في الدقيقة 1:48 تقول - فض فوها - اذا ميشيل اوباما قالت when u go low, we go high إحنا ينقول ليكم when u go low, we go low!! اظنو الخجل منعها تقول we go low أوطى منكم !
Post: #2 Title: Re: تراجي: when u go low, we go low !! Author: محمد البشرى الخضر Date: 09-01-2018, 02:04 PM Parent: #1
تخيّل دا مستو طرح مرشّحة لرئاسة الجمهورية! هي نان اذا المرشح الرئيس كلامه سب ليها الدين وصرفت ليها بركاوي! ح نجيب مرشحين منافسين زي الناس من وين؟ ياهو كلّو زي دا !
Post: #3 Title: Re: تراجي: when u go low, we go low !! Author: محمد الأمين موسى Date: 09-01-2018, 04:53 PM Parent: #2
Post: #4 Title: Re: تراجي: when u go low, we go low !! Author: Frankly Date: 09-01-2018, 04:56 PM Parent: #2
Quote: هي نان اذا المرشح الرئيس كلامه سب ليها الدين
يا ود البشرى وين الكلام دا؟ سب دين عديييييل كدا؟؟
Post: #5 Title: Re: تراجي: when u go low, we go low !! Author: محمد البشرى الخضر Date: 09-01-2018, 05:08 PM Parent: #4
ياهو يا فرانكلي
Post: #7 Title: Re: تراجي: when u go low, we go low !! Author: Frankly Date: 09-01-2018, 05:15 PM Parent: #5
وين يا ود البشرى؟
في ياتو دقيقة؟
Post: #6 Title: Re: تراجي: when u go low, we go low !! Author: nour tawir Date: 09-01-2018, 05:09 PM Parent: #2
الاسئلة الملحة أخى العزيز محمد البشرى خضر...
1- أين الجمهورية السودانية ؟ 2- ماهى الجمهورية السودانية ؟ 3- ماهو وضعها القانونى ؟ 4- و الدستورى ؟ 5-و التنفيذى ؟ 6-و الاقتصادى ؟ 7-و ماهو هو مستواها الصحى ؟ 8- و التعليمى ؟ 9- و ماهو مستوى رفاهية مجتمعها ؟
و الى حين الاجابة على الاسئلة المطروحة عاليه.. على الشعب السودانى أن يتحّمل أى بالوعة تطفح.. و فى أى وقت.. و الى أقذر مستوى..
Post: #8 Title: Re: تراجي: when u go low, we go low !! Author: محمد البشرى الخضر Date: 09-01-2018, 05:49 PM Parent: #6
يا استاذة نور مهما كان الانحطاط في الدولة نتوقع الأفضل ممن يطرح نفسه بديل لكن ان يفوق النظام في انحطاطه يبقى ما الفائدة
في الثانية اربعة من الفيديو الاول يا فرانكلي يقول " زمان الميكانيكية يقولوا الحديد كان ما سبيت ليه الدين ما بدور"
Post: #10 Title: Re: تراجي: when u go low, we go low !! Author: Frankly Date: 09-01-2018, 06:02 PM Parent: #8
Quote: في الثانية اربعة من الفيديو الاول يا فرانكلي يقول " زمان الميكانيكية يقولوا الحديد كان ما سبيت ليه الدين ما بدور"
لكن دي تفرق كتير جداً من
Quote: اذا المرشح الرئيس كلامه سب ليها الدين
يعني المرشح الرئاسي ما قال "سب ليها الدين" بل انتقد الميكانيكية في سبهم الدين للحديد. زي أنت الآن نقلت كلام منتقداً فما ممكن واحد بعد كم يوم يقول ود البشرى كلامه when u go low, we go low !!
ودي بالضبط زي الفيديو اللافي يقول ليك "البشير : لقد سفكنا دماء اهل دارفور لأتفه الاسباب" مع أن البشير هنا يتحدث باسم الحكومة والمعارضة المسلحة وذكر أن نحن تشمل الجميع البشير والتاجاني السيسي وأي زول يحمل بندقية في دارفور.
زي ما تقول "نحن اتشاكلنا لاتفه الأسباب" وتقصد طرفي النزاع في المشكلة.
فاختزال الكلام عن سياقه ما جميل وبيوصل معلومات مضللة نحن في غنى عنها
Post: #11 Title: Re: تراجي: when u go low, we go low !! Author: محمد البشرى الخضر Date: 09-01-2018, 06:11 PM Parent: #10
الاعتراض على اللفظ ومستوى الخطاب من مسؤول بمستوى رئيس دولة يا فرانكلي انا لم اقل انه الرئيس سب الدين! كان يمكنه الاشارة لذلك دون ذكر عبارة سب الدين تحديدا وبهذه البساطة لكن تعال اقرا التانية بتاعة" صرفت ليها بركاوي لامن كرهت اليوم الاتولدت فيه" لو سمعت بالنكتة الجات فيها حتة صرف البركاوي ح تعرف مدى انحطاط خطاب الرئيس بالنسبة للمثال الضربته يفرق كتير عن الحالة في الفيديو اعلاه , حتى لو قصد البشير الجديث عن الجيش و الحركات المسلحة في آن فا هذا لا ينفي مسؤوليته عن الدماء التي سفكها جيشه بأوامره ووصف ذلك بأتفه الاسباب في لحظة صدق نادرة في تاريخه المليئ بالأكاذيب !
Post: #14 Title: Re: تراجي: when u go low, we go low !! Author: Frankly Date: 09-01-2018, 06:26 PM Parent: #11
Quote: دون ذكر عبارة سب الدين تحديدا وبهذه البساطة
ليه دون ذكر عبارة "سب الدين" وهي العبارة التي يريد نقدها ما لا يتم المقصود إلا بقصده
مثلاً الرسول صلى الله عليه وسلم وهو أفضل الخلق ووأعلى مستوى من اي مسؤول دولة يقول من قال كذا فهو كذا ولا تقولوا كذا "(من قال لأخيه يا كافر فقد باء بها أحدهما) "
بالعكس تكون الإفادة أوضح
بالنسبة للفيديو ما في فرق بين تأويل الكلام عنه وعن الكلام بسب الدين
صحصح البشير تحمل المسؤولية شخصياً لكن المشكل الأساسي هو في أن البشير حمل الموقعين على السلام من الحركات المسلحة وحملها للحركات المسلحة غير الموقعة.
دا نوع من الإقرار بالخطأ ويجب قراءته وفق حيثياته ولكن غض الطرف عن الحركات المسلحة هو الإشكال الحقيقي أذ أنها ضلع شريك في هذا الخطأ
ودا ما بيعني نحن عشان نلوم البشير نقوّله ما لم يقل لأنه دا برضو بيدخلنا في تاريخ مليئ بالكذب أو نأخذ من كلامه حسب هوانا
Post: #15 Title: Re: تراجي: when u go low, we go low !! Author: محمد البشرى الخضر Date: 09-01-2018, 06:47 PM Parent: #14
اوكي يا فرانك دا رايك مشكور على الادلاء به و ليس بالضرورة ان اتفق معه او اراه صحيحا
Post: #19 Title: Re: تراجي: when u go low, we go low !! Author: Frankly Date: 09-01-2018, 07:32 PM Parent: #15
طبعاً ما بالضرورة تتفق معاي يا ود البشرى لكن أنا اراه ضروري للحوار المنبري
وأهو طلعنا بنتيجة
Post: #9 Title: Re: تراجي: when u go low, we go low !! Author: محمد حيدر المشرف Date: 09-01-2018, 06:01 PM Parent: #1
انحطاط
Post: #12 Title: Re: تراجي: when u go low, we go low !! Author: nour tawir Date: 09-01-2018, 06:15 PM Parent: #9
فرانلكى...
ودي بالضبط زي الفيديو اللافي يقول ليك "البشير : لقد سفكنا دماء اهل دارفور لأتفه الاسباب" مع أن البشير هنا يتحدث باسم الحكومة والمعارضة المسلحة ...
كضاب يا فرانكلى... البشير ما قصد المعارضة.. كان بيتكلم عن نفسه و عن حكومته.. و بعدين المعارضة المسلحة لم تقتل الناس لاتفه الاسباب.. رغم أعتراضى التام على القتل بل العنف بكافة أنواعه.. فهى , أى المعارضة المسلحة تقاتل الحكومة و ليس الشعب.. و البشير و حكومته يقتلون الناس.. تفرق كتير... فيا فرانلكى ما تحاول (تتّذاكى) على الناس.. أنت مع الحكومة قلبا وقالبا.. و نحن عارفين الكلام دا... و حافظين ليك بوست الرصاص فى الراس... فشنو ؟ مافى داعى تلف و تدور و تضيع وكت القراء معاك...
Post: #13 Title: Re: تراجي: when u go low, we go low !! Author: nour tawir Date: 09-01-2018, 06:24 PM Parent: #12
الآخ الفاضل محمد البشرى الخضر...
يا استاذة نور مهما كان الانحطاط في الدولة نتوقع الأفضل ممن يطرح نفسه بديل لكن ان يفوق النظام في انحطاطه يبقى ما الفائدة .... ....
العيب فى (بعض) الذين يطرحون أنفسهم كبديل... هو أنهم يقللون من ذكاء المواطن السودانى و بالتالى قيمته الانسانية.. وهم فى هذا الشأن تماما مثل الانقاذ فى اهانة الشعب... و لكن الذى لا يعرفونه.. هو ذكاء الشعب السودانى.. و ذاكرته الفوتوغرافيه التى تحفظ كل شئ.. و صبره (الآكثر من اللازم)... لذلك.. حينما يسقط هذا النظام... سوف يكتشف أى شخص تلاعب بقدرات السودانيين... و لعب عليهم ألاعيب ذكاء.. سوف يكتشف من هو الشعب السودانى... و حينئذ تعود الآمور الى نصابها.. و يعود السودان الوطن الذى نعرف... و الذى اضعنا عمرنا بكل الرضى و نحن نحفر الصخر بايدينا من أجله.. أما الان.. و كما ذكرت لك فى مداخلتى السابقة... لا حل لنا غير الصبر.. و الفرجة على أى شخصية رخوة و هى تتهاوى أمامنا بسرعة الصاروخ...
Post: #16 Title: Re: تراجي: when u go low, we go low !! Author: محمد البشرى الخضر Date: 09-01-2018, 06:56 PM Parent: #13
مؤسف يا استاذة نور ان يكون تناول موضوع الزواج بهذه الطريقة التي تسيئ للمرأة بصفة عامة ومؤسف أكثر ان يأتي هذا النقد و الانحطاط من إمرأة مثلها كثيرون وكثيرات انتقدوا ميادة على مواقفها السياسية و تخاذلها و كونها حادت عن طريق ومبادئ الليبرالية التي تقود احد الاحزاب التي تنادي بها لكنهم التزموا الحدود ولم يتجاوزوا الخطوط الحمراء و يتعدوّا مواقفها لشخصها و مظهرها لكن تراجي!! منذ اثارة هذا الموضوع كل نقدها و تناولها كان بعقلية غريبة اشبه بالغيرة او الحسد وكأن لها ثأر شخصي مع ممتاز و ميادة ما عارف كيف تطرح نفسها مرشحة للرئاسة بهذا المستوى من التفكير و الطرح! وقبل ذلك سياسية و ناشطة ومدافعة عن المراة وهي تحمل كل هذه الذكورية داخلها
Post: #17 Title: Re: تراجي: when u go low, we go low !! Author: Dr. Ahmed Amin Date: 09-01-2018, 07:18 PM Parent: #16
Quote: يقولوا الحديد كان ما سبيت ليه الدين ما بدور"
هو الحديد عنده دين ؟؟
سلام يا هندسة ...
Post: #18 Title: Re: تراجي: when u go low, we go low !! Author: Abdullah Idrees Date: 09-01-2018, 07:24 PM Parent: #16
تراجي دي مؤهلة تماما للعمل في الاعلام المصري ..
Post: #20 Title: Re: تراجي: when u go low, we go low !! Author: عبدالعظيم عثمان Date: 09-01-2018, 07:47 PM Parent: #18
يا فرانكلي بالله كمل عكلتك والعب ضاغط مع ود البشري دا إذا دقس رشه وما ترفع رجلك من الابنص (حوار منبري بتاع الساعة كم)
Post: #21 Title: Re: تراجي: when u go low, we go low !! Author: مني عمسيب Date: 09-01-2018, 09:00 PM Parent: #20
ود البشري سلام يغشاك ومن معك .. ولضيوفك اكرام ..
الاعتراض على اللفظ ومستوى الخطاب من مسؤول بمستوى رئيس دولة يا فرانكلي هو فرانكلي لو بفهم كلامك دا كان بقي كوز ارهابي ؟ فرانكي وجميع الاخونجية المفسدين الضالين لا دين لهم .
تبآ لهم من صغيرهم لي كبيرهم .
Post: #22 Title: Re: تراجي: when u go low, we go low !! Author: سفيان بشير نابرى Date: 09-01-2018, 09:24 PM Parent: #21
Quote: مهما كان الانحطاط في الدولة نتوقع الأفضل ممن يطرح نفسه بديل لكن ان يفوق النظام في انحطاطه يبقى ما الفائدة
سلامات يا ود البشرى... اتفق معاك 100% 100 على الاقتباس أعلاه.
Post: #23 Title: Re: تراجي: when u go low, we go low !! Author: مني عمسيب Date: 09-01-2018, 09:38 PM Parent: #22
نابري ود البشري لكم التحايا ..
يا اخوانا الشئ البستغرب ليه جدآ ماخدين الموضوع دا ماخذ الجد وكأنه جديد عليكم واول مرة تسمعوا كلام من النوع دا منها !!! ههههههههه Quote: مهما كان الانحطاط في الدولة نتوقع الأفضل ممن يطرح نفسه بديل لكن ان يفوق النظام في انحطاطه يبقى ما الفائدة سلامات يا ود البشرى... اتفق معاك 100% 100 على الاقتباس أعلاه.
ولكم الشكر ,,,,
Post: #25 Title: Re: تراجي: when u go low, we go low !! Author: سفيان بشير نابرى Date: 09-01-2018, 09:57 PM Parent: #23
Quote: يا اخوانا الشئ البستغرب ليه جدآ ماخدين الموضوع دا ماخذ الجد وكأنه جديد عليكم واول مرة تسمعوا كلام من النوع دا منها !
منينه الزينه كيفك؟ يا اختي العزيزة اظن و اعتقد أن حديث ود البشرى الذي اقتبسته انا و اتفقت معه فيه هو حديث مبدئي عن كل من يتقدم لشغل وظيفة دستورية وليس حديث يخص حالة اختنا تراجي. و لا شنو يا ود البشرى؟
Post: #24 Title: Re: تراجي: when u go low, we go low !! Author: Frankly Date: 09-01-2018, 09:44 PM Parent: #1
Quote: we go low أوطى منكم
أيوة هم بقولوا When you go low, we go lower
Post: #26 Title: Re: تراجي: when u go low, we go low !! Author: مني عمسيب Date: 09-01-2018, 10:02 PM Parent: #24
حبيبنا نابري تحيات معطرة ..
اتحداكم تجيبوا لي حالة زي دي متكررة من كل الاجناس في العالم . يا اختي العزيزة اظن و اعتقد أن حديث ود البشرى الذي اقتبسته انا و اتفقت معه فيه هو حديث مبدئي
ههههههههههههههههه
Post: #27 Title: Re: تراجي: when u go low, we go low !! Author: Arif Nashed Date: 09-01-2018, 10:36 PM Parent: #26
ماذا كنتم تتوقعون أن يكون خطاب تراجي وكانكم لا تعرفونها!! أصلوا السودان بقي هامل اي منحط/ة يمكن أن يمسي فيه رئيسا.
Post: #28 Title: Re: تراجي: when u go low, we go low !! Author: جمال ود القوز Date: 09-02-2018, 12:49 PM Parent: #27
الغيرة كاتلاها
Post: #29 Title: Re: تراجي: when u go low, we go low !! Author: محمد البشرى الخضر Date: 09-02-2018, 08:24 PM Parent: #28
تحياتي للجميع ومشكورين على المرور و التعليق! نقد تراجي العنيف لميادة و الزواج يبدو غريبا جدا ما الفرق بين ما فعلته ميّادة عموما و بين تصدر تراجي للحوار و قيادة الوفود و النزول في الفنادق و نيل عضوية البرلمان بالتعيين! شنو يا تراجي قايمة ومقوّمة الدنيا على ميّأدة الفرق الوحيد بين ما فعلتماه اتنيناتكم انّها نجحت في نيل منصب المعتمد وانت جلّت منّك اوزارة و طلعتي من الغنيمة بخفي البرلمان و حتن ديل شايفك "زقلتيهن غادي" ولا نظام اب سنينة و اخوه ابو سنينتسن! البلا الياخدكن كلكّم
Post: #30 Title: Re: تراجي: when u go low, we go low !! Author: nour tawir Date: 09-02-2018, 08:59 PM Parent: #29
الآخ الفاضل محمد البشرى الفاضل....
وكأن لها ثأر شخصي مع ممتاز و ميادة... .....
نعم هناك ثأر شخصى.. وهو حصول ميادة على الوزارة و عدم حصول تراجى على شئ يوازى طموحاتها.. هذا لآن لتراجى قناعات تامة بأنها زعيمة و قائدة و أفضل من يمارس السياسة السودانية.. و تلاحظ ذلك فى نفخة الآنا العالية جدا عند طرح أى موضوع... و أستخدام (نحن) و (جاءنا) و (سوف نفعل) و فعلنا)..الخ ولو سألت أصغر طبيب نفسى سوف يقول لك أنها نفخة الآنا التى تعكس عقدة العظمة عند تراجى.. لذلك.. أن تحصل ميادة على مكسب لم تتعب فيه اطلاقا.. و تخسر تراجى التى تعبت فى نيل ذلك المنصب.. موضوع سوف لن يمر مرور الكرام..
أما موضوع الاساءة للمرأة السودانية بشكل عام.. فيا اخى العزيز السودان بخير.. و ان الحالات التى طفحت مع الانقاذ.. هى نتاج أنقاذى حصري... و سوف تختفى مع سقوط الانقاذ..
Post: #31 Title: Re: تراجي: when u go low, we go low !! Author: طلحة عبدالله Date: 09-02-2018, 08:59 PM Parent: #29
Quote: اوكي يا فرانك دا رايك مشكور على الادلاء به و ليس بالضرورة ان اتفق معه او اراه صحيحا
هههههههههههههههههههههه والله يا فرانكلي أنا الجنا دا كلمتو كلكمية مرة يبطل المقابضة البعمل فيها دي .. لكن تقول شنو بس خخخخخخخخ .................... في أخصائي بصلح الركب والرباط الصليبي يا جرجير لو عايز تصل ليهو تلفوني معاك ..
.