اولاً نبارك لك القناة يا بت عمسيب وربنا يزيد ويبارك ... هل هناك ما يفيد إن هذه الأموال أي أموال العقارات التي ذكرها المتحدث في الفديو الأول ... هي لسودانيين اسلامويين او كيزان ... يا مني يا أختي دي اموال اللاوطنيين عديمي الذمه الماعايزين البلد تستفيد الواحد من السعوديه بلاد العم سام ... وغيرها يجي يركض في مصر القريبه دي او اي من دول الجوار ويتكثر هذه الاموال علي البلد ولو فعل يدخلها بطرق غير رسميه لا يستفيد منها النظام المصرفي . قبل يويمين النذير حجازي قال عايز يختار مصر بلد التقاعد لما بها من ميزات لفت نظري القرب والبيئة المتماثله للسودان... مثل النذير دا كثيرين يا مني إن لم تكوني واحد منهم ... : : : مع التحيات لله الزاكيات .
Quote: يا مني يا أختي دي اموال اللاوطنيين عديمي الذمه الماعايزين البلد تستفيد الواحد من السعوديه بلاد العم سام ... وغيرها يجي يركض في مصر القريبه دي او اي من دول الجوار ويتكثر هذه الاموال علي البلد ولو فعل يدخلها بطرق غير رسميه لا يستفيد منها النظام المصرفي .
سلام يا محمد حمزة الحسين
المشكلة ما في الناس الجمعت قروشها خارج السودان بالحلال و بعرق جبينهم وإستثمرتها خارج السودان. ديل من حقهم تماماً يودوا قروشهم محل ما دايرين. عشم السودان في إنو ينتفع بقروش المغتربين والمهاجرين ولو كان في غير مصلحتهم دا نوع من الفساد وإنعدام الكرامة. المشكلة في الناس البتغرف من جوة السودان على حساب قوت الشعب السوداني وترمي برة.