Post: #2 Title: Re: شاهد إصتدام طائرتين فى مطار الخرطوم (فديو) Author: سيف اليزل سعد عمر Date: 10-03-2018, 02:26 PM Parent: #1
Post: #3 Title: Re: شاهد إصتدام طائرتين فى مطار الخرطوم (فديو) Author: nour tawir Date: 10-03-2018, 02:57 PM Parent: #2
يا سيف اليزل دا كلام شنو ؟ ما فآهمين أييييييى حاجة...
Post: #4 Title: Re: شاهد إصتدام طائرتين فى مطار الخرطوم (فديو) Author: محمد جبره Date: 10-03-2018, 03:00 PM Parent: #3
سلام سيف اليزل ................
هسه دا ما تحرش واااضح ....
الحمد لله عشنا وشفنا تحرش الطيارات
Post: #5 Title: Re: شاهد إصتدام طائرتين فى مطار الخرطوم (فديو) Author: سيف اليزل سعد عمر Date: 10-03-2018, 03:16 PM Parent: #4
أنا والله يانور تاور بس داير أعرف الأوكرانى ده جاب الفديو ده من وين وكيف؟
Post: #6 Title: Re: شاهد إصتدام طائرتين فى مطار الخرطوم (فديو) Author: سيف اليزل سعد عمر Date: 10-03-2018, 03:19 PM Parent: #5
محمد جبره سلام ده إغتصاب عديل زى بتاع المنشية داك موثق بالفديو
Post: #7 Title: Re: شاهد إصتدام طائرتين فى مطار الخرطوم (فديو) Author: Hassan Farah Date: 10-03-2018, 04:51 PM Parent: #5
أنا والله يانور تاور بس داير أعرف الأوكرانى ده جاب الفديو ده من وين وكيف؟ ------------------------------------------------------------------------------------------------ الاخ سيف اليزل الطائرتان ماركة انتونوف 26 وانتونوف32 من صنع اوكرانى وغالبا يكون الاوكرانى صاحب الفديو خبير طيران متعاقد مع الجيش السودانى وكان موجودا فى المطار لمراقبة عملية الهبوط وتصويرها
Post: #8 Title: Re: شاهد إصتدام طائرتين فى مطار الخرطوم (فديو) Author: عثمان علي Date: 10-03-2018, 06:17 PM Parent: #1
نسأل الله السلامة. واضح انه خطأ برج المراقبة. (هل يا ترى انه متعمد، حيث ان الطائرتين عسكريتين؟). بي كده يكون خلال حوالي تلاته اربعة اسابيع فقد السودان اربعة طائرات عسكرية 😱
Post: #9 Title: Re: شاهد إصتدام طائرتين فى مطار الخرطوم (فديو) Author: سيف اليزل سعد عمر Date: 10-03-2018, 08:16 PM Parent: #8
Quote: الطائرتان ماركة انتونوف 26 وانتونوف32 من صنع اوكرانى وغالبا يكون الاوكرانى صاحب الفديو خبير طيران متعاقد مع الجيش السودانى وكان موجودا فى المطار لمراقبة عملية الهبوط وتصويرها
سلام يا حسن فرح شكرا على محاولة تبرير تسريب الفديو من برج المراقبة على يد اجنبي أوكرانى. يا حسن ياخى مطار الخرطوم ده تم إنشاؤه فى سنة سبعة وأربعين ايام الاستعمار..وطائرات الانتنوف دى طائرات قديمة وهكر اشتغلت فى روسيا لمن روحها مرقت والباقى تمته فى دول افريقيا..وجيش الهناء ده جيش شنو الماقدر ينزل ليهو انتنوف بصورة سليمة رغم استخدامها طيلة هذه السنوات..يا حسن ياخى ده ميناء جوى ليهو علاقة بسلامة السودان وكل مجاله الجوي البخلى اوكرانى يكون متواجد فيهو شنو؟؟ وكمان يصور الحادث وينشره..!!!
بلد قاعدة فى السهلة...
Post: #10 Title: Re: شاهد إصتدام طائرتين فى مطار الخرطوم (فديو) Author: سيف اليزل سعد عمر Date: 10-03-2018, 09:28 PM Parent: #9
Quote: كده يكون خلال حوالي تلاته اربعة اسابيع فقد السودان اربعة طائرات عسكرية
دى إحصائية مهمة يا عثمان وبتوضح مستوى الدمار الوصل ليهو السودان٠
Post: #11 Title: Re: شاهد إصتدام طائرتين فى مطار الخرطوم (فديو) Author: أحمد الشايقي Date: 10-03-2018, 09:48 PM Parent: #10
دي حميميـة طائرات ...
على وزن بيان هيئة علماء السودان (أهـل كسلا غشيتهـم ريح باردة .....)
Post: #12 Title: Re: شاهد إصتدام طائرتين فى مطار الخرطوم (فديو) Author: nour tawir Date: 10-03-2018, 10:33 PM Parent: #11
بلد قاعدة فى السهلة... ....
وهو كذلك يا سيف اليزل...
Post: #13 Title: Re: شاهد إصتدام طائرتين فى مطار الخرطوم (فديو) Author: Elmoiz Abunura Date: 10-03-2018, 10:34 PM Parent: #11
سلامات سيف و ضيوفه
الفديو ده منتشر من عديد من الاشخاص وارجح التسريب من سودانى من برج المراقبة.
تعرف ياقريبى حسن الطائرتين من طراز AN 30 و AN32.
ويبقى السؤال لماذا يقوم سلاح الطيران بمناورات عسكرية خطرة فى نصف الخرطوم, وفى مدرج مطار الخرطوم حتى ولو كان هناك مطار حربى فى نفس المنطقة.
Post: #14 Title: Re: شاهد إصتدام طائرتين فى مطار الخرطوم (فديو) Author: Asim Ali Date: 10-03-2018, 11:15 PM Parent: #13
Quote: حتى ولو كان هناك مطار حربى فى نفس المنطقة.
. للاسف القاعده العسكريه هى الامتداد الشمالى لمطار الخرطوم وحصل اتحطمت فيها مروحيه شايله ناس من التلفزيون فى التسعينيات (غالبا ناس ساحات الفداء).واى زول مارى بشارع عبيد ختم كان ممكن يلاحظ الحطام.
Post: #15 Title: Re: شاهد إصتدام طائرتين فى مطار الخرطوم (فديو) Author: Hassan Farah Date: 10-04-2018, 04:29 AM Parent: #1
ويبقى السؤال لماذا يقوم سلاح الطيران بمناورات عسكرية خطرة فى نصف الخرطوم, وفى مدرج مطار الخرطوم حتى ولو كان هناك مطار حربى فى نفس المنطقة ---------------------------------------------------------------------------------------------------------------------- الاخوان سيف اليزل/المعز ابونورا وعاصم على من الواضح ان السؤال الذى طرحه اخونا المعز واكده الاخ عاصم هو اساس المشكلة لا توجد دولة فى العالم تجعل من مركز عاصمتها مطارا مدنيا دعك ان تكون به قاعدة لتدريب الطيارين العسكريين اها المطار المدنى الجديد سفسفوا قروشو ...المانع شنو ان يتدرب العسكر فى قاعدة وادى سيدنا؟ لماذا المخاطرة بارواح الناس فى نصف الخرطوم؟ والله كنت مرة معزوم فى مطعم فى شارع عبيد ختم جاءت طائرة هابطة قريب تدقش راس العمارات
Post: #16 Title: Re: شاهد إصتدام طائرتين فى مطار الخرطوم (فديو) Author: سيف اليزل سعد عمر Date: 10-04-2018, 07:04 AM Parent: #15
Quote: على وزن بيان هيئة علماء السودان
يا الشايقي وعلى نفس الوزنة:
(جوز لا يخسر) بلغة الاطفال والبلى.
Post: #17 Title: Re: شاهد إصتدام طائرتين فى مطار الخرطوم (فديو) Author: سيف اليزل سعد عمر Date: 10-04-2018, 12:35 PM Parent: #16
Quote: وارجح التسريب من سودانى من برج المراقبة
المعز سلام
أنا أرجح التسريب من عميل اجنبى موجود فى البرج...
البلد أساسا مستابحة وتمرح فيها كافة اشكال المخابرات الاجنبية..منها ماهو تحت رعاية الانقاذ نفسها..
Post: #18 Title: Re: شاهد إصتدام طائرتين فى مطار الخرطوم (فديو) Author: سيف اليزل سعد عمر Date: 10-04-2018, 03:44 PM Parent: #17
Quote: اها المطار المدنى الجديد سفسفوا قروشو
فى جهات عالمية بتقيم اداء المطارات واجراءات السلامة فيها.. واية حادث بيتم فى اى مطار لابد من تقديم تقرير مكتوب عنه.. حوادث مطار الخرطوم اصبحت كثير وقاتلة ومكلفة بسبب دمار البنية التحتية والفساد المؤسسي المستشري فى جسد الخدمة والادارة المدنية. افتكر قريبا سيتم اعلان مطار الخرطوم رسميا كأسوء مطار فى العالم.. هذا بالطبع غير ما كتب فيه سابقا من تجارب فردية مؤلمة...
Post: #19 Title: Re: شاهد إصتدام طائرتين فى مطار الخرطوم (فديو) Author: nour tawir Date: 10-04-2018, 03:56 PM Parent: #18
البلد أساسا مستباحة وتمرح فيها كافة اشكال المخابرات الاجنبية..منها ماهو تحت رعاية الانقاذ نفسها..... .....
نقلا عن سيف اليزل..
Post: #20 Title: Re: شاهد إصتدام طائرتين فى مطار الخرطوم (فديو) Author: امتثال عبدالله Date: 10-04-2018, 04:37 PM Parent: #19
المطار الجديد البتكلموا عنه اشاعة كبيرة ...واطلقوا الاشاعة دي عشان يبيعوا قطع اراضي مهجورة بالعملة الصعبة للمغتربين والمهاجرين وغشوهم بان هناك مطار دولي حيبنوهو هناك والحي حنسميه خي المطار....وبلع المغتربون الخدعة...واكلوا النيم والبرسيم ....حكومة عايشة على الغش والمكر والسرقة ...سرقة المال العام من الشعب المغلوب على امره....وين سيسي السودان !!!
Post: #21 Title: Re: شاهد إصتدام طائرتين فى مطار الخرطوم (فديو) Author: Nasser Amin Date: 10-04-2018, 05:49 PM Parent: #20
سلام سيف اليزل
شكلو الموضوع مناورة ... نزول الطائرتين و بفارق بسيط وفي مدرج مطار مدني مغامرة
لاحظ في الفيديو الطيارة الفي الخلف فقدت التوازن قبل الهبوط بثواني
Post: #22 Title: Re: شاهد إصتدام طائرتين فى مطار الخرطوم (فديو) Author: سيف اليزل سعد عمر Date: 10-04-2018, 08:14 PM Parent: #21
Quote: البلد أساسا مستباحة وتمرح فيها كافة اشكال المخابرات الاجنبية..منها ماهو تحت رعاية الانقاذ نفسها..... .....
نور تاور مساء الخير الجاسوس السعودى الإسمه طه واحد منهم..
دى غير جواسيس قطر وتركيا ومصر وجواسيس الجماعة الطيبين..
والاوكرانى بتاع المطار ده..غير الشغالين مع مليشيات الانقاذ...
Post: #23 Title: Re: شاهد إصتدام طائرتين فى مطار الخرطوم (فديو) Author: Nasser Amin Date: 10-04-2018, 08:32 PM Parent: #22
تحليل للحادث منقول ويتطابق مع الفيديو
Quote: حادثة الانتنوف فى مطار الخرطوم اليوم .. وقفة للتأمل .. وفضيحة الفورميشن لاندنغ : نقطة مهمة نبني عليها : يجب علي كل رحلات الفورميشن فلايتس ان تكون من نفس الطراز ولا يسمح لطائرتين من طرازات مختلفة الهبوط او الاقلاع معا من نفس المدرج اولا استبعد طيار الانتنوف 26 خارج الموضوع تماما .. واسال طيار الانتنوف 32 .. الطائرة التي جاءت من الخلف وتسببت بالحادث كيف تهبط او تلامس المدرج بينما طائرة اخري ابطأ واقل اداء من طائرتك ما تزال فى المدرج ..؟؟ وهمة الجيش والفورميشن لاندنغ : بعد ان بدأ الناس تتسال لماذا هذا الحادث وهل الخطأ خطأ طيار ام خطأ برج مراقبة ... بدأ بعض الاخوة الحديث عن فورميشن لاندنغ وان هذه كانت رحلة تدريبية وانها تابعة للجيش .. فى محاولة لابعاد المسؤلية عن برج المراقبة .. اولا بهكذا تصريحات انتم تؤكدون التهمة عليكم .. وبالعربي كدة .. بتعملو لينا فضيحة .. هذا ليس مطار عسكري .. وليس مطار للتدريب .. ثم كيف يسمح برج المراقبة بهبوط طائرتين من طرازات مختلفة علي نفس المدرج متناسين تماما فارق البيرفورمانس او الاداء بين الانتنوف 32 والانتنوف 26 .. كيف تجعلو طائرة ابطاء تهبط امام طائرة اقوي واسرع كالانتنوف 32 ..؟؟ بالرغم من وجود قاعدة عسكرية فى الجزء الشمالي الغربي بالقرب من القيادة العامة وتختص بال هليكوبتر وطائرات النقل .. إلا أن مطار الخرطوم مطار مدني دولي بامتياز .. ولا يسمح فيه برحلات التدريب العسكري او غيره .. ولا يسمح فيه بعمل المناورات الحربية .. لماذا تم تحويل رحلات اكاديمية هاي لفل لوادي سيدنا ومطار دنقلا ... ؟؟ ومنع التدريب فى مطار الخرطوم من البديهي ان تكون الفورميشن فلايت غير مسموحة فى مطار الخرطوم .. نسبة لضيق المطار والازدحام الشديد لرحلات الركاب الدولية .. ثانيا .. الفورميشن يعمل فى مطار عسكري او بطائرات عرض اجنحتها صغير جدا كالمقاتلات التي لاتتعدي ال6 او 7 امتار .. لايمكنك ان تسمح بعمل فورميشن لاندنغ فى مطار دولي مدني ضيق ومزدحم وعرض مدرجه لايتعدي ال45 مترا .. بطائرات انتنوف عرض اجنحتها مايقارب ال30 مترا .. عذرا سيدي الذي سمحت بهذا انت ترسل طواقم الطائرات الي حتفهم المؤكد .. النقطة الاخري .. اذا فرضنا انكم وصلتم درجة من الغباء ومن اللامسؤلية ومن عدم تقييم الاخطار او عمل safety evaluation من قبل لجنة السلامة وتقييم المخاطر فى المطار .. افرض انكم سمحتم بهذا الفورميشن لاندنغ .. ضاربين بكل القوانين عرض الحائط .. هل تمت مراعاة قوانين الفورميشن لاندنغ هنا .. هل تعلمون ان الانتنوف 32 اسرع من الانتنوف 26 .. ؟؟؟؟ هل تعلمون ان قوة مكنات الانتنوف 32 اقوي واسرع من الانتنوف 26 ؟؟ لماذا لم تهبط الانتنوف 32 اولا قبل الانتنوف 26 الابطاء والاضعف .. ؟؟ هل تمت مراعاة نقطة الملامسة وبعد المسافة بين الطائرتين فى ارض المدرج .. ؟؟ لماذا تنفذ مناورة حربية فى مطار مدني دولي مزدحم بحركة طائرات الركاب ... ؟؟ (( اول قاعدة فى الفورميشن لاندنغ انك لا تسمح لطائرتين من نوع مختلف بالاقلاع او الهبوط مع بعضهم .. لابد ان يكون نفس الطراز هو نفسه المستخدم فى الفورميشن .. مراعاة البيرفورمانس وقوة الاداء واختلاف السرعات )) نقطة اخيرة الفورميشن يكون فى طائرات صغيرة وليست بحجم الانتنوف ... حضرت الكثير من العروض الجوية الحربية والمدنية علي حد السواء .. لا يسمح للميراج 2000 والF16 بالاقلاع معا ... يسمح فقط لطائرتين من نفس الطراز بالهبوط والاقلاع معا .. علي ان يكون حجمهما صغيرا .. وليست 29 مترا عرض الجناح فى حالة الانتنوف 26 والانتنوف 32 ... عذرا سادتي .. ما هكذا تورد الإبل .. قائد السرب يتحمل جزء من المسؤلية قائد الطلعة يتحمل جزء من المسؤلية برج المراقبة يتحمل جزء من المسؤلية الطيارين يتحملو جزء من المسؤلية الشخص الذي سمح بهكذا مناورات فى مطار الخرطوم يتحمل كل المسؤلية
Post: #24 Title: Re: شاهد إصتدام طائرتين فى مطار الخرطوم (فديو) Author: سيف اليزل سعد عمر Date: 10-05-2018, 06:17 AM Parent: #23
Quote: واطلقوا الاشاعة دي عشان يبيعوا قطع اراضي مهجورة بالعملة الصعبة للمغتربين والمهاجرين وغشوهم بان هناك مطار دولي حيبنوهو هناك والحي حنسميه خي المطار
وبالإمارة يا إمثال سمعنا عبد الرحيم بتاع الدفاع بالنظر قال الحتات كلها باعوها..قال الكلام ده علنا وينفض فى ايديهو وريالتو سايلة..
صدقت والله.حكومة عايشة على خداع الشعب والغش والكذب والسرقة والفساد والدمار..
Post: #25 Title: Re: شاهد إصتدام طائرتين فى مطار الخرطوم (فديو) Author: سيف اليزل سعد عمر Date: 10-06-2018, 05:38 AM Parent: #24
Quote: شكلو الموضوع مناورة
يا ناصر اخوى مناورة فى مطار مدنى وبطائرات خردة..؟؟!!!