التعايش مع اللامبالاة.

06:49 PM September, 17 2018

سودانيز اون لاين
محمود الدقم-
مكتبتى
رابط مختصر

لا احد يهتم، في السوق العربي تسال الناس رايكم شنوفي الحكومة الجديدة؟؟؟؟ ياتيك الجواب...بالله هي شكلوها خلاااص؟ المركبات العامة تسعر التذكرة علي مزاااجهم والمواطن بدفع عاااادي، قبل فترة اعلن احد الوزراء ان كثير من المخابز تستخدم مواد مسرطنة، والناس بتاكل خبز بشراهة؟، المستشفيات الحكومية تطلب منك شراء الشاش، شراء الدواء، فحوصات بمبالغ خرافية، عندما تحتج يقولون لك ادفع او خذ مريضك من هنا، اسعار دواء السابوفيين مضاد حيوي ضد الحمي خاص بالاطفال سعره في صيدلية ب156ج، وفي اخري ب 200ج وفي صيدلية ثالثة ب 100ج، بعض مطاعم السوريين فيها دود ملوث، الناس بتاكل، يهتمون بشغف عن ارتفاع الليرة التركية، ونقاش حاد عنها، بينما الجنيه السوداني في حالة اغتصاب متكررة، سايح كوري سالني لماذا عاصمتكم بهذه القذارة؟؟؟اجانب يقودون سيارات فارهة من غير لوحات،، الحاصل شنو للناس وجعلهم يتعايشون مع هذه الكوارث؟؟؟لا ادري!!!!

الاخ محمود - مسا الخير
الناس موجوعه ومليانه للاخر مش لاملالاه لكن اعتقدانها حاله ياس.
فالجماهير لاتجد من قياده سياسيه - تجتمع عليها غالبيه الجماهير - حتى تلبى تطلعاتها بعمل ثورى فاعل ورؤيه واضحه حول سودان جديد متماسك النسيج .
التحالفات متعدده والعمل المسلح متعدد فى جبهات مختلفه وبعض هؤلاء واولئك اعجبه ترف الاستسلام للنظام.
قبل 2005 كان الحراك متصل خاصه فى اوساط الطلاب حتى اصبح النظام - من خوفه ورعبه - يغلق الجامعات احيانا لقرابه العام وعوده الطلاب تكون للامتحانات واحيانا الامتحانات يتغير مكانها كما حدث فى جامعه الخرطوم مثلا.
الان بعد الانفصال وضياع القليل من حاله الانفراج بعد 2005 اصبحت ذروه الحراك متباعده 2013 ثم العصيان المدنى ..الاحزاب وين من دا هل قامت بتصعيد الحراك بحوله حاسمه طويله النفس.
بالمناسبه فى ناس كتير كانت مفتكره هبه سبتمبر هى نقطه اللاعوده فى الحراك وكذلك البعض فى حاله العصيان .......
اعتقد الشعب منتظر يقودو تحالف سياسى راكز وموقفو واضح وصفوف متمايزه ....مش رجل فى الحكومه ورجل فى المعارضه..
.
تعليق جانبى :

Quote: لا احد يهتم، في السوق العربي تسال الناس رايكم شنوفي الحكومة الجديدة؟؟؟؟ ياتيك الجواب...بالله هي شكلوها خلاااص؟

كلامك عن ردود الناس فى السوق العربى ذكرنى فى 2015 كل ما اركب امجاد او ركشه يبدا السايق استدارجى للحديث عن الانتخابات فيكون ردى : هو نحنا بالله داخلين على انتخابات ؟ لعلمى انو ديل ادولات النظام لاستقراء الراى العام. عشان كدا ماتسال لكن اقرا الناس فى ردود افعالها فى مواقف كتيره بتفهم اكتر من كلام يتقال باللسان.

شكرا اخ عاصم علي التعليق واعتذرعن التاخير في الرد، طبعا انا تكلمت عن حاجات بسيطة وليس عن حركةاحتجاج سياسي ابدا، يعني ناس دواء، وخبز...الخ، نعم هناك حالة قهر وترقب لما هو ات نسال الله السلامة، وتسلم كتير مرة اخري.