بعد غيبه طويله من المنبر مابين إحباط وتفاؤل ومرض السرطان كان حب الحياه وحب الناس مصدر صمودي وعزيمتي كم من دعوات وصلوات في الجوامع والكنائس من أصدقاء و احباب واخوه حباني الله بهم فكان الشفاء بفضل الله سبحانه وتعالي ودعواتهم.....سأحكي عن تجربتي مع السرطان بحب وسخريه فالطرائف والمواقف المؤلمه تحولت الي طاقات ايجابيه..... مما ساعدت في سرعة استجابتي للعلاج والشفاء بحمدلله تحياتي واشواقي الي زملاء المنبر والزوار الكرام عن تجربتي سوف احكي
Post: #2 Title: Re: رحلتي مع مرض السرطان تفاؤل وحب وسخريه Author: عبدالحفيظ ابوسن Date: 09-04-2018, 05:09 PM Parent: #1
لكم انا سعيدا برؤيتك هجو
Post: #7 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 05:32 PM Parent: #2
Quote: كم انا سعيدا برؤيتك هجو
العزيز عبد الحفيظ وانا سعيد جدا والله بي مرورك وحفاوتك وربنا يديم عليك بي وافر الصحه
Post: #3 Title: Re: رحلتي مع مرض السرطان تفاؤل وحب وسخريه Author: يحي قباني Date: 09-04-2018, 05:09 PM Parent: #1
الحمد لله الذي عافاك ...
رحلة عصيبة مؤكد ...
الحمد لله من قبل و من بعد اخونا الجميل هجو ...
Post: #4 Title: Re: رحلتي مع مرض السرطان تفاؤل وحب وسخريه Author: محمد البشرى الخضر Date: 09-04-2018, 05:17 PM Parent: #3
حمدا لله ع السلامة يا هجو اجر وعافية وطهور بإذن الله
Post: #14 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 05:52 PM Parent: #4
Quote: Author: محمد البشرى الخضر حمدا لله ع السلامة يا هجو اجر وعافية وطهور بإذن الله
الحمدلله علي السلامة دروب الحياة توديك لأماكن وتعريفك بناس قصص ح تكون لافتة وطرائف اتمني البسمات كانت وافرة
الحياة مدرسة كن بخير واستمر جميل
Post: #6 Title: Re: رحلتي مع مرض السرطان تفاؤل وحب وسخريه Author: عمر أبوعاقلة Date: 09-04-2018, 05:29 PM Parent: #5
سلام يا هجو الحمد لله على سلامتك في الأول والشئ الثاني مؤكد كانت تجربة عظيمة بكل مافيها أجر وعافية يا صديق
Post: #9 Title: Re: رحلتي مع مرض السرطان تفاؤل وحب وسخريه Author: nour tawir Date: 09-04-2018, 05:34 PM Parent: #6
الحمد لله من قبل و من بعد اخونا الجميل هجو ...
Post: #17 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 06:09 PM Parent: #9
Quote: الحمد لله من قبل و من بعد اخونا الجميل هجو ...
الأخت نور تاور ...تحياتي ...الحمدلله كانت تجربه عظيمه وساحكي عنها الله يديك العافيه وشكرا كتير علي جيتك الجميله
Post: #16 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 06:05 PM Parent: #6
Quote: والشئ الثاني مؤكد كانت تجربة عظيمة بكل مافيها أجر وعافية يا صديق
تسلم عزيزي عمر ابوعاقله ...فعلا كانت تجربه عظيمه وساحكي عنها بكل حب وفخر ربنا يديك الصحه والعافيه ...وطلتك كانت سمحه جد
Post: #8 Title: Re: رحلتي مع مرض السرطان تفاؤل وحب وسخريه Author: أبوبكر عباس Date: 09-04-2018, 05:33 PM Parent: #5
سلام شيخ هجو، يصعب الإلمام بتفاصيل معاناة الأصدقاء الاسفيريين للوقوف المعنوي معهم. بالله، أعفي لينا تقصيرنا في تفقدك وموازرتك. أنا في غاية السعادة بسماعي قهرك لهذا المارد المدعو السرطان وعودتك الميمونة إلينا
Post: #18 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 06:14 PM Parent: #8
Quote: شيخ هجو، يصعب الإلمام بتفاصيل معاناة الأصدقاء الاسفيريين للوقوف المعنوي معهم. بالله، أعفي لينا تقصيرنا في تفقدك وموازرتك. أنا في غاية السعادة بسماعي قهرك لهذا المارد المدعو السرطان وعودتك الميمونة إلينا
الاخ الحبيب أبوبكر ياخي لوم لوم شنو والله جيتك دي هسع بالدنيا ...وتقصير مافي وانا سعيد بي طلتك وربنا ينعم عليك دوما بوافر الصحه
Post: #15 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 06:00 PM Parent: #5
Quote: دروب الحياة توديك لأماكن وتعريفك بناس قصص ح تكون لافتة وطرائف اتمني البسمات كانت وافرة
الحياة مدرسة كن بخير واستمر جميل
بت المشرف سلامات وتحايا والحياه مدرسه واجمل مافيها ان حصصها قصيره ...ولنا أن نتأمل في هذا الزمن القصير والبسمه محل الألم ولا صرخه ولا اهه تعيق ساعات الحصص دمتي بخير كوني بخير وربنا
Post: #10 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 05:37 PM Parent: #3
Quote:
رحلة عصيبة مؤكد ...
العزيز قباني الحمدلله علي نعمة الشفاء فعلا كانت رحله عصيبه ولكن بها زكريات طريفه يديك العافيه ي رب وشكرا علي جيتك البهيه
يا هجو يا ابن الاكارم و الله انا مقصر و متلوم فيك لو فات الحد و المصيبة إني عرفته بمرضك متأخر. تجدني رغم تقصير فرحان أشد الفرح بأنك ظهرت و تعافيت. ياخ لو سمحته اجدع تلفونك بي جوة.
Post: #33 Title: Re: رحلتي مع مرض السرطان تفاؤل وحب وسخريه Author: عبدالعظيم عثمان Date: 09-04-2018, 06:42 PM Parent: #29
الزميل هجو حمد لله علي السلامة ياخي دا امتحان قاسي ولئيم الحمد لله على السلامة
Post: #39 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 07:07 PM Parent: #33
Quote: الزميل هجو حمد لله علي السلامة ياخي دا امتحان قاسي ولئيم الحمد لله على السلامة
الاخ عبدالعظيم عثمان الله يسلمك كان امتحان وكانت دروس ولي شرف أن عبرت بكل قوه وثبات ربنا ينعم عليك بالصحه وما تشوف شر ..والف شكر علي المرور الجميل
Post: #34 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 06:43 PM Parent: #29
في بدايه العام 2017 كنت مفعم بالحيوية والنشاط وامارس حياتي بشكل طبيعي ..قررت أنا المداوم علي الكحول والتدخين والتمباك وان اتخلص منهم جميعا في يناير من نفس العام تخلصت من والتمباك تماما بعد جهد ومثابرة ومقاومة للنفس الخرمانه للتمباك ولكن تغلبت عليها بكل عزيمه واصرار كأنني داخل علي معركه حياه او موت ...ولكن كان التدخين بشراهه هو البديل كمن بدل احمد بي حاج احمد ..وفي الربع الأول من العام كان القرار الأخطر في حياتي وهو الإقلاع عن الكحول بعد معاقره دامت سنين طويله كدت أن احتفل معها باليوبيل الفضي او احتمال أكثر قليلا...فقد كنت اقول لندمائي في الخمر اني يجب أن أتوقف عن الخمر بارادتي دون أن يوقفني الطبيب لأنني لو توقفت بارادتي سارجع لصديقتي الخمره يوما ما ..ولكن إذا اوقفني الطبيب لن أعود اليها...... نواصل
Post: #35 Title: Re: رحلتي مع مرض السرطان تفاؤل وحب وسخريه Author: النذير حجازي Date: 09-04-2018, 06:46 PM Parent: #29
الف حمد لله على السلامة يا هجو والحمد لله مع تطور العلم هزم الأطباء هذا المرض اللعين
Post: #36 Title: Re: رحلتي مع مرض السرطان تفاؤل وحب وسخريه Author: بكرى ابوبكر Date: 09-04-2018, 06:54 PM Parent: #35
الجميل هجو مختار سعدت بطلتك البهية و مشتاقين و كيف احوال الشباب بجوبا سلامى لهم كلهم و خاصة عبد الباقى و جمعة
انشاء رحلتك مع هذا المرض اللعين تزول و تصبح ذكرى اتمنى لك الصحة و العافية
Post: #51 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 08:20 PM Parent: #36
Quote: الجميل هجو مختار سعدت بطلتك البهية و مشتاقين و كيف احوال الشباب بجوبا سلامى لهم كلهم و خاصة عبد الباقى و جمعة
انشاء رحلتك مع هذا المرض اللعين تزول و تصبح ذكرى اتمنى لك الصحة و العافية
العزيز الباش مهندس بكري الله يسعد ايامك ويملاك صحه وعافيه وكل الشباب في جوبا بخير والاشواق كميات والله ولي الشرف ان احكي تجربتي مع السرطان في هذا المنبر العامر الف شكر وتحيات مباركه ولي شرف طلتك البهيه في البوست
Post: #50 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 08:12 PM Parent: #35
Quote: الف حمد لله على السلامة يا هجو والحمد لله مع تطور العلم هزم الأطباء هذا المرض
الله يسلمك حبيبنا النذير حجازي فعلا الأطباء مشوا بعيد جدا في علاج السرطان الف شكر علي مرورك الجميل وما تشوف شر ي رب
Post: #38 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 07:02 PM Parent: #29
Quote: يا هجو يا ابن الاكارم و الله انا مقصر و متلوم فيك لو فات الحد و المصيبة إني عرفته بمرضك متأخر. تجدني رغم تقصير فرحان أشد الفرح بأنك ظهرت و تعافيت. ياخ لو سمحته اجدع تلفونك بي جوة
سفيان صديقي الجميل من زماااان ياخي مافي تقصير مع الشلهته والمنافي وربنا ينعم عليك بالصحه ...ونتلاقي قريب...وتلفوني في الماسنجر تلقاهو
Post: #40 Title: Re: رحلتي مع مرض السرطان تفاؤل وحب وسخريه Author: Munir Date: 09-04-2018, 07:12 PM Parent: #38
ألف حمداً لله على السلامة أخ هجو .. أجر وكفارة إن شاء الله ..
Post: #56 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 08:37 PM Parent: #40
Quote: لله على السلامة أخ هجو .. أجر وكفارة إن شاء الله
الله يسلمك الأخ منير ونحمد الله كثيرا علي الصحه والعافيه وانشاءلله ما تشوف شر قادر ي كريم
Post: #41 Title: Re: رحلتي مع مرض السرطان تفاؤل وحب وسخريه Author: Mahjob Abdalla Date: 09-04-2018, 07:13 PM Parent: #38
حمدا لله علي السلامة اخ هجو
Post: #44 Title: Re: رحلتي مع مرض السرطان تفاؤل وحب وسخريه Author: عبدالمنعم الطيب حسن Date: 09-04-2018, 07:22 PM Parent: #41
الف سلامة صديقنا هجو مختار انه يوم سعيد بطلتك وبهزيمتك للمرض دم بخير ايها الصنديد؛
Post: #59 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 08:43 PM Parent: #44
Quote: الف سلامة صديقنا هجو مختار انه يوم سعيد بطلتك وبهزيمتك للمرض دم بخير ايها الصنديد
الله يسلمك الصديق عبدالمنعم الطيب وربنا يسعد ايامك وانا اكثر سعاده بي طلتك الجميله ومرورك الزاهي دمت بخير
Post: #57 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 08:39 PM Parent: #41
Quote: حمدا لله علي السلامة اخ هجو
الله يسلمك الأخ محجوب وسعيد كتير بي مرورك
Post: #42 Title: Re: رحلتي مع مرض السرطان تفاؤل وحب وسخريه Author: Mohamed Adam Date: 09-04-2018, 07:14 PM Parent: #38
سلام أخونا هجو. وحمدلاك علي السلامة.
Post: #43 Title: Re: رحلتي مع مرض السرطان تفاؤل وحب وسخريه Author: Frankly Date: 09-04-2018, 07:19 PM Parent: #42
سلامة كبيرة أخي هجو والحمد لله على السلامة
Post: #45 Title: Re: رحلتي مع مرض السرطان تفاؤل وحب وسخريه Author: مني عمسيب Date: 09-04-2018, 07:28 PM Parent: #43
جيدن جيت اخي الحبيب هجو .. والف حمد الله علي السلامة . ولا بأس عليك وما نشوف فيك شر قادر يا كريم .
Post: #62 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 08:53 PM Parent: #45
Quote:
جيدن جيت اخي الحبيب هجو .. والف حمد الله علي السلامة . ولا بأس عليك وما نشوف فيك شر قادر يا كريم .
تسلمي كتير الأخت الغاليه بت عمسيب والله يسلمك وما تشوفي شر ي رب كوني بخير وعافيه
Post: #61 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 08:49 PM Parent: #43
Quote: سلامة كبيرة أخي هجو والحمد لله على السلامة
الله يسلمك الأخ فرانكلي وما تشوف شر ي رب كن بخير
Post: #60 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 08:46 PM Parent: #42
Quote: سلام أخونا هجو. وحمدلاك علي السلامة
الله يسلمك اخونا محمد ادم وانشاءلله ما تشوف شر وربنا يمتعك بالصحه والعافيه
Post: #47 Title: Re: رحلتي مع مرض السرطان تفاؤل وحب وسخريه Author: علي دفع الله Date: 09-04-2018, 07:32 PM Parent: #13
الف حمد الله على السلامة الاخ هجو والله ما عندي خبر والله سعيد بتمام عافيتك وما تشوف شر
Post: #63 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 08:58 PM Parent: #47
Quote: حمد الله على السلامة الاخ هجو والله ما عندي خبر والله سعيد بتمام عافيتك وما تشوف شر
تسلم كتير الاخ علي دفع الله وربنا يديك الصحه ما بتقصر والله وانا سعيد كتير بي جيتك الباهيه كن بخير
Post: #46 Title: Re: رحلتي مع مرض السرطان تفاؤل وحب وسخريه Author: محمد محمد قاضي Date: 09-04-2018, 07:30 PM Parent: #1
الأخ الفاضل/ هجو الف حمدا الله علي السلامة وأجر وعافية إن شاء الله وكل عام وأنتم بخير
الأخ الكريم/ باشمهندس بكري بعد السلام والتحية تجربة هجو مع هذا المرض اللعين وهزيمته لهذ المرض درس وعظة وعبرة فنرجو منك التكرم برفع هذا البوست في الأعلى
وما تشوفو شر ...... نجيكم في السمح
Post: #48 Title: Re: رحلتي مع مرض السرطان تفاؤل وحب وسخريه Author: عادل الباهي عبدالرازق Date: 09-04-2018, 08:05 PM Parent: #46
الف حمدا لله علي سلامتك ياهجو وماتشوف شر
Post: #49 Title: Re: رحلتي مع مرض السرطان تفاؤل وحب وسخريه Author: ابو جهينة Date: 09-04-2018, 08:05 PM Parent: #46
الاخ هجو
الحمد لله الذي اسبغ عليكم نعمة الشفاء ومتعكم بالعافية والصحة والله خبر مفرح
متعك الله دوما بالصحة
Post: #52 Title: Re: رحلتي مع مرض السرطان تفاؤل وحب وسخريه Author: جمال ود القوز Date: 09-04-2018, 08:21 PM Parent: #49
الاخ هجو حمدلله علي السلامة
Post: #53 Title: Re: رحلتي مع مرض السرطان تفاؤل وحب وسخريه Author: الصادق اسماعيل Date: 09-04-2018, 08:26 PM Parent: #52
واخيراً خبر سعيد وجميل سعيد انا بهذا الخبر وبتقبل دعواتنا لك وتمنايتنا بالشفاء الحمد لله الذي من عليك بالشفاء تابعت رحلة علاجك من خلال الاخ عباس الوسيلة الحمد لله يا هجو رغم اننا لم نتقابل ولكني سمعت عنك كثيراً وتمنيت ان التقي بك
Post: #54 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 08:27 PM Parent: #52
نواصل ...... نعم توقفت عن الكحول تماما وبعد أيام قليله استطعت أن اقلع عن التدخين وبدأت أفكر جديا في ممارسه الرياضه ايا كان نوعها...ولكن فجاءه دون مقدمات داهمتني كحه وأصبحت ملازما ني ليل نهار وسافرت الي يوغندا الي مقابله الطبيب فأعطاني علاجات كنت اظنها كانت شافيه ورجعت لمزاولة عملي بكل نشاط ولكن السعال عاد أكثر شراسه فنصحني أصدقائي الجميلين بالكثير المثير من العلاجات البلديه كزيت الزيتون وصفق الخروع وشراب الليمون و.البكري وما ادراكما العلاجات البلديه التي لم تجدي نفعا ونصحني صديق بالذهاب الي طبيب في جوبا وكانت المفاجاءه بعد أن ذهبت اليه وكشف علي الصدر وجده سليما والجهاز التنفسي وكل شي يعمل بطاقته القصوي فقال لي الطبيب دعني اكشف علي بطنك وتلمسها بيده وقال لي بالحرف الواحد ...ان هناك ورم في البطن وغالبا في الطوحال واتمني يكون الطوحال متورم ولا اريد ان أسبق الحوادث...اذهب واعمل لي موجات صوتيه....... ونواصل
Post: #65 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-04-2018, 09:05 PM Parent: #46
Quote: الأخ الفاضل/ هجو الف حمدا الله علي السلامة وأجر وعافية إن شاء الله وكل عام وأنتم بخير
الأخ الكريم/ باشمهندس بكري بعد السلام والتحية تجربة هجو مع هذا المرض اللعين وهزيمته لهذ المرض درس وعظة وعبرة فنرجو منك التكرم برفع هذا البوست في الأعلى
وما تشوفو شر ...... نجيكم في السمح
تسلم كتير الاخ العزيز محمد محمد قاضي وما تشوف شر ي رب ....سأحكي تجربتي كما حصلت وسانقلها بي تفاصيلها من بخير ووافر الصحه
Post: #55 Title: Re: رحلتي مع مرض السرطان تفاؤل وحب وسخريه Author: elhilayla Date: 09-04-2018, 08:29 PM Parent: #1
الأخ هجو لا بأس طهور إن شاء الله حقيقة لم أسمع إلا منك الآن فأرجو السماح *ربنا يسهل نكون حضور في الكرامة ____ الحليلة
Post: #58 Title: Re: رحلتي مع مرض السرطان تفاؤل وحب وسخريه Author: ABUHUSSEIN Date: 09-04-2018, 08:41 PM Parent: #55
حمدا لله على السلامة اجر و عافية ان شاء الله
Post: #64 Title: Re: رحلتي مع مرض السرطان تفاؤل وحب وسخريه Author: سيف النصر محي الدين Date: 09-04-2018, 09:00 PM Parent: #58
حمد لله على السلامة يا هجو قدر ولطف. جميل منك ان تتقدم لتشرك الناس في تجربتك وهو امر غير مستغرب منك كما عرفناك وخبرناك هنا في المنبر العام
Post: #66 Title: Re: رحلتي مع مرض السرطان تفاؤل وحب وسخريه Author: Ali Abdalla Date: 09-04-2018, 10:17 PM Parent: #64
حمد لله علي السلامة
تجربة قاسية ومؤلمة
سعدنا بي طلّتك
و عوداً حميداً
Post: #67 Title: Re: رحلتي مع مرض السرطان تفاؤل وحب وسخريه Author: Hafiz Bashir Date: 09-04-2018, 11:06 PM Parent: #66
حمدا لله على السلامة يا هجو و ان شاء الله ربنا يديم عليك كامل الصحة والعافية
Post: #69 Title: Re: رحلتي مع مرض السرطان تفاؤل وحب وسخريه Author: Biraima M Adam Date: 09-04-2018, 11:42 PM Parent: #68
أجر وعافية يا أخ هجو الحمد الله الذي شفاك ورد لك عافيتك ..
بريمة
Post: #70 Title: Re: رحلتي مع مرض السرطان تفاؤل وحب وسخريه Author: جلالدونا Date: 09-05-2018, 00:11 AM Parent: #69
الف الف حمدلله على السلامة و اجر و عافية ان شاءالله
Post: #71 Title: Re: رحلتي مع مرض السرطان تفاؤل وحب وسخريه Author: tasneem Date: 09-05-2018, 02:26 AM Parent: #70
مليون سلامة ليك اخي هجو وربنا يديك الصحة والعافية
Post: #72 Title: Re: رحلتي مع مرض السرطان تفاؤل وحب وسخريه Author: آدم صيام Date: 09-05-2018, 02:33 AM Parent: #70
Quote: بعد غيبه طويله من المنبر مابين إحباط وتفاؤل ومرض السرطان كان حب الحياه وحب الناس مصدر صمودي وعزيمتي كم من دعوات وصلوات في الجوامع والكنائس من أصدقاء و احباب واخوه حباني الله بهم فكان الشفاء بفضل الله سبحانه وتعالي ودعواتهم.....سأحكي عن تجربتي مع السرطان بحب وسخريه فالطرائف والمواقف المؤلمه تحولت الي طاقات ايجابيه..... مما ساعدت في سرعة استجابتي للعلاج والشفاء بحمدلله تحياتي واشواقي الي زملاء المنبر والزوار الكرام عن تجربتي سوف احكي
الحبيب هجو مختار المحترم
العائد وفي مفرقه تاج الصحة من بين براثن السرطان اللعين حمدًا لله على سلامتكم وطهور طهور إن شاء الله جعل الله صبركم الأيوبي في ميزان حسناتكم
يؤسفني أن لم اسمع بمرضكم لأشاطركم الألم بالدعاء ويسعدني شفاؤكم البرء بإذن الله احكي أخـــي،،، هذه تجربة عائد بعد أن ذهب إلى الآخرة رويدًا رويدًا
Post: #73 Title: Re: رحلتي مع مرض السرطان تفاؤل وحب وسخريه Author: Gaafar Ismail Date: 09-05-2018, 02:48 AM Parent: #72
الأخ الفاضل هجو ألف حمد لله على الشفاء ، وإن شاء الله أجر وعافية وما تشوف شر ، وارجو المعذرة لجهلي بمرضك في الفترة السابقة .
تحياتي ووافر احترامي
Post: #74 Title: Re: رحلتي مع مرض السرطان تفاؤل وحب وسخريه Author: ترهاقا Date: 09-05-2018, 03:12 AM Parent: #73
الف حمد الله على السلامة
Post: #75 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-05-2018, 04:10 AM Parent: #74
نواصل طلعت من الطبيب ما بين مصدق ومكذب وتذكرت خالي توفي بورم في الطوحال فقلت ابشر ي ولد ي هجو ....الولد خال ...و هكذا قلت لرفيقي الذي كان يلازمني في مشاويري الي الطبيب...دخلنا مركز طبي للموجات الصوتيه فجاءه وجدت نفسي في مركز نون النسوه حيث جميع النساء يمتازن ببطون كبيره فتحسست بطني فقلت ديل كلهم طوحال ي ربي ..ولا أنا أكون في الشهر الرابع فضحكت بيني وبين نفسي وقلت شر البلية ما يكبر الكرش..... نعم دخلت غرفه الموجات الصوتيه وبعد الفحص سألت الفني عن الحاصل قال لي في ورم في الطوحال لكن ما بقدر اعرف نوعه ارجع للدكتور ...رجعت للطبيب في سرعه البرق فقد كانت ساعه انتهاء عمله علي وشك ...فعلا وجدته امام باب المجمع الطبي فرجع معي الي غرفته وفتح ظرف الموجات الصوتيه وقال لي فعلا في ورم بين الطوحال والمعده...انت ليه عملت الموجات في المركز ده الصوره ما واضحه...امشي المركز الفلاني في شارع كذا...عندهم اجهزه جديده ومتطوره وتعال لي يوم الاتنين لانه كان يوم جمعه هذا الكلام ...وحاشين علي اجازة نهايه الاسبوع ...كانت اجازه طويله مابين الكحه الهواجس ونظرات الناس الي الكحه باعتبار انها ممكن تكون تي بي او ممكن تتحول الي اي شي لزمت غرفتي وما طلعت منها وأصبحت اشغل نفسي بالقراءة و تحديدا القراءه عن أمراض السرطان ...الود عامل مثقف قال يهيى نفسه لأي حاجه ما معروف الظروف.... وفي صباح الاثنين توجهت الي المركز المحدد لعمل الموجات الصوتيه وكانت المفاجاءه........نواصل
Post: #76 Title: Re: رحلتي مع مرض السرطان تفاؤل وحب وسخريه Author: معاوية الزبير Date: 09-05-2018, 04:26 AM Parent: #75
كويس إنك بقيت كويس يا هجو.. كويس إننا بنقرأ ليك من جديد في المنبر جيد جدا و شيء مفرح أنك لا تزال معنا في هذه الدنيا نتقاسم أتراحها وخيباتها وأفراحها النص نص ونأمل بأضواء باهرة في نهاية النفق سواء لنا أو لأجيالنا القادمة مشتاق أنا وسعيد بشوفتك يا حبيب
Post: #77 Title: Re: رحلتي مع مرض السرطان تفاؤل وحب وسخريه Author: عباس محمود Date: 09-05-2018, 05:10 AM Parent: #76
العزيز هجو ألف حمد لله على السلامة .. ياخى والله طلتك هنا حدث مفرح جدا وخاصة جات معاها الأخبار الطيبة بالشفاء. لو مت صديقنا وسيلة عشان ما كلمنى بى مرورك بى نواحينا لكن قال لى كنت مشغول جدا مع أعباء أضافية من جهة العمل . ألف حمد لله على السلامة وسعيد جدا بى طلتك هنا .. أكيد نتواصل ومتابع البوست
Post: #78 Title: Re: رحلتي مع مرض السرطان تفاؤل وحب وسخريه Author: عمر التاج Date: 09-05-2018, 05:39 AM Parent: #77
سلامات اخ هحو، وسلامتك والف لا بأس عليك وشكرا على اشراكنا هذه التجربة القاسية
Post: #79 Title: Re: رحلتي مع مرض السرطان تفاؤل وحب وسخريه Author: مهند أحمد سلمان طيفور Date: 09-05-2018, 05:44 AM Parent: #1
ألف حمد لله على السلامة..
إن شاء الله تكون "الزرة" دي آخر مصاعبك في الحياة..
ويحول ليك كل أيام الابتلاء لكفارات ومعافاة دائمة..
وكلنا معرضين لنفس المحن، إن شاء الله ربنا يجعل كل من يتعرض لها كائن من كان يطيب ويشفى
Post: #80 Title: Re: رحلتي مع مرض السرطان تفاؤل وحب وسخريه Author: علي محمد الفكي Date: 09-05-2018, 07:11 AM Parent: #79
حسنه واجر يا رب الحمد لله على نعمة الصحه والعافيه ربنا يديمه عليك
Post: #81 Title: Re: رحلتي مع مرض السرطان تفاؤل وحب وسخريه Author: بهاء بكري Date: 09-05-2018, 07:18 AM Parent: #80
حمدلله علي السلامة ياهجو وربنا يحفظك ويعافيك دوما
Post: #82 Title: Re: رحلتي مع مرض السرطان تفاؤل وحب وسخريه Author: Ahmed Tuhami Date: 09-05-2018, 07:40 AM Parent: #1
كن بخير ...................
Post: #83 Title: Re: رحلتي مع مرض السرطان تفاؤل وحب وسخريه Author: ياسر السر Date: 09-05-2018, 08:35 AM Parent: #82
الاخ الاستاذ هجو حمدا لله على سلامتك وان شاء اللله اجر وعافية وطهور يا رب ونسال الله ان يديم عليك نعمة الصحة والعافية وان يمن عليك بالشفاء التام وسامحنا على التقصير والله ام اعرف بمحنتك التي كنت تمر بها الا من حديثك في هذا البوست والذي احييك فيه على شجاعتك وسرد تجربتك هنا لكي يستفيد منها الناس وهذا شي عظيم .. تمنياتي لك بوافر الصحة والعافية ... ودم بخير اخي الجميل ..
تحياتي : ياسر العيلفون ....
Post: #84 Title: Re: رحلتي مع مرض السرطان تفاؤل وحب وسخريه Author: سامى عبد الوهاب مكى Date: 09-05-2018, 09:15 AM Parent: #83
صديقي العزيز وإبن خالي الغالي
أِشهد أنك كنت قوي في مواجهة المرض الخبيث وهذا غير مستغرب فقد كنت قوي قبلها وأنت الأن بحمد الله أقوى.
أجر وعافية و حمد لله على السلامة.
نحن نضرب في الكرامات ساي ههههه
Post: #85 Title: Re: رحلتي مع مرض السرطان تفاؤل وحب وسخريه Author: Nasser Amin Date: 09-05-2018, 09:25 AM Parent: #83
الف حمد لله على السلامة . ربنا يديم عليك نعمة الصحة و العافية.
Post: #86 Title: Re: رحلتي مع مرض السرطان تفاؤل وحب وسخريه Author: Ahmed Yassin Date: 09-05-2018, 09:36 AM Parent: #85
هجو ( قاهر السرطان ) .. وشركاه اولا حمدالله على السلامة واجر وعافية ان شاءالله تعالى ----- عموما في بوستات مهمة زي دي الواحد ما بتتداخل حتى لانقطع (نواصل) ومتابعتك للتجربة الممكن تفيد كثير من الناس انت (واصل) في حكى تجربتك النادرة دي وخلي الردود دي في الاخر
Post: #87 Title: Re: رحلتي مع مرض السرطان تفاؤل وحب وسخريه Author: النذير حجازي Date: 09-05-2018, 09:59 AM Parent: #86
حبيبنا هجو، ياريت تدمج الردود بشكرا للجميع، فالاثارة قد وصلت ذروتها عندنا، في احر من الجمر لتتمة القصة، وبي تحت تحت كدا كلنا هارشين هههههههه الاعراض دي كلها عندنا، والله يستر
وياريت لو ناس عندها تجارب مشابهة تحكي برضو
Post: #88 Title: Re: رحلتي مع مرض السرطان تفاؤل وحب وسخريه Author: Faisal Fadhlallah Date: 09-05-2018, 10:29 AM Parent: #87
نحمد الله أن منّ عليك بالشفاء من هذا المرض اللعين ربنا يلبسك ثوب العافية دوما.
Post: #89 Title: Re: رحلتي مع مرض السرطان تفاؤل وحب وسخريه Author: الحاج حمد الحاج Date: 09-05-2018, 10:40 AM Parent: #88
الف حمدا لله على السلامة أخ هجو..ربنا يمتعك بالصحة و العافية.
Post: #123 Title: Re: رحلتي مع مرض السرطان تفاؤل وحب وسخريه Author: بلدى يا حبوب Date: 09-06-2018, 05:25 PM Parent: #89
الاخ / هجو الف حمد الله على سلامتك وادام الله الصحة تحياتى
Post: #90 Title: Re: رحلتي مع مرض السرطان تفاؤل وحب وسخريه Author: الطيب عباس Date: 09-05-2018, 11:02 AM Parent: #1
الف حمد لله علي السلامه هجو .. ماتشوف شر باذن الله
Post: #91 Title: Re: رحلتي مع مرض السرطان تفاؤل وحب وسخريه Author: نعمات عماد Date: 09-05-2018, 11:25 AM Parent: #90
سلامتك أخونا هجو. ربنا يديم عليك العافية. فوق إنها قصة ملهمة، انت انسان موفق من رب العالمين، أولاً توفقت في ترك المواد السامة و الآم ترك النيكوتين قبل المرض، ثانياً وفقك الله في قهر المرض ثالثاً توفقت في تنبيه الناس لخطورة المواد هذه بشجاعة و رضا ، ما شاءالله. واصل بدون ردود.
Post: #92 Title: Re: رحلتي مع مرض السرطان تفاؤل وحب وسخريه Author: علي دفع الله Date: 09-05-2018, 11:30 AM Parent: #91
بما انو البوست جميل وفيه تفاؤل وحب وسخرية خلينا نقول زي ما قال صديقي النذير هههه لانو ناس العبابير راسهم ضرب صورة الى : الى بريمة صورة الى : دينق و آخرون 😂😂😂
كمل الحكي الملان تماسك في الانتظار
Post: #93 Title: Re: رحلتي مع مرض السرطان تفاؤل وحب وسخريه Author: عمر مصطفى مضوي Date: 09-05-2018, 11:31 AM Parent: #91
ألف سلامة اخي هجو وأجر وعافية يارب ،،،،
Post: #94 Title: Re: رحلتي مع مرض السرطان تفاؤل وحب وسخريه Author: محمد أبوزيد Date: 09-05-2018, 12:07 PM Parent: #93
ألف حمدا لله على السلامة العزيز هجو مختار
المجد عوفي اذا عوفيت والكرم وزال عنك الى اعدائك الالـــم
مودتي
Post: #95 Title: Re: رحلتي مع مرض السرطان تفاؤل وحب وسخريه Author: Osman Musa Date: 09-05-2018, 12:17 PM Parent: #94
يطول عمرك يا مك و يدوم شفاك يا رب تابع السباحة و رياضة المشي قدر. ما. تقدر وقدر. ما الله يديك من قوة. والف حمد لله علي السلامة
Post: #96 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-05-2018, 12:44 PM Parent: #95
نواصل كان مرافقي بن اختي ماهر قلق جدا ومتوتر وكنت ادعي البرود والشجاعة تحسبا لاي نتيجه ..وصلنا المستشفي المحدد وبحثنا في اللافتات عن غرفة الموجات الصوتيه في عدد من النساء من بعيد واقفات امام احدي الغرف قلت لمرافقي ديك غرفه الموجات الصوتيه ما عايزه لافته ماشايف الجماهير كلها من الجنس اللطيف ...ومشينا بخطي واثقه جدا
Post: #97 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-05-2018, 01:02 PM Parent: #96
نواصل .طلعت غرفه طبيب النساء والتوليد...قلت ليهو ما مشينا بعيد كل ورم وبطن منفوخه وضحكنا...سالت واحده من الممرضات عن غرفه الموجات الصوتيه اشرت لينا علي غرفه مغلقه وقدام الباب كميه من الحشائش كانما ليها شهور مافي زول فتحه..وقالت والله الفني بتاع الموجات الصوتيه عندو ولد ه مفقود ليهو شهرين شال المفتاح معاهو ومشي يفتش ولدو...طيب ما في زول غيرو قلت ليها..والله هو الوحيد البشتغل هنا ومما مشي مافي زول فتح الغرفه دي ...ا نواصل
Post: #98 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-05-2018, 01:09 PM Parent: #97
...اقترح علي بن اختي ماهر نمشي مركز تاني ..انا رفضت وقلت ليهو نرجع للدكتور ونكلمو وهو يحدد المركز الممكن نمشي ليهو..لانو ممكن نمشي اي مركز وبعداك هو تاني يقول لا ما واضحه فمن الأفضل نرجع ليهو...فعلا رجعنا للدكتور لقينا البت بتاعت الكاونتر كلمناها باننا عايزين نقابل الطبيب لانو قال اعملو موجات في المحل الفلاني ولقيناهو مقفل عايزين نشوف لو حدد لينا محل تاني...البنت قالت كييييف تمشوا تعملوها هناك مفروض تعملوها عندنا هنا في المركز قلت ليها لكن الدكتور هو الحدد لينا ما نحن ..قالت لا تعملوها عندنا هنا ...قلت لكن لو هو عايزنا نعمله هنا كان قال لينا..انت امشي كلميهو او خلينا نخش نكلمو نحن ..قالت لا تعملوها هنا وما تخشوا للدكتور ولو عايزين تخشوا احجزو تزكره جديده وتجو بكره لانو قدامكم اكتر من عشرين حاله ...قلت ليها جدا ممكن نحجز لي بكره لكن انت كلميهو عشان لو قال اعملو الموجات الصوتيه هنا نعمله وبكره نخش جاهزين ولو قال في محل تاني برضو نعمله ...رفضت قالت لا تعملوها هنا وتقابلوهو بكره ..قلت ليها انت بتعرفي اكتر من الدكتور ما هو لو عايزنا نعمله هنا كان من الاول قال لينا ...قالت ي تعملوها هنا ي ما تخشوا للدكتور.. قلت ليها لا هنا ولا في اي حته ياخي مع السلامه..في اللحظه دي ماهر انفعل وعايز يعمل معاها مشكله ..قلت ليهو الموضوع ما يستاهل يلا نمشي البيت نشيل جوازي ونطلع نلحق طياره الساعه اربعه الماشه كمبالا ونعمل فحوصات كامله هناك ..فعلا مشيت رتبت حالي وسافرت كمبالا في طياره المساء.... نواصل
Post: #99 Title: Re: رحلتي مع مرض السرطان تفاؤل وحب وسخريه Author: حمد عبد الغفار عمر Date: 09-05-2018, 01:21 PM Parent: #98
ألف سلامة يا هجو خبر جميل نسأل الله أن يديم عليك الصحة والعافية
Post: #101 Title: Re: رحلتي مع مرض السرطان تفاؤل وحب وسخريه Author: tabaldy Date: 09-05-2018, 01:34 PM Parent: #99
ألف حمد لله علي السلامة التمس العذر منك
قصتك تستحق الوقوف عندها مشكور على مشارتكها في المنبر صحة وعافية
Post: #109 Title: Re: رحلتي مع مرض السرطان تفاؤل وحب وسخريه Author: ahmedona Date: 09-05-2018, 06:23 PM Parent: #101
حمد لله على السلامة هجو ....
ما تشوف شر إن شاء الله...
أجر ومغفرة ......
دربك أخضر إنشاء الله...
Post: #117 Title: Re: رحلتي مع مرض السرطان تفاؤل وحب وسخريه Author: بشير دفع الله Date: 09-06-2018, 07:20 AM Parent: #101
الف الف حمدا لله على سلامتك أخونا هجو
Post: #163 Title: Re: رحلتي مع مرض السرطان تفاؤل وحب وسخريه Author: Gamal Abayazid Date: 09-09-2018, 03:29 AM Parent: #99
الف سلامة يا هجو وان شاءالله ما تشوف شر، وان شاءالله اجر وعافية
Post: #225 Title: Re: رحلتي مع مرض السرطان تفاؤل وحب وسخريه Author: muntasir Date: 09-15-2018, 09:51 PM Parent: #99
حمدلله على السلامة مختار وربنا يجعل هذه الرحلة كفارة لك وقلوبنا معك ومع عائلتك التي عانت معك في هذه المِحنة وشكراً لك لإشراكنا في تجربتك لقهر هذا المرض
Post: #100 Title: Re: رحلتي مع مرض السرطان تفاؤل وحب وسخريه Author: محمد حمزة الحسين Date: 09-05-2018, 01:30 PM Parent: #98
الف سلامة ليك يا هجو ... قدر ولطف من الله ... متابعين ... : : : : : مع التحيات لله الزاكيات
Post: #102 Title: Re: رحلتي مع مرض السرطان تفاؤل وحب وسخريه Author: اسامه العريفي Date: 09-05-2018, 01:36 PM Parent: #100
متعك الله بنعمة الصحة والعافيه اخوي هجو
Post: #103 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-05-2018, 01:49 PM Parent: #102
نواصل وصلت كمبالا في المساء وتوجهت صباح اليوم التالي الي مستشفي نكسيروا من أكبر المستشفيات في يوغندا وقابلت الطبيب وشرحت ليهو الحاصل وطلب مني بعض الفحوصات وصوره اشعه وموجات صوتيه .. في البدايه مشيت لفحص الدم فقد كان مجموعه من الفحوصات من ضمنها الايدز....وبعداك مشيت لي صوره الاشعه للصدر والموجات الصوتيه فقد كانت نتيجه الاشعه والموجات الصوتيه في أقل من ربع ساعه جاهزه ..تاخرت نتيجه فحص الدم فكان مفترض تطلع في عشرين او نصف ساعه بالكتير ولكن مرت قرابه الساعه والنتيجه ما طلعت وبدأ القلق والتوتر ينتابني ومرافقتي زوجتي فذهبت الي المعمل اسال قال لي الطبيب لسع تعال بعد عشره دقايق...ورجعت بعد عشره دقايق بالظبط قال لي تاني تعال بعد نصف ساعه...هنا انتابني القلق والهواجس وقلت له ليه بعد نص ساعه ..اسمع لمن النتيجه تجهز ح نوديها للدكتور بحزم...رجعت لزوجتي فقد كانت أكثر توترا مني قلت ليها قالوا ح يودو النتيجه لمن تطلع للدكتور .والدكتور هو ح ينادينا. بما انها اتأخرت احتمال يكون فيها سرطان ولا ايدز..انت شايفه شنو ؟ وضحكت قالت هاي المواضيع دي ما فيها هظار...قلت ليها طبعا الايدز افضل علي الاقل بتاخد علاجات قد تعيش خمسه وعشرين سنه مثلا ...لكن السرطان لو ما يتعالج بالكتير سنتين ...واخدنا نتجادل جدل المتوترين في انتظار النيجه
Post: #104 Title: Re: رحلتي مع مرض السرطان تفاؤل وحب وسخريه Author: محمد عبد الله الامين Date: 09-05-2018, 02:13 PM Parent: #103
الف حمدا لله بالسلامه اخ هجو .. ماتشوف شر ان شاء الله اجر وعافية ...
Post: #105 Title: Re: رحلتي مع مرض السرطان تفاؤل وحب وسخريه Author: Arif Nashed Date: 09-05-2018, 02:50 PM Parent: #104
الحمد لله الذي عافاك وشفاك أمنياتنا لك بدوام الصحة والعافية
Post: #106 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-05-2018, 02:58 PM Parent: #105
نواصل رجعت المعمل تاني اسال في قلق المره دي استعنت بي ممرضه كانت سجلت الوزن وقاست لي الضغط وبي لطف قالت لي دقيقه اشوف ليك النتيجه وبعد عشره دقايق جات قالت لي بس اديني خمسه دقايق النتيجه جاهزه بس الكمبيوتر علق...حظي أنا المهبب الكمبيوتر ما يعلق إلا في نتيجتي...قلت سمح نصبر. فعلا بعد خمسه دقايق جات شايله الورق وقالت لي دي النتيجه قلت ليها اديني ليها اقراها او الحاصل شنو فيها رفضت وبحزم قالت لي لا إلا الدكتور هو يكلمك...الهواجس جات في رأسي تاني ...ياربي يكون فيها شنو إلا الدكتور وطيب أنا اتعامل مع النتيجه دي كيف قلت ي ود ي هجو خليك بارد ما اصلو موت موت حياه حياه لكن ما الخوف من السرطان ولا الايدز...طيب ما هي كلها أمراض لكن مدي تقبله يكون كيف عندي وعند المجتمع ...ياخي كل الطرق تؤدي الي روما او ود الأحد...تشجع وما تنسي زي ما الموت بجي في جزء من الثانيه برضو خبر انك ما مريض بكون في جزء من الثانيه ولا اقول ليك اخطف الورق من الممرضه واقراهو...في اللحظه دي الممرضه تلفونه ضرب واخذت تتكلم بي غنج وضحك ويبدو أنه شخص عزيز عليها.......وانا متوتر وهي تتكلم بي التلفون بالقرب من غرفة الطبيب وانا بحاول اقرا الورق في يدها فكانت اخر الورقه واضح وقدرت أقرأ نتيجه الايدز نواصل
Post: #107 Title: Re: رحلتي مع مرض السرطان تفاؤل وحب وسخريه Author: Fadl Karrar Date: 09-05-2018, 03:18 PM Parent: #1
حمدا لله علي السلامة ،،، أجر وعافية إن شاء الله والتمنيات بعاجل الشفاء لكل مرضانا ومرضي المسلمين إن شاء الله
Post: #108 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-05-2018, 06:07 PM Parent: #107
نواصل الايدز نضيف فضل قصه السرطان وباقي الأمراض ما مشكله بقيت أحدث نفسي في توتر والممرضه تضحك في التلفون في غنج يبدو أن المحادثه حميمه فاخذت تمشي علي مهل في ردهات المستشفي وانا شايف الساعه تمشي ببطء والدم أخذ يصعد الي راسي وهي تضحك وتتكي علي الحيطه وتتلاعب بالاوراق الي ان وصلت غرفه فاضيه ودخلت فيها وهي تتكلم بالتلفون وانا وراها زي الشافع القلعوا منو لعبه وهو بيتعابط الا يدوها ليهو وجلست في كرسي ولسع تتونس بالتلفون في اللحظه ديك انا سبيت لي التلفون ولي جرهام بيل وسوداتل...ياربي سوداتل وجرهام بيل ذنبهم شنو...المهم بعاين للممرضه وراسي يغلي وهي تضحك وانا اسب والعن في سري وهي تضحك...تمنيت البطاريه بتاعت التلفون تخلص ولا الشبكه تقطع ولا الحبيب الضارب رصيدو يخلص وفجاءاتزكرت ام تي ان عندها خدمه تتكلم كم ساعه مجاني..وده كلو ما يحصل الا في نتيجتي دي...فجاءه انفعلت الممرضه في التلفون ووشها اتغير قلت بس خلاص ده الحل صاحبنا زعلها وهي ح تقفل الخط ايوا قد تكون حمقي او ذات حمشه ح تقفل فيهو الخط ونخلص...فجاءه قعدت تضحك بي هيستريا كانما شيئا لم يكن وانا أعصابي تلجت ولا بقت فريزر عديل ..فجاءه قامت من محلها وبقت تفتش في الأدراج عن شي ما فكان الشاحن لانو التلفون عايز يفصل كهربا شالت الشاحن ووصلتو وخلفت رجل في رجل وبدأت تتغنج وانا اتململ فجاءه التلفون قطع حمدت الله قالت لي اه انت صاحب النتيجه يلا نمشي للدكتور في برود كان شيئا لم يكن نواصل
Post: #110 Title: Re: رحلتي مع مرض السرطان تفاؤل وحب وسخريه Author: عزالدين عباس الفحل Date: 09-05-2018, 07:30 PM Parent: #1
Haju Muktar
الاخ الفاضل هجو . الف حمد الله علي السلامة. و ان شاء الله اجر و عافية. و كفارة للذنوب . متعك الله بحسن الصحة . و حفظك لاهلك و عشيرتك. تحياتي. ،،،،
عزالدين عباس الفحل ابوظبي
Post: #111 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-05-2018, 08:24 PM Parent: #110
جيت تاني يوم صايم وعملت السيتي اسكان والنتيجه قالوا بعد اربعه وعشرين ساعه والطبيب سافر نيروبي بجي بعد بكره ...وفعلا جيت في اليوم التالت لقيت الطبيب ومعاهو نتيجه السيتي اسكان وقال لي طبعا في ورم وحجمه تمنتاشر وتسعه من عشره سنتمتر وده ورم ضخم وهو ورم خبيث ومحتاجين نشيل عينه نرسله بره كمبالا والنتيجه بتكون بعد عشره يوم....في اللحظه دي اتاكدت تماما وتيقنت بان السرطان حقيقه ..فكان مرافقي هذه المره صديقي ..فقلت له لو اي زول سالك قول الدكتور قال هي عباره عن لحميه..وانا ح امشي القاهره اعيد الفحوصات هناك وأخبرت الجميع بانها لحميه ...رسلت الورق الي طبيب تربطني به علاقه جيده فرشح لي طبيب محدد في القاهره وكانت محطتي التاليه القاهره مابين مستشفي السلام ومركز القاهره للأورام نواصل
Post: #112 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-05-2018, 08:37 PM Parent: #111
معليش ح اخصص وقت محدد للردود ...تحياتي للجميع
Post: #113 Title: Re: رحلتي مع مرض السرطان تفاؤل وحب وسخريه Author: هاشم الحسن Date: 09-05-2018, 08:57 PM Parent: #1
ألف حمدا لله على السلامة وأجر وعافية يا هجو وشفاء تاما ما بعده سقم يا رب.. وأحييك كثيرا على مشاركتنا مثل هذه التجربة القاسية والرحلة الشاقة حتما، ولكنها أيضا غنية ومثرية جدا.. والأكيد إنها تجربة تستحق أن تروى.. بل يجب أن تروى.. يدخلها الداخل من أبواب الخوف والبؤس واليأس والاستسلام، ثم قد تتلقفه أيادي القدرة والرحمة والرأفة والمحبة والمسرة لتشتمله بأنوار من معنى الحياة ومن حياة المعنى، وبالسلام.. وليخرج المحظوظ حين يخرج منها، وهو ممتلئ النفس بالمعاني من بعد فراغ، سابحا في أبحر من النعم والمنن وفي التفاؤل.. ومفعما بعبق الامتنان، وربما أشد تواضعا..
دثرك الله بدثار الشفاء التام، وأسبغ عليك ثياب العافية ومن طيب الحياة العطرة..
سأتابع حكايتك بشغف، وبالتأكيد سأتعلم منها..
Post: #114 Title: Re: رحلتي مع مرض السرطان تفاؤل وحب وسخريه Author: كمال عباس Date: 09-05-2018, 09:53 PM Parent: #113
حمد لله علي سلامتك أخي هجو مختار - مع الأماني لك بدوام الصحة والعافية
Post: #115 Title: Re: رحلتي مع مرض السرطان تفاؤل وحب وسخريه Author: سليمان القرشي Date: 09-05-2018, 10:48 PM Parent: #1
الف حمد لله علي السلامة واجر وعافية ان شاء الله ياهجو وربنا يجعله كفارة لك
Post: #116 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-06-2018, 06:46 AM Parent: #115
نواصل
قبل السفر كان لازم ادبر اموري الاسريه خصوصا نحن في غربه فقد عرف شقيقي الأكبر كان لازم يعرف لأشياء كثيره ولكن هل اكلم زوجتي طيب لو كلمتها ده ممكن ينعكس سلبا علي الأطفال وهم في المدارس داخلين علي امتحانات وممكن تنهار والان العبء عليها اكثر في مراعاة الاسره وتصريف شئون البيت فقررت ان لا أخبرها وتركتها علي ان الموضوع بسيط لحميه في البطن وح امشي القاهره اعمل عمليه بسيطه...ما عارف كنت علي حق ولا لا لكن في ذلك الوقت كنت اري اني علي حق ورتبت لهم أمورهم بعد الامتحانات يمشوا السودان الأطفال يقعدوا مع جدتهم وهي تجي القاهره لو بقت في عمليه تحضرها...وبي كده بضمن انها تكون متماسكه الي ان تصل القاهره فاخبرها هناك ....ورتبت الامور علي كده بكل هدؤ نواصل
Post: #118 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-06-2018, 09:23 AM Parent: #116
نواصل في خلال تلاته يوم دبرت اموري وتوجهت إلي القاهره وفي هذه الأثناء بدأت صحتي تتدهور فقدان دم ووزن بسبب الاستفراغ وفقدان الشهيه في فتره وجيزه كان التدهور سريع وربما كان تعب السفر والارهاق وبرضوا الحمي كانت تاتيني حمي بالليل كثيرا ما كنت اتخذ من القراءه متنفثا لانني شعرت انني ممكن انهار نفسيا فلا يد من أن اتماسك علي امل حينما اصل القاهره اجد التشخيص الذي تم في جوبا وكمبالا خطأ...وبدأت استرجع قصص كثيره لي حالات متشابهه حصلت لي اصدقاء ومعارف كان التشخيص سرطان وحينما ذهبوا الي القاهره كان التشخيص خطأ وطلع عندهم التهابات او أشياء خفيفه...فقد كنت اطمن نفسي بهذه القصص . نصحني صديق بأن اذهب الي طبيب يدعي عبدالمجيد قاسم وهو كان قد اشرف علي علاج صديق مشترك بيننا وفعلا وصلت القاهره في وقت متأخر من الليل وبدانا في رحلة البحث عن شقه او في البدء أن نضع شنطنا عند أحد اصدقاءنا فقد كانت الساعه شارفت علي الفجر ...كان مرافقي هذه المره هو بن اختي اسمه احمد جلال سأتحدث عنه كثيرا في رحلتي هذه . فقد صمد معي واستحمل أشياء كثيره فقد ذادت حالات الاستفراغ وبداء تصاحبه رائحه من العفانه كانه لمؤاخذه عربة تشفط في سايفون نواصل
Post: #119 Title: Re: رحلتي مع مرض السرطان تفاؤل وحب وسخريه Author: عثمان الأمام Date: 09-06-2018, 01:35 PM Parent: #118
ألف حمدلله على السلامة
تمنياتنا لك بدوام الصحة و العافية
Post: #120 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-06-2018, 04:35 PM Parent: #119
نواصل توجهت في نفس اليوم مساء قابلت الدكتور وبدانا الفحوصات الاوليه الموجات الصوتيه وقرر ياخد عينه في مستشفي السلام في اليوم التالي وقرر لي قزازتين دم وبعد أخذ العينه وقبل أن افيق من البنج زي الناس لقيت مرافقي دموعه علي خدوده والدكتور بقول لي لازم عمليه سريع جدا ...الورم كبير...والكلام ده كان قبل ظهور نتيجه العينه...فقد كان شئ غريب وسألت الدكتور لماذا ونتيجه العينه ولو انت قررت العمليه بالسرعة دي طيب شايل عينه ليه ونتيجت العينه ما طلعت...بعداك بي زمن طويل عرفت انه أثناء اخذ العينه الورم نزف ..وهذا ما ساسرده لاحقا(قصه المعدن في البطن) .. ارتبك وقال لي الجراح هو اللي ح يجاوبك وانا بقترح دكتور ماهر دانيال هو الح يعمل العمليه وأثناء ما انا راقد باخد في الدم مر علي دكتور ماهر وسألته عن العمليه قال لي ما ممكن اعمل العمليه الا نتيجه العينه تظهر والسيتي اسكان التي قرر اعمله في تاني يوم وتجي تقابلني في العياده وفعلا في اليوم التالت شلت النتيجه ومشيت قابلت دكتور قاسم واكد لي ان الورم فعلا خبيث و من بعده ذهبت الي دكتور ماهر وقال لي ايوا ممكن نعمل العمليه ..و ح تاخد حوالي خمسه ساعات وفي العنايه المركزه اربعه وعشرين ساعهة و ح نشيل الطوحال والمعده كلها ونعمل وصله من المرئ ...وكلام كتير قالوا انا ما ركزت معاهو لانو قال لي تاني انت ما ح تتحرك ح تكون باقي عمرك راقد في السرير وتاخد اكل مهضوم ودربات وما عندك طريقه تتحرك ...قلت ليهو يعني هسع انا ادفع قروش واعمل العمليه دي عشان ابقي شارون باقي عمري ...صحتك بيني وبين نفسي قررت اخلي الباب معاهو موارب ...وقلت ليهو خلاص خليني امشي ادبر القروش وفي خلال اتنين وسبعين ساعه برجع ليك نواصل
Post: #121 Title: Re: رحلتي مع مرض السرطان تفاؤل وحب وسخريه Author: تماضر الطاهر Date: 09-06-2018, 04:41 PM Parent: #120
سلامات..وما تشوف شر الحمد لله على سلامتك..تتعافى يا رب ، واصل ..متابعة بكل التقدير
Post: #122 Title: Re: رحلتي مع مرض السرطان تفاؤل وحب وسخريه Author: تماضر الطاهر Date: 09-06-2018, 04:41 PM Parent: #120
سلامات..وما تشوف شر الحمد لله على سلامتك..تتعافى يا رب ، واصل ..متابعة بكل التقدير
Post: #124 Title: Re: رحلتي مع مرض السرطان تفاؤل وحب وسخريه Author: عثمان علي Date: 09-06-2018, 05:47 PM Parent: #1
حمدا لله على السلامة. أجر وعافية. متعنا الله أجمعين بنعمتي الصحة والعافية.
Post: #125 Title: Re: رحلتي مع مرض السرطان تفاؤل وحب وسخريه Author: احمد حمودى Date: 09-06-2018, 06:14 PM Parent: #124
هجو سلام والله مشوقين وروحنا محرقانا ومستعجلين نسمع القصة كب الموضوع كله مرة واحدة
Post: #126 Title: Re: رحلتي مع مرض السرطان تفاؤل وحب وسخريه Author: Sudany Agouz Date: 09-06-2018, 06:49 PM Parent: #125
الأخ الحبيب هجو ...
سلام .. أولاً .. أود تقديم اعتذارى لعدم دخول البوست .. لا أدرى .. فقط الآن لاحظت عنوان هذا البوست ..
وكم تألمت لما قاسيته من مقابلة أطباء وتحاليل .. الخ .. الخ .. ولكن الشئ الذى أسعدنى هو تقبلكم لكل المواجهات .. وفقط كنتم تغيرون الإتجاه .. عندما تقف أمامكم العراقيل .. ولكن .. أنا أسميها .. هى إرادة الله .. ومشيئته .. لأنه يغلق بعض الأبواب .. ولا أحد يستطيع أن يفتح .. ويفتح الأبواب جل جلاله .. ولا أحد يستطيع أن يغلق .. حقيقة الرب معكم .. فى مشواركم الطويل هذا .. ولكن لابد وأن نرفع أيادينا الى الله .. له كل المجد والكرامه .. أن يقف معكم .. ضارعين له بالرحمة .. يارب .. يارب .. أشف أخانا الحبيب هجو .. يارب .. قل كلمة .. ونحن واثقون .. كلمة " كن " .. فيكون .. كن للشفاء .. فيكون الشفاء الفورى .. يارب ..
مرة أخرى .. أخى الحبيب هجو .. الرب معكم ويقويكم .. أخوكم وعمكم العجوز .. ارنست +++
Post: #127 Title: Re: رحلتي مع مرض السرطان تفاؤل وحب وسخريه Author: علي دفع الله Date: 09-06-2018, 07:39 PM Parent: #126
فووووق عشانك يا صديقي
Post: #128 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-06-2018, 07:59 PM Parent: #127
تسلمو جميعا أيها الاحباب نواصل رجعت السكن من الدكتور وكان في زيارتي مجموعه من الأصدقاء وكل يدلو بدلوه ويقترح علي ان أقابل طبيب آخر ومنهم من اقترح ان هناك طبيبه تعالج السرطان بدون كيموثربي ولا جراحه وأشار الي صديق أن امشي مركز القاهره للأورام لمقابلة طبيب شاطر يدعي بولس كان قد عالج والدته ...وفعلا ذهبت إليه في اليوم التالي فقد كان اطلع علي نتائج الفحوصات قبل المقابله وحينما دخلت عليه رفض ان يسلم علي ونصح مرافقي ان لا يلمسني لانني ممكن اكون مصاب بالتي بي ووجهني لفحص التي بي في مستشفي الشروق و حدد الي طبيب جراح في المعادي لمقابلته فقد كان مقتنع أيضا بالعملية وفعلا خرجنا من الطبيب في مركز للأورام كان هناك فتاه مصريه سمعت عن الطبيب يتحدث عن التي بي في بهو المركز قالت لنا ...هو لسه في ناس عندها التي بي ...فاشتبك معها أحمد بن اختي وقال لها زي فيروز الكبد الوبائي عندكم وكانت علي ما اذكر مشاده كلاميه بينهما...فقلت له يلا نمشي ما في داعي لنقاش جاهله كهذه .. وفي الصباح ذهبنا الي مركز الشروق لفحص التي بي وفي المساء ذهبنا الي الطبيب الجراح وبعد الاطلاع علي النتائج قال ..نحن نعمل عمليه استكشاف.... نفتح البطن وأخذ يشرح كيفيه فتح البطن والاستكشاف ويشوف الورم ..وبعداك يقرر يشيل شنو ويخلي شنو ... بي سري قلت ده دكتور كولومبس عايز يكتشف الأراضي الجديده ولا شيفرون...ده موضوع منتهي احسن حاجه انا اتخارج من الدكتور ده ...وفعلا استاذنت منه بكل لطف وقلت ليهو لمن اكون جاهز ماديا بجيك راجع ...وهنأ قررت الا اقابل اي طبيب في القاهره ورجعنا السكن ...اشار إلي بعض الأصدقاء أطباء آخرين ولكن رفضت مقابلتهم واتصل علي صديقي طبيب من الخرطوم بأن اعمل العمليه ولكن كنت مصمم الا اعملها وكثيرون وصفوني بالخوف ..وفي الحقيقه انا ما كنت خايف ولكن ما كان عندها معني العمليه بالنسبه لي ان أقضي باقي عمري راقد في السرير وان اكون عاله علي الآخرين...نصحني أصدقاء آخرين بالذهاب الي تايلاند وأيضا أقارب لي نصحوني بالذهاب الي تايلاند .....نواصل
Post: #129 Title: Re: رحلتي مع مرض السرطان تفاؤل وحب وسخريه Author: ود الباوقة Date: 09-06-2018, 08:03 PM Parent: #127
الف حمدا لله على سلامتكم اخي هجو
طهور باذن الله
Post: #130 Title: Re: رحلتي مع مرض السرطان تفاؤل وحب وسخريه Author: Elamin Medani Date: 09-06-2018, 08:44 PM Parent: #129
حمدا لله على السلامة وربنا يعظم الاجر
Post: #131 Title: Re: رحلتي مع مرض السرطان تفاؤل وحب وسخريه Author: Biraima M Adam Date: 09-06-2018, 09:38 PM Parent: #130
Quote: بما انو البوست جميل وفيه تفاؤل وحب وسخرية خلينا نقول زي ما قال صديقي النذير هههه لانو ناس العبابير راسهم ضرب صورة الى : الى بريمة صورة الى : دينق و آخرون 😂😂😂
كمل الحكي الملان تماسك في الانتظار
عليكم النبي تخيلوا ..! المقام مفام أحتفاء بصحة وحياة الأخ هجو .. الذي رد الله له صحته .. وأنت جاي جاري تشاشي بالعبابير .. ! أنت إلا العبابير يشقكن .. !!
هجو واصل .. والله نحن متلومين .. لم نسمع بالخبر إلا قبل أيام من بوست للأخ فرح أبو روضة ..
رسمت بسمة بقصة كولمبس هو قلت لي مشي يكتشف شنو واكتشف بدلها شنو
Post: #133 Title: Re: رحلتي مع مرض السرطان تفاؤل وحب وسخريه Author: محمد على طه الملك Date: 09-06-2018, 09:56 PM Parent: #131
ألف سلامة عليك أجر وعافية .. أنت ما قهرت سرطان واحد بل سرطانات .. ربنا يواليك بالعافية ويشفي كل مريض.
Post: #134 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-07-2018, 07:06 AM Parent: #133
نواصل تايلاند كانت المحطه القادمه فعلا بدانا الاجراءات من القاهره الي تايلاند حيث اخدنا التاشيره من سفاره تايلاند في القاهره في الدقي بعد أن استعنت بعدد من الأصدقاء لهم الشكر في الاتصال والحجز في المستشفي في تايلاند ..توجهت بالقطريه ووصلت تايلاند في الصباح الباكر فكان في استقبالنا شاب سوداني لطيف وكانت عربه الإسعاف في المطار وذهبنا الي المستشفي ...كانت المناظر جميله والصباح جميل وممطر. بانكوك فعلا مدينه ساحره .فقد كنت مستمتع جدا بالاجواء الممطره وانا راقد في عربيه الإسعاف .وكل مره احاول اقوم عشان اعاين بالشباك الممرض يرجعني للسرير ..فقد كان مشفق علي حالتي لانه شافني قبل اركب عربيه الإسعاف بستفرغ لمؤاخذه من تعب السفر ..المهم انا كان عندي رغبه استمتع بالمناظر والأجواء ونسيت فكرة المرض والإسعاف فقد كنت اضحك بيني وبين نفسي من فكرة الإسعاف وكيف تعامل الممرض وسائق الإسعاف.. وتحديد بعد أن رفضوا لي احمد بن اختي ان يركب معي وساقوهو بي عربيه تانيه مع الشنط والشاب صديقنا الذي استقبلنا ولم اراه ثانيه الي اليوم فقد كان شاب لطيف علي ما يبدو عليه ...ولكن هناك لطافه لها قصص ... ...المهم ذهبنا الي المستشفي فقد كان عباره عن فندق خمسه نجوم فقد استقبلوني ممرضات لو كان صحيت من غيبوبه لافتكرتهن حور الجنه وان وعد الله حق ...ففي أقل من خمسه دقايق استبدلن ملابسي واصرن ان يحمموني.حمام عديل كده ...... .نواصل
Post: #135 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-07-2018, 10:22 AM Parent: #134
الممرضات شابكاتني ليك بباه بتشديد الباء. بكل أدب وحنيه وجابوا لي وجبه جميله من الأرز والسمك والجمبري قلت استمتع ي ولد اصلوا الدنيا أم نعيما زايل دي احسن ناس عرفوا ليها ناس المافيا في الأفلام الواحد عارف نفسو المخرج ممكن يكتلو بي طلقه طايشه في اي لحظه فالدنيا زي مخرج افلام المافيا...اها بالمنطق ده مفروض تاكل وتقوم تاخد حمام تايلاندي وتعيش ليك لحظات كانك هارون الرشيد ولا زعيم المافيا ذاتو...ما كلهم زعماء ...في اللحظه دي جاء بن اختي قال لي الناس ديل قالوا الدكتور إلا بكره ح نقابلوا والغرفه دي اليوم بي سبعميه دولار ...طوالي قمت علي حيلي ونفضت الممرضات سبعميه دولار ومافي دكتور طيب ما نمشي الهيلتون ونجي بكره بي متين دولار بس ولا كيف ...المهم طلعنا من الغرفه وجانا موظف قال لينا خلاص في غرف فندقيه تبع المستشفي اليوم بي اربعين دولار ..قلنا كويس ننوم فيها لحدي الصباح ونجي نقابل الطبيب ...مشينا الغرفه نمت فيها من التعب بتاع السفر واحمد بن اختي طلع مشي جاب لينا شرايح وجا راجع سالتو من الشاب السوداني ...قال لي خليتو في المستشفي ...وقالوا بكره الصباح تجي صايم من الليله الساعه عشره مساء توقف اكل وشراب...قلت تمام معناها عايزين يعيدو الفحوصات وكده نواصل
Post: #136 Title: Re: رحلتي مع مرض السرطان تفاؤل وحب وسخريه Author: محمود الدقم Date: 09-07-2018, 12:58 PM Parent: #135
الاخ الكريم هجو..سلامات وحمدلله الف علي السلامة وحمدلله خروجك من هذا الامتحان سالما..واحي فيك قوة الارادة والعزيمة.
Post: #137 Title: Re: رحلتي مع مرض السرطان تفاؤل وحب وسخريه Author: مهند سوركتي Date: 09-07-2018, 01:41 PM Parent: #136
اجر وعافيه انشاءالله
Post: #138 Title: Re: رحلتي مع مرض السرطان تفاؤل وحب وسخريه Author: منتصر عبد الباسط Date: 09-07-2018, 02:08 PM Parent: #137
حمدا لله على السلامة وكفارة إن شاء الله وأدام الله عليك نعمة الصحة والعافية
سلام يا هجو تعرف السياحة العلاجية دي بزنس لوحدة عجبتني انتفاضتك ، من 700 دولار لي 40 والفرق بكون لا يذكر في الغرف , واصل يا صديق
Post: #140 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-07-2018, 03:13 PM Parent: #139
نواصل أصبحت الصباح بدري وانا صايم وجاهز للفحوصات وكلي نشاط وحيويه..قلت خلاص انا جيت محل العلاج الصاح ودخلت بهو المستشفى حاجه ترد الروح غايه في النضافه والاناقه ومجموعه من صور لي لوحات سلفادور دالي الزرافه المحترمه...وإصرار الذاكره و ... عالم سريالي فعلا ... جاء شاب أنيق تلاتيني ولا اربعيني طبعا شعوب شرق آسيا اجعص طبيب في القمسيون الطبي ما يقدر يقدر عمرهم لانو أعمارهم زي سحناتهم تتشابه...المهم قال لي انا الطبيب وطبعا اطلعت علي الفحوصات وح اعمل ليك العمليه وهسع تخش تجهز...قلت ليهو قول بسم الله عمليه شنو قال لي نفس كلام المصري كولومبس عايز يستكشف ويقطع بعداك...قلت ليهو انا كان عايز اعمل كده قاطع الفيافي والسحب والمحيطات دي كلها قايلني بن ماجلان ولا بن بطوطه بحب السفر...ما كان عملتها في القاهره ...وجمبي كان تربيزه فيها قوارير بتاعه مويه صحه ..طوالي شلت لي قزازه فتحتها عايز اشرب منها بلا صيام بلا عمليه..في ممرض وممرضه حاولي يمسكوا مني المويه بي انفعال نتلت يدي منهم وشربت المويه وانفصمت في الدكتور شي عربي وشي انجليزي وشي بيدي...المهم ود اختي حاول يهدي الموقف لكن انا طلعت طوالي ..فعرفت نحن وقعنا في فخ ما عايز أخوض في تفاصيله بس المهم نجينا من الفخ...لانه بعد كم يوم نفس المستشفي اتصلوا بينا وقالو لقينا ليكم دكتور بعالج بدون عمليه .....ضحكت وقلت دي مستشفي ولا سماسرة شقق ..المهم ...وانا طلعت من المستشفي نبحث عن مستشفي آخر نواصل
Post: #141 Title: Re: رحلتي مع مرض السرطان تفاؤل وحب وسخريه Author: Mirghani Taitawi Date: 09-07-2018, 03:20 PM Parent: #139
ألف حمداً لله على السلامة. نسأل الله أن يمن عليك بالشفاء العاجل. أجر وعافية إن شاء الله.
Post: #142 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-07-2018, 05:54 PM Parent: #141
نواصل بمساعده الأصدقاء وقوقل وصلنا الي المستشفي الامىيكي أو مستشفي بومنقراد وهو من أكبر المستشفيات في بانكوك وحجزنا لمقابلة الطبيب في اليوم التالي ونزلنا في هوتيل قريب من المستشفي منطقه تسمي نانا اسكوير واتصلت بزميل المنبر د عيسي وقتها كان بره بانكوك ومشكور مدنا بي عناوين التلفونات للاخ معاويه بدري وساحكي عنه لاحقا ..وتجولنا ذلك المساء في منطقه نانا اسكوير أو تسمي أيضا المنطقه العربيه حيث تشتهر بالسواح العرب والمطاعم العربيه والمقاهي وحتي اللافتات مكتوبه بالعربي وفي المساء تكون بانكوك الحمراء خصوصا شارع يسمي بشارع القيامه ...وفي صبيحة اليوم التالي توجهنا الي المستشفي وقابلت طبيب الأورام تايلندي اسمه صالح ولحيته حدها الحزام استقبلني بي ابتسامه وبشاشه وقال لي طبعا انا اطلعت علي جميع الفحوصات العملتها في كمبالا والقاهره وانا احترم الأطباء هناك ..لكن لازم نعمل فحوصاتنا هنا من اول ..فقلت له طبعا وانا موافق ومن هنا شعرت بي راحه وبي جديه الطبيب ..وفعلا كتب لي فحوصات الدم عملية منظار لأخذ العينه من الورم سيتي اسكانوفعلا مشيت معمل جميل وممرضات محترفات وجميلات واخذن الدم ورجعت الهوتيل عشان اجي تاني يوم لعملية المنظار صايم..وفعلا الساعه عشره صباحا انا في غرفة العمليه مجهزه وفخمه وفني التخدير بكل لطافه اخذت تتونس معاي عن السودان وأفريقيا و و و الي ان ادرك شهريار عيييييك تاني الا بعد فتره عرفت شالوا العينه وكان شيئا لم يكن ورجعت الهوتيل عشان اجي راجع تاني يوم للسيتي اسكان وفعلا نواصل
Post: #143 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-07-2018, 06:31 PM Parent: #142
.نواصل جيت تاني يوم لقيت غرفة السيتي والممرضات في حركه كأنها خليه نحل وكل شئ أبيض في أبيض ذكرتني مسلسل فتاه من الغد ..الانا وكبسولة الزمن..المهم خشيت في تلك الكبسوله نفس في نفس لمن انتهيت وبعد ساعتين ..قابلت طبيب الاورام ...وأكد تماما الورم وفعلا محتاج عمليه وشرح لي في الكمبيوتر وصور حجم الورم وامتداده من الطوحال والقولون والبنكرياس والمعده وهو ضاغط علي المعده ووجهني الي الطبيب الجراح واسمه دكتور ثيربو من امهر الجراحين في المستشفي وقال لي بعد تقابل ثيربو تجيني راجع لانو ح ايد معاك علاج كيموثربي لتقليل حجم الورم وفعلا ذهبت للطبيب الجراح وشرح لي العمليه وهي عمليه بسيطه في الاول نقلل حجم الورم وواطلعني علي كم عمليه في الكمبيوتر من نفس الورم كان عمله قبل كده وكانت ناجحه جدا واخبرته بما قاله لي الاطباء في الشقيقه مصر..فضحك وقال لي مافي زول بيدفع قروش عشان يكون راقد باقي عمره في السرير ..وطمني جدا بي سهوله العمليه وقال لي ارجع لي طبيب الأورام ح يتابع معاي في خلال شهرين لازم الورم ينزل لدرجه أقل من عشره سم لانو كان 19.9 سم ...ورجعت لطبيب الأورام وبدانا علاج الكيموثربي والمتابعه الاسبوعيه...نواصل
Post: #144 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-07-2018, 08:10 PM Parent: #143
نواصل طبيب الأورام قال ممكن اخد كيموثوربي لمدة شهرين طبعا وبعداك نعمل سيتي اسكان لو الورم نزل ممكن الجراح يعمل العمليه ...ورحلت من الهوتيل لي عماره مشرف عليها معاويه بدري سبق وأن ذكرت اسمه والعماره بقت مشهوره باسم معاويه ...بجو السودانيين والعرب بنزلوا هناك هي عباره عن شقق مفروشه ..تلقي الواحد تقول ليهو نازل وين يقول ليك نازل في عمارة معاويه...وده طبعا لانو معاويه كان بيقدم خدمات لكل سكان العماره الماشي مستشفي والجاي تجاره والجاي شهر عسل عايز يتفسح كلهم يرجعوا لي معاويه...بالاضافه كانت هناك جلسه كل سبت في العماره تحت بالمساء بيتجمع فيها سودانيين كتار جدا ويشربون شاي اللبن باللقيمات يتناقشون في شتي مواضيعهم وكانت فترة السكن في العماره خففت الكثير من الالام واتيحت لي معرفة ناس كتار جدا فيهم من جاء للعلاج والجابتو التجاره ...الخ نواصل
Post: #145 Title: Re: رحلتي مع مرض السرطان تفاؤل وحب وسخريه Author: Haytham Abdulaziz Date: 09-07-2018, 08:12 PM Parent: #143
ألف حمد لله على السلامة أخ هجو.. ربنا يديك الصحة والعافية.. و عودا حميدا....
Post: #146 Title: Re: رحلتي مع مرض السرطان تفاؤل وحب وسخريه Author: Anas Babekr Date: 09-07-2018, 10:58 PM Parent: #145
الف حمدلله علي السلامة ,, أدام الله عليك الصحة و العافية ,, تجربة صعبة ولاكن أرادتك القوية و عدم الاستسلام و دعوات الأحبة و الأهل بالتأكيد هي نقطة الشفاء
Post: #147 Title: Re: رحلتي مع مرض السرطان تفاؤل وحب وسخريه Author: النذير حجازي Date: 09-08-2018, 05:42 AM Parent: #146
يا هجو لقد بلغت القلوب الحناجر، الكيميوثربي بالرغم انو فعال، لكن قالوا شيء مؤلم جداً، صاحبي في العمل مر بنفس التجربة، وحكى لي بالتفاصيل معاناته مع المعالجة بالكيميائي، لدرجة انو هرب من بقية الجرعات لكن الحمد لله قضى على سرطانه، وهسى زي الحصان ما شاء الله وفي شوق لمعرفة استجابة مرضك للكيماوي وتكون ما احتجت لعملية.
Post: #148 Title: Re: رحلتي مع مرض السرطان تفاؤل وحب وسخريه Author: اخلاص عبدالرحمن المشرف Date: 09-08-2018, 06:18 AM Parent: #147
العزيز هجو فعلآ انت زول كلس طبعآ كان كتبت في تعليق سابق ان 90%العينات بتتاخد مناظير بس خفت تكون عملت استكشاف وتدخلك غي حالة زهج ف عدلتها ما شاءالله ما يتخاف عليك تجربتك دي ح تكون دليل للسودانيين وكيف يتصرفوا مع العلاج السياحي كن كما انت شجاعآ ،نبيلآ ومفيد
Post: #149 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-08-2018, 09:39 AM Parent: #148
وبدأت العلاجات واثر معاي الكيموثربي بعد الجرعه التالته طوالي.زمان كنت بسمع فلان يصارع الام السرطان والان انا اعيش الالام .. واصبت بي اعياء وارهاق شديد والصحه بدت تضعف وفقدان شهيه والاام في البطن فقد كنت مستحمل الالم وبعد اسبوع مشيت المقابله فحصت الدم كان نازل جدا وكان في نزيف في البطن وقرر الطبيب أن ارقد في المستشفي اخدت قزازتين دم وعلاجات لوقف النزيف وكان طبيب الأورام متفائل جدا قال لي ما دام في نزيف معناها الحبوب ضربت الورم في المركز ...وبرضو ده كان راي الجراح وطمني اكتر قال دي استجابه سريعه .واحتمال ما نحتاج عمليه اوبالطريقة دي العمليه ح تكون ساهله جدا ورقدت في المستشفي اربعه يوم وبعداك طلعت من المستشفي لمواصلة الكيموثربي نواصل
Post: #150 Title: Re: رحلتي مع مرض السرطان تفاؤل وحب وسخريه Author: عبدالحفيظ ابوسن Date: 09-08-2018, 09:46 AM Parent: #149
متابعة في صمت
Post: #151 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-08-2018, 11:23 AM Parent: #150
بحاول ارفع صور أدعم بيها البوست ...لكن ما قدرت .. هل لأني طولت ولا بقيت كيشه..ولا برنامج العملاق نساني... ممكن مساعده...او مقترحات ..
Post: #152 Title: Re: رحلتي مع مرض السرطان تفاؤل وحب وسخريه Author: elhilayla Date: 09-08-2018, 11:47 AM Parent: #151
الأخ هجو عفارم عليك، نتابع بصمت هذا البوست المرجع أحد الخيارات: أرسل الصور للأخ بكري، وسيقوم هو برفعها في البوست إيميل بكري: [email protected] ___ الحليلة
Post: #153 Title: Re: رحلتي مع مرض السرطان تفاؤل وحب وسخريه Author: النذير حجازي Date: 09-08-2018, 12:03 PM Parent: #152
Quote: ولا برنامج العملاق نساني...
لا ما نساك، بس ناس العملاق طمعوا، ودعاياتهم كترت، لمن تضغط على رفع، ح تظهر ليك دعاية، تجاهلها واعمل refresh وبتغور من طريقك، ويجيك العملاق الزمان.
Post: #154 Title: Re: رحلتي مع مرض السرطان تفاؤل وحب وسخريه Author: عبدالحفيظ ابوسن Date: 09-08-2018, 12:17 PM Parent: #153
http://tinypic.com/http://tinypic.com/
Post: #155 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-08-2018, 02:23 PM Parent: #154
حاولت انزل الصور لكن فشلت...سأحاول تاني ...شكرا كتير المتابعه والنصائح نواصل في البيت أو عمارة معاويه ..انسجمنا مع السكان سريعا وعرفنا بعض واسباب مجئ كل فرد أو اي اسره الي بانكوك وأصبحنا نتبادل الآراء والوجبات وطبعا أحمد بن اختي مرافقي شخصيه اجتماعيه ويمتاز بحضور جيد وسريع في خلق العلاقات وخصوصا كان يمتلك لغه انجليزيه ممتازه فقد درس في كمبالا بالانجليزي مما جعله يساعد الكثيرين في الترجمة والذهاب معهم الي المستشفيات أو الأسواق..وأصبح معروفا باسم أحمد هجو ...وهو طبعا اسمو أحمد جلال ولكن بقي معروف ب أحمد هجو ...وانا أصبحت معروفا بالخال فقد كان كل من يسأله يخبره بانه جاء مع الخال او ماشي الحال دي مواعيد الدواء او الان الخال ماشي المستشفي ...وهكذا كان دائما يتحدث عني ... وأي زول بقي يناديني بالخال حتي العرب الاماراتيين والكويتيين معانا في العماره الواحد تلقاهوا أكبر مني بي اربعين سنه ويقول لي تعرف ي خال ... ونواصل
Post: #156 Title: Re: رحلتي مع مرض السرطان تفاؤل وحب وسخريه Author: بكرى ابوبكر Date: 09-08-2018, 03:50 PM Parent: #155
Post: #157 Title: Re: رحلتي مع مرض السرطان تفاؤل وحب وسخريه Author: بكرى ابوبكر Date: 09-08-2018, 03:54 PM Parent: #156
Post: #158 Title: Re: رحلتي مع مرض السرطان تفاؤل وحب وسخريه Author: بكرى ابوبكر Date: 09-08-2018, 03:59 PM Parent: #157
Post: #159 Title: Re: رحلتي مع مرض السرطان تفاؤل وحب وسخريه Author: بكرى ابوبكر Date: 09-08-2018, 04:00 PM Parent: #158
Post: #160 Title: Re: رحلتي مع مرض السرطان تفاؤل وحب وسخريه Author: Sudany Agouz Date: 09-08-2018, 07:08 PM Parent: #159
Post: #161 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-08-2018, 08:36 PM Parent: #160
الف شكر ي باش مهندس بكري علي رفد البوست بالصور ..وهي لتوضيح آثار الكيموثربي دي في الأيام الأولي طبعا الان انا الحمدلله عال العال وبمارس رياضه وكل شئ ميه الميه ...شكرا لكل المتابعين والعم ارنست معليش ح يجي وقت ارد لكل المداخلات بالتفصيل نواصل مرت الايام والعماره كل يوم تشهد حدث جديد فقد كانت عباره عن حوالي أكثر من خمسه وخمسين شقه معظمهم سودانيين وغير الناس البتجي من بره حتي العمال التايلنديين في العماره بقوا يتحدثون العربي بلهجه سودانيه واتعلموا الشمارات والعماره شهدت أحداث كثيره منها زواج وافراح واتراح وانا مواصل الكيموثربي بكل معاناته طبعا كانما بتشرب في موية نار وعذاب في عذاب لكن كنت دائما أهرب الي اغاني الحقيبه وخضر بشير وخلف الله حمد في الامسيات وفي الصباح الباكر دائما الامطار تكون علي موعد مع فيروز مارسيل خليفه الي ما بعد الساعه عشره صباحا وبعداك بنزل العماره تحت في كنبه سمية بكنبة هجو من كثرة تواجدي فيها وأصبحت ملتقي الجميع بجوا بعد الساعه اتناشر ضهر واحيانا بكون لمة قهوه وشاي وقصص ...وغالبا ما ينفض سامرنا مع موعد الغداء وهو مرات بكون عندي في الشقه فوق وكل زول بجي شايل عدلو...عدلو دي سمحه مش...بمعني لو في زول عندو طبيخ عاجبو او حاجه مميزه بجيبه والناس بتتجمع حولها ....و نواصل
Post: #162 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-08-2018, 09:26 PM Parent: #161
نواصل.. حتي بتاع النضافه في العماره تايلندي اتعلم كلمة خال من صاحبنا الكويتي بي مناسبه او بدون مناسبه بناديني يا خال ..وتعرف ي خال دي عندها معني تاني طبعا ناس الخليج فاهمنها كويس ...ومشيناها خال خال المهم أصبح الالم يزداد والصحه تتدهور يوم بعد يوم والجسم بقي فاقد بروتين والبومين وانا بحاول أقاوم برفع نسبة الأكل وأكون طبيعي ما ازهج وبديت اعمل لي برنامج بتاع افلام ومسلسلات واغاني لقتل الملل وزهج الكيموثربي وزهجت من التلفونات والواتساب احياننا كتيره ما برد أو بقفل التليفون...لانوا في ناس عجيبين يضربوا ليك تلفون.بدل يخفف عليك يقول ليك ده ده كلو من السكر وهو ذاتو الضارب ده بيكون بيسكر و زول مثلا يقول ليك اها هسع معاك منو تقول ليهو ود اختي أحمد...يقول ليك حظو. متفسح.ما تفهم دي حساده ولا جهل ...زول سافر مرافق مريض كيف يكون حظو...وطبعا لمن اكون في العماره تحت بتونس مع الناس لو زول سالني يقول لي عندك شنو ..لمن أقول ليهو سرطان ..في ناس بمشو بغسلوا ايدينهم وفي ناس ما بتسلم علي وفي ناس يقولوا لي هسع عندك سرطان وقاعد معانا وما في حاجه ...والغريبه لو زول جا داخل الشقه لقاني مشغل خلف الله حمد بسمع في الاغاني بيستغرب في ناس بقولوا لي هسع عندك سرطان وتسمع غناء... نواصل
Post: #164 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-09-2018, 04:52 AM Parent: #162
محاوله لرفع صوره برضو فشلت ...معليش استحملوني..يبدو انا عايز لي كورس في قصص الاكواد والتعامل مع المنبر في ..العملاق لرفع الصور بديك اتنين رابط 1 رابط الصوره 2 كود المنتديات لحدي هنا انا ماشي كويس لكن ....وقف شطار الشيخ في العقبه
Post: #165 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-09-2018, 07:07 AM Parent: #147
نواصل استمريت في علاج الكيموثربي وكنت بمشي الفحص الأسبوعي واستمر نقصان الدم حتي اصبت بفقر دم بسبب الكيموثربي وكل فتره باخد اتنين قزازه دم ...قلت لي نفسي سبحان مغير الأحوال زمان باخد اتنين قزازه عرقي أبيض هسع بقي ويسكي احمر...فكان لمن اكون ماشي المستشفي اخد دم اي زول يسالني بقول ليهو ماشي اخد لي كم كأس ويسكي تايلندي ..فدمي طبعا اتشتت بين الدول بقي فيهو دم سوداني ودم مصري تايلندي ..فكنت محل ما امشي باخد دم...بعد فتره جا زول من السودان قلت ليهو عايز قضيم ودقيق فتريته...طابت او ود احمد ...جاب لي فتريته حمراء ...ومن الوقت داك وقفت اخد دم من المستشفي ...بقيت شغال بالاحمرين...قلت سبحان الله انا الاحمر ده من صغير مباريني..المريخ ..الخ..ووقفت شراب المويه العاديه دي ...بقيت اشرب قضيم كل ما اعطش..والفطور عصيده حمراء بي ملاح تقليه وفي فتره وجيزه الدم استقره وبقيت ما باخد دم الي ان تميت فتره الكيموثربي المحدده ورجعت لطبيب الأورام والجراح لعمل الفحوصات وتحديد العمليه ...فكانت فحوصات الدم فيها مشاكل برضو في البروتين والالبومين..ولكن الخبر السار جدا كانت نتيجه السيتي اسكان...فقد نزل الورم بنسبه كبيره من19.9 سم الي 14.7سم ولاحظت الفرح عند طبيب الأورام والجراح في وجوههم....فقررو اخد كيموثوربي تاني لمدة شهرين تاني واجي راجع لانو الورم لازم ينزل لي أقل من عشره سم نواصل
Post: #166 Title: Re: رحلتي مع مرض السرطان تفاؤل وحب وسخريه Author: عمار قسم الله Date: 09-09-2018, 07:31 AM Parent: #165
Post: #167 Title: Re: رحلتي مع مرض السرطان تفاؤل وحب وسخريه Author: اسامة الامام Date: 09-09-2018, 07:37 AM Parent: #166
الف الف حمدا لله على السلامة اخي هجو وما تشوف شر يا رب وربنا يتتم عليك نعمة الصحة والعافية ويطمنا عليك
Post: #169 Title: Re: رحلتي مع مرض السرطان تفاؤل وحب وسخريه Author: mohamed osman bakry Date: 09-09-2018, 07:41 AM Parent: #166
Post: #170 Title: Re: رحلتي مع مرض السرطان تفاؤل وحب وسخريه Author: mohamed osman bakry Date: 09-09-2018, 07:42 AM Parent: #169
الف الف حمدا لله على السلامة اخي هجو وما تشوف شر يا رب وربنا يتتم عليك نعمة الصحة والعافية ويطمنا عليك
Post: #168 Title: Re: رحلتي مع مرض السرطان تفاؤل وحب وسخريه Author: حسن ادم محمد العالم Date: 09-09-2018, 07:40 AM Parent: #165
صديقي الجميل هجو اجر وعافية وألف سلامة ليك ربنا يقويك وانت كما انت هذا هو المهم ياجبل ما يهزك ريح حقيقة حاولت التواصل معك في وقت سابق عبر الأصدقاء حافظ كنجال والصديقة نجلاء بالامارات ولكن قدر الله اتمناك بخير وتحياتي للاسرة
Post: #171 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-09-2018, 11:09 AM Parent: #168
شكرا كتير ي حبايب نواصل طلعت من المستشفي بي معنويات كويسه بعد ان اطمأنيت بأنه الورم نزل كتير وممكن بعد فتره اعمل العمليه وواصلت في العلاج ونفس برنامج العماره الاجتماعي مواصل وتغيرت معظم الشخصيات وأصبحنا انا واحمد من أقدم سكان العماره بعد ان حصل إحلال وابدال للسكان من سودانيين وخلايجه...ولكن كلمه الخال لسع مستمره أو بقت متوارثه للسكان وكذلك اسم أحمد هجو مرافقي ..وكل اسبوع بمشي مقابله مع طبيب الأورام وفحص الدم كل الأمور كانت مستقره لحد ما وحينما قاربت فترة الشهرين النهايه طلب مني الطبيب الجراح ذيادة الوزن حتي اكون جاهز للعمليه فقد كان الوزن ضعيف شديد وطلب أيضا ذيادة الالبومين لانوا كان عامل 1.7 والطبيعي مفروض يكون 3.5 فقرر الاستعانة بطبيبة تغذيه دكتوره في الثمانين أو التسعين من العمر وكنت شايف انها دكتوره مخرفه وشمطاء لأنها كانت غير منطقيه ..الجراح يقول عايز يعمل العمليه بعد أسبوعين ..وهي ادتني اغذيه بعد ان ركبت انبوب بالانف..الجراح طلب أزيد عشره كيلو وهي بالانبوب بتقول في الأسبوع ح أزيد ربع كيلو ورفع الالبومين بنسبه محدده...انا هجت فيها ربع كيلو في الأسبوع معناها الشهر كيلو وعايز عشره شهور للعشره كيلو وده طبعا ما منطق ودخلنا في مشادات كلامية وصلت مرحلة شتائم .لانو في خلال 12 يوم انا في المستشفي راقد فقدت اكتر من اربعه كيلو لكن الشهاده لله الالبومين ارتفع وصل 2.2 ...الطبيب الجراح في اليوم الرابع عشر قال اعمل رنين مغنطيسي عشان يحدد العمليه ..ومشيت غرفة الرنين المغنطيسي غرفه مجهزه ودخلت الجهاز بتاع الرنين المغناطيسي وانا داخل الجهاز ...يقوم يتعطل زي الزول الراكب اسانصير من الطابق الاربعين والكهرباء تقطع .وانا داخل الجهاز اتصبب عرق والجهاز معطل واسمع بره جوطه بتاعت الفنيين بالتايلندي وانا ما فارز حاجه غير كلمة ميتل نواصل
Post: #172 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-09-2018, 03:10 PM Parent: #171
نواصل وانا داخل جهاز الرنين المغنطيسي اتصبب عرقا جات ممرضه متخصصه في توصيل الأنبوب الغذائي للمعده فقد كان موصل عن طريق الأنف.جاءت قالت لي ح نطلع الأنبوب ونواصل الرنين المغنطيسي وبعد نرجع الغرفه نركبه تاني ..قلت ليها تمام .وبي سري قلت ليها تاني كان بركبه بلا انبوب بلا كلام فارغ اصلا انا زهجان من طبيبه الأغذيه...والشي الكان محير أفكاري هم كانو بقولوا احتمال الجهاز ما بيشتغل من الأنبوب والانبوب بلاستيك ما فيهوا معدن ..رجعت تاني لجهاز الرنين بعد فكو الأنبوب برضو ما اشتغل وحصل هرج ومرج في الغرفه كميه من الدكاترة والفنيين متحيرين...طلعوني من الجهاز وفحصوا الجهاز وعملوا تجربه دخلوا زول تاني الجهاز اشتغل ..دخلت أنا تاني الجهاز علق ما اشتغل ...تاني جو سألوني قبل كده عملت عمليه أو كان في كسر أو أي معدن أو مسمار..قلت ليهم اصلا ما حصل حاجه زي دي في حياتي ...تاني اشتغلو في الجهاز وغيروا لي ملابسي ورجعت الجهاز وبرضوا ما اشتغل ...وتأكدوا..تماما انه في معدن في بطني ..هنا اتزكرت الدكتور العمل عمليه المنظار في القاهره كان برجف وبقول لي نعمل عمليه سريع ..وطوالي كلمت الطبيب الجراح اللحظه ديك كان وصل غرفه الرنين المغنطيسي وحكيت ليهو بي قصه القاهره وقال لي غالبا يكون في جزء من المنظار انكسر في بطنك...وقال رجعوني لجهاز الرنين المغنطيسي تاني للمره الاخيره وبرضوا ما اشتغل ...وقال خلاص نعمل بيتي اسكان سريع عشان يشوف قصه المعدن دي ...انا طوالي خيالي سرح بعيد قلت احتمال انا اكون طاشم بلعت لي فله ولا حديده زمان ولا احتمال اكون مهرب لي ماس في بطني ولا ربنا عافاني وبي قدرة قادر حول الورم الخبيث لي احجار كريمه ..وفي اللحظه دي كانت غرفة البيتي اسكان جاهزه وانا ماشي عليها اسمع كل المستشفي تتكلم عن المعدن الفي بطني نواصل
Post: #173 Title: Re: رحلتي مع مرض السرطان تفاؤل وحب وسخريه Author: Biraima M Adam Date: 09-09-2018, 03:32 PM Parent: #172
متابعين .. والحمد الله الذي شفاك وعافاك .. يا أخي هجو ..
بريمة
Post: #174 Title: Re: رحلتي مع مرض السرطان تفاؤل وحب وسخريه Author: ombadda Date: 09-09-2018, 05:45 PM Parent: #173
أجر وكفارة يا هجو سرد ممتع ومشوق أقترح جمع كل ذلك السرد في كتاب وطبعه بل وترجمته التجارب الواقعية خاصة مع المرض والتى تنتهي بالانتصار, والعزيمة على قهر المرض تخظي باقبال واسع
Post: #181 Title: Re: رحلتي مع مرض السرطان تفاؤل وحب وسخريه Author: بكرى ابوبكر Date: 09-09-2018, 09:49 PM Parent: #174
Quote: أقترح جمع كل ذلك السرد في كتاب وطبعه
شكرا يا دكتور امبدة و مشتاقين اقترحت على هجو قبل ايام جعل هذا البوست كتابا لاسلوبه المشوق فى الكتابة و كثرة من هم يعانون من هذا الطاعون القاتل
Post: #175 Title: Re: رحلتي مع مرض السرطان تفاؤل وحب وسخريه Author: عبدالمنعم الطيب حسن Date: 09-09-2018, 05:45 PM Parent: #173
متابعين بمتعة، وبفرحة كونو دا كلو بقى ذكريات.... يا لك من اسفنجية تمتص الاهات ولا تقهر؛
Post: #176 Title: Re: رحلتي مع مرض السرطان تفاؤل وحب وسخريه Author: Frankly Date: 09-09-2018, 05:57 PM Parent: #175
بالشفاء الكامل إن شاء الله
ويا ليت تدعم قصتك دي ببعض الأرقام بالدولار في كل من كمبالا والقاهرة بانكوك
Post: #177 Title: Re: رحلتي مع مرض السرطان تفاؤل وحب وسخريه Author: هشام كمال عبادي Date: 09-09-2018, 06:06 PM Parent: #173
حمد لله على السلامة اخوي هجو والحمد لله قدر ولطف ..
ما تشوف شر ..واعفي لينا مشغولياتنا وعدم سؤالنا ..
Post: #178 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-09-2018, 07:15 PM Parent: #177
سحبت الصوره علي حسب طلب الزميل سيف النصر تحياتي
Post: #179 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-09-2018, 07:26 PM Parent: #178
نواصل دخلت غرفة البيتي اسكان وهواجس المعدن في رأسي مره اسب والعن في الطبيب المصري ومره اقول أمكن انا بلعت حديده ومرات أصدق الورم اتحول لي ماس. واقول خلاص لو عملو عمليه انا اخلي ود اختي يخش يحضر العمليه عشان لو طلع فعلا في ماس نضمن حقنا...لانو هسع الناس ديل لو شالو الماس وكتلوني البجيب خبري منو احسن ود اختي يكون قاعد علي الاقل اضمن الماس حتي لو مت يكون حقنا محفوظ اصلوا الماس ده انا تعبت فيهو مما كان خليه صغيره لحدي ما كبر في بطني وانا براعيهو وتعبت وحملته وهنأ علي وهن وهسع لازم نطلع ليهو شهاده منشأ ونسجلو زي شهادة الميلاد عشان نقدر نخش بيهو دبي نبيعوا هناك ..وفي دبي طبعا اكبر سوق للماس....وفجاءه لقيت الممرضه تجهز في حقنه بتاعت رادييشن عشان البيتي اسكان ...وبتقرا لي في التعليمات اول ما تخش الجهاز نقول ليك شيل نفس وطلع نفس ...سبيت ليها وقلت ليها قطعت حبل الماس بتاعي هسع كان الواحد روق ورطب لي جنا الجنا...وكان عملت لي مزرعه بتاعت ورم في البطن ...تنتج ماس...اها خشيت الجهاز شيل نفس خت نفس وطلعت بعد انتهيت رجعوني الغرفه وانا بقيت في قلق منتظر النتيجه بي أسرع فرصه ...نتيجه السرطان اول مره ما كنت مقلق عليها زي نتيجه المعدن... نواصل
Post: #180 Title: Re: رحلتي مع مرض السرطان تفاؤل وحب وسخريه Author: سيف النصر محي الدين Date: 09-09-2018, 07:28 PM Parent: #178
يا ريت تشيل الصورة الاخيرة دي يا هجو
Post: #182 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-10-2018, 06:53 AM Parent: #180
غايتو...قصة الصور دي ابت اظبط...معاي ...
قلق وتوتر في انتظار نتيجة البيتي اسكان ....وفعلا النتيجه كانت مفاجاءه...محبطه جدا
Post: #183 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-10-2018, 07:33 AM Parent: #182
نواصل بعد كم ساعه سالت الممرضه عن النتيجه بتاعت البيتي اسكان قالت لي عند الجراح وبجي الصباح بدري ...وهسع عايزين نركب ليك انبوبة التغذيه واللحظه ديك كنت باكل لي في فول كارب جايبنو من أحد المطاعم اليمنيه في منطقه نانا اسكوير...قلت ليها أنبوب شنو ياخي انا هسع باكل براي ما عايز الأنبوب ده قالت لي ولو ...دي تعليمات وطبعا إخوانا ديل شغالين بي سيستم والسيستم عندهم زي قضيب السكه حديد ...المهم انا رفضت ستين يمين ما اركب الأنبوب ده تاني ...انا اكتر من اتناشر يوم مركبين لي الأنبوب..الكلام بالاشاره او بكتب في ورق ...وكان بجو يزوروني ناس كتار ولسانهم طويل لقوا فيني فرصه الأنبوب مركب واخدو يتفسحو فيني...وانا ما قادر ارد ليهم..ورفضت الأنبوب لانو بالمنطق انا وزني ماشي نازل مما خشيت المستشفي وركبو الأنبوب فقدت اربعه كيلو...وقلت للممرضه مافي طريقه لو جا ملك تايلند ذاتو...امشي كلمي الدكتوره ..وفعلا جات الدكتوره ورفضت رفض تام ودخلنا في مشاده كلاميه حاده...وفشلت تقنعني بالانبوب. وفي الصباح الباكر جدا جا الطبيب الجراح ومشيت معاهو غرفه فيها كمبيوتر وانا مقلق للنتيجه وفتح الكمبيوتر ووراني صوره البيتي اسكان ..وظهر فيها حصاوي قريبه من القناه المراريه وقال لي محتاجين نعمل عمليه حصاوي سريع لانها ممكن تغلق القناه المراريه و الحصاوي دي سبب الضعف وفقدان الشهيه ولو شلناها انت ممكن صحتك تتصلح وتساعد في إجراء العمليه لانو واضح انا ما ح اقدر اعمل العمليه الان الا بعد نعمل عمليه الحصاوي وناخد تاني كيموثربي لمده شهرين ...لانو الورم في الفتره الفاتت ما نزل كتير بسبب ضعف التغذيه....وانا في العمليه الكبيره برضو ح اشيل المراره ...قلت ليهو كويس نا في مانع لكن موضوع المعدن حصل فيهو شنو ...قال لي طلع حاجه شكلها صغير وما ذات اهميه غالبا تكون جزء من المنظار العملتو في القاهره...المهم في خلال اسبوع لازم نعمل عمليه الحصاوي دي...قلت ليهو خير خليني ارتب حالي في خلال الاسبوع واجي راجع ...فعلا طلعت من المستشفي ورجعت البيت حتي ارتب حالي لعمليه الحصاوي نواصل
Post: #184 Title: Re: رحلتي مع مرض السرطان تفاؤل وحب وسخريه Author: Ahmed Yassin Date: 09-10-2018, 09:30 AM Parent: #183
هجو قاهر السرطان امسح صورتك الكبيرة الفوق دي بالله
Post: #185 Title: Re: رحلتي مع مرض السرطان تفاؤل وحب وسخريه Author: Ahmed Yassin Date: 09-10-2018, 09:30 AM Parent: #183
الحمد لله ربنا شفاك وعافاك والله انت زول طيب شديد ياخ
Post: #186 Title: Re: رحلتي مع مرض السرطان تفاؤل وحب وسخريه Author: Abdalla Hussein Date: 09-10-2018, 09:32 AM Parent: #185
اسأل الله لك تمام الصحة وكمال العافية
Post: #187 Title: Re: رحلتي مع مرض السرطان تفاؤل وحب وسخريه Author: Haydar Badawi Sadig Date: 09-10-2018, 10:08 AM Parent: #186
عزيزي هجو، تحيتي وودي كم أنا سعيد بشفائك! الحمد لله الذي أزال عنك رهق هذا المرض الخطير وسلمك وعافاك. ما تفعله هنا درس في غاية الأهمية. وسيفيد كثيرين، منهم أعز أصدقائي. وقد عرفت منه قبل أيام معدودة مرضك ثم تعافيك بحمد الله.
Post: #188 Title: Re: رحلتي مع مرض السرطان تفاؤل وحب وسخريه Author: Sudany Agouz Date: 09-10-2018, 01:59 PM Parent: #187
الإبن الحبيب هجو ..
صدقنى .. كم أنا فخور بكم .. لأننى على علاقة قريبة مع عدد من الأصدقاء .. وهم يعانون من نفس هذا الداء .. وأننى على علم بمدى المعاناة من جلسات " الكيمو " .. و هناك جارنا والذى يسكن أمام منزلنا .. تقريباً كل يوم يتصل بى هاتفياً .. لأقوم بمرافقته الى صندوق البريد .. أولاً لتنشيط سريان الدم .. والعضلات .. ثم لإحضار رسائله البريدية .. وبالطبع له " مشايّة " خاصة للحرص من الوقوع .. ولكن ماذا أقول لكم .. الرب يكون معكم ويحافظ عليكم ..
وبهذه المناسبة أهدى لكم هذه الأغنية للفنان الكبير والجميل .. الفنان .. والموسيقار .. محمد الأمين ..
الرب يبارك فى حياتكم .. وفى حياة أسرتكم الغالية .. عمكم العجوز .. ارنست +++
Post: #189 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-10-2018, 04:50 PM Parent: #188
الشكر اجزله لكل الضيوف والمتابعين لكم ودي وكرر اعتذاري عن عدم الرد ولكن ساخصص وقت للردود .......... نواصل نواصل زيارة الاصدقاء في هذه البلاد البعيده المكلفه ترفع المعنويات وتجعل الفرد يفرز طاقات ايجابيه حتي الرسائل في مواقع التواصل الاجتماعي أو الكتابه كانت تدفعني لحب الحياه والتشبس بها...دائما ما نري صور من نعزهم ونحبهم وغادرو الحياه في بروفايلاتنا...وهم لا يرون صورهم ولا يعرفون مدي حب الآخرين لهم لانهم بكونوا قد عبروا الي العالم الآخر...فأنا كنت سعيد جدا فقد رايت صوري في بروفايلات أصدقائي ورأيت كتاباتهم عني فقد كان حبهم دافعا قويا لتحمل الام الكيموثربي...اصدقاء باعد الزمان والمكان بيننا بعشرات السنوات وآلاف الأميال وجدتهم في الأسافير يسالون عني ويحتفون بصور قديمه وأحداث كنت قد نسيتها تماما مع زخم الحياه ...كانت فترة المرض هذه فعلا فترة تأمل وإعادة حسابات كثيره وكيف كنت قد اخطاءت في حق اناس كتار وفي حق نفسي ...عباره قالها لي بتاع تاكسي تايلندي حينما كنت راكب قدام معه وفي كم عربيه تجاوزتنا ودخلت قدامنا في زحمه...انفعلت وقلت له لي بتخلي الناس دي تخش قدامنا ...قال لي قلب بوذا ما عايز انفعال وخليهم احتمال يكون عندهم مشاكل ماشين يحلوها...فكرت في كلام بتاع التاكسي كتير في تلك الأيام ووجدت انني كنت علي خطا في كثير من مواقفي...جهزت حالي لعملية إزالة الحصاوي وتوجهت في اليوم المعني للعمليه صباحا وقد كنت صايم ودخلت المستشفي وبديت الفحوصات والإجراءات العاديه للعمليه فقد كانت عباره عن تفتيت الحصاوي بي بنج كامل ومنظار ..كنت في الغرفه مستمتع بي اغاني اسماعيل عبدالمعين...والخدير وخضر بشير ..الي ان جاءت الممرضه ومعها النقاله وذهبت الي غرفة العمليات ...دخلت غرفة التحضير والتخدير في البدايه وكانت الإضاءة خافته الممرضات يتحركن في رشاقه خفه كأنهم ملايكه مابين تركيب الاجهزه والتنفس والحقن والونسه بي همس تنسيك المرض وفكرة العمليه ...اخر حاجه كنت بتزكره. طبيبه التخدير كان بتتكلم معاي ....لكن ما متزكر التفاصيل ....ورحت عييييييك نواصل
Post: #190 Title: Re: رحلتي مع مرض السرطان تفاؤل وحب وسخريه Author: Osman Mahmoud Date: 09-10-2018, 06:49 PM Parent: #1
انت بطل حقيقي الاخ هجو، خضت معركة قاسية جدا .. مع المرض والألم والربكة والانتظار والاحباط والخوف والعجز واليأس ......، من الصعب جدا واشبه بالمستحيل ان يجد الانسان نفسه كما تسرد في القصة، من الصعب الخروج من كل هذه الاجواء ووضعها كخصم امامك من ثم مواجهتها، والتغلب عليها .. من خلال القصة كنت ارى انك احيانا تستخدم اليأس كسلاح في وجه المرض، وخاصة برفضك القاطع لعمليات الاستكشاف .. لا نطيل عليك وعلى القراء .. واصل السرد .. وبالتأكيد سيكون سند وعضد لمرضى يبحثون حتى عن قشة يعلقون عليها آمالهم .. واخرون ..
تحياتي لإبن الاخت ونعم من ابن .. كن دائما بخير .. ومن تحب .
.
Post: #191 Title: Re: رحلتي مع مرض السرطان تفاؤل وحب وسخريه Author: خالد حاكم Date: 09-11-2018, 00:51 AM Parent: #190
الف حمدا لله على سلامتك اخ هجو وان شاء الله اجر وعافية
Post: #192 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-11-2018, 05:51 AM Parent: #191
نواصل صحيت علي همس الممرضات من حولي .والغرفه مضاءه اضاءه خافته كأنو هناك مشهد غرامي في سينماء وكل شئ هادئ عاينت ليهم في استغراب وانا استجمع ذاكرتي.انا منو و انا وين ياربي والحاصل شنو .والبنات السمحات ديل منو ياربي كنت مساهر في ديسكو..ولا حفله وغبيت ويكون الخ...وشويه شويه بديت استوعب ..ايوا المستشفي ..العمليه ..ياربي اكون هضربته ..وكان هضربته ذاتو ديل الا يستعينو بي قوقل للترجمه .بقيت اتحسس جسدي احتمال في جروح أو في شنو من آثار العمليه ..كل شئ سليم إلا بس في وجع حلق بعييييييد كده تحس بيهو.٠ ..طوالي بي نفس النقاله ساقوني للغرفه وبعد شويه جاء الطبيب العمل العمليه مبسوط وشايل معاهو ظرف فيهو صور العمليه ...... نواصل
Post: #193 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-11-2018, 07:26 AM Parent: #192
نواصل وبدأ يشرح لي العمليه حصل فيها شنو وانه سعيد جدا قدر فتفت الحصاوي كما موضح في الصوره ..وقال هو انجز لان العمليه دي كانت خطره ..والخطوره تكمن في أن الورم السرطاني متاخم للمراره و الحصاوي وهو من الداخل سائل ومن الخارج مغلف بي غلاف خفيف اي هبشه بالمنظار احتمال ينفجر...ولو انفجر ح يكون فيهو خطوره لانه من الداخل به جبيبات كحب الكمون الاسود ولو انفجر الحبوب دي ح تنتشر في كل الجسم .والسرطان حينتشر وح يكون في لوكيميا في الدم وما ح يقدروا يتسيطروا عليها لذا كانت العمليه خطيره ومحتاجه مجهود كبير ...وقال لي انا سعيد جدا بي نجاح العمليه ودي ح تحسب لي في رصيدي من العمليات المعقده ...وهنأ اتزكرت دكتور ثيربو الجراح وصالح طبيب الأورام لمن كان قلت ليهم العمليه بتاعت الحصاوي في المستشفي هنا عندكم غاليه خلوني امشي اعمله بره بتكلف أقل من عشره في الميه من مبلغكم..وهم رفضوا وقالوا لي ما بنضمن المضاعفات..ونحن رشحنا طبيب ماهر متخصص في العمليات الزي دي ولو عملتها بره ح نكون بعيدين ..لكن نحن هنا قريبين وممكن نتابع ...لكن علي كيفك لو عايز تمشي محل ارخص ده من حقك...وانا طبعا رفضت وقلت احسن هم علي الاقل متابعين وعارفين حالتي...وابتسم الجراح العمل عملية المراره وقال لي انت محظوظ و.ممكن تنو م معانا هنا في المستشفي وتطلع بكره الساعه عشره ص ...وبعد بكره ممكن تواصل في الكيموثربي... نواصل
Post: #194 Title: Re: رحلتي مع مرض السرطان تفاؤل وحب وسخريه Author: عبد الوهاب المليك Date: 09-11-2018, 08:39 AM Parent: #193
اسأل الله العظيم رب العرش العظيم أن يشفي أخي هجو مختار شفاءً لا يغادر سقماً اسأل الله العظيم رب العرش العظيم أن يشفي أخي هجو مختار شفاءً لا يغادر سقماً اسأل الله العظيم رب العرش العظيم أن يشفي أخي هجو مختار شفاءً لا يغادر سقماً اسأل الله العظيم رب العرش العظيم أن يشفي أخي هجو مختار شفاءً لا يغادر سقماً اسأل الله العظيم رب العرش العظيم أن يشفي أخي هجو مختار شفاءً لا يغادر سقماً اسأل الله العظيم رب العرش العظيم أن يشفي أخي هجو مختار شفاءً لا يغادر سقماً اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
Post: #195 Title: Re: رحلتي مع مرض السرطان تفاؤل وحب وسخريه Author: بشير أحمد Date: 09-11-2018, 09:45 AM Parent: #194
حمدلله الف على السلامة ياهجو.
Post: #196 Title: Re: رحلتي مع مرض السرطان تفاؤل وحب وسخريه Author: usama Babiker Date: 09-11-2018, 11:24 AM Parent: #195
اسأل الله العظيم رب العرش العظيم أن يشفي أخي هجو مختار شفاءً لا يغادر سقماً اسأل الله العظيم رب العرش العظيم أن يشفي أخي هجو مختار شفاءً لا يغادر سقماً اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
Post: #197 Title: Re: رحلتي مع مرض السرطان تفاؤل وحب وسخريه Author: احمد حمودى Date: 09-11-2018, 12:37 PM Parent: #196
اسأل الله العظيم رب العرش العظيم أن يشفي أخي هجو مختار شفاءً لا يغادر سقماً اسأل الله العظيم رب العرش العظيم أن يشفي أخي هجو مختار شفاءً لا يغادر سقماً اسأل الله العظيم رب العرش العظيم أن يشفي أخي هجو مختار شفاءً لا يغادر سقماً
Post: #198 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-11-2018, 03:17 PM Parent: #197
نواصل وفعلا طلعت تاني يوم من المستشفي ولاحظت الشهيه للاكل تغيرت للأحسن وبقيت اقدر اتمشي في شوارع بانكوك في الامسيات جميله الشوارع صاحبه لاتنام...وصادف ان زارني صديق عزيز منذ أن كنا في الثانوي نحن اصدقاء وتفرقت بنا سبل الحياه والتقينا بعد خمستاشر سنه وأصبحنا نلتقي دوما وحينما سمع بمرضي كان في القاهره جاءني مخصوص في بانكوك ومكث معي أكثر من عشره يوم كانت من اجمل الأيام فقد قضيناها حوامه ما بين جزيرة بتايا ...كما يسميها السودانيين بتايا بلد الهدايا... بكسر الهاء . وركوب الافيال ......نواصل
Post: #199 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-11-2018, 04:18 PM Parent: #198
نواصل ذات نهار تايلندي ممطر وقد داهمني الم عجيب وانا انظر الي حبوب المسكن ما بين اخد حبه ولا اعمل شنو لانني بلعتها كنير في تلك الفتره وكان صديقي وبن اختي يتناقشان في موضوع ما بالقرب مني فكانا دوما في حالة نقار ونقاش ...فقطعت لهما النقاش... ...فقلت لهما رأيكم شنو نمشي بتايا كانت الساعه حوالي تلاته عصر وايدا الفكره ....طوالي قلت احمد انت اضرب لي بتاع التاكسي صاحبك ...بتاع تاكسي تايلندي ستيني في العمر صاحب روح شبابيه ونكته وسريع بديهه فقد كنت دائما استمتع بالمشاوير معه ..وفي خلال أقل من نصف ساعه نحن في الطريق السريع لي جزيرة بتايا...الشارع جميل مخضر ومزارع جوز الهند علي طول الطريق تتخللها مزارع السمك والمصانع وقبلها الشارع بمر بمدينه صناعيه ضخمه والأمطار لازالت تهطل بي غزاره والشارع اصبح أكثر متعه وعلي مشارف جزيرة بتايا تلتقيك سلسلة جبال مخضره وتخفي خلفها خليج تايلند الذي يحيك بتلك الجزيره الساحره المزدانه باشجار جوز الهند والخليج من بعيد لون مياهه اقرب الي اللون السماوي ففي خط الأفق لاتستطيع ان تميز ما بين السماء والبحر فهما في اتحاد عاشقين التقيا بعد فراق فتعانقا ولا تعرف من هو السما الحبيب الغايب ولا البحر الهائج شوقا..مدخل جزيرة بتايا ساحر يزكرني بي مدخل مدينة ومدني في تمانينيات القرن الماضي حينما كانت مخضره والأمطار فيها تبدا من شهر خمسه...قبل أن يتغير المناخ بسبب حرق الغطاء النباتي...رائحه جميله تنبعث من طرقات بتايا أشبه بالياسمين لشجرة الياسمين سحر خاص عند الشعب التايلاندي الساعه تشير إلي السابعه بعد المغرب والأجواء جميله فكنا نبحث عن هوتيل بالقرب من الشاطي فلم نتوفق..واخيرا وجدنا هوتيل ممتاز لا يبعد كثيرا عن الشاطئ...ودخلنا بهو الهوتيل الانيق وموظفي الريسبشن أكثر اناقه في التعامل ...وحجزنا الغرف ودخلنا شنطنا في أقل من نصف ساعه أخدنا حمام دافئ فالجو بدا يبرد والتقينا في غرفتي نخطط للخروج والسهر...طبعا لحدي الان ما اتزكرت المسكن ولا الالم....بحثنا في العم قوقل عن مناطق الترفيه والسياحه ووضعنا خطه اليومين القادمين...منها زيارة البيتش نهارا واهم معلم هو سينشري تروث وحديقه داخل غابه في الجزيره ..وعلي ان نبداء ليلتنا هذه بشارع الووك استريت ..وهو شارع مشي بالارجل فقط ودخلنا بداية الشارع في حوالي الساعه التاسعه مساء .... .نواصل
Post: #200 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-11-2018, 07:43 PM Parent: #199
نواصل الشارع يبداء بنهاية الشاطئ علي جانبيه في البدايه مجموعة مطاعم الماكولات البحريه والتاي فود ..والبارات منتشره علي جانبيه وقدام كل مطعم تجد اصحابه يصيحون للماره ويخبرونهم عن الوجبات وطريقه العرض ..اما البارات فقد كانت تعلن عن نفسها بالموسيقى الصاخبه والمشادات الكلاميه للذين هم أصحاب الرؤس وزن الريشه او تقلوا وبدو بدري وايضا صالات الرقص للعراء والديسكوهات تجد امامها الفتيات ذات اللبس الانيق .يدعون الماره باغراء جنسي وحسي حسي يا ام العروس ذاتو...مش لو عندك سرطان برضو بتحس ...يدعونهم للدخول إلي عالم الرقص واحيانا لا تفرق بين هو وهي ...غايتو لو طلعت هي هو بكون الجماعه اتمقلبوا..بداية الشارع ملهمه تزكرني روايات جورج امادو وسواحل البرازيل ..وايضا تجد بعض أصحاب المواهب يفترشون مواهبهم كالسحره..او الحاوي ..والناس مجتمعه حوله ...وللعرب الخلايجه حضور كبير حيث تنشر محلات الاطعمه العربيه والشاورمه والشيشه مما يدل علي انهم من مرتادي هذه الجزيره الساحره ..والصين لها عالم خاص جدا في هذا الشارع وايضا لهم حضور كبير هم والهنود...ووجدنا انفسنا فجاءه امام مطعم ايراني وخلفه حانه فما كان من الشاب الانيق الذي يقف أمام المطعم الا ان يدعونا للدخول لتناول وجبات ايرانيه وخلف المطعم الحانه برضوا ايرانيه ..وأخذ يلح ويلح علينا ...فاعتذرنا بلطف وواصلنا في طريقنا وحينما انتبهنا الي الزمن كانت الساعه اتنين صباحا ولم نصل الي منتصف الطريق ...فقررنا أن نتناول وجبه من أحد المطاعم التي تقدم المأكولات البحريه وبالفعل اجمعنا علي الجمبري وسمك السالمون...ورجعنا الفندق حوالي الثالثه صباحا وكل هذه المشاوير كانت بالارجل ...ولم أتذكر الحبوب المسكنه الي ذلك الوقت نواصل
Post: #201 Title: Re: رحلتي مع مرض السرطان تفاؤل وحب وسخريه Author: Ahmed Yassin Date: 09-11-2018, 07:49 PM Parent: #200
يلا امسح صورتك الكبيرة
Post: #202 Title: Re: رحلتي مع مرض السرطان تفاؤل وحب وسخريه Author: Ahmed Yassin Date: 09-11-2018, 07:49 PM Parent: #200
هجو مختار وشركاه لله الحمد والمنة
Post: #203 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-11-2018, 08:01 PM Parent: #202
Quote:
هجو مختار وشركاه لله الحمد والمنة
ما عدمناك.... الف شكر ...حكاية الصور دي مره تظبط ومره تجلي
Post: #204 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-12-2018, 05:17 AM Parent: #203
نواصل رجعت الفندق ونمت نوم عميق وفي صباح اليوم التالي تناولت وجبة فطور خفيفه وخرجت اتمشي حول الفندق الشوارع تغريك بالمشي لجمالها ونظافتها والجو جميل يحرضك علي الركد والجري ..الصباح في الجزيره هادي مما يدل علي أن الحياه هنا ليليه فمعظم المحلات اما مغلقه او شغالين نضافه...رجعت الفندق وجدت صديقي وابن اختي استيقظا واخذنا نتشاور نبدأ اليوم كيف ومن وين كان هناك اقتراح من صديقي منعم بأن نذهب الي السينشري تروث ومن هناك نزور المعابد وين اختي بيقول نمشي الشاطى اول .اتفقنا نمشي السينشري تروث اول وبعداك نمشي الشاطي..وفي طريقنا ...زي ما قلت الشوارع كانت هاديه وتكاد تكون خاليه من السيارات او الماره...وصلنا الي السينشري تروث وفعلا حاجه ساحره من بعيد يبدو كقلعه في وسط الخليج وعبرنا بوابه كبيره الي داخل غابه مع البحر ولا في أفلام الامازون
Post: #206 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-12-2018, 10:39 AM Parent: #204
نواصل [ عالم ساحر ومبني جميل من الخشب في شكل تماثيل يعني بدل الطوب تماثيل متراصه في بعض وأخبرنا المرشد السياحي بأن هذا المبني بدا في عام 1981 وهم شغالين لحدي الان بيبنو فيهو وما حينتهي العمل فيهو مدي الحياه يعني هسع شايفين ناس شغالين ولو جيتو بعد عشره سنه او خمسين سنه برضو ح تلقوا ناس شغالين بيبنو...والمبني عباره عن تماثيل من الخشب والخشب ذاتو مقاوم للرطوبه والرياح وانا متاكد بعد فتره هذا المبني حيكون من عجائب الدنيا..والمبني قايم علي فلسفه لاهي دينيه ولا خرافه..بل قايم علي فلسفه السلام مع النفس...وفعلا حينما تكون في الداخل تصاب برعشه التصالح مع الذات .. والغريب المبني لايتبع لوزاره سياحه ولا الدوله..فكرته قام بها شاب بعد أن تخرج من الجامعه وورث مبلغ محترم من والده واستثمره في هذا المنتجع الساحر في هذه المنطقه التي كانت عباره عن غابه والان أصبحت قبله للسياح تجولنا في المبني والمنتجع وعجبتنا فكرة ركوب الأفيال وتجولنا معاها..واجمل شئ في نهاية الجوله بتديك إدارة المنتجع ساعه فوت مساج فري .. من اعظم المساج في العالم ...يعني تلف وتتعب رجليك..وتجي في النهايه يعصروا ليك رجليك ويخارجوك من المنتجع زي ما جيت اول مره ...وحينما انتهينا كانت الساعه قاربت علي السادسه مساء ورجعنا الفندق لنستعد لجولة المساء والسهره نواصل
Post: #228 Title: Re: رحلتي مع مرض السرطان تفاؤل وحب وسخريه Author: Ahmed Tuhami Date: 09-17-2018, 10:21 AM Parent: #200
المقاتل الشجاع ............... كن بخير
Post: #252 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-23-2018, 08:24 AM Parent: #200
معليش مداخله مشت غلط
Post: #243 Title: Re: رحلتي مع مرض السرطان تفاؤل وحب وسخريه Author: زهير الزناتي Date: 09-19-2018, 07:55 PM Parent: #199
سعيد يا صديق بأنك خير تابعت ما سطرته هنا عن علاجك وقتالك ضد السرطان وكما قال الأخوة يستحق ان يكون هذا كتاب ... لك مودتي يا صديقي وكن بخير ومتابعين
Post: #293 Title: Re: رحلتي مع مرض السرطان تفاؤل وحب وسخريه Author: ابراهيم حسين Date: 09-28-2018, 05:04 AM Parent: #199
الف حمدا لله علي السلامة شكرا لك علي وضع خصوصياتك علي منبر عام للفائدة أعتقد ان الرحلة تصلح ان تكون كتابا "تجربتي مع السرطان" مع بعض التعديل في اسلوب ومحطات السرد
Post: #205 Title: Re: رحلتي مع مرض السرطان تفاؤل وحب وسخريه Author: مجاهد محمد الهادي Date: 09-12-2018, 09:09 AM Parent: #1
مليون مرحب بعودتك أخ هجو حمدا لله على سلامتك أجر وكفارة إن شاء الله
Post: #207 Title: Re: رحلتي مع مرض السرطان تفاؤل وحب وسخريه Author: Ahmed Yassin Date: 09-12-2018, 10:59 AM Parent: #205
اول مرة اشوف زول عيان وراكب فيل يا هجو انت ذاتك اعجوبة ماشاءالله .. تبارك الله
Post: #208 Title: Re: رحلتي مع مرض السرطان تفاؤل وحب وسخريه Author: مزمل خيرى Date: 09-12-2018, 12:55 PM Parent: #207
الف حمد الله على السلامة يا هجو
Post: #209 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-12-2018, 03:12 PM Parent: #208
نواصل نواصل الخروج من جو المستشفي الكيموثربي كان مهم جدا في تقدم الصحه ففي هذه الأيام لم اتذكر حتي الالم او المسكنات ..فقد كنت دوما اقول ان السرطان مرض عطاله فإذا كنت كيف تعرف تتعطل وتترمتل ممكن تهزمه وطبعا دي فكره ممكن تكون غبيه مني ..لانه بالمقابل ممكن يكون برضو مرض ابداع وتامل فهذا الزمن الممكن يضيع في العطاله والرمتله ممكن مريض السرطان يستفيد منه في القراءه والابداع والتأمل...انا شخصيا فشلت في أن ابدع او أتأمل..احتمال لأني من فصيلة من يحبون العطاله والرمتله..فقد حاولت ان ادرس او اشترك في مراكز اليوقا..لظروف ما لم أواصل وحاولت أدخل معهد تعليم اللغه التايلنديه برضوا فشلت لظروف ما ...فقد نجحت في كيفيه ادارة عطالتي بالفارغه والمقدوده زي ما بقولوا لقتل الزمن والالم...ففي هذه الجزيره الساحره قتلت الالم بالتردد علي المقاهي في الشاطي والتجول بين المحال التجاريه ..ففي ذلك المساء اكملنا الجوله في ذلك الشارع الذي لا ينام ...ففيهي الحياة تبدا من السابعه مساء الي السابعه صباحا ..شارع لا نهاية له تنتهي انت من التعب والشارع لسع ما بدا....قضينا ليله ممتعه جدا وكررنا نفس الوجيه في العشاء السالمون الجمبري وأسماك البلطي والفرجه علي المحال التجاريه ورجعنا الهوتيل علي وش الفجر... نواصل
Post: #210 Title: Re: رحلتي مع مرض السرطان تفاؤل وحب وسخريه Author: Sudany Agouz Date: 09-12-2018, 03:16 PM Parent: #208
الإبن الحبيب هجو ..
يا سلام .. ذكرتنا بالذى مضى وانقضى ..
أيام كان عندى شركة الإستيراد .. والتصدير .. ياما زرت الشرق الأقصى .. حتى بتايا فى تايلاند .. قمت بزيارتها فى أوائل الثمانينات ..
و ها هى أغنية الفنان الباقى فى ذكرياتنا .. الفنان أحمد المصطفى والعود الرنان .. أيام الزمن الجميل ..
مرة أخرى .. الإبن الجبيب هجو .. نشكر الله على سلامتكم ..
الرب يبارك حياتكم .. عمكم العجوز .. ارنست +++
Post: #211 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-12-2018, 06:14 PM Parent: #210
نواصل ..وفي الصباح الباكر خرجنا الي الشاطئ نستمتع بشمس دافئة .....والشواطئ في تلك الجزيره في ساعات الظهيره تعج بالسياح من كل أنحاء العالم وتجد التايلنديين يروجون لبضاعتهم بشكل جميل فهم فعلا شعب يعرف كيف يروج للسياحه الرمال والشمس ومساج الأرجل علي الشاطئ شئ بديع وهناك التقينا بالعرافه الحداثه حيث تحمل لاب توب فتطلب منك ان تخبرها بتاريخ ميلادك وترجعه الي التقويم التايلاندي فتخبرك باي سنه تايلنديه هو تاريخ ميلادك وتخبرك عن صفاتك الشخصيه وملامح من الماضي والمستقبل كأي عراف ولكن عند تلك المراءه تختلف النبؤات فهي مرحه ولها حضور طاغي وفي كرسي وثير وانا انظر الي الأفق البعيد فإذا بي اذهب في نوم عميق مع رياح الشاطئ البارده واحيانا اسمع أصوات بعيده كانني في عالم آخر...الي أن نبهني صديقي بالزمن فقد كانت الساعه تشير إلي ما بعد الظهر..... حزمنا امتعتنا للرجوع الي بانكوك بعد العصر.....ومع مدخل بانكوك تحسست حبوب المسكن..فشعرت بالالام تعود من جديد ...إذن هي اللام نفسيه أكثر من أي شئ آخر...حتي راودتني فكرة ان السرطان مرض نفسي ويمكن علاجه وهزيمته بالروح المعنويه العاليه وحب الحياة...فطيلت فترتي في هذه الجزيره لم أصاب بأعياء او بالم فقد كنت في عنفوان صحتي...وفي اليوم التالي كانت عندي مقابله مع الطبيب وسيتي اسكان وكانت المفاجاءه المحبطه جدانواصل
Post: #212 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-13-2018, 05:28 AM Parent: #211
نواصل صباح هادي من صباحات بانكوك بعد ليله ممطره ومن علي البلكونه أتأمل في حركه قطارات المترو كل ما قطار يطلع ويدخل قطار في مكانه وحركة الركاب في تسارع تبعث فيك احساس بالأمل وان الدنيا فعل مستمر والحياة ماشه...إذن الرحله مستمره لا تتوقف في محطه واحده والصحه برضو مستمره لا تتوقف عند مرض محدد...فقد كنت مؤمن انا والسرطان زي القطر ح اقيف في محطه ولا بده ان يتحرك منها كنت كثير ا ما اراقب حركة القطارات من الصباح ...تحركت بنشاط واتجهت الي المستشفي فاليوم مفروض اعمل سيتي اسكان وبناءا عليها تتحدد العمليه وفعلا وصلت المستشفي وكل شئ كان مرتب واتجهت الي غرفة السيتي اسكان قبل العاشره صباحا وفي الساعه واحده ونصف ضهر كنت مع الطبيب الجراح وبدأ يشرح لي نتيجة السيتي اسكان ...فقد كانت النتيجه نعم هنالك نزول في الورم ولكن ليس بالقدر المطلوب الورم نزل درجه واحده اصبح 13.5 بدلا من 14.7 وما كانت دي النتيجه المتوقعه فقد كنا متوقعين تكون أقل من 10 سم حتي يستطيع يعمل العمليه وايضا كانت نتيجه الفحوصات بالنسبه البروتين والالبومين برضوا نازله ...فما كان من الطبيب الا ان قال لي ما في طريقه للعمليه وعليك ان تاخد كيموثوربي لمدة اربعه شهور وبعداك لو الورم نزل خلاص ولو ما نزل برضو ح اعمل العمليه ...هنا اصابني إحباط في البدايه وانا طالع من المستشفي كنت أري كل شئ قاتم ومظلم امامي....... نواصل
Post: #213 Title: Re: رحلتي مع مرض السرطان تفاؤل وحب وسخريه Author: MOHAMMED ELSHEIKH Date: 09-13-2018, 07:37 AM Parent: #212
الف سلامة اخي هجو ونأسف للتأخير لعدم العلم اذ كنا في اجازة طويلة من كل شيء في الوطن الحبيب.
Post: #215 Title: Re: رحلتي مع مرض السرطان تفاؤل وحب وسخريه Author: محمد حمزة الحسين Date: 09-13-2018, 02:17 PM Parent: #208
ياسلاااااااااااااام أخ هجو متعك الله بالصحة والعافيه كما أمتعتنا بهذا السرد المشبع ... سبحان من يحي العظام وهي رميم لقد كتب الله لك الحياة من ركام الموت أخي هجو ... فأحمد الله علي الصحة والعافيه والشفاء ... زادك الله صحة هناء.. : : : : : : مع التحيات لله الزاكيات
Post: #214 Title: Re: رحلتي مع مرض السرطان تفاؤل وحب وسخريه Author: محمد مجيدو Date: 09-13-2018, 08:02 AM Parent: #1
الاخ هجو ... السلام عليكم .. وحمدا لله على سلامتك وان شاء الله ربنا يوليك بالعافية .. وما تشوف شر .. انا عشت تجربة مماثلة لقصتك حيث اصيبت زوجتي بورم في القلب وعانينا كثيرا الا ان تجاوزنا تلك المرحلة والحمد لله .. وان شاء الله لو سمحت ظروفي اقوم بسرد تلك القصة ..
تحياتي ..
Post: #216 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-13-2018, 05:16 PM Parent: #214
نعم تداركت نفسي سريعا ورفضت أن استسلم للاحباط وقلت لي احمد بن اختي اسمع القصه دي ما محتاجه ندبرس ونحبط...الدكتور قال اربعه شهور ونحن قعدنا الي الان سته شهور وهسع بدل اربعه ناقلم انفسنا علي تمنيه شهور او سنه ...القصه دي قصة عطاله ونعتبر الفوره مليون ...اول حاجه نعمله نمشي نطلع من الشقه الساكنين فيها دي ونشوف ايجار عادي ونفرشه برانا وبي مزاجنا ونطلع من وسط المدينه لمنطقه هاديه ونشوف لينا كورسات بتاعه لغه تايلنديه ولو لقينا شغل ذاتو نشتغل نعمل زي الحجاج زمان لمن يجو عابرين السودان من غرب افريقيا بصلوا السودان بكسروا ...وفعلا شرعنا في البحث عن شقه ...وفي هذه الأيام زارني شقيقي الأكبر بقه وصديقنا سبت من جوبا فقد كانت زيارتهم في توقيت ممتاز بعد كلام الجراح وقصة الاربعه شهور وقضينا ايام جميله تجولنا فيها في بانكوك في أمسيات جميله واقترحنا ان نذهب الي بتايا وفعلا ذهبنا الي بتايا في اليوم التالت لوصولهم وكانت رحله ممتعه اعدنا نفس الكره ما بين الووك استريت والشواطي...وكنا قد طولنا من الونسه مع بقه و سبت فقضينا وقت طويل للحكي والونسه وكنا نساهر مع الونسه الي قريب الصباح وقد كانا قبل أن يحضرا الي بانكوك في مخيلتهما هجو مريض السرطان الذي لا يتحرك او الذي اظلمة الدنيا حوله او ما عارف بكون في خيالهم مريض السرطان ..... المهم لمن لقوا اناةبتحرك وبساهر ومستمتع بحياتي كان شيئا لم يكن اطمانو..ومن شاطي لي شاطي تجولنا في المقاهي والمطاعم فاستمتعوا هم بهذه الجزيره الساحره ..ورجعنا بانكوك بعد يومين شحمانات بالبرامج الممتعه...والنقاشات وقضيا معي يوم أخر في بانكوك ورجعا الي افريقيا وتوادعنا علي أن يرجعوا بعد أن يقرر الطبيب العمليه ...ورجعنا انا واحمد نبحث عن الشقه للرحيل نواصل
Post: #217 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-13-2018, 05:42 PM Parent: #216
في الووك استريت مشينا
Post: #218 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-13-2018, 05:43 PM Parent: #217
في بتايا الووك استريت مشينا
Post: #219 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-14-2018, 06:27 AM Parent: #218
نواصل فقد استقر بنا الرأي حول شقه بالقرب من نهر... تشاو فرايا وهو نهر يعبر بانكوك ويقسمها الي نصفين المنطقه جميله اس في سيتي وسكنا في الطابق الاربعه وعشرين شقه مطله علي النهر والميناء النهري ..ففيهو حركة بواخر كثيره تربط بانكوك مع ميناء بتايا وبعض المدن الاخرى...فكنت يوميا اصحي علي أصوات البواخر فقد كانت تبدا حركتها في الصباح الباكر وبالقرب من السكن كان يوجد معبد ومقبره مطلان علي النهر ..فكنت كثيرا ما امشي اقضي النهار هناك علي النهر وبالقرب منها أيضا مضمار العاب قوه فكنت في الامسيات امشي هناك وامارس رياضة المشي . وبالمنطقه معديه او بنطون يعبر الناس به الي الضفه الأخري واحيانا اقضي الامسيات في المعديه مستمتعا بحركة البنطون والركاب فمعظمهم راجعين شكلهم من العمل في حركه تدل علي نهاية يوم طويل ..ففي بانكوك الحياه تبدا بدري جدا صديقي عبدالباقي حاج الامين جاءنا من كمبالا في زياره لطيفه استغرقت حوالي عشره يوم برضوا قضيناها في متعه مابين استارباكس والمطاعم اليمنيه والمخبازه كانت ايام جميله ..فهو شخصيه مرحه يحب الافلام والكافي لاتي...ومشاهده الدوري الانجليزي عشره ايام مرت ونفس اليوم السافر فيهو جاءت شقيقتي من الخرطوم ام احمد وايضا كنا سنين لم نلتقي ومن قبلهم كانت زياره وليد حامد فقد قضي معنا اسبوعين جميلات فقد كان يجيد طهي القواقع والمأكولات البحريه فهو مهموم بانني فاقد بروتين ولذلك كانت اصداف البحر من اولويات اهتماماته الغذائيه كل هذه الزيارات كانت ذات أثر كبير في مسيرة العلاج نواصل
Post: #220 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-14-2018, 01:24 PM Parent: #219
نواصل كان حضور شقيقتي شيئا جيدا بالنسبه لي فكنا كثيرا ما نتشارك الحديث و نعيد ذكريات وقصص . وربطتني بي ناس كان لي زمن طويل لم اسمع اخبارهم ..فقد كنا نقتل الوقت بالونسه ومشاهده التلفزيون وهي كانت تقضي وقتا طويلا في قراءة القرأن بعد صلاة الفجر وتقول لي بس لمن قرأت له .وتصر علي أن تخلط القصيم بماء تقرأ فيهو سورة البقره..ووجدت انها استلمت محل الوالده الله يرحمها فقد كانت ترفع اكفها وتتصرع الي الله وتدعو لي صباح ومساء .. وتجهز لي الفطور واستلمت مهام احمد فقد كان هو من يجهز الوجبات وكل لوازم البيت الان هو في الراحه مؤقتا...كنا في الامسيات ننزل نتمشي في المضمار القريب من السكن ونتجول في المولات القريبه وبعد ذلك نرجع لتصنع لنا اللقيمات والشاي باللبن المقنن ..فقد كان جارنا صديق سوداني يعيش في هذه المنطقه سنين طويله فعرفنا بهندي يبيع اللبن الطازج من مزرعه بالقرب من المجمع السكني ..فمنذ زمن طويل لم أستمتع بي لبن مقنن... فقد كانت تضع لي برنامج غذائي صارم مكون من وجبات دسمه ولها الفضل من بعد الله تعالي في زيادة الوزن ...فقد كانت .فكانها جاءت في مهمه محدده ..تجتهد معي في الوجبات وتنوعها..وأذكر انها قبل أن تجي من السودان بكم يوم كنت احدثها عن الرجله...فإذا بها تجيبه معاها فهي تعرف مدي حبي الي الرجله نحمده وتفننت في طهيها وعلي اللحظه التي اكتب فيها الان طعم الرجله في مخيلتي . منذ سنين طويله لم نجلس مع بعض مثل ما جلسنا في هذه الفتره وتاقلمنا علي المنطقه الجديده ولازلت مواصل في الكيموثربي وكل اسبوعين بمشي المستشفي بعمل فحص دوري للدم والوزن نواصل
Post: #221 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-15-2018, 07:28 AM Parent: #220
نواصل : وفي هذه الأيام اسرتي في كمبالا كانو يتابعون حالتي بقلق في انتظار أن ينتهوا من الامتحانات فزوجتي كانت هي الأخري تعمل في دراسات عليا ولكن توقفت لمراعاة الأسره..فبمجرد ما انتهوا من الامتحانات في نهايه السنه في اول يوم اجازه كانو في طريقهم الي بانكوك عابرين المحيطات والهضاب والرحله تستغرق اربعه وعشرين ساعه مع حساب الزمن المهدر في المطارات حيث الكونكشن والانتظارات. وصلوا بانكوك وكان في استقبالهم بن اختي احمد في مطار بانكوك ...وحينما وصلوني في البيت هزمنا اوجاع والام السرطان باللقياء واطفاء نار الاشواق فقد كانت لحظات جميله...جميل ان تلتقي بأطفالك وخصوصا هم كانوا واعين بالمرض ومقلقين علي ......دينا اصغر بناتي تشبه والدتي كثيرا عليها رحمة الله ...فنناديها حبوبه وكنت حينما امرض وانا صغير تحضنني امي وتعزم لي في راسي وتقرا القرآن وتدعوا لي بالشفاء ففي مرضي هذا فقدتها كثيرا ..وليس املك سوي ان ادعوا لها ...وكانت كثيرا ما تزورني بعد أن انجبت بناتي واذا مرضت إحداهن كانت تعزم لهن وتقراء القرآن... ودينا تعلقت بوالدتي واصبحت تقرأ وتعزم لنا وهي صاحبت السته سنوات آنذاك....وحينما وصلت بانكوك جلست الي جواري ووضعت يدها في جبهتي وأصبحت تقراء لي بعض ما تحفظ من قرآن...شعرت بي راحه ما بعدها راحه
وكان للمسرح حضور في حضرت بناتي فكن يقدمن في الامسيات بعض الأعمال المسرحية لي فقد كن يعتقدن ان المسرح وسيله علاج ناجحه لمرضي السرطان فابدعن في تقديم عروض جميله من تاليفهن حتي اصبح برنامج مسائي اسبوعي نواصل
Post: #222 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-15-2018, 02:40 PM Parent: #221
] نواصل كانت زيارتهم لي نقطه تحول في الاستجابه للعلاج فقد أصبحنا نعيش في جو اسري انا وشقيقتي وزوجتي والاطفال واحمد كثيرا ما بخرج مع دينا فهم بالفطرة اصحاب حتي مشيتهم زي بعض...فمرت الأيام سريعا فكنا كثيرا ما نخرج نجلس بالقرب من النهر او نتجول في المعبد واحيانا في الميادين التي تحيط بالمنطقه التي نسكنها...الحوامه مع الأطفال في نهارات بانكوك جميله خصوصا حينما يكون الجو مشمس ...واحيانا كتيره بقعد امام مول تجاري في نفس المربع السكني ..قعده ما يعقده الا سوداني ...لانو كل ما اقعد بتزكر قعده ..اللساتك في الحله..زمان..حيث كان يجتمع اولاد الحله في لستك عادة ما يكون في كورنة احدي البيوت لقضاء العصريات وفي المساء كنا ننتقل الي عمود الكهرباء..وطبعا كانت هذه منتدياتنا في زمن ما في الحله...تذكرت هذه الأشياء وانا اجلس مع بناتي لقتل النهارات امام الموول...ونحن نتونس...
نعم لقد مكثوا معاي فترة قرابة الشهرين وفي هذه الفتره تحسنت صحتي كثيرا وكنت كل فتره اذداد نشاطا ووزنا..ورجعوا الي افريقيا وانا كنت بكامل صحتي وذهبت معهم الي المطار وودعتهم علي أن نلتقي في خلال شهرين نواصل
Post: #223 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-15-2018, 06:32 PM Parent: #222
نواصل وبعد أن سافروا شعرنا جميعا بخفة البيت انا واحمد وشقيقتي. حتي الوجبات كانت غير مستساقه فقد تعودنا ان نتحلق حول الطعام كلنا ونستمتع بالوجبات مع بعض..مرت يومين وكانت عندي مقابله في المستشفي ففي الفتره الفاتت كان في كم مقابله ما مشيت لفحص الوزن والدم ...واول ما مشيت المقابله وعملت فحص الدم والوزن كانت النتيجه مبالغه ومزهله حتي لطبيب الأورام فقد كانت كل النتائج ايجابيه والوزن زاد أكثر من عشره كيلو .وعملنا سيتي اسكان ونزل الورم الي أقل من 10 سم ..فطوالي طبيب الاورام رفع التلفون واتصل بالجراح واخبره فما كان من الجراح الا ان طلب ان نذهب إليه وكان اليوم يوم سبت ..فقال نعمل العمليه طوالي في الاسبوع الجاي ..قال لي انت جاهز ي هجو ...طبعا طبعا جاهز ي دكتور...فحدد العمليه ان تكون يوم الجمعه في نهاية الأسبوع وطلب أن نحضر الي المستشفي في منتصف نهار الخميس ...وفعلا خرجنا بي معنويات مرتفعة وعملنا اتصالاتنا لتجهيز انفسنا للعمليه واحمد بخفه ونشاط وحركه دؤوبه كان بيتحرك في أقسام المستشفي ما بين الحسابات وإدارة مركز الأورام...لتجهيز الورق والإجراءات الاداريه...ومرت الأيام سريعا وكنت قد أصبحت اكل بشراهه خوفا من أن الوزن يقل في هذا الأيام فتؤجل العمليه ..المهم لالتزامات ماء لم نستطع نعمل العمليه في يوم الجمعه وتاجلت ليوم السبت لصديقنا سبت كان جاي من جوبا لحضور العمليه وتأخر يوم بسبب حجز الطيران وكان تأخير العمليه من حظه ان يحضرها.. وفي تلك الأيام صادف زيارة صديقنا ماجد معالي فقد جاء من كمبالا أيضا وكان متحرك مع احمد في اجراءات العمليه وصادف أيضا مجئ صديقنا عمر مختار الذي كان متواجدا معي وسافر الخرطوم لبعض المهام وكنت موصيهو لي باسطه من الفاخر في الخرطوم وجاء قبل العمليه بي يوم وكنت صايم والباسطه راحت في خبر كان .ولي معها قصص ساحكيها ...ففي يوم الجمعه دخلت المستشفي وبدانا الفحوصات التي تكون قبل العمليه بيوم... نواصل
Post: #224 Title: Re: رحلتي مع مرض السرطان تفاؤل وحب وسخريه Author: احمد محمد بشير Date: 09-15-2018, 07:36 PM Parent: #223
الف حمدلله على سلامتك اخ هجووأسأل الله أن يكون اخر الالامك واحزانك.
فاتني قراءة هذ البوست واليوم اتحيت لي الفرصة فطالعته سطرا سطرا وغصت معك في تفاصيل المرضو و الرحلة بين القارات.
ياخوي حسب متابعتي لنفسيتك ولطريقتك في المقاومة وكذلك تحسن صحتك حسب ما رأيت في الصور ف أحب ابشرك بأنك زول ما ساهل وعندك عزيمة وده سر بلوغك الشفاء... زول صعيف وخواف غيرك كان راح فيها.
اكتب اليك وانا كلي الم وحسرة على ضياع بلدنا السودان منظر الشوارع المكسرة و المحفرة و المستشفيات الهلكانة في الحقيقة هي عبارة عن عمارات قديمة مهجورة وقلبوها مستشفيات.
مافي مقارنة طبعا بين سودان الكيزان وكمبالا خليك من بلاد التاي وحتى مصر القريبة منظر الاسواق العفنة في خرطوم البشير بمياه البرك الملوثة وبجانبها باعة الخضار مازال يزززن في راس.
الا بستحي هؤلاء الكيزان المعفنين الفاسدين؟ ياخي انتو ما بتلفو في البلد دي ول ما عندكم اهل وقرايب ساكنين معانا هنا وتحنو عليهم!!!
بلدنا انتهت يا هجو وده اسوأ شيء حيسبب لنا الامراض والموت واذا نجانا ربنا من الموت ... فأكيد اننا لن نسلم من الامراض النفسية بسبب المناظر والحياة البشعة في بلدنا الغالية.
يا خسارة يا سودان ..تفوووو على البشير وأي كوز قذر وسخ.
Post: #226 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-16-2018, 08:04 AM Parent: #224
نواصل نمت يوم الجمعه في المستشفي علي أن أتناول وجبات خفيفه ..وحقنوني بي حقنه لتنظيف البطن المعده والمصارين لان الورم طبعا ذي ما ذكرت متمدد في البطن وكان حجمه 19.9 سم ونزل الي أقل من عشره الان..وأذكر في الشهور الأولي كان في شباب جو من السودان فيهم واحد عندو نفس الورم وكان 3 سم ...وكانوا مهمومين واثار المرض ظاهره في وجههم...قلت ليهم ياخي ما تزهجوا انتو الورم العند اخوكم ده تلاته سم وانا تسعتاشر فما مشكله نضيف التلاته بتاعتكم دي لي التستعتاشر بتاعتي وأبقوا مارقين..ارجعوا أهلكم سالمين .لاتزعجوا نفسكم ولاتتعبوا الدكتور..ولا تضايقوني انا...فضحكو ولمن عرفوا الورم بتاعي كبير ..بقوا يقولوا لي نظام مواساه تشوف مصيبة غيرك تهون عليك مصيبتك..قلت ليهم ما تدبرسوا هو ناس هيروشيما في اليابان استفادوا من محنتهم فخرجوا باشياء ادهشت العالم ...فبالتالي نحن الورم ده ما احتمال نطلع منو بشي جديد ...فخففت عنهم وخففوا عني وكتبوا ليهم علاج علي أن يراجعوا الطبيب بعد فتره ولم اسمع عنهم شي واتمني من الله ان يكون عافاهم وكتب لهم الشفاء...المهم اخدت حقنة تنضيف البطن والمصارين تمهيدا لاستئصال الورم ...وطبعا حسب ما شرح لي الجراح ح يشيل 60 في الميه من المعده وأربعين في الميه من البنكرياس وح يشيل الطوحال كله وح يشيل المراره وح يقطع جزء من القولون ويوصلوا تاني ..طبعا شال كل العفشه خلا البطن فاضيه مكنة لوري هوستن بس . قضيت ليلة الجمعه في المستشفي مع انغام خضر بشير ومحمود عبدالعزيز والونسه مع شقيقتي و سبت واحمد وماجد وفي المساء كانت زيارة سودانيين اصدقاء ومعارف ..الي ان جاءت الساعه العاشره الا ربع موعد الصيام كان مفروض يكون عشره مساء لكن الممرضه جاءت عشره الا ربع وكنت مصر اشرب مويه هي رفضت ...قلت ليها اكلتيني في ربع ساعه ..لكن كويس بخلصه بعد اطلع من العمليه ..وقعدت تضحك وقاست الضغط وسالتني عن عدد مرات دخولي الحمام وخرجت وفي هذه الأثناء حاولت انوم بدري علي أن اصحي تاني يوم العمليه الساعه اتناشر مفروض اتحرك من الغرفه نواصل
Post: #227 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-16-2018, 01:26 PM Parent: #226
نواصل في الصباح صحيت متاخر من النوم فقد كان الجو في الغرفه هادئ جدا وشغلت فيروز علي هدؤ الصباح كانت البطانيه بيضاء تغريك بالنوم والجسم معسل وبقيت بين نايم وصاحي وناسي موضوع العمليه لحدي ما جات ممرضه جميله كانها فتاة في حصان أبيض طالعه من قلعه من قلاع بيروت وفيروز تغني للبحر والممرضه ذات الثياب البيضاء تتمشي علي البحر وانا شايل كاميرا بصور ورافع يدي عشان ااشر ليها بأن تلتفت فإذا بي اصحي علي يدها تحمل حقنه ورافعه يدي عشان تسحب دم للفحص الذي يفترض أن يكون صباح العمليه ..وهي تبتسم وتحاول تشجعني بخفه ورشاقة..وبتسالني عن مدي جاهزيتي للعمليه ..بي سري قلت ليها يعني انت الشوالي وانا زين الدين زيدان بتساليني عن استحقاقات برشلونه والريال ..ما عمليه يعني ح اتخدر وانوم واصحي والقي كل شئ انتهي ...واحتمال ما اصحي هنا في الدنيا ..يعني ح اصحي في مكان آخر...المهم انه انا لمن اتخدر بنوم مرتاح لو ما صحيت بكون نمت نومه ابديه بي ارتياح ولو صحيت ..بكون رجعت للحياه بصحه افضل إذن هم خيارين لا ثالث لهما..وخرجت الممرضه ورجعت انا لي فيروز امني نفسي بي فنجان قهوه..وفي اللحظه دي جاء الوفد المرافق لي للعمليه شقيقتي واحمد و سبت وماجد وأقترحت عليهم أن يمشوا يفطروا ويقتلوا الوقت في مطعم اثيوبي جميل بالقرب من المستشفي ...لأني لمن عاينت ليهم وتخيلت حركت المسلسلات ديك تلقاهم واقفين قدام باب غرفة العمليات متوترين يمشوا في الممر ذهابا وايابا لحدي ما يجي الدكتور طالع ويجروا عليهو وتجيك موسيقي تصويريه تدل علي الوتره والدكتور يعاين ليهم وينزل الكمامه من وجهه..ويقول ليهم تقبلوا اقتراح المطعم الأثيوبي فشكلهم مع الجو والرطوبة كانوا فعلا في حوجه الي وجبة انجيرا بي تيبس فرفر...في الحقيقه انا كان لعابي يسيل للاقتراح ده...وجاء وفد عالي من الممرضات ومعهم شاب يدفع النقاله التي ستقلني الي غرفة العمليات وطوالي قفلت التلفون وغيرت الباسويرد لي باسويرد معقد جدا ...بحركه لا شعوريه واديت التلفون لي احمد وقلت ليهو ابقي عشره علي التلفون بي ضحك قال لي الناس وبكتبوا وصايا ..قلت ليهو وصيتي خليني امشي واجي احلها براي ...لانو ح اورثك هموم وقصص...وضحكنا وودعتهم وتحاشيت ان انظر الي وجوههم فقد كنت أري الدموع تتلبد خلف جفونهم وضحكت وانا في النقاله قلت لي الشاب ارمي الجزره ي اربعه...وارح علي قول ناس الرقشات... نواصل
Post: #229 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-17-2018, 02:15 PM Parent: #227
]نواصل تحركت من الغرفه وانا راقد في النقاله وفي الممر اتلفت اعاين الناس وهم في حركه دؤوبه والزول السايق النقاله معاهو الممرضه ما عارف فجاءه اتزكرت ي سايق الفيات وبديت ادندن بيها بصوت خفي ومرات اعاين للسقف لحدي ما وصلنا الأسانسير كان زحمه لكن في واحد مخصص للمرضي والنقاله لمن طلبوهو جاء سريع وانا خشيت الاسانسير والناس واقفه بره جاني احساس بالعظمه في لحظتها وضحكت قلت تربيتنا تربيه معقده لأني اتزكرت الصفوف زمان ولمن يكون في قوات نظاميه يكسروا صف العيش وصف البنزين ودخول المستشفي كناس مميزين ومعظمين...قلت لي نفسي تربيتنا تربيه معقده وقايمه علي احساس القهر..والانتصارات الزايفه هسع انا حسيت بي اني انتصرت علي ناس واقفه منتظره اسانسير ...نعم لازم اتخلص من عقد كهذه في حياتي لو رجعت من العمليه سليم انشاءلله ...كنت أحدث نفسي ووصلنا غرفة تحضير العمليه ففي حركه ونشاط كميه من الممرضات وممرض واحد جا شايل قلم شيني اسود وعلم علي رجليني في راحة الرجل علامه××× قلت ليهو بي سري هسع دي شغله ليك زكرتني الحنانات ي تالتن وفي الحنه والدخان مخالتن. وجات ممرضه تانيه تراجع الرقم المكتوب في ورقه ملفوفه علي ساعدي زي القويشه وراجعت الاسم سالتني من الاسبيلن بتاع الاسم لانو كان في غلط في الحرف الأخير قلت ليها ما مشكله اصلا انت عايزه تطلعي لي جواز ..لكن هي أصرت تغير الحرف..وجات اخري ركبت ليأنبوب اكسجين للتنفس وأخري كالشمس قلبتني ذات الشمال وذات اليمين واستعدلت رقدتي ووضعت ليها جهاز زي جهاز صدمت الكهرباء وجات واحده طلعت الملابس لبستني لبس تاني أشبه بالبلاستيك وانا سلمتهم نفسي بي استسلام وأخري جات فرغت حقنه في الفراشه وانا في لحظه حسيت بي عظمه كل الجكس الجميل ده في خدمتي وفجاءه رحت في ثبات عميق ..........
Post: #230 Title: Re: رحلتي مع مرض السرطان تفاؤل وحب وسخريه Author: بكرى ابوبكر Date: 09-17-2018, 03:40 PM Parent: #229
Post: #231 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-17-2018, 06:46 PM
مشكور ي باش مهندس بكري أبوبكر....الصوره الفوق دي طبعا الورم وكان في فيديو الطبيب بشرح فيهو الورم الاجزاء الاتشالت في العمليه..وهو فيديو في ناس كتار طبعا ما يقدروا او ما بحبوا يشوفوا مشاهد بالشكل ده لكن الفكره كانت ممكن يكون شرح توضيحي للعمليه وكيف كان انتشار الورم والأجزاء الاتاثرت..لكن سأحكي عنها والباقي تموا خيالنواصل
Post: #232 Title: Re: رحلتي مع مرض السرطان تفاؤل وحب وسخريه Author: Elsanosi Badr Date: 09-17-2018, 07:03 PM Parent: #231
يا مرحبا يا هجـــو الف حمدلله على سلامتك وشفائك وما تشوف شر يا رب ان شاء الله
Post: #233 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-18-2018, 07:39 AM Parent: #232
نواصل صحيت وكأن الحياه اضغاث احلام ولا انا في حلم ولا في شنو الغرفه شبه مظلمه و شايف لي ناس رهاب رهاب ..زول خليجي بيتكلم عربي مع ممرضه او هو بهضرب وممرضات حايمات وشويه شويه بديت اركز جسم تقيل وحاجات مربطه في رجليني زي قيد المساجين أصحاب الحكم بالإعدام وانبوب في الأنف وانبوب مارق من البطن زي خرطوش المكيف البطلع المويه وما قادر اتلفت شمال ولا يمين والجسم تقيل وسألت ممرضه واقفه جمبي قلت ليها الساعه كم قالت لي حداشر وخمسه وأربعين دقيقه.. وتاني انتبهت لي نفسي وانا في نقاله متحركه وممرضات اتنين ومعاهم ممرض يدفعوا النقاله في ممر طويل .عرفت أنني في اتجاه الغرفه ولمن وصلت الغرفه وجدت الشباب في انتظاري والفرحه في عيونهم وابتسمت لهم وسمعت حمدلله علي السلامه كتيره ومتداخله مع بعض من كم نفر وحولوني الممرضات والشباب من النقاله الي السرير ولسع الجسم مربط بالقيد الأنبوب وبعد أن استقريت في السرير الممرضه ركبت درب وبدأ الناس الفي الغرفه كانهم كائنات هلاميه واصواتهم بعيده ومتداخله كانها صدي جايه من بير غريقه وبعد شويه حسيت كأنهم ناس قاعدين في مغاره في جبل وحركتهم زي سمك في مويه وطااااااخ تاني ما حسيت ...بي حاجه .رحت في هلاويس واحلام دنيا مضلمه ومره تحس بي نفسك في غرفه حمراء قالو دي القيامه والأحمر احمر دي النيران في غرفه مقفله فيها ناس كتار تهتف هجو هجو هجو ....وانا يقاوم في ديناصور ضخم وجاي ناطي من مصباح علاء الدين وفجاءه وقف كان كان العوام ومعاهو جورج امادو قدام قفص جداد وسخله طلعت من كيس الزباله تاكل في خريطة السودان وانا جاري ورا السخله عشان اشيل الخريطه وقعت في حفره ...وفي صدي اطفال بيصرخوا...نواصل
Post: #234 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-18-2018, 02:38 PM Parent: #233
صحيت الصباح بدري والغرفه هاديه وبديت أتحسس جسدي والمصايب البتشبه القيد في قدمي والانبوب والدرب شغال واحمد نايم في الكنبه الجمبي والباب فتح ودخلت ممرضه مسرعه تتفقدني كانها وفد مقدمه وبعدها دخل الطبيب الجراح وقال لي صباح الخير بي فرح شديد وبقول لي قووود قوووود انا نجحت انا نجحت ميه الميه كأنه عايز يطير من الفرح...انا نجحت انا اتحديتهم انا اتحديتهم ونجحت وانا بعاين ليهو وهو عايز يرقص من الفرح وهو بيتحدث بفخر عجيب ..وانا بي سري قلت الزول ده صنع الذره يعني.. ما عمليه ...لكن واضح انا احتمال اكون عندي عدم مبالا ولا انا ما حاسي بي خطورة العمليه ...المهم هو بدا يشرح انا وتمكنت شلت الطوحال كله وأربعين في الميه من البنكرياس والمعده شلت سبعين في الميه وقطعت القولون ووصلته و..و...وانا بعاين ليهو..فجاءه سكت عاين لي ..قال لي انت ما سعيد ..قلت انا ايوا سعيد وفرحان ...قال لي طبعا كل الأطباء حذروني من العمليه لانو الورم ممكن ينفجر وينتشر في الجسم ولكن انا شلت كل الورم من جذوره وجتثيت السرطان من اساسه...وطبعا الاطباء بتاعين الأورام حيجو يقولوا ليك لازم تاخد كيموثوربي بعد العمليه ..لكن انا شايف مافي داعي ليهو ..لكن هم طبعا يخافوا...انا حسيت في اللحظه ديك زي الفي غيره بين الأطباء او كان في تنافس ..المهم قال لي نحن ح نخط السكر تحت المراقبه لانو البنكرياس ممكن يؤثر علي السكري و لحدي هسع العمليه ناجحه وممكن تتقلب في السرير لو حاسي انك محتاج وح نعمل فحص كل فتره ولو طلعت غازات كلم الممرضه...بيني وبين نفسي قلت هيع ي الكلس تنادي الممرضه تقول ليها انا ........طلع الدكتور وقال بمر علي المساء... نواصل وكانت ساعة النصر
Post: #235 Title: Re: رحلتي مع مرض السرطان تفاؤل وحب وسخريه Author: Elsanosi Badr Date: 09-18-2018, 03:03 PM Parent: #234
Quote: وسخله طلعت من كيس الزباله تاكل في خريطة السودان
شفتا السخلة دي ياهجو هي عمر البشير وكيس الزبالة هو تنظيم الاخوان المتاسلمين
واصل ياخ في توثيق التجربة المهمة دي
Post: #236 Title: Re: رحلتي مع مرض السرطان تفاؤل وحب وسخريه Author: معاوية عبيد الصائم Date: 09-18-2018, 11:02 PM Parent: #234
حمد لله سلامـــــــة ي صديق كن بخير تحياتى للعيال
Post: #237 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-19-2018, 07:12 AM Parent: #236
نواصل مر النهار سريعا بين زيارة الاصدقاء والقفشات والونسه وكانت مدة الفيزا بتاعت شقيقتي انتهت في تاني يوم للعمليه حاولت تمدد ولكن لم نتوفق فكانت قد حزمت امتعتها والطياره في نفس اليوم مساء وكانت قلقه علي ولكن طمنتها علي أن نلتقي قريب في السودان .مره اليوم دون أن أشعر بي اي الام ولكن كنت مقلق من الأنبوب والدرب والقصص الفي الأرجل كنت اتغذي علي الدوريات. في ذلك اليوم وفي المساء عاد الطبيب الجراح وطمنني علي نتائج الفحوصات في ذلك اليوم وكل شئ مستقر وايضا طبيب الأورام كان مبسوط ومره علي في الضهر اما طبيبة التغذيه فقد مرت علي مرور الكرام كاداء واجب فهي تعلم مدي زهجي منها وقلت لها وهي طالعه لو باريت نصيحتك كان عايز لي عشره شهور عشان ازيد لي كيلو واحد وشعره سنه عشان اكون جاهز للعمليه ...وبيني وبين نفسي قلت بارك الله في شقيقتي ومديدة الحلبه والدخن..فلهم الفضل بعد ربنا في زيادة الوزن...كنا بنستهون بي الحلبه والدخن. وايضا كنت قلق علي الدم .ولكن الطبيب اخبرني انه في العمليه ما احتاج يديني دم .في المساء ودعت شقيقتي وذهب معها احمد الي المطار ونمت بدري جدا .فقد كان النوم متقطعا لان الممرضات بجو علي رأس كل ساعه لقياس الضغط وكنت قبل العمليه شايل هم لقياس الضغط اكتر من العمليه لانو عندي معاهو تجربه في المرات التي كنت ارقد فيها في المستشفي ما بخلوك تنو م كل ساعه الممرضات بصحوك لقياس الضغط ..فأحيانا كنت اجد ممرضات متعاونات فعلمتهم كيف يقيسوا الضغط الساعه عشره مساء واقول ليهم تاني تعالو خمسه صباحا..وفي الزمن ده ممكن تكتبوا من رأسكم اي نتيجه ولو انا حسيت بي حاجه بضغط الجرس عشان تجو ..لكن تمشوا نوموا في الزمن ده...وبعد العمليه في الأيام الأولي الممرضات رفضن العرض ده وتعاملن مع القصه بي حزم وفي اليوم التالت رجعت حليمه لي عادة القديمه بعد أن اطمانو. بقوا يقسوا اول الليل والصباح بدري...وفي اليوم التالت الدكتور مر علي الصباح وقال للممرضه تفك القصص الفي الارجل وقال لي ممكن تتمشي في الغرفه حاول.. وفعلا حوالي الساعه اتناشر حاولت اتمشي داخل الغرفه مشي علي خفيف ورجعت السرير ...ولكن في حوالي الساعه الرابعه كانت الممرضات وكل الاسطاف في حالة دهشه شديده لمن لقوني.... نواصل
Post: #238 Title: Re: رحلتي مع مرض السرطان تفاؤل وحب وسخريه Author: فتحي عباس نقد Date: 09-19-2018, 09:41 AM Parent: #237
الأخ/ هجو
ألف حمدا لله على سلامتك والله يديم عليك نعمة الصحة والعافية
صراحة منذ فتحك للبوست وقراءة إفتتاحيتك الأولى تأكد كل كلمة قرأتها بكيت (نعم بكيت) - الأولى بكاء (فرح) لك
الثانية
فقد أصاب هذا المرض صديقي ونسيبي (البوردابي) المرحوم رائد/م. بابكر عبد المطلب ميرغني وكان معنا بالإمارات
فكنت ملازما له طيلة فترة العلاج وعرفت كل خفايا هذا المرض كما هو الحال (مع أم أولاده - نجلاء - وهي بوردابية أيضا وحالات ظروفها غيابها عن المنبر ونمتنى عودتها لتضيف لنا المزيد)
ومتابعين أخي والله يسعدك وأسرتك
Post: #239 Title: Re: رحلتي مع مرض السرطان تفاؤل وحب وسخريه Author: محمد حمزة الحسين Date: 09-19-2018, 10:36 AM Parent: #238
Quote: وطبعا حسب ما شرح لي الجراح ح يشيل 60 في الميه من المعده وأربعين في الميه من البنكرياس وح يشيل الطوحال كله وح يشيل المراره وح يقطع جزء من القولون ويوصلوا تاني .. طبعا شال كل العفشه خلا البطن فاضيه مكنة لوري هوستن بس .
للمرة الثانيه الف حمداً لله علي سلامتك يا هجو ...
بالله الدكتور كلمك ح يشيل كل الحاجات دي وبي تنكت ... فعلاً إنت مدهش وعملاق فقد هزمت المرض بالعزيمة والإرادة ... متابعين واصل ياهجو ... : : : : مع التحيات لله الزاكيات
Post: #240 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-19-2018, 05:11 PM Parent: #239
نواصل في اليوم التالت في الساعه الرابعه عصرا طلبت من الممرضه تفك الدرب لي فتره بسيطه فقد كنت قد طلعت غازات وعندي احساس بي طاقه كويسه ولمن غيروا اللصقه بتاعت العمليه شفت كميه من الدبابيس بدل الخيط..ففي البدايه كنت فاكر الخيط لونه فضي ولكن اتضح انه دباببيس فقد كانت مدهشه بالنسبه لي .قلت هسع دي بطن ولا كراس ..المهم بعد فكت الدرب وطلعت علي أن تعود بعد ربع ساعه لي ارجاعه...قمت اتحركت في الغرفه وتشجعت فتحت الباب واتمشيت في الممر مسافه الي ان وصلت بهو فيهو ريسبشن وهول به مكاتب الممرضات فجاءه وقفن علي حيلهن بي اندهاش كانهن شافن زول جاي من الفضاء وصرخن في اندهاش واخذن يصفقن بي فرح وقالت إحداهن...بابا بابا يو ار فري استرونق...انت قوي ... وانا ماشي عليهن هم جو علي بي فرح شديد ...قالت واحده تانيه ..بابا اي زول يعملوا ليهو عمليه زي دي بيتحرك بعد اسبوع ونحن البنجي نحركو. وبخافوا الا نشجعهم علي المشي تشجيع ..وانت بتتحرك براك .حسيت بالفخر وبي اني ممكن اطلع امشي البيت ذاتو ...واتمشيت شويه والممرضات ماشات ورأي زي زفت العريس والناس الماشه في الممر بقت تتفرج ورجعت الغرفه والممرضات معاي في حفاوه ولمن وصلت الغرفه كانت الغرفه تعج بالفرح والونسه والهتاف كانني عملت شئ خارق ...وجاء الطبيب الجراح .والممرضات كلموهوا بالمشي بتاعي فكان مبسوط وقال لي طبعا مفروض كان تقعد في المستشفي اتناشر يوم ولكن بما انك اتحركت فغالبا تقعد معانا بين تمنيه لي عشره يوم ..ورجعت اخدت الدرب وواصلت اليوم بي هدوء ونمت بدري نواصل
Post: #241 Title: Re: رحلتي مع مرض السرطان تفاؤل وحب وسخريه Author: Ahmed Yassin Date: 09-19-2018, 05:52 PM Parent: #240
ماعايز اقطع افكارك .. لكن الحصل دا مفروض يُدرّس ذلك الفضل من الله سبحانه وتعالى منو البصدق دا هو دا ولا دا ياهو دا
Post: #242 Title: Re: رحلتي مع مرض السرطان تفاؤل وحب وسخريه Author: محمد جمال الدين Date: 09-19-2018, 06:48 PM Parent: #241
سلامات هجو وسلام عليك.. سرد ممتع ومفيد جدا.. نتعلم منه الكثير كما نتعلم من شجاعة الفرسان في المواجهة. دا الواتساب اذا مرة لقيت وقت خلينا نسالمك شوية 0031684688891 (واتسآب نمرة التلفون مختلفة ).
مساك خير
Post: #244 Title: Re: رحلتي مع مرض السرطان تفاؤل وحب وسخريه Author: الباقر ابوبكر ابراهيم Date: 09-20-2018, 03:36 AM Parent: #242
الحمد لله من قبل و من بعد اخونا الجميل هجو
Post: #245 Title: Re: رحلتي مع مرض السرطان تفاؤل وحب وسخريه Author: Abdlaziz Eisa Date: 09-20-2018, 03:39 AM Parent: #1
الأخ العزيز هجو مختار
ألف ألف حمدلله على السلامة وملايين التبريكات على الانتصار الكبير على المرض والعود الحميد
خالص التهاني
Post: #246 Title: Re: رحلتي مع مرض السرطان تفاؤل وحب وسخريه Author: Khalid Abbas Date: 09-20-2018, 06:12 AM Parent: #1
حمدلله على السلامة الاخ هجو اكيد انت شخصية استثنائية وقوية متابعين معاك من اول البوست القصة ملهمة وتستحق تكون فيلم او رواية تحياتى للعزيز ماجد معالي
Post: #247 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-20-2018, 10:52 AM Parent: #246
نواصل وبقيت اتحرك في المستشفي عادي واستحمم براي وبديت في الاكل عباره عن شوربه وبعض السوائل علي خفيف وكل يوم بزيدو الكميه لحدي ما وصلت قدر فنجان قهوه او زياده بسيط فكان حجم المعده صغير جدا بالاضافه للجروح ومرت الأيام في المستشفي ومع فرحة العمليه والمعنويات المرتفعه ولمة الاصدقاء كان عندي احساس امشي البيت واسافر..في اليوم السادس كان كل الفحوصات سليمه واي شئ مستقر فقرر الطبيب أن تخرج علي أن اقابله بعد اربعه يوم . اي في اليوم العاشر للعمليه .فقلت له طيب ممكن اسافر متين قال لي في المقابله يحدد ليك. وفعلا طلعت البيت في اليوم السادس وكان البيت بقدر فرحة الرجوع والخروج من المستشفي كان قاسي فقد سافر الجميع وبقي معي احمد ...وكان صديقي عمر مختار ومعاويه بدري وصديق المهدي جارنا في العماره يأتون إلينا مره مره نقتل الوقت معهم بالونسه وقد كان عمر يجيد الطبخ فقد وعدنا بوجبة سمك خطيره في اليوم التاسع وطبعا كان نصيبي فيها قطعه أقل من علبة كبريت واحياننا كنت انزل اتمشي في المعبد بالقرب من النهر ..ومرات استمتع بمرور البواخر وحركتها في الميناء بالقرب من السكن ومرات اتسكع في مضمار الرياضه واتفرج علي رواد المضمار شباب وشابات ومسنين..شعب يحب الرياضه والمشي واحياننا أتجول في المحلات التجاريه والمولات التي بالقرب من السكن ..فقد أكملت الاربعه يوم وكنا قد حزمنا امتعتنا وشرعنا في التخلص من الاثاثات وكنا ناس سفر بعد فتره كانت أكثر من عشره شهور ..وفي صباح اليوم العاشر تحركنا الي المستشفي نواصل
Post: #248 Title: Re: رحلتي مع مرض السرطان تفاؤل وحب وسخريه Author: سيف النصر محي الدين Date: 09-20-2018, 12:58 PM Parent: #247
متابعين معاك لحظة بلحظة. بس في حاجة ما كان مفروض تعملها وهي انك بعد العملية تطلع وتقرر تمشي برة الغرفة براك وبدون مساعدة وإشراف طاقم التمريض. لو وقعت مثلا كان ممكن تدخل في تعقيدات ما ليها اي لازمة. الحمد لله انها مرت بسلام.
Post: #249 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-21-2018, 06:37 AM Parent: #248
نواصلفي تمام الساعه السابعه والنصف اتحركنا الي المستشفي حيث إن المقابله الساعه حداشر ونصف ولكن قبل المقابله كان في فحوصات مفروض ناخد نتيجتها ونمشي بيها الدكتور وفعلا دخلت المعمل في تمام الساعه الثامنه صباحا ولقيت الممرضه اخذت الدم واللازم للفحوصات وكان الجو بارد وفي زمن طويل ما عرفت اعمل فيهو شنو فقلت لي احمد نشوف لينا هوتيل نقعد فيهو التلاته ساعات دي احسن من الجهجه . في فنادق حول المستشفي اسعاره معقوله المهم مشينا لقيناها كلها مليانا وفي أحد الفنادق بتاعت الاستقبال وصفت لينا فندق قريب وقالت ده كمان ممكن تاجرو نص يوم لو عايزين أو بالساعه ...قدر ظروفك...المهم مشينا شفنا الفندق ظريف والغرفه نضيفه جدا والسعر أظرف كمان.وفي الاستقبال كان في عدد كبير من الفتيات كانهن جو نزلو في الهوتيل مجموعه جات لي رحله جامعيه او فرقة مسرح او .... ..شيلت غرفه واحمد طلع مشي كان ليقضي بعض المشاوير. قلت اخد لي نومه قبل مواعيد الدكتور ...الاضاءه في الغرفه خافته والجو كان أشبه بصباحات الشتاء ذات البرد الخفيف . عاينت في الغرفه القي ليك كنبه في شكل حدوة حصان وفيها ايادي بالجنبات زي ايادي الكرسي وجايه مسلوبه الكنبه في شكل مزلقان الي أسفل وبها جديده في شكل مقعد لي راحة الأرجل زي بدال العجله ...وخيالي بقي يمشي ويجي في الكنبه واتحير الخيال ..وفجاءه قطعت خيالي طرق علي الباب فقلت أدخل. دخلت فتاة جميله شكلها عشرينيه تفوح منها رائحة عطر جميل ونفاذ وترتدي ثياب سهره حمراء ومثيره وفي حركه سريعه وضعت يدها علي الحائط وداست زر اضاءه فتحول لون الاضاءه في الغرفه الي لون متداخل بين بنفسجي و البرتقالي يبدوا أنهما كانا لمبتين في اتجاهين متعاكسين. ورفعت رجلها في تلك الكنبه العجيبه بشكل مثير وموحي بحركات اغراء كانها في فلم .... وانا مندهش قالت لي ...بم بم ... وضحكت ضحكه فيها ايحاء جنسي بم بم ..ولا .....نواصل
Post: #250 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-21-2018, 03:23 PM Parent: #249
نواصل قالت لي بم بم ولا مساج ..وبم بم مصطلح لممارسة الجنس وعلي ما اظن ظهر مع الجيش الأمريكي ايام حرب فيتنام فقد كان الجيش الامريكي يتخذ من بانكوك حديقه للترفيه المحاربين وايضا مستشفي بومنقراد كانت هي المستشفي التي يتعالج فيها الجيش الأمريكي واظن من هنا جاء اسم المستشفي الأمريكي..وبالقرب منها كثير من الفنادق التي تروج لمهنة ممارسة الجنس ...وهنأ عرفت نفسي وقعت وما اتسمي علي...فقلت لها شكرا شكرا..زعلت وقالت لي ليه انا ما جميله .قلت ليها ابدا والله لكن انا الماجميل بس عن اذنك انا شويه عاوز اخد راحه .طلعت عرفت نفسي انا خشيت فندق بم بم ..والفندق متخصص لتجارة الجنس وليس للمرضي أمثالي..وقلت ارتاح قبل امشي للطبيب ولكن هيهات .فبعد أن خرجت البت جات واحده تاني وخرجت التانيه جات التالته ..وفي الاخر نزلت مشيت الاستقبال. كلمت البت الفي الاستقبال قلت ليها انا بس عايز ارتاح شويه وماشي عندي مقابله مع طبيب في المستشفي الجمبك م دي ...هنا ضحكت وقالت لي نحن فاكرنك جاي لي بم بم.او مساج تايلندي. قالت لي ..خلاص امش اخد راحتك ومافي زول ح يجي يزعجك ...رجعت وبعداك تاني مافي زول جاني الي ان جاءت مواعيد الطبيب ..ولمن مشيت قابلت الطبيب كانت نتيجة الفحوصات طلعت ممتازه والطبيب كان سعيد جدا وطمنني أكثر علي أن البنكرياس والسكر مافي خطوره منهم .وقال أدخل خلف الستار ه وجات ممرضه تحمل أدوات جراحه ولصقه في حاجه أشبه بي صينيه و اخد الطبيب منها مقص زي بتاع الشجر لكن صغير .وشاف الجرح وخلع اللصقه واخد يفك في دباببيس العمليه لحدي ما انتهي منها بقت البطن تشبه درب لستك عربيه في الطين.وكل ذلك بدون بنج وكانت مؤلمه بعض الشئ. وبعد انتهي منها ..قال لي بعده ممكن تسافر في خلال الأيام دي قلت ليهو انا ح اقوم بعد اربعه يوم قال لي خلاص تجيني قبل السفروفعلا طلعت من الدكتور واتصلت بي وكالة السفر حجزو لي بعد اربعه يوم ...وكنت شايفه كتيره جدا ........نواصل
Post: #251 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-22-2018, 02:15 PM Parent: #250
نواصل رجعنا البيت وكنا قد حزمنا امتعتنا ونجهز للسفر كانت اربعه يوم من أطول الأيام القضيناها في بانكوك وقد كانت ممله..تحديدا احمد كان كل كلمه والتانيه يجيب سيرة كمبالا وماما افريكا...فعلا افريقيا لها سحر خاص وشوق عجيب اربعه يوم بقوا زي اربعه شهور رغم قضينا يومين بين التسكع في شوارع المنطقه الكنا ساكنين فيها والميناء القريب مننا ومضمار الألعاب الرياضية والمولات..والمعبد القريب مننا فقد كان له زوار من جميع أنحاء العالم وأقترح علينا صديقنا عمر مختار ومعاويه بدري بأن نقضي الليله الاخيره في عمارة معاويه وان نسافر من هناك والعماره كما زكرت بالقرب من المستشفي..وهو أن نبيت الليله التي تسبق السفر هناك ونذهب الي المستشفي في الصباح والمساء نسافر ..وفعلا كنا في عمارة معاويه قضينا وقتا ممتعا التقينا ببعض السودانيين ومنهم عم عبدالله رحمه توفي عليه رحمة الله فقد كانويعرفني من خلال معاويه وسكان العماره فقد جاء بعد أن رحلت منها وكان عنده أيضا سرطان وبدا علاج في مستشفي لا ازكره وعرفت لاحقا انتقل الي نفس المستشفي الكنا بتعالج فيهو (بومنقراد،،أو الأمريكي.. ) ولكن يبدو أن حالته كانت تاخرت وربنا يرحمه ويغفر له التقيته لساعات معدوده ولكن كانت مليانه كانما تعارفنا من سنين بعيده واتونسنا عن المرض وطرق الغذاء ووصيتو علي الحفاظ علي رفع البروتين باكل البيض يوميا من الصباح وشراب القصيم واكل الفتريته واتونسنا عن بورتسودان واتفارقنا بعد كانت معنوياته مرتفعه جدا ..وتواصلنا بعدها بالواتساب وكان مبسوط دايما بقول لي ماشي علي الوصيه. فقد كنا اتفقنا علي أن يرفع الدم بالقضيم والفتريته..فكان بقول لي ماشي علي الوصيه واي زول جاي من السودان بوصيهو يجيب معاهو...وفجاءه اختفي من الواتساب..وحينما رجعت بعد خمسه شهور بانكوك مشيت مخصوص اسال عنه ..وكان وجدت الخبر الحزين في عمارة معاويه ...ربنا يرحمه ويغفر له..... نواصل....
Post: #253 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-23-2018, 08:35 AM Parent: #251
دكتور ثيربو الجراح وهو من امهر الجراحين علي مستوي بانكوك نواصل قضينا ليلتنا في عمارة معاويه مع لمة السودانيين وكانت ليلة السبت حيث يجتمع سكان العماره وبعض السودانيين الجاليه وحتي السودانيين الذين يكونوا نزلاء في والهوتيلات القريبه من المنطقه ..جرت العاده ان يجتمعوا يوم السبت في ساحة العماره .كانت منتدي جميل كما تحدثت عنه من قبل وأذكر في ايامي الأولي للمرض قدم لي معاويه أحد السودانيين كان يعمل في شرطة دبي جاء مع زوجته كان عندها سرطان ثدي وعندها سكري وعملت عمليه وكانت ناجحه ولهم تسعه شهور والان هم بيستعدوا للرجوع وفعلا قدموا لي نصائح كثيره واستفدت منهم فكان درس جيد بالنسبة لي وعرفت علي أن أفهم بأن العلاج ممكن فترته قد تطول وان لا استعجل .وقدم لي أيضا سودانيه قادمه من السودان تم علاجها في فترة خمسه شهور ..والتقيت أيضا قدم لي يمني بي أسرته لهم سنتين بتعالج برضو من سرطان ..كانت دروس جيده بالنسبه لي في الفتره الأولي.... .في ذلك اليوم كان محور الحديث عن هجو و العمليه ونجاحها. فقد كان معاويه يقوم بدور عظيم في التخفيف عن المرضي وأذكر انه كان هنالك عمليه مفروض تتعمل لاحد اعمامنا السودانيين وهو كان خايف واجلها كم مره ولكن معاويه كان من الداعمين له وقد اتخذ له من عمليتي مثالا فأخبره عنها حتي بتشجع نواصل
Post: #254 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-23-2018, 06:14 PM Parent: #253
دكتور صالح سيريسيو..طبيب الأورام نواصل وفعلا قدمني له معاويه حتي أتحدث عن العمليه وسهولتها وكيفيه التعامل معها..وطلب معاويه من الحضور أن يدعموا عمنا ويدعوا له بالشفاء .وقضينا ليله جميله مع الونسه .وبعدها كنت مدعوا للعشاء وحوله في شارع القيامه كما يسمونه السودانيين والعرب وهو شارع يسمي صوي 4 وهو شارع ليله كنهاره في حركه وأصوات موسيقي ومطاعم زيارات وملاهي يؤمه السياح من جميع أنحاء العالم .وعلي جانبيه فتيات الليل يدعون الماره ويصحن بم بم مساج بم بم مساج. كما أن الشارع مقسم حسب جنسيات العالم والجنس الثالث له حضور كبير في هذا الشارع . ...جلسنا في مطعم قبالة الشارع الرئيسي وطلبنا العشاء كان عباره عن وجبة سمك وشوربة طوم يوم دسمه.ورجعنا السكن .ونمت بدري وفي الصباح الباكر رجعنا المستشفي قابلت الطبيب الجراح واطمان علي صحتي وقال لي قبل السفر اقابل طبيب الأورام ضروري وهو في انتظاري في قسم الأورام.وخرجت من الجراح بعد أن طمأنني علي أن نلتقي بعد سنه من الان ...وانا طالع بالقرب من الباب تذكرت سؤال مهم رجعت للجراح وقلت له طبعا انا بسمع الزول لمن يعمل عمليه ما يشيل حاجه تقيله وما.. وما ..كميه من المحاذير..ضحك بخبث وقال لي المهم اللياقه.... وذهبت الي طبيب الأورام كانت مقابله لطيفه وطلب مني أن استمر في حبوب كيموثوربي لمدة تلاته شهور علي أن اعود لمقابلته بعد سته شهور وان ابد الحبوب بعد شهر من العمليه ..وخرجنا وتوادعنا علي أن نلتقي بعد سته شهور... نواصل
Post: #255 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-24-2018, 04:20 PM Parent: #254
نواصل خرجنا من المستشفي وكنا علي موعد مع صديقنا عمر في احدي المولات لتناول وجبه خفيفه ثم خلدنا باقي النهار الي الراحه حتي موعد الطياره وكان في وداعنا مجموعه كبيره من سكان العماره من السودانيين وعمال العماره تايلنديين وخصوصا توني حارس العماره فهو شخصيه كوميديه ولطيفه فقد كان يتحدث العربي بلهجه سودانيه كانه عايش في السودان وتعلم كثير من الطبائع السودانيه من كثرة معاشرته للسودانيين .تحركنا الي المطار وكان في رفقتنا معاويه بدري وصديق المهدي جارنا في العماره طارق شخصيه ممتازه من الابيض مستقر في بانكوك وصديقنا عمر مختار ..وفي المطار كنا طالبين كرسي عجله لان المشوار داخل صالة المطار طويل جدا والكرسي جاب لينا مشكله مع ناس الخطوط لمن عرفوا العمليه ليها اسبوعين .رفضوا أن اركب الطياره الا بي شهاده من المستشفي. وبعد نقاش طويل مع موظفة الخطوط حولوني الي مستشفي او عياده في المطار .قابلت الطبيب وشرحت ليهو العمليه وقاس الضغط .وعمل لي شهاده بالموافقه ذكرتني الخدمه الإلزاميه قصه لائق وغير لائق..المهم رجعنا بالشهادة لموظفة الخطوط .واكملنا الإجراءات وودعت أصدقائي وتوجهنا الي ضابط الجوازات..وطبعا دار حوار طويل بيننا في مسألة صورة الجواز لانه شك في أن الصوره اكون ما انا ..واقنعته بعد نقاش طويل ...اخيرا توجهنا الي الطائره. في رحلة العوده الي افريقيا... ورجعت بعد سته شهور وكانت الفحوصات نضيفه بحمد لله وقرر الطبيب أن استمر في حبوب كيموثوربي لمدة تلاته شهر قابله للزياده..وذلك للوقايه ...الحمدلله علي نعمة الشفاء واشكركم علي متابعة التجربه واعذروني في الأخطاء التي قد اكون ارتكبتها بدون قصد .... كما اعذروني علي عدم الرد للمداخلات ...وسارد عليها جميعا...وسافتح بوست احكي فيهو مواقف طريفه حدثت أثناء المرض كما سأتحدث عن شخصيات التقيتها... ولو في اي زول عندو سؤال حول تجربتي انا مستعد عسي ان اكون مفيد اللهم اشفي كل مريض واتمني ليكم دوام الصحه والعافيه لكم حبي وودي
Post: #256 Title: Re: رحلتي مع مرض السرطان تفاؤل وحب وسخريه Author: عثمان علي Date: 09-24-2018, 05:29 PM Parent: #255
الف حمداً لله على السلامة. وفعلاً تفاءلوا.
Post: #257 Title: Re: رحلتي مع مرض السرطان تفاؤل وحب وسخريه Author: محمد على طه الملك Date: 09-24-2018, 05:59 PM Parent: #256
الف حمد الله على السلامة .. مالك زهجت ولّ شنو؟ لا بوست ولا حاجة كب العندك كلو هنا اثناء ردودك .
Post: #258 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-24-2018, 09:46 PM Parent: #257
الف حمدا لله علي سلامتك ياهجو وماتشوف شر ...................... الاخ عادل الباهي..الله يسلمك وماتشوف شر ي رب ويديك العافيه '_________________________
الحمد لله الذي اسبغ عليكم نعمة الشفاء ومتعكم بالعافية والصحة والله خبر مفرح
متعك الله دوما بالصحة .......................... ابوجهينه الله يديك العافيه وانشاءلله دايما الاخبار المفرحه تبراك وربنا يسعدك _________________________ حمدلله علي السلامة ......................................... جمال ود القوز الله يسلمك _________________________
واخيراً خبر سعيد وجميل سعيد انا بهذا الخبر وبتقبل دعواتنا لك وتمنايتنا بالشفاء الحمد لله الذي من عليك بالشفاء تابعت رحلة علاجك من خلال الاخ عباس الوسيلة الحمد لله يا هجو رغم اننا لم نتقابل ولكني سمعت عنك كثيراً وتمنيت ان التقي بك ............................. ............. الاخ الصادق إسماعيل الله يسلمك ويسعدك ويديك العافيه وتحياتي للاخ عباس الوسيله..وانا سعيد بيك وانشاءلله نلتقي في القريب _________________________ الأخ هجو لا بأس طهور إن شاء الله حقيقة لم أسمع إلا منك الآن فأرجو السماح *ربنا يسهل نكون حضور في الكرامة ____ الحليلة ........................................... الاخ الحليله. يديك العافيه والكرامه تتشرف بحضورك وربنا يجمعنا في ساعات خير _________________________ حمدا لله على السلامة اجر و عافية ان شاء الله ........................................... ابو حسين الله يسلمك ويديك العافيه وماتشوف شر ي رب _________________________ حمد لله على السلامة يا هجو قدر ولطف. جميل منك ان تتقدم لتشرك الناس في تجربتك وهو امر غير مستغرب منك كما عرفناك وخبرناك هنا في المنبر العام ........................................... سيف النصر ..الله يسلمك ويديك العافيه..واتمني اكون اتوفقت وافيد بتجربتي الآخرين _________________________
حمد لله علي السلامة
تجربة قاسية ومؤلمة
سعدنا بي طلّتك
و عوداً حميداً .......................................... .علي عبدالله الله يقبل حمدك وانا اسعد والله _________________________ حمدا لله على السلامة يا هجو و ان شاء الله ربنا يديم عليك كامل الصحة والعافية
تجربة جديرة بأن تُحكى ...............................ُ........... الاخ حافظ بشير الله يسلمك ويديك العافيه...غايتو هي محاوله للحكي عن التجربه _________________________ حمدا لله علي السلامة
اخونا هجو محتار واجر وعافية يارب
،،،،أبوقصي ........................................ الاخ مجدي ابوقصي الله يسلمك وما تشوف شر ي رب _________________________ أجر وعافية يا أخ هجو الحمد الله الذي شفاك ورد لك عافيتك ..
بريمة .......................................... .الاخ بريمه. الله يعافيك وما تشوف شر ي رب _________________________ الف الف حمدلله على السلامة و اجر و عافية ان شاءالله .......................................... جلالدونا. الله يقبل حمدك وربنا يديك العافيه _________________________
مليون سلامة ليك اخي هجو وربنا يديك الصحة والعافية ........................................... Tasneem الله يسلمك ويديك العافيه ويبعد عنك كل شر ي رب _________________________
الحبيب هجو مختار المحترم
العائد وفي مفرقه تاج الصحة من بين براثن السرطان اللعين حمدًا لله على سلامتكم وطهور طهور إن شاء الله جعل الله صبركم الأيوبي في ميزان حسناتكم
يؤسفني أن لم اسمع بمرضكم لأشاطركم الألم بالدعاء ويسعدني شفاؤكم البرء بإذن الله احكي أخـــي،،، هذه تجربة عائد بعد أن ذهب إلى الآخرة رويدًا رويدًا ........................................... الاخ ادم صيام ...ربنا يسعدك ويقبل حمدك وما تشوف شر وربنا يقدرنا نحكي ونفيد كل محتاج ي رب _________________________
الأخ الفاضل هجو ألف حمد لله على الشفاء ، وإن شاء الله أجر وعافية وما تشوف شر ، وارجو المعذرة لجهلي بمرضك في الفترة السابقة .
تحياتي ووافر احترامي .......................................... الاخ العزيز جعفر تحياتي وربنا يقبل حمدك ...وما تشوف شر ي رب _________________________ الف حمد الله على السلامة .......................................... ترهاقا..ربنا يقبل حمدك ويديك العافيه وما تشوف شر ي رب _________________________ كويس إنك بقيت كويس يا هجو.. كويس إننا بنقرأ ليك من جديد في المنبر جيد جدا و شيء مفرح أنك لا تزال معنا في هذه الدنيا نتقاسم أتراحها وخيباتها وأفراحها النص نص ونأمل بأضواء باهرة في نهاية النفق سواء لنا أو لأجيالنا القادمة مشتاق أنا وسعيد بشوفتك يا حبيب ........................................ معاويه الزبير ..ياخي انا سعيد والله والاشواق كتيره و ربنا يضئ كل الإنفاق ونتلاقي ونتشاوف ويزيل عننا ها العتمه _________________________
العزيز هجو ألف حمد لله على السلامة .. ياخى والله طلتك هنا حدث مفرح جدا وخاصة جات معاها الأخبار الطيبة بالشفاء. لو مت صديقنا وسيلة عشان ما كلمنى بى مرورك بى نواحينا لكن قال لى كنت مشغول جدا مع أعباء أضافية من جهة العمل . ألف حمد لله على السلامة وسعيد جدا بى طلتك هنا .. أكيد نتواصل ومتابع البوست ........................................... عباس محمود حبيبنا والله انا الخسران ما اتوفقت نتلاقي في نواحيكم وكان في جهجه شويه لكن قريب بكون معاكم ..والله يقبل حمدك وما تشوف شر ي رب _________________________ سلامات اخ هحو، وسلامتك والف لا بأس عليك وشكرا على اشراكنا هذه التجربة القاسية .......................................... الاخ عمر التاج .الله يسلمك وما تشوف شر وانشاءلله اكون عند حسن الظن _________________________
ألف حمد لله على السلامة..
إن شاء الله تكون "الزرة" دي آخر مصاعبك في الحياة..
ويحول ليك كل أيام الابتلاء لكفارات ومعافاة دائمة..
وكلنا معرضين لنفس المحن، إن شاء الله ربنا يجعل كل من يتعرض لها كائن من كان يطيب ويشفى .......................................... الاخ مهند احمد سلمان الله يسلمك وانشاءلله ما تشوف شر ..وربنا يشفي كل مريض _________________________ حسنه واجر يا رب الحمد لله على نعمة الصحه والعافيه ربنا يديمه عليك ........................................ .. الاخ علي محمد الفكي الله يقبل حمدك وربنا يديك العافيه انشاءلله ما تشوف شر
Post: #259 Title: Re: رحلتي مع مرض السرطان تفاؤل وحب وسخريه Author: Ahmed Tuhami Date: 09-25-2018, 06:22 AM Parent: #255
الحمد لله حمدا كثيرا طيبا مباركا
Post: #260 Title: Re: رحلتي مع مرض السرطان تفاؤل وحب وسخريه Author: عمر دهب Date: 09-25-2018, 07:11 AM Parent: #259
الف حمدلله على السلامه ربنا يديك العافيه وماتشوف شر تانى
Post: #261 Title: Re: رحلتي مع مرض السرطان تفاؤل وحب وسخريه Author: Haju Muktar Date: 09-25-2018, 08:43 AM Parent: #260
حمدلله علي السلامة ياهجو وربنا يحفظك ويعافيك دوما ............................... الاخ بهاء بكري الله يقبل حمدك وربنا يديك الصحة والعافية _________________________ كن بخير .................. ................................... الاخ احمد التهامي .. ربنا يديك العافيه ي رب _________________________
الاخ الاستاذ هجو حمدا لله على سلامتك وان شاء اللله اجر وعافية وطهور يا رب ونسال الله ان يديم عليك نعمة الصحة والعافية وان يمن عليك بالشفاء التام وسامحنا على التقصير والله ام اعرف بمحنتك التي كنت تمر بها الا من حديثك في هذا البوست والذي احييك فيه على شجاعتك وسرد تجربتك هنا لكي يستفيد منها الناس وهذا شي عظيم .. تمنياتي لك بوافر الصحة والعافية ... ودم بخير اخي الجميل ..
الف حمد لله على السلامة . ربنا يديم عليك نعمة الصحة و العافية .......................................... ناصر امين الله يسلمك ويديك العافيه _________________________ قاهر السرطان ) .. وشركاه اولا حمدالله على السلامة واجر وعافية ان شاءالله تعالى ----- عموما في بوستات مهمة زي دي الواحد ما بتتداخل حتى لانقطع (نواصل) ومتابعتك للتجربة الممكن تفيد كثير من الناس انت (واصل) في حكى تجربتك النادرة دي وخلي الردود دي في الاخر ......................................... احمد يس سلامات والله يقبل حمدك ويديك العافيه وما تشوف شر ي رب...وسعيد والله بي حضورك _________________________ حبيبنا هجو، ياريت تدمج الردود بشكرا للجميع، فالاثارة قد وصلت ذروتها عندنا، في احر من الجمر لتتمة القصة، وبي تحت تحت كدا كلنا هارشين هههههههه الاعراض دي كلها عندنا، والله يستر
نحمد الله أن منّ عليك بالشفاء من هذا المرض اللعين ربنا يلبسك ثوب العافية دوما. ........................................... فيصل ربنا يقبل حمدك ويديك العافيه وما تشوف شر ي رب _________________________
الف حمدا لله على السلامة أخ هجو..ربنا يمتعك بالصحة و العافية ........................................ الحاج حمد الله يديك العافيه ويقبل حمدك وما تشوف شر ي رب _________________________ الاخ / هجو الف حمد الله على سلامتك وادام الله الصحة تحياتى .......................................... بلديه حبوب ربنا يديك الصحه والعافيه وانشاءلله دايما في صحه وسعاده ي رب _________________________ الف حمد لله علي السلامه هجو .. ماتشوف شر باذن الله .......................................... الطيب عباس ...الله يسلمك ويديك العافيه... _________________________ سلامتك أخونا هجو. ربنا يديم عليك العافية. فوق إنها قصة ملهمة، انت انسان موفق من رب العالمين، أولاً توفقت في ترك المواد السامة و الآم ترك النيكوتين قبل المرض، ثانياً وفقك الله في قهر المرض ثالثاً توفقت في تنبيه الناس لخطورة المواد هذه بشجاعة و رضا ، ما شاءالله. واصل بدون ردود. ........................................... الأخت نعمات..الله يسلمك ويديك العافيه وانشاءلله تكون تجربه مفيده للاخرين وان يجعل الشفاء لكل مريض ي رب ________________________
بما انو البوست جميل وفيه تفاؤل وحب وسخرية خلينا نقول زي ما قال صديقي النذير هههه لانو ناس العبابير راسهم ضرب صورة الى : الى بريمة صورة الى : دينق و آخرون 😂😂😂
كمل الحكي الملان تماسك في الانتظار الاخ علي دفع الله والله سعيد وفرحان بي مرورك وربنا يديك العافيه انشاءلله _________________________ ألف سلامة اخي هجو وأجر وعافية يارب ،،،، ................................ الاخ عمر مصطفي الله يسلمك وانشاءلله ما تشوف شر ي رب _________________________
ألف حمدا لله على السلامة العزيز هجو مختار
المجد عوفي اذا عوفيت والكرم وزال عنك الى اعدائك الالـــم
مودتي ....................................... الاخ محمد أبوزيد...الله يعافيك ويديك الصحه والعافيه وانشاءلله دايما في صحه وسعاده .. __________________________ يطول عمرك يا مك و يدوم شفاك يا رب تابع السباحة و رياضة المشي قدر. ما. تقدر وقدر. ما الله يديك من قوة. والف حمد لله علي السلامة ........................................ عثمان موسي ...الله يسلمك ويديك العافيه وما تشوف شر ي رب.... _________________________ ألف سلامة يا هجو خبر جميل نسأل الله أن يديم عليك الصحة والعافية ...................................... الاخ حمد عبدالغفار الله يسلمك ويديك العافيه وانشاءلله دايما الاخبار المفرحه تبراك وربنا يسعدك
Post: #263 Title: Re: رحلتي مع مرض السرطان تفاؤل وحب وسخريه Author: Mahir Mohammed Salih Date: 09-25-2018, 10:52 AM Parent: #261
ألف حمد الله على السلامة الأخ هجو ،، والله عشت معك وكأنى كنت معكم فى عمارة معاوية وفى شوارع بانكوك وشواطئها وجزرها ،، عايشت معك المرض لحظة بلحظة كنت بعيدا عن النت واليوم جلست من الصباح إلى هذه الساعة قرابة الخمسة ساعات أقرأ حتى المداخلات ،، إنها تجربة ثرة جدا و تنور الناس فى كيفية محاربة هذا المرض اللعين ،، ألف حمد الله على السلامة مرة أخرى
كان أحد المتداخلين قد ذكر لك أن تدعم البوست بالأرقام يمعنى التكلفة أيضا لتنوير الناس عن تكلفة مثل هذه العمليات وتجربة المكوث شهورا عددا فى تلك البلاد البعيدة
الأخ هجو حمد الله على سلامتك و ربنا يواليك بالعافية
كما تفضل مولانا الملك اتمنى ان تواصل هنا في نفس البوست و يمكنك بعد الردود أن تفتح باب جديد للطرائف و المواضيع الأخرى على الأقل حتى لا ينزل البوست و يختفي في الصفحات الداخلية ليطلع المزيد من الناس على تجربتك الملهمه و التي تمنح الأمل و التفاؤل لمن يعاني من السرطان.
Post: #264 Title: Re: Author: عبد الخالق عابد Date: 09-25-2018, 11:09 AM Parent: #262
اخونا وحبيبنا هجو الف حمدلله على السلامة وما تشوف شر وربنا يحفظك وعيالك
قصتك تستحق الوقوف عندها مشكور على مشارتكها في المنبر صحة وعافية ...........................................tabaldy الله يسلمك وربنا يديك العافيه وانشاءلله ربنا يقدرنا علي الاضافه _____________________ حمد لله على السلامة هجو ....
ما تشوف شر إن شاء الله...
أجر ومغفرة ......
دربك أخضر إنشاء الله. ........................................... Ahmedona الله يسلمك وانشاءلله ما تشوف شر ي رب _________________________ الف الف حمدا لله على سلامتك أخونا هجو ........................................... الاخ بشير دفع الله يقبل حمدك وربنا يديك العافيه انشاءلله..... _________________________ الف سلامة يا هجو وان شاءالله ما تشوف شر، وان شاءالله اجر وعافية الاخ جمال ابا يزيد الله يسلمك ويديك العافيه وانشاءلله دايما بخير _________________________ حمدلله على السلامة مختار وربنا يجعل هذه الرحلة كفارة لك وقلوبنا معك ومع عائلتك التي عانت معك في هذه المِحنة وشكراً لك لإشراكنا في تجربتك لقهر هذا المرض ........................................... الاخ Muntsir الله يقبل حمدك وتسلم من كل بلا وربنا يديك الصحه والعافيه وانشاءلله دايما في خير وبركه _________________________ الف سلامة ليك يا هجو ... قدر ولطف من الله ... متابعين ... : :
: : : مع التحيات لله الزاكيات ........................................ محمد حمزه الله يسلمك والحمدلله قدر ولطف _________________ ________ متعك الله بنعمة الصحة والعافيه اخوي هجو ........................................... الاخ اسامه العريفي الله ينعم عليك بالصحه والعافيه _________________________ الف حمدا لله بالسلامه اخ هجو .. ماتشوف شر ان شاء الله اجر وعافية ... .......................................... الاخ محمد عبدالله الامين الله يقبل حمدك وما تشوف شر _________________________ الحمد لله الذي عافاك وشفاك أمنياتنا لك بدوام الصحة والعافية ........................................... الاخ Arif Nashed الله يقبل حمدك وربنا يديك العافيه انشاءلله _________________________ حمدا لله علي السلامة ،،، أجر وعافية إن شاء الله والتمنيات بعاجل الشفاء لكل مرضانا ومرضي المسلمين إن شاء الله ........................................... الاخ الفاضل الله يقبل حمدك وربنا يشفي جميع المرضي _________________________ الف حمد الله علي السلامة. و ان شاء الله اجر و عافية. و كفارة للذنوب . متعك الله بحسن الصحة . و حفظك لاهلك و عشيرتك. تحياتي. .......................................... الاخ عزالدين عباس الفحل الله يقبل حمدك ويديك العافيه وما تشوف شر ي رب _________________________ ألف حمدا لله على السلامة وأجر وعافية يا هجو وشفاء تاما ما بعده سقم يا رب.. وأحييك كثيرا على مشاركتنا مثل هذه التجربة القاسية والرحلة الشاقة حتما، ولكنها أيضا غنية ومثرية جدا.. والأكيد إنها تجربة تستحق أن تروى.. بل يجب أن تروى.. يدخلها الداخل من أبواب الخوف والبؤس واليأس والاستسلام، ثم قد تتلقفه أيادي القدرة والرحمة والرأفة والمحبة والمسرة لتشتمله بأنوار من معنى الحياة ومن حياة المعنى، وبالسلام.. وليخرج المحظوظ حين يخرج منها، وهو ممتلئ النفس بالمعاني من بعد فراغ، سابحا في أبحر من النعم والمنن وفي التفاؤل.. ومفعما بعبق الامتنان، وربما أشد تواضعا..
دثرك الله بدثار الشفاء التام، وأسبغ عليك ثياب العافية ومن طيب الحياة العطرة..
سأتابع حكايتك بشغف، وبالتأكيد سأتعلم منها ........................................... الاخ هاشم الحسن الحمدلله علي نعمة الصحه وربنا ينعم عليك بوافرها وما تشوف شر ابدا ...واتمني من الله اكون مفيد في حكي تجربتي _________________________ حمد لله علي سلامتك أخي هجو مختار - مع الأماني لك بدوام الصحة والعافية ...........................................الاخ كمال عباس الله يسلمك ويديك العافيه. وتسلم من كل بلا _________________________ الف حمد لله علي السلامة واجر وعافية ان شاء الله ياهجو وربنا يجعله كفارة لك .......................................... الاخ سليمان القرشي الله يسلمك ويديك العافيه _________________________
ألف حمدلله على السلامة
تمنياتنا لك بدوام الصحة و العافية ............................................الاخ عثمان الإمام الله يقبل حمدك ويديك العافيه وما تشوف شر ي رب
Post: #266 Title: Re: Author: احمد عمر محمد Date: 09-25-2018, 01:47 PM Parent: #265
الحمدلله على سلامتك و طهور ان شاء الله كم هي نعمة الصحة جميلة بعد ان ظن صاحبها تلاشت وكم هي اعطيات الخالق جميلة فهي بلا عدد اسال الله ان يمن عليك بطول علافية ولا يريك مكروه استمتعنا بالمتابعة دموعا وفرح واستمتعنا بقلمك السيال تحياتي اخونا هجو
سلامات..وما تشوف شر الحمد لله على سلامتك..تتعافى يا رب ، واصل ..متابعة بكل التقدير ................................الأخت تماضر الطاهر الله يسلمك وربنا يديك العافيه وانشاءلله ما تشوفي شر. _________________________ حمدا لله على السلامة. أجر وعافية. متعنا الله أجمعين بنعمتي الصحة والعافية ........................................ الاخ عثمان علي الله يسلمك وانشاءلله ما تشوف شر ي رب ويمتعكم بالصحه والعافيه _________________________ هجو سلام والله مشوقين وروحنا محرقانا ومستعجلين نسمع القصة كب الموضوع كله مرة واحدة .......................................... احمد احمودي..تسلم من حراق الروح وربنا يديك العافيه انشاءلله _________________________ تألمت لما قاسيته من مقابلة أطباء وتحاليل .. الخ .. الخ .. ولكن الشئ الذى أسعدنى هو تقبلكم لكل المواجهات .. وفقط كنتم تغيرون الإتجاه .. عندما تقف أمامكم العراقيل .. ولكن .. أنا أسميها .. هى إرادة الله .. ومشيئته .. لأنه يغلق بعض الأبواب .. ولا أحد يستطيع أن يفتح .. ويفتح الأبواب جل جلاله .. ولا أحد يستطيع أن يغلق .. حقيقة الرب معكم .. فى مشواركم الطويل هذا .. ولكن لابد وأن نرفع أيادينا الى الله .. له كل المجد والكرامه .. أن يقف معكم .. ضارعين له بالرحمة .. يارب .. يارب .. أشف أخانا الحبيب هجو .. يارب .. قل كلمة .. ونحن واثقون .. كلمة " كن " .. فيكون .. كن للشفاء .. فيكون الشفاء الفورى .. يارب ..
مرة أخرى .. أخى الحبيب هجو .. الرب معكم ويقويكم .. أخوكم وعمكم العجوز .. ارنست +++ .......................................... العم أرنست هي إرادة الله وربنا يتقبل الدعاء ويديك الصحه والعافيه وما تشوف شر ...ي رب ي كريم
_________________________
فووووق عشانك يا صديقي ........................................... تسلم صديقي علي دفع الله وربنا يجعلك دايما فوووووق _________________________ الف حمدا لله على سلامتكم اخي هجو
طهور باذن الله .......................................... الاخ ود الباوقه الله يسلمك وربنا ينعم بالصحه والعافيه عليك _________________________ حمدا لله على السلامة وربنا يعظم الاجر .......................................... الاخ الامين مدني الله يسلمك وربنا يعظم اجر الجميع _________________________ ي تخيلوا ..! المقام مفام أحتفاء بصحة وحياة الأخ هجو .. الذي رد الله له صحته .. وأنت جاي جاري تشاشي بالعبابير .. ! أنت إلا العبابير يشقكن .. !!
هجو واصل .. والله نحن متلومين .. لم نسمع بالخبر إلا قبل أيام من بوست للأخ فرح أبو روضة .. .......................................... الاخ بريمه تسلم ياخي مافي لوم ولا يحزنون وربنا يمتعك بالصحه والعافيه وتحياتي للاخ المختفي فرح ابوروضه.... _________________________ كيفك
رسمت بسمة بقصة كولمبس هو قلت لي مشي يكتشف شنو واكتشف بدلها شنو .......................................... اخلاص المشرف العزيزه...ربنا يجعل كل ايامك بسمات مرسومه بي إتقان.وتكتشفي كل شي سمح ي رب... _________________________
ألف سلامة عليك أجر وعافية .. أنت ما قهرت سرطان واحد بل سرطانات .. ربنا يواليك بالعافية ويشفي كل مريض ......................................... محمد طه الملك الله يسلمك ي ملك وبي بركه مالك الملك ما تشوف شر _________________________
الاخ الكريم هجو..سلامات وحمدلله الف علي السلامة وحمدلله خروجك من هذا الامتحان سالما..واحي فيك قوة الارادة والعزيمة ......................... الاخ محمود الدقم الله يسلمك وما تشوف شر ي رب _________________________ اجر وعافيه انشاءالله ...................................... الاخ مهند سوركتي ربنا يديك العافيه ويعظم الأجر _________________________ حمدا لله على السلامة وكفارة إن شاء الله وأدام الله عليك نعمة الصحة والعافية ..................................... الاخ منتصر عبدالباسط الله يسلمك وكفر الله سيئاتك وينعم عليك بالصحه والعافيه _________________________
سلام يا هجو تعرف السياحة العلاجية دي بزنس لوحدة عجبتني انتفاضتك ، من 700 دولار لي 40 والفرق بكون لا يذكر في الغرف , واصل يا صديق ........................................ والله ي بت المشرف اخلاص مافي اي فرق يذكر..بس كان استهبال منهم ويديك العافيه وما تشوف شر ي رب _________________________
ألف حمداً لله على السلامة. نسأل الله أن يمن عليك بالشفاء العاجل. أجر وعافية إن شاء الله. .......................................... الاخ ميرغني تيتاوي الله يسلمك وما تشوف شر ي رب ويمتعكم بالصحه والعافيه _________________________
ألف حمد لله على السلامة أخ هجو.. ربنا يديك الصحة والعافية.. و عودا حميدا ........................................... الاخ هيثم عبدالعزيز الله يسلمك وربنا يديك العافيه وانشاءلله ما تشوفي شر _________________________
الف حمدلله علي السلامة ,, أدام الله عليك الصحة و العافية ,, تجربة صعبة ولاكن أرادتك القوية و عدم الاستسلام و دعوات الأحبة و الأهل بالتأكيد هي نقطة الشفاء ........................................ الاخ أنس بشير الله يسلمك ويديك العافيه فعلا دعوات الاحبا كانت هي خير داعم للشفاء تسلم ي اخوي من كل شر _________________________ يا هجو لقد بلغت القلوب الحناجر، الكيميوثربي بالرغم انو فعال، لكن قالوا شيء مؤلم جداً، صاحبي في العمل مر بنفس التجربة، وحكى لي بالتفاصيل معاناته مع المعالجة بالكيميائي، لدرجة انو هرب من بقية الجرعات لكن الحمد لله قضى على سرطانه، وهسى زي الحصان ما شاء الله وفي شوق لمعرفة استجابة مرضك للكيماوي وتكون ما احتجت لعملية. ........................................... النذير حجازي سلام وحمدلله علي سلامة صاحبك ..الكيماوي عايز الزول يركز بس والباقي علي الله يديك العافيه _________________________ العزيز هجو فعلآ انت زول كلس طبعآ كان كتبت في تعليق سابق ان 90%العينات بتتاخد مناظير بس خفت تكون عملت استكشاف وتدخلك غي حالة زهج ف عدلتها ما شاءالله ما يتخاف عليك تجربتك دي ح تكون دليل للسودانيين وكيف يتصرفوا مع العلاج السياحي كن كما انت شجاعآ ،نبيلآ ومفيد ...........................................العزيزه اخلاص المشرف الحمدلله ربنا وفقني وخضتها تجربه واتمني تفيد ناس كتار وربنا يشفي كل مريض تسلمي من كل بلا وربنا يديك الصحه والعافيه _________________________ متابعة في صمت ........................... الراقي جدا عبدالحفيظ ابوسن ربنا يمتعك بالصحه والعافيه _________________________ الأخ هجو عفارم عليك، نتابع بصمت هذا البوست المرجع أحد الخيارات: أرسل الصور للأخ بكري، وسيقوم هو برفعها في البوست إيميل بكري: [email protected] ___ الحليلة ........................................... الاخ العزيز الحليله ربنا يمتعك في الدارين بي كرمه ويديك الصحه ________________________ ما نساك، بس ناس العملاق طمعوا، ودعاياتهم كترت، لمن تضغط على رفع، ح تظهر ليك دعاية، تجاهلها واعمل refresh وبتغور من طريقك، ويجيك العملاق الزمان ......................................... النذير حجازي تسلم كتير والله مرورك كيف ويسعدني _________________________
الف الف حمدا لله على السلامة اخي هجو وما تشوف شر يا رب وربنا يتتم عليك نعمة الصحة والعافية ويطمنا عليك ................................ تسلم اخي اسامه الإمام وربنا يديك العافيه انشاءلله ما تشوف شر ي رب _________________________
الف الف حمدا لله على السلامة اخي هجو وما تشوف شر يا رب وربنا يتتم عليك نعمة الصحة والعافية ويطمنا عليك .................................. اخي محمد عثمان بكري تسلم وربنا يقبل حمدك وما تشوف شر ي رب _________________________
صديقي الجميل هجو اجر وعافية وألف سلامة ليك ربنا يقويك وانت كما انت هذا هو المهم ياجبل ما يهزك ريح حقيقة حاولت التواصل معك في وقت سابق عبر الأصدقاء حافظ كنجال والصديقة نجلاء بالامارات ولكن قدر الله اتمناك بخير وتحياتي للاسرة ..................................... صديقي حسن العالم ..الله يسلمك ويديك العافيه وتحياتي الاصدقاء نجلاء وحافظ وما تشوف شر ي رب _________________________ متابعين .. والحمد الله الذي شفاك وعافاك .. يا أخي هجو .. ...................................... الاخ بريمه تسلم كتير وربنا يديك العافيه انشاءلله ما تشوف شر ي رب _________________________
أجر وكفارة يا هجو سرد ممتع ومشوق أقترح جمع كل ذلك السرد في كتاب وطبعه بل وترجمته التجارب الواقعية خاصة مع المرض والتى تنتهي بالانتصار, والعزيمة على قهر المرض تخظي باقبال واسع ........................................... الدكتور امبده...تحياتي و .تسلم كتير وربنا يديك العافيه وما تشوف شر ...غايتو هي محاوله اوليه ولو لقت القبول ممكن اعيد كتابتها بشكل تاني يديك العافيه ي دكتور _________________________
شكرا يا دكتور امبدة و مشتاقين اقترحت على هجو قبل ايام جعل هذا البوست كتابا لاسلوبه المشوق فى الكتابة و كثرة من هم يعانون من هذا الطاعون القاتل ....................................... تسلم كتير ي باش مهندس بكري وسعدت كتير بي اتصالك وربنا يقدرني اعمل حاجه _________________________
متابعين بمتعة، وبفرحة كونو دا كلو بقى ذكريات.... يا لك من اسفنجية تمتص الاهات ولا تقهر؛ ........................................ الاخ عبدالمنعم الطيب حسن ربنا يمتعك بالصحه والعافيه وانشاءلله ما تشوف شر ي رب الحمدلله بقي ذكريات وقصص _________________________
بالشفاء الكامل إن شاء الله
ويا ليت تدعم قصتك دي ببعض الأرقام بالدولار في كل من كمبالا والقاهرة بانكوك
حمد لله على السلامة اخوي هجو والحمد لله قدر ولطف ..
ما تشوف شر ..واعفي لينا مشغولياتنا وعدم سؤالنا .. ........................................ الاخ هشام كمال عبادي الله يديك العافيه انشاءلله ما تشوف شر ي رب...وكل الناس مشغولياته اكتر من شعر الرأس _________
هجو قاهر السرطان امسح صورتك الكبيرة الفوق دي بالله .................
الحمد لله ربنا شفاك وعافاك والله انت زول طيب شديد ياخ .............. الاخ احمد يس تسلم كتير وربنا يديك العافيه انشاءلله ما تشوف شر ي رب _________________________ عزيزي هجو، تحيتي وودي كم أنا سعيد بشفائك! الحمد لله الذي أزال عنك رهق هذا المرض الخطير وسلمك وعافاك. ما تفعله هنا درس في غاية الأهمية. وسيفيد كثيرين، منهم أعز أصدقائي. وقد عرفت منه قبل أيام معدودة مرضك ثم تعافيك بحمد الله .................................. الاخ حيدر بدوي ربنا يقبل حمدك ويديك العافيه وما تشوف شر ي رب. وربنا يشفي الاخ العزيز الباقر .وسعدت كثيرا برسالتك _________________________ الإبن الحبيب هجو ..
صدقنى .. كم أنا فخور بكم .. لأننى على علاقة قريبة مع عدد من الأصدقاء .. وهم يعانون من نفس هذا الداء .. وأننى على علم بمدى المعاناة من جلسات " الكيمو " .. و هناك جارنا والذى يسكن أمام منزلنا .. تقريباً كل يوم يتصل بى هاتفياً .. لأقوم بمرافقته الى صندوق البريد .. أولاً لتنشيط سريان الدم .. والعضلات .. ثم لإحضار رسائله البريدية .. وبالطبع له " مشايّة " خاصة للحرص من الوقوع .. ولكن ماذا أقول لكم .. الرب يكون معكم ويحافظ عليكم ..
وبهذه المناسبة أهدى لكم هذه الأغنية للفنان الكبير والجميل .. الفنان .. والموسيقار .. محمد الأمين .. .......................❤❤❤❤ العم ارنست تسلم وربنا يديك العافيه انشاءلله ما تشوف شر ي رب وربنا يشفي كل مريض وكم انا سعيد بمداخلاتك ومتابعتك وهداياك الثمينه.... لك حبي وودي _________________________
انت بطل حقيقي الاخ هجو، خضت معركة قاسية جدا .. مع المرض والألم والربكة والانتظار والاحباط والخوف والعجز واليأس ......، من الصعب جدا واشبه بالمستحيل ان يجد الانسان نفسه كما تسرد في القصة، من الصعب الخروج من كل هذه الاجواء ووضعها كخصم امامك من ثم مواجهتها، والتغلب عليها .. من خلال القصة كنت ارى انك احيانا تستخدم اليأس كسلاح في وجه المرض، وخاصة برفضك القاطع لعمليات الاستكشاف .. لا نطيل عليك وعلى القراء .. واصل السرد .. وبالتأكيد سيكون سند وعضد لمرضى يبحثون حتى عن قشة يعلقون عليها آمالهم .. واخرون ..
تحياتي لإبن الاخت ونعم من ابن .. كن دائما بخير .. ومن تحب . ........................................ الاخ عثمان محمد الله يقبل حمدك وربنا يديك العافيه انشاءلله ما تشوف شر ي رب وتسلم كتير ...وربنا الحمدلله قدر ولطف.. ونعم بن اختي كان خير رفيق وصديق وبن ...وله الفضل في الكثير الكثير في تجربتي هذه _________________________ الف حمدا لله على سلامتك اخ هجو وان شاء الله اجر وعافية .................................... الاخ خالد حاكم الله يقبل حمدك ويديك العافيه وما تشوف شر ي رب ويمتعكم بالصحه والعافيه __________________________ الله العظيم رب العرش العظيم أن يشفي أخي هجو مختار شفاءً لا يغادر سقماً اسأل الله العظيم رب العرش العظيم أن يشفي أخي هجو مختار شفاءً لا يغادر سقماً اسأل الله العظيم رب العرش العظيم أن يشفي أخي هجو مختار شفاءً لا يغادر سقماً .................................... اللهم امين يارب العالمين تشفي كل مريض الاخ عبد الوهاب المليك ربنا يمتعك بالصحه والعافيه وانشاءلله دايما في صحه وسعاده _________________________ حمدلله الف على السلامة ياهجو .......................... الاخ بشير احمد الله يقبل حمدك وربنا يديك العافيه انشاءلله ما تشوف شر ي رب _________________________
اسأل الله العظيم رب العرش العظيم أن يشفي أخي هجو مختار شفاءً لا يغادر سقماً اسأل الله العظيم رب العرش العظيم أن. ........................................... اللهم امين يارب العالمين وربنا يشفي كل مريض الاخ اسامه احمد ربنا يديك العافيه انشاءلله ما تشوف شر ي رب العالمين _________________________
اسأل الله العظيم رب العرش العظيم أن يشفي أخي هجو مختار شفاءً لا يغادر سقماً اسأل الله العظيم رب العرش العظيم أن يشفي أخي هجو مختار شفاءً لا يغادر سقماً .................................... اللهم امين يارب العالمين الاخ احمد احمودي الله يسلمك ويديك العافيه وانشاءلله دايما بخير ي رب
الف حمد لله على السلامة يا هجو ونتمنى لك دوام العافيه
مشغوليات كثيره واولويات متزايده فى زمان متسارع الإيقاع كل هذا لم يمنعنى من متابعه البوست تجربه حياتيه كثيفه وثقيله ان تواجهه احتمال الموت بنسبه أكبر من فرصه الحياه وانت تسعى للحصول على تشخيص مبدئ تستبين به موقعك فى خارطه الوجود من رأى فتره التشخيص اكبر تحدى للمريض واهله اكتب لك فى قصه مرضك بعد أن خضت تجربه كمرافق لمريض قريب دم وروح بنهايه اقل إشراقا وكنت فى موقع كمن يرى الخاتمه بحكم الوظيفه والمجال استنادا على نوع الورم وفى الجانب الاخر مشاعر واحاسيس لاتستطيع ان تعبر عنها باى كيفيه إذا لاتوجد سعه زمانيه ونفسيه تسمح بذلك فهناك المريض واسرته الصغيره وهناك قبيله تنبض بقلب واحد تحاصرها الجغرافيه وتأشيرات السفر من عبور الابيض المتوسط لوداع ابن بعيد مقبل على رحلته الاخيره وهو يعبر جسر الحياه كل هولاء ينتظرون منك تفسيرا تطميناً انت لاتملكه احي شجاعتك وصمودك بحس فكاهى عالى اكسبك مناعه من الانهزام والاستسلام فنظام الجسد فى التعامل مع المرض ليس تفاعلات كميائيه عمياء بل اراده موجهه تستنفد كل طاقه للدفاع عن حق الوجود بعد فضل الله عليك وهو عظيما حقا من رأى أن المحبه التى تحيط باركانك وفى سويداء قلبك كانت منفذا للخروج من تجربه السرطان فى لحظات الازمه الحقيقيه نعبر عن مشاعر مكتومه لمن نحب وهى متلازمه ثقافيه توارثتها اجيال فى موطنها وفى مهاجر بعيده لايدرك الانسان فداحتها إلا فى لحظات كهذه لماذا لانعبر لاحبائنا بلغه سهله وسلوك واضح لا يقبل التأويل وكأننا نعتذر ونخجل ان نكشف عن مكنون مشاعرنا عن حوجتنا وسعادتتا بوجود هذا الاخر فى حياتنا الدرس البليغ هنا ان لا تنتظر كارثه او فاجعه لتعبر عن حبك واعتزاز بصديق او اخت او اخ وكل من جعل للحياه مذاق ومعنى رايت من يبكى بدمع ثخين بعد رحيل عزيز والبكاء ليس للفقد فقط بل لأن هناك مشاعر لم تخرج من الجوف وخنقتها ثقافه تعلم منتسبيها ان الكتمان اعلى مراتب التعبير وما اكذبها واقساها تلكم الثقافه حين اقول لابنى انى احبه ويرد كيفما اتفق بالعربيه او الالمانيه قائلا وانا احبك كذلك او ربما قال فى براءه الطفوله الناصعه اعلم ذلك:) اتذكر ضحكاتنا المكتومه فى جلسات الطفوله والصبا حين تطرق مفرده الحب سماعنا المفارقه هنا فيضان المشاعر السادر فى لغه الجسد والدموع الهميله فى لحظات الازمه وخنق هذه الانسانيه الباذخه فى اوقات نحسبها عاديه من فرض بساطتها ولكنها عامره بسعاده ربما لاتكرر ان تجلس مع اباك فى ظل ضحى وصوت الراديو يعلو وينخض تجاوبا من رياح سموم فى ظهيره خريف(درت) واصوات مختلفه يحفل بها فضاء المحبه والقلب عنها لاه لايدرك قيمه تلك اللحظه إلا بعد هجره فى إتجاه الذات والمكان واضعف حلقاتها الجغرافيه لترى ما اخفاه البصر والسمع عن بوصله اركزت سهامها بفعل البعد للقرب ولاعزاء فى البكاء هنا .
هناك اسئله كثيره خطرت على ذهنى وانا أقرأ تجربتك اتمنى ان تفرد لها مساحه وكذلك إضافه المشاركين هنا مهمه للحصول على فائده المشكله الكبرى للمريض كيفيه الوصول لتشخيص صحيح والعلاج المناسب رغم أن مجال الاورام من اكثر مجالات الطب بحثا وتنظيميا فى ما يتعلق بالتشخيص والعلاج وتقدير فرص الشفاء او عدمها إلا أن المريض واهله يفقدون زمنا لايعوض فى مرض طبيعته ترتبط بسرعه التشخيص هذا غير الاستغلال المادى لوحوش ادميه لايحملون من شرف المهنه إلا اسم علمى يخدع به مرضى يتعلقون ب امل الحياه تقيم المعالج المناسب يعتمد على دعايه شفاهيه من شخص مر بتجربه مماثله او قريب له ومن يملك اسلوب مقنع يمكن أن يصنع اسطوره طبيب غير موجود إلا فى خيال صاحبه هناك دول تخصصت فى استنزاف المرضى نفسيا وماليا مثل الاردن ومصر فى المحيط العربى المجاور السؤال هنا لماذا لاتوجد مكاتب استشاريه تقدم خدمات طبيه فى تلك المهاجر القريبه والبعيده رغم وجود الكادر المؤهل فى تلك البلاد مقابل رسوم معقوله خدمه كهذه تساعد المريض واهله وتوفر لهم وقت ومال هما بحوجته فى ما يتعلق ب مرضك يا هجو اتمنى ان ترفق التشخيص العلمى لنوع الورم استنادا على فحص الانسجه وإذا كان هذا الطلب غير ممكن فى العام يمكن أن ترسله فى الخاص ملاحظه اخرى يا هجو هل طلبوا منك فحصوصات متابعه دوريه بعد العمليه؟ صور موجات او فحوصات دم اختم تعليقى ب اقتراح لك ان تفكر فيه جيدا فاتت كما وضح من سردك سهوله تنقلك بين القارات والمحيطات:) فلماذا لا تقدم خدمه طبيه لتلبيه سياحيه علاجية متزايده مقابل رسوم معقوله بإنشاء مكتب خدمات طبيه تختصر للمرضى وذويهم زمنا ومالا وقبل ذلك هلع نفسى يستغله تجار الازمات اعتذر عن اخطاء كتابيه لاسبيل لاصلاحها حاليا
المقاتل الشجاع ............... كن بخير .................................... الاخ احمد تهامي ربنا يديك العافيه وانشاءلله ما تشوفي شر _________________________ السرطان وكما قال الأخوة يستحق ان يكون هذا كتاب ... لك مودتي يا صديقي وكن بخير ومتابعين .......................... صديقي الزناتي زهير ...ربنا يسلمك ويديك العافيه وانشاءلله دايما بخير ي رب _________________________ مليون مرحب بعودتك أخ هجو حمدا لله على سلامتك أجر وكفارة إن شاء الله ..................................... الاخ مجاهد محمد الهادي ربنا يديك العافيه انشاءلله ما تشوف شر ي رب _________________________ اول مرة اشوف زول عيان وراكب فيل يا هجو انت ذاتك اعجوبة ماشاءالله .. تبارك الله .......................... احمد يس ياخي ركوب الفيل .خشم بيوت🤣🤣🤣 _________________________ الف حمد الله على السلامة يا هجو .................................. الاخ مزمل خيري الله يقبل حمدك ويديك العافيه _________________________ الإبن الحبيب هجو ..
يا سلام .. ذكرتنا بالذى مضى وانقضى ..
أيام كان عندى شركة الإستيراد .. والتصدير .. ياما زرت الشرق الأقصى .. حتى بتايا فى تايلاند .. قمت بزيارتها فى أوائل الثمانينات ..
و ها هى أغنية الفنان الباقى فى ذكرياتنا .. الفنان أحمد المصطفى والعود الرنان .. أيام الزمن الجميل .. .................................... العم أرنست ياسلام علي بتايا من اجمل المدن ....الف الف شكر علي اللحن الجميل... _________________________ الف سلامة اخي هجو ونأسف للتأخير لعدم العلم اذ كنا في اجازة طويلة من كل شيء في الوطن الحبيب ....................... الاخ محمد الشيخ الله يسلمك ويديك العافيه ولا تأسف ولا يحزنون وحمدلله علي سلامة العوده _________________________
ياسلاااااااااااااام أخ هجو متعك الله بالصحة والعافيه كما أمتعتنا بهذا السرد المشبع ... سبحان من يحي العظام وهي رميم لقد كتب الله لك الحياة من ركام الموت أخي هجو ... فأحمد الله علي الصحة والعافيه والشفاء ... زادك الله صحة هناء.. .............................. الاخ محمد حمزه متعك الله بالصحه والعافيه وما تشوف شر ي رب _________________________ الاخ هجو ... السلام عليكم .. وحمدا لله على سلامتك وان شاء الله ربنا يوليك بالعافية .. وما تشوف شر .. انا عشت تجربة مماثلة لقصتك حيث اصيبت زوجتي بورم في القلب وعانينا كثيرا الا ان تجاوزنا تلك المرحلة والحمد لله .. وان شاء الله لو سمحت ظروفي اقوم بسرد تلك القصة ..
تحياتي .. ...................................... الاخ محمد مجيدو حمدلله علي سلامة المدام وربنا يمتعكم بالصحه والعافيه وماتشوفوا شر ي رب... وياريت تلقي زمن تكتب عن هذا المرض اللعين ...حتي تعم الفائده _________________________ الف حمدلله على سلامتك اخ هجووأسأل الله أن يكون اخر الالامك واحزانك.
فاتني قراءة هذ البوست واليوم اتحيت لي الفرصة فطالعته سطرا سطرا وغصت معك في تفاصيل المرضو و الرحلة بين القارات.
ياخوي حسب متابعتي لنفسيتك ولطريقتك في المقاومة وكذلك تحسن صحتك حسب ما رأيت في الصور ف أحب ابشرك بأنك زول ما ساهل وعندك عزيمة وده سر بلوغك الشفاء... زول صعيف وخواف غيرك كان راح فيها.
اكتب اليك وانا كلي الم وحسرة على ضياع بلدنا السودان منظر الشوارع المكسرة و المحفرة و المستشفيات الهلكانة في الحقيقة هي عبارة عن عمارات قديمة مهجورة وقلبوها مستشفيات.
مافي مقارنة طبعا بين سودان الكيزان وكمبالا خليك من بلاد التاي وحتى مصر القريبة منظر الاسواق العفنة في خرطوم البشير بمياه البرك الملوثة وبجانبها باعة الخضار مازال يزززن في راس.
الا بستحي هؤلاء الكيزان المعفنين الفاسدين؟ ياخي انتو ما بتلفو في البلد دي ول ما عندكم اهل وقرايب ساكنين معانا هنا وتحنو عليهم!!!
بلدنا انتهت يا هجو وده اسوأ شيء حيسبب لنا الامراض والموت واذا نجانا ربنا من الموت ... فأكيد اننا لن نسلم من الامراض النفسية بسبب المناظر والحياة البشعة في بلدنا الغالية.
يا خسارة يا سودان .......................................... الاخ احمد محمد بشير الله يقبل حمدك وربنا يعافي الوطن ويسلم من كل شر ... ويديك العافيه وما تشوف شر ي رب _________________________
Post: #272 Title: Re: Author: موسى العجب Date: 09-26-2018, 06:53 AM Parent: #271
السلام عليكم ورحمه الله الف حمدا لله عن السلامه ربنا يحفظك ودايما معافى
Post: #273 Title: Re: Author: عماد حسين Date: 09-26-2018, 07:06 AM Parent: #271
يا مرحبا يا هجـــو الف حمدلله على سلامتك وشفائك وما تشوف شر يا رب ان شاء الله ............ الاخ السنوسي ...الله يقبل حمدك وماتشوف شر..... وتفسيرك للحلم الله يكضب الشينه...واللهم اجعله خير...... _________________________ حمد لله سلامـــــــة ي صديق كن بخير تحياتى للعيال ..................................... معاويه عبيد .الله يقبل حمدك وربنا يديك العافيه انشاءلله ما تشوف شر...ي صديقي _________________________ الأخ/ هجو
ألف حمدا لله على سلامتك والله يديم عليك نعمة الصحة والعافية
صراحة منذ فتحك للبوست وقراءة إفتتاحيتك الأولى تأكد كل كلمة قرأتها بكيت (نعم بكيت) - الأولى بكاء (فرح) لك
الثانية
فقد أصاب هذا المرض صديقي ونسيبي (البوردابي) المرحوم رائد/م. بابكر عبد المطلب ميرغني وكان معنا بالإمارات
فكنت ملازما له طيلة فترة العلاج وعرفت كل خفايا هذا المرض كما هو الحال (مع أم أولاده - نجلاء - وهي بوردابية أيضا وحالات ظروفها غيابها عن المنبر ونمتنى عودتها لتضيف لنا المزيد)
ومتابعين أخي والله يسعدك وأسرتك .............................. الاخ فتحي عباس نقد ربنا يديك العافيه وما تشوف شر ي رب..وربنا يصبر الأخت نجلاء والله يرحم .الزميل الرائد م .بابكر عبدالمطلب.ويسكنه فسيح جناته والبركه فيكم وانشاءلله تكون اخر الاحزان _________________________ للمرة الثانيه الف حمداً لله علي سلامتك يا هجو ...
بالله الدكتور كلمك ح يشيل كل الحاجات دي وبي تنكت ... فعلاً إنت مدهش وعملاق فقد هزمت المرض بالعزيمة والإرادة ... متابعين واصل ياهجو ... ......................... الاخ محمد حمزه الله يديك العافيه ...والله القصه دي ما بتستاهل غير تسخر منها _________________________ ماعايز اقطع افكارك .. لكن الحصل دا مفروض يُدرّس ذلك الفضل من الله سبحانه وتعالى منو البصدق دا هو دا ولا دا ياهو دا ..................................... الاخ احمد يس والله في المطارات جهجهت لي موظفين الجوازات كيف....الصوره بتاعت الجواز تختلف كتير ....لكن كل بيرجع _________________________
سلامات هجو وسلام عليك.. سرد ممتع ومفيد جدا.. نتعلم منه الكثير كما نتعلم من شجاعة الفرسان في المواجهة. دا الواتساب اذا مرة لقيت وقت خلينا نسالمك شوية 0031684688891 (واتسآب نمرة التلفون مختلفة ).
مساك خير ..................... محمد جمال الدين تسلم كتير وما تشوف شر وسعدت كتير بمهاتفتك _________________________ الحمد لله من قبل و من بعد اخونا الجميل هجو ........................... الاخ الباقر ابوبكر ابراهيم الله يقبل حمدك وما تشوف شر _________________________ الأخ العزيز هجو مختار
ألف ألف حمدلله على السلامة وملايين التبريكات على الانتصار الكبير على المرض والعود الحميد
خالص التهاني ............................... الاخ عبدالعزيز عيسي الله يبارك فيك وتسلم من كل شر _________________________ حمدلله على السلامة الاخ هجو اكيد انت شخصية استثنائية وقوية متابعين معاك من اول البوست القصة ملهمة وتستحق تكون فيلم او رواية تحياتى للعزيز ماجد معالي ........................................ الاخ خالد عباس ربنا يقبل حمدك وتحاياك العزيز معالي ماجد توصل ...وربنا يسلمك ويديك العافيه _________________________ بلحظة. بس في حاجة ما كان مفروض تعملها وهي انك بعد العملية تطلع وتقرر تمشي برة الغرفة براك وبدون مساعدة وإشراف طاقم التمريض. لو وقعت مثلا كان ممكن تدخل في تعقيدات ما ليها اي لازمة. الحمد لله انها مرت بسلام ............................. الاخ سيف النصر تسلم كتير والحمدلله مرت ...لكن الطبيب هو كان بقول لي حاول اتحرك ...لكن ما كان فاكر انا ممكن اقوم بي نمره خمسه _________________________ الف حمداً لله على السلامة. وفعلاً تفاءلوا ................................. الاخ عثمان علي الله يقبل حمدك والتفاؤل سلاح فتاك لكل مرض _________________________
الف حمد الله على السلامة .. مالك زهجت ولّ شنو؟ لا بوست ولا حاجة كب العندك كلو هنا اثناء ردودك .............................. الاخ محمد الملك ...تحياتي جدا نواصل ...في نفس البوست يديك العافيه _________________________
الحمد لله حمدا كثيرا طيبا مباركا ........................ الاخ احمد تهامي ربنا يقبل حمدك ويديك العافيه _________________________
الف حمدلله على السلامه ربنا يديك العافيه وماتشوف شر تانى ........................... الاخ عمر دهب ربنا يقبل حمدك ويديك العافيه وما تشوف شر ي رب _________________________
ألف حمد الله على السلامة الأخ هجو ،، والله عشت معك وكأنى كنت معكم فى عمارة معاوية وفى شوارع بانكوك وشواطئها وجزرها ،، عايشت معك المرض لحظة بلحظة كنت بعيدا عن النت واليوم جلست من الصباح إلى هذه الساعة قرابة الخمسة ساعات أقرأ حتى المداخلات ،، إنها تجربة ثرة جدا و تنور الناس فى كيفية محاربة هذا المرض اللعين ،، ألف حمد الله على السلامة مرة أخرى
كان أحد المتداخلين قد ذكر لك أن تدعم البوست بالأرقام يمعنى التكلفة أيضا لتنوير الناس عن تكلفة مثل ....................................... الاخ ماهر مجمد صالح الله يديك العافيه انشاءلله ما تشوف شر ي رب...تعرف فكرة التكلفة والارقام مافي داعي ليها لانها ارقام وقد تختلف ولو في زول عايز ممكن نخش الخاص _________________________ الأخ هجو حمد الله على سلامتك و ربنا يواليك بالعافية
كما تفضل مولانا الملك اتمنى ان تواصل هنا في نفس البوست و يمكنك بعد الردود أن تفتح باب جديد للطرائف و المواضيع الأخرى على الأقل حتى لا ينزل البوست و يختفي في الصفحات الداخلية ليطلع المزيد من الناس على تجربتك الملهمه و التي تمنح الأمل و التفاؤل لمن يعاني من السرطان. ................................. الاخ ياسر محجوب ربنا يديك العافيه انشاءلله ما تشوف شر ي رب...جدا ح أواصل في نفس البوست. _________________________ اخونا وحبيبنا هجو الف حمدلله على السلامة وما تشوف شر وربنا يحفظك وعيالك
Quote: الحمدلله على سلامتك و طهور ان شاء اللهكم هي نعمة الصحة جميلة بعد ان ظن صاحبها تلاشتوكم هي اعطيات الخالق جميلة فهي بلا عدداسال الله ان يمن عليك بطول علافية ولا يريك مكروهاستمتعنا بالمتابعة دموعا وفرح واستمتعنا بقلمك السيال تحياتي اخونا هجو
الاخ احمد عمر تحيات مباركات...الله يسلمك وانشاءلله ما تشوف شر ي رب ويديك العافيه....
Quote: السلام عليكم ورحمه الله الف حمدا لله عن السلامه ربنا يحفظك ودايما معافى
Quote: الف حمد لله على السلامة يا هجو ونتمنى لك دوام العافيهمشغوليات كثيره واولويات متزايده فى زمان متسارع الإيقاع كل هذا لم يمنعنى من متابعه البوست تجربه حياتيه كثيفه وثقيله ان تواجهه احتمال الموت بنسبه أكبر من فرصه الحياه وانت تسعى للحصول على تشخيص مبدئ تستبين به موقعك فى خارطه الوجود من رأى فتره التشخيص اكبر تحدى للمريض واهله اكتب لك فى قصه مرضك بعد أن خضت تجربه كمرافق لمريض قريب دم وروح بنهايه اقل إشراقا وكنت فى موقع كمن يرى الخاتمه بحكم الوظيفه والمجال استنادا على نوع الورم وفى الجانب الاخر مشاعر واحاسيس لاتستطيع ان تعبر عنها باى كيفيه إذا لاتوجد سعه زمانيه ونفسيه تسمح بذلك فهناك المريض واسرته الصغيره وهناك قبيله تنبض بقلب واحد تحاصرها الجغرافيه وتأشيرات السفر من عبور الابيض المتوسط لوداع ابن بعيد مقبل على رحلته الاخيره وهو يعبر جسر الحياه كل هولاء ينتظرون منك تفسيرا تطميناً انت لاتملكه احي شجاعتك وصمودك بحس فكاهى عالى اكسبك مناعه من الانهزام والاستسلام فنظام الجسد فى التعامل مع المرض ليس تفاعلات كميائيه عمياء بل اراده موجهه تستنفد كل طاقه للدفاع عن حق الوجودبعد فضل الله عليك وهو عظيما حقا من رأى أن المحبه التى تحيط باركانك وفى سويداء قلبك كانت منفذا للخروج من تجربه السرطان فى لحظات الازمه الحقيقيه نعبر عن مشاعر مكتومه لمن نحب وهى متلازمه ثقافيه توارثتها اجيال فى موطنها وفى مهاجر بعيده لايدرك الانسان فداحتها إلا فى لحظات كهذه لماذا لانعبر لاحبائنا بلغه سهله وسلوك واضح لا يقبل التأويل وكأننا نعتذر ونخجل ان نكشف عن مكنون مشاعرنا عن حوجتنا وسعادتتا بوجود هذا الاخر فى حياتنا الدرس البليغ هنا ان لا تنتظر كارثه او فاجعه لتعبر عن حبك واعتزاز بصديق او اخت او اخ وكل من جعل للحياه مذاق ومعنى رايت من يبكى بدمع ثخين بعد رحيل عزيز والبكاء ليس للفقد فقط بل لأن هناك مشاعر لم تخرج من الجوف وخنقتها ثقافه تعلم منتسبيها ان الكتمان اعلى مراتب التعبير وما اكذبها واقساها تلكم الثقافه حين اقول لابنى انى احبه ويرد كيفما اتفق بالعربيه او الالمانيه قائلا وانا احبك كذلك او ربما قال فى براءه الطفوله الناصعه اعلم ذلك:)اتذكر ضحكاتنا المكتومه فى جلسات الطفوله والصبا حين تطرق مفرده الحب سماعنا المفارقه هنا فيضان المشاعر السادر فى لغه الجسد والدموع الهميله فى لحظات الازمه وخنق هذه الانسانيه الباذخه فى اوقات نحسبها عاديه من فرض بساطتها ولكنها عامره بسعاده ربما لاتكرر ان تجلس مع اباك فى ظل ضحى وصوت الراديو يعلو وينخض تجاوبا من رياح سموم فى ظهيره خريف(درت)واصوات مختلفه يحفل بها فضاء المحبه والقلب عنها لاه لايدرك قيمه تلك اللحظه إلا بعد هجره فى إتجاه الذات والمكان واضعف حلقاتها الجغرافيه لترى ما اخفاه البصر والسمع عن بوصله اركزت سهامها بفعل البعد للقرب ولاعزاء فى البكاء هنا . هناك اسئله كثيره خطرت على ذهنى وانا أقرأ تجربتك اتمنى ان تفرد لها مساحه وكذلك إضافه المشاركين هنا مهمه للحصول على فائده المشكله الكبرى للمريض كيفيه الوصول لتشخيص صحيح والعلاج المناسب رغم أن مجال الاورام من اكثر مجالات الطب بحثا وتنظيميا فى ما يتعلق بالتشخيص والعلاج وتقدير فرص الشفاء او عدمها إلا أن المريض واهله يفقدون زمنا لايعوض فى مرض طبيعته ترتبط بسرعه التشخيص هذا غير الاستغلال المادى لوحوش ادميه لايحملون من شرف المهنه إلا اسم علمى يخدع به مرضى يتعلقون ب امل الحياه تقيم المعالج المناسب يعتمد على دعايه شفاهيه من شخص مر بتجربه مماثله او قريب له ومن يملك اسلوب مقنع يمكن أن يصنع اسطوره طبيب غير موجود إلا فى خيال صاحبه هناك دول تخصصت فى استنزاف المرضى نفسيا وماليا مثل الاردن ومصر فى المحيط العربى المجاورالسؤال هنا لماذا لاتوجد مكاتب استشاريه تقدم خدمات طبيه فى تلك المهاجر القريبه والبعيده رغم وجود الكادر المؤهل فى تلك البلاد مقابل رسوم معقوله خدمه كهذه تساعد المريض واهله وتوفر لهم وقت ومال هما بحوجتهفى ما يتعلق ب مرضك يا هجو اتمنى ان ترفق التشخيص العلمى لنوع الورم استنادا على فحص الانسجه وإذا كان هذا الطلب غير ممكن فى العام يمكن أن ترسله فى الخاص ملاحظه اخرى يا هجو هل طلبوا منك فحصوصات متابعه دوريه بعد العمليه؟صور موجات او فحوصات دم اختم تعليقى ب اقتراح لك ان تفكر فيه جيدا فاتت كما وضح من سردك سهوله تنقلك بين القارات والمحيطات:) فلماذا لا تقدم خدمه طبيه لتلبيه سياحيه علاجية متزايده مقابل رسوم معقوله بإنشاء مكتب خدمات طبيه تختصر للمرضى وذويهم زمنا ومالا وقبل ذلك هلع نفسى يستغله تجار الازماتاعتذر عن اخطاء كتابيه لاسبيل لاصلاحها حاليا
الاخ عبدالرحيم محمد صالح في البدء الله يقبل حمدك وتحياتي .واشكرك كتير علي المتابعه رغم المشغوليات ورهق الحياه .كما عبر مداخلتك اشكر جميع من تابعوا البوست واتمني يكون كان فيهو فايده للجميع ...وتعرف اصعب حاجه هي الظروف التي يمر بها المرافق والم المرافق فقد كنت أشفق علي بن اختي كثيرا فقد كنت اراه يعاني أكثر مما أعاني فقد لازمني عام كامل فقد كنت أري في عينيه تعب السنين ..وكان احياننا كثيره يقوم من النوم في هلع منتصف الليل فياتيني من غرفته ويجدني صاحي فيتفقدني...كنت أري في عينيه خوف ما ودائما ما تفضحه دموعه او قلقه...فكنت اخفف عنه بأن انكت له بسخريه واقول له لسع انا حي لم أمت بعد ..احتمال عندنا كاسات حنشربها مع بعض وانا متاكد وسنشرب نخب انتصارنا علي السرطان ...بيضحك ونسمع اغاني في منتصف ليل بانكوك غالبا يكون الليل ممطرا..فالم المرافق أكثر من الم المريض...نعم هي تجربه .الحب هو شئ جميل ولكن كما قلت نحن نستحي من التعبير كانه جريمه ولكن هي قساوة تربيتنا كانما كنا صبار نشاءنا في صحاري رغم أن الصبار يعبر عن حبه باشياء قد يعرفها.زيارة الاصدقاء لي كانت لها رد فعل كبير لي في رفع روحي المعنوية وحينما كانت طفلتي الصغيره تهاتفني قبل مجئ اسرتي كنت أشعر بإحساس غريب ورغبه كبيره في الحياة.ومقاومة المرض .كما كانو كل فتره بقدموا عروض مسرحيه من وحي خيالهن فقد كنت سعيد بهذه المسرحيات فلها سحر غريب في نفسي .... كنت موفق في خياراتي وقراراتي للبحث عن العلاج . المشكله تجربة السياحه العلاجية في مجتمعنا السوداني أصبحت زيها وزي سماسرة العربات او الأراضي. فهي مهنه من لا مهنه له ...وطبعا لا اعمم كلامي هذا فهناك من هم محترفين ولكن أصبحت ظاهره السمسره والاستهبال والتلاعب بارواح الناس كتيره جدا...سأحكي عن بعض القصص التي عايشتها أثناء وجودي في بانكوك لضحايا السماسره.بالنسبه لما بعد العمليه طبعا متابع مع المستشفي كل سنه شهور في السنتين الأوائل مفروض اعمل سيتي اسكان ولسع باخد في كيموثوربي حبوب يوميا قد تمتد لي سنين او اقل حسب المقابله القادمه في يناير ..سأحاول اعمل اسكان للتقارير والفحوصات قبل العمليه وبعد العمليه وانزله في البوست .لتزيد الفائده...اقتراح مكتب للسياحه العلاجية او للاستشاره فكره جيده ....وتحياتي ...ولو رسلت لي رقم تلفون في الماسنجر ممكن نتواصل اكتر
Post: #277 Title: Re: Author: صلاح عباس فقير Date: 09-26-2018, 09:12 PM Parent: #276
الأخ هجو، حمد الله على السلامة، الحمد لله على جميل لطفه وتقديره، وشكراً لك أن أتحت لنا هذه السياحة الإنسانية الجميلة، فعشنا معك كثيراً من لحظاتها، وتنقلنا معك من جوبا إلى كمبالا، ثم إلى القاهرة، ثم إلى بانكوك. ألف حمد الله على السلامة، وأجر وعافية إن شاء الله.
ألف حمد لله على السلامة وان شاء الله اجر وعافية وما تشوف شر
Post: #280 Title: Re: Author: Biraima M Adam Date: 09-27-2018, 03:44 AM Parent: #279
ألف حمد الله علي السلامة .. هذه تجربة جديرة بالتوثيق ..
بالله يا أخوانا طوال مدة غياب الأخ هجو لماذا لم يفتح أحد بوست ينورنا بما حصل للأخ هجو؟ .. أنا أري فوق المؤآذرة في لحظة المرض أنا أري الأستشفاء من مرض مثل السرطان شيئ مكلف ويحتاج دعم. أنا أقترح فتح حساب .. وأرفاقه هنا .. أري أن الأخ هجو مازال يحتاج لوقفه إلي جانبه ..
أها يا اخوانا نبقوا عمليين .. وأيد علي أيد بإذن الله نفعل شيئ في مساندة الأخ هجو مساعدة حقيقية.
Quote: هذه تجربة جديرة بالتوثيق ..بالله يا أخوانا طوال مدة غياب الأخ هجو لماذا لم يفتح أحد بوست ينورنا بما حصل للأخ هجو؟ .. أنا أري فوق المؤآذرة في لحظة المرض أنا أري الأستشفاء من مرض مثل السرطان شيئ مكلف ويحتاج دعم.أنا أقترح فتح حساب .. وأرفاقه هنا .. أري أن الأخ هجو مازال يحتاج لوقفه إلي جانبه ..أها يا اخوانا نبقوا عمليين .. وأيد علي أيد بإذن الله نفعل شيئ في مساندة الأخ هجو مساعدة حقيقية.بريمة
الاخ ول ابا بريمه ربنا يقبل حمدك ويديك العافيه سرد تجربتي في المنبر محاوله لإيقاد شمعه امل لمن يعانون من السرطان وتحويل تجربتي لدعم نفسي للكثيرين ...وفعلا علاج السرطان مرهق ومكلف .فكره انشاء حساب جميله .لكن خلينا نعمله لدعم المرضي لأي من أعضاء المنبر او ذويهم ..بالنسبه لي انا الحمدلله عديت من التجربه وكل اموري الماديه تمام حمدلله .ومستقره ...خلينا نطور الفكره لدعم المحتاجين وممكن الحساب يكون نواه لمستشفي خيري للسرطان ونعمل جميعا لجمع المال والعمل علي اضافة شئ لمرضي السرطان وتتخذ من المنبر نقطة انطلاقه ...ولو في دعم حقيقي لي انا هجو ممكن الناس تقيف معاي في تحويل التجربه لكتاب وينطبع والعائد المادي يمشي لصالح مرضي السرطان ...ونتمني من جميع أعضاء المنبر ..تطوير الفكره...مره اخري اشكرك كتير ...علي أن فتحت هذا الخيط لدعم مرضي السرطان الهم فعلا محتاجين لينا...
ياخ إنت زول ضكران لمن بي هناك يا هجو ربنا يلطف بيك دوما ..ما بعرفك لكن يشهد الله الواحد من خلال الإطّلاع على تجربتك عرف فيك إنسان قوي ونادر. ربنا يحفظك ياخ
Quote: حمد الله على السلامة، الحمد لله على جميل لطفه وتقديره، وشكراً لك أن أتحت لنا هذه السياحة الإنسانية الجميلة، فعشنا معك كثيراً من لحظاتها، وتنقلنا معك من جوبا إلى كمبالا، ثم إلى القاهرة، ثم إلى بانكوك. ألف حمد الله على السلامة، وأجر وعافية إن شاء الله
الاخ صلاح عباس الله يقبل حمدك وما تشوف شر ي رب واتمني ان تكون بخير
Post: #283 Title: Re: Author: Ahmed Yassin Date: 09-27-2018, 06:22 AM Parent: #281
Quote: أها يا اخوانا نبقوا عمليين .. وأيد علي أيد بإذن الله نفعل شيئ في مساندة الأخ هجو مساعدة حقيقية.
معاك يا بريمة ودا اقتراح ربنا يجزيك عليهو خير الجزاء ..
Post: #286 Title: Re: Author: ابو عثمان Date: 09-27-2018, 07:00 AM Parent: #283
Quote: معاك يا بريمة ودا اقتراح ربنا يجزيك عليهو خير الجزاء ..
الاخ العزيز احمد يس الف الف شكر ...وخلينا مع بعض نجتهد نعمل حاجه لتطوير فكرة صندوق لدعم مرضي السرطان ...ونطور الحلم حتي يكون فكرة إنشاء مستشفي ...والحلم ممكن يكون حقيقه لو اجتهدنا فيهو وانا متاكد في ناس كتار جدا في المنبر عندهم القدره لتطوير الفكره وتحقيقها ....تحياتي
Post: #289 Title: Re: Author: Salah Zubeir Date: 09-27-2018, 11:40 AM Parent: #287
الأخ هجو مختار ... السلام لك وعليك .. ألف حمدا" لله علي سلامتك وأجر وصحه وعافية إن شاء الله .... إتا زول صنديد وفارس حوبه حقيقي ... نازلت مرض السرطان وانتصرت عليه بحول الله وقوته وتشكر كثيرا" علي سردك الرايع واسأل الله ان يديم عليك نعمة الصحة والعافية ....
Quote: الأخ هجو مختار ... السلام لك وعليك .. ألف حمدا" لله علي سلامتك وأجر وصحه وعافية إن شاء الله .... إتا زول صنديد وفارس حوبه حقيقي ... نازلت مرض السرطان وانتصرت عليه بحول الله وقوته وتشكر كثيرا" علي سردك الرايع واسأل الله ان يديم عليك نعمة الصحة والعافية
الاخ صلاح .... الله يقبل حمدك ويديك العافيه وما تشوف شر ي رب والف شكر علي المتابعه وتسلم
Quote: الف حمدا لله علي السلامة شكرا لك علي وضع خصوصياتك علي منبر عام للفائدة أعتقد ان الرحلة تصلح ان تكون كتابا "تجربتي مع السرطان" مع بعض التعديل في اسلوب ومحطات السرد
الاخ ابراهيم حسين الله يقبل حمدك وما تشوف شر ي رب والف شكر علي ملاحظاتك طبعا الكتابه علي المنبر مباشرة ومن الموبايل .ما زي الكتابه علي الورق ولو اشتغلت علي أن تكون كتاب فعلا محتاجه لإعادة كتابه وتحرير وتنقيح..والسرد كان في المنبر هنا تلقائي وفيهو كتير من الأخطاء .
احيانا كثيره المرض لا يقتل ولكن التشخيص الخطأ يكون سبب الوفاة
.............. في اول ايامي في تايلاند كانت الاتصالات والرسائل من الأصدقاء كثيره جدا فكل من سمع كان يهاتفني أو يراسلني واحيانا كتيره بخلي أحمد يرد وكنت بقول لي أحمد رد واصبر الأيام الأولي الناس ح تضرب وتسأل كتير ولكن بعد كم يوم ح نفتش للزول الحيضرب لينا ..زي أيام العزاء الأولي الناس كلها تتلم وتشكر في المتوفي وخصوصا لو عندو أطفال كل زول حيوعد يعمل حاجه لكن بعد اسبوع من العزاء بكون الكلام اتبحر مع دموع الاحزان..وفعلا بعد فتره التلفونات أصبحت اقل بكتير ..المهم في هذه الأيام هاتفني صديق وأخبرني أن زوجته مصابه بسرطان في الجلد والتشخيص تم في الخرطوم وعنده رغبه يجي تايلاند وكان ليسأل من المستشفي والتكاليف والإجراءات..وفعلا اتحرك أحمد بن اختي في الموضوع وفي خلال اسبوع كان صديقي مع زوجته في تايلاند ونزل معنا في نفس العماره وفي اليوم التالي بداء الفحوصات ..وقد كانت زوجته تبدو متماسكه .لحد ما ..وكل يوم فحص ومقابلة ومعامل وما الي ذلك.... وكان صديقي قلقا ...فقد كان يوميا بعد الرجوع من المستشفي بجيني في غرفتي بتونس معاي وكنت بحاول ان اخفف عنه لأني كنت مدرك انه يعاني أكثر من زوجته المريضه فالالم عند المرافق اصعب ..كان أحيانا تشعر بأنه منهار ولكن يحاول أن يكون متماسكا ..كنت اقول له ما تقلق القصه دي ح تطلع فشوش ...يعني ما بكون عندها حاجه ...وهو يقول لي لكن نحن مشينا لي كم دكتور والعينات والغدد والجلد. ...فكنت انا متاكد من سلامة زوجته. لانه حسب خبرتي البسيطه وكلامهم المتضارب وكلام الأطباء الغير موحد وتقارير متضاربة..معناها هناك خلل ما....وفعلا بعد كم يوم وكم فحص ظهرت النتيجه عباره عن التهابات .وبدأت العلاجات .وكل التشخيصات التي تمت في السابق طلعت خطأ..وفي خلال يومين تغير شكل زوجته واصبجت مفرهده وتتونس وتضحك ومن المداومين علي الأسواق والسياحه عكس الشخصيه الجات في الأيام الأولي......
الجهل مطيه ...... التباهي بالجهل أكبر مصيبه فقد نشاءت في السودان طبقه تتبرع بجهلها بعلم أو لا ..
...ففي احدي أيام السبت في عمارة معاويه حيث يجتمع سوداني بانكوك الجاليه والزوار كما درجة العاده ان يجتمعوا والشاي باللبن والزلابيه سيدة الموقف ..ففي ذلك اليوم نزلت من شقتي ممني نفسي بي ونسه وترويح من زهج الكيماوي علي امل ان اجد شخصيات جديده تضيف الي الونسه ..ولكن كنت علي موعد مع رجل خمسيني يبدو عليه الثراء الحديث من منظر ملابسه الفخمه وغير متسقه مع شكله ويتحدث حديث الجاهل المدعي بالمعرفه والحاضرين ينظرون إليه بي اندهاش يعني هو مستلم الجلسه..وجلست انا في كرسي بالقرب منه ولم الق التحيه حتي لا أقطع تسلسل حديثه واخذت استمع واصابني امتعاض وارتفع الكيماوي الي حلقي حتي كاد الغثيان ينهمر من انفي والدم صعد الي راسي والثلج جعل من أخمص قدمي فريزر...فالرجل يتحدث عن انهم في الحزب إقاموا عملوا ترويج للسياحه العلاجية في مول الواحه في الخرطوم وكانت ناجحه جدا برعاية مأمون حميده وزير الصحه وانهم اخدو توكيل من معظم المستشفيات التايلنديه وانهم بي كده فتحو سوق جديد للعلاج في تايلاند وده بعود بي فوائد كتيره للبلد وفي قمة حديثه وتباهيهو..قاطعته بي سؤال مما أصاب الحضور نوع من الوجوم والتقهي..قلت ليهو .انت عملت الشغل ده كشركه خاصه ولا حكومه ..قال لي نحن شركه خاصه وقلت ليهو بتستفيد شنو قال لي اي عميل بيجي لي تايلند نحن عندنا نسبه فيهو ..قلت ليهو والحكومة دوره شنو هنا عشان تجيب الوزير وسيرة الحزب ..قال لي نحن في المؤتمر الوطني بنشجع الاستثمار. وهنا انا انفعلت فيهو .وقلت ليهو اول حاجه انت بتستثمر في مرض الشعب يعني لو مافي مريض انت حتفلس يعني انت من الصباح بتصحي من النوم تقول يا فتاح ي رزاق امرض الناس.والشي التاني انت النسبه البتاخده من المستشفي اصلا بختوها في تكلفة العلاج يعني بيدفعه المريض ..وده كلو كوم ..انت حكومتكم البتشجع الناس يجو تايلاند او يمشوا بتعالجوا بره ده كوم . ليه ما تطور مستشفياتنا نحن في يوم من الأيام كان عندنا معمل استاك من افضل المعامل في الشرق الأوسط ونحن لمن مستشفي الخرطوم دي فيها كوادر تايلاند دي ذاته كانت عباره عن غابات نحن ليه الحكومه ما تطور مؤسساتنا الطبيه و..ا وا..قاطعني الرجل قال لي انت ذاتك شكلك شيوعي الجابك تتعالج هنا شنو قلت... هي ...!!والشيوعي ما يتعالج يعني وبعدين انت فاكر نفسك جبتني انت ولا انت البتدفع لي ...وقلت ليهو لي علمك يبدو أنك سمسار ونصاب .واشتبكنا ...وتدخل الحضور وانهوا الاشتباك بيننا. فوجدوا لي العذر وقالو للراجل معليش انساهو اخونا هجو ده معذور الكيماوي طار ليهو في رأسوا وزول بعيد عنك عندو سرطان متاخر...فزعلت وقمت مشيت وقبل امشي قلت ليهم السرطان ما عندي انا السرطان عندكم انتو البتدافعوا عن الراجل ده وده هو السرطان ...
Post: #299 Title: Re: Author: Biraima M Adam Date: 09-29-2018, 01:46 PM Parent: #298
شكراً يا ول أبا أحمد وشكراً يا هجو .. لدعم الفكرة .. في الغرب هنا .. مثل الأخ هجو ك ناجي survival .. ممكن يصير متحدث بأسم المنظمات التى تدفع الجهات المختصة نحو أكتشاف العلاج .. وهجو أنت نفسك فكر في أستثمار هذه التجربة .. أرمي أي شيئ تاني .. وقدم نفسك لمنظمات الأمم المتحدة والمنظمات العالمية .. وهنا البرنامج الذي تدعمه حكومة الولايات المتحدة .. وكان ومازال يقوده نائب الرئيس السابق جو بايدن ..
الاخ هجو تصفح الصفحة الفوق دي .. وتابع اللنكات .. أنا حاولت ومازلت لم أصل إلي جهة .. وقدم نفسك لهم ك ناجي من المرض ولديك تجربة تريد أن تشارك بها .. وأبدأ خطوة خطوة .. وأنا عايزك تكون في المنصات الدولية .. دي غير أنو بتفيد الأنسانية .. تساعدت أنت في مسألة تحاليك المستقبلية ..
وخلونا نطور في أفكارنا .. خطوة خطوة .. عسي ولعل الله يفتح للأنسانية بفتح من خلال تجربة الأخ هجو ..
Post: #300 Title: Re: Author: Biraima M Adam Date: 09-29-2018, 01:53 PM Parent: #299
ول أبا أحمد يسن
Quote: A. Establish a network for direct patient involvement Engage patients to contribute their comprehensive tumor profile data to expand knowledge about what therapies work, in whom, and in which types of cancer.
هذه النقطة هى نقطة أنطلاقة جيدة .. أراكم نتواصل مع مجموعة الأبحاث .. لكي نصلوا لأرفاق معلومات الأخ هجو معهم .. وكيف يضموا الأخ هجو إلي مجموعة ال "سيرفايفال" .. وكيف يشارك في أبحاثهم ..
الأخ هجو .. أركم ننكشوف في هذا الأتجاه ..
بريمة
Post: #301 Title: Re: Author: احمد سيد احمد Date: 09-29-2018, 11:02 PM Parent: #300
السلام عليكم الاخ هجو والف حمدلله على سلامتك وتجربة كبيرة وسردك ليها قمة الابداع والامتاع والفائدة ومنتظرين باقي الطرائف والمواقف الحصلت ليك اثناء رحلة العلاج.لو عندك زمن شوف الموضوع دا يمكن يكون مفيد
Quote: شكراً يا ول أبا أحمد وشكراً يا هجو .. لدعم الفكرة ..في الغرب هنا .. مثل الأخ هجو ك ناجي survival .. ممكن يصير متحدث بأسم المنظمات التى تدفع الجهات المختصة نحو أكتشاف العلاج .. وهجو أنت نفسك فكر في أستثمار هذه التجربة .. أرمي أي شيئ تاني .. وقدم نفسك لمنظمات الأمم المتحدة والمنظمات العالمية ..وهنا البرنامج الذي تدعمه حكومة الولايات المتحدة .. وكان ومازال يقوده نائب الرئيس السابق جو بايدن ..Cancer Moonshotالاخ هجو تصفح الصفحة الفوق دي .. وتابع اللنكات .. أنا حاولت ومازلت لم أصل إلي جهة .. وقدم نفسك لهم ك ناجي من المرض ولديك تجربة تريد أن تشارك بها .. وأبدأ خطوة خطوة .. وأنا عايزك تكون في المنصات الدولية .. دي غير أنو بتفيد الأنسانية .. تساعدت أنت في مسألة تحاليك المستقبلية ..وخلونا نطور في أفكارنا .. خطوة خطوة .. عسي ولعل الله يفتح للأنسانية بفتح من خلال تجربة الأخ هجو ..أصدقاء هجو في المنبر .. العشم فيكم .. أيدكم معانا ..بريمة
ول ابا بريمه انا والله سعيد جدا بما تقدمه من أفكار وانا علي استعداد أقدم اي حاجه تفيد الآخرين من خلال تجربتي وفي اي مكان واي زمان والفكره بنبدا من المجتمع الحولك وتكبر ...وانا متاكد ممكن نعمل حاجه لو ختيناها في بالنا ...وانا مستعد زي ما ذكرت لذلك....اطلعت علي الرابط ودي حاجه ممتازه جدا ..وخلينا نشوف كيف نتواصل ولو ما عندك مانع تلفونك في الماسنجر الف الف شكر ول ابا بريمه
Quote: السلام عليكم الاخ هجو والف حمدلله على سلامتك وتجربة كبيرة وسردك ليها قمة الابداع والامتاع والفائدة ومنتظرين باقي الطرائف والمواقف الحصلت ليك اثناء رحلة العلاج.لو عندك زمن شوف الموضوع دا يمكن يكون مفيد
الاخ احمد سيد احمد الله يقبل حمدك وما تشوف شر ي رب الف شكر ...فعلا اطلعت علي البوست مفيد جدا جدا والف شكر ولسع في ذكريات وحكاوي كتيره حصلت أثناء فترة العلاج وكل مره ح احكي .... تحياتي
حتي اخوتنا في شمال الوادي لم يسلمو من التشخيص الخطأ .... هاتفني صديقي من القاهره وبدأ يحكي لي تجربته في مصر ومعاناته من القاوت أو داء الملوك .فقد أصبح شئا مرهق بالنسبه له وانه ظل يتردد علي القاهره علي مدار تلاته سنوات ولم يتحسن واخد الكثير من علاج القاوت.وحالته بداءت تمشي للأسوأ وقرر يجي بانكوك وسألني عن المستشفيات والأوضاع فقلت ليه رسل لي تقرير الطبيب وخليني اعمل ليك حجز في المستشفي وعلي ضوءه تاخد التاشيره وفعلا في خلال أيام قليله وصل بانكوك ونزل معانا في نفس العماره ...فقد وصل وضهره منحني كانه عجوز في الثمانين من عمره وعينيه وجفونه تدلان علي الارهاق والوهن..وحركته بطيئة جدا .وحجز في نفس اليوم في المستشفي وبداء الفحوصات وقد كان مهموما ولكن الأطباء طمنوهو وبعد يومين ظهرت جميع الفحوصات وطلع عنده رطوبه في الدم وما عندو قاوت وادوهو علاجات في خلال تلاته يوم اشوف ليك زولي مشي شارع العرب اشتري لبس الرياضه والجزمه الاسبورت الماخمج . وبقي لافي كداري. بعد ما كان الأيام الأولي يتحرك بالتاكسي .ما فضل ليهو الا يقول عايز تكسي للحمام .من شدة ما كان يعاني وبقي شغال تمارين حسب وصية الأطباء والضهر الكان منحني بقي مستقيم زي عمود الكهرباء وقمة في النشاط والحيويه وسال من اسواق الخضار والجزاره وفعلا مشي الجزاره وجاب لسان البقر و، أم فتفت الكان محروم منهن سنين طويله وبقي كل يوم يتفنن ويبدع في طبيخ اللحوم الحمراء ذات البروتين العالي كانما عايز ينتقم من فترة الحرمان. وقضي معنا ايام جميله واصبح مهتم ببرنامجي الغذائي فكان يجيد طبخ الاسماك و الكائنات البحريه ورجع في صحه عال العال .وقال لي والله القاهره دي تاني حبوب نزله ما اشتريهم منها
ياخ إنت زول ضكران لمن بي هناك يا هجو ربنا يلطف بيك دوما ..ما بعرفك لكن يشهد الله الواحد من خلال الإطّلاع على تجربتك عرف فيك إنسان قوي ونادر. ربنا يحفظك ياخ
Quote: ياخ إنت زول ضكران لمن بي هناك يا هجو ربنا يلطف بيك دوما ..ما بعرفك لكن يشهد الله الواحد من خلال الإطّلاع على تجربتك عرف فيك إنسان قوي ونادر. ربنا يحفظك ياخ
الاخ فيصل فتح الله الله يديك العافيه وانشاءلله دايما بخير ي رب الحمدلله علي نعمة حباني الله بها حب الاصدقاء والآخرين فقد كانت تمنحني القوه والثبات في مواجهة الكثير من الصعاب الف شكر .....وربنا يديم العافيه
أعطني الناي وغن فالغناء سر الخلود و أنين الناي يبقى بعد أن يفنى الوجود هل اتخذت الغاب مثلي منزلا دون القصور فتتبعت السواقي وتسلقت الصخور هل تحممت بعطر وتنشفت بنور وشربت الفجر خمراُ في كؤوس من أثير أعطني الناي وغن فالغناء سر الوجود وأنين الناي يبقى بعد أن يفنى الوجود هل جلست العصر مثلي بين جفنات العنب والعناقيد تدلت كثريات الذهب هل فرشت العشب ليلاً وتلحفت الفضاء زاهداً في ما سيأتي ناسيـًا ما قد مضى أعطني الناي وغن فالغناء عدل القلوب وأنين الناي يبقى بعد أن تفنى الذنوب أعطني الناي وغن وانس داء ودواء إنما الناس سطور كتبت لكن بماء ****************** الوجود سؤال كان يؤرقني أثناء الألم فقد كنت دائما أهرب من الألم الصباحي بانغام فيروز فالغناء سر الوجود والالم عدو الوجود مابين الغناء والالم محطات كنت ارتادها بكل حب وامل في أن تكون محطة الالم ترازيت وعلي ان اعبرها وانا اغني وازرع الابتسامه فيروز تغني وسماء بانكوك تمطر وبناتي هناك يصلين من أجلي إخوتي يدعون لي ويصلون أصدقائي في انتظاري لنشرب نخب العوده من رحله قد اختارتني ولم اختارها فالناي ينسيني الداء والدواء وأستدعي العصريات في الذاكره امي تقلي البن لابي المدد في ذلك العنقريب الهبابي رائحه البن تتخلل مسامات رئتي وتتفتح شرايني علي رائحة الياسمين التي تتعطر بها حبيبتي حينما كنا نلهو ونعيش سنوات الحب وحينما تغني اتخذت الغاب منزلا تتحول الذاكره الي شوارع تعج بالحرية وحياة كريمه وحقول وقمح واطفال يتهامسون الدرس الدرس المستقبل..وقد كان الفجر حلمي والعودة مستشفيا واعانق الاحباب .وفجاءه يدخل جاري العزيز دون استئذان كانه قادم من عصر ظلامي يجهجه أفكاري ويخرص فيروز بصوته الجهور اللعلاع...هسع انت من الصباح بدل تصلي ...تسمع في الغناء مش كان احسن تصلي عشان ربنا يغفر ليك ذنوبك قلت بي سري شوف بالله الفهم ده ناسي انه الله بيغفر الذنوب بي رحمته ..وليس بي صلاتي ولو صليت العمر كله ممكن ما يغفر لي وممكن ما اصلي ويغفر لي ..ان الله مخير فينا نحن عباده. لم احتاج ان ارد له ...فردت فيروز. انين الناي يبقي بعد أن تفني الذنوب.انس داء ودواء إنما الناس سطور كتبت لكن بماء وقلت رجائي ي جاري تاني تعال بعد فيروز..لانو كل ما اشوفك بتذكر السرطان ...فضحك وخرج. كنت متأكد بأنه لم يفهم شئا..ولكن انا في نظره عبدا عاصي....
Post: #309 Title: Re: Author: الطيب عباس Date: 10-01-2018, 11:34 AM Parent: #308
Quote: احتاج ان ارد له ...فردت فيروز. انين الناي يبقي بعد أن تفني الذنوب.انس داء ودواء إنما الناس سطور كتبت لكن بماء
والله يا هجو انا متابع سطر سطر الف حمد لله علي السلامه تاني وربنا ما يوريك شر والاقتباس اعلاه عميييق يخ .. انت زول فنان واكيد ربنا بريدك لو ما بريدك ما ابتلاك وما ابتلاك الا ليعافيك وحمد لله علي السلامة يا ضكران
Quote: والله يا هجو انا متابع سطر سطر الف حمد لله علي السلامه تاني وربنا ما يوريك شر والاقتباس اعلاه عميييق يخ .. انت زول فنان واكيد ربنا بريدك لو ما بريدك ما ابتلاك وما ابتلاك الا ليعافيك وحمد لله علي السلامة يا ضكران
الاخ الطيب عباس الله يديك العافيه وشكرا كتير علي الاطراء.وطبعا ده من ذوقك الراقي.. هي محاولات كنت دائما اجعل من فترة المرض تجريب وبقنع نفسي مرات بقول امكن اطلع بي علاج جديد للسرطان مره بقول استخدم الموسيقي لقتل الخلايا السرطانية فبكون حايم مع فيروز مارسيل خليفة ويتني هيستون وكريج ديفيد وبوب مارلي واسماعيل عبد المعين والحوت وخضر بشير وخلف الله حمد ..وأولاد حاج الماحي والشيخ البرعي وابوكساوي ..القائمه تطول ومرات كتيره بقول الفرح والضحك نصف العلاج بخلق جو فرايحي..واحيانا كتيره بقول اشعار ود الرضي خير علاج .فبسرح مع الحقيبه..زي ما قالو الغرقان بتعلق بي قشه. فكنت بتخيل القشه دي عباره عن مركب ضخم وانا متعلق فيهو لازم اصل القيف...والحمدلله علي نعمة الصحه والف شكر علي المتابعه والمرور. وربنا يديك العافيه
الاخ ابن العم ...هجو ..حمدلله السلامة والقوة والحمدلله العافية .. كنت قوي في كل المراحل ولانك انسان نقي كانت هذه الشفافية ... كنت اتابع اخبارك من مكان لاخر ولكن كان لتجاربي خوفي اكبر من هذا المرض اللعين ...الحمدلله اعدت لي ثقتي بان المرض مابكتل زول وانه الموت لايحتاج لسبب والعندو عمر بعيشو باب حال
انا فرحانة انك تغيرت اولا كما كنت احتج دوما لك بانك يجب ان تتغير والحمدلله انني تيقنت تغييرك اما امر المرض فهو الشافي والكافي ..ربنا فقط اتمنى نتلاقى في الدنيا وترجع تمام لاسرتك ولاهلك ولبناتك وزوجتك بالف خير واحسن مايكون ويااارب كااامل الصحة ياهجو ...وتحياتي لعبدالباقي وكل الاهل
Quote: الاخ ابن العم ...هجو ..حمدلله السلامة والقوة والحمدلله العافية ..كنت قوي في كل المراحل ولانك انسان نقي كانت هذه الشفافية ...كنت اتابع اخبارك من مكان لاخر ولكن كان لتجاربي خوفي اكبر من هذا المرض اللعين ...الحمدلله اعدت لي ثقتي بان المرض مابكتل زول وانه الموت لايحتاج لسبب والعندو عمر بعيشو باب حال انا فرحانة انك تغيرت اولا كما كنت احتج دوما لك بانك يجب ان تتغير والحمدلله انني تيقنت تغييرك اما امر المرض فهو الشافي والكافي ..ربنا فقط اتمنى نتلاقى في الدنيا وترجع تمام لاسرتك ولاهلك ولبناتك وزوجتك بالف خير واحسن مايكون ويااارب كااامل الصحة ياهجو ...وتحياتي لعبدالباقي وكل الاهل
بنت العم العزيزه نعمات حمودالله يقبل حمدك ويديك العافيه المرض عمرو ما كتل زول ولكن لكل زول عمر محدد وساعات محدوده اذا تمت صاحب الامانه بياخده والحمدلله التغير دايما يكون تغيير النفس واتمني ان الله يغير ما بنفسي للأحسن...وبعدين انت ما تحتجي خالص ..انت تامري..او بالأصح احلام سعادتك اوامر وانشاءلله نتلاقي في ساعات خير ..وتحياتي الاهل جميعا ...وتوصل تحاياك لي عبدالباقي كوني بخير ي رب
الورد شئ جميل ....كنا نشاهده في المسلسلات عند زيارة المريض في المستشفيات وأحيانا في زيارة المقابر ..والعشاق حينما يتهادون ويتبادلون الحب الورد يكون حاضرا..في ثقافتنا أو في تربيتنا الريفيه كانت لزهرة شجر العوير..حضورا في لهونا ونحن صغار كما أن وردة شجرة الياسمين الصفراء تمثل قمة علاقتنا بالجمال ليس لشكلها الجميل فقط ولكن لذلك الرحيق أو السائل الذي يشبه اللبن في داخلها حيث كنا ننافس النحل في رشفه بعد قطف الورده ورشفه من اسفلها .هذه قمة ثقافتي عن الورده التاريخيه ..وفي أثناء وجودي في المستشفي وانبوب التغذيه مركب في أنفي وضاغط علي الحلق من الداخل كان الألم صعب واعاني من القدره علي الكلام فكنت استخدم ورقه وقلم للمخاطبه أو الردود .وفي تلك الأيام كانت العماره بها سودانيين كتار جدا وصادف جارنا وصديقنا محمد حسن من أبناء مدني وكنا بحكم المنطقه قد تداخلنا مع بعض فهو مرافق لابناءه ربنا يكتب لهم الشفاء ويديهم الصحه فهو شخصيه اجتماعيه ويحب الهظار فكنا كثيرا ما نتناقر زي ما بقولو فبدأ النقار حينما كان ينزل لمكنات الغسيل في أسفل العماره وطبعا المكنات اتومتك بتخت الملابس وبترمي العمله( كوين) وتشغل المكنه ترجع ليها بعد ساعه او خمسه وأربعين دقيقه بتكون انتهت ...فكان صاحبنا بنتظر بالقرب من المكنه كانه حارس مويه في ابوعشرين...( ابوعشرين عباره عن جدول داخل الحواشات) فكنت دايما بشاغله يقول ليهو ياخي قوم لف انت حارس مويه..القصه دي بتشتغل براها فكنا نضحك ...فجاءني زياره في المستشفي يحمل ورد ...قال لي والله ما تقول حاجه الا تقبل الورد ده لانو جايبو من ابوعشرين ...ما عرفت اضحك ولا اقول شنو ..بس كتب ليهو في الورقه ...ورد يا .......
Post: #314 Title: Re: Author: يوسف الطيب احمد إدريس Date: 10-02-2018, 03:36 PM Parent: #313
الأخ هجو مختار
ألف حمد لله على السلامة وزي ما قالوا الاخوان قبلي انت انسان قوي قهرت مرض جبار أسأل الله يمن عليك بوافر الصحة والعافية وأن يديم عليك نعمة الصحة والعافية
Quote: ألف حمد لله على السلامة وزي ما قالوا الاخوان قبلي انت انسان قوي قهرت مرض جبار أسأل الله يمن عليك بوافر الصحة والعافية وأن يديم عليك نعمة الصحة والعافية
يلا منتظرين الكرامة وصور الخرفان (وش ضاحك)
الاخ يوسف الطيب الله يقبل حمدك وما تشوف شر ي رب والكرامات لو في طريقه تتوزع في المنبر خرفان كان وزعتها مداخله مداخله وبوست بوست .ضبايح بي عدد الكلمات شكرا كتير علي المرور
Quote: الإبن الحبيب هجو ..كم أنت حساس يارجل .. لأنى أشعر بشعورك الجميل ..ومما زاد تأكدى وتأكيدى من إحساسكم المرهف هو حبكم الجميل للفنانةالجميلة فيروز .. بالفعل .. ولاسيما وهى تغنى .." أعطنى الناى وغنى " ..فهاهى الأغنية بذاتها ..فكلنا الآن نستمع إليها ..
العم العزيز أرنست لكي حبي وتقديري دايما انا علي موعد مع فيروز ففي صباحات كمبالا ابدا يومي بغنجان قهوه علي أنغام فيروز....وانا بشرب قهوتي الصباحيه اليوم فتحت البوست كأني علي موعد مع مداخلتك والناي بيننا كانه أثير الروح حتي تلتقي أرواحنا في هذا الصباح الاستوائي الف الف شكر علي هذا الاستماع المتحضر
ومن طرائف الورد أيضا كان أحد السودانيين رجل ستيني لطيف وكنا كثيرا ما نتهاظر ونتبادل القفشات فهو جاء مرافقا ...المهم كان مولع بي امراءه سودانيه كانت تتعالج في تلك الأيام..وكان عمنا هذا ينزل من شقته في الصباح الباكر ينتظر هذه السيده ويراقبها واحياننا كثيره يسير خلفها إذا ذهبت الي شارع العرب او المولات فقد كان معظم سكان العماره يقضون حوائجهم من هناك ...فهو يمشي خلفها من بعيد .فكانت قمة متعته متابعتها وما ناقص الا يكتب شعر . واحيانا يغازلها كانه مراهق...فكنت كثيرا ما اشاغلوا بيها ونضحك ونقضي وقتا ممتعا في النكات والهظار..وفي أحد الأيام تعبت هذه السيده ورقدت مستشفي ..وانا كنت تحت في العماره جاءني عمنا هذا وقال لي فلانه في المستشفي وعايز امشي ليها اشيل شنو معاي ..قلت ليهو طبعا تشيل ورد .وقال لي الورد بجيبوهو من وين ..وصفت ليهو امراءه تبيع الورد بالقرب من العماره ..ولكن هذا الورد كان يباع خصيصا للبوذيين حيث يضعونه في تمثال بوذا والملفت للانتباه انه كان في كل مبني أو منزل تمثال لبوذا وفي مدخل بانكوك وانت طالع من المطار تقابلك لافته كبيره مكتوب فيها بوذا ليس ديكوريشن. لكي يعلم الزائر ان بوذا في المباني يجب أن يحترم .يبدو أو يقال أن أحد السواح العرب كان قد تبول علي تمثال بوذا .ولهذا كتبت هذه اللافته..اذن الورد ليس ورد طبيعي بل ورد مقدس ...فذهب وأرسلت خلفه أحد الشباب ليتبعه ويصوره ويرسل لي الفيديو في الواتساب .بعد جا راجع سالتو ..اها ي حاج اشتريت الورد .قال لي ابدا الورد بتاعه طلع قديم وما عجبني...ضحكت قلت ليهو يا حاج ست الورد طردتك وقالت ليك ما ببيع ليك صاح قال لي عرفت كيف وريتو الفيديو وقلت ليهو ده ورد خاص بي بوذا...زعل وهاج..قال لي انا غلطان البستشيرك انت .والله ذاتو ما غلطان عليك لمن جاب ليك السرطان ي ...... وضحكنا ....
عبدالحليم رجل حليم سوداني كان يعمل في ال UN في تايلاند سوداني جد فقد تعرفت عليه أثناء جلسات السبت في عمارة معاويه وهو من الحرقه شرق مدني وهو يعقوبابي حتي النخاع فكان أول ما لفت انتباهه اسمي بحكم أن اسم هجو خاص باليعقوباب ..الشيخ هجو ابقران..فقد حكيت له علاقتي باليعقوباب فقد كان والدي رجلا متصوف فقد أطلق علينا جميعا اسماء شيوخ مكاشفيه ويعقوباب . فكان عبدالحليم يناديني دوما بالشيخ هجو ابقران واصبح مهتما بحالتي فيزورني بصوره يوميه في الشقه بعد انتهاء الدوام او بعد المغرب ونتجاذب أطراف الحديث لوقت متاخر فهو يسكن بالقرب من عمارة معاويه ..ومن شدة اهتمامه اتصل علي اهلنا اليعقوباب تلفونيا وأخبرهم بأنني مريض بالسرطان وطلب منهم الدعاء لي فقد كان يدعوا لي دوما بالشفاء ويندههم بأن يغيثوني..فكان يقول لي اليعقوباب ما بنسوك انا كلمتهم ..اليعقوباب اهل الله دعواتهم واصله ..حليم رجل مهذب ووقور عكس صديقنا عمر مختار صاحب لسان سليط وفالت والغريبه هم اصدقاء حتي كاد عمر مختار ان يهد في حليم فالإثنان يتمتعان بروح مرحه وقلب صافي كما الحليب. فكثيرا ما يترددا علي سويا فعمر بلسانه المتبرئ منه وحليم بلسانه المهذب نتبادل القفشات والونسه وفي احدي المرات تعبت وكنت راقد في المستشفي زارني حليم ووجد معي عمر وكنت لا استطيع الكلام واخاطبهم بي ورقه اكتب عليها او بالاشاره وجاء مع حليم سوداني زميله فأخذ يقرأ لي القرآن وكنت انظر الي حليم وجدت عيناه مرقرغه كادت الدموع تنهمر منها ودموعه كانت قريبه خلاص وعمر يشاغب ..وحينما فرغ صاحبنا من قراة القرآن وودعاني خرج معهم عمر نحو باب الغرفه قال له حليم .بحزن شديد وصوت متحشرج ي عمر تلفوني عادة بقفلو بالليل لكن ح اخلي فاتح لو في اي حاجه اضربوا لي طوالي ...ربنا يستر...عمر ضحك وجاني كلمني ...كتبت ليهو في الورقه قلت ليهو قول لي حليم اقفل تلفونك ساي الشقي عمرو بقي وضحك عمر مختار..وقال لي انا قلت ليه فعلا اقفل تلفونك ال....ده بكره يبقي كويس ويجي يطلع ...بي لسانو...عاينت ليهو ورفعت يدي وبسط راحة كفي ورفعت الاصبع الفي النص الي اعلي وتركت الأربع أصابع مستويه دلاله علي .....
من اول ايام سكنت في عمارة معاويه كنت دائما اجلس تحت في العماره بها فناء كبير عباره عن موقف للعربات وشبه حديقه و بها تمثال بوذا ولاحظت وجود امراءه منقبه وترتدي عبايه سوداء كل ما اعاين ليها القاها تعاين لي واحيانا تجي تجلس بالقرب مني وتعاين لي لمن بقيت اخاف منها والهواجس بقت تدور في راسي ياربي تكون من داعش ..ولا انا لاقيته في مكان ما وعندها معاي مشكله ..ياربي تكون دي من الجن ولا انا بتخيل ..ولا احتمال السرطان حولني لي زول مجنون بتاع خيالات ...خصوصا هي بتعاين لي وما بتتكلم خالص وما ظاهر منها الا عينيها وهي عيون كبيره محدده بكحل مما يجعلها تبدو متسعه و الرموش متدليه في خطوط مستقيمه مرسومه بعنايه وبريق العيون يلسع القلب مما يجعله يرجف.كانت دائما ترتدي اللون الاسود وحذاء اسود وكل شئ اسود الا بياض العيون .مما جعلها بالنسبة لي غامضه .كنت اعمل نفسي منشغلا بالتلفون واتحرك من مكاني الي نهايه فناء العماره وما أن أجلس الا واجدها تحركت وجلست بالقرب مني ...فاشغل نفسي بالتلفون واتحرك من مكاني فتتحرك معاي..فاقرر ان أهرب من ملاحظتها. اطلع الي شقتي.انعل سلافيل الشياطين التلتاشر الخلو خيالنا كله شك في شك .فأحيانا اشك في انها العميل رقم صفر او زعيمة مافيا .او تاجرة أعضاء تكون متفقه مع ناس المستشفي .لمن يعملوا لي العمليه عايزه تشيل مني كلي .شكوك تظنون ما عندها معني غير خزعبلات درامية ..ونا علي هذا الحال كم يوم .وفي مره من المرات زرتني زرة غنمايه في طاحونه..حيث كنت نازل من شقتي في الطابق الرابع مستخدم الأسانسير وكنت لوحدي وفجاءه وقف الأسانسير في الطابق التاني وفتح وظهرت ذات النقاب تنظر إلي بعيونها ودخلت الأسانسير وانا في سرعة البرق خرجت من الأسانسير في الطابق التاني ونزلت بالسلم ولمن نزلت الطابق الأرضي القاها ليك في بير السلم.طوالي رجعت بالسلم في حركه لا شعوريه الي الطابق الرابع .وقررت الا انزل في ذلك اليوم ..واحيانا كتيره انزل القاها في فناء العماره برجع طوالي .وفي يوم سالت معاويه عنها .قال لي دي يمنيه ليها سنتين ساكنه معانا هي وزوجها وبناتها.فحكيت ليهو قصته معاي ..ضحك وقال لي هي مسكينه بتحب تتونس ....
عن ابوعبدالله الكويتي ابو عبدالله او كبسور العماره كما كنا نطلق عليه في يوم من أيام الزهج والنرفزه بتاعت الكيموثربي نزلت في العماره تحت قاعد في كتبتي المعهوده في منتصف النهار جاءت عربيه مكتوب فيها مستشفي باولو ونزلت منها أسره كامله امراءه ستينيه في العمر ورجلين في الاربعينات يمتاذون باجسام ضخمه ورياضيه حيث العضلات تبدو بارزه مع لبس الفنايل المحزقه ومعهم بنت شابه عشرينيه وشاب صبي واستقبلهم توني عامل العماره ورفع لهم الشنط وصعدو جميعهم بعد أن بادلوني التحيه و ما تمت خمسه دقايق نزل أحدهم وجاء سلم علي ..الاخ سوداني .قلت ليهو نعم سوداني مرحب بيك .قال لي انا أبوعبدالله من الكويت واحب السودانيين كتير السودانيين اخوه عاصرناهم كتير درسوني في المدرسه وايضا دربوني في الجيش انا ضابط في الجيش الكويتي وبكتب شعر وبعرف العلامة عبدالله الطيب واقرأ ليك قصيده كتبتها وانا في الطياره .نحن جينا قبل الشويه من الكويت مع امي مريضه والام شئ عظيم وانا لو ما جيت مع امي ربنا يحاسبني وانا نفسي اتزوج سودانيه وبحب الاكل السوداني وايد...ده كلو وانا بس بعاين وعرفت انه انا قدام شخصيه ما طبيعيه. حاولت اقاطعه لكن سبقني وبدا يقرأ لي في قصيده .وانا اسمع واتململ في الطريقه التحلني وبعد شويه خش لي في انه ضابط في الجيش والحكومه ادتو طياره خاصه جاب بيها امه وانه شال اجازه من الملك شخصيا بعد ما البرلمان رفض يديهو اجازه ...وفجاءه سكت انا قلت دي فرصه انا استأذن وانفد بي جلدي. لكن مسكني من يدي وسألني انت مالك هنا قلت ليهو جيت اتعالج قال لي الف سلامه عشان كده ضعفان عندك شنو قلت ليهو سرطان قال لي كفاره السرطان عايز اكل بس تاكل كتير بتبقي كويس .قلت ليهو وطيب انت جيت مع امك ماله قال لي عندها سرطان ثدي .قلت ليهو طيب جايبنها هنا لي هناك اكل ما كو....قال لي لا سرطان النسوان بختلف من سرطان الرجال ... نواصل عن ابوعبدالله
Post: #322 Title: Re: Author: Biraima M Adam Date: 10-08-2018, 12:18 PM Parent: #321
ههههاي يا هجو .. يا أخي بالله واصل .. عشان نعرفوا نهاية قصتو شنو ! ..
Quote: ههههاي يا هجو .. يا أخي بالله واصل .. عشان نعرفوا نهاية قصتو شنو ! ..
بريم
ول ابا بريمه سلامات انا زمان بسمع يقولوا عكليت وعكلت معاهو.....لكن اول مره اشوف عكليت زي ابو عبدالله ده ....تعرف مرات الجهل بحل في حالة ابو عبدالله
Post: #337 Title: Re: Author: محمد الشيخ أرباب Date: 10-18-2018, 06:55 AM Parent: #319
Quote: عبدالحليم رجل حليم سوداني كان يعمل في ال UN في تايلاند سوداني جد فقد تعرفت عليه أثناء جلسات السبت في عمارة معاويه وهو من الحرقه شرق مدني
الف سلامة ليك يا شيخ هجو وربنا يديم عليك الصحة
عبدالحليم عثمان صديقي وكان زميلي في الجامعة وهو يعمل في ال UNHCR الان هو في تونس. رجل قل ان يجود الزمان بمثله
Post: #323 Title: Re: رحلتي مع مرض السرطان تفاؤل وحب وسخريه Author: Adam Youssif Date: 10-08-2018, 12:42 PM Parent: #1
الف حمد الله على السلامة سعيدين بعودتك
Post: #325 Title: Re: رحلتي مع مرض السرطان تفاؤل وحب وسخريه Author: Haju Muktar Date: 10-08-2018, 07:21 PM Parent: #323
Quote: الف حمد الله على السلامة سعيدين بعودتك
الاخ ادم يوسف الله يقبل حمدك وانا سعيد جدا والله بتشريفك لي وربنا يحفظك وما تشوف شر ي رب
Post: #326 Title: Re: رحلتي مع مرض السرطان تفاؤل وحب وسخريه Author: Rami Abdelkareem Date: 10-08-2018, 08:07 PM Parent: #325
الف حمدلله على السلامه وربنا يواليك بالصحه والعافيه ان شاء الله
Post: #327 Title: Re: رحلتي مع مرض السرطان تفاؤل وحب وسخريه Author: محمد فضل الله المكى Date: 10-08-2018, 10:13 PM Parent: #326
. أخي الحبيب هجو ألف حمد لله على سلامتك ، ونحمد الله كثيراً الذي ألبسك ثوب الصحة والعافية ، فهو الشافي وهو الكافي نعم المولى ونعم النصير ... كنت قوياً هجو في مواجهتك لذلك المرض اللعين ... سقف الثقة بالله كان عندك عالياً ... وإرادة الحياة كانت عندك قوية .. وروحك المعنوية كانت عالية في كل المراحل والتجارب التي خضتها في اكثر من دولة قبل مجيئك لمحطة شفاءك تايلند. . تجربتك أفرزت لنا دروس مستفادة كثيرة .. وهي مهمة كي يطلع عليها الناس ، أتمنى أن تخرج هذه التجربة في كتاب فهي جديرة بأن تلهم المرضى الكثير من معينات الشفاء ، خاصة إن أمراض العصر الذي نعيشه اصبحت كثيرة وخطيرة. . لي صديق وزميل في العمل وقعت والدته في الحمام وأجريت لها عملية بالسودان اقتضت عمل مسامير لتثبيت الكسر ... إلا ان الجرح لم يشفى وأُحضرت للدوحة فقرر الأطباء بتر الرجل ... أفأخذها فوراً لتايلاند وأُدخلت المستشفى الأمريكي وأعتقد هو نفس المستشفى الذي تعالجت فيه هجو... عادت لنا الحاجة بعد شهر وهي تمشي على رجليها. . القاهرة مضيعة فلوس ومضيعة زمن ليس في صالح المريض.. وأصبح يكثر فيها الغش... توجيه المرضى للوجهة الصحيحة رسالة يمكن أن يحملها ( الكتاب ) الذي نأمل ينال اهتمامك وينالك ثواب. . سعادة والله أن نراك وقد استعدت عافيتك ، ونرفع قبعاتنا ( عِممنا) عالياً لأسرتك التي صبرت وتحملت ولأصدقاءك الذين ساندوا وآذروا ... ولإبن خالتك الذي تمنيته إبن خالتي... . ..................................................................... ولك أمنياتي الطيبات هجو
Post: #329 Title: Re: رحلتي مع مرض السرطان تفاؤل وحب وسخريه Author: Haju Muktar Date: 10-09-2018, 10:42 AM Parent: #327
Quote: . أخي الحبيب هجو ألف حمد لله على سلامتك ، ونحمد الله كثيراً الذي ألبسك ثوب الصحة والعافية ، فهو الشافي وهو الكافي نعم المولى ونعم النصير ... كنت قوياً هجو في مواجهتك لذلك المرض اللعين ... سقف الثقة بالله كان عندك عالياً ... وإرادة الحياة كانت عندك قوية .. وروحك المعنوية كانت عالية في كل المراحل والتجارب التي خضتها في اكثر من دولة قبل مجيئك لمحطة شفاءك تايلند. . تجربتك أفرزت لنا دروس مستفادة كثيرة .. وهي مهمة كي يطلع عليها الناس ، أتمنى أن تخرج هذه التجربة في كتاب فهي جديرة بأن تلهم المرضى الكثير من معينات الشفاء ، خاصة إن أمراض العصر الذي نعيشه اصبحت كثيرة وخطيرة. . لي صديق وزميل في العمل وقعت والدته في الحمام وأجريت لها عملية بالسودان اقتضت عمل مسامير لتثبيت الكسر ... إلا ان الجرح لم يشفى وأُحضرت للدوحة فقرر الأطباء بتر الرجل ... أفأخذها فوراً لتايلاند وأُدخلت المستشفى الأمريكي وأعتقد هو نفس المستشفى الذي تعالجت فيه هجو... عادت لنا الحاجة بعد شهر وهي تمشي على رجليها. . القاهرة مضيعة فلوس ومضيعة زمن ليس في صالح المريض.. وأصبح يكثر فيها الغش... توجيه المرضى للوجهة الصحيحة رسالة يمكن أن يحملها ( الكتاب ) الذي نأمل ينال اهتمامك وينالك ثواب. . سعادة والله أن نراك وقد استعدت عافيتك ، ونرفع قبعاتنا ( عِممنا) عالياً لأسرتك التي صبرت وتحملت ولأصدقاءك الذين ساندوا وآذروا ... ولإبن خالتك الذي تمنيته إبن خالتي... . ..................................................................... ولك أمنياتي الطيبات هجو
الاخ محمد فضل الله المكي سلامات والله يقبل حمدك وما تشوف شر ي رب الحمدلله ربنا وفقني في كثير من الخيارات وقدرني علي تحمل الكثير فكرة الكتاب شغال عليها وطبعا الكتابه علي المنبر مباشرة بتكون بالنسبة لي كتابه اوليه ومحتاج إعادة الكتابه... الف حمدلله علي سلامة والدة صديقكم .والشواهد كتيره ففي فترة علاجي شاهدت كم حاله جات من السودان وكان التشخيص خطأ. وفي واحده من الحالات التي اذكرها كان سوداني جاء من الخرطوم ومعاهو ولدو والظاهر كان عملوا ليهو منظار والمنظار كان فيهو بكتريا وكان رأي الأطباء بأن نصحو الابن بأن يأخذ والده ويرجع بعد عملوا الفحوصات وقالو ليهو المسأله دي متاخره ولو نحن مسكناهو في المستشفي انت ح تضيع قروش وصرف وما ح يكون في نتيجه .ولكن الابن اصر وفعلا بعد فتره بسيطه الرجل توفي .وايضا شهدت رجل سوداني كان في الغرفه الجمبي ونصح الطبيب المرافق بأن يأخذ المريض ويرجع لانهم ح يخسرو قروش والمستشفى ما عندها علاج تقدمة ليهم .وانا احترمت المستشفي والأطباء كثير جدا لانه لو كان ما امينين مع أنفسهم كان خلوهم واخدو قروشهم. طبعا تايلاند اتقدمت كتير في الطب والخدمات الطبيه .وفعلا الأخوه المصريين تدهوروا كتير في نواحي كتيره جدا منها الطب طبعا ...... الف شكر علي مرورك الجميل وربنا يديك العافيه انشاءلله
Post: #328 Title: Re: رحلتي مع مرض السرطان تفاؤل وحب وسخريه Author: Haju Muktar Date: 10-09-2018, 09:59 AM Parent: #326
Quote: الف حمدلله على السلامه وربنا يواليك بالصحه والعافيه ان شاء الله
الاخ رامي عبدالكريم الله يقبل حمدك وربنا يديك العافيه وانشاءلله ما تشوفي شر وشكرا كتير علي مرورك الجميل
Post: #330 Title: Re: رحلتي مع مرض السرطان تفاؤل وحب وسخريه Author: Haju Muktar Date: 10-09-2018, 02:56 PM Parent: #328
مع أبوعبدالله احيانا الجهل مفيد جدا .................. احتل أبوعبدالله كنبتي في العماره وأصبح من المداومين علي الجلوس فيها وكل ما انزل القاهو قاعد برجع طوالي وجميع سكان العماره حينما يشاهدونه يهربون منه لأنه في خلال يومين عرفه جميع السكان وقراء لهم شعر يكفي سوق عكاظ لمده عشره سنوات وأطلق عليه اسم كبسور البراي فالعماره وصلت حد الاستيكه .وأصبح سكان العماره يتحاشون الجلوس في فناء العماره... وطبعا طلع اكول جدا ما أن يلتقيك أول حاجه بيسالك فطرت ولو قلت ليهو فطرت بيزعل جدا ولو قلت ليهو ما فطرت ح يسألك طوالي فطوركم شنو ويقول ليك انا لي تلاته يوم ما فطرته ولازم تسوقني افطر معاك. وكان صاحب احمد جدا.فاحمد يمتاز بي طول البال . وفي ذات يوم فطر مع احمد الصباح ضربوا فول كارب جدا وفي نفس اليوم قابل احمد المساء سالو قال ليهو شو طابخ اليوم. احمد قال ليهو والله الخال قال نفسو في كفته وظبطها ليهو..قال ياسلام الخال ذواقو راقي وايد في الأكل و انا بحب الكفته وايد والله ..وانا ي أحمد لي تلاته يوم ما اكلت جوعان ممكن تديني منها صينيه .احمد قال ليهو ي ابو عبدالله هسع الصباح مش اكلت معاي فول .. استدرك ..طوالي قال ليهو والله انا كتبت قصيده جديده أقرأها ليك .احمد قال لا لالا لا . دقيقه خليني اجيب ليك الكفته انت ليك تلاته يوم ما اكلت. ... وفي يوم الوقوف بي عرفه كان السودانيين صايمين وعاملين فطور وجبات سودانيه.ومجتمعين في ساحه العماره تحت . نزلت لقيت أبوعبدالله تحت العماره قال لي والله السودانيين ماشاء الله عاملين اكل كتير واكلنا الحمد لله بس مشكلتهم بعملو اكل سوداني .وما يعملون كبسه ولا مندي .. وطوالي خش لي في قصيده عصماء وبقرا فيها وماسك يدي والقصيدة اطول من خط الاستواء ابت تنتهي وقمت نتلت يدي .لكن هو كان اقوي مني .ففكرت اتخارج منو نهائي .وقاطعتو وقلت ليهو تعرف ي أبوعبدالله انا ما عندي سرطان .قال لي طيب شو عندك قلت ليهو عندي ايدز في البنكرياس. طوالي فك يدي و رجع لي ورا ومن اليومداك بقي ما بقعد في الكنبه ولو لاقيتو سلمت عليهو طوالي بجري مني .ولو شافني بخلي لي الشارع ...وانا اضحك وبقيت انا بمشي أفتشه وهو يهرب مني
Post: #331 Title: Re: رحلتي مع مرض السرطان تفاؤل وحب وسخريه Author: Haju Muktar Date: 10-12-2018, 05:26 AM Parent: #330
ام جميل هي أمراءه كويتيه تبدو في الاربعينات ولكن حينما تحكي عن أولادها واعمارهم تعرف انها ستينيه جاءت إلي بانكوك برفقة ابنتها .وابنتها شابه جميله تبدو في منتصف العشرينات حيويه جدا واجتماعية دايما في العماره تكون في حالة ونسه وهظار مع سكان العماره وهي كانت تتعالج من سرطان في الثدي ومنفصله عن زوجها ومعها ابنها ذو الخمسه سنوات طفل مشاغب وكثيرا ما يكون يلعب في فناء العماره ومعه جدته .في العماره يوجد جهاز انذار للدخان. لاحظت في احدي الشقق الظاهر كان في أحد السكان فاكر الجهاز كاميرا..لانه كان في منتصف سقف الغرفه وقصاد السرير .فالظاهر خاف من التصوير .فجاب ورق ولزاق وقفله ....اها ام جميل في احدي الايام ولعت بخور والدخان كبس في الغرفه .وأجهزت الانذار ضربت كأن هناك غاره حربيه وجميع سكان العماره في أقل من لمح البصر كانو في ساحة العماره وفي مقدمتهم ام جميل وايضا كانت هناك امراءه اثيوبيه كبيره في السن كنت دائما اشوف سايقنها بي كرسي متحرك .في ذلك اليوم نزلت السلالم بي رجليها فاحيانا الخوف من الموت يبعث قوه خارقه للانسان .وكان عمال العماره مدربون في لحظات كانوا في شقة ام جميل وهم يحملون طفايات الحريق .وحينما وجدوها بخور .وتحولت العماره الي هرج ومرج فانتبهت النساء الي نزولهن بازياءالنوم والبيت.وفجاءه صرخن وجرن ...ورجع الناس الي مساكنهم ما بين مستهجن ومستاء. وكانت ام جميل تضحك كأنها لم تفعل شئ. وذات يوم كانت تجلس معي في الكنبه تحدثني عن نسابتها وقساوتهم وطمعهم في ورثة بنتها وكيف ربنا خلص بنتها منهم وتتحدث عن ابنها جميل الذي تحبه كثيرا فهو رياضي ويحب السفر الي الدول الاجنبيه فكانت تقول له نذهب الي تايلند فيقول لها انا ما بحب مصر ولا تايلند .انا بحب الدول الاجنبيه ......فبعد فتره عرفت ان الدول الاجنبيه هي أوربا وأمريكا بدون ذلك دول غير اجنبيه ...عند ام جميل وابنها
Post: #332 Title: Re: رحلتي مع مرض السرطان تفاؤل وحب وسخريه Author: Biraima M Adam Date: 10-12-2018, 06:02 AM Parent: #331
Quote: . وكانت ام جميل تضحك كأنها لم تفعل شئ.
أبو عبد الله طلع علي أمه ,, أم جميل .. كلهم ثقيلين .. ههههاي قلت لي قالت الدول الأجنبية هى الدول الأوروبية فقط!
غداً وفي الويد أند سوف أحاول ليك في الواتساب ..
بريمة
Post: #333 Title: Re: رحلتي مع مرض السرطان تفاؤل وحب وسخريه Author: Haju Muktar Date: 10-12-2018, 06:36 PM Parent: #332
Quote: أبو عبد الله طلع علي أمه ,, أم جميل .. كلهم ثقيلين .. ههههاي قلت لي قالت الدول الأجنبية هى الدول الأوروبية فقط!
غداً وفي الويد أند سوف أحاول ليك في الواتساب ..
بريمة
ول ابا بريمه ..ابو عبدالله وام جميل قصصهم .. .. ..... حبابك وفي انتظارك
Post: #334 Title: Re: رحلتي مع مرض السرطان تفاؤل وحب وسخريه Author: malik_aljack Date: 10-13-2018, 02:52 PM Parent: #333
First let me apologize for writing in English ...I'm not yet able to have Arabic keyboard but will rewrite once I have it. The point I want to make here is that I couldn't stop reading until you stopped writing. It is a real story with real people and real great way of writing to everyone which is not the case of many writers now. Until I write in Arabic, let us enjoy it time after time BIssalamah ya fardda
Post: #335 Title: Re: رحلتي مع مرض السرطان تفاؤل وحب وسخريه Author: Haju Muktar Date: 10-14-2018, 08:29 AM Parent: #334
Quote: x Author: malik_aljack First let me apologize for writing in English ...I'm not yet able to have Arabic keyboard but will rewrite once I have it. The point I want to make here is that I couldn't stop reading until you stopped writing. It is a real story with real people and real great way of writing to everyone which is not the case of many writers now. Until I write in Arabic, let us enjoy it time after time BIssalamah ya fardda
حبيبنا مالك الجاك سلامات ياخي واول حاجه كويس انه الشاشه بتقرا عربي انت اكتب بالدايرو ونحن نرد .....وبعدين ياخي تغيب من المنبر كان عارف السرطان بخليك تظهر ....كان اتكلمنا من بدري ...جميل انك قريت السرد بي متعه ...ولسع مستنيك بي هناك تحياتي
Post: #336 Title: Re: رحلتي مع مرض السرطان تفاؤل وحب وسخريه Author: Haju Muktar Date: 10-18-2018, 06:02 AM Parent: #335
مطعم ابودبه اليمني من أشهر المطاعم في المنطقه العربيه في نانا سكوير وسط بانكوك ويقع في شارع ضيق ممتلئ بالمحلات التجاريه والمطاعم .فهو مطعم يقدم وجبات ممتازه الشيه والفول والمندي والكوارع والملوخيه.....الخ وبه أيضا جزاره فكنت في الايام الولي بسمع به من سكان العماره واحمد كان بجيب منه كبدة الضأن فكنت بحكم اني بفقد دم ومصاب بالانيمياء فكانت الكبده حاضره دايما في الفطور .وكنت متشوق امشي لهذا المطعم من كثرة ما سمعت عنه وبعد شديت حيلي شويه بقيت من المداومين علي المطعم .فعندما ذهبت وجدت معظم العمال أصحاب أحمد بن اختي فقد خلق معهم علاقه جيده .وايضا كانوا يمتاذون بصناعة المخبازه .وأغرب حاجه بالقرب من المطعم أيضا مطعمين ولكن كل ما امشي بلقي ما عندهم ولا زبون واحد رغم أنهم مجهزبن بطريقه انيقه وأكبر من من مطعم ابودبه المزدحم دوما وسخن رغم التكيف من كثرة الازدحام صاحب المطعم من اليمانيه القدامي في بانكوك وهو شخصيه لطيفه وبشوشه وحينما يلتقيك تشعر بالكرم في وجهه ومعظم الويترات من مينمار هميمات يستقبلنك بي بشاشه ما أن تجلس إلا و يستقبلنك بالشوربه والبصل الأخضر صغار الحجم ولكن جمره والليمون والشطه وبعداك حتي يجيبوا ليك المنيو وفي يوم بعد هذه الشوربه والبصل جاء إلينا من الويترات شاب يمني شكله جديد.في البدايه استفذانا وقال بطريقه فيها نوع من العجرفه بأن نغير تربيزتنا لشباب من الخلايجه. فرفضنا بشده وقلنا ليهو نحن جينا قبليهم وما بنتحرك من مكاننا وبعد مشاده كلاميه بينه وبين أحمد تدخل أحد المشرفين وفضي المشكله فقد كان يغرف أحمد جيدا...وطلبنا فول بعداك من الويتر ..فقلنا ليهو فول مصلح كعادتنا بنجي نقول فول مصلح بجيبوا لينا طبق فول مظبوط سلطه وطعميه وجبنه وزيت زيتون ...فقال سألنا عايزنو مصلح علي الطريقه العربيه اليمانيه ولا الطريقه السودانية..هنا انتفض أحمد للمره الثانيه ودخل في مشاده معه كيف تقول طريقه عربيه يمنيه وطريقه سودانية...تقصد طريقه السودان طريقه شنو ...دي عنصريه وا ..وا ...وقامت شكله تاني...فتدخلت انا المره دي وقلت ليهو خلينا الفول ممكن تدينا سلطة اسود وملوخيه... ولو عندكم فستق عبيد برضو ادينا....
Post: #338 Title: Re: رحلتي مع مرض السرطان تفاؤل وحب وسخريه Author: Haju Muktar Date: 10-19-2018, 07:45 AM Parent: #336
Quote: الف سلامة ليك يا شيخ هجو وربنا يديم عليك الصحة
عبدالحليم عثمان صديقي وكان زميلي في الجامعة وهو يعمل في ال UNHCR الان هو في تونس. رجل قل ان يجود الزمان بمثله
الاخ محمد الشيخ أرباب سلامات وربنا ينعم عليك بالصحه والعافيه فعلا عبدالحليم رجل أرباب وقل الزمان أن يجود بمثله فهو رجل فريد .عرفته في فتره قصيره وعصيبه وكان كأننا نتعارف من زمن طويل وربنا يديهو الصحه والعافيه تسلم كتير ي ارباب
Post: #339 Title: Re: رحلتي مع مرض السرطان تفاؤل وحب وسخريه Author: عثمان علي Date: 10-19-2018, 08:16 AM Parent: #336
Quote: وقال بطريقه فيها نوع من العجرفه
في وجود زي ده يا ابو الشباب، طوالي كان مفروض تعملوا خلف دور وتدوا المطعم عرض اكتافكم. واضح جدا انه (مشحون) ضد كل ما هو سوداني. وبالتالي لا ضمان لسلامة خدمته لكم (اقل شيء، ممكن يبص× ويت×) فيما يقدمه لكم من خلف ظهركم.
Post: #340 Title: Re: رحلتي مع مرض السرطان تفاؤل وحب وسخريه Author: Haju Muktar Date: 10-19-2018, 10:49 AM Parent: #339
Quote: في وجود زي ده يا ابو الشباب، طوالي كان مفروض تعملوا خلف دور وتدوا المطعم عرض اكتافكم. واضح جدا انه (مشحون) ضد كل ما هو سوداني. وبالتالي لا ضمان لسلامة خدمته لكم (اقل شيء، ممكن يبص× ويت×) فيما يقدمه لكم من خلف ظهركم
الاخ عثمان علي سلامات واضح انه شكلو كان قادم من اليمن جديد .بعد الحرب وعاصفة الحزم فبكون فعلا مشحون .لكن الشهاده لله صاحب المطعم وكل الاسطاف من اليمنيين القابلناهم كانت معاملتهم معنا مختلفه وفيها نوع من الاحترام .وطبعا هم قدام في بانكوك ويعرفوا السودان جيدا .وفي ذاكرتهم اهلهم الكانوا في السودان و المعلم السوداني في اليمن .فمن خلال ونساتنا معهم عرفناهم جيدا .ولكن طبعا آثار الحرب النفسيه عند هذا الشاب وجدنا له العذر تحياتي
Post: #341 Title: Re: رحلتي مع مرض السرطان تفاؤل وحب وسخريه Author: ناصر النعمان البدوي Date: 10-20-2018, 04:16 PM Parent: #340
الاخ الكريم هجو
الحمد لله الذي أنعم عليك بنعمة الصحة والعافية والف حمدا لله علي سلامتكم
Post: #342 Title: Re: رحلتي مع مرض السرطان تفاؤل وحب وسخريه Author: Haju Muktar Date: 10-21-2018, 07:56 AM Parent: #341
Quote: الذي أنعم عليك بنعمة الصحة والعافية والف حمدا لله علي سلامتكم
تسلم الاخ ناصر وربنا يواليكم بالصحه والعافيه وما تشوف شر ي رب
Post: #343 Title: Re: رحلتي مع مرض السرطان تفاؤل وحب وسخريه Author: Haju Muktar Date: 10-27-2018, 05:45 PM Parent: #342
بعد العمليه ونسبة لضيق ذات المعده وزني نزل كتير جدا وبعد رجوعي كمبالا في المطارات كانت صورة الجواز مختلفه فكان موظفي الجوازات دايما في حالة تدقيق لصورة الجواز والتحقق من شخصيتي فعندما وصلت يوغندا زارني صديق وكان قال اجمل تعليق ..قال لي شكلك تمام أعتبر نفسك صمت رمضان في احدي قري الجنوب ايام الحرب ورجعت المدينه . طبعا يوغندا من الدول التي حاربت الإيدز بالتوعيه عبر المناهج الدراسية والإذاعات المحليه التلفزيونات وحملات شعبيه كبيره ففي فترة التسعينات كان الإيدز منتشر جدا فمن كثرة التوعيه اصبح الناس متصالحين معه معرفيا .وبما أن الشعب اليوغندي طعامه صحي يخلو من الكيماويات فنادر جدا تلقي زول عندو سكري او سرطان او حتي ضغط فهم شعب يمتاز بالصبر وطولة البال ففي الشارع ما اظن تسمع عربيه في زحمه استخدم سائقها البوري او المنبه واحياننا ممكن تقيف بي عربيتك ومنها تنادي بتاع بقاله وتطلب احتياجاتك ويرجع يجيبم ليك من البقالة وتديهو القروش ويرجع يجيب الباقي وانت تكون واقف في نص الشارع وراك كميه من العربات .مافي زول يعترض يقول ليك انت عطلت الحركه او زول يضرب بوري ولو في زول ضرب بوري تعرف انه أجنبي. فبعد ما رجعت من بانكوك كثير من معارفي اليوغنديين يسالونني وين انت زمن طويل فكنت اقول ليهم كنت عيان يقولوا لي مالك لمن اقول لي زول كان عندي سرطان يفرو مني زي الأجرب. والحنين فيهم يبدا يسالك كيف السرطان كان وبعالجوهوا كيف وبيسمعوك في اندهاش والعجب لمن تجيب سيرة العلاج في تايلاند بتكون الدهشه فاتت حد بحيرة فكتوريا.كيف يعني زول يمشي يتعالج في تايلاند . ولو الواحد قال عندي ايدز يجويك قريب وينحوا عليك بي شغقه ويكفر ليك بي حنيه وممكن يحضنك ويقول ليك معليش انت بس ركز علي الخضار واستخدم الأدوية..وممكن طفل في الروضه يديك محاضره عن الإيدز تقول بروف عديل كده ...لكن تجيب سيرة السرطان كانما كفر بن يوسف ....
Post: #344 Title: Re: رحلتي مع مرض السرطان تفاؤل وحب وسخريه Author: Haju Muktar Date: 10-29-2018, 10:05 AM Parent: #343
امي كأني التقيها اول مره في حياتي امي عليها رحمة الله كانت دائما حاضره معي في لحظات الالم بدعواتها *************** سماء بانكوك دائما في حالة أمطار ورعد وانا من غرفتي وفي سريري اصارع الألم وصوت الرعد يدغدق أحشاء الألم المبتل بعرق جسدي فقد كنت خارجا للتو من المستشفي بعد أن تم نقل دم الي عباره عن زجاجتين فقد كنت اتخيل الدم المنقول يمتزج مع دمي في تململ يتصارعان مع بعضهما مما جعل جسدي يفرز العرق بغزاره واهرب بي المي نحو نافذه الغرفه المطله علي محطة القطار فارقب حركة القطارات في حركه دؤبه رغم هطول الأمطار .فاحن الي دعوات امي وهي في العالم الآخر ففي تلك اللحظه صوتها يأتيني مع صافرة القطار حينما يدخل المحطه وهي تدعوا لي بالشفاء وتنده أولياء الله الصالحين ..كنت اتخيل منظرها وهي بي ثوبها الملون وشلوخها التي تقف في خديها بشموخ وكبرياء وسبحتها اللالوبه الالفيه التي لم تفارقها في حلها وترحالها..صورتها بين القطارات ورزاز المطر والضباب وتداخل صوت دعواتها وصوت القطارات وأنين المي والعرق يتصبب في جسدي كانه هارب من معركة امتزاج الدم المنقول ودمي الذي يقاوم الدخيل .وفجاءة أشعر بضربة سبحة امي في راسي وهي تلعن شيطاني وتدعو لي بأن يهديني الله الي الصراط المستقيم ..واعيد النظر الي النافذه فلا أري الا قطارات تتحرك والناس في حركه سريعه مابين راكب ونازل ويخرج قطار من المحطه ويدخل قطار من الاتجاه المعاكس في تناغم وزمن محدد .وأيقنت ان محطتي هذه ساغادرها وان الامل في الشفاء قريب جدا . وهاهي دعوات امي تغطيني و تمسح العرق من جبيني .فقد كانت تلازمني في مرضي وكنت كثيرا ما احلم بها وانا في صحوي واتزكر طفولتي حينما امرض وهي تغطيني بثوبها وتضع المبخر امامي وبه جمرات فحم بقايا من الكانون بعد أن انتهت من تسخين اللبن وفي طرف ثوبها دايما صرة بها كمون اسود فتداعب ربطه الصره باناملها وتحل عقدتها وتدعو ربي بأن يفك كربتي فتخرج الكمون وتبخرني به وهي تتلو آيات متداخله لم افهما ولن افهمها...كانما ربنا خصاها بها ..كل هذه الصور تتداخل في راسي وانا اصارع الالم في صمت ..
Post: #345 Title: Re: رحلتي مع مرض السرطان تفاؤل وحب وسخريه Author: احمد سيد احمد Date: 11-06-2018, 06:01 PM Parent: #344
جميل جدا يا اخونا هجو ومستمتع بسردك الجمال وكتابتك بسيطة وعميقة في نفس الوقت...لفت انتباهي جدا حديثك عن طولة بال الشعب اليوغندي فارجو ان تزيدنا من حكاوي طولة بالهم ولك جزيل الشكر... كيف الصحة الان عساك ما شكيت من شي تاني وامورك كلها طيبة؟
Post: #347 Title: Re: رحلتي مع مرض السرطان تفاؤل وحب وسخريه Author: Haju Muktar Date: 11-07-2018, 12:57 PM Parent: #345
Quote: جميل جدا يا اخونا هجو ومستمتع بسردك الجمال وكتابتك بسيطة وعميقة في نفس الوقت...لفت انتباهي جدا حديثك عن طولة بال الشعب اليوغندي فارجو ان تزيدنا من حكاوي طولة بالهم ولك جزيل الشكر... كيف الصحة الان عساك ما شكيت من شي تاني وامورك كلها طيبة
الاخ احمد سيد احمد سلامات ..والحمدلله الصحه عال العال تعرف ي سيد احمد الشعب اليوغندي ممهول مهله عجيبه خلاص .يعني الفوره مليون وعندهم الحريق حريق مطافي...ممكن الكوشتينه موزعه من زمن عيدي أمين ولحدي اليوم ما في زول حرق .شفت طولت البال دي ..مره صديقنا مسافر من مطار عنتبي الإمارات وكان ما عندو حجز مؤكد .مشي المطار مع بتاع تاكسي وفي موقف المطار قال لصاحب التاكسي انتظرني انا احتمال ما اسافر عشان ارجع معاك ..ولو بقيت مسافر قبل اركب الطياره ح اتصل عليك عشان ترجع ودفع له الاجره. وصاحبنا دخل المطار ولقي مقعد في الطياره وعمل اجراءته وركب الطياره واقلعت من مطار عنابي حوالي الساعه تلاته عصر .ووصلت الإمارات حوالي الساعه عشره مساء وصاحبنا عمل اجراءته وطلع من مطار دبي وفي حوالي الساعه حداشر فتح تلفونو شغال رومين. بعد شويه الجرس ضرب لمن رد لقاهو بتاع التاكسي قال ليهو ....بوص وير اريو....انت وين ...صاحبنا اتخلع. قال الله انا نسيت بتاع التاكسي . قال ليهو انا وصلت الإمارات ونسيت اضرب ليك .بتاع التاكسي رد ليهو بكل برود قال ليهو ...اها يعني خلاص انا ارجع البيت .... تخيل لو كان بتاع التاكسي سوداني ....كان ممكن يحصل شنو انا اتخيل لي طولة البال من ثقافة الشعوب الزراعيه وعندها علاقه بي نمط الحياه والطقس
Post: #349 Title: Re: رحلتي مع مرض السرطان تفاؤل وحب وسخريه Author: احمد سيد احمد Date: 11-07-2018, 06:06 PM Parent: #347
سلامات يا اخونا هجو والله دي مهله عجيبه خلاص والفورة مليار عديل ههههههههههه
Post: #346 Title: Re: رحلتي مع مرض السرطان تفاؤل وحب وسخريه Author: محمد حيدر المشرف Date: 11-06-2018, 11:45 PM Parent: #1
هجو ازيك .. افيدكم اني لم أقرأ هذا البوست تهيبا..
Post: #348 Title: Re: رحلتي مع مرض السرطان تفاؤل وحب وسخريه Author: Haju Muktar Date: 11-07-2018, 03:59 PM Parent: #346
Quote: هجو ازيك .. افيدكم اني لم أقرأ هذا البوست تهيبا
محمد المشرف سلامات عساك طيب التهيب من شنو القصه طلعت ونسه عنوان البوست مخيف لكن القصه طلعت ساره رحمه ساااااي ههههه تسلم ي اخوي
Post: #350 Title: Re: رحلتي مع مرض السرطان تفاؤل وحب وسخريه Author: Fatima Alhaj Date: 11-08-2018, 10:22 AM Parent: #1
سلام يغشاك أيها المقاتل الشرس لمدة يومين لم استطيع أن أخرج من هذا البوست ألف الحمد لله على السلامة وربنا يتم عليك العافية قادر يا كريم. تعرف أخي هجو رحلتك مع هذا المرض اللعين فتحت عيني على اشياء كثيرة، أحسست بتافهة ما ندعي كذباً إنها مُعاناة نعيشها بسبب قسوة الغربة والاحباطات التي نعيشها بسبب الغدر والخيانة والفشل . تعلمت منك أن أهم من النجاح القتال من أجل النجاح. كم هي جميلة الحياة. ربنا يطمنا عليك كمان وكمان، ويطمن أسرتك الصغيرة والكبيرة وبالتأكيد أنت آلان أقوي من ذي قبل. متابِعة لمزيد من هذا السرد المُلهم. أختك فاطمة الحاج
Post: #351 Title: Re: رحلتي مع مرض السرطان تفاؤل وحب وسخريه Author: Haju Muktar Date: 11-08-2018, 02:53 PM Parent: #350
Quote: سلام يغشاك أيها المقاتل الشرس لمدة يومين لم استطيع أن أخرج من هذا البوست ألف الحمد لله على السلامة وربنا يتم عليك العافية قادر يا كريم. تعرف أخي هجو رحلتك مع هذا المرض اللعين فتحت عيني على اشياء كثيرة، أحسست بتافهة ما ندعي كذباً إنها مُعاناة نعيشها بسبب قسوة الغربة والاحباطات التي نعيشها بسبب الغدر والخيانة والفشل . تعلمت منك أن أهم من النجاح القتال من أجل النجاح. كم هي جميلة الحياة. ربنا يطمنا عليك كمان وكمان، ويطمن أسرتك الصغيرة والكبيرة وبالتأكيد أنت آلان أقوي من ذي قبل. متابِعة لمزيد من هذا السرد المُلهم. أختك فاطمة الحاج
الأخت فاطمه الحاج الله يقبل حمدك وماتشوفي شر ي رب هي رحله الحمدلله بقدر ما كانت صعبه وقاسيه الا انها كانت مفيده وبها الكثير من العبر وكانت فعلا محطة تغير في حياتي ...واكتشفت فيها ذاتي وقد عرفت كم هو حب الناس والاصدقاء عظيم تحياتي وربنا يديك الصحه والعافيه
Post: #352 Title: Re: رحلتي مع مرض السرطان تفاؤل وحب وسخريه Author: معاوية المدير Date: 11-08-2018, 03:57 PM Parent: #351
سلآم أخي هجو وألف سلآمة ليك يا زول . والله قالوا اللوم بيجي بالغفلآت ؤ مرآت الحاجة تبقى جنبّك ؤ تفوت عليك، كل يوم بعاين للبوست واللوم ماسكني منّو. ألف سلآمة ليك يا زول وإن شاء يوم أصلك وأسلملك فوق راسك. دا خبر مُفرح مُبكي، الله يديك العافية ...
Post: #353 Title: Re: رحلتي مع مرض السرطان تفاؤل وحب وسخريه Author: Haju Muktar Date: 11-09-2018, 12:05 PM Parent: #352
Quote: سلآم أخي هجو وألف سلآمة ليك يا زول . والله قالوا اللوم بيجي بالغفلآت ؤ مرآت الحاجة تبقى جنبّك ؤ تفوت عليك، كل يوم بعاين للبوست واللوم ماسكني منّو. ألف سلآمة ليك يا زول وإن شاء يوم أصلك وأسلملك فوق راسك. دا خبر مُفرح مُبكي، الله يديك العافية
اخي وحبيبي معاويه المدير ...ي مدير بس عليك الله في مدير بيلوموهو ..حاشاك اللوم. نمرض نحن ونكفر ليك انت ...والله يجعل لينا يوم نتلاقي ونتقالد وربنا يديك العافيه وما تشوف شر ي رب
Post: #354 Title: Re: رحلتي مع مرض السرطان تفاؤل وحب وسخريه Author: Haju Muktar Date: 11-10-2018, 01:45 PM Parent: #353
صديقي( ك) التقيته في بانكوك كان معنا يسكن في عماره معاويه جاء إلي بانكوك برفقة ابنه صاحب العامين شفاءه الله كان قد ولد يعاني من نقص في الأوكسجين مما سبب له مشكله في الحركه ..جاءوا إلي بانكوك بقصد العلاج .كنت اري صديقي ك يخرج وينزل في نشاط برفقة أسرته وابنه لم نكن أصدقاء فقد كنا بالكاد تعارفنا ونلقي التحايا لي بعض واحيانا لا نلقيها فقد كنا نجتمع في أمسيات السبت وهو قليل الكلام ملتزم كثيرا ودار نقاش بينا في مواضيع شتي وكنا نختلف كثيرا فيها فهو جاء من العالم الأول يحمل جواز دوله متقدمه ونحن قادمون من مجاهل افريقيا ..وكنت اري في عينيه أحيانا كثيره نظرة عدم رضاء لتمردي في آرائي في الونسه وايضا استنكارا اراه في طريقة حياتنا وتعاملنا مع السرطان بي استهتار واستخفاف اتخيل لي الناس راسمه شخصيه لمريض السرطان وحينما يعرفونني يجون شخصيه غير التي في ذهنهم. هناك ناس يرون في مريض السرطان ذلك الإنسان المسكين المستسلم الذي يكون تبرع بثروته وأصبح ذاهدا في الدنيا وطابق مصلايتو ومصحفوا الاربعه وعشرين ساعه وأي شئ في الدنيا عباره عن معاصي يجب أن يبعد عنها .وطبعا في ناس بالشكل ده انا قابلتهم في المستشفى في بانكوك بجو شايلين المصاحف لحظه انتظار الدكتور أو الفحص وفي المستشفى شايف في رفوف في البهو بتاع الانتظار مرصوصه كميه من المصاحف بلغات عديده .دائما كنت أنظر إلي هؤلاء بنظره لا استطيع ان احددها ولكن قد يكون عدم ايمان مني او احتمال ايمان زائد وبه تصوف او شئ ما .فكان صديقنا مستنكر كل تصرفاتي خصوصا حينما يجد التلفزيون عندي شغال موسيقي وغني ودوريات أوربية ..الخ .واحيانا كتيره يكون في زيارتي أصدقاء والليالي بها ي حله تنوري وانا ذاتي ماسك عداد الكهرباء.فكانت علاقتنا غير مريحه بالنسبه له .وذات يوم جاءني وانا مستلقي في كنبتي وقت القيلوله تحت العماره بعد أن القي التحيه فكان في غير عادته وجهه مهموم وحيله مهدود ما ذلك الرجل النشط .ردت له التحيه وجلس إلي جانبي في تعب وقال لي كويس اني لقيتك هنا .انا كنت ح اطلع ليك في شقتك .قلت ليهو خير ي حبيب مالك .قال لي انا قبل كم شهر كنت في السودان مشيت الدكتور وفحصت قالو لي عندك جرسومه في المعده. وهسه قلت افحص هنا مشيت الدكتور فحصت.قالو لي احتمال يكون في ورم سرطاني المفروض اعمل فحوصات وقلت قبل اعمل اي حاجه اجي اقعد معاك ... نواصل
Post: #355 Title: Re: رحلتي مع مرض السرطان تفاؤل وحب وسخريه Author: Haju Muktar Date: 11-12-2018, 01:11 PM Parent: #354
نواصل قلت ليهو ي زول خير .غالبا الفحوصات الاوليه دي مرات بتكون ما حقيقيه .انت الطبيب قال ليك شنو بالضبط .قال لي حكيت ليهو بالاعراض العندي وفحص الدم وقال احتمال يكون في ورم في القولون .قلت ليهو وهل عمل سيتي اسكان ولا بيتي اسكان .قال لي لا . وهل شال عينه .قال لا .لكن قال اجي اقابله بكره واكون صايم عشان يعمل منظار و سيتي اسكان .وانا ذي ما قلت ليك ما اعمل حاجه الا اجي راجع ليك .ولو في طريقه تحجز لي عند الدكتور البتتابع معاهو انت ..طمنته وقلت ليهو ما تشيل هم الموضوع يكون قابل لي احتمالات. كدي انت بكره صوم وخلي يشيليلو العينه ويعمل السيتي اسكان وبعداك نشوف كلام الدكتور شنو .ما في داعي هسع تغير الدكتور .وممكن بعد تقابله ونشوف كلامه. نشيل برضو الفحوصات وتمشي بيها لي دكتور صالح المتابع حالتي .لكن اطمئن. .وبدأ يسألني في قلق عن الورم العندي وظهر لي متين والعلاج ماشي كيف وهو لو الورم في القولون ما زي الورم الفي المعده وأسأله كتيره ومامرتبه ..عرفت انه صاحبي متوتر ولازم أهديهو. واطمنو .قلت ليهو ما تقلق غالبا الورم بتاعك ده يكون حميد لأنه معظم الأورام البتكون عندها علاقه بالقولون دي اصلا أورام غازات. المهم كان كلام غير علمي لكن كنت عايز اخفف ليهو وادرج الموضوع .واتفقنا ما يجيب سيره لي زول وينتظر لحدي تاني يوم يرجع الدكتور ويعمل السيتي اسكان ويشيلوا العينه وبعداك نشوف ممكن يحصل شنو .وفعلا تاني يوم الصباح اتوجه نحو المستشفي لعمل المنظار والسيتي اسكان .وفعلا الطبيب قال ليهو النتيجه بعد تلاته يوم نواصل
Post: #356 Title: Re: رحلتي مع مرض السرطان تفاؤل وحب وسخريه Author: محمد عبدالله مختار Date: 11-15-2018, 05:09 PM Parent: #355
عزيزي هجو ود مختار الف حمداً لله على السلامة .. أسأل الله تبارك وتعالى أن يديم عليك نعمة الصحة والعافية
Post: #357 Title: Re: رحلتي مع مرض السرطان تفاؤل وحب وسخريه Author: Haju Muktar Date: 11-16-2018, 10:40 AM Parent: #356
Quote: عزيزي هجو ود مختار الف حمداً لله على السلامة .. أسأل الله تبارك وتعالى أن يديم عليك نعمة الصحة والعافية
العزيز محمد عبدالله مختار ربنا يقبل حمدك وما تشوف شر ي رب ويديك العافيه ونحمد الله كثيرا علي نعمة الصحه وتجاوز تجربة السرطان. التي تعلمت منها كثيرا ورغم قساوتها الا انها كانت مفيده .
Post: #358 Title: Re: رحلتي مع مرض السرطان تفاؤل وحب وسخريه Author: Haju Muktar Date: 11-20-2018, 10:02 AM Parent: #357
نواصل كان صديقي مقلق جدا في خلال التلات يوم وفعلا بعد تلاته يوم ظهرت النتيجه وكان الخبر اليقين بأنه سرطان في المرحله الثانيه وبعد مشاورات اتفقنا مع احمد يمشي يحجز ليهو عند دكتور صالح في المستشفي الأمريكي وفعلا قابل دكتور صالح وألقي نظره علي الفحوصات وطالبه ببعض الفحوصات ومنها بيتي اسكان حتي يكون دقيق في وضع برنامج العلاج ويتاكد أكثر. وفعلا بعد نتيجه البتي اسكان قرر الطبيب أن يخضع لعلاج كيموثربي لمدة اثني عشر جلسه وبعد أن راجع التكاليف كانت مرتفعه جدا ووجد أن التأمين الصحي لايغطي العلاج في بانكوك بعد أن كان اتصل بسفارة بلده فنصحوه ناس سفاراته بأن يرجع الي وطنه حيث أن العلاج هناك متقدم والتامين الصحي يشمله . وفعلا حزم أمتعته ورجع الي عالمه الأول وهو الآن يتلقي العلاج هناك وفي تقدم ملحوظ فلا زلنا علي اتصال شبه يومي ومتابع حالته جيد ...ويحتاج لدعواتكم واتمني من كل من يمر علي هذا البوست أن يدعوا لصديقي بالشفاء العاجل ....واتمني من الله ان لاتشوفوا شر في انفسكم أو في عزيز لديكم ******************************************* هذه هي كانت رحلتي مع السرطان .الحمد لله اجتزتها .وقد كانت تجربه اظن انها من التجارب التي قال عنها المسيح عليه السلام اللهم لا تدخلني في تجربه ...واقول قول السيد المسيح اللهم لا يدخلكم ولا يدخل عزيز لديكم في هكذا تجربه . الحمد لله والشكر لله فالآن انا بصحه جيده . وأشكركم جميعا علي متابعة البوست وارجو ان تغفروا لي اخطائي وانفعالاتي ولكم مني كل الحب والتقدير واتمني منكم الدعاء لأبن عمي دكتور الباقر العفيف بالشفاء والدعاء لكل مريض تحياتي
Post: #359 Title: Re: رحلتي مع مرض السرطان تفاؤل وحب وسخريه Author: احمد حمودى Date: 11-20-2018, 11:02 AM Parent: #358
عاجل الشفاء للدكتور الباقر واخونا احمد وان يمن لك ثوب العافية دائما يا رب
نواصل وفعلا طلعت تاني يوم من المستشفي ولاحظت الشهيه للاكل تغيرت للأحسن وبقيت اقدر اتمشي في شوارع بانكوك في الامسيات جميله الشوارع صاحبه لاتنام...وصادف ان زارني صديق عزيز منذ أن كنا في الثانوي نحن اصدقاء وتفرقت بنا سبل الحياه والتقينا بعد خمستاشر سنه وأصبحنا نلتقي دوما وحينما سمع بمرضي كان في القاهره جاءني مخصوص في بانكوك ومكث معي أكثر من عشره يوم كانت من اجمل الأيام فقد قضيناها حوامه ما بين جزيرة بتايا ...كما يسميها السودانيين بتايا بلد الهدايا... بكسر الهاء . وركوب الافيال ......نواصل
