امس صديقة في الواتس سألتني منه عارف قصة سارة رحمة ؟ قلت ليها لا !! وحكت لي !! حولااااا !!!!؟؟
Post: #3 Title: Re: سارة رحمة Author: Ahmed Tuhami Date: 09-17-2018, 10:11 AM Parent: #1
حكاية عجيبة يااااخ
Post: #4 Title: Re: سارة رحمة Author: محمد عبد الله الامين Date: 09-17-2018, 10:16 AM Parent: #3
مواسير السوشال ميديا تزداد يوما بعد يوم
Post: #5 Title: Re: سارة رحمة Author: الامين محمد علي Date: 09-17-2018, 10:44 AM Parent: #4
كما اتوقعت:
سارة رحمة آخيراً في الحوش!
تحياتي يا عبدالحفيظ.....
غالباً سيكون لهذه القصة ما بعدها.
Post: #6 Title: Re: سارة رحمة Author: محمد البشرى الخضر Date: 09-17-2018, 11:07 AM Parent: #5
تحياتي يا قريبك استدعت للذاكرة قصص مرت على المنبر من لدن رودا مردا و سوركتي و آمنة عبد الكريم وعبّاس الضو وبوكرامي و الدرويشة و الكنج (لاير) ووفاء الجاسم وغيرهم بالمناسبة وفاء الجاسم دي الوحيدة القصّتها نجضت تمام و انقطع شكّها باعتراف صاحبها ناس الدرويشة و الملك لير اتعرفوا لكل ذي عقل لكن اسيادهم كابروا و ابوا يعترفوا فعفيناهن.
المهم القصص دي توضّح مدى هشاشة الوعي السايبري السوداني و براءته و الاستعداد للتصديق و المشي في ركاب اي سراب دون ادنى وقفة للتحقق و اللحث عن المنطق خاصة لو كان الوهمة كمان فيها نضال أمّا اسوأ شي فهو من يتبرّع بتأكيد مصداقية الوهمة ويغالط ويشاكل كمان المشككين
Quote: غالباً سيكون لهذه القصة ما بعدها.
لا اعتقد يا الأمين, يومين تلاتة الناس تنبح وتعيد وتزيد في القصص والكل يعمل فيها بطل وكنت شاكي و بتاع, اسبوع بالكتير الناس تنسى و تستعد لركوب الماسورة الجديدة- خاصة لو خاتة ليها صورة سمحة كدا
معليش كنت مافي حبابكم جميعا قالوا عندها سرطان وقصة طويلة وتعاطف معاها وناس تكتب للمؤازرة وماتت ونعوها بكاء شديد اكتشفو انها شخصية غير حقيقية دى القصة صديقتي كانت مأزومة جدا من الحكوة دي مدبرسة عديل كدة قمت خشيت الفيس وفتشت لقيتها شخصية غير حقيقية الملاحظ انها ما تلقت دعم مالي ولا استغلت زول
Quote: الملاحظ انها ما تلقت دعم مالي ولا استغلت زول
يازول الموضوع لسه مسخن و فتح شكوك في ناس تانين قد تطال او طالت اعضاء في سودانيز و الفيس طبعا لا فيه مجاملة و لا سحب بوستات و لا تحديد مداخلات شغل نضيف ... 😂😂😂😂😂
أمس دخل البيت 12 مساء زميلة المنبر سألتني بتعرف سارة رحمة؟ قلته ليها هي بتعرفني قالت؟ قالت لي لا بالجد بتعرفه قلته ليها عمري ما سمعته بيها و حكت الليلة القصة قلته ليها في كلام كتييير زي دا و في اتهامات لناس كتيرة و أشهر اسم متهم انا بعرفه هو أخونا دينا خالد. المهم الوصية بالمهلة :- يا ناس ركزوا في المكتوب فقط و ما تمشو وراءهو
Quote: يومين تلاتة الناس تنبح وتعيد وتزيد في القصص والكل يعمل فيها بطل وكنت شاكي و بتاع, اسبوع بالكتير الناس تنسى و تستعد لركوب الماسورة الجديدة- خاصة لو خاتة ليها صورة سمحة كدا
يا فقر الموضوع دا متشعب و متفرع و مشربك شديد... و لغاية الآن اتكشفت فيه بلاوي ... و بعدين السيء فيه اللعب بالمشاعر يا فقر الموضوع دا شحمان شديد و ما بنتهي قريب دا غير انو فتح حالات تانية برضو حامت حولها شكوك كتيرة ... و طبعا في الفيس اللخ بدون مقص الرقيب و بدون مجاملات ... *****************
Quote: المهم الوصية بالمهلة :- يا ناس ركزوا في المكتوب فقط و ما تمشو وراءهو
يازول هوي التخفي دا مرض ...... كيف ادخل لي في حوار او نقاش مع زول او زولة مجهولة ... ؟؟؟؟ غلطتي تتحسب علي و غلطتو هو تتحسب على مجهول ... ؟؟؟؟
Elzubair Abdelhag Mohamed خنساء البدري شخصية وهمية . قصور ادوات القياس و متلازمة انعدام البطل في الشخصية السودانية تشكل ارضية خصبة للمتسلقين وبائعي الاوهام وحاجز للانتقال لمستوى اعلى طالما كنا نغلف ذلك القصور بأنه (طيبة زايدة) وفي الحقيقة هذا ليس من مصلحتنا في شئ . لذلك اشجع ممارس النقد بقوة في مثل هذه الامور شخصية خنساء البدري تجسد صورة البطل المفقود وفي محاولة بائسة تريد ان تكون جيفارايا صغيرونة تكتب عن نضالاتها وتلقى القبول و التهليل تزور 26 قرية ومدينة حول 9 ولايات مختلفة وكل ذلك تم في 12 يوم ، نعم يا سادة 12 يوما وبطائرة خاصة عمودية ، اذكر لك بعض انجازاتها خبيرة دعم تقني لدى ماكيروسفت Microsoft بروفيسور سابق لعدة جامعات منها اوكسفورد Oxford مستشارة لدى سوني اريكسون Sony Ericson رئيسة قسم التصميم ومديرة مشاريع لشركة Konami
كل باقي المعلومات كانت متوفرة على حسابها المحزوف حالياً
ندخل في العجيب
قبل فترة دخلت حسابها لقياس مدى صحة التفاعل الموجود والحقيقة اللتي يدركها كل شخص يمتلك مهارات ولو بسيطة في الانترنت هي انه ما ان تجد صفحة او شخصية عربية معظم تفاعلاتها ولايكاتها من الاسيويين اعلم جيدا انها غير حقيقية ، يمكنك شراء لايكات و تفاعلات بصورة رخيصة من الاسيوين . لديهم مزارع لايكات حرفيا .
-الشئ الثاني لا وجود لهذه الشخصية على الانترنت غير تويتر و منتدى سوداني بسيط .. ويبدو انها نسيت ان تشتري تفاعلات ومتابعين على تويتر ولا وجود لأي مصدر لها في الانترنت
-ثالثا: من انجازتها الاكاديمية من دكتوراه و غيره يجب ان يكون عمرها فوق ال50 وتبدو شابه تحت الثلاثين اذا وضعنا في الاعتبار ان صورتها حقيقية .
-رابعا: لا يوجد اي توثيق بصري لما تقوله absolute texts
-يوجد لها صورة واحدة فقط ، قمت بعمل مطابقة للصورة ولم اجد واذكر ان هذه التقنية في بداياتها اي انها ليست دقيقة وفعالة
اهداف الحساب الوهمي -خنساء البدري- غير معروفة ربما تكون ربحية بغرض بيعه ما ان يصل عدد متابعين معينين او recruiting الاحتمالات مفتوحة
تعديل وإضافة
انا كنت 90% مقتنع انها غير موجودة بعد كتبت البوست والشباب ما قصروا في التعليقات اتأكدت 100%
1/ يوجد هنالك صور في صفحتها تدعي فيها ان مايكروسوفت كتبت عنها في الفيسبوك " .K.Albadri is one of the best hackers in the world doing code tutorial . وفي الحقيقة بحثت في كل المواقع المعروفة عن درس او فيديو واحد ليها بتدي فيهو coding tutorial .وما لقيت ولا في Udemy ولا code academy ولا w3schools ولا اي موقع كورسات ..
2/ اخدت سكرين شوت لواحدة من بوستاتها بتدعي كذلك ان الشخص الموجود في الصورة هو زوجها ومن الصورة يبدو انه يعمل في مايكروسوفت .. بجهد بسيط اخونا عمل search by image وطلع الزول مجرد موديل African American ..
3/ كاتبة في بروفايلها انها عملت PHD software engineer في جامعة sorbonne الفرنسية وطبعا ماف مجال زي دا في الجامعة دي والجامعة معروفة بالمجالات الادبية فقط ..
4/ لم اجد صفحة او مقال او موقع لمركز ميماتي لرصد الماس السوداني لو لقيتو دلونا والحجة لا تزال قائمة
5/ لم اجد واحدة من اوراقها العلمية المعتمدة الخاصة بها وعددهم 13 في محرك google scholars
في الاخير اصبح واضحا ان الله لم يخلق من تسمي دكتورة خنساء البدري وانما موجودة ك virtual character وحالياً أغلقت حسابها على الفيسبوك بعدما كشفت حقيقتها .
من هي الدكتورة سارا عبدالرحمن رحمة.. sara rahma التي شغلت موقع الفيسبوك.. والتي ادعت عملها في منظمة دولية.
دخل إلى قروبات نسائية وكشف أسرار أسر.. واطلع على خصوصيات.. وتجاوز الحرمات..
هل منتحل شخصيتها مريض نفسي؟
لماذا يتعامل الأسوياء مع شخصيات غير معروفة لديهم.. وتمليكم أدق تفاصيل حياتهم الشخصية؟
هذه المدونة المنقولة كماهي دون أي تبديل تكشف عن منتحل الشخصية..
كتبت تسأؤلات وملاحظات حول سارا رحمه ومن خلال تداخل الزميلات في القروب بدت تتضح بعض الخيوط وال بي منطق واحد بتقول انو سارا رحمه شخصية وهمية لاسباب كتيرة ،اولا سارا ماتت لم يظهر ليها اي اهل او اقارب او اصدقاء دراسة او اصدقاء عمل او جيران وده كان ڜئ فعلا يدعو التساؤل وكل الناس النعت سارا وبكت سارا بناء على بوست من شخصية مجهولة تدعى كماله وفي زميلة في مهيرة فتشت كيجالي عدله قلبه مستشفيات وكالات UN وحتى القنصلية عشان تساعد في اجراءات الوفاة ولم تعثر على اي طرف خيط او شخص حي او متوفى باسم سارا رحمه ..بعد داك بدت تترابط الخيوط كمية من المهيرات في تداخلم اتضح انهم عرفو سارا في مهيرة وهي بدورها عرفتم بي الفنان علا الدين سنهوري مما دفعنا للشك أن علا سنهوري خلف خلق سارا رحمه لحدي ما ظهرت رزان هاشم مخرجة العمل الفني الاخير للفنان واتضح انها عرفت سارا رحمه في مهيره وعرفتا بي سنهوري لكن الغريب أن رزان لم تلتقى سارا على ارض الواقع ولم تتحدث معها هاتفيا اطلاقا و كان التعامل عبر الايميلات مع العلم انو رزان هي المخرجة وسارا هي المنتجة( حتى لمن تراسل سارا رزان و رزان ما ترد بتصل بيها سنهوري يقول ليها افتحي النت وردي على سارا) والتمويل تم من سارا عبر اشخاص مجهولين لي رزان بتبرير محير انو سارا ما حتقدر ترسل مباشرة من اسما لي اسم رزان حتى لا تشك وكالات ال UN انو سارا بتمول عمل مجهول (يا سارا دي قروشك وانتي حره فيها ياخ ال يو أن ما عندها شغلة مع قروشك بعد تصرفا ليك) .. وهنا بدت تتحول شكوك الناس لي يقين انو ماف سارا وانو سنهوري خلف الحساب الوهمي ... بدت الناس تسال و منتظرين جثمان المتوفيه العزيزة علينا كلنا يقوم يظهر سنهوري ويدعي انو الدفن تم في اثيوبيا بناء على رغبة المرحومة طيب يا جماعه ما عندها اهل هنا نصل نعزيهم الزولة دي صحبتنا وحبيبتنا ف يظهر سنهوري بحجة جديدة انو ماف عزا في السودان بناء على وصية و رغبة المرحومة وطالما كل اسئلتنا اجاباتا الغير منطقية بتصدر عن سنهوري كان حتمى تتجه الشكوك ناحية انو سارا هي سنهوري وسنهوري هو سارا..خلال نقاشنا في مهيرة لجمع الخيوط كان سنهوري متابع الحوار واتصل على كم شخصية داخل مهيرة و كان بناقشم في مداخلات قاعدة جوه البوست ولمن حس انو حينكشف اتصل على لدن جعفر ال هي ادمن في صفحتو الجماهيرية ((ولدن بالمناسبة عرفت سارا في مهيرة وسارا بدورا عرفت لدن على سنهوري ال طلب منها تدير بعض شئون صفحتوا الجماهيرية و وافقت لدن ولمن تكون سارا ك ادمن عايزة تتواصل مع لدن في امر طارئ بقوم سنهوري يتصل على لدن ويطلب منها ترد على سارا.. بعد داك اتضح أن سارا ما قعد تتصل على اى زول في عالمنا الظريف غير سنهوري وده طبعا لانها قاعدة في خيالو فقط وطلب من لدن جعفر توصل لي رغبتو في اني امسح البوست و اتواصل معاهو واتصل على رزان وعلى ميساء وكان متابع حوارنا كلمة كلمة ولمن اسقط في يدو وعرف انو البوست اصبح ملك العامة واني ما عدت املك حتى حق ادارته او حذفه وانو تفجرت مئات البوستات في القروبات الاخرى وعلى صفحات الناشطين الشخصية وانو الامر اصبح خارج فعليا عن والسيطرة.. وفي اثناء ما المهيرات رجعو لي حساب سارا للبحث عن حقائق تؤكد او تنفى الشكوك فجاءة دخلت سارا المرحومة لي حسابا و ظهرت لي انا شخصيا اونلاين ثم اختفى حساب المرحومة سارا رحمه ودي كانت اهم نقطة بتؤكد أن هناك شخص مجهول يقوم بادارة حساب سارا رحمه ..ولمن بدينا نتناقش حول شخصية كماله النقلت خبر وفاة سارا تم قفل حساب كماله وايضا حساب سنهوري ولم قرا سنهوري من جوه البوست انو المهيرات متابعات حركة حساب كماله وسنهوري رجع فتح حسابو(كلامي ده بقول باعتبار انو حساب علا بيديرو علا طبعا دي ما فيها شك) وبرضو رجع حساب كماله اشتغل من جديد بإرادة الشخص المجهول ال قاعد خلف حساب كماله.. بعد داك طلع الكلام بره مهيرة وبدت جهات معنيه بالمسالة تراسل ال UN و وكالاتها في افريقيا وكانت تتواصل النتائج انو لا توجد هذه السارا رحمه ضمن استاف ال UN او UNHCR.. طيب من خلال كلامي اعلاه عايزة اقول بقلب مطمئن انو سنهوري خلف حساب سارا وكماله و ديل ال٢ هم الادمن بتوع صفحتوا الجماهيرية وما انسى اقول ليكم اتضح انو حساب كماله برضو طلع حساب مفبرك.. مفترض نحن كمهيرات بالتعاون مع ادارة القروب نحاول نلقى طرق آمنة للاضافات بما يضمن فعلا سرية القروب .. بالنسبة لي سنهوري حتى هذه اللحظة لم يتم اثبات انو استغل سارا او كماله للتكسب المادي(ده ما بمنع اني اقول الاسرار العرفا سنهوري عن البنات عبر حسابو الوهمي بي اسم سارا ربما تشكل خطر عليهم ولكن ارجع اقول القانون لا يحمي المغفلين والمغفلات) بل استفاد سنهوري من سارا لادارة حملاته الفنية ...واحيانا لعقد صداقات عبر سارا ال بعد داك بتقوم تعرف الصديقات الجدد بي سنهوري لذلك ليس هناك جريمة مادية (تتعلق بالاموال) لكننا تضررنا معنويا ونفسيا .. هسه المتضرر الاكبر من القصة دي هي الدكتور هند عبدالعال زوجة سنهوري حتى لو كذبت تحليلاتنا ببقى اصابا رشاش حوارنا و ارفاقنا لسيرة زوجها و سيرتا في ظل البوستات الاحتدمت .. انا اصالة عن نفسي يا دكتورة هند بعتزر عن اي حزن اصأبك ولكن ما باليد حيلة في سبيل تمليك الحقائق لناس تم استهلاك زمنا ومشاعرا و دموعا في قصص سارا البطولية الانتهت بموت سارا ..احيانا الحقائق بتوجع لكن علينا تقبل انو ده الواقع عشان نعرف نتعامل معاهو.. يلا يخوانا الفراش اترفع وكل زول يدور عجلوا ويشوف بيتو بي وين الفاااااااااتحة
السبب الأول، معرفتي الشخصية بعلاء سنهوري. السبب التاني، مسألة إنو علاء بيدير حساب صفحتو الجماهيرية بنفسه دي عندي ليها فهم بيناقضها.
اخونا محمد ابوالعزائم حسابات كتيرة حايمة حول سنهوري طلعت مضروبة و سارا رحمة دي تحديدا شغالة شكر فيه و زي اختو قالت و حاولت تخطب ليه كم واحدة و كلو بالدليل طبعا ... زولك دا في ورطة كبيرة 😂 ************************
Quote: مالك يامحمد البشرى ما ذكرت دينا خالد ضمن الشخصيات غير الحقيقية
خاف الفقر يا معز ياخ .... 😂 ناس الفيس ما استثنو زول او زولة حتى (ورثة) ملايين الدولارات جهجهوها ليك ... 😂😂😂
انا ما بعرفو يا ابوالريش وسمعت بيهو يا دوب الكلام العنو زول بغني اغاني وطنية وثورية ايام الجامعة ليهو سنة شغال مع اطفال في تعليم الموسيقي والغناء سارا رحمة رسلت رسايل لي بنات محددات بالاتصال بيهو وادتهم رقمو عندي سكرين شوت للانبوكسات الناس البعرفوهو مذهولين لكن الاتهام بلف ويجيهو دة القريتو من عشرات المنشورات اكتب في الفيس sara rahma وابحث ح تنخلع
Quote: استدعت للذاكرة قصص مرت على المنبر من لدن رودا مردا و سوركتي و آمنة عبد الكريم وعبّاس الضو وبوكرامي و الدرويشة و الكنج (لاير) ووفاء الجاسم وغيرهم
صحي يا محمد احتيال . ما بالضرورة مصلحة مالية . الالم النفسي والحزن والكآبة الاصابت المتابعين والمهتمين ذات ضرر نفسي بليغ ابوالريش بكون ما متمرن يا سفيان 😆😆 وجدت بعض اسماء البورداب مشاركين يا بهاء ودة مثبت ولا كلام فيس ساي 😆😆 يا قريمان الصورة ليست اثبات بكري لامن قدمت طلب طالبني امشي لي زول في كوستي بوردابي ومشيت ليهو وطلبت منو انو يكلم بكري في الايميل انني شخص حي اكل واشرب وامشي في الاسواق وانكح النساء بدليل الصورة المعلقة فوق دي والزول صهين وسكيتو رسل ما رسلت رسل بقيت ليهو في العزيزة قال لي ايميل بكري راح مني اديتو ليهو الباص ورد راح اجي يا كدة 😠😠 ولي سنوات ما خشيت المهم شيل دق حتي قبلني هسة لو داير صورة من جوازي بي اسم مختلف ومهنة مختلفة وصورة زاتو برشها ليكم ممكن صورة انتاية كمان 😆😆
اتفق معاك النزير عشان كدة ما بالحيل عليهو صحي يا ناصر قصة عماد اب شيبة خلقت هزة واحدة من اشكالياتنا في الداخل كبورداب . الزنقة البنخش فيها لتكذيب الاخبار يضرب لي واحد بخصوص خبر لافي انو كوستي فيها مظاهرات وووو ولا زول يكتب كدة . تكتب تكذب يطلعوك جدادة وحاضنة كمان زمن سعار ولا تقرا عن تحرك غدا كاتبو زول انت بتعرفو شخصيا برة السودان . وتنسيق وكدة تسكت بس حتي لا تتهم في دينك وصوت عقل مافي للاسف حتي هنا في البورد النضال ان تكتب فقط الاخبار او تتابعها وتوزع الاتهامات
زاملت علاء سنهورى قبل سنوات فى احدى الشركات الخاصه فى الخرطوم لفترة ليست بالقصيرة علاء راجل محترم ومهذب وأشك فى الكلام الاتقال عنه !!
Post: #37 Title: Re: سارة رحمة Author: عمر نملة Date: 09-18-2018, 11:27 AM Parent: #35
سلام الانطباع المسبق لادانة او عدمة لا يفيد في القضايا المصيرية لعل اخطر قضية مرت على المنبر هي جريمة ماليزيا وكان الانطباع واضح من ممن طرح القضية بتجريم مهند ليس الا لانة حر نفسة بما يلبس وطريقة شعره وبنطلونة كلها دفعت لتجريمة والسؤال البيطرح نفسه في اي قضية ما هو الدافع لمن يسلك هذا السلوك يعني السنهوري ايه دوافعه..بالله فكونا من حتة مريض ومعقد ومفكك.وماهي دوافع من يحاول يشربك الاحتمالات حتى يصورها بانها حقائق
صحي مزمل كل ما قلته عنه قاله غيرك . اشادوا جدا بسنهوري كشخصية حقيقية يعرفونها . جلهم مندهش ومنكر.. ومستبعد ذلك ولكنهم حياري امام دلائل الاتهام . خيوط تقود نحوه اتمني ان تنجلي الحقائق مبرأة اياه عودا حميدا عمر نملة سعيد بطلتك بعيدا عن اسم الاتهام المذكور سألت من اخبرني وغيره ماهي المصلحة المرجوة من ذلك ؟ لأي فعل مخادع هدف مسبق لا اجابة محددة هل هو مريض بجذب الاهتمام اثارة الناس يسعي لكسب مصالح غير مادية زئر نساء المهم لا احد اجاب اجابة منطقية مخلوعين ومندهشين
Post: #40 Title: Re: سارة رحمة Author: احمد عمر محمد Date: 09-18-2018, 12:23 PM Parent: #37
يا ابوسن الكلام ده هو مربط الفرس
Quote: لماذا يتعامل الأسوياء مع شخصيات غير معروفة لديهم.. وتمليكم أدق تفاصيل حياتهم الشخصية؟
اظن ان سودانيز هي مستودع هذه الشخصيات الهلامية او الشخصية المتخفية وهي في الاصل شخصيات حقيقية. البعض يتسأل يقول ما الفائدة ان الشخص لم يجني اي مال من المتابعين او المتعاطفين وهنا ايضا مربط الفرس لان الشخصية هذه تتلقى المقابل من جهات ثانية وعدم تلقي هذه الشخصيات اي مبالغ بل وربما تقوم بدعم البعض فأن الهدف تشعر وكانه استخباراتي لجمع معلومات معينة من شرائح معينة ولفترة زمنية محددة وتنتهي الشخصية غالبا متى ما استفدت اغراضها و يتم هذا بموت الشخصية تماما كموت بطل الفليم الهندي وهذا عمل استخباراتي بحت.
من قبل كانت هناك شخصية اريترية وفيما بعد حين انكشف امرها كانت الشكوك والسهام موجهة على احد عضوية سودانيزاونلاين و الذي انكر صلته بها. هنا يتضح لك ان الموضوع اساسا يتم طهيه على نار هادئة و يحتاج لزمن لتأكيد نضجه وان صاحب الحساب شخص موجود و حتى يكتسب مصداقية متابعيه ويكون فيما بعد دخل العضم وانجز المهمة التي من اجلها قام بانشاء الحساب وربما تكون شخصية مريضة وهذا ايضا افتراض مقبول المهم في الامر العالم السايبري اصبح ملغوم ويحتاج لحذر شديد والواحد ما ينداح حتى لا يجد فجاة ان بضاعته وخصوصيته مفروشة تباع في الاسواق ويغني ظلموني فيما بعد.
الكلام الان عن حصول الحساب الوهمي علي معلومات اسرية حساسة جدا وكلام عن اسكرين شوت طلب شغل فى UN يقال انها اقرب للاتجار بالبشر (دعارة) المهم كلو كلام حتى الان ولا احد يعرف حقيقية الموضوع . رؤيتي الشخصية انها محاولة تشغل الناس عن مشاكلها الحقيقية
صحي خالد كمية من الاسرار التي تخص النساء . فالحساب امرأة ويتخير صداقة النساء وونسة المرأة مع المرأة تختلف وبي اثباتاتها بالاسكرين شوت صرف نظر ؟ ما اظن ! هي قضية شخصية جدا وذات هدف شخصي دة في تقديري
من طرائف البوست اتصل بي العزيز / عاطف ابراهيم العضو الزكاني لي بكري اتخيلتو قرا البوست اتصل بي بعد سنوات طلع ما قراهو قال اتذكرني وطول مني كلمتو بالبوست لسة الباص ورد رايح
الموضوع سخن ... قالو الراجل اعتذر و قال هو مريض نفسي .... و هنالك بعض الاقوال بأن بعض الفتيات تعرضن للتحرش بعد إرسالهن بواسطة سارا رحمة لمعاينات للعمل .... !!!!!!!
Alaaddin Mahmoud Alaaddin Mahmoud كشف حقيقة أخطر شبح اسفيري في السودان #سارة_رحمه😨
أشعل اعتراف الفنان علاء الدين سنهوري عن إنشاء حسابات وهمية بأسماء (سارة رحمة وكاميليا التجاني) مواقع التواصل الإجتماعي، بعد أن أحدث جدلاً مستمراً خلال الثلاثة أيام الماضية، وإنقسم المتداخلين بين ناقم على ما أقدم عليه علاء بالقرصنة على معلومات بعض الشخصيات ومستنكر وجودة لسنوات وسط قروب (مهيرات) الخاص بالنساء والبنات السودانيات.
وظهرت موجة غضب وسط رواد مواقع التواصل الاجتماعي من وجود علاء سنهوري لسنوات طويلة في قروبات البنات الخاصة التي تحكى فيها أسرارهن ويناقشن فيها مشاكلهن.
وطلب علاء الدين من أصدقائه واسرته السماح لأنه لا يجد تبريراً لخلقه شخصيات سببت الأذى للآخرين.
وذكر غازي الريح سنهوري في فيديو مباشر بموقع التواصل الإجتماعي (الفيسبوك) أن (كاميليا وسارة) من صنع علاء الدين من أجل الترويج لمشروعه الفني. وقال غازي (إن علاء مصاب بمرض نفسي يؤدي إلى تعدد الشخصيات، لذلك اختلق شخصية سارة رحمة وكاميليا). فيما اعتبر بعض رواد مواقع التواصل الحديث عن اصابة علاء الدين بمرض نفسي حيلة للتهرب من المسئولية الجنائية لإستيلائه على آلاف من السير الذاتية من خلال الإعلان عن وظائف بالأمم المتحدة عن طريق سارة رحمة، وإطلاعه على اسرار البنات في مدموعة مهيرات التي قضى بها زمناً طويلاً.
وسارة صارت شخصية مشهورة في قروب مهيرات، الذي يضم مئات الآلاف من السودانيات خارج وداخل البلاد، وأنشات علاقات مع عدد كبير من البنات في القروب، واصبحت من نجوم القروب. وعندما أعلنت أنها مصابة بمرض السرطان تعاطفت معها البنات، وصرن يتابعن حالتها يوم بيوم، إلا أن كتبت مقال عن الموت، بعدها أعلن علاء الدين وفاتها، وذكر أن الدفن تم في اديس أبابا حسب وصيتها وان أهلها لن يقيموا عزاء أيضاً حسب وصيتها.
وكان علاء إختلق شخصية سارة رحمة، التي تعمل في الأمم المتحدة، وهي من مدينة مدني، وتعاني من مرض سرطان الدم، وتقيم في باجمبورا. وسارة التي رسمها علاء الدين من محض خياله إنسانة لدرجة بعيدة تساعد الجميع، وكل ذو حاجة تدله على أن علاء افضل من يقضي لها حاجتها وتوزع أرقام تلفوناته. وأضاف عليها حالة من الحزن والعاطفة المتعطشة لزوجها الذي توفى في فلندا قبل تسع سنوات ولم تتزوج عليه، وهي تذكر شهوره التسعة التي قضاها معها.
وحازت سارة على درجة كبيرة من الشهرة وسط رواد مواقع التواصل الاجتماعي، جعلتها تتصل بالمخرجة رزان هاشم لإخراج عمل للفنان علاء الدين سنهوري، وكان علاء نفسه حلقة الوصل بين شخصيته المتوهمة (سارة رحمة) ورزان، التي أخرجت العمل الذي مولته سارة رحمة دون تحديد سقف لم تتحدث معها بالتلفون وإنما عبر الماسنجر، وعندما تفقد الاتصال بها تتصل على علاء الدين. وذكرت بعض المهيرات أن سارة رحمة تعرفت على لدن أدمن صفحة مهيرات على علاء سنهوري وصارت تدير صفحته.
واحدث خبر وفاة سارة رحمة موجة حزن كبيرة في مواقع التواصل الاجتماعي، فقد وضعت صورتها في بروفايلات الناشطات السودانيات وعزى بعضهن البعض الآخر، لكن لم تعثر إحداهن على منزل ذي سارة رحمة
المصدر : موقع أخبار السودان #أمان_الكتروني #سؤال_ميديا #S Manage Like · Reply · 2h Alaaddin Mahmoud Alaaddin Mahmoud بيان من فريق إنتاج كليب غناء المطارات البعيدة حول الحسابات الوهمية لعلاء سنهوري
1- شخصية سارة رحمة، شخصية معروفة عبر بوستات وماسنجر الفيسبوك لبعض طاقم العمل منذ سنوات، وكانت تبدو شخصية طبيعية ولطيفة جدا، ولديها مجموعة كبيرة من الأصدقاء المشتركين مع العديد من أفراد فريق العمل، إلى أن سمعنا بنبأ وفاتها بالسرطان قبل أيام، ثم خبر أن الحساب وهمي يديره علاء سنهوري متستراً. 2- في 2018 تواصلت شخصية سارة مع المخرجة رزان هاشم لإنتاج كليب غنائي لصالح علاء، وإلتزمت بتمويله، وحولت جزء من المبلغ مسبقاً مما ترك إنبطاعاً بجدية وموثوقية الإنتاج. 3- بسبب إستحالة التحويلات المالية من الخارج عن طريق البنوك السودانية، تم التحويلات على 3 دفعات بواسطة أفراد مسافرين للخرطوم، وليس جهات مجهولة كما تداول البعض. 4- أثناء فترة التصوير إزداد تواصل الجميع مع حساب سارة رحمة، وبالذات البنات وإتفق الجميع على أنها شحصية محببة ولطيفة. 5- آخر خطوات الإنتاج نفذها أحمد بحار وهي تصحيح الألوان، وقام برفع الفيديو على صفحة علاء بالفيسبوك، حيث تم إضافته كمشرف، وقام بحذف نفسه من قائمة المشرفين بعدها مباشرة، ثم أنشأ قناة يوتيوب بإسم علاء ميوزك وسلم بيانتها لعلاء، ليفاجأ لاحقا بمنشور يعلن تسميته كمدير لقناة علاء على يوتيوب. 6- بعد الإلحاح ليومين عبر الهاتف، إعترف علاء سنهوري لأحمد بحار ظهر يوم 18 سبتمبر 2018 أنه هو الذي أنشأ الحسابات الوهمية المعروفة بإسم سارة رحمة وكمالا التجاني. 7- إننا نرى أن الإعتذار المكتوب الذي نشره علاء على صفحته، وحتى الفيديو المباشر للأخ غازي الريح نجدهما غير متوافقين إطلاقا مع حجم الأضرار الكبيرة التي حصلت للأشخاص، والشروخ الكبيرة التي تحدث الآن في المجتمع الرقمي السوداني. 8- نحن لا نشعر أن علاء سنهوري مريض نفسي أو مصاب بالإنفصام، بل نراه شخص عاقل إنساق وراء نفسه، أو أغراض أخرى، ورغم عدم تضررنا مادياً، إلا ان الخسارة الوجدانية والأجواء المسمومة التي نعايشها لا تغتفر. 9- بعيداً عن الفيديو فوجئنا بحجم الحالات التي تعرضت لأضرار بأشكال مختلفة نتيجة للتواصل مع حساب سارة رحمة، والبعض منهم/منهن داخل فريق العمل، ونشدد على ضرورة القيام بإجراءات دقيقة للآتي أولا: لمعرفة الحجم الحقيقي للجرائم المحتملة، حيث تواترت إفادات مختلفة عن إنتهاكات للخصوصية، وتسريبات، وغيرها. ثانياً: لتحديد إجراءات موثوقة لجبر الأضرار المتعلقة بالخصوصية والمعلوماتية، بالإضافة للتوافق على وسيلة لجبر الأضرار المعنوية الناجمة عن مجمل فترة تزوير الحسابات. 9- بعد هذا كله، لا تزال بعض النقاط والأحداث غامضة و غير مفسرة، ونعتقد أن السيد علاء سنهوري وربما أطراف أخرى مدينون لنا وللجمهور بتوضيحات وتفاصيل حقيقية. عن فريق إنتاج كليب غناء المطارات البعيدة رزان هاشم ... المخرجة أحمد بحار ... مدير التصوير
*لن تقوم ثورة شعبية قريباً. *علاء الدين سنهوري خطير. *الصدمة واجبة في كل شئ في حياتنا ليتعيد البعض وعيه. ------------------------------------- تعرف زول وتصادقو وبعد كم سنة من اللقاء اليومي تكتشف انو الحرامي البنط ليك بالحيطة كل يوم والبطعنك في ظهرك كل يوم والبنقل اخبارك الدقيقة كل يوم والبستغلك كل يوم هو نفسه صديقك وليس آخرين ...!!!!! وبعد يمرمطك ويدشدشك يجيك ناطي ويقول ايك آسف انا غلطان أعفي لي ثم يستدرك ويقول ليك أدعو لي بالشفاء . *........* الإعتذار فضيلة وقوة .... ولكن أدعو لي بالشفاء دي دغدغة مشاعر وعواطف .. لست بصدد الحديث عن السنهوري فلقد سبق ان كتبت عنه بعد الأزمة أنه ماهر ومحنك في قدرته على ارتكاب جرائمه ولكن انا بصدد عشرات الذين قبلوا اعتذاره ( مركبا فيهم ماسورته) للمرة الثانية على التوالي ... أي إعتذار وعن اي شجاعة و(ياتو ) مرض ... مالكم ساذجون ... مالكم دوما ايها السودانيون هكذا .. سنهوري بسارته شغلكم لاعوام عدة واتلف اعصابكم لشهور ثم انزلكم في حفرة وبعدها جاء وتبرز على رؤوسكم ..تقولوا شجاع ومسامحنو .. انا أعرف صديقة لي ول سارة رحمة حية تمشي في الاسواق وتأكل الطعام أقامت سرادق عزاء بصدق وزرفت دما ثم عادت كل الناس بمن فيهم أنا حينما تحدث الناس عن خرافة سارة وسوء سنهوري وقفلت صفحتها لان الناس لا ترحم سارة في قبرها وهذه الصديقة نقلت كامل بيتها وحياتها لصديقتها سارة ولا تقبل اي نقاش فيمن يكذب وجود سارة ... الان صفحتها مقفولة وقالت لي بالحرف الواحد ..لا ترسل لي اي شئ وساقفل صفحتي عنكم وعن سوئكم ... ( هسه المسكينة بتبكي على سارة من اول امس لا يمكن الوصول اليها)... ياااا أيها الذين يعتبرون هذه الوسائط مكانا للتنزه وقضاء الحاجة ثم تقفل جهازك وتنوم كأن لم يكن شئ..اصحوا ... الفيس والواتس شارع ومدرسة وحي ومتجر ومكان للتعبد ...باختصار هو نفس الكون في علبة .. كيف ترون ان سنهوري شجاع !!!! عبر هذه الوسائط كانت الثورة المصرية والتونسية وكانت انتفاضة سبتمبر السودانية التي راح ضحيتها اكثر من ٢٠٠ شاب سوداني ... عبر هذه الوسائط ندير اكبر المؤسسات التي تخدم مرضى السودان وعييييك .. سنهوري شجاع واعتذر بهذه البساطة !!! عشرات الناس بل مئات ضحايا هذا السنهوري .. متى طاب هذا الذي لعب بكم في السابق وما زال يلعب ... من هو ؟ كادر فني ويساري تقدمي ؟!!!! نعم تعلم من هاتين كيف يدير معاركه الساذجة ضدكم واستطاع ان ينتصر عليكم ومازال ... قال : أدعو لي بالشفاء !!! يعني كنت ما نصيح ومتين طبت في اقل من ٤٨ ساعة .. ينبري البعض بممارسة الضغط على الرافضين بان يقبلوا اعتذار السنهوري .. يعني ديل بعدين برضو حيقولوا لينا عمر البشير مسكين دعوه فامه مسكينة .. الطيب سيخة جن وماف داعي نسأله .. والترابي في القبر لن نصدر مرسوم يجرمه ... يا من تشكون سوء الحال ان السوء فينا وفي مواتنا وهواننا وسطحيتنا ... حقيقة انا لست صديقا للسنهوري ولا سارة ولا كمالا ولكن سوداني يحلم بان نكون جميعا بالوعي اللازم لتغيير وضع بلادنا وانا لا ارى بوادر تغيير في ظل هذا الذي نخن فيه ... لو كنت صديقا لاي ن هؤلاء السنهويين وقسما لصرفت كل ما املك لأقاضيه حتى لو كان ( داقين ليه قيد ) .. قال ادعو لي بالشفاء قال ..
Quote: زاملت علاء سنهورى قبل سنوات فى احدى الشركات الخاصه فى الخرطوم لفترة ليست بالقصيرة علاء راجل محترم ومهذب وأشك فى الكلام الاتقال عنه !!
أخونا مزمل إنت ما متابع الفيس و ل شنو ....؟؟؟؟ هاك طيب أخونا أبو العزائم الراجل شغال بي حوالي 4 حسابات بأسماء نسائية مضروبة لغاية الآن تشكر فيه و تخطب ليه و ما خفي أعظم كدي راجع حساباتك لأنو الموضوع شكلو حا ياخد منحى وسخ جداً.... الزمن دا يا أخوي أضمن نفسك بس .....
Post: #59 Title: Re: سارة رحمة Author: Ahmed Tuhami Date: 09-19-2018, 06:10 AM Parent: #51
وسقط القناااع ..................
تبا ....
ويااااااااااا خسااااااااااااااارة الاموشن الحزين الجلطتو في صفحة الوهمية سارة رحمة
Quote: ما تخاف يا حاتم زندقة قابلها ومعاها واحدة حمرا وواحدة صفرا وواحدة خدرا
لووول بصراحة يا منتصر تطلع اصلية تطلع وهمية الزولة دي "بقاقة" استنارة...وخلونا كده في الحلم الجميل ده
Post: #55 Title: Re: سارة رحمة Author: محمد البشرى الخضر Date: 09-19-2018, 05:59 AM Parent: #52
هوووي يا ابوحسين ما تتلبّب الموضوع ساي و تستلمه بدون ما تدّينا التفاصيل ! اوّل شي كويس فهمنا انو سنهوري هو صاحب الفلم و اعترف طيب عايزين نفهم عمل كدا ليه؟ أو بمعنى ما الفائدة التي جناها من وراء اختلاق حساب ظريف زي دا هل تضرر أحد من التواصل معه اعني ضرر مادي فا الضرر المعنوي مفهوم , هل اعلن المتضرر تفاصيل و حجم الضرر هل شال من زول قروش او تبرعات او تورط باي شكل في معاملات مادية! هل الامر يرقى لتقاضي وكدا و من سيفعل ام الناس ح تكتفي بالجعير في الفيس و اللعنات و اخيرا... انت مبسوط كدا ليه! اتذكّرت الدرويشة مش ... فقر واحد
Quote: كلو الا "دينا خالد" بس ما بصدقكم مااا بصدقكم
النار مولعة في الفيس و الضرب في الحزام و تحتو في الموضوع دا تحديداً تصدق ما تصدق إنت حر يا زول ...... *******************************
Quote: هوووي يا ابوحسين ما تتلبّب الموضوع ساي و تستلمه بدون ما تدّينا التفاصيل ! اوّل شي كويس فهمنا انو سنهوري هو صاحب الفلم و اعترف طيب عايزين نفهم عمل كدا ليه؟ أو بمعنى ما الفائدة التي جناها من وراء اختلاق حساب ظريف زي دا هل تضرر أحد من التواصل معه اعني ضرر مادي فا الضرر المعنوي مفهوم , هل اعلن المتضرر تفاصيل و حجم الضرر هل شال من زول قروش او تبرعات او تورط باي شكل في معاملات مادية! هل الامر يرقى لتقاضي وكدا و من سيفعل ام الناس ح تكتفي بالجعير في الفيس و اللعنات و اخيرا... انت مبسوط كدا ليه! اتذكّرت الدرويشة مش ... فقر واحد
يا فقر خسائر مادية لغاية الآن ما ظهرت لكن ظهرت تفاهات قذرة جداً الخسارة المادية أرحم منها .... بعدين إعتراف سنهورى و إعتزاروا الناس فهمت إنو هو عايز الموضوع يقيف هنا و أكيد عايز يخفي الباقي و أكيد أكبر و أفظع من الإعترف بيه .... الفطاحلة في الفيس شغالين 24 ساعة يا فقر .....
Post: #60 Title: Re: سارة رحمة Author: محمد البشرى الخضر Date: 09-19-2018, 06:18 AM Parent: #57
طيب ادينا الزيت ما عندنا حيل ولا عرفة للفيس الاسكرين شوت بتاع عجبتيني وعايزة اخطبك لأخوي ولا شنو دي بدي فكرة عن نوع الاضرار الحصلت إخص على كدا
يا ود البشرى المرحومة قالت في وظائف في الأمم المتحدة وفي ألاف سير ذاتية بتاعت بنات إترسلت الداتا دي اتجمعت لي شنو وبس بي غرض التسلية ياخ زوكربيرغ إستجوبوه في الكونغرس لمن شركة أخدت معلومات ناس وإحنا ساكت بس نقعد في قيمة الإعتذار دي جريمة إلكترونية يجب أن تكون سابقة قضائية
تعليق واحد مدافع من اسمين مختلفين تم مسح واحد لحسن الحظ انتبه شخص في نفس اللحظة وعمل اسكرين شوت الدلالة ؟
Post: #64 Title: Re: سارة رحمة Author: محمد البشرى الخضر Date: 09-19-2018, 07:10 AM Parent: #61
يا منص جمع السير الذاتية ليس فيها جريمة على ما اظن, لأن السيرة الذاتية صاحبها انشاها و افصح عن المعلومات الفيها بارادته و اساسا الغرض منها انتشارها, الجريمة ممكن تكون في الكذب و ادعاء ان هناك فرص توظيف وبعد دا ممكن تكون الفرص حقيقية اطلع عليها من موقع المنظمة بقول ليك كدا ليه لأنه في آلاف المواقع في النت منها الحقيقي ومنها الفالصو تعلن عن وظائف وتجمع السير الذاتية احيانا بغرض انشاء pool و احيانا لبيعها لوكالات التوظيف المحترمة كدي شوف لينا مادة كاربة تسيكو اقل شي سنة او اتنين سجن ناس احتيال و تبرعات و حاجات زي دي لكن قصة السير الذاتية دي ابو حمامة ما بتوصلك يا خوي
صورة سارة كزولة سنقل بت حالمة ورومانسية وفية لزوجها وقاعدة برة وشغالة كويسة ثورية ومناضلة ياتو ناشط مابحلم بعلاقة مع بت زي دي ؟ الرجال مافي ضرر ؟ غازي قال بوضوح انو علاء قال ليه سارة عايزة تناقشك عندها موضوع سياسي وهو اتحفظ
انبوكس سارة وكمالا فيهو شنو من رسايل وصور الرجال من الناشطين؟
Post: #68 Title: Re: سارة رحمة Author: محمد البشرى الخضر Date: 09-19-2018, 07:21 AM Parent: #67
Quote: انبوكس سارة وكمالا فيهو شنو من رسايل وصور الرجال من الناشطين؟
ههههههههه تموت في الشمار عايز تحتو كله
Post: #66 Title: Re: سارة رحمة Author: محمد البشرى الخضر Date: 09-19-2018, 07:17 AM Parent: #64
Quote: اسئلة منقولة هل للسفارة دور فيما حدث ؟ هل استهدافه للناشطات دور امني ؟ هل هو وحده ام شبكة ؟
عليك النبي قول ليهم واحد صاحبي في سودانيز قاللكم بطّلوا النياصة! اخدتوا ماسورتكم خلاص قوموا منها من سكات وتاني اعملوا حسابكم بس شنو اي شي حكومة وما حكومة وامن وما امن
المادة 11 يعاقب بالحبس مدة لا تجاوز ثلاث سنوات، وبالغرامة التي لا تزيد على (100,000) مائة ألف ريال، أو بإحدى هاتين العقوبتين، كل من ارتكب فعلاً من الأفعال التالية: 1- استخدم الشبكة المعلوماتية أو إحدى وسائل تقنية المعلومات في انتحال هوية لشخص طبيعي أو معنوي. 2- تمكن عن طريق الشبكة المعلوماتية أو إحدى وسائل تقنية المعلومات، من الاستيلاء لنفسه أو لغيره على مال منقول، أو على سند أو التوقيع عليه، بطريق الاحتيال، أو باتخاذ اسم كاذب، أو بانتحال صفة غير صحيحة.
Post: #73 Title: Re: سارة رحمة Author: محمد البشرى الخضر Date: 09-19-2018, 07:45 AM Parent: #72
أوأووو هو سنهوري دا في قطر!! اللييييييلة يا وضّاحة اتاري ابو حسين داقي صيوانه و جاب الكيتة خخخخخ
المشكلة في الموضوع في ناشطات معروفات قالوا قابلوا ساره رحمة (قبل الموت)؟؟!!
دا اللايف بتاع غازي السنهوري بتاع موضوع علاء و سارة رحمة
كتبت الصحفية شمائل النور في صفحتها:
Quote: قصة سارة رحمة دي شغل أجهزة محترفة جداً (حزب، دولة، خارجية) كم المعلومات الشخصية واتجاهات وميول المتواصلين مع سارة، ذهبت لجهة ما، اذا افترضنا ان سنهوري يعاني علة نفسية، يبقى السؤال، هل لسنهوري تاريخ مرضي طويل ومعقد؟ فهذا التخطيط الشيطاني والدقة والصبر تدحض لدرجة كبيرة فرضية المرض، كما انه من الصعب جدا ان يعترف المريض النفسي بمرضه كما فعل سنهوري وطلب من متابعيه الدعاء له. السؤال المهم ايضا لماذا قرر سنهوري قتل سارة، اعتقد ان قرار إنهاء الوهمة لم يكن قرار سنهوري إنما قرار الجهة الأكبر من سنهوري لتبدأ مرحلة جديدة.
السؤال الآن أين ذهبت المعلومات التي بطرف سارة رحمة؟ وماهي طبيعة هذه المعلومات ولأي درجة تعمقت علاقتها مع الذين تواصلت معهم؟
Post: #75 Title: Re: سارة رحمة Author: علي محمد الفكي Date: 09-19-2018, 08:08 AM Parent: #74
البكاء ما منو فايده والناشطين ديل مفترض يكونو حسهم التأميني عالي اذا ناس الامن بالطريقه الساهله دي قدرو يجمعو معلومات ويمسكو حاجات على المناضلين الناشطين يبقى على النضال والنشاط السلام والراجي المناضلين البفكو اخرهم لي زول ما بعرفو عنو حاجه الا انو خاتي صورة بنت حلوه في الفيس واطاتو اصبحت والاهم للمناضلين الجفلن خلوهن اقرعو الواقفات ثم سؤال مش علاء سنهوري دا محسوب على المناضلين ومن طائفة اليسار العريض وكمان غازي سنهوري المبرراتي
Post: #76 Title: Re: سارة رحمة Author: علي محمد الفكي Date: 09-19-2018, 08:14 AM Parent: #75
حفيظ وضيوفو
كل واحد او واحده اتعامل بحسن نيه وناقش حاجاتو الخاصه مع شخصيه ما بعرفه يبقى ملوم ويتحمل مسؤوليتو كامله وشنو يعني انبوكس ساره رحمه فيهو اسرار فلو ساره دي كانت شخصيه حقيقيه وانتي ما بتعرفيها الا من الفيس وملكتيها معلومات خاصه عنك يعني بتفرق شنو م كونها وهميه او حقيقيه في الحالتين الشخص الملكتو المعلومه انت ما بتعرفو وممكن يستغل المعلومه اذا كان ندل وما تقدر تصلو وايه ح تفيد الملاحقه القانونيه بعد اللبن اتدفق
Post: #77 Title: Re: سارة رحمة Author: بدر الدين الأمير Date: 09-19-2018, 08:39 AM Parent: #76
Quote: يازول هوي التخفي دا مرض ...... كيف ادخل لي في حوار او نقاش مع زول او زولة مجهولة ... ؟؟؟؟ غلطتي تتحسب علي و غلطتو هو تتحسب على مجهول ... ؟؟؟؟
ابو حسين بهناك ماجبو سيرة الشبح المنتكر باسم وضاحة
Post: #78 Title: Re: سارة رحمة Author: محمد عثمان Date: 09-19-2018, 08:52 AM Parent: #77
نعيش و نشوف...!!
لينا زمن فى البورد دا و حكاوى و اسماء كثيره مرت بنفس الفيلم لا تحضرنا الذاكره و لكن الاخوان ذكروا كثير من الامثله فى مداخلاتهم...
عموما موضوع يحتاج لدراسه...انا شخصيا اعرف علاء الدين و بين مصدق و مكضب فى الحصل....يشبه لي هنالك حلقه مفقوده فى هذا الموضوع...!!
معلومة خطأ يا حفيظ ..... دخل بي تأشيرة إتعامل مع السفارة نعم لكن لم يدخل قطر بواسطة السفارة السودانية ******************************************
Quote: أوأووو هو سنهوري دا في قطر!! اللييييييلة يا وضّاحة اتاري ابو حسين داقي صيوانه و جاب الكيتة خخخخخ
يا فقر أبو حسين إستشاري بقدم خدماته و مساعدة الإنسانية جمعاء في تطهير و تعقيم الجو و البيئة المحيطة بنا لكي تعيش الناس في بيئة صالحة ... ****************************************
Quote: ابو حسين بهناك ماجبو سيرة الشبح المنتكر باسم وضاحة
جابوها و جابوها و جابوها ........
Post: #79 Title: Re: سارة رحمة Author: Khalid Abbas Date: 09-19-2018, 08:52 AM Parent: #1
ود ابوسن هل نتوقع صور وفضائح ورسائل خاصة للناشطين كلما زاد الخناق الإقتصادي فى الفترة القادمة من الواضح جدا داخل هذا الحساب مصائب وفضائح وكل المستهدفين للتواصل من الناشطين ( هل كان إختيار هذه الفئة بسبب العقل الباطن للسنهوري على إعتبار انه محسوب على اليسار _ أم أن السنهوري عبارة عن إدارة كاملة لإختراق الناشطين الفترة الزمنية الطويلة للحساب وحبكة الحكايات ومنطقيتها تؤكد الفرضية الثانية )
صحيح يا ابوحسين ما خش بالسفارة لكن الناس السفارة احتاجو للاستعانة به في الموسيقي . وطلبوا ان ينقل كفالته عليهم . تردد واستشار اصحابه ونقل كفالته ولم يستلم الاقامة الا بعد مماطلات سنة ولامن لقا عمل آخر عاكسوهو في نقل الاقامة منهم ولا يمتلك جواز دبلوماسي هذا من مصادر اثق فيها واكرر انا لا اعرفه البتة انما انقل الحراك حول القضية
بالنسبة لي موضوع الناشط غازي الريح السنهوري احب اوضح ،، في يوم ١٦سبتمبر كنت كتبت الساعة اربعة صباحا تسأؤلات حول ماهية سارا رحمة المتوفاة والتى لم يظهر ليها جثمان او دافنة او حتى بيت عزا ساكت ومن خلال تداخل الزميلات في البوست تم جمع المعلومات وتحليلها ووصلنا كلنا لي رؤية شديدة الوضوح انو ماف زولة اسمها سارا رحمه وانو الحساب مفبرك وخلفوا علاء الدين سنهوري.. وواصلت المهيرات جمع المعلومات ال كلها كانت من مراسلات سارا داخل انبوكسات المهيرات و لو ما تفاعل المهيرات مع المسالة كان مستحيل اي زول تاني يصل للنتيجة دي لانو بوضوح شديد مهيرة كانت المستهدف الاول من سارا رحمه والدليل على كده تكوين صداقات فاقت ال ١٠٠٠ صديقة داخل قروب مهيرة.. وفي خلال تلاتة ساعات من المشاركات تم تكوين ملف كامل و وافي.. ف يظهر غازي الساعة عشرة صباحا يعني بعد ستة ساعات من بداية البوست في مهيرة وبعد ما وصلنا للنتجة العجيبة والغريبة وكتب بوست في صفحتوا انو عرف سارا بواسطة علا وانو الموضوع ده شكلو وراهو قصة..((طبعا واضح انو غازي استند في البوست حقو على المعلومات القاعدة جوه البوست حق مهيرة لانو كونك عرفت سارا بواسطة علاء ده لوحدو ما مبرر انك تشك في علاء ..وهنا بظهر لينا احتماليين انو غازي عندو حساب في مهيرة او في زميلات وصلوا ليه المعلومة وانا برجع الاحتمال التاني )) يلا خلوني اسأل هل توصل غازي لي اي معلومة اضافية غير المعلومات الاتحصلت عليها المهيرات؟؟ لا ابدا ما كان في اي معلومات اضافية.. طيب هل ظهرت معلومة من انبوكس غازي شخصيا عبر مراسلاته مع سارا؟؟؟ لا ابدا ماف اضافة من انبوكس غازي .. طيب ليه غازي نصب نفسوا باحث ومكتشف حقيقة ازدواجية علاء وجاء كتب بوست أمس قال انتظروني الساعة سبعة لان ما ((اكتشفته مؤلم)) غازي طلع مكتشف يخوانا هههههه. يا غازي انت لا مكتشف لا حاجة انت زول متسلق ساكت وانتهازي وحبيت تخلق شوو فوق مجهود المهيرات واستغلال استغلالهم لصنع مجد شخصي ((يلا الخيل تجقلب والشكر لي غازي)) اها غازي ((صدق وعده)) جاء بعد الساعة سبعة عمل لايف وهنا كانت سقطته المدوية والوصول للقاع كان لايف عبارة عن ٢٢دقيقة تحدث عن اكتشافه المدعى((إنتهازية)) وقال أنو علاء مريض ب الملتي بيرسونالتي ((تحلل)) بل وصل مرحلة يطلب من الناس المسامحة((وطالما انت يا غازي ما كنت مستهدف ولا وقع عليك ضرر ف ما بتقدر تقدر حجم ضرر الاخرين عشان تطلب السماح)) وهنا ظهر غازي البدافع عن الجاني بدل يدافع عن الضحايا ((ما براهو علاء ملتي بيرسونالتي بالمناسبة)) .. ده كلو ممكن يتبلع ويتلاك لكن لمن وصل مرحلة انو يقول للناس(( اطمنوا علاء وعدنا انو حيتخلص من الداتا الجمعا)) ضلم العالم قدامي اي والله وفقدت اي شي ذرة امل كنت محتفظ بيها فيما يخص غازي .. علاء منو الممكن نطمن ليهو بعد المسرحية العظيمة المثلا معانا؟؟ ياخ افرض اننا اطمنا لي علا حنطمن كيف للملتي بيرسون العايشين جواهو؟؟ مش ممكن في لحظة اختطاف من وحدة من الشخصيات الجواهوا يقوم يقرر يستعمل الداتا دي؟؟ ده لو ما استعملا اولريدي..او حتى باعا لجهة ما وقام مول بيها الفديو كليب الاخير؟؟ كان الاولى والاجدى والاصح انك توضح للضحايا حجم الكارثة الممكن تحصل لو ما اتداركوا مسألة الداتا الامتلكا علاء بالنصب والاحتيال وتترك ليهم الخيار انو كيف يحموا انفسم لانك يا غازي ما جزو من الحصل اطلاقا ولا كنت ضحية.. اديك من الاخر يا غازي؟؟ الحصل اكبر وافظع واوجع مما يتخيل الجميع و حتعرف الكلام ده لاحقا .. في بداية اللايف غازي قال دوافعوا خلف البحث والتحري والاكتشاف كانت شخصية ودي هي الجملة الوحيدة المفيدة الصادقة والمنطقية في كل الهراء القالو.. اضافة بسيطة قبل سنتين كنت متابعة بوستات غازي وكنت معجبة جدا بي اطروحاتوا لي درجة اني كتبت ليه انت من الشباب الممكن يتشوا عين الضلام بالضؤ.. اهو طلعت غلطانة وطلع غازي يجيد تغبيش الحقائق وتعتيم الرؤى و ذر الرماد في العيون ف انا بعتزر وبسحب تقييمي ال ما وافق محلوا..
كسرة:_ ح انزل البوست في صفحتي واعمل تاق لي غازي عشان محدش يتعب في فعل الخير
Post: #84 Title: Re: سارة رحمة Author: محمد أبوالعزائم أبوالريش Date: 09-19-2018, 10:20 AM Parent: #81
Quote: ما خش بالسفارة لكن الناس السفارة احتاجو للاستعانة به في الموسيقي . وطلبوا ان ينقل كفالته عليهم . تردد واستشار اصحابه ونقل كفالته ولم يستلم الاقامة الا بعد مماطلات سنة ولامن لقا عمل آخر عاكسوهو في نقل الاقامة منهم
طول بالك يا النزير هو موجود بقطر بدرس الاطفال موسيقي . اطفال الجالية رأته السفارة وطلبت منه العمل معها شاور اصحابه وكان متردد خوفا من الاتهام واشار عليه اصحابه بالقبول بقا شغال معاهم فلزم ان تكون الاقامة عليهم هو مذنب ب إعترافه وبفتكر دي براها تحسب ليهو ولا تعفيهو فلنكن موضوعيين في حكمنا كما ذكرت اول البوست اعتبر ان الامر شخصي ولا يتجاوزه عدد كبير من الشباب بخشو بي اسماء بنات بحثا عن البنات . هوس جنسي هو تجاوز الخطوط كلها اسأل نفسي لماذا لعب المسرحية حتي موت البطل ؟ كان يمكنه نسيان الحساب وتركه مفتوحا . وفي هذه اعتقد اراد للناس عدم الحيرة . المهم ايا كان كم غيره ؟ و بأي اجندة ؟
المشكلة هم حسابين ما حساب واحد سارة وكمالة تم التركيز علي الناشطات فى السياسة هل سيتم تهديد وتحييد المذكورات فى ظل حراك ومعركة سياسية مرتقبة بشأن تعديل الدستور الموضوع اكبر من هوس جنسي كان هنالك تغطية كاملة للشخصية من صفحات اخري ومعروفة للناشطين
Quote: ابو الحسين كان اجتهد لينا في موضوع كده وجاب الزيت بكون ريحنا من شخصية وهمية كمان 😎
عثمان يا حبيب الموضوع الكدا دا جابو سيرتو لكن الآن موضوع سارا طاغي على الكل ... لكن صدقني قررررررررب ينجض انا زاتي عندي فيه خيوط ..... 😂 طبعا هنا تداوله محظور لي اسباب كتيرة ... لكن هناك فريييييي... ******************* حكاية انو سارا دي كانت متواصلة مع الناشطين ابدا ما مقصود انو اختراق للنشطاء بس لأنها كانت لاعبة دور ناشطة عشان كدا بلجأو ليها النشطاء و اتعاطفو معاها اكتر يعني حكاية انو اختراق للمعارضة دي نظرية مضروبة.. الزول دا قصد يظهرها في شخصية ناشطة زوجها متوفي و مخلصة ليه اخيرا مريضة بالسرطان دا كلو عشان تكسب عطف الناس و تكون زولة محبوبة من الجميع و بالتالي تسوقو هو كإنسان بتثق فيه و اي شكر ليه يصدقوها .... اما حكاية انو الزول دا بيخدم الحكومة دي ابدا ما صحيحة ...
شايف غازي سنهوري في اللايف قال حا يسلمو باسوورد الحسابين المضروبات عشان يتلفو كل المحادثات و الرسايل اللي فيهم و دي جريمة كبيرة جدا لو حصلت لأنهم حا يدمروا ادلة مهمة جدا ضده و ممكن تكون ادلة براءة مهمة جدا لي ابرياء ممكن تطالهم اتهامات باطلة بي سببو .....
الشئ البستغرب ليهو وبذات زي مداخلة حبيبنا ود البشري ! المهم القصص دي توضّح مدى هشاشة الوعي السايبري السوداني و براءته و الاستعداد للتصديق و المشي في ركاب اي سراب دون ادنى وقفة للتحقق هل يخلو عالم الوهم والخيال من اشباح ؟؟؟؟؟؟؟ يا ناس انتوا في عالم مجهووووووووول فكيف ما دايرين تمر عليكم مواقف زي دي ؟ اسه انا بتعامل مع كل الناس ديل كاشباح مباي طريقة هم دايرنها وفي النهاية ما يهموني كتير شبح ولا غيره . دايرة منو شنو ؟
طيب وقت بديتو السك سكوا لي فرانكلي ابو الاشباح الكبيير وفدوي الشريف .
لا نصير ل علاء الدين سوي اصدقاؤه خيرة اصحابه الذين لم يرو فيه سوي الصداقة الصداقة الحقة الخالية من الغرض صداقات امتدت لسنوات طويلة لم يشاهدوا عليه الا ادب وتهذيبا وثقافة ولباقة في الحديث واناقة في المظهر ما يجمعهم فقط صداقة مدفوعين ايضا بقيمة الصداقة والشهامة فلا يمكنهم تصديق الا ادلة مادية قوية متينة راكنين لمعرفتهم نافين عن ذاتهم الغفلة اما نحن الذين لا نعرفه فلا عاصم له منها سوي الاحداث الحالية والقصص منه ومن غيره وتقيمها ببرود وحياد الصورة التي اراها اسردها في المداخلة التالية
قبل اقول داير أؤكد السبب الرئيسي للغفلة بعضنا غير مستوعب انه يوجد عمل اسفيري ضخم وبخبرات اجنبية وله ميزانية ضخمة واجهزة قل ان تتوفر سوي لمؤسسة غنية وعقول في غاية الذكاء والدهاء والتفرغ الكامل وحق لهم الغفلة لايمكن ان تتوقع من دولة تمارس مثل هذا العمل ضد مواطنيها
الشخصية التي وصلتني ذهنيا من خلال متابعة عشرات الافادات لأشخاص بعضهم اعرفه معرفة شخصية . وبعضهم حقيقي بالنسبة لي لمعرفة آخرين اعرفهم معرفة حقيقية من خلال ذلك استبعد الغفلة والسذاجة . بل هو فعل تم بكامل الارادة والوعي منه صنع شخصيته الاجتماعية بصبر دؤوب من خلال اشخاص محترمين . ولهم سمعة جيدة وسط مجتمعهم . اشخاص لا يتسرب اليهم الشك توثقت تلك الصلة فبادلوه محبة بمحبة اخفي تماما صلته بالسفارة اولا . وبل بدأ مشككا في نواياها . واعلن ذلك بإستشارة اصحابه مبينا تخوفه حتي اقنعوه بالعمل كان شخصية مثالية للثوري المنضبط سهل له ذلك التعرف علي آخرين وسهل له مساندة الشخصية التي اخترعها لتسويقها لآخرين هذه صورة ذهنية قد تكون خاطئة لأنها مبنية علي تفحص عدة شهادة يمكن ان يتسرب لها الشك نفسه ادارة الشخصيات بكفاءة عالية ودقة ينفي عنه العمل بمفرده
_أنشأت هذه الصفحة في الفيس بعد ان اغتيلت شقيقتي الشهيدة سارة عبدالباقي بالرصاص أمامي علي يد قاتل يتبع (لحكومة الإنقاذ) ووضعت صورتها في البروفايل ولن ارفعها الا بعد القصاص بإذن الله ، وكان التزاما مع نفسي ان تكون هذه الصفحة لقضية أختي حتي ينال القتلة جزاءهم.
_ صمت طيلة الايام الماضية لاستيعاب حقيقة الخذلان والاذي الذي سببه لي (صديق) ، رغم مااصابني من سهام ناشتني مما يسمي (قروب مهيرة ) حول معرفتي لعلاء سنهوري وسارة رحمة ، ولأن الأمر لم يعد شخصي وانما له علاقة بقضية الشهيدة سأوضح الآتي باختصار :
_ اولا طالتني اتهامات وتشكيك في (وطنيتي) من قروب (مهيرة) بإسمي وتم استخدام 3 صور خاصة بي نقلت من صفحتي ، صورتي مع مقرر حقوق الانسان ، واخري مع الاستاذ ابوعركي ، وثالثة وانا احمل علم السودان تضامنا مع تظاهرة يناير 2018 ، وكانت صاحبة البوست تدعي عزة الحسن وبقية الاسماء في الاسكرين مرفق مع البوست.
_ وبرغم انني لست مجبرة علي اثبات وطنيتي لأحد لكن ما يهمني أن ماقيل فيه مساس بقضيتي لذا لا يمكن تجاوزه ، وقد ردت الصديقة رميساء السر عني ( غيبتي ) لاني لست عضوة فيه وطلبت من الادموند اضافتي وبدوري فعلت لكن تجاهلتنا وسارعت بمسح كل الداتا الخاصة بي بمافيها الصور
_ معرفتي لعلاء سنهوري بإختصار ، بدأت منذ سنيين عرفنا عليه أحد اصدقاءنا وكنا مجموعة من الاصحاب . _وفي احدي لقاءتنا عرفني علاء مع الباقين علي زولة كانت برفقته اسمها سارة . _ بعد سفر علاء بسنوات اتصل نهاية العام قبل الماضي وزكرني بي سارة وانها ثقة وهي حاليا برا السودان وحتتواصل معاي لانو في شبكة معارضة للنظام وحتشرح لي الاهداف والتفاصيل باعتبار اني ملمة بملف سبتمبر ، وفعلا إتواصلت معاي بالماسنجر سارة رحمة وبعد السلام والتعارف المتداول اتزكرنا لقاءنا القبل سنيين (عملت اسكرين لجزء لانو في اسماء ناس ماعاوزة اقحمهم) المهم رحبت بيها شديد ، بقينا متواصلين عن طريق الماسنجر و الرسايل وطبعا اتحمستا للفكرة ، وضافوني (للشبكة واكدوا علي السرية) هنا التواصل بينا اصبح مستمر لفترة طويلة رسلت لي تعريف باهداف الشبكة وخططهم ( في الاسكرين). وعلاء حزرني المفروض ما احكي لا ي انسان عن العمل دا وهم ضافوني لاني اخت الشهيدة ، وبعداك علاء شرح لي باتصال تلفوني انو معانا سودانيين من كل دول العالم بس مافي واحد بعرف التاني (حسب الخطة) وانو انا مفروض ما اعرف غيرو وسارة والتعامل يكون عن طريقهم عشان اذا اتكشفنا مافي واحد يقدر يبلغ عن الباقين ، وهم مهامهم متسلسلة وشاغلين وحيصلو للهدف ، ونبهوني ما افتح القروب قدام اي انسان واحاول ارشح ناس من دائرة الثقة الحولي ،( الكويس انو مارشحت أهو علي الاقل اتحمل نتيجة الثقة الزايدة في الناس براي) ، وبعداك في اتصال طويل من علاء سألني كتير عن نشاطي في احداث سبتمبر وانو هل عندي معلومات قلت ليهو عندي وقال طيب ممكن تملكينا ليها ، لكن رفضت وقلت ليه لسة ما جمعتها في كمبيوتير وحارسلها ليك .
_التواصل دا ليهو قريب السنتين والقروب سارة بتنزل فيه أهداف الشبكة واتوقع يكون في ناس غيري بس مابعرفهم حاليا مصير القروب السري ماعارفة لانو بصراحة مافتشت ، الاتصال بينا انقطع الفترة الأخيرة لحدي ماسمعت بمرضها واتاثرت جداا (بحكم انسانيتها الكانت مع كل أصدقائها في الفيس) وحصل نفس الشئ لمن عرفتا انها ماتت .
_ بعدا اتفاجأ بالكلام عن انو سارة شخصية مختلقة ووهمية وصنعها علاء سنهوري لاسباب ماعارفاها المهم ماصدقت ودافعت عن علاء للناس السالوني في الماسنجر وأكدت انو فعلا عرفني علي واحدة اسمها سارة قبل سنين وصحبتي في الفيس ومتواصلين ..وحتي في النعي كتبت آخر رسالة رسلتا لي في الماسنجر عن الشهداء.
_علي المستوي الشخصي مامستعدة اسامح الاستاذ علاء الدين سنهوري لانو خدعني باسم قضية حساسة هي قضية شهداء سبتمبر والتي لا اقبل فيها التلاعب او المتاجرة من اي جهة كانت .
_ما انا الزول البدلي باي تحليل (نفسي) او (أمني) او (سياسي) للحصل كل زول فيكم يحلل حسب رؤيتوا .
_اخيرا مستمرة بإذن الله في المطالبة بالعدالة في قضية الشهيدة سارة وماحأستمع للاصوات النشاز .
من اشهر الشخصيات الوهمية في زمنا نادية عابد وكانت تكتب في صباح الخير عمود راتب اسمه شئ ما حصدت الاعجاب والتواصل شخصية متحررة . ومتقدمة فكريا ناقشت قضايا حساسة جدا تخص الفتاة من اشهر قضاياها التي استغربت لها كشفت الضوء علي تحرش كبار السن من الاسرة علي البنات الاطفال . من خلال سرد مجموعة من المواقف وقصص عن المتحرش جدو المهم ما كان لي استيعاب ذلك في تلك السن المبكرة جدا لكنها بالتأكيد ناقشت امر هام جدا واكيد استفاد منه الكثيرين ثم كشف مفيد فوزي عن انه مخترع الشخصية ولم يصاب احد بضرر لا اسرار لديها سوي مشاركات قراء وقارئات تقوم بإختيار بعضها والآن بعد النضج اجدني متقبل لمفيد اختراعه الفتاة لقد ادت دورا تنويريا وثوريا في سبيل نهضة وتحرر المرأة ماهو الدور الذي قامت به سارة رحمة ؟
الآنسات و السيدات ضحايا علاء الدين/ سارة اتمنى تكونوا ابلغتوا إدارة الفيسبوك و جمعتوا الأدلة و بديتوا إجراءات قانونية ضد المعتدي حتى يصبح عبرة لغيره من المنحرفين. * معلومات مفيدة : -- صرح السيد زوكربرغ بأن الذكاء الإصطناعي سيقوم قريباً بكشف كل الحسابات المزيفة. علماً بأن الفيس مرتع لأعداد من المنحرفين. -- 70% من مستخدمي الفيسبوك من النساء. -- علاء الدين سنهوري أول سوداني يحتال على مئات النساء المتعلمات في الفيس.
Post: #118 Title: Re: سارة رحمة Author: قسم الفضيل مضوي محمد Date: 09-20-2018, 09:54 PM Parent: #117
. .. .
Quote: يعني طلع الموضوع امن وحكومة وكدا ! و انبسطنا ونمنا مرتاحين ! ياخي تخ
. . . .
كتب البشرى مخاطبا فرانكلي في بوست when you go low, we go low :
Quote: اوكي يا فرانك دا رايك مشكور على الادلاء به و ليس بالضرورة ان اتفق معه او اراه صحيحا
Post: #120 Title: Re: سارة رحمة Author: محمد البشرى الخضر Date: 09-21-2018, 11:18 AM Parent: #119
يا قريبك الوصول لخلاصة زي دي اشبه بتقييد القضية ضد مجهول و قفلها وخلاص الناس ترتاح وكدا هل وفاء الجاسم التي اخترعها هشام آدم شغل حكومة وامن برضك, الدرويشة. شروق / هنادي, رودا مردا, الكنج (لاير) , سودان عجل التي تخفى خلفها الواطي خضر الطيب, والعديد من الشخصيات الاسفيرية الوهمية! المسالة دي ما جديدة وقديمة قدم معرفتنا بالسايبر وهناك العشرات من الحوادث منها ما كشف ومنها اللسة تلييس اي حاجة في الأمن و الحكومة فيه نوع من الكسل و محاولة قفل الملفات و الركون لتفسير التقصير بوقوف القوة القاهرة - الامن و الحكومة - خلفه مما يريح الضمير و و يعفي من محاسبة النفس على الاهمال و الانسياق ببراءة خلف الاكاذيب حتى لو فرضنا جدلا ان الموضوع وراءه الامن لا يعفي هذا من الاهمال لكن قبل ذلك كدي نشوف الامن نزريا ح يستفيد شنو من اختلاق ضخصية وهمة وخلق علاقات مع الناس و التركيز على تسويق شخصية علاء الحقيقية ! كدي اديني رايك في الحتة دي لربما تكون شايف ما فات علي
يا ودو دي ما تقود له الحقائق المبذولة . وليس تكهن يعني ليس رجما بالغيب كسل ذهني وين ياخ . دي كمية من الافادات والشهادات والربط بينها . بالمناسبة اكتشافه كشخصية وهمية تم من داخل القروب النسائي لا اعلم عن الاسماء التي ذكرتها وان وجدت هل بذات التنسيق والاتصال بناشطين وناشطات وتعتيم هل بذات الدقة والسرية حتي يتم اكتشافها بعد سنوات ؟ اتفق معك في ضعف التأمين الشخصي . ولكن هكذا السودان التواصل بالتعارف من خلال اخرين تم خلق الشخصية بذكاء شديد . بناء علاقات متينة مع شخصيات معروفة وعدم ادخالها في الهدف . الامر الذي اعتقده ان الشخصية تم بناؤها من السودان ومصر معقل للناشطين
ماعندي سكة اسمعو هسة في كلام اتقال عن انو دعاية ليهو كفنان حتي الفيديو ادانة ليهو فالمشهور عنه رقة الحال والفقر ياودو ما تتخيل رغبتي انو الامر يكون فقط شخصي وقلتها في بداية البوست تصرف نزق ومشاغب من شخص لاهداف شخصية جدا ولكن ما قرأته لاحقا من افادات بعضهن جعلني اشك في الامر حتي الان عشان قيم وتراث سوداني جميل اتمني ان يكون هو وحده من قام بذلك
عارف يا قريبك عندنا السودانيين حركة "واهو داك هلال تاني" وكمان قصة موت اجماعة عرس, مع الحصل دا كثيرين وكثيرات عايزين يدخلوا عودهم و يحكوا قصص تزد في تثبيت الجريمة و خلق اضرار قد وقد لاتكون حدثت لتبرير الحنق عليه والهجوم اسي قولة بنات مشوا معاينات وتم التحرش بهم كلنا سمعتاها فلانة عن علانة عن فلانة! هل قريت او بتعرف زول قرا من احد المتحرش بهن مباشرة؟ وهل موضوع التحرش دا اثير في وقته حتى مع الشخصية الدعتهن للمعاينات ام سكتن و مرق هسي بعد انكشف الاحتيال يا حبة علّمتنا الاسافير السودانية ما نشتري كل المعروض قبل على الأقل فحصه و التفكير و اعادة التفكير الناس دي بقت تجخ و تلفح وتكضب زي شراب الموية
عارف يا ود البشرى صاحبنا ود ابسن دا حأوقعها ليه بي قصة
في الحلة وفي الجامعة وفي البيت وفي الشارع وفي المسرح (وخصوصاً المسرح دي عندي في راسي زول ممثل بيستعمل الاسلوب الحاقوله هسع)
في المحلات دي بتلقى دايماً دون جوان سوداني بتاع بنات وود حبيب (بالشدة) وبتاع (جكس وشوق ولَقّ,و ومزز إلى آخر الألقاب التي تشير للخلط وماشابه)
أها الميزة الأساسية للنوع دا هو مقدرته الفائقة على (كب المكنات). في واحد منهم في أحسن بحث عملته (كواحد من الأبحاث الفارغة وعدم الشغلة مني) إنه كيف بيقنع البنات. الزول دا أداني نوتة صغيرة قال لي أفتح أي صفحة عشوائياً وأقرأ المكتوب.
لقيت مكتوب : تاريخ ومكان واسم ووصف لملابس نسائية والحذاء. قال لى دي واحدة من الأسلحة المفيدة. إذا شفتا جكسوية لأول مرة، ركز مع لبسها كله وسجل ليك جملتين من كلامها، وأهم شيء تغادر بأسرع ما يمكن وتعمل فيها ما مهتم
وتحاول تخلق ليك صدفة بعد كم يوم إنك قابلتها صدفة، وأحسن حاجة تعرف وقت هي مارقة مثلاً من بعيد وتمشي تنقشط في الحافلة وراءها وتعمل إنه الموضوع مجرد صدفة وتنزل في محطتها وتسلم بأدب ونظام اتخيل إني شفتك، وين؟ اليوم الفلاني الساعة الفلانية (وكان ما أخاف الطضب كنتي لابسة جيبا (حبذا لوكانت فوشية مثلاً ههه)، أها ودا مدخل من عدة مداخل.
واحدة من المداخل لعلاء سنهوري بحكم المجال الإجتماعي الهو شغال فيهو الناشطات ، فلو فرضنا جدلاً (ودي الفريضة الأقرب للتصديق) إنه بيفتش في معجبات فمدخله للبت دي هو نشاطها في شهداء سبتمبر فكونك تعمل ليها قروبات وهمية وكدا دا بجيب ليك مجموعة تانية وبتربطها بيك لحين انتهائء المرحومة الاسفيرية سارة رحمة من اكمال انتاج الفيدو كليب مثلاً. أو تحقق الإنتشار النهائي له.
شوف (الكلكات) الحصلت والشير الحصل لفيديو المحطات البعيدة دا كان الهدف النهائي.
أهتمامك كورة أني لعبت في التحرير وأخوي هداف العاصمة، زول سياسة (أنقلاب رمضان خطته ختوها في بيتنا) زول أمدرمان، جدنا أول من فتح صاج سمك في الموردة، والقماير دي كان اسمها الكبجاب وهكذا.
الزول كايس الشهرة.
جون هنكلي حاول اغتيال ريغان عشان جودي فوستر لا أكثر لا أقل بهذه البساطة
علاء السنهوري خلق سارة رحمة للإنتشار والشهرة لا أكثر لا أقل.
كل الفي النص كان جزء من عدة الشغل زي (دون جوانا المذكور أعلاه)
وجهة نظر قابلة للتنفيد وحتى السخرية منها بقلب رحب وأوعدكم بعدم الشماتة فيكم لو طلع كلامي صاح
أنا يا الصادق مايل لي تفسيرك دا و شاهدي انو اول زول تعاطف مع سنهوري وفهمه كمان هشام آدم وكتب في صفحته عن تفهمه لدوافعه و اشار لقصة وفاء الجاسم - ههه حكمة الله بعرفوا بعض الناس الموهومين بالشهرة و احساس انهم ما لقوا التقدير المناسب معاهم مفهوم جدا خلقهم لشخصيات وهمية تديهم التقدير الما لقوه من الناس الحقيقيين وياهو مثال وفاء الجاسم وفي البال كمان الدرويشة خخخخخ. لكن البقنع ليك ناس : حكومة حكومة! أمن أمن ديل منو :)
معظمنا يا ود البشرى بنرتكب أخطاء وأحياناً هفوات كذبات (بيضاء ولا صفراء)، ولا أبريء نفسي أنا ما لاقني زول يتنفس صدقاً غير محسن خالد. لكن أهو مرات أهلنا بيقولوا (جابها كبيرة) هههه
Post: #127 Title: Re: سارة رحمة Author: حمد عبد الغفار عمر Date: 09-21-2018, 08:58 PM Parent: #125
كيفكم يا اب سن والشباب شنو البمنع انو سارة دي تكون بت حقيقية باسم غير سارة هل اعتراف علاء كافي كي يمنع فرضية زي دي وهل اعلان موت سارة بنفي حياة البت الحقيقية دي الناس لما سألت في المنظمات سألت عن سارة رحمة وهي اصلا ما موجودة ليه ما وسعوا البحث شوية وسألوا عن السودانيات ككل في منظمات الدول المعنية دي
Post: #131 Title: Re: سارة رحمة Author: محمد جبره Date: 09-22-2018, 01:51 AM Parent: #129
سلام للجميع
في تقديري ان سنهوري خلق شخصية سارة رحمة ليستفلها في الترويج عن سنهوري الفنان بخلق علاقات مباشرة مع الناس ولفت انتبائهم لسنهوري الفنان و بمرور الزمن اصبحت سارة شخصية لها عالمها الخاص بها وحظيت بمكانة ومحبة كبيرة في قلوب جمهور سنهوري الفنان بحكم احتكاكها المباشر بهم ..واصبحت تقاسمه الاهتمام بل تفوقت عليه احيانا حتى تملكته الغيرة فقتلها .
................... لحد ما تشبه علاقة البشير بالترابي ...لكن هنا مات الترابي وعاشت سارة رحمه
