معظم أسر شهداء سبتمبر ٢٠١٣م تعيش أوضاع إنسانية ومأساوية

02:47 AM September, 03 2018 سودانيز اون لاين
Omer Mustafa-USA- Washington State - Retchland
مكتبتى
رابط مختصرمعظم أسر #شهداء_سبتمبر تعيش أوضاع إنسانية ومأساوية وعلي حسب الإتصالات مع الأخت أحلام خضر أم الشهيد هزاع التي قالت أن معظم الذين استشهدوا كانوا يعلوون أسرهم وقد تواصلت ام الشهيد هزاع مع بعض الأسر فهم في اشد الحوجة ومد يد العون و المساعدة و جزء منهم متعفف جدا ويعاني جور السلطان ومرارة فقدان الحبان وفلذات اكبادها وقساوة ظروف الحياة الطاحنة في السودان. علي الرغم من إن بعض الأسر قدمت تنازلات نسبة لظروفها القاسية و استلمت تعويضا في دماء ابناءها ، اتمني أن نتبني مبادرة كناشطين وإعلاميين واخوان في الإنسانية باعانة واعالة أسر شهداء ضحايا تجار الدين بعديدا عن المزايدات السياسية وتقديم يد العون لهم. و كما يجب علينا أن ناخد بيد جميع اسرة الشهداء في عهد حكومة الجبهة الإسلامية وتجار الدين ، وتقديم يد العون ومساعدة وإعالة جميع أسر الشهداء الابرار ابتداءا من شهداء الحركة الطلابية وشهداء ٢٨ رمضان مرورا بشهداء معسكر السليت و شهداء كجبار و بورتسودان وسبتمبر ونيرتتي وكلمه وجميع الشهداء الأبرار حتي لا تموت فينا روح المقاومة واقتلاع هذا النظام الجاثم علي صدورنا ، دعونا ننزل الذكري الرابعة لشهداء سبتمبر هذه العام لواقع ملموس وعهد للشهداء الكرام بأننا لن نتخلي عنهم وأن فجر الخلاص قريب جدا وسيأتي يوم القصاص في الدنيا قبل الاخرة وسوف يحاكمون كما تمت محاكمة الجبابرة و الطغاة من قبل. اتمني صادقا من كل من يؤمن بمد يد العون لشهداء سبتمبر التواصل معي في الخاص او التواصل مع الاستاذة مني عمسيب او التواصل ام هزاع ام هزاع في صفحتها في الفيسبوك او التواصل في هذا البوست لإيجاد وسيلة أفضل لمد العون لأسر الشهداء الأبرار. والله من وراء القصد،،،

مبادرة جميلة يا أخ عمر مصطفى

وعلى استعداد للمساهمة بالمستطاع

بس حددو الآلية وورونا

يمكنك التواصل معي في الخاص
رقمي : 0015097711600
او التواصل مع ام هزاع
الرقم : 00249911328460
او الاستاذة :مني عمسيب
او الاستاذ : محمد عصمت

التحية للجميع .. عمر مشكور علي الدعم وياها المحرية فيك .

انت دا البتلعل لانك لا معروف مجنون لامخرف .
دا ما الكلام ذاتو البحذر منو الكنزي؟ ما قلنا الناس تلعلع ساي

بعدين انا موش فاتحى بوست باسم الشهداء من ما استشهدوا
حصل يوم جيت اترحمت عليهم عشان تعرف اخو الاخوات
عمر مصطفي البدعم في اسر الشهداء ووصلني معاهو لهذا
الشرف والرضي عن النفس ؟؟؟

لو سمحت سيب الخرف وامشي اترحم علي الشهداء في البوست
واقرأ الحاصل شنو ... المشكلة انك ما واعي لي نفسك !

Quote: وكان بت عمسيب بتدعم اسرة او اكثر ليس من حر مالها المكتسب بعرق جبينها ولكنها اموال دافع الضرائب الهولندي وهو احق بها من اسر شهداء سبتمبر ولكن من يقول البقلة في الابريق غير الكنزي

يا الكنزي ومنو القال ليك بت عمسيب عايشة علي دافع الضرائب الهولندي ؟؟؟
مني عمسيب شهادة لله شغالا بعرق جبينها وكنت اسكن بالقرب منها واعرف ذلك
تماما. امرك غريب يا كنزي تستشهد بالاحاديث النبوية وعامل لينا فيها ابي حنيفة النعمان
ولا تتورع ان ترمي الناس بالباطل قبل اقل من اسبوع رميت الاخ سفيان بهذة الفريه ورجعت
اعتذرت ورجعت مرة اخري في اعتذارك اسمح لي اقول ليك انت انسان غير امين ولا تتورع
برمي الناس بما ليس فيهم الا تخاف يا رجل ان تدعو عليك بنت عمسيب بعد صلاة الصبح ؟

انت لو كنت بتلهط في سويسرا اموال دافعي الضرائب والشغلانية ماكلا معاك جنبه ما كل
الناس الموجودين في اوربا بيلهطوهوا فاااشنو ارحم نفسك يأخ

علي الكنزي السلام عليكم ...


زمان جدي كان لما نمشي ليهو بتهمنا باي شئ الف رحمة ونور
تنزل عليه .. اتذكر كنا اطفال يقول لي امي عيالك سرقوا مركوبي
والقيامة تقوم ولا اي بهتان تاني بالسرقة لانه كان مخرف اها اسه
نحن نتعامل معاك علي هذا الاساس لانه الكلام البتكتب فيهو دا كلام
زول مخرف .
ناس بت عمسيب ديل بشتغلو بالعاطفة والاستعراض بدماء الشهداء
وكان بت عمسيب بتدعم اسرة او اكثر ليس من حر مالها المكتسب بعرق
جبينها ولكنها اموال دافع الضرائب الهولندي وهو احق بها من اسر شهداء
سبتمبر ولكن من يقول البقلة في الابريق غير الكنزي
يا كنزي الحمد الله انا شغالة بضراعي اللهم لك الحمد لانه قروش الضرائب
ما بتكفي ادعم الناس قروش محدودة انا شغالة لي سبعتاشر سنة وشايلة اهلي
برضو وهذا ليست بطولات ولكن واجبي تجاه اهلي وكل من استحق الدعم
لانه من فضل ربي .

اخيرآ بتمني منك تتحري الصدق قبل البهتان لانك ما اول مرة تبهتني فيها
انت بهت الموتي خلي انا !!! لو سمحت سيب البتعمل فيهو دا وركز في
المهم انت لما فتحت بوست ضد الشهيد الاستاذ اسراه سمحت ليك ي كدا؟
الله يهديك وبكرر تحري الصدق اولآ .

Quote: يا عادل الباهي انا لهطا لهط من دافعي الضرائب السويسرية واسا بجيبو لي معاشي في السودان شفتا الحظ دا كيف؟ بس الكلام في الناس العاملة مجاهدة ودخلت دول الغرب بدعاوي الاضطهاد السياسي وما هجرهم إلا الظرف الاقتصادي وبت عمسيب لو اليوم شغالة دا خبر كويس لكن دم دافعي الضرائب الهولندية يجري في عروقها وعروق كل من يأتي لهذا المنبر ليعطينا درسا في النضال الوطني وهو ماهجر غير شرعي لدول الغرب

كالعادة بتدخل الناس بحمد وتطلعهم بخوجلي وعندك طولة بال للجرجرة ورمي الناس
بما ليس فيهم ، أنا عن نفسي كشفت انك زول بتاع غلاط منذ بوست الالترس بتاع الهلال
لمن رفع صورة هتلر وجيت وراسك والف سيف الكاف حيستبعد الهلال وووو الخ من داك
الزمن فهمتك صاح وعرفت النقاش معاك مضيعة للزمن ومافي زول بيأخذ منك لا حق ولا باطل
وبتلف وتدور في فلك الانا .

يا كنزي بما انك بتتباهي برزق الحرام !!!!

فبقول ليك :
انا لهطا لهط من دافعي الضرائب السويسرية واسا بجيبو لي معاشي في السودان شفتا الحظ دا كيف؟
سيذهب الحرام من حيث اتي .

واللهم اكفني بحلالك عن حرامك واغنني فضلك عن من سواك .

حبيبنا الكلس \ ود الباهي تحياتنا والاشواق .


انا ذاتي يا عادل اكتشفته من جاء وواجهته واسه
البقوله لي دا كلام انتقام عشان واجهته وحذرت منه
هههههههههه . زول حالته متاخرة نسال الله السلامة .

كالعادة بتدخل الناس بحمد وتطلعهم بخوجلي وعندك
طولة بال للجرجرة ورمي الناس بما ليس فيهم ، أنا عن نفسي
كشفت انك زول بتاع غلاط منذ بوست الالترس بتاع الهلال
لمن رفع صورة هتلر وجيت وراسك والف سيف الكاف حيستبعد
الهلال وووو الخ من داك الزمن فهمتك صاح وعرفت النقاش معاك
مضيعة للزمن ومافي زول بيأخذ منك لا حق ولا باطل وبتلف وتدور
في فلك الانا .

up