On-the-job creativity

05:16 PM September, 27 2018

سودانيز اون لاين
احمد سيد احمد-السعودية
مكتبتى
رابط مختصر

حصل اقترحت فكرة او طريقة او اداة او جهاز يساعدك في اداء وظيفتك اليومية او يزيد دخل الجهة الموظفاك واخدت عليهو حافز او سهلت على نفسك اداء عملك؟

بقرا لي في موضوع عن الــ On-the-job creativity الابداع من خلال الوظيفة...ضرب عدة امثلة. اكتر مثال عجبني قالوا انو في مندوب مبيعات شاب شغال في شركة بتقدم كورسات تعليمية في البيزنس business education courses ...جاتو فكره عبقرية خلال رحلته اليومية الــ بتستغرق ساعتين بالقطر الى نيويورك ..الشاب دا اقترح على مديره انو الشركة تستاجر واحدة من عربات القطر وتعمل فيها فصل لتدريس الكورس بتاعها..ادارة الشركة ما اهتمت بالاقتراح...صاحبنا دا يومي وهو جاي على عمله بيشوف الناس نايمه في القطر ومضيعة ساعتين غاليات من الزمن..
الفكرة ظلت تراوده ونهائي ما طلعت من تفكيره وفي النهاية قدم استقالته من الشركة واستاجر واحده من عربات القطر وعمل فيها فصلين واسس شركة سماها Edutran
...واحدة من الجامعات المحلية وفرت ليهو بروف ومنهج وكتب و55 من طلابها الخريجين البيسافروا في القطر دا يوميا...هسي شركة الشاب دا اتمددت وفتحت بالتعاون مع شركة سكة حديد اخرى فرعين جدد في اتنين من الولايات الشرقية ب200 طالب

فكرة التعليم في قطار المسافات الطويلة فكرة جيدة لكن اغلب المسافرين بيقصروا من زمن النوم في البيت ويتموه في القطار.

ومن ناحية تاني بحثت عن الشركة Edutran ولم أتحصل على نتيجة في قوقل.

أنا معجب جداً ببرامج الإبتكارات البسيطة ومرات كتيرة في ابتكارات بسيطة جدا ولم نفكر في تسويقها

مثال كاشطة الجليد والثلج من زجاج السيارة وهي داخل عازل مثل القفاز.

اليوم تباع منها ملايين القطع في كل أوروبا وأمريكا الشمالية

الأولي الصورة العادية والتانية صورة الإبتكار البسيط.

السلام عليكم الاخ الكريم فرانكلي
كلامك صح والله وملاحظتك دقيقة انو فعلا قبل يوم السفر بيكون الزول مرهق ولذلك بيقضي ساعات السفر في النوم...لكن لو كانت قطارات داخلية وياها وسيلة المواصلات اليومية من والى عملك فالامر يمكن يختلف شويه.

بالنسبة لبحثك باسم الشركة فعلا انا سبقتك برضو وبحثت وما لقيت لكن الموضوع انا قريتو في المجلة العظيمة ريدرز دايجست ..بس العدد قديم يرجع لسنة 1975 م وانا مغرم بالمجلة دي شديد وخاصة القديم منها وعندي كمية كبيرة منها عربي وانجليزي - مجلات ورقية - هارد كوبي...من حبي لها ببحث عنها كتير لو لقيت نسخ الكترونية في النت وقبل شهور وجدت كنز في موقع ارشيف دوت كوم فيهو كمية ممتازة من اعداد النسخة الهندية وطبعا كتير في موضوعات بتكون النسخة الهندية اخدتها من النسخة الامريكية الام...المهم هي مجلة رصينة جدا ومعروفة على مستوى العالم وما ممكن تكون كذبت او غلطت في قصة الشركة دي وهنا نص القصة كما وردت في مقال المجلة :

"Matt Kiernan" was an aggressive young Salesman of business education Courses. His golden idea came during his daily two-hour journey by, rail to New York. He proposed to his employer that the company hire a railway carriage and present its courses to commuters.
Management couldn't see the idea “at that time.” But every day that; Matt watched people on the train steeping, wasting precious hours, the idea gnawed at him. Finally, he resigned his job, hired a railway carriage, built two classrooms in it, and formed a company called “Edutran".
” A local university supplied Professors, books and the curriculum, as well as 55 graduate students. Matt’s programme has now expanded to two other railway companies in the eastern United States, and to 200 students.
__________
Reader's Digest March 1975

أنا معجب جداً ببرامج الإبتكارات البسيطة ومرات كتيرة في ابتكارات بسيطة جدا ولم نفكر في تسويقها


انا زيك معجب بالمخترعات البسيطة والافكار الابداعية في كل المجالات وبتلفت نظري وبنتبه ليها بقيت وبصورها واوثق لو لقيت طريقة

ماسحة الزجاج دي فكرة عبقرية وخاصة المعاها القفاز