سلام يا شباب، شاهدت مقطع ڤيديو لمقهى ايزيس، فهو مقهى جيد للمثقفين المهاجرين والمغتربين الذين يزورون السودان لإجازة قصيرة، من جميع النواحي بجانب أن مالكته من رواد الاستنارة الشبابية، فهو صحي ونظيف أيضاً.
ياريت واحد يوصف لينا موقعه، الزول يركب مواصلات شنو؟ وينزل محطة شنو؟! مع فائق الشكر مقدما
Post: #2 Title: Re: استفسار يا بورداب الخرطوم: أين يقع مقهى اي Author: muntasir Date: 10-04-2018, 11:51 PM Parent: #1
يا نذير قال ليك في مسجد في الخليج الإمام بنغالي والمؤذن مصري فعشان الراتب وكدة المصري بحفر للإمام داير يطيروا بصلوا البنغالي غلط في آية الجماعة قالوا ليه سبحان الله للتنبيه المصري إتلفت عليهم وطقطق ليهم بأصابعينو ما حدش يوؤلوا فعيب يا شباب أبو النز ده ما حدش يقولوا عايز يعمل خارطة طريق للجماعة الطيبين
Post: #3 Title: Re: استفسار يا بورداب الخرطوم: أين يقع مقهى اي Author: سفيان بشير نابرى Date: 10-04-2018, 11:54 PM Parent: #2
منو القال ليك بيقع؟ أبداً ما ح يقع.
منتسر كلم صاحبك بتاع التكميم دا ياخ هههههه
Post: #4 Title: Re: استفسار يا بورداب الخرطوم: أين يقع مقهى اي Author: النذير حجازي Date: 10-05-2018, 00:00 AM Parent: #3
هههههههههه @ منتصر and سفيان، يا أبو نصرة، الدواعش ديل أجبن من مشى على وجه الأرض، مكان ممتلئ بالزبائن ما بقربوا منو.
لكن ممكن يحفروا ويقفوا المحل بواسطة السلطات
Post: #5 Title: Re: استفسار يا بورداب الخرطوم: أين يقع مقهى اي Author: امتثال عبدالله Date: 10-05-2018, 02:12 AM Parent: #4
النذير.. انت بقيت من ناس داعش ولا شنو!!؟ وجه ضاحك ما حدش يقولوا ...زي ما قال المؤذون المصري...
Post: #6 Title: Re: استفسار يا بورداب الخرطوم: أين يقع مقهى اي Author: النذير حجازي Date: 10-05-2018, 02:18 AM Parent: #5
هههههههههه@ إمتثال، يعني نفهم انو مقهى سري؟! هههههههههه يا جماعة بالطريقة دي بتمنعوا الزبائن من المقهى، وتضطر وئام لقفل المحل
Post: #7 Title: Re: استفسار يا بورداب الخرطوم: أين يقع مقهى اي Author: هاشم احمد ادم Date: 10-05-2018, 03:14 AM Parent: #6
سلام ود حجازي
Quote: فهو صحي ونظيف
آه دى عرفتها كيف ؟
بالمناسبة خبر الملم شنو ؟
Post: #8 Title: Re: استفسار يا بورداب الخرطوم: أين يقع مقهى اي Author: محمد عبد الله الحسين Date: 10-05-2018, 03:18 AM Parent: #7
مقهى ايزيس في شارع اوماك..و المقهى يفتح شمال..
Post: #9 Title: Re: استفسار يا بورداب الخرطوم: أين يقع مقهى اي Author: النذير حجازي Date: 10-05-2018, 03:18 AM Parent: #7
يا هاشم، من ڤيديو على اليوتيوب، بجانب الأجواء الثقافية الصحية
Post: #10 Title: Re: استفسار يا بورداب الخرطوم: أين يقع مقهى اي Author: محمد البشرى الخضر Date: 10-05-2018, 06:26 AM Parent: #9
اسأل ود المدير ! شايفه قبل كم يوم متجدّع هناك
Post: #11 Title: Re: استفسار يا بورداب الخرطوم: أين يقع مقهى اي Author: Yousuf Taha Date: 10-05-2018, 07:03 AM Parent: #10
النذير كيفك عندي موقف ظريف حصل لي معاهم
البت دي اول مافتحت كانت في الصحافة قبل الرياض اها يوم صحبي اصر نمشي ليو او بالاصح كان ساكن قريب ليو مشيت وعجبني المحل والاستايل يازول مكتبة ودواوين شعر حاجة راقية وفجأة اشوف ليك جنب ديوان مصطفـــى سنــــد ديوان شعر لداليا الياس وعينك ما تشوف الا النور صراحة ماقدرت اتحمل هجت في البنية المحترمة وقلت ليها "عيب عليكم ما ممكن سند ودرويش في رف واحد مع داليا الياس حرام عليكم " المهم صحبي في النهاية لمن قنع مني قال ليها الزول دا مجنتر ماتشتغلي بيو هههههه
Post: #12 Title: Re: استفسار يا بورداب الخرطوم: أين يقع مقهى اي Author: النذير حجازي Date: 10-05-2018, 09:45 AM Parent: #11
الأعزاء: محمد الحسن ود البشرى ود طه شاكرا لكم
يا ود طه، ياريت لو كانت سمعت كلامك، وترمي ديوان الكوزة الغبية داليا اليأس، بالله شوف كتابات داليا التافهة تجاه وئام
Post: #13 Title: Re: استفسار يا بورداب الخرطوم: أين يقع مقهى اي Author: Kabar Date: 10-05-2018, 12:30 PM Parent: #12
حبابك يا صديقي.. المرعب ، يا النذير ، تكتب ليك رواية خيال ، ثم تجد الملامح ، المكان ، الناس واقع قدامك..لا تعرف تبكي ولا تعرف تضحك ولا تعرف تتضامن ذاتو..!
في خيط مجاور ، رايح مني وحا افتشو ، رواية اسمها ( نواح الشواهق ) منها البعض الذي سوف ينشر لاحقا ، جزئية بتقول:
متأخر ، او ربما عشاء ، في مطعم عمورية ، الذي يقبع في اطراف الخرطوم الجنوبية..! عائشة ، يبدو انها تناست امر تزمتها المفتعل..و قررت ان تفرح.. و تعطي الدنيا عرض اكتافها ، نزعت الخمار ، و اطلقت خصلاتها لتذهب في الريح حرة طليقة.. كانت تدندن و تغني كأنما هي كائن يكتشف الحياة لأول مرة..و كنت اذكرها ان تنظر للشوارع من حولها ، تنظر اليها و هي في غلالة المساء الشفافة..و كانت تحدثني عن دهشتها و استغرابها بانها لم ترى مثل هذه الشوارع من قبل..و كنت اقول.. هي موجودة ، و لكن زمن العبوس هو من يفرض علينا الأ نراها..كما هي.. يفرض علينا الأ نتأملها و نتفاعل مع دهشتها الصغيرة العابرة..البلاد الغريبة لا يريد سلطانها ان نفرح ولو لمرة واحدة..! دخلنا مطعم عمورية .. كان هادئا ، قليل الحضور ، او ربما ينتظر اسدال استار المغيب حتى يعج بالضجيج..! رضوى كانت سيدة الفرح ، طلبت لي صحن فستق و جبنة دُعاش مالحة و زيتون اسود و كأس كونياك هنيسي..ثم طلبت لنفسها بيرة هنكين..و بدت الدهشة و الحيرة في ملامحها .. لأنها لم تكن تعرف ماذا تريد عائشة..! قلت اسأل عائشة: هل تشربين؟.. و لدهشتي ، قالت: انا لا اشرب ، و لكني ادخن..! ضحكنا ثلاثتنا ، و قلت: اتمنى ان يكون دخان برئ نستطيع توفيره هنا..! قالت: نعم ادخن دخان برئ ، و مهما يكن تعريفك للدخان غير البرئ.. فصدقني هو موجود و ينعم بالحياة بطمأنينة تتفقدها انت..! ثم اخرجت علبة سجائر البنسون الذهبية.. علبة كبيرة لم اكن اتصور وجودها في الخرطوم ، ثم اخرجت قداحة اشتعال قرمزية اللون ، استغرقني كثيرا التعرف على ملامحها ، كانت تبدو في شكل هرم كوشي جاهر يتحدى النسيان و يعلن وجوده بطريقته الخاصة..عائشة تنفث حلقات دخان البنسون ، كأنما هي تنفث احزان معتقة ..! بدت الإضاءة خافتة في مطعم عمورية .. خافتة لتبعث بعضا من الهدوء و الإستقرار في صفحات الخواطر التي تعبت كثير من هدير احداث النهار و حره القائظ..!.. موسيقى الجاز تنطلق بعمق خافت لا يشبه غبار الخرطوم البتة..! شربت كاسين ، و انا اعلن اكتفائي..و ضحكت رضوي و هي تقول: انت بئر عميقة..اعرف انك تفكر في القادم ، و لكنك تستطيع الإحتمال..! و الأغرب ، لم تسألنا رضوى عن تفاصيل الحادث الذي نجونا منه انا عائشة..!!
لدهشتي العظيمة ، شاورت عائشة بيدها اليمني و هي تنادي النادل ، ثم همست له بكلام خافت كاد ان يضيع في خفوت ضياء المطعم و موسيقى الجاز الخافتة..تبسم النادل و مضى..! بعد قليل ، عاد و هو يحمل كأس من الويسكي جاك دانيال ، ووضعها امام عائشة..ارتسمت الحيرة في وجهي.! قالت عائشة ، و هي تثبت عيونها في عيوني بصورة غريبة : كذبت يا اخي.. كذبت.. فهل انا وحدي من يكذب...؟.. كل الدنيا تمتلئ بالكذبة الضعفاء..!! قلت: لست انا نبي يا عائشة.. ولا احمل عليك في الكذب..نعم افهم ، ان بعضنا يبحث عن الثقة بوسائله الخاصة..ها نحن يا صديقتي.. حزاني صغار..صغار نكذب على انفسنا.. نكذب على اصفيائنا.. ثم يأتينا اليقين بغتة..ويحاصرنا..! وكانت عائشة في مدار اخر.. جرعت الكأس مرة واحدة.. و بدت صامدة.. لا تنتابها هرشة الويسكي الحارة تلك التي تشعل بيادر الصدر ضجيجا يخرج في شكل كحة..اشعلت سيجارة بنسون..و اخذت ترسل حلقات دخانها بتؤدة..! ثم ، قالت: هل تعلمون ان الخرطوم ، كانت تشتعل لياليها بموسيقى الجاز الحية..تتسكع في لياليها مجالي الفرح الخلاسي.. اندية تمتلئ بالحضور..و الصخب..! قلت ضاحكا: مدد يا شيخي الحسن..!.. مدد..!! لم تعر هي تلك الإفادة انتباها ، وواصلت تقول: كانت الخرطوم زاهية.. طروبة..فرق موسيقى الجاز تعمر لياليها بالهمس الحميم..! استمرت عائشة تتبسم و هي تحكي عن تاريخ موسيقى الجاز في الخرطوم .. تتراكض المعلومات منها.. تخرج كلمات متسارعة كأنها تقرا من كتاب واضح السطور قرر الزمان ان يفتح صفحاته امامها و هي تقرا..و تقرأ..! قلت ساهما بحزن عميق: المحزن يا عائشة أن بهاءنا الخاص لا نستطيع التعرف عليه الإ في زمن الغيبوبة..!! و كانت رضوى في حالة اشراق عجيب.. تتبسم بزهو نادر الحضور.. زهو التلصص و الإكتشاف العظيم..ضحكت وهي تقول: فلنتعرف على الملامح يا صاحب.. لايهم ان كان هو تعرف في زمن الغيبوبة او زمن الصحو.. المهم أن نتعرف يا اخي..! ضحكنا جميعنا ، ضحكنا بنقاء جاهر للغاية ، و قلت لرضوى: دعونا في المهم.. دعونا نذهب و نواصل مشوارنا..! زامت عائشة بامتعاض ، قالت: احدثك عن تاريخ الجاز في المدينة ، و انت مسكون بالذهاب الى حارتكم اللعينة..؟..هذى فتوح معرفة لن تجدها..!! ضحكت بخبث و انا اقول: انت لا تعرفين يا عائشة.. انت لا تعرفين..! و خرجنا من مطعم عمورية..ً!!
بالطبع لا علاقة لخيالي الذي نجر (مطعم عمورية ) بمقهى ايزيس..!!!..والله صحي..!
عنوان مقهي ايزيس: شارع البلابل ، قبل التقاطع مع شارع المطار ، قبل ملحمة وشواية امدرمان ..اديك التلفون ولا لقيتو؟..
لأ لأ..لألأ..!
ثم جيتار بيز..وربك يعلم..!!
كبر
Post: #14 Title: Re: استفسار يا بورداب الخرطوم: أين يقع مقهى اي Author: النذير حجازي Date: 10-05-2018, 03:20 PM Parent: #13
والله يا كبر إبداع، استمتعت جدا بالنص، وشكرا لإشراكنا معك هذه المتعة.
Quote: بالطبع لا علاقة لخيالي الذي نجر (مطعم عمورية ) بمقهى ايزيس..!!!..والله صحي..!
بالعكس، أول ما قرات عمورية، قلت فهو انسب لوئام أن تسمي قهوتها باسم عمورية فهو مربوط بتحرير المرأة، وقصة فتح عمورية ووا معتصماه الشهيرة، التي حفزت الشاعر أبو تمام بكتابة قصيدته الشهيرة: السيف اصدق أنباء من الكتب
Post: #15 Title: Re: استفسار يا بورداب الخرطوم: أين يقع مقهى اي Author: معاوية المدير Date: 10-05-2018, 03:50 PM Parent: #14
سلامات نذير وضيوفك الكرام .
أنا معرفتي بالخرطوم ضحلة جدآ يعني ما بقدر اديك ديركشن لكن بجي اعكس ليك وجهة نظري في المقهى واصفلك الشكل إن شاء الله ...
Post: #16 Title: Re: استفسار يا بورداب الخرطوم: أين يقع مقهى اي Author: النذير حجازي Date: 10-05-2018, 05:38 PM Parent: #15
مرحب يا ود المدير، وعودا حميداً، يعني كلام ود البشرى صاح؟! افتكرتو بهظر في انتظار عودتك، للوصف من الداخل
Post: #17 Title: Re: استفسار يا بورداب الخرطوم: أين يقع مقهى اي Author: Dr. Ahmed Amin Date: 10-05-2018, 10:01 PM Parent: #16
كويس والله يالنذير ... عرفنا لينا مكان جديد ممكن نزوروا في اجازتنا للسودان
كنا نلصق في اوزون غالبا .. بعد ده نشوف ايزيس
Post: #18 Title: Re: استفسار يا بورداب الخرطوم: أين يقع مقهى اي Author: النذير حجازي Date: 10-06-2018, 03:18 AM Parent: #17
