Post: #1
Title: نكات الفيفا و زنطور و الدوري وكدا...
Author: محمد البشرى الخضر
Date: 10-04-2018, 10:50 AM
Parent: #0
10:50 AM October, 04 2018 سودانيز اون لاين
محمد البشرى الخضر-العين-الإمارات
مكتبتى
رابط مختصر من امس ومع انطلاق صافرة نهاية مباراة زنطور مع مريخ الفاشر اجتاحت الميديا نكات وكاريكاتيرات و تطقيعات ظريفة جدا، اها بما انه ناس سودانيز ديل ناس مهمين ومثقفين ومثقفاتية و بتاعين سياسة و نضال وكدا وما فاضين للكورة قلت النبرهم بي شوية نكات وكاريكاتيرات وحاجات كدا عشان المواكبة.
لكن قبل ذلك لابد من شوية فذلكة تاريخية عشان تخشوا الفلم وتفهموا الحاصل.
زنطور : لقب وصيف السنين المريخ العاصمي، اطلقه عليه مشجعي الترجي التونسي.
الفيفا: الاتحاد الولي لكرة القدم و موضوعه هنا ان لجنة الانضباط التابعة له قررت معاقبة سيد البلد بخصم ست نقاط من رصيده في مسابقة الدوري المحلي الجارية حاليا.
الدوري: المسابقة المحلية الحصري لقبها لسيد البلد وحصري مركز الوصيف لزنطور، و موضوعها هنا ان بعد خصم النقاط من سيد البلد اصبح الفارق بينهما ٧ نقاط لصالح زنطور مع تأخر سيد البلد بمباراة.
وهناك مباراة بين الفريقين و مباراة للمريخ مع مريخ الفاشر و مباراتان للهلال مع مريخ الفاشر و هلال الابيض
يعني بالعربي كان يكفي زنطور التعادل فقط في اي من مباراتيه المتبقيتين للحصول على اللقب.
لكن، تعالوا نشوف الحصل شنو
شايف المخرج بأشر لازم نطلع فاصل اعلاني
عزيزي القارئ، فاصل صغير ما تغير
تابعونا بعد الفاصل
|
Post: #2
Title: Re: نكات الفيفا و زنطور و الدوري وكدا...
Author: Nasser Amin
Date: 10-06-2018, 11:02 AM
ود البشرى سلام
المخرج بتاعك بالغ جنس بوليغ
شغّل الاعلانات و عمل رايح
...
..
.
|
Post: #3
Title: Re: نكات الفيفا و زنطور و الدوري وكدا...
Author: Ali Alkanzi
Date: 10-06-2018, 12:02 PM
Parent: #2
علينا ان نقر
ان ما يميز الهلال انه لا يعرف اليأس
وكأس الدوري السنة الفاتت والسنة خير دليل
الف مبروك للهلال
وحسرتي على المريخ الذي لا بواكي له
|
Post: #4
Title: Re: نكات الفيفا و زنطور و الدوري وكدا...
Author: Rami Abdelkareem
Date: 10-06-2018, 12:42 PM
Parent: #3
سلام ود البشرى والمتداخلين
ياخي مبالغه في مبارة القمه سماحة قالو خاتين الكأس ودايرين يسلمو للمريخ
قامو اكلو اسكريم شعله، ومابعيد كمان يكونو شالو الكأس ودوهو الفاشر كمان
حسي الهلال لو قام شال الكأس الليله بكون بالغ عديل كده
مسعول من الخير وين صحبك الشفيف الملقب بي طلحه؟
|
Post: #5
Title: Re: نكات الفيفا و زنطور و الدوري وكدا...
Author: محمد البشرى الخضر
Date: 10-11-2018, 05:02 PM
Parent: #4
هلا بالشباب هلا والله
اعتذر عن التاخير وعن اطول فقرة اعلانات في التاريخ فاقت فترة اعلانات cbc ايام برنامج باسم يوسف !!
____________________
الفيفا يستفسر الاتحاد العام
عن اسباب عدم خصم النقاط من رصيد الهلال
بعد اطلاعهم على روليت المنافسة و من جانبه اكد الاتحاد العام على تنفيذه لقرار الفيفا بخصم النقاط
مما دعى الاتحاد للاستفسار عن كيف تم تنفيذ العقوبة و مازال الفرق نقطه بين الهلال و منافسه على اللقب ورد
شداد على الفيفا : عاد نعمل شنو؟
و ردت الفيفا من جانبها و قالت : مخير الله
|
Post: #6
Title: Re: نكات الفيفا و زنطور و الدوري وكدا...
Author: محمد البشرى الخضر
Date: 10-11-2018, 05:04 PM
Parent: #5
المريخ : يا فيفا لجنة المسابقات ظلمتنا
الفيفا : الحاصل شنو
المريخ : رفضو شكوانا الصحيحه في مريخ الفاشر وحرمونا من الفوز بالدوري!
الفيفا :أجي يا خواني!! انتو بعد خصم السته نقاط من الهلال ما شلتو الدوري !؟
المريخ : الشبكه كعبة .. تيت تيت تيت
|
Post: #7
Title: Re: نكات الفيفا و زنطور و الدوري وكدا...
Author: Hafiz Bashir
Date: 10-11-2018, 05:47 PM
Parent: #6
كيفن الفرق نقطة واحدة؟
الدوري الممتاز
|
|