Post: #2 Title: Re: طرد مصري من عمله بعد فيدو افطاره مع زميلته Author: الطيب عباس Date: 09-11-2018, 10:54 AM Parent: #1
هسع لو كان جوازو امريكي كان حصل شنو ؟
Post: #3 Title: Re: طرد مصري من عمله بعد فيدو افطاره مع زميلته Author: النذير حجازي Date: 09-11-2018, 12:31 PM Parent: #2
Quote: هسع لو كان جوازو امريكي كان حصل شنو ؟
سلام يا حبيبنا، العندو جواز أمريكي ما بعمل كده، لأنو بعلمونا قبل ما نسافر كيف نحترم عادات وتقاليد وأديان الشعوب، وبنركز فقط في عملنا، ونعمل بالمثل القائل: يا غريب خليك أديب
تحياتي
Post: #4 Title: Re: طرد مصري من عمله بعد فيدو افطاره مع زميلته Author: Asim Ali Date: 09-11-2018, 01:24 PM Parent: #3
سلام عليكم دى كارثهالاستخدام الغلط لوسائل التواصل وعدم وضع حدود للخصوصيه فى ماتنشره للاصدقاء او عام او محدود لافراد باسمائهم زى مافى فيس بوك . .لكن الناس بقت واحده (بيقولو فنانه)فى بتستمى فى البانيو وفاتحه لايف مع المعجبين وواحده ( ممثله) سكرانه فاتحه لايف وهى فى سريرها بقميص النوم وماعامله حسابها قامت الصباح والسكره فكت لقت القيامه قايمه لانو معجبينها شافو وشافو فى اللايف امس وطلعت فى لايف تانى تبكى على غفلتها وادعاء حسن النيه ورغبتها فى تفاعلها مع جمهورها).. هسع المصرى شكلو داير يتفاخر بالحركه دى (القعده مع سعوديه باعتبارو اختراق لعادات مجتمع محافظ ) ......وحبابو كتار ماقصرو ......... ماحددت خصويه منشوراتك .........مافى اسهل من الشير ........ واتحمل نتائج غفلتك.
Post: #5 Title: Re: طرد مصري من عمله بعد فيدو افطاره مع زميلته Author: منتصر عبد الباسط Date: 09-11-2018, 02:39 PM Parent: #4
لكن بهاء دا أهبل هبالة لا توصف هو ما عارف العالم داك بفكر كيف!!!
Post: #6 Title: Re: طرد مصري من عمله بعد فيدو افطاره مع زميلته Author: حامد بدري Date: 09-11-2018, 02:59 PM Parent: #5
سمعتو قصة طير شلوى وطير بريمان اها الفااارة ده طير بريمان ده الطير البرسلو سيدو للصيد بقبض الدابي يرميو فوق راس زولو بعد قرصو الداب قال دي زميلتي في العمل يازبالة يامبتفهموش
Post: #7 Title: Re: طرد مصري من عمله بعد فيدو افطاره مع زميلته Author: عمر التاج Date: 09-11-2018, 04:04 PM Parent: #6
في المجتمعات خصوصية لا بد من مراعاتها إذا في المجتمع من لايقبل منك إنقاذ نسائه في حالة تعرض لحوادث الطرق المميتة فكيف يقبل منك جلسة إفطار ومؤانسة لبناته غايتو كويس الملحقوه بطلنا ألفي قطر
Post: #8 Title: Re: طرد مصري من عمله بعد فيدو افطاره مع زميلته Author: أحمد الطيب بدرالدين Date: 09-11-2018, 07:28 PM Parent: #7
أخونا عمر التاج، تحية طيبة... الفقيد كان شخصاً محترماً جداً... لا توجع أهله و أصدقائه بالمقارنة غير الموفقة! رجاءا أمسحها... مشكور..
Post: #9 Title: Re: طرد مصري من عمله بعد فيدو افطاره مع زميلته Author: الطيب عباس Date: 09-12-2018, 06:49 AM Parent: #1
التحايا لكل الحضور الانيق ..
اللهم لا شماته هل ممكن يكون ضحيه مؤامره حتي لو مؤامره غروره
صحي والله
Post: #10 Title: Re: طرد مصري من عمله بعد فيدو افطاره مع زميلته Author: Deng Date: 09-12-2018, 09:14 AM Parent: #9
اي زول يمشي يغترب في دولة ما من أجل أن يعمل، يجي عليه أحترام عادات وتقاليد تلك البلاد. بعدين ما هو الغرض من عرض الفيديو اصلا؟؟
ملاحظة هامة.
البت العاملة فيها وهابية ومنقبة دي، كيف بتاكل بيدها اليسرى؟؟
Post: #11 Title: Re: طرد مصري من عمله بعد فيدو افطاره مع زميلته Author: اخلاص عبدالرحمن المشرف Date: 09-12-2018, 09:22 AM Parent: #10
Quote: البت العاملة فيها وهابية ومنقبة دي، كيف بتاكل بيدها اليسرى؟؟quote/] // اخ دينق الاكل باليد اليمني او اليسري يحدده مركز في الدماغ يجعل الفرد يستعمل اليد الشمال او اليمين
Post: #12 Title: Re: طرد مصري من عمله بعد فيدو افطاره مع زميلته Author: اخلاص عبدالرحمن المشرف Date: 09-12-2018, 09:34 AM Parent: #11
يقال لها dominant يا اخ دينق وهناك 7من رؤساء امريكا كانو يستعملون يدهم اليسري
Post: #13 Title: Re: طرد مصري من عمله بعد فيدو افطاره مع زميلته Author: Deng Date: 09-12-2018, 10:01 AM Parent: #12
دكتورة اخلاص.
بالنسبة للوهابية الاكل ب اليد اليسرى شئ مكروه. الرأي هنا ديني وليس علمي|.
Post: #14 Title: Re: طرد مصري من عمله بعد فيدو افطاره مع زميلته Author: Mohd Ibrahim Date: 09-12-2018, 10:02 AM Parent: #12
طبعايا اخلاص في الاسلام ممنوع الاكل بيدك اليسري حتي لو كنت اعسرا ........
Post: #15 Title: Re: طرد مصري من عمله بعد فيدو افطاره مع زميلته Author: اخلاص عبدالرحمن المشرف Date: 09-12-2018, 10:16 AM Parent: #14
السلام عليكم طبعآ السهو وارد في مثل هذه الحالات لذلك قيل مكروه وليس حرام شكرآ استاذ محمد ابراهيم
Post: #16 Title: Re: طرد مصري من عمله بعد فيدو افطاره مع زميلته Author: اخلاص عبدالرحمن المشرف Date: 09-12-2018, 01:18 PM Parent: #15
شاهدت الفيديو الان فعلآ غير مقبول لدرجة شككت في ان المنقبة سعودية فعلآ شئ غير مقبول إنزال هذا الفيديو اما استعمال البد اليسري ف كما ذكرت يعود للدماغ
Post: #17 Title: Re: طرد مصري من عمله بعد فيدو افطاره مع زميلته Author: اخلاص عبدالرحمن المشرف Date: 09-12-2018, 01:40 PM Parent: #16
الوافدون في السعودبة 99% منهم يراعون عادات وتقاليد المجتمع ، شخص غبي . مثل هذه الاعمال تثير غضب المجتمع ولا تضيف شئيآ النقطة التي تحدثت عنها هي الجزئية المتعلقة بالشخص الاعسر ، هو امر متعلق بالدماغ اما الفيديو فلم اشاهده الا الان هذا امر غير مقبول اطلاقآ لم يراعي الاعراف والتقاليد غبي وقد تجاوز الحدود
Post: #18 Title: Re: طرد مصري من عمله بعد فيدو افطاره مع زميلته Author: بابكر قدور Date: 09-13-2018, 11:30 AM Parent: #17
الأخ الطيب عباس وضيوفه الكرام لكم الود والتحايا الطيبات
الإنجليز قالوا: When you are in Rome, do what Romans do عندما تكون في روما فافعل كما يفعل الرومان .... والفرنسيين قالوا:á Rome fait comme les Romains في روما أفعل كما يفعل الرومان وأهلنا السودانيين قالوا وبكل فخر: عرباً نزلت جنبهم ياشيل طبعهم ويا أرحل خلهم غاية مافي الأمر يجب إحترام الأعراف لدى الآخرين هكذا الأمر عند كل الشعوب ....
Post: #19 Title: Re: طرد مصري من عمله بعد فيدو افطاره مع زميلته Author: الطيب عباس Date: 09-17-2018, 05:46 AM Parent: #1
دا قاليهم حطينا التيس جنب الغنمه وطول ما التيس جنب الغنمه حتكتر فينا قوله باااااااااء
Post: #20 Title: Re: طرد مصري من عمله بعد فيدو افطاره مع زميلته Author: Deng Date: 09-17-2018, 08:07 AM Parent: #19
ونفس هذه الثقافة، تتسامح جدا مع ظهور رجل سعودي في فيديو مشابه لهذا مع أي سيدة من جنسية أخرى