Post: #1
Title: نانسي عجاج تحلم بالحرية
Author: زهير عثمان حمد
Date: 08-29-2018, 02:34 AM
02:34 AM August, 28 2018 سودانيز اون لاين
زهير عثمان حمد-السودان الخرطوم
مكتبتى
رابط مختصر بعد أن عبرت عن حزنها لما يجري في البلاد عبر حسابها الشخصي على الفيسبوك أطلقت الفنانة نانسي عجاج أغنية جديدة وطنية بمناسبة غرق أطفال المناصير، وكانت نانسي قد كتبت
“البحصل دا كتير ، والله كتير ، فوق طاقة الاحتمال
لمتين حنكون في الحال دا، وجع كل صباح ، وكل دقيقة
لطفك يا الله بشعب هذا البلد الطيب”
وستقدم نانسي عملها باسم ” حلم ” وتقول فيه
النيل سليل الأكرمين
مابشيل حلم أطفال يفوت
النيل اصيل
معنى وصفات .. فضح السكات
الفي الصفوف
فضح الكفوف الما بتشيل بضراعها حق
فضح الضمير الفينا مات
لو خوفنا راح
وطريقنا مرصوف بالثبات
ومشينا طريق الحرية صاح
لابد أكيد
كتب كلمات الاغنية فيصل عبد الحليم، فيما وضعت نانسي الحان الأغنية بنفسها.
|
Post: #2
Title: Re: نانسي عجاج تحلم بالحرية
Author: بشير حسـن بشـير
Date: 08-29-2018, 09:19 AM
Parent: #1
فيصل عبد الحليم يكتب النيل اصيل وصدق
وروضه الحاج تتهم النيل بالغدر وكذبت
شكرا لنانسي عجاج
|
|