Post: #1
Title: هل صحيح البشير في العناية المركزة؟!
Author: النذير حجازي
Date: 09-30-2018, 06:42 AM
06:42 AM September, 30 2018 سودانيز اون لاين
النذير حجازي-بلاد الله الواسعة دي، كل شهر في بلد
مكتبتى
رابط مختصر خبر متداول على الواتساب،
ياريت تدونا النجيضة
|
Post: #2
Title: Re: هل صحيح البشير في العناية المركزة؟!
Author: محمد البشرى الخضر
Date: 09-30-2018, 08:55 AM
Parent: #1
انت مأجّز اليومين ديل يا نذير ولاّ شنو؟
|
Post: #3
Title: Re: هل صحيح البشير في العناية المركزة؟!
Author: امتثال عبدالله
Date: 09-30-2018, 09:05 AM
Parent: #2
عشم ابليس في الجنة...
انت ما عارف ان ٩٠ في الميه من اخبار الواتساب فشنك...
|
Post: #4
Title: Re: هل صحيح البشير في العناية المركزة؟!
Author: Hani Arabi Mohamed
Date: 09-30-2018, 09:09 AM
Parent: #1
الشعب كله في العناية المركزة ... ما مشكل لو زادو واحد
الله اعلم لم اجد مصدراً مؤكداً للخبر حتى الآن ... لكن هذا لا يعني صحته أو عدمها ...
|
Post: #5
Title: Re: هل صحيح البشير في العناية المركزة؟!
Author: Mohd Ibrahim
Date: 09-30-2018, 09:14 AM
Parent: #4
انت قصدك منو البشير ولا السودان ...
|
Post: #6
Title: Re: هل صحيح البشير في العناية المركزة؟!
Author: النذير حجازي
Date: 09-30-2018, 09:21 AM
Parent: #5
سلام يا شباب وشكرا لكم
يا ود البشرى السطر الواحد دا عايز ليهو اجازة؟!
هههههههه
بس اتعلمت ادخل بالموبايل، وبشوت ضفاري
وكالعادة ما بضيع زمني في القراءة
|
Post: #7
Title: Re: هل صحيح البشير في العناية المركزة؟!
Author: النذير حجازي
Date: 09-30-2018, 09:24 AM
Parent: #6
Quote: خبر بوفاة البشير...واكتناف الضباب
✍ *أمل الكردفاني*
قبل يومين ورد خبر واتسابي عن دخول البشير في غيبوبة ؛ ونقله الى المستشفى تمهيدا لنقله الى الخارج. ككل الناس تلقيت الخبر بعدم اكتراث ؛ فوسائل التواصل الاجتماعي تعج بالشائعات ، حتى تلقيت اليوم تأكيدا ضبابيا على الأمر. فرغم ثقة المصدر وما أكده لي من ان خبر دخول البشير في غيبوبه ونقله الى العناية المركزة خبر صحيح مائة بالمائة ، إلا أنني أيضا لا استطيع الجزم بالأمر فحتى المسؤولين يتلقون أخبار البلد من الاذاعات الاجنبية ، في ظل ضعف الاعلام الرسمي او اعتباراته الأمنية التي تجعله آخر من يبث الخبر.
في الحقيقة ما يشغلني الآن هو مسألة البديل ، اذا صدق الخبر فهناك ثلاث شخصيات لها وزنها ، النائب بكري بسند من الجيش ، وصلاح قوش ، ورغم كل شيء اضيف حميدتي باعتباره قائد لأقوى تنظيم مسلح في البلاد حتى الآن. لا يمكننا استيعاب مفاجآت القدر ، ولا يمكننا من ثم استبعاد حميدتي لمجرد تقييمنا له من خلال مؤهلاته ، ولكن في اسوأ الفروض فإن الدعم السريع كقوة تابعة لجهاز الأمن يمكن أن تشكل فرقا كبيرا في صراع السلطة. وغالبا ما يكون موت البشير مهيئا لمدير جهاز الأمن للقبض على بكري وايداعه في الاقامة الجبرية. ثم اعلان حكومة مؤقتة تحت رئاسته لتسيير الدولة. وطبعا لن تكون مؤقتة بالفعل.
قوش يمتلك قوة عسكرية ضاربة ؛ في حين لا يمكننا التعويل على موقف القوات المسلحة تجاه السيد بكري ، قوش لديه جنسية أمريكية -غير متأكد من هذه المعلومة- لكن في كل الاحوال فلقوش علاقات قوية بالولايات المتحدة الامريكية والاتحاد الاوروبي. ويمكننا العودة بفلاش باك حين كان قوش هو أول من غير سياسة جهاز الأمن من محور المناوئة لأمريكا الى محور المتعاونين مع الاستخبارات الامريكية خصوصا في مسألة الارهاب.
إذا صح خبر دخول البشير في غيبوبة ومن ثم وفاته فأعتقد أن الطريق سيكون ممهدا أمام المهندس قوش لتقلد منصب رئيس الدولة. علاقة قوش بالحركة الاسلامية توترت كثيرا منذ اقالته واعتقاله ثم اعادته لمنصبه ؛ وقد شاع تسجيل يوجه فيه قوش بطرد الاسلاميين من حزب المؤتمر الشعبي ووصفهم بال (عواليق). وهذا هو الرابط
https://m.youtube.com/watch؟v=U_jgNA7qYlghttps://m.youtube.com/watch؟v=U_jgNA7qYlg
اوردت قناة الجزيرة تعليقا مقتطفا من مقال للصحفي فتحي الضو أن صديقة امريكية مقربة من دوائر اتخاذ القرار أخبرته عقب زيارة قوش الشهيرة الى (لانغلي) معقل سي آي اي أن قوش سيكون الرئيس القادم للسودان ؛ لأن (كل رؤساء عالمكم التعيس مروا من هنا).
رابط الخبر:
http://www.aljazeera.net/encyclopedia/icons/2018/2/11/%D9%85%D9%86-%D9%87%D9%88-%D9%82%D9%88%D8%B4-%D8%A7%D9%84%D9%85%D8%AF%D9%8A%D8%B1-%D8%...A7%D9%86%D9%8A%D8%A9
وبالرغن من ذلك فإن وصول قوش الى السلطة لا يكشف عن التحولات السياسية للحكومة. فقوش ربيب الحركة الإسلامية والمنقلب عليها والمدعوم أمريكيا واوروبيا ، لا يمكن توقع تحركاته واتجاهاته في إدارة الدولة ؛ وقد شاع عنه ميله الى الغموض والعمل من خلف الكواليس.
استر يا رب... |
|
Post: #8
Title: Re: هل صحيح البشير في العناية المركزة؟!
Author: امتثال عبدالله
Date: 09-30-2018, 09:33 AM
Parent: #7
كلام امل كردفاني ده كلام خطير....
واذا جينا للكلام الصحي فان الف عمر بشير افضل من قوش واحد وهو المعروف بتعذيب البشر في بيوت الاشباح
..يعني دولة بوليسية نازية ميه في الميه..
استر يا رب ...واللهم اشفه شفاءا تاما لا يغادر سقما....
|
Post: #9
Title: Re: هل صحيح البشير في العناية المركزة؟!
Author: Yasir Elsharif
Date: 09-30-2018, 09:35 AM
Parent: #7
سلام النذير والجميع
مرض البشير أو وفاته لن يحل مشاكل السودان والسودانيين. سيعقدها. وربما يعجل بالفوضى الشاملة.
ياسر
|
Post: #10
Title: Re: هل صحيح البشير في العناية المركزة؟!
Author: muntasir
Date: 09-30-2018, 10:20 AM
Parent: #9
يا زول ده بقرضنا كلنا وبيقعد سمعت ليك بي كوز مات قريب ده الموت بشيل السمحين
|
Post: #11
Title: Re: هل صحيح البشير في العناية المركزة؟!
Author: مني عمسيب
Date: 09-30-2018, 11:03 AM
Parent: #10
نذيرنا سلام يغشاك ومن معك .
هل صحيح البشير في العناية المركزة؟!
الحبيبة امتثال بتدعو ليهو بالصحة رأيك شنو ؟ ههههههههه
|
Post: #13
Title: Re: هل صحيح البشير في العناية المركزة؟!
Author: محمد حمزة الحسين
Date: 09-30-2018, 12:01 PM
Parent: #11
Quote: هل صحيح البشير في العناية المركزة؟!
الحبيبة امتثال بتدعو ليهو بالصحة رأيك شنو ؟ ههههههههه |
إتحزمي يا إمتثال شدي حيلك ...
اول عتبات سُلم الداعشيه الكوزنه هههههههههههه
مني أزيييك ...
أنا ما زي إمتثال بدعو له في الصلاة من باب دعوة المؤمن لأخيه المؤمن .
:
:
:
:
:
مع التحيات لله الزاكيات
|
Post: #12
Title: Re: هل صحيح البشير في العناية المركزة؟!
Author: دفع الله ود الأصيل
Date: 09-30-2018, 11:36 AM
Parent: #10
Quote: امتثال عبدالله كلام امل كردفاني ده كلام خطير....
و اذا جينا للكلام الصحي فان الف عمر بشير افضل من قوش واحد وهو
المعروف بتعذيب البشر في بيوت الاشباح..يعني دولة بوليسية نازية ميه في
الميه..استر يا رب ...واللهم اشفه شفاءا تاما لا يغادر سقما.... |
لك كامل الأحترام و التقدثر أختنا امتثال يا حربية ،
يعني يا مستجيراً من رمضاء بشة بضحضاح نيران (قوش)
و لكنمعاك حق ، فللأسف الشديد الوضع مربك لدرجة إنو بقينا
فعلنغالبنا البنسويهو ظاطو مع (هؤلاء) يعني باقية ترا حكاية :
(لا بريدك ولا بحمل براك ). ففي بوست مجاور مسلن نقرأ:
| Quote: امتثال عبدالله : أكرم لنا ولك ان تستقيل يا سيدي!! |
# بصراحة ما جبت الاقتباسين أعلاه جنباً إلى جنبٍ ليس إلا
كدليلٍ دامِغٍ على مدى حيرة دليلنا في بلدٍ ما بكينا فيها من يومٍ و إلا
بكينا عليه في صبحة الغد الباكر مباشرتن. يذكرني لسان حالنا المايل
والما يسر عدواً ولا صليحاً بطرفة تحكي عن دكتورة أسنان شاطرة ، لامن
اكتشفتذات مصادفةٍ محضةٍ بأن زوجها يخونها ، انطلقت لا تلوي على شيء
تشكيه إلى قاضي الاحوال الشخصية و تطلب تأديب زوجها ذاك الخائن الغدار
أبوعين زايغة و ما يملاها علا التراب . و كان مولانا القاضي لمَّاحاً بما يكفي لكي
لاحظ ارتباكها و مناوراتها الذكية لملازوتها من الوقوع في مطب الطلاق و هو
طبعن(أبغض الحلال إلى الله ) فجعل مولانا يخاطبها بمصطلحات مجال تخصصها.
فقام قال ليها: تعرفي يا بتي راجلك دا فعلن زول مو نافع، و عشان كدا حا(نخلعو)
ليك من كناكينو نريحك مرة واحدة. فهنا زولتك الملقوفة خافت من و قالت ليه:
يا مولانا إنتا جادي و بي صحك؟! كدي إمهل شوية، ما بلاش يعني
حكياة ( الخُلُع) دي ؛ يعني مافي طريقة (نلخلخو ساي، بس عشان
نضمن إنو يتأدب و أ بداً تاني ما يعملش حاجة زي كدا؟!!
هذا، مع خالص مودتنا لناس معزتنا،،،
* ود ا لحيشان التلا تة،،،،،
|
Post: #14
Title: Re: هل صحيح البشير في العناية المركزة؟!
Author: Salah Zubeir
Date: 09-30-2018, 12:12 PM
Parent: #12
في موجز الشروق قبل شوي متلبب ليهو
مكرفون امس بالليل وقاعد يتكلم .. العمه
كيف والجلابيه ككيف ووشو يبق نضارة
اتقول بنت عشرين ...
|
Post: #15
Title: Re: هل صحيح البشير في العناية المركزة؟!
Author: امتثال عبدالله
Date: 09-30-2018, 12:35 PM
Parent: #14
الغالية منى
انتي ما قريتي امل كردفاني بتقول ان قوش بتاع بيت الاشباح حيخلف البشير ويبقى رئيس!!!
وانت عارفة ان قوش ممكن ياسس دولة نازية بوليسية ونتحسر على عهد البشير ونقول يا حليل البشير الكان بخلينا نمشي في الشارع
ونزور الجيران ويخلي المغتربين والمهاجرين والمغتربين يزوروا السودان....وقتل بس ٣٠٠ الف في دارفور و ٥ الف في بقية ولايات السودان
وبيطلق الرصاص على المتظاهرين ويقتل كل مرة ٤ او ٥ اشخاص بس...
|
Post: #16
Title: Re: هل صحيح البشير في العناية المركزة؟!
Author: nour tawir
Date: 09-30-2018, 01:18 PM
Parent: #15
وقتل بس ٣٠٠ الف في دارفور و ٥ الف في بقية ولايات السودان
...
يا امتثال...
جبال النوبة براها قتل فيها اتنين مليون..
و الجنوب قبل ما يرحل ضعف هذا العدد...
و القتلى و الاموات فى زمن البشير حتى الان سبعة مليون...
انتى فاكرة العمله عمر البشير هّين ؟
المهم فى الآمر..
لا قوش لا عمر البشير لا بكرى حسن صالح ولا حميدتى و لا أيييييى واحد مارس أى نوع من السلطة فى زمن البشير..
حتى لو كان عسكرى نفر حارب المواطنين..
و الا سنعيد انتاج الازمة السودانية كأشرس من المغول و التتار..
فّتك عافية..
|
Post: #17
Title: Re: هل صحيح البشير في العناية المركزة؟!
Author: aosman
Date: 09-30-2018, 02:42 PM
Parent: #1
خلي البشير, السودان كله في العناية المركزة
|
Post: #19
Title: Re: هل صحيح البشير في العناية المركزة؟!
Author: امتثال عبدالله
Date: 09-30-2018, 03:30 PM
Parent: #18
والحاجة الغريبة يا نور ان البشير بيعترف وبصرح انه ما قتل الا ١٠الف في دارفور وكان ال ١٠ الف روح عدد بسيط...والمنظمات الدولية تؤكد ان عدد القتلى في دارفور فقط اكثر من ٣٠٠ الف نسمة ...
وبعد ده كله عاوز يحكم...ولكن دائما بعد الظلام نور وبعد الليل صباح ..ولو دامت لغيرهم لما الت اليهم ..
|
Post: #20
Title: Re: هل صحيح البشير في العناية المركزة؟!
Author: قسم الفضيل مضوي محمد
Date: 09-30-2018, 03:55 PM
Parent: #18
.
..
Quote:
خبر بوفاة البشير...واكتناف الضباب بقلم د.أمل الكردفاني |
.
.
.
البوست دا قديييييييم ...
بتاريخ 19.06.2018 ...
.
.
|
Post: #21
Title: Re: هل صحيح البشير في العناية المركزة؟!
Author: Asim Ali
Date: 09-30-2018, 05:14 PM
Parent: #20
النس راح ليها الدرب وبقى دروب كل يوم فاتحين موضوع بطعن فى ضل الفيل والفيل قدامكم حاجه اسمها تنظيم اخوان مسلمين (كوم واحد) يقعدو يفكو العاب ناريه ينشغلو بيها ومسرحيات مشاكل وانشقاقات ودا شنو ودا شنو ....
الناس ديل لو جد جوا امورهم جايطه كان ماقدرنا نمشى فى الخرطوم دى من النيران ولكتال بينهم والكلام دا رددتو لكثير من الازملاء والاصحاب من مسرحيه المفاصله .
الناس ديل عندهم جوا تنظيمهم مراكز بحوث وتخطيط بتمكن ليهم كجزء من مخطط اقامه خلافه مزعوم ومايجى زول يقول لى الشعب والضايقه الاقصاديه و....و.....و.....
نحنا كشعب مجرد (collateral damage) وعبء علي مخططاتهم والارض التى اختلوها .فاما يعصرون الناس دون رحمه او الناس تشرد تفضى ليهم البلد يسرحو فيها هم واخوانهم فى الاخوانجيه ودا الحاصل.
احيانا الاشاعات دى تمرق من كوادر ليهم خارج التنظيم (يعنى معروفين للجميع) .مره فتره دراستى بالخارج طلعت اشاعه انو الترابى مات لافانى واحد من قياداتهم (فى الجانعه ) فى السكن الداخلى مخلوع يكوس فى الاكيده للخبر (الكلام سنه 91).
دحين انكربو لمعركه فاصله وسدو اضانكم من الاعيب النظام الاعلاميه دى.وشغل قايه الراى اتجاهات الراى العام البعملو فيهو دا.
|
Post: #22
Title: Re: هل صحيح البشير في العناية المركزة؟!
Author: Bashasha
Date: 09-30-2018, 05:16 PM
Parent: #20
| Quote: مرض البشير أو وفاته لن يحل مشاكل السودان والسودانيين. سيعقدها. وربما يعجل بالفوضى الشاملة |
اعلاه كلام دكتور ياسر!!!
يعني انتا عايز البشير يفضل متحكر فوق رقابنا لي متين مثلا كحل؟
زي غيرو حيموت، حتسوي شنو؟
|
Post: #23
Title: Re: هل صحيح البشير في العناية المركزة؟!
Author: Arif Nashed
Date: 09-30-2018, 05:38 PM
Parent: #22
صاحب البوست وضيوفه الكرام انزيكم
هذا النظام حصد أرواح الملايين بالرصاص وملاين اخري بالجوع والمرض وهذا ليس عليه خلاف..
أما موضوع موت البشير فليس يعني ذهاب الإخوان وسيكون خلفه علي نفس النهج واظرط منه..
كشعب نتحمل استمرار هذا النظام سواء كان بالبشير او خلافه لأننا من نفخ هذه البالون وظللنا ننفخ حتي ترأي لنا كجبل لا يمكن إزالته...
الحل ليس بموت البشير بل الحل بيد الشعب لو تخلص من رهاب النظام...
|
|