب لأمر المسلم الذي يلتزم لأمر مخدمه ولا يأكل أثناء العمل ويخصص لأكله وشربه حصة من يوم عمله ولا يحترم آدابه هذه في بيت الله.

ياخي بالغتوا عديل مع السيرفا.

البوست الجايي خلوه عن مسح الرقبة

مثلاً أكل التركين بالتحديد داخل المسجد، قد يكون حراما إذا لم يكن من طعام الغالب من أهل البلدة وبالتالي
لا يطيقون رائحته. أما في البلدة التي يكون غالب أهلها من أكلة التركين فلا بأس في أكله في المسجد
إذا كان عموم الأكل في المسجد مباح.

==========================
حبيبنا حافظ بشير .. تحياتي .. والتحية لصاحب البوست ..
حبيبنا حافظ .. يا أخي ذكرتنا الايام الجميلة أيام التركينج يوم الجمعة
بعدين (ههه ) ضمن المصطلحات النوبية ( تركينج ) وليس ( تركين ) ..
يوم الجمعة زمان كان يوم خاص للتركينج فقط في الفطور ..
يعني تقريباً ما بين الساعة 9 إلى 10 .. بعد ذلك الشاي التقيل .. ثم التمدد
في ظل النخيل .. ثم التوجه إلى الجامع ( المسيد ) .. البعض وليس كلهم أذكر أن الشباب
في زمان ما كانوا مواظبين على الصلاة الجمعة ..
الأكل في المسجد وليس الجامع .. أما المسجد عندما يأتي ضيف أو شخص غريب للحلة كان يقيم في المسجد
لأن في المسجد كانت غرفة مجهزة بسرير وفرش وبطانية مع توفير الأكل .. لأن قرانا كانت في الطريق إلى حلفا
زمان أيام حلفا أهم من العاصمة .. يعيش وينوم إلى أن يغادر
ثم في المآتم الأكل في المسجد حتى رفع القراش ( زمان ) كان اسبوعين

أما الأكل داخل الجامع والامام يخطب .. ده شغل الفقهاء .. نحن الجيل القديم حصة الدين ثلاث مرات في الاسبوع

شكراً كثير لسيرة التركينج ..
مودتي لصاحب البوست ..

ناس التركينج ظهروا .. ههههههههه
ياجماعة بالله وجبتنا المفضلة دي ماتلاووها ولاتضربوا بيها المثل ..
لازمن تكون بعيدة من أي تنظير أو تشبيه ..
لانه ممكن تتجرأوا وتحرموها كما فعلتم ,,,
لما أكون ضارب تركين بفتش بلدياتنا وبصلي جنبهم ..
لانه لو ماضاربه زيك حيستمتع للريحه .. خخخخ
فحامل المسك إما ان يحذيك واما ان تشتم منه ريحة تشهيك التركينج ..

هو يوم الجمعة يوم واحد في الإسبوع وصلاة الجمعة ساعة من نهاره لذلك المسلم الصادق مع نفسه يلتزم الأدب مع ربه في بيته

ويمكن أن يأكل في عمله يوم الجمعة بالإستئذان من مخدمه, أو في الطريق للمسجد أو في الطريق ليعود لعمله كما أنه لن يمت إذا فاتته وجبة الغذاء ولحق أجر الجمعة إن كان صادقاً في السعي لنيل أجرها العظيم ومؤمن بأهمية هذا اليوم المشهود

ومصدق لرسول الله صلى الله عليه وسلم

"من أفضل أيامكم يوم الجمعة، فيه خلق آدم، وفيه قُبض، وفيه النفخة، وفيه الصعقة، فأكثروا عليّ من الصلاة فيه فإن صلاتكم تبلغني".

" من اغتسل ثم أتى الجمعة فصلى ما قدر له ثم أنصت حتى يفرغ من خطبته، ثم يصلي معه غفر له ما بينه وبين الجمعة الأخرى، وفضل ثلاثة أيام"

" إن الله يبعث الأيام يوم القيامة على هيئتها ، و يبعث يوم الجمعة زهراء منيرة ، أهلها يحفون بها كالعروس تهدى إلى كريمها ، تضيء لهم ، يمشون في ضوئها ، ألوانهم كالثلج بياضا ، و ريحهم تسطع كالمسك ، يخوضون في جبال الكافور ، ينظر إليهم الثقلان ، ما يطرقون تعجبا حتى يدخلوا الجنة ، لا يخالطهم أحد إلا المؤذنون المحتسبون ".

" من مس الحصى فقد لغا، ومن لغا فلا جمعة له".

" إذا قلت لصاحبك أنصت و الإمام يخطب فقد لغوت".

أمّا من يرد مساجد الله للأكل والشرب والتسوق وقضاء الأوقات غير أبه بحرمة المساجد وآداب الصلاة والآداب العامة فما يجدي نهيه أو تذكيره.

لما أكون ضارب تركين بفتش بلدياتنا وبصلي جنبهم ..

===================
حبيبنا جمال .. تحياتي وو أمبس
زمان مسواك من جريد النخل .. بس يكون الجريد أخضر شديد
تاني لا تشم اي ريحة ولا حتى من المعدة ..
بعدين التركينج المطبوخ الرائحة تكون قليلة جداً ..
تعمل مسواك جريد وعلى طول الصلاة ..
التركنيج جميل في الشتاء ( إما فطور أو عشاء ) مع البرد
كان زمان يا جمال .. اليوم في تركينج صناعي من جبل أولياء غير مطابق لمواصفات الاندادي

تحياتي لصاحب البوست .. معليش سرحنا بعد .. ههههههههههههههههه كلو بسبب الحبيب بشير جاب سيرة التركينج

لما أكون ضارب تركين بفتش بلدياتنا وبصلي جنبهم ..

===================
حبيبنا جمال .. تحياتي وو أمبس
زمان مسواك من جريد النخل .. بس يكون الجريد أخضر شديد
تاني لا تشم اي ريحة ولا حتى من المعدة ..
بعدين التركينج المطبوخ الرائحة تكون قليلة جداً ..
تعمل مسواك جريد وعلى طول الصلاة ..
التركنيج جميل في الشتاء ( إما فطور أو عشاء ) مع البرد
كان زمان يا جمال .. اليوم في تركينج صناعي من جبل أولياء غير مطابق لمواصفات الاندادي

تحياتي لصاحب البوست .. معليش سرحنا بعد .. ههههههههههههههههه كلو بسبب الحبيب بشير جاب سيرة التركينج

تحياتي قباني وضيوفه
انت كبرت اللفة ياقباني بقصة البوفيه داخل المسجد والصالة مشتركة واللي منو..
خلينا ناخد الفتوى على العموم كما بادرت امتثال منذ البداية
الخطبة جزء من الصلاة إذن لاتجوز فيها ولا حبة تساليايا
والا تاني كل واحد يجيب معاهو سندويتشو ويستمتع بالخطبة والوجبة معا،
وحبذا لو استفاد من عيونو وتابع شوط مباراة من الموبايل.

غايتو يا يحيى بقت عليك جنس حاجات

أنا طبعاً ما شاكي أصلاً في إنك بتصلي الجمعة .. عارفك بتصلي الجمعة وبتصوم كمان

لكن يعني كملت التفاصيل كلها وبقيت تسأل من تاكل ولا ما تاكل

والله في السعودية دي أنا شفت ناس بيتسوكوا والصلاة بدت تقول لي خطبة

ومنو ديل ؟ ديل الناس الجلاليبهم قصيرة ودقونهم طويلة ذاتهم !

واحد بيتسوك جنبي وكمان بتطقطق في لستك السروال بخلي المسواك في خشمو وبطقطق لستك السروال بيدينو الاتنين

الكلام في الصف التاني كمان

المشكلة بعد طلع المسواك دخلو في جيبو وتفل لمن رايش المسواك اتطاير شوف عيني

وفي الركعة التانية كان بيظبط في ساعته


وتقدر تقول حاجة والله يجاهد فيك زي الترتيب

أنا غايتو اليوم داك قربت أعمل مظاهرة لكن أكلتها في حناني واتخارجت بعد الصلاة أصلاً كانت في مدينة أنا ما مقيم فيها جيت زيارة طارئة


تحياتي

هيثم الجعلي يا غالي ...

Quote: شكلك عندك لستة باسماء الناس الداخلة الجنة واسماء الناس الماشين النار بالله ارفقها لينا هنا ينوبك ثواب

حسي الجاب سيرة الجنه والنار منو إيكي كامتركيداقي

الجنة لن ندخلها بأعمالنا وإنما برحمة الله ولكن قياساً بشروط قبول الأعمال الناس ديل ماعندهم أجر صلاة الجمعه يا زول الجمعه دي يوم واحد في الاسبوع ...
وفيها تفاصيل للتبكير والغسل والإغتسال والقرب والإنصات وعدم اللهو ولو مس الحصاء أو تحريكه من أمامك مالم تخشي الأذي عند سجودك الحمدلله المرحله دي تجاوزناها بالفرش والموكيت ...
أهااا الكفار ما قصروا معانا لكن حقهم بقياس قبول الاعمال ياخدوهـ فلوس وبس ...
:
:
:
:
:
مع التحيات لله الزاكيات

هيثم و حافظ يعملان في شركة تبعد عن مسجدنا ما بين 10 دقايق الى ربع ساعة ...

مسجدنا يصعد الامام الى المنبر الساعة 1:40 دقيقة و يبدأ الخطبة ...
الساعة 2 بالضبط تقام الصلاة ...
يصلي بنا شيخ الطيب في كل جمعة بسورتي الكوثر و الإخلاص ...
الساعة 2:05 نحن برة المسجد ...
حكمته في ان الصلاة مع الخطبة لا تكون اكثر من نصف ساعة لأنه يعلم ان 95% من المصلين يأتون لصلاة الجمعة في فترة الغدا ...

هيثم و حافظ قررا ان تكون ساعة الغدا من الساعة 1:30 الى الساعة 2:30 يتغديان خلالها و يصليا الجمعة في مسجد البوسنة القريب ...

هيثم يأكل وجبة الغدا في مطعم الشركة التجاري ( سريعاً ) ثم يتوضأ و يذهب الى المسجد و يصل مع اقامة الصلاة تماما و احيانا مع الركعة الثانية فيلحق صلاة الجماعة
و لكنه لم يستمع للخطبة او استمع لدقيقة واحده او دقيقتين منها و لم يعرف عماذا كان يتحدث الامام ...

حافظ توضأ و ذهب الى المسجد و وصل قبل صعود الامام الى المنبر و قبل الخطبة ...
ابتاع الغداء من مطعم المسجد فهو حريص على دعم المسجد ...
و بدأ في الاكل في الصالة المفتوحة على صالة الصلاة الكبرى ... ثم تبدأ الخطبة و التي يسمعها بوضوح و يرى شيخ الطيب في الشاشة الضخمة امامه ...
انتهى حافظ من الغداء و تمضمض و انتظر الاقامة و كان يفكر في حكمة خطبة اليوم و التي ايقظت فيه بعض الاشياء الدينية المهمة ...
ثم وصل هيثم و وقفا جنباً الى جنب و صليا ركعتي الجمعة ...
و عادا الى المكتب سويا ...

السؤال ... و الاجر على رب العالمين لكليهما ... ترى ايهما اقرب الى الصلاة الكاملة ...
خاصة اننا قلنا ان الخطبة جزء اصيل من صلاة الجمعة ...

الخطبة ليست جزو من الصلاة ولا قضاء على من فاتته خطبة الجمعة.
بعد فتاوى التحريم الوقعت هبطرش دي كنت داير أقترح عليك إنو تفتحوا ليكم مطعم مقابل المسجد تأكلوا وتتونسوا أثناء الأكل وأول ما يقيموا الصلاة تدخلوا الجامع تصلوا.
وصلاتكم مقبولة بإذن الله ولا في فقيه يقدر يفتح خشمو.
صحي البتفوتو الخطبة فاتو شيء من فضل الجمعة ولكن ما فاتتو الصلاة حتى ولو حصل ركعة واحدة

الناس البتحرم ساي

روى الترمذي عن سَلْمانَ قالَ: “سُئِلَ رَسُولُ الله صلى الله عليه وسلم عن السّمْنِ والْجُبن والفِرَاءِ، فقالَ: الْحَلاَلُ ما أحَلّ الله في كِتَابِهِ. والْحَرَامُ ما حَرّمَ الله في كِتَابِهِ، وَمَا سَكَتَ عَنْهُ فَهُوَ مِمّا عفى عنهُ”.

( الأصل في الأشياء الإباحة )..........................قاعدة

الله..الله..!





اخر دراسة ازعجت اهل الحركة الإسلامية في امسودان ، تظهر بشاعة الإلحاد في صفوف ابناء وبنات اهل الصف الأول في الحركة الإسلامية في امسودان ..يعني لا عيال محمد ادم، ولا عيال حافظ بشير ، ولا عيال يحي قباني ، ولا عيال محمد النور كبر..وانما عيال ناس الصف الأول في الحركة الإسلامية في السودان..!

معليش يا حبيبنا الحريف كمال فرانكلي ، وكأني اراك في موقف من يعمل من اجل..
Damage Control
معاك يا امير..وفي النهاية نحن سودانيين يا حبيب..بنعرف كيف نغطي على نقاط ضعف بعضنا ، يعني بنسد الفرقة يا كمال..!

كبر

سكة تانية..!!




ول ابا يحي..حبابك يا صديقي وحباب ضيوفك هنا..
ثم بعد..
ود اللذينا (طبعا ما بقدر اقولها لزول غيرك في المنبر يا يحى)..انتا يا يحي لسه دقة الهندسة طالعة في رأسك؟..يعني الدردقة دي لزومها شنو بالضبط؟
شكرا حبيبنا الحريف محمد ادم ، وشكرا لحبيبنا الحريف حافظ بشير..فقط يا حافظ العنوان واضح للطيش ياخي: قال ليك خطبة الجمعة ولم يقل صلاة الجمعة؟..الزول يحي قباني بتاع هندسة ، دقيق وحصيف للطيش..نسوي شنو يعني؟
وكذا السؤال لأحبابنا على الكرار هاشم (صاحب التخريجات العجيبة) وحبيبنا الحريف كمال فرانكلي..يا اخوان: يحي قال خطبة الجمعة ولم يقل صلاة الجمعة؟..ويتخيل لي هناك فرق بين (الخطبة) ، و(الصلاة)..!
ياخي الخطبة (في عهد اسلام اليومين ديل) الخطيب فيها بيكون زي فنان فاشل يضرسك ، باختصار الخطبة مطلقا لا ولن تكون في قدسية الصلاة (صلاة الجمعة) يا علي الكرار، ويحي قباني حريف ودقيق لم يقل الأكل اثناء صلاة الجمعة ، وانما سأل عن جواز الأكل اثناء الخطبة (التي يؤديها خطيب لا فرق بينو وبين فنان حيرة ذات حفلة..!!)..
المناداة يا فرانكلي هي الأذان ، وهذا علي العين والراس ، والقران قال دعوا البيع..يعني لم يقل دعوا الأكل في الخطبة ن خطبة الجمعة (انتا اخترت القران كحجة)..اما انتا يا صديق داير تقنعنا بان الخطيب انسان مقدس والكلام البيقولو في منزلة القران الكريم؟..
في دينك يا فرانكلي ، لو انا بالصدفة جيت اصلي الجمعة والخطيب كان مزمل فقيري او ابكر اداب او محمد عبد القادر ، وملاني فقر (وئام شوقي ، فاعل تارك..)..ياخي مش غداء (حلال بتاع يحي قباني) علي بالحلال لو في طريقة اديها كاس فودكا ، ثم اسأل الله في كلمات يتلقاها مني ليتوب عني ، أي يحفظ لي حق التوبة..!! كنت سويتها وفعلتها..اشمعنا ، الله ، يحفظ حق التوبة لأدم وما يحفظها لي؟..
خطبة الجمعة ليست في مكان قدسية صلاة الجمعة..زيها زي فنان حيرة، بتجيبو في اللحظات الأخيرة..!..يجوز الأكل فيها (طبعا الأكل الحلال وفقا لتعاليم الإسلام السمحة)..وأي زول داير يعمل قدسية لخطبة الجمعة عليه ان يقرأ القران كثيرا ويراجع تعاليم الإسلام السمحة..!
ويا حبيبنا على الكرار هاشم..لمن اهلنا قالوا:الدين يسر وليس عسر..كانوا اصدق منا جميعا..!
ولمن قالوا: الإسلام صالح لكل زمان ومكان..فهم الأصدق يا حبيب..وقصدهم ان ينتشر هذا الدين الجميل السمح في كل ارجاء الأرض..!
انتا يا صاحب لا تعرف عن حال المسلمين في مجتمع غربي ، مثل مجتمع كندا ، تقول ليهم وقفوا الأكل اثناء خطبة الجمعة ، فتفقدهم ، او تتوكل زينا وتقول ليهم : اكلوا وجبة الغداء اثناء الخطبة ، لكن الصلاة (صلاة الجمعة) الأكل فيها ممنوع..دي فيها حاجة؟ وقصدك يقيموا الشعيرة والأصل..!
فماذا تريد يا صديقي: تمنع وتخسر ، ولا تمارس اللين ، فتكسب؟..
كبر

سؤالك جميل يا اخ يحي ، و جميل اجتهاد الاخوة

انا عن نفسي اتوقع ان يكون امام الجامع اكثر تفهما من صاحب العمل ل موضوع صلاة الجمعه ،

و ذلك بان يختصر فى الخطبه و يختار المناسب من آيات الذكر الحكيم ، هيثم و حافظ فى مثالك

ربنا يديهم العافيه كل اجتهد ، فى ناس فى بلاد مسلمه و ما بيعرفو للجمعه دى غير انها يوم اجازة

و راحه بعد سهرة الخميس ، ربنا يهدي الجميع

انا عموما مع رآى ان الخطبه جزء من الصلاة و احترما لهذا المقام نتجنب الاكل ، يبقي ح اتصرف كالتالي

1:30 بدايه ساعه الغدا
1:40 وصلنا الجامع و الاستعداد للوضوء ، و اطلب ساندويتش سفري (ممكن اطلبو من المكتب بالتلفون برضو بما انو انا زبون :) )
1:45 قعدنا فى الجامع
2:10 طلعت و غشيت المطعم شلت الساندويتش و اكلو فى الطريق
2:30 انا فى مكتبي

تحياتي يحي و ضيوفه الكرام
أنا ما شايف فيها أي حاجة
طالما انت بتاكل في صاله أعدت اصلاً للأكل داخل المسجد
مرات الواحد بكون في الحمام و الخطبة بدت أو شغاله و هو عاوز يقضي الحاجة
و يتوضأ و يحصل الصلاة. يعني يوقف لمن يسمع الخطبه.
ما الحمامات شغاله و الخطبه شغاله بقت علي الاكل.
في البلاد ال فيها يوم الجمعه يوم عمل الفتوي فيها بتختلف عن البلاد الفيها يوم الجمعة اجازة
و زي ما قال الاخوان الدين يسر.
حتي في مكة المكرمة و المدينه المنورة دكاكين الاكل منتشرة جدأ و الناس بتاكل
ما شفت زول جدع الساندويتش بتاعوا لمن الخطبة بدت. الناس بتكمل الاكل بسرعة
قبل نهاية الخطبة. أقول ليهم بالهنا و الشفاء و الاجر مضاعف كمان ان شاء الله
زول طلع من المكتب. و مشي مشوار نص ساعة ذهاب و اياب باقي الوقت عاوز ياكل فيهو
لقمة و يصلي الجمعه. كون انو يسمع الخطبة و ياكل و يدعم المسجد بشراء الاكل ده
زول ما ساهل عليك الله يا يحي خليهو يشيل لينا الفاتحه و شيل لينا الفاتحه انت زاتك
يا شيخ يحي يا زول يا بركه.

مما قمنا نعلم ان الدين يسر ...

مش ملاحظين كلما مر بينا الزمن المعكر ده الدين بقا عُسر ...

و يزداد تشدد و تعسر ...

مما قمنا عرفنا ان الدين يصلح لكل مكان و لكل زمان ...

فهل المقصود ان الدين يتطور و يستوعب تغيرات الحياه ...
ام نعود نحن لزمن حف الشوارب و اطالة اللحى ؟
لو كان كذلك ... فليحج الناس على ظهور الدواب ...

حافظ بشير قال : ( على ألا يكون الفعل سببا في الإنشغال عن الخطبة) ، ثم قال الخطبة ليس جزء من صلاة الجمعة ( دي كمان حيرتني) ، طيب كيف ما تكون حاجة مهمة وجزء تشريعي من صلاة الجمعة طالما أن الفعل الشاغل عنها يصل درجة التحريم ؟؟؟ ، عجبي لأمر الدين، حافظ إنت علماني إلا حبة ، ههههه ممازحة مني.

فرانكلي أوفيت.

مما قمنا نعلم ان الدين يسر ...

مش ملاحظين كلما مر بينا الزمن المعكر ده الدين بقا عُسر ...

و يزداد تشدد و تعسر ...

مما قمنا عرفنا ان الدين يصلح لكل مكان و لكل زمان ...
..........................

اخونا يحي
صلاة الجمعة مع الخطبة لا تزيد غالبا عن 20 دقيقه
بقية الصلوات 5 دقايق
كل باقي ساعات اليوم عندك عمل ونوم
خلاص بقي الدين عسر عشان النص ساعة بتاعت صلاة الجمعة
اخي هذه عبادة لله
اذا لم نقم بها ونقدرها فماذا نقدر بعد؟؟؟؟؟

يا جماعة أنا شاهدت ناس تاكل وتشرب في الحرم المكي أثناء خطبة الجمعة
وكمان لابسين الإحرام وقاعدين فارشين في ساحة الحرم والمطاعم علي بعد
خطوة واااااحدة وشغالين 24 ساعة.

بعدين خطبة الجمعة دي ذااااتها موش قالوا أول كان بعد الصلاة وغيروها
الحكام الأمويين وخلوها قبل الصلاة ... يعني كان زي خطبة العيد بعد الصلاة!

عندي قريبي في الرياض ساكن جنب مسجد عشرة سنين قال لي ما حضرت
خطبة جمعة قلت ليه قال لي أنا أولادي حافظين الخطب بتاعت الإمام دي كولها
بردد فيها كل جمعة وجميع الخطب بتجي مكتوبة جاهزة علي مقاس ومزاج الملك ههه

تحياتي شيخ قباني وضيوفك الكرام

كدي خليك من الأكل والواتساب في الخطبة أنا في هيثم الداير يخش الجنة ده كمان 😂

Quote: كدي خليك من الأكل والواتساب في الخطبة أنا في هيثم الداير يخش الجنة ده كمان

ههههههههههه

مع انها ما كتيرة علي لكن ما دايرها ..

فهناك منطقة وسطى ما بين الجنة والنار

بس البدخل فيكم اول يناولني فرد واحدة من الحور العين ويرجع صاد للـ 69

Quote: السؤال ... و الاجر على رب العالمين لكليهما ... ترى ايهما اقرب الى الصلاة الكاملة ... خاصة اننا قلنا ان الخطبة جزء اصيل من صلاة الجمعة ...

يا باشمهندس يحي يا قباني ...
ما هكذا تورد إبل الفتاوي في العبادات ...
مسعول من الخير حافظ وهيثم ديل مؤلفة قلوبهم ...
بإذن الله جميعهم مقبولين ونحسبهم كذلك ...
لكن بنفس منطقك دا لو غسلوا واغتسلوا وبكروا ومشوا للصلاة واستمعوا لها من خطبتها حتي نهايتها بالسلام...
لكان ذلك أعظم أجراً وهو هدي النبوهـ
ياخي الأكل ملحوق يعني وجبة الغداء دي عايزا تنقص منهم كم كيلو ...قضاء الحاجه جزء مهم التهيوء للإنصات بخشوع لخطبة الجمعه هذا لمن تحدث عن قضاء الحاجه ...


أخي ول أبا محمد النور كبر ما كتبته عن ارتداد ابناء الحركة الإسلاميه ما عندو كُرعين يقيف عليها ...
وممكن افتح بوست املاك اسماء بتاعت اولاد العلمانيين الذين تدعوشوا ....
(راجع خلية الدندر يا كبر )
:
:
:
:
:
:
مع التحيات لله الزاكيات

يايحي لم نقل حرام لان الحرام بين والحلال بين وبينهما أمور مشتبهات من تجبنها آمن نفسه ودينه ومن وقع فيها لم يأمن نفسه ودينه من الشبهات ...

Quote: لكن الأكل فيه اجماع بتحريمه أثناء الخطبة ..

للفوز ما نسينا .. للفوز ليس نجهل ...

يا جمال .. منو الأجمع بتحريم الاكل اثناء الخطبة ؟

و هل هو تحريم ... أم فقط من اداب المسجد ؟

اها يا شيوخ
ناكل ولا ما ناكل ؟

Quote: والله في السعودية دي أنا شفت ناس بيتسوكوا والصلاة بدت تقول لي خطبة ومنو ديل ؟ ديل الناس الجلاليبهم قصيرة ودقونهم طويلة ذاتهم ! واحد بيتسوك جنبي وكمان بتطقطق في لستك السروال بخلي المسواك في خشمو وبطقطق لستك السروال بيدينو الاتنين الكلام في الصف التاني كمان المشكلة بعد طلع المسواك دخلو في جيبو وتفل لمن رايش المسواك اتطاير شوف عيني وفي الركعة التانية كان بيظبط في ساعته

أخي عاصم فقيري الحمد لله الذي قال في سورة الماعون الجزء الثلاثون (والذين هم عن صلاتهم ساهون )ولم يقل في صلاتهم ساهون...
صاحبك من الصنف الثاني السهو والتشاغل يعني عدم الخشوع نسأل الله له الرشد الهدايه ...

Quote: Author: Ahmed Yassin اها يا شيوخ ناكل ولا ما ناكل ؟

أخي أحمد ياسين لا.. لا.. ما تأكل اغتسل وبكر في المشي للمسجد وادني من الإمام وأنصت لك أجر سنه بكل خطوة تمشيها للمسجد راجلاً صيامها وقيامها ...
يا له من آجر ,إجتهد في المشي للمسجد راجلاً أو أوقف عربتك في مكان آمن بعيد عن المسجد عشان تكتر الخطو للمسجد ...

Quote: هذا الحديث أخرجه أبو داود ، والترمذي ، والنسائي ، وابن ماجه ، من حديث أوس بن أوس قال : قال رسول الله صلى الله عليه وسلم : من غسل يوم الجمعة واغتسل، وبكر وابتكر، ومشى ولم يركب، ودنا من الإمام واستمع، ولم يلغ كان له بكل خطوة عمل سنة أجر صيامها وقيامها . قال الشيخ الألباني صحيح ، وقال شعيب الأرنؤوط في تعليقه على مسند الإمام أحمد : إسناده صحيح ، ورجاله ثقات رجال الصحيح ، غير أن صحابيه لم يخرج له إلا أصحاب السنن .

:
:
:
:
مع التحيات لله الزاكيات .

Quote: يا قبة يا عزيز اكل وشراب شنو ؟ انا في قلب الرياض ذاتها والجامع الجنبي عبارة عن سوق مفتوح يوم الجمعة يبدأ من الساعة عشرة وحتى الرابعة عصرا. اي وقت حضرت فيهو لهذا الجامع قبل الخطبة- اثناء الخطبة- الخطبة الثانية- اقامة الصلاة - التسليم وو...... البيع والشراء ما قاعد يتوقف ولا في زول بيقول للتاني عينك في راسك تقول لي جمعة في تورنتو احسن تخليها "الجمعة في شمبات"

ابو الشيخ يا دفعة ...

تجار الدين التحديث ما بيمشي معاهم
أمخاخهم تحجرت في كم حاجة من الماضي
حافظنها و بياكلو بيها عيش ...

الدين لما قالو صالح لكل زمان و لكل مكان
المعنى انه يواكب العصر فهو دين اليسر

و ده برجعني لشكل المسلم المهندم و الشكل القبيح المنفر للدقن العشوائي
و الشنب المحفوف و اللبس المبهدل ...

إذا كان لا يوجد وقت لتناول الطعام إلا عند وقت خطبة الجمعة
في تلك البلدان التي يوم الجمعة فيها يوم عمل
فيمكن أن يتناول الطعام خارج مصلى الجمعة
ولا يدخل المسجد إلا عند إتمام أكله وشربه خارج المسجد
وادراك الجمعة لا يلزم منه ادراك الخطبة فلو ادرك الركعة الثانية فقد ادرك الجمعة
فيجوز والله أعلم الأكل والشرب في المسجد قبل طلوع خطيب المسجد لصلاة الجمعة
وإلا فالواجب الأكل خارج المسجد إذا جاء وقت الخطبة ثم دخول المسجد بعد اتمام الأكل والشرب
إلا إذا تمكن من اتمام الأكل والشرب داخل المسجد قبل طلوع الإمام للمنبر فلا شيء في ذلك
أما الأكل أثناء سماع الخطبة فلا يجوز فيلزم الخروج وأكمال طعامه وشرابه خارج المسجد
إذا طلع الإمام للمنبر ثم يعود لمصلى الجمعة ويكمل سماعه أو الصلاة
والله أعلم

Quote: بعدين خطبة الجمعة دي ذااااتها موش قالوا أول كان بعد الصلاة وغيروها الحكام الأمويين وخلوها قبل الصلاة ...

لا ليس صحيح
الأمويين لم يستطيعون تغيير شيئ
نعم هذا حدث في صلاة العيد وليس صلاة الجمعة
جعلوا صلاة العيد بعد الخطبة مثل صلاة الجمعة
بسبب فبح خطبهم التي كان بها سب لعلي رضي الله عنه
وفعل ذلك مروان ابن الحكم فقام له رجل فقال الصلاة قبل الخطبة
فقام صحابي فقال أما هذا فقد أدى ما عليه يعني من قام فقل الصلاة أولا
وقال قال رسول الله صلى الله عليه وسلم : من رأى منكم منكرا
فليغيره بيده وإن لم يستطع فبلسانه إلى آخر الحديث.
الذي رواه مسلم

الأكل أثناء الخطبة فيه استهتار بالخطبة والخطيب.

اتوا الدين دا لو غالبكم، خلوهو

جمبكم مطعم ماكدونالد أمشوا أكلوا واسمعوا موسيقى كلاسيكية.

يعجبني بعض الأحيان ضغرية الضلامي فرانك

حافظ بشير، أنت تُمارس ما يسمى بالتدليس

زندقة لو سمحت أي زول ما دافع إشتراكاته ما يشارك في الجمعية العمومية

الشيخ/ محمد حمزة الحسين

Quote: أخي أحمد ياسين لا.. لا.. ما تأكل اغتسل وبكر في المشي للمسجد وادني من الإمام وأنصت لك أجر سنه بكل خطوة تمشيها للمسجد راجلاً صيامها وقيامها ... يا له من آجر ,إجتهد في المشي للمسجد راجلاً أو أوقف عربتك في مكان آمن بعيد عن المسجد عشان تكتر الخطو للمسجد ...

الله يجزاك خير .. كدة نفسيا الواحد شعر بالراحة والطمأنينة الله يريحك ويطمنك دنيا واخرة
الغريبة في متاجر ومعارض مختلفة معلقة تنبيه (ممنوع الاكل او الشرب او الدخول باي نوع من المشروبات داخل المحل)
اذا كان دا محل ساعات او ملابس او الله يكرم السامعين محل - احذية- بمنعوا الاكل والشراب حتة الفشار ممنوع

للإخوة المنادين بالآكل خارج المسجد

خلونا نتفق على حاجة ...
١- الآكل بيتم في تربيزات المطعم الموجودة خلف المصلى الكبير ..
٢- انحنا في كندا ... درجة الحرارة ممكن تكون ناقص ٣٠ ... الوقفة مرات بتكون مستحيلة ...

و سؤال ... يعني الزول المزنوق في الوقت ... يأكل في الشارع مهما كانت درجة الحرارة ؟
و الآفضل حسب كلامكم انو يأكل برة لو مضطر ... و عادي يفوت الخطبة
من انه يأكل بهدوء و في جو دافئ و يستمع للخطبة من خلف المصلي ؟

بعدين و ين الآيات أو الأدلة المحرمة ؟

المشكلة بعض الاخوان بفكرو في الامر دون حساب المكان و الزمان ...

*أرجي سكران ما ترجي ......*
*✍🏽 كتب د احمد الطيب ابراهيم*
*استشاري جراحة الكلي*
**************

القصة تقول كان ياما كان في بدايات القرن الماضي والقصة حقيقة ويعرفها كل ناس امدرمان....
كان في قبطي من امدرمان اعلن اسلامه عند امام مسجد امدرمان الكبير
و طلب من الإمام كتمان هذه الشهادة حتي اذا احتضر للموت يعلنها للجميع و طلب من الإمام أن يدفنه في مقابر المسلمين بدلا عن الكنيسة اذا وافته المنية...
فقد كان رغم إيمانه يخشي أن تحجر أسرته علي ممتلكاته قانونيا و تتهمه بالخرف او الجنون...
لذلك كتب وثيقة ومهرها بختمه وشاهدين عدلين تؤكد اسلامه و وصيته الدفن في مقابر المسلمين....و الزمها للشيخ إمانة في عنقه...
ومرت الايام والسنون عجلى و احتضر هذا المسلم القبطي وهو علي فراش الموت ارسل ابنه الي
امام المسجد الكبير و قال ليه تمشي للشيخ فلان وتقول ليه ابوي قال ليك جيب الأمانة العندك وتعال....
حمل الشيخ الأمانة و عندما وصل وجد القبطي قد فارق الحياة....وخطب في أسرته و اخرج الوثيقة التي طالب فيها بدفنه في مقابر المسلمين...
رفضت أسرته تسليم الجثمان و أصروا علي دفنه في كنيسة امدرمان....
رجع الإمام وصلي بالناس صلاة المغرب وخطب فيهم خطبة عصماء تدمي القلوب....وبعدها طلب من المصلين الذهاب معه لأخذ الجثمان وبالقوة اذا استدعي الأمر.. .
رفض المصلون الذهاب و اعتذروا بأن المتوفي ربنا يرحمه وقالوا ليه يا شيخ انت عملت العليك
و البلد الان محتلة والنصارى مدعومين بالسلاح والانجليز والزول لو مسلم واندفن في الكنيسة وللا اكله حوت او بلعو تمساح ربنا يوم القيامة ببعثوا مع المسلمين...انتهي..
******
خرج شيخ البنا من المسجد مع المغرب تاركا كل امدرمان وراء ظهره ووجد نفسه في قلب الأنداية وحوله عدد مهول من السكاري و المخمورين....
سال احد السكاري شيخ البنا ...يا شيخنا نحن عارفنك ما بتسكر لكن الجابك الانداية شنو...؟..
لم يقل لهم شيخ البنا انتوا كان فيكم خير كان خليتو السم الهاري ده ...بل خطب فيهم و شرح لهم قصة اخوهم القبطي الدايرين يدفنوا في الكنيسة..
وكلهم بي صوت واحد اقسموا أنهم يا يموتوا يا يجيبوا الجثمان ومن الانداية كل زول عكازو و سكينو و شالوا الجثمان وصلي بهم شيخ البنا صلاة الميت و دفنوا المرحوم بمقابر المسلمين ...
و عدد كبير منهم أقسم أن لا يتناول المسكرات من ذلك اليوم و منهم من استمر....و الان ماتوا جميعا واختفوا عن الساحة الفنية وتركوا لنا هذا السؤال الجدلي قائما...
** ايهما كان اصدق إيماناً من كانوا في الإنداية ام المسجد ..؟
انت حر في اختيارك الإجابة وانا لن تبهرني صلاتك ولا لحيتك ولا حتي تشدقك بالدين و ذاكرتي مليئة بشيوخ اكلوا أموال الشعب نهاراً جهارا .
✍🏽 د.احمد الطيب ابراهيم
استشاري جراحة الكلي
👈🏽 الدين سلوك ونخوه وليس مظهر( لحى وصلاه)

عرفناه الأكل كمان دايرين تجيبوا فيها الجامع الكبير ومرايس وبيرة بااااااردة غايتو يا ناس كندا * ما تنعطون وجه أو ويه*

كان جينا للكلام الصحي ..من كانوا في الانداية هم اشد واقوى ايمانا ممن كانوا في المسجد....الكانوا في المسجد ديل من ناس شوفوني انا بصلي في المسجد....وايمانهم قشرة ساكت...

انا شايف كلام ناس الجامع صاح ناس الإنداية ديل قامت بيهم البقنية ودايرين ليهم أي حفلة يفرتفوها

Quote: انا شايف كلام ناس الجامع صاح ناس الإنداية ديل قامت بيهم البقنية ودايرين ليهم أي حفلة يفرتفوها

هههههههههههههههههههه

رايك من رايك يا منتصر ..

كان الافضل يخلو اهلو على محبتهم له ويدفنوه مكان ما يدفنوه فالميت ميت ولا يعنيه ما يحدث بعد مماته

ولكن اهله الاحياء يعنيهم ميتهم وذكراه بينهم وعلى الاقل يتثنى لهم زيارته والدعاء له .. والله اعلم بالسرائر ومافي القلوب

ارجو من (الفقهاء) في المنبر وليس (المتفقهين) ان يشرحوا لينا معنى الآية دي رقمها (31)
في سورة (الأعراف)
( يَا بَنِي آدَمَ خُذُواْ زِينَتَكُمْ عِندَ كُلِّ مَسْجِدٍ وَكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ )
والاية جات في سياق متصل

Quote: ارجو من (الفقهاء) في المنبر وليس (المتفقهين)

ههههههههههههه
أحمد ياسين كدي اول اقرز لينا الفقهاء من المتفقهين
عشان نعرف نشرح ولَّ نلم شرحنا علينا.
وبعدين ياخي عيب لي المتفقهين

الصورة أدناه صورتها يوم الجمعة اول امس ...
عشان الشرح يكون وافي :
درجة الحرارة وقت صلاة الجمعة كان 5 درجات مئوية .
الصورة مأخوذة للمصلى الخارجي و ليس داخل المسجد الأساسي
و كما اسلفت هي صالة تقام فيها كل مناسباتهم ...
يوم الجمعة تفرش سجاجيد الصلاة لاستيعاب عدد المصلين الزائد
و في الخلف طاولات الصالة و الكافتيريا ...

في الصورة نشاهد ما يلي :
1- السهم الأزرق النازل على يمين الصورة مكان الكافتيريا.
2- الدائرة الزرقاء على يسار الصورة هي شاشة 500 بوصة تنقل صورة الامام من داخل المسجد الأساسي و المايكرفونات في كل مكان.
3- السهم الأحمر النازل يصور احد المصلين ينصت بإنتياه للخطبة و امامه الغداء ...
4- السهم البنفسجي يصور احد المصلين و هو ( يلعب ) بالهاتف الجوال دون انتباه يذكر لما يقوله الامام ...

تُرى .. هل ارتكب من يأكل وجبته بهدوء معصية و من يتلاعب بجواله ارتكب مكروها او أي شيء على الاطلاق ؟

حافظ

Quote: حمد ياسين كدي اول اقرز لينا الفقهاء من المتفقهين عشان نعرف نشرح ولَّ نلم شرحنا علينا. وبعدين ياخي عيب لي المتفقهين

تصدق انا ذاتي ماعارف الفرق بيناتهم
لكن انا عارفك انت راسك دا مليان