ولكنهم الاثنان كرؤساء مجلس وزراء تحت رحمة الرئيس، جابهم البشير وحا ينفذوا تعليمات البشير وحا يقيلهم البشير
Post: #2 Title: Re: فرق كبير بين معتز وبكري Author: Deng Date: 09-11-2018, 08:10 AM Parent: #1
Quote: بكري ابيض حبة ومعتز اخضراني
قلت لي بكري "أبيض" حبة؟؟
ومعتز "أخضراني"
والله أنت لو بقيت شاهد في قضية وقالو لك وصف لنا المتهم، المتهم ده أكيد ح يطلع برائة.
أنها فعلا مأساة قوم سود.
Post: #3 Title: Re: فرق كبير بين معتز وبكري Author: عمر التاج Date: 09-11-2018, 08:36 AM Parent: #2
دينق بطل حسادة واترك التمعن في صور الفوتشوب والواتساب بكري ده على الطبيعة زول ناير وناصع ومرفهد ومفرفش لامن غلت انها السلطة والراحة ونعيم المنصب وخمول الرئاسة ياصاحب معتز زول شقاوة ، لكن اديهو سنتين في الرئاسة كان مايبقى ابيض من ترامب ده موضوع وموضوع البوست موضوع اخر والسؤال : هل لرئيس الوزراء سلطة مطلقة فوق او موازية لسلطة رئيس الجمهورية ام هو مجرد منصب تشريفي لايرينا من خلاله الا ما يرى الرئيس.
Post: #4 Title: Re: فرق كبير بين معتز وبكري Author: حسن ادم محمد العالم Date: 09-11-2018, 08:43 AM Parent: #3
سلام صاحب اليوست نفس الملامح لافرق بين هذا وذاك انها نفس عقلية الفساد والاستبداد طاعة مطلقة في حضرة صاحب الجلالة عمر البشير
Post: #5 Title: Re: فرق كبير بين معتز وبكري Author: Deng Date: 09-11-2018, 09:54 AM Parent: #4
عمر التاج.
طيب الملامح دي ليه ما ظهرت في علي عثمان محمد طه؟؟
الزول ده أتحرق عديل كده.
Post: #6 Title: Re: فرق كبير بين معتز وبكري Author: عمر التاج Date: 09-11-2018, 10:21 AM Parent: #5
مرحبا بك اخ حسن
Quote: نفس الملامح لافرق بين هذا وذاك انها نفس عقلية الفساد والاستبداد طاعة مطلقة في حضرة صاحب الجلالة عمر البشير
ده فعلا المعنى العايزين نوصلوا الاختلافات الجسمانية والشكلية وحتى الذهنية غير مؤثرة في حالة اختيار رئيس مجلس الوزراء السوداني أو أعضاءه،. ليس لأن هذه الفروقات طفيفة وغير مؤثرة ولكن بسبب ان النظام ثابت وكل المتغيرات تخشى الثوابت وتعمل باوامرها ونواهيها..
Post: #7 Title: Re: فرق كبير بين معتز وبكري Author: عمر التاج Date: 09-11-2018, 01:42 PM Parent: #6
Quote: طيب الملامح دي ليه ما ظهرت في علي عثمان محمد طه؟؟
الزول ده أتحرق عديل كده.
ايام التمكين، على عثمان ده كان زي العروس في خدرها شكلا ومضمونا ولكن حلت عليه لعنة الترابي فاسود به المرض لكن عموما المسؤول لو داير تعرفوا مرطب ولا مدروش عاين ايدو من الساعد وفوق
Post: #8 Title: Re: فرق كبير بين معتز وبكري Author: Frankly Date: 09-11-2018, 03:44 PM Parent: #1
Quote: بكري علماني
ههههه جميلة وملعوبة
لكن أظن خضرا بكري إشاعة
Post: #9 Title: Re: فرق كبير بين معتز وبكري Author: عمر التاج Date: 09-11-2018, 04:20 PM Parent: #8
فرانكلي حبابك غايتو الخدرا ممكن تكون فعلا اشاعة متل الخضره ولكن العادية دي شوف عيني ما بطفي واحده قبل مايولع التانية وبعدين في زمتك ياشيخ فرانكلي عمك دا لما بقي نائب أمين ح ا ماجابها كبيره؟
Post: #10 Title: Re: فرق كبير بين معتز وبكري Author: امتثال عبدالله Date: 09-11-2018, 04:38 PM Parent: #9
وانت نسيت تقول ان بكري لص محترف يسرق المال العام كغيره من مسؤولي الدولة ومعتز لص تحت التمرين ونديه ٦ شهور في المنصب الجديد وحيبقى لص محترف صاحب قصور منيفة داخل وخارج السودان
Post: #11 Title: Re: فرق كبير بين معتز وبكري Author: Deng Date: 09-11-2018, 07:13 PM Parent: #10
إمتثال.
واضح جدا أن بكري شبعان من أموال الشعب، ولكن معتز ده جاي جعان شديد، ويادوبو ح يبتدي يسرق أموال الشعب.
Post: #12 Title: Re: فرق كبير بين معتز وبكري Author: عمر التاج Date: 09-12-2018, 05:52 AM Parent: #11
التحايا الطيبات يا امتثال
Quote: وانت نسيت تقول ان بكري لص محترف يسرق المال العام كغيره من مسؤولي الدولة ومعتز لص تحت التمرين ونديه ٦ شهور في المنصب الجديد وحيبقى لص محترف صاحب قصور منيفة داخل وخارج السودان
فعلا دي واحدة من أوجه المقارنة، ولكن ماننسي انه معتز كان في يده المال السائب وهو مال السدود، فقد كان مدير عدة إدارات في مؤسسة الإمبراطور اسامة الرجل الغامض الذي لايدري احد أين ذهب بمليارات السدود ولم يكن يناقشه احد او براجعه احد ولا حتى المراجع العام، وفي عهده أثري خدامه أمثال عبد العاطي هاشم وامتلكوا الشركات ولكن أفعال معتز لم تظهر بعد، ربما الراجل حريف أو حريص كما يقول البندر
Post: #13 Title: Re: فرق كبير بين معتز وبكري Author: عمر التاج Date: 09-12-2018, 06:42 PM Parent: #12
الفكرة يادينق في أوجه المقارنة بين سلطة رئيس الوزراء عندنا وفي الدول الراقية والسؤال المحوري هو هل يمكن لرئيس الوزراء أن يخالف رأي الرئيس دون أن يخشى على منصبه، ام سيكون مجرد أداة طيعة في يد الرئيس فإذا كان الخيار الثاني هو المتوفر حاليا فلاداعي لوجود رئيس وزراء في وجود نائبين ومساعدين يخدمون الرئيس وينفذون تعليماته.
Post: #14 Title: Re: فرق كبير بين معتز وبكري Author: عمر التاج Date: 09-12-2018, 07:41 PM Parent: #13
والغريبة في رجل بحجم رئيس وزراء مثل بكري يقيلَوه من منصب كبير لأنه فشل فيه و يعينوه في منصب أقل منه ويحلف زي الماحصل حاجة لذا ما استبعد يرجعوا معتز لمكتبه في السدود ويدور فيه عادي
Post: #15 Title: Re: فرق كبير بين معتز وبكري Author: السنجك عثمان Date: 09-12-2018, 09:10 PM Parent: #14
اصلا هى ماساة تتعدد فصولها ووقع فيها الشعب السودانى والله لاخير فى بكرى ولا فى معتز كلهم اتو فى ظل غياب كامل للرؤيا اولا بكرى ده زول اصلا ما تحسبوهو فى حاجه وقعادو فى السلطه بس لانو زول قام ب مهمة كبيره جدا وخدمة للانقاذ بعد قيامو باعدام الضباط فى رمضان مع الهالك شمس الدين وابورياله والخنجر والدابى فلابد من مكافائته بمقعد دائم فى الحكومه اما هذا الدباب فاوتى به لانه من سلالة الاباطره المتاسلمين الذين ابتلى الله بهم شعب السودان فهو لايفهم فى السياسه ولا فى الدين يعنى هو لا فى العير ولا فى النفير كغيره من الفاسدين المتسلقين فسنرى العجب العجيب فى قادم الايام له
Post: #16 Title: Re: فرق كبير بين معتز وبكري Author: عمر التاج Date: 09-13-2018, 09:18 AM Parent: #15
سلامات يا السنجك بكرى ده اصلا ما جاء لشغل دا زول عسكري قح غاية فهمه اديني تعليمات واديك تعليمات وفي النهاية لا تخرج التعليمات من كونها مضيعة زمن وهدر للبطاقات، بكرى ده ثلاثة سنوات وما أنجز شئ غير زيارة مخازن السكر والدقيق وكذا بقية الطقمة عبد الرحيم وكبر والجاز والمتعافى وكل الطاقم القديم غير المتجدد لم يشهد لهم التاريخ إنجازا واحدا يخليهم في السلطة
Post: #17 Title: Re: فرق كبير بين معتز وبكري Author: السنجك عثمان Date: 09-15-2018, 09:45 PM Parent: #16
على العموم هم مججرمون وقتله نسال الله ان ينتقم منهم فى القريبا لعاجل
Post: #18 Title: Re: فرق كبير بين معتز وبكري Author: عمر التاج Date: 09-16-2018, 07:31 PM
معتز طارح نفسه الان كمفكر سياسي واقتصادي ولكنه وقع في محظور كبير بقبوله سلطتين لا يصح الجمع بينهما إلا في حكومة شمولية بحتة فهل يعقل أن يجمع وزير واحد وسلطة المال المطلق ورئاسة الجهاز الذي يراقبه ويحاسب في نفس الوقت؟ أظن أن هذه الخطوة تعني السير في نفس درب الفساد السائد.
Post: #19 Title: Re: فرق كبير بين معتز وبكري Author: السنجك عثمان Date: 09-16-2018, 09:19 PM Parent: #18
حقيقه يا استاذ التاج انها خطه فى السير فى فساد مبطن واستمرار فى نهج مهترى وما يفعلوه الان هو حركة تدوير للفساد نفسه
Post: #20 Title: Re: فرق كبير بين معتز وبكري Author: عمر التاج Date: 09-17-2018, 06:33 AM Parent: #19
أسوأ مافي حظ معتز يا اخ السنجك أن سلطته تحت سلطة البشير واخوته والنافذين من المؤتمر الوطني يعني هو مجرد عبد المأمور، وهذه النقطه فطن لها د. حمدوك ونأي بنفسه عن الحكومة الأسوأ من ذلك أن حكومة معتز الحالية، تبدو وكأنها أضعف من سابقتها، من حيث نوعية الكادر وتأهيله وقدرته على العمل، نعم هناك دكاترة وتكنوقراط في التشكيل الجديد، ولكنهم بدون خبرات ولا انجازات، وحتي الوزراء الذين ابقى عليهم. من الحكومة السابقة، يعتبرون الأضعف والأكثر انتهازية بين الوزراء.