Post: #1
Title: استخرج اهم معلومة ليك جائزة
Author: عبدالحفيظ ابوسن
Date: 09-19-2018, 09:15 PM
09:15 PM September, 19 2018 سودانيز اون لاين
عبدالحفيظ ابوسن-no where
مكتبتى
رابط مختصر أعلن محافظ بنك السودان المركزي د. محمد خير الزبير السعي الجاد والعاجل لمعالجة المشكلات الآنية المتمثلة في إدارة النقد داخل الجهاز المصرفي وارتفاع التضخم والعمل على استقرار سعر الصرف بما ينعكس ايجاباً على توفر السلع الأساسية (المواد البترولية ، والقمح ، والدواء) ، مؤكداً خلال تسلمه اليوم لمهامه رسميا ببنك السودان، أن البنك المركزي يحتضن قيادات وخبراء قادرون على تجاوز هذه التحديات.
والتقى الزبير بمكتبه ظهر اليوم مديري عموم الإدارات بالبنك المركزي للتباحث والتشاور حول الوضع الراهن ، كما زار مطابع السودان للعملة ووقف على سير العمل بالمطبعة ، داعياً لبذل المزيد من الجهود لمقابلة احتياجات الجمهور، مشيراً إلى ضرورة تكامل الأدوار لبلوغ الغايات المنشودة.
ويعقد المحافظ غداً الثلاثاء اجتماعا مع مديري عموم المصارف العاملة بالبلاد.
منقول
|
Post: #2
Title: Re: استخرج اهم معلومة ليك جائزة
Author: النذير حجازي
Date: 09-19-2018, 09:44 PM
Parent: #1
سلام يا حفيظ،
الحاجة الما قادر أفهمها البنوك ما قادرة تعطي الناس قروشها ليه؟!
سؤال متأخر، لكن بالجد متحير
سبب المشكلة شنو؟!
|
Post: #3
Title: Re: استخرج اهم معلومة ليك جائزة
Author: امتثال عبدالله
Date: 09-19-2018, 10:04 PM
Parent: #2
ما بنقدر نطلع ليك اهم معلومة الا بعد ما نعرف نتيجة اجتماع المحافظ مع مديري عموم المصارف ..
ادينا وقت ...
|
Post: #4
Title: Re: استخرج اهم معلومة ليك جائزة
Author: muntasir
Date: 09-19-2018, 10:26 PM
Parent: #3
المعلومة إنها إنبهلت ورق حيطبعوا ليكم قروش لمن تزغردوا
|
Post: #5
Title: Re: استخرج اهم معلومة ليك جائزة
Author: Frankly
Date: 09-19-2018, 10:56 PM
Parent: #1
أزمة السيولة أدت لأزمة سيولة
البنك المركز تعمد إحداث أزمة سيولة لدفع المواطنين للتعامل بالنقد الإلكتورني لكن النتيجة جاءت معاكسة بأن الجمهور أمسك على نقوده ولم يدورها في المصارف الوطنية ما سبب أزمة سيولة لعدم الثقة في الجهاز المصرفي.
لكي يعيد البنك المركزي تلك السيولة التي بيد الجماهير في البيوت والدكاكين والمزارع للبنوك أمامه حل في غاية السهولة وقد قلته قبل أشهر.
تغيير العملة الورقية وستخرج الأموال بالشوالات من باطن الأرض والخزن إلى المصارف ويقوم المصرف بتسليم كل عميل مبلغ مالي صغير نقداً والباقي يحفظ في الرصيد أو يكون في شكل رصيد إلكتروني.
|
Post: #6
Title: Re: استخرج اهم معلومة ليك جائزة
Author: عبدالحفيظ ابوسن
Date: 09-20-2018, 04:58 AM
Parent: #5
كما زار مطابع السودان للعملة ووقف على سير العمل بالمطبعة
صاح يا منص
دخل يدك في الجراب
|
Post: #7
Title: Re: استخرج اهم معلومة ليك جائزة
Author: عبدالحفيظ ابوسن
Date: 09-20-2018, 05:03 AM
Parent: #6
ماعندها سيولة يا النزير
عندهم رصيد ضخم كرقم في بنك السودان وبنك السودان ماعندو سيولة
بنك السودان حرم البنوك
البنوك حرمت المواطن
المواطن ؟!
|
Post: #8
Title: Re: استخرج اهم معلومة ليك جائزة
Author: عبدالحفيظ ابوسن
Date: 09-20-2018, 05:05 AM
Parent: #7
يا امتثال صدقيني ديل المشاكل ما بحلوها بي اجتماع وآراء
بحلها نفر واحد بس بي قرار
ومية مية يكون كارثي
|
Post: #10
Title: Re: استخرج اهم معلومة ليك جائزة
Author: عبدالحفيظ ابوسن
Date: 09-20-2018, 05:10 AM
Parent: #8
ليه يا فرانكلي بس يمسكو قروش الناس ؟ وليه يكلفوا الخزينة فوق طاقتها ؟
في قرارات غيرها
الناس العندها السيولة عارفنهم يبدو من جوة البيت واصحاب الامس
وشركة زين 😆
نحن اقتصاد متخلف بنتعامل مع النقد مباشرة في مشتروات بسيطة
ربع كيلو لحمة وخضار
وسندوتشات
وكراس
وقلم
وحق اللبن
ومع تجار بسيطين
الحكومة زاتها جباياتها المباشرة كاش
المكنة حقتهم مافيها شيكات
|
Post: #12
Title: Re: استخرج اهم معلومة ليك جائزة
Author: اخلاص عبدالرحمن المشرف
Date: 09-20-2018, 05:15 AM
Parent: #8
السلام عليكم
الحل سياسي
تغيير العملة مكلف
طبع العملة zero value للعملة
الجبايات قتل لما تبقي
الانتاج لا تتوفر شروطه واولها الامن والاستقرار السياسي
شملة كنزة
الاستقرار ثم الاستقرار ثم الاستقرار ولا يتأتي الا بحل سياسي
|
Post: #9
Title: Re: استخرج اهم معلومة ليك جائزة
Author: علاء سيداحمد
Date: 09-20-2018, 05:08 AM
Parent: #6
Quote: البنك المركز تعمد إحداث أزمة سيولة لدفع المواطنين للتعامل بالنقد الإلكتورني لكن النتيجة جاءت معاكسة بأن الجمهور أمسك على نقوده ولم يدورها في المصارف الوطنية ما سبب أزمة سيولة لعدم الثقة في الجهاز المصرفي.
|
بخصوص التعامل الالكترونى المنطق يقول : قبل دفع المواطنين للتعامل بالنقد الالكترونى ان يقوم كل البنوك بتوفير اجهزة نقاط البيع لعملائها من التجار " مجاناً " او برسوم رمزية سنويه
وهذا ما لم يحصل ابداً .. حتى ولو تم توفير تلك الاجهزة لجميع التجار فمشكلة الاتصالات و الانترنت كانت ستكون قاصمة ظهر للتعامل الالكترونى .
الكلام المقتس اعلاه كلام كـــذب صريح وبعيد كل البعد عن الحقيقة ..
|
Post: #11
Title: Re: استخرج اهم معلومة ليك جائزة
Author: علاء سيداحمد
Date: 09-20-2018, 05:11 AM
Parent: #9
من المستحيل ان تعيد البنوك ثقة العملاء المفقودة فى ظل هذا النظام البائس .
Quote: لكي يعيد البنك المركزي تلك السيولة التي بيد الجماهير في البيوت والدكاكين والمزارع للبنوك أمامه حل في غاية السهولة وقد قلته قبل أشهر.
تغيير العملة الورقية وستخرج الأموال بالشوالات من باطن الأرض والخزن إلى المصارف ويقوم المصرف بتسليم كل عميل مبلغ مالي صغير نقداً والباقي يحفظ في الرصيد أو يكون في شكل رصيد إلكتروني. |
|
Post: #13
Title: Re: استخرج اهم معلومة ليك جائزة
Author: عبدالحفيظ ابوسن
Date: 09-20-2018, 05:27 AM
Parent: #11
فعلا اخلاص
الاقتصاد السوداني شملة كنيز الواسعة هي تلاتية وقدها رباعي
خليط يضم كل التشكيلات الاقتصادية المندثرة والحديثة
|
Post: #15
Title: Re: استخرج اهم معلومة ليك جائزة
Author: عبدالحفيظ ابوسن
Date: 09-20-2018, 05:34 AM
Parent: #13
اتفق معك علا
المكنات تخص اورنيك 15 بس
الجهل والفساد معقد استعمالها زاتو
ماشين مدني السواق عندو مخالفة . دفعوهو مخالفة مية ألف . راجي الايصال
الشبكة سيئة .
قالوا ليهو بنرسلها ليك في الموبايل
رفض قال بحاسب بيها والرسالة ناس الشركة ما بعتمدوها . لازم ورقة تتخت في الملف
ونحن كمواطنين مقنبرين في البص .
الموضوع دة اخد ساعة ونص
بعد نقاشات واتصالات يسلمو الايصال للبص الجاي ويسلمو للسواق
المكنات لتوفير السيولة اولا
ولمحاربة فساد موظفين الجبايات اولا برضو
وكلو لمصلحة السلطة الانية ولا علاقة بمصلحة المواطن
|
Post: #14
Title: Re: استخرج اهم معلومة ليك جائزة
Author: Frankly
Date: 09-20-2018, 05:31 AM
Parent: #1
أنا عارف نفسي ما نبي لكن لو دا الظلامي كان قال ليكم عندي لمبة زايدة
Quote: قال محافظ بنك السودان المركزي، محمد خير الزبير، يوم الأربعاء، إن البنك يدرس تعديل التركيبة الفئوية للعملة "تشمل إصدار فئات نقدية جديدة أو إلغاء بعض الفئات" لتتناسب مع معدلات نمو النشاط الاقتصادي في البلاد.
وأشار الزبير، وفقاً لوكالة السودان للأنباء، خلال لقائه بمديري المصارف، إلى الصعوبات التي تواجه البنك والجهاز المصرفي أهمها توفير الأوراق النقدية للبنوك والعمل على تعزيز الثقة بالجهاز المصرفي.
وأوضح أن البنك شرع في معالجة المشكلات القائمة، مشيراً إلى أن المركزي يدرس الآن تعديل التركيبة الفئوية للعملة، وأكد توفير أوراق النقد للمصارف وتفعيل عمليات الدفع الإلكتروني بإلزام كل المؤسسات الحكومية للانتقال للدفع الإلكتروني. |
|
Post: #16
Title: Re: استخرج اهم معلومة ليك جائزة
Author: عبدالحفيظ ابوسن
Date: 09-20-2018, 05:42 AM
Parent: #14
ياها عرفتهم فرانكلي
حليل التعريفة والفريني
|
Post: #17
Title: Re: استخرج اهم معلومة ليك جائزة
Author: عبدالحفيظ ابوسن
Date: 10-15-2018, 03:31 PM
Parent: #16
اياهو القلناهو
ما غايظني الا الاستطلاعات البتشكر في الحكومة لانو مشو الصرافة وصرفو
وناسين دى ما هدية
دي قروشهم حقتهم
|
Post: #18
Title: Re: استخرج اهم معلومة ليك جائزة
Author: امتثال عبدالله
Date: 10-15-2018, 05:37 PM
Parent: #17
ما دام زار مصنع العملة..فان اهم معلومة هي انك حتمشي السوق تشتري قطعة بسكويتة لولدك او ايسكريم لازم تشيل معاك ٤ شوالات مليانة جنيهات وتاجر ليك شاحنة تشحن فيها الشوالات وتدفع لصاحب الشاحنة ١٥ شوال جنيهات عشان يرحل ليك الشوالات الاربعة للسوق...
اها رسل الجائزة الاعلنت عنها وهي التلفون الاندرويد Samsung note 9
|
Post: #20
Title: Re: استخرج اهم معلومة ليك جائزة
Author: كمال عباس
Date: 10-15-2018, 06:43 PM
Parent: #18
اقتصاد السودان
المواطن لايثق بالبنكوك ولا بالسياسات الحكومية !!
في بنية اقتصادية زراعية ورعوية وريفية يعتمد بالضرورة علي التعامل النقدي والكاش !!
سياسة حجب النقد وأرصدة المودعين وحرمانهم من سحب فلوسهم يضعف الثقة بالجهاز المصرفي (-انا حر عاوز. فلوسي كاش وعدا نقدا !! عايز اشتري ومن. يتعامل معي لايقبل سوي النقد !!
* مايحدث نهب مقنن لايمكن ان تحجب مني خمسين مليار بالقديم وقت ان كانت قيمتها تعادل )( اتنين مليون دولار ) وتديني ليها ناقصة نص القيمةتقريبا -مليون دولار بالسعر الحديدة الذي حددته الحكومة ! تعطيني عملة ناقصة القيمة - كان يمكن اشتري بيت فخم مثلا وقت ايداع هذا المبلغ ولكن سعر نفس. البيت يساوي اليوم ضعف مبلغي المحجوز بالبنك منذ اكثر من عام !وهكذا. تدفع هذه السياسات الشائهة لإفلاس الناس وفقدان قيمة ارصدتهم !!
** اذا ما غيرت الانقاذ العملة وحجبت السيولة تماما (يع وكما حجب السيولة النقد - عن مواطن بحوزته عملة صعبة ويريد تحويلها بعضها لنقد سوداني كاش سيجعل هذا المواطن يلجأ للسوق الأسود - سعر أعلي وبديل نقدي كاش! عكس ماتروج له الان) فهذا - يعني فشل سياسة معتز في ضخ النقد وتوفير السيولة !! والعودة او قل الاستمرار في حجب السيولة وهو امر لم يوقف تدهور الجنيه السوداني مقابل العملات الصعبة !
* توفرت السيولة والنقد -في ظل ضعف الصادر وارتفاع قيمة الوارد وضعف الانتاج وعدم الثقة بالجنيه فهذا يعني ان الدولار سيقفز لعتبة التمانين قريبا !
* وفرت السيولة ووب !! !حجبتها برضو ووب ! تحولت الدولة لتاجر عملة مصيبة !تركت الحبل علي القارب لتجار العملة برضو مصيبة !! وسياسة معتز النقدية. من دون رصيد ملياري من الدولارات يغطي اَي طلب علي الدولار لن تحد من التعامل بالسوق الأسود بل تشطه وتنعشه -فااقتصاد السوق يقوم علي العرض والطلب /وفر الدولارللشاري ستتحكم في السوق وإلا ستكون عمدة وخالي أطيان !
* اقتصاد البشير ودميته معتز تويتر بقي عليه حال من تقف علي السلالم ويقال لها -لو طلعتي طالق ولو نزلتي طالق ولو وقفتي طالق ! الموضوع بايظ !! من كل النواحي !بايظ الاقتصاد يدار بعقلية الإجراءات لا عقلية التنمية والسياسات الحكيمة والعقلانية —!سياسة الإجراءات لن تقدم حلا جذريا وعقلية عصابة المافيا لن تدير اقتصاد دولة خصوصا في تفشي الفساد وانعدام الشفافية !
|
Post: #19
Title: Re: استخرج اهم معلومة ليك جائزة
Author: Kamal Alalla
Date: 10-15-2018, 06:41 PM
Parent: #1
كلامو ما فيهو اي معلومة لكن نحنا نديهو معلومة: اي كاش تختو في الصرافات ول تصرفوا لينا عبر كاونتر البنوك ما ح يرجع للبنك تاني (تقة تك وخوة فرتك)
|
Post: #21
Title: Re: استخرج اهم معلومة ليك جائزة
Author: محمد حيدر المشرف
Date: 10-15-2018, 08:37 PM
Parent: #1
سيكلوجية الشعب السوداني الآن
(قرشك ود محفظتك)
قال ينوك قال!!
اجبار الناس (قهرهم) على ايداع النقد من خلال تغيير شكل العملة بصورة كاملة هو اجراء صعب الامكان في الوقت الراهن
قد تطرح فئة جديدة ولكن ذلك لن يحل المشكلة. وستبقى الكتلة النقدية الكبرى خارج اقنية البنوك. ودي ما الكارثة .. الكارثة انو الاحتفاظ بالقروش السودانية خطأ لن يرتكبه سوداني واحد .. يمتلك الناس السيولة الآن (لمن يملكونها) .. وسيقبل الناس على الدولار (لانو ده القرار الصحيح في ظل تخبط اقتصادي كالذي نشهدع الآن)
لا حل امام الحكومة الا انها يكون عندها قدرة على بيع الدولار لمن يشاء بالسعر الرسمي (تقديرا 4 مليار دولار) .. لو ما عندها الرقم ده .. سيتزايد سعر الدولار بسرعة كبيرة
|
Post: #22
Title: Re: استخرج اهم معلومة ليك جائزة
Author: محمد حيدر المشرف
Date: 10-15-2018, 08:39 PM
Parent: #21
لو كنت معارضة هدامة تعمل بكفاءة عالية لاشتغلت على نشر اشاعات واقاويل عن احتمال تغيير شكل العملة .. عشان كل زول يجري الان يبدل قريشاتو دولار
هههههههههههه
|
Post: #23
Title: Re: استخرج اهم معلومة ليك جائزة
Author: عبدالحفيظ ابوسن
Date: 10-16-2018, 05:00 AM
Parent: #22
حبابكم
امتثال
والكمالين
مشرف
تصدقو !!
القروش ما كفت
كملت
اي نعم في ناس صرفو
واصلا كان حاتكمل
لأنهم افتكرو القروش الفاتت كمل . انتهت تبخرت
ودة تقدير خطأ ونتيجة غلط
وين الاوراق القديمة ؟ مشت وين ؟
جيبوها راجعة اول
لأنو ببساطة الجديدة حتحصل القديمة
وحكاية قبضو قروش سودانية خارج السودان حقو يراجعو فيهو نفسهم
هي هنا ما مقضية غرض خلي تمشي برة
|
|