خلجنة السودان

10:17 PM August, 22 2018

سودانيز اون لاين
محمد حيدر المشرف-دولة قطر
مكتبتى
رابط مختصر

اتابع هذه الايام التلفزون السوداني ..
سودانية 24 و النيل الازرق والشروق ..

بخلفية معيشتي في الخليج
ترسخ في يقيني ان هناك تحول على المستوى الاعلامي التلفزيوني نحو خلجنة الشخصية السودانية ..

بهذا التعبير (خلجنة السودان) اعني بأن تكون الشخصية الخليجية مصدر الهام للسودانيين في مقاييس الاناقة والمظهر وطريقة الكلام.

قبل عدة سنوات اعترضت على صفحتي في الفيس بوك على ظاهرة أخرى ..
ظاهرة الالوان الصارخة في الزي الرجالي المسمى ب (على الله)
واعتبرت ان الوانه تلك لا تخصنا كسودانيين وتنحو نحو شعوب افريقية اخرى ..
هاجمني دعاة الافريقانية انذاك باعتبارات تنحو لافرقة السودان بالمعني الثقافي لا الجغرافي كما هو مفهوم .. ولقد حاججت باني منحاز لهذا السودان بالتحديد .. ازياءه والوانه ومزاجه كما هو وكما اعرفه ..

والان اقول ذات القول في مسألة خلجنة الشخصية السودانية واكرر انحيازي للجلابية ذات الكم العريض والعمة التي لا تشبه عمامة العمانيين وتشذيب اللحية والحلاقة والميك اب لنسائي الخليجي وطريقة كلام اولاد الشهادة العربية التي تتمازج غي اللهجة السودانية بلهجات الخليح

نحن اصحاب عمق حضاري اقدم بكثير ..
واعتقد ان التطور الطبيعي يجب ان يكون امتدادا للقديم لا مجرد استلاف لمن هم اقل منا حضاريا وثقافيا واجتماعيا لمجرد انهم الاغنى لصدفة بيئية وجغرافية محضة.

كل عام وانتم بخير

ود المشرف
كل سنة وانت طيب
لكن ماعرفت لينا السودان
عربي وله افريقي دا المحك زاتو
اكان قلت عربي ياهو خليجنا
اكان كمان قلت افريقي
الالوان الصارخة دي حقتنا
اكان بين بين
الليلة الغلبة في السودان افريقية
انسى اولاد ميكي
بت الاسود
اقرشا

لسنا سوى سودانيين يا صادق ..
لسنا سوى سودانيين
وجلابيتنا ليست خليجية ولا افريقية ولا اي شيء آخر غير سوداني ..

هل يرتدي الهنود العقال مثلا باعتباره زي آسيوي؟!

ود المشر تتشرف ياخ وعيدك سعيد مبارك ياخ الزى السودانى اجمل زى
رجالى كان أو نسائى مميز ويميزنا عن الغير الجلابية بمستلزماتها
والتوب وتوابعه والقرجه والبرجه هسع كل شئ تايوانى

شكرا دكتورنا وكل سنة وانت والاسرة بالف خير


ده اعتقد موضوع جدير بالمناقشة في الفترة الجاية


انا من المؤمنين بان اغترابنا كسودانيين في البلدان الخليجية في منتصف الثمانينيات وازدياد الوتيرة في الالفية الثالثة كان له دور كبير في تشكيل الشخصية السودانية التي نراها اليوم وما تبع ذلك من ردة عظيمة عن الحضارة

التأثير المقصود هو تأثير مباشر أو غير مباشر

التأثير المباشر هو احتكاك المغترب هو واسرته بتلك المجتمعات التي تختلف عننا بالكلية والتاثير غير المباشر هو المواطن في الداخل و اعتماده كليا على المغترب بالخارج


مجتمعاتنا لها خصوصية تختلف ثقافيا عن تلك المجتمعات واعتقد ان ال mess الذي حاق بمجتمعاتنا على الاقل اخلاقيا أعزو اسبابه لتلك الثقافات الوافدة من دول الخليج



كن بخير

افتتن الانقاذيون بالخليج يا دكتور السنوسي بدر ..
فحاولوا استنساخ التجربة الخليجية في السودان وانظر سلوكهم ايام فورة البترول .. انظر قصورهم .. اسماء احيائهم .. اثاث منازلهم .. عرباتهم (عفوا سياراتهم) ..

انظر لاطمئناهم الشديد وهم بستصغرون شأن الزراعة مثلا .. وكيف انها لا تقيم أود الدول (الكبيرة) ..
كبيرة هذه ليس المقصود بها هولندا او اسبانيا ولكن السعودية والامارات بالمناسبة

نعم لتأثير الاغتراب شيء من الاثر ..
ولكنه اثر ضئيل ..
انظر للتجربة المصرية في هذا الصدد ..
لا تكاد تلمس شيئا مما يحدث الآن في السودان..

الموضوع متعلق بالدولة نفسها باكثر من مجرد تأثير محدود لواقع الاغتراب في اعتقادي .. دولة تنظر لدول الخليج وكأنها النموذج المحتذى !!

محمد حيدر المشرف - كل عام وانتم بخير
فى السودان عندنا مشكله فى التعامل مع الحاجه الوافده فى الازياء وبعض السلوكيات الاجتماعيه.
مره قبل كم سنه فى التجيله امام مكان باسم ( بنده ) غرب مول عفراء زفاف على الطريقه الامريكيه الساعه 12 ظهر .
وامسك انواع الزفات الهنديه والفرعونيه والمصريه و.......
صديقه عبرت مره عن امتعاضها من عدم معرفه نساء كثيرات واستخدام كثير من وارد الفرنجه ازىاء الحفلات الليليه بلبسه نهارا نهارا والميك اب ايضا الواحده تجى الشغل كانها جايه حفله اضافه الى لبس دهبها كلو زينه فى الشغل.
.
حتى فى ديكور البيت والاثاث فى مشكله
.
ناس الواحد يمشى الخليج 6 شهور يجى لسانو معووج وقله نراها ترتدى الزى الخليجى .
.
بالنسبه لخصوصيتنا المفروض تكون نابعه من البيئه حتى باختلاف الثقافه و المناخ داخل السودان بيدى كل منطقه خصوصيها وطعمها اللى ممكن تفقدو اذا حاولنا نضع مثلا الوان البيئه الاستوائيه فى ازياء البيئه الصحراويه او العكس لاسباب عاطفيه .
.
مشكلتنا احساس دونيه بنفتكر الوارد احسن من حقنا ونتشبث باذيالو.
لسه ناس الاختصاص فى الحاجات البتبرز خصوصيتنا الثقافيه وتنوعها محتاجين جهد كبير ونظره اعمق عشان يقدمو شى يسود مجتمعاتنا والاعلام مفروض فى المقدمه لنشر المجهودات دى بدل ايكون اداه استلاب .
.
ملحوظه : رغم اقامتى بالسودان لكن القنوات السودانيه لااشاهدها الا لما اكون فى زياره لانو اعلامنا بصراحه يفقع المراره وغير جاذب كما كان فى عهدو الاول.

كل سنة و انتو طيبين
الموضوع ابعد من كده
بدا من مشروع اعادة صياغة الانسان السودانى
و تولاّهو على عثمان محمد طه
الموضوع ظاهر فى اعادة تسمية المدارس و الشوارع و الاحياء و المدن الجديده بأمر السلطة
و لكن رغم ذلك اشياونا القديمة باقية و راسخة جوانا
الشى الشايفو ده لا يعدو ان يكون زبد و سوف يذهب بذهابهم

نعم نعم يا دكتور المشرف قطعا الحكومة لها دور كبير كسلوك مؤسسي

لكن الاغتراب جلب افات اخرى منها نظرة الانسان لاخيه الانسان ودونك ثقافة استخدام الخدم في البيوت والكسل المؤدلج بفقه التعالي الأجوف

واسماء المدارس وما ادراك ما المدارس حتي المنهج تم تغييره بفعل المستوزرين المغتربين والازياء تم ربط النساء بالسواد وصار للمرأة خرج مثل حواية الخيل البكبو فيها العيش هل هناك ردة أكثر من ذلك !!
يا محمد ياخي نحنا في السودان حتي الحزن بلبس ليهو التوب الابيض !!

حتي النظرة للاخر يا محمد المتعلقة بالتحقير تبنها بعضنا من تلك المجتمعات وكراهية العمل في بعض المهني الحرفية واليدوية تربي عليها اجيالنا ودي مشكلة كبيرة يا دكتور

واكبر افه تم جلبها في اعتقادي هي الوهابية ذلك الفكر العقيم الذي لا يناسب طبيعتنا المتسامحة او حتي اسلامنا المعتدل


الردة عن الحضارة هو تغول العقل الرعوي في مؤسسات الدولة واستصحاب البدواة المنفرطة وغير المنضبطة

حتي القبلية المقيته تم استحضارها واحياء زكاتها من تلك المجتمعات

كل سنة والجميع طيبين و التحية لكل الشباب ولمبتدر البوست د. المشرف
سودانيين بس كما قال المشرف . دايما بقول لاولادي الاختلاف كويس ونحن مختلفين عن باقي الشعوب.

Quote: والازياء تم ربط النساء بالسواد وصار للمرأة خرج مثل حواية الخيل البكبو فيها العيش

د. السنوسي حبوبتي ربنا يرحمها ويحسن اليها كانت مسمياه كيس الطاحونة بتاع الدقيق داك. وكانت بتقول للجلابية نص الساق ديك ( باب الحمام).


ياخ والله لو قعدنا في الواطة واتفقنا بس على اننا سودانين وحاولنا ننشر الكلام دة ووعينا الناس مشاكلنا تلاتة اربعاها بتتحل .
بس المشكلة كل واحد مفتكر انو سيد البلد دي يقعد ويقوم على كيفو .

لكم الود ،،،،،،

Quote: انظر للتجربة المصرية في هذا الصدد .. لا تكاد تلمس شيئا مما يحدث الآن في السودان..

المصريون يا دكتور المشرف نقلوا "النموذج" الوهّابي السعودي.

راجعْ كتاب "أوهام الإسلام السياسي" ترجمة محمد بنيس بالاشتراك مع مؤلفه عبد الوهاب المؤدّب.

Quote: واعتبرت ان الوانه تلك لا تخصنا كسودانيين وتنحو نحو شعوب افريقية اخرى .. هاجمني دعاة الافريقانية انذاك باعتبارات تنحو لافرقة السودان بالمعني الثقافي

قرقرقرقرقر!

قتا لي لاتخصنا، الالوان ديك، لانها تنحو نحو شعوب افريقية؟

اها دعاة الافريقانية العايزين يافرقو السودان قتا هاجموك؟

طيب ده ما كلام الطيب مصطفي زاتو؟

مالفرق؟

كونو كوز او انتا ماركسي؟

ياهو زاتو شغل اب سنينة يدورا مع اب سنيتين!!

طيب لو كده، زعلان ليه من خلجنة السودان بدل تشويمو من "شام" او سعودتو من "سعود"؟

ياعزيزي،

السودان هو افريقيا ولا افريقيا خارج السودان!

بمعني افريقيا والافارقة وباجماع الافارقة برزو للوجود من السودان الحالي!!

زول يمغت افريقيا والافارقة او يقول هو اقرب للعرب او بعد ده يسوي ضد الخلجنة!!

ماهذا؟

محمد حيدر.

سلامات.

أنا عندي قصة ظريفة جدا حصلت لي وأنا صغير.
جارنا في الحلة عاد للسودان من السعودية بعد حوالي خمسة سنوات، وعندما رجع للحي، رجع وهو يرتدي العقال وتغيرت لهجته السودانية الى اللهجة الخليجية.
وأنتشر الخبر طبعا في الحي، بعد أن قام المغترب العائد بتغير غرفة الصالون في بيتهم وحولها الى مجلس خليجي، يجلس فيه الناس على الارض.
وأتفق أصدقائي في الحي، بأننا يجب أن نذهب للمعلم فلان ونحمدل له سلامة العودة الى الوطن، لعلنا قد نظفر ببعض الهدايا الصغيرة منه. المهم تم الاتفاق ووضعت الخطة بيننا كأبناء للحي، ولقد أتفق الجميع وتم تحذيري بأن يجب علي أن أتمالك نفسي وأنا لا أضحك أو أن أقوم باي حركة قد تفسد على المجموعة الحصول على هدايا من جارنا العائد من الإغتراب.
المهم في المساء تجمعنا وذهبنا للمغترب في منزله، تم الترحيب بنا في المنزل ودخلنا غرفة الجلوس التي كان بها كراسي محترمة وتربيزة سفرة كبيرة وملحق بها كراسي، و قد تحولت الان الى مجلس عربي يجلس فيه الضيوف على السجاد في الارض مع وجود بعض المساند المرصوصة بطريقة منظمة. المهم بعد أن سلمنا على الرجل وحمدلنا عليه سلامة العودة، جلسنا على الأرض ولقد كان المنظر بالنسبة لي غريب جدا ويدعوا للضحك. رجل سوداني أسود، يرتدي زي خليجي كامل ويتحدث بلهجة خليجية، ويجلس في غرفة صالون تحولت تماما الى مجلس خليجي بين ليلة وضحاها.
ولم تمر أكثر من 5 دقائق فقط حتى أنفجرت أنا بالضحك وتم فضح أمري، وغضب المغترب وقام بطردنا جميعا من مجلسه الخليجي. وطبعا أصدقائي غضبوا مني غضب شديدا، وتم تحميلي المسئولية الكاملة في عدم حصولنا على هدية من هذا المغترب القادم من الخليج.


سوف أعود للتعليق على الموضوع المطروح.

Quote: قبل عدة سنوات اعترضت على صفحتي في الفيس بوك على ظاهرة أخرى .. ظاهرة الالوان الصارخة في الزي الرجالي المسمى ب (على الله) واعتبرت ان الوانه تلك لا تخصنا كسودانيين وتنحو نحو شعوب افريقية اخرى .. هاجمني دعاة الافريقانية انذاك باعتبارات تنحو لافرقة السودان بالمعني الثقافي لا الجغرافي كما هو مفهوم .. ولقد حاججت باني منحاز لهذا السودان بالتحديد .. ازياءه والوانه ومزاجه كما هو وكما اعرفه ..

يا ود المشرف من قمنا (في غرب كردفان) لقينا أهلنا القادمين من الجنوب وهم يلبسون الجلابية الخضراء والزرقاء واللبنية والحمراء؛ وعرفنا لاحقا أن أهلا لنا في الشرق يلبسون الصديري السوداء، وإلى وقت قريب يلبس أهلنا الرعاة العراقي والسروال من الدمورية، ولا اعتقد أن الجلابية البيضاء أكثر عراقة في البيئة السودانية مما ذكرت. إن كانت هناك مشكلة مستفحلة حقا فسيكون مصدرها البنطلون والقميص الأكثر انتشارا. فزي ما قال بشاشا، ما نستورده أو نستعيره من أفريقيا لا يعد استيرادا أو استعارة فنحن إفريقيا وإفريقيا نحن.
موضوع الخلجنة جميل، وكما ترى فهو مستفحل في أزياء النساء مقارنة بأزياء الرجال (على الرغم من أن ليس العباءة فوق الجلابية قديم سابق للاغتراب). فالعباءة السوداء أصبحت منتشرة حتى في كثير من قرى السودان (ولكنها يبدو متأصلة أو قديمة عند نساء أقصى شمال السودان)، ولكني لست أدري أسبب انتشارها "حب الخلجنة" أم طابعها العملي مقارنة بالثوب (الذي يبدو كذلك أنه مستعار من أهلنا الشناقيط)؟ وكنت آمل - إذا كنا لابد مقلدين - أن نقلد الجلابة المغربية فهي أكثر أناقة من العباءة الخليجية وأكثر عملية!
شيء أخير أريد توضيحه: إذا كان لنا زي وحيد ومتجانس (جلابية وعمة وشال بيض ومركوب للرجل وطرحة وتوب وشبشب للمرأة)، فهذا أمر سلبي لأنه يدل على افتقارنا للتنوع الثقافي خاصة في حالتنا التي تتسم بالتنوع الجغرافي والإثني والحضاري-التاريخي.

Quote: إذا كان لنا زي وحيد ومتجانس (جلابية وعمة وشال بيض ومركوب للرجل وطرحة وتوب وشبشب للمرأة)، فهذا أمر سلبي لأنه يدل على افتقارنا للتنوع الثقافي خاصة في حالتنا التي تتسم بالتنوع الجغرافي والإثني والحضاري-التاريخي.

فعلاً هذه ، لوسلمنا بها، ستكون نمطية متحفية، وثقافة ليست لديها القدرة على تطوير زيها وإغنائه، وحقيقة بعد أن أصبح هذا الزي مرتبطاً بالسلطة الإنقاذية صرت لا أطيق رؤيته ..

وبرضو بقى كل المذيعين فاتحي البشرة،لقطوا اي زول لونو فاتح في السودان وجابوهو في التلفزيون بالجد شعب مأزوم

سلام صديقى العزيز دكتور المشرف وكل عام وانت واسرتك بالف خير

للاسف الشديد الشخصية السودانية مهزوزة وسريعة التأثر بالآخرين بدل ان تؤثر هى على الاخر بما تحمله من قيم واخلاق
ولاننسى ابدأً بعض الخصال الذميمة والتى تفشت فى هذا العهد الغيهب مثال الحقد والحسد والانانية والاعتداء بكل اريحيــــة
على المال العـام دون ادنى رقيب أو حسـيب أو حتى وازع من ضمير وكأنّ الله الذي يتدثرون بمخافته لابسين ثياب الواعظين
ويتحدثون بعباءة دينه وهم يكـــذبون كمـا يتنفسـون حتى صارت الشخصية السودانية مسـخاً مشــوهـا .
ولاعادة الشخصية السودانية المخطوفة الى سيرتها الاولى لابد من اعادة صياغة الشخصية السودانية بعد انجلاء الغُمة وذلك
باعادة مادة التربية الوطنية من الصف الاول الابتدائى واعادة القيم السودانية الاصيلة الى الفرد والى الشارع السودانى .
يقينى التام بأن هذا المسخ الذى نشاهده ونسمعه سيختفى بمجردة ذهاب هؤلاء المفسدين .

بمجردة : تقرأ بمجرد

ياعزيزي النذير

سوء الاخلاق سيبقي كامنا في الدواخل حتي بعد ان نشهد

عهدا جديدا ورفاهية وخير كثير ، سيبقي تجربة كامنة مستعدة

للانقضاض علي كل ماهو جميل ، عند اقرب اطلالة لبوادر ازمة ما ...

الانسان كائن سريع التكيف مع اي وضع !

ياخ ولا تزعل
نحن سودانيين
لكن برضو تابعين لي اجناس مننا المصرية القريبة
ومننا الحبشية
ومننا التركية
طيب الواحد مننا يمشي اوروبا يدرس ويشتغل ويرجع
السودان تلقاهو لابس بنطلون وقميص وشايل سجارة
ويقول ليك انا مواعيدي خواجة بس واكلي غربي وبسمع مزيكة
انجليزية ياخ حتى الادب بستطعم شكبير و ت.اس . اليوت
وما بعرف حسن ود حسونة ولا فرح ود تكتوك ولا دوبيت
المهم المجمتع السوداني القديم والحديث نتاج تلاقح
ثقافي بين عدة مجتمعات منها اخيرا الخليجي المتاثر الغربي والهندي
وكلام منصور خالد عن ان الحقيبة زجل اندلسي وليست
هي بغناء اهل السودان وانما الحماسة والدوبيت والحوبي
شكلو الشربوت فكه
برضو الناس خلت المريسة والعسلية والبقنية والكانجي مورو
والقدوقدو وبقت تشرب عرقي كفار
برجع ليكم

الزي "السوداني" الذي يتحدث عنه صديقنا المشرف، صار رمزا إنقاذياً،

مثلما كانت البدلة الافريقية رمزاً للاتحاد الاشتراكي والمايويين.

أدناه صورة للمجلس الوطني السوداني:

العزيز محمد الامين موسي،

ممثل منبر السلام في المنبر ده، كعروبي لايفقه شئ عن سر الالوان في ازياءنا.

لي روحي جلابيتي المفضلة الكنتا بجي بيها الخرطوم كان لونا اخضر.

للمزيد عن رمزية الالوان في ثقافتنا نهدي هذا العروبي البوست التالي:

الحمرة الاباها المهدي.... رمزية الالوان في مرجعية الثقافة السودانية الكوشية النوبية.الحمرة الاباها المهدي.... رمزية الالوان في مرجعية الثقافة السودانية الكوشية النوبية.

يا جماعة حبابكم الف واعتذر عن عدم القدرة على التواصل .. .. باكر معاكم

عزيزي القارئي،

هذا البوست يعري جوانب عديدة في طريقة تفكير ود المشرف.

اتمني يادكتور تطول بالك مع قليل الادب بشاشا زي ماقتا، او خلافي معاك يظل فكري، لانك زول طيب الدواخل رغم انف طريقة تفكيرك اللتي لاتختلف عن طريقة تفكير اي جلابي وعلي راسهم بشاشا لو تعلم.

طول بالك وتعامل بايجابية مع كلام الببكيك متبرعا بمسك المراية ليك عشان تشوف اشياء في طريقة تفكيرك لايمكن تشوفا براك اطلاقا.

هذه مقدمة فخلونا نخش في الموضوع:

قتا يادكتور انك تعترض علي الالوان الصارخة، عديل كده عنقر ما مدنقر واضفتا في الزي "الرجالي"!!!!!

اكتر من كده ويا للعجب قتا لاتخصنا اي الالوان الصارخة، هولة "الحروم" في مؤخرة الفاخورة، كسودانيين!!!

عييييييييييييييك!!

حولا ولاقوة الا باذنه امون!!!

نعم، عزيزي القارئي،

في الوعي الاري بالذات في الطرح النازي، الالوان الصارخة مرتبطة ب"الذنوج"!!

نعم تنميط "ذنجي" الحالي نحتو منظر النازية تحديدا.

اللي هو sub-human طبعا بالميلاد، عاطفي بلا ذرة عقل مقارنة بالانسان الكامل المتفوق بالميلاد اي الانسان الابيض البشرة!

بناءا علي التنميط ده، "العلم" وهذا افيون اخر، اثبت انو الانسان الاسود اي "النقرو" فعلا اقل ذكاء!

لاحظ قبل ده كلو هذا الكئن البدائي ملعون في الكتب السماوية الثلاث اصلا!!

موضوع الالوان الصارخة دي المرتبطة في لاوعي دكتورنا بنوع الاناث تحديدا بجر لي حتة جد غميثة، خلاث!!!

ده برجعنا للعرب والثقافة العربية الذكورية بطبعها ثم المثلية المنتشرة بكثافة في الثقافة الارية بعامة!!!!

في حاجات ما حنخوض فيها معليش في مكان عام كهذا، ولكن في وعي العربي "ابن السوداء" عربيد بي طبعو!

نعم يجمع الذنوج الطبل، اي الغنا، والرقيص، ويفرقهم العصا!!

ده طوالي توش بدخلنا في عقدة النظام الحالي بقيادة "الخال" اياهو، منظر ومسؤول اعلام اغوات العرب، بالذات في تلفزيونات نظام القتلة او كيف الكاميرا طوالي في تلفزيونم في حالة طوطحانية، لما ترقص او يرقص المغني او الجمهور!!

عييييييييك!

كنتيجة الغنا بصفة عامة اضحي جلوسا والمغني بكون اشبه مايكون بي صنم او تمثال او مجسم لانو ممنوع منع بات يحرك اطرافو، اي يرقص، لانو الرقيص في مرجعية العربي، حرام، وهذه سمة عامة تاريخيا في الثقافة الارية اي ثقافة المهد الشمالي لانها بدوية بطبعها اكرر تاريخيا، ولهذا الرقص والفنون بعامة ارتبطت في وعيهم ب"الذنوج"!!

لهذا رقيصم دايما اشتر!

من جهتنا كذنوج الموضوع من اولو او لي اخرو مختلف اختلف جذري، ولكن هذه هي قراءة الثقافة الارية البيضاء، المادية بطبعها لي اشياءنا، الروحية بطبعها، والاصطدام بين الثقافتين بقع هنا!!

لهذا قنا، الدكتور بعبر عن كثير جدا من المدفون في فاخورة "الخال"، رغم الفارق في الظاهر مابين كوز، داعشي، او "مستنير" وفق مفردات خطاب الوعي الجلابي!!!

....يتبع....

Quote: لسنا سوى سودانيين يا صادق .. وجلابيتنا ليست خليجية ولا افريقية ولا اي شيء آخر غير سوداني ..

اعلاه زي ماشايفين لما سالوهو هل نحن افارقة ام عرب، طوالي قام جاكي!!!

نعم قعد يسووي نحنا سودانيين، بث!!!

نعم ما داير ايها حاجة تربطو بالافارقة اي "الذنوج" اي "العبيد" في وعيو، وهذه مشكلة حياة هذا المخلوق كاي جلابي، ولهذا قنا هو المتحدث الرسمي باسم "الخال" اي الطيب مصطفي!

تعم الدكتور ده "نقروفوبك" بمعني المفردة كما د.ع.ع.ابراهيم!

لاحظ الاتنين جعل!!

عييييييييييييك!

نعم جعلي "حـــــــــــــــر" جدو العباس!!

قال جلابيتنا ما افريقية!

ياهذا افريقيا كمفردة لغة دنقلاوية!

ياهذا السودان هو افريقيا ولا افريقيا خارج السودان، ولهذا ماصدفة كونو البلد الوحيد في القارة البحمل معني ارض السود!!!!

حتقول لي اثيوبيا؟

اثيوبيا ذاتا اطلقت علي السودان الحالي واستلفوها اهلنا في الشرق!

مصيبة هؤلاء انهم بينطلقو من تصور مسبق منجور نجر او ما مبني علي اي شئ اطلاقا!

نعم تصور مسبق، بان هناك عرب في السودان في مقابل افارقة وهذا محض خيال مريض بكراهية الذات!

مافي عرب في السودان ياهذا، وافريقيا دي كلها وباجماع الافارقة تكونت من السودان الحالي ياهذا!

بناءا عليه لو كنت سوداني فانت افريقي اي ذنجي FULL STOP!

نعم وقبل الاف السنيين اجدادنا في السودان الحالي قالو احنا نبتنا من تربة السودان الحالي ولم نات من اي مكان، مصداقا لي كلام افارقة اليوم اللي كلهم مشو نواحي افريقيا من السودان الحالي!!

طبعا الدكتور لما يقول احنا سودانيين فقط، هو قاصد الجلابة تحديدا وحصريا، وليس بقية سكان السودان اللي جو من تشاد في وعي امثالو، ولهذا هو بقول "نحن" اي الشماليين، اقرب للعرب من التشاديين او مقارنة بالتشاديين اي "الغرابة" اي بقية مواطني جمهورية الجلابة اي السودان!!

نحنا سودانيين ..
هذه هي الكلمة المفتاحية والوحيدة التي لا يداخلها التشنج الفكري ولا يأتيها الباطل


هناك خطأ في صياغة موقفي القديم من الزي الرجالي المسمى "على الله"
انا ارتدي على الله وفخور بيها جدا
اعتراضي كان على الالوان الصارخة التي ادخلت على الزي فجعلته اكثر قربا لدول أخرى افريقية ..
وهو ذات موقفي الرافض للتعديلات التي اجريت على "جلابيتنا" لتشبه جلابية العرب الخلايجة فعادت اكثر ضيقا وذات اكمام ضيقة جدا اشبه باكمام القميص ولا ينقصها الا ال cufflinks ..

الجدير بالذكر هنا ان الاعتراض هو على ادخال سمات جديدة على الزي المُعرف بالوانة وطريقة حياكته الخ

الجدير ايضا بالذكر اني لم ادعي ان هذا الزي (على الله والجلابية) هي الازياء الحصرية لاهل السودان ..

اتمنى انو الاشياء تكون واضحة كده ..
شاكر وجودكم ولي باكر

بشاشا سلامات

لك ان تمارس الاستقراءات الكذوبة كما يطيب ولكن هذه الالوان لا تخص ذاكرة ازياءنا الرجالية .. وتماما كما هذه الحياكة الخليجية لا تخصنا ..

وليس هناك تنميط, ما انت الا (طاير ليك ساي) ..
عندما نرى الواننا نعرفها والله
كما نعرف من الوانهم ان هذا اثيوبي وهذا شادي وهذا نيجيري .. ونعرف من ازيائهم بان هذا عماني وهذا قطري وهذا اماراتي ..

ما نريده هو ان نُعرف كما يعرف هؤلاء تماما باننا سودانيين

دي الفكرة فبطل اباطيلك دي عزيزي ..

Quote: نحنا سودانيين .. هذه هي الكلمة المفتاحية والوحيدة التي لا يداخلها التشنج الفكري ولا يأتيها الباطل

ياساتر!

لو كلنا سودانيين بي معني سود اي ذنوج فما سر المحارق والاباده للملايين من الزرقة تحديدا؟

لو كلنا سودانيين فما معني زرقة من اساسو؟

واضح ما كلنا سودانيين ولا سوداني تعني انسان اسود!

واضح سوداني هذا شفرة تعني عربي تحديدا ولهذا الماعربي اي زرقة بدل مجرد التهميش يقتل بواسطه الدويله ذات نفسها الخاصة حصريا بغير الزرقة اي العرب من امثال الدكتور البكش من الألوان الصارخة بتاعة الذنوج!!

الالوان الصارخة دي فعلا حاجاتنا احنا اللي انتا كعروبي وذكوري رابطا بالنساء والذنوج!

خت في بالك نساء السودان تحديدا هن واهبات الحياة المنظمة علي سطح هذا الكوكب!

وبالتالي فثقافتنا اصلا امويه.

بي كده ما عندنا ذات حساسيه المجتمعات الذكورية تجاه نوع النساء كما هو حال بدو الاعراب والخواجات!

Quote: عندما نرى الواننا نعرفها والله

عزيزي ود المشرف، تعرف موضوع بوستك هذا رائع جدا. فقد جعلني أشك في جلابيتنا الحالية ولونها الأبيض، وأشك في أصلها. فما معقول بلد فيها الهبوب والكتاحة وكت كرّي وعصار والسفاية وناسها يلبسوا الأبيض القابل للاتساخ بسهولة! كده شوفوا لينا البتاعة دي جات من وين ومتين (غايتوا بروفايلات أجداد بشاشا ما شايف فيها جلابية بيضاء فضفاضة مكوية الناس ديلك كانوا متحزمين ومترزمين وجنود المهدية كانوا زيهم).

تحياتي يا اصدقاء

الكيفية التأريخية وحتى الوصول لهذا الزي الرجالي الجلابية والعمامة )انظر الصورة المرفقة) واعتبارها زيا مائزا للسودانيين مسالة مهمة تستحق بحثا منفصلا بكل تاكيد.

ولكنه زي جميل جدا مازج المزاج والوجدان.

الصديق الحاضر الغائب منصور المفتاح
كيفك وكيف كيفك يا عزيزي ..

لا اعلم اذا ما كنت ارتدي هذا الزي المكون من الجلابية والعمامة حد الشال المطرز أم أن هذا الزي يرتديني؟!

مأ أعلمه جيدا هو وجود حالة من التجانس المطلق تحدث كلما ارتديته او ارتداني.


العزيز عاصم على

اتفق تماما, وفي الواقع, هو ما عجزت أنا عن التعبير عنه

Quote: بالنسبه لخصوصيتنا المفروض تكون نابعه من البيئه حتى باختلاف الثقافه و المناخ داخل السودان بيدى كل منطقه خصوصيها وطعمها اللى ممكن تفقدو اذا حاولنا نضع مثلا الوان البيئه الاستوائيه فى ازياء البيئه الصحراويه او العكس لاسباب عاطفيه . .

هذا ما أدعوه ب الهجين الماسخ
تلتيق الاشياء فتخرج للوجود دونما طعم او لون او عبق قديم في الروح.

التشكيلي دياب كان عندو محاولات جميلة نوعا ما لاضافة تشكيل لوني بسيط على الجلابية والعمة .. واعتقد انها لم تمس الجوهر الجمالي وانما اضافت اليه. وهذا اعتقاد شخصي او ذائقة شخصية

شكرا جزيلا

صديقنا الذي ببلاد العم سام .. العزيز جلالدونا

Quote: بدا من مشروع اعادة صياغة الانسان السودانى و تولاّهو على عثمان محمد طه الموضوع ظاهر فى اعادة تسمية المدارس و الشوارع و الاحياء و المدن الجديده بأمر السلطة و لكن رغم ذلك اشياونا القديمة باقية و راسخة جوانا الشى الشايفو ده لا يعدو ان يكون زبد و سوف يذهب بذهابهم

اعادة صياغة الانسان السوداني وفقا لمشروع الانقاذ الحضاري, كانت فكرة تتحرك نحو الفضاء العروبي اسلاموي بصورة عامة .. الا ان هناك ملاحظة تتمثل في ان النموذج لم يكن نحو الفضاءات الاجتماعية العربية التي يسود فيها الفكر الاخواني وانما جنحت نحو الخليج الوهابي.. ولذلك اظن ان العامل الاقتصادي كان هو الاقوى مقابل الايدلوجي

من هنا التقط فكرة دكتور السنوسي بدر في مداخلته العامرة التانية ..

من الملفت في الشارع السوداني شيوع اللون الاسود للعباءة النسائية السوداء القبيحة (الله يسترنا من بلادة استقراء بشاشا) مقابل بياض التوب السوداني (سواء كان ابقجيجة ام غير ذلك) .. ذلك البياض الذي يكمل لوحة سوادنا

(ولكن الابيض فيها مازال يأسرني!!*)

يشير الوهابيون نحو ذلك بفخر .. ولا اعلم اين سيذهب فخرهم لو علموا ما يحدث تحت تلك العباءات!!

ولذلك نعم يا صديقي الجليل ..
نعم ولكن في ذات الوقت

Quote: واكبر افه تم جلبها في اعتقادي هي الوهابية ذلك الفكر العقيم الذي لا يناسب طبيعتنا المتسامحة او حتي اسلامنا المعتدل الردة عن الحضارة هو تغول العقل الرعوي في مؤسسات الدولة واستصحاب البدواة المنفرطة وغير المنضبطة حتي القبلية المقيته تم استحضارها واحياء زكاتها من تلك المجتمعات

بداوة اهل السودان خصيصة داخلية بحسبما اعتقد .. ليست مستوردة .. اليس كذلك؟

* من قصيدة الي نثار... انس مصطفى

الاخ العزيز اسامة محمد
تحية طيبة

Quote: دايما بقول لاولادي الاختلاف كويس ونحن مختلفين عن باقي الشعوب.

سودانيون نعم ..
الوان طيفنا المزاجي سودانية الهوى كمان ..
ازياءنا, غناءنا, اشعارنا وطرق كلامنا سودانية ..
هي اشياءنا الحميمة التي تخصنا ونحصها.
هذه العمامة العمانية لا تخصنا

هذا طرح يصعب جداً تماسكه والدفاع عنه وهو بائن في التبريرات الفطيرة التي يحاول عبرها لملمة الموضوع

صعوبة الطرح تكمن في عدم المعيارية والخلط الكبير بين المفاهيم التقديرية والمفاهيم الثابتة

لم يحدثنا عن معيارية اللباس السوداني ولم يحدثنا عن اللغة المعيارية

فلباسنا ليس على نمط واحد شرقاً وغرباً وشمالاً وجنوباً وبينهما والوسط.

بل حتى في الوجهة الجغرافية يختلف الزي باختلاف الإتجاه الفكري والديني فجلابية الختمية غير جلابية الأنصار وغير جلابية الوسط وغير جلابية الدرويش

وعمامة غرب السودان لا تشابه اي من عمائم بقية السودان ولا تشابه عمامة الأنصار وعمامة الختمية. وهكذا الصدرية والتوب الرجالي والمركوب كما تختلف أزياء النساء بنفس الصورة شرقاً وغرباً وجنوباً وشمالاً والألوان الزاهية هي جزء أصيل من نمط تلك الأزياء النسائية.

وتظهر إشكالية هذا الطرح في الإرتباك الواضح على الإجابة بنشأة ومصدر الجلابية الوسطية ولماذا استخوذت على مرتبة (أراها تقديرية) كزي سوداني أصيل وما غيره دخيل؟

لو نظرنا للصور التاريخية نجد هشاشة هذا الطرح وبالتالي يمكن القول أن متصدر هذا الطرح يقدر أن "زيه الخاص" يجب أن يحصل على مسمى "الزي القومي السوداني" وأن لغته التي يتحدث بها هي اللهجة المعيارية للسودان في تجاهل واضح وصريح للتنوع والإثراء الثقافي واللغوي في سوداننا الجبيب.

والخليجيون أنفسم متأثرون بغيرهم وهم على قلتهم ليسوا على هيئة لباس معياري واحد وواضح وليس لهم تفرّد في لباسهم الحالي أو أصالة, فهذا الزي تطور كثيراً على مر العهود والعصور وهو كما في بقية أجناس وقبائل العالم فاعلوا مع غيرهم وينفعل غيرهم بهم.


كلمات مفتاحية:

كدمول, أبيي, حلايب, حلفا, نوبة, دارفور, بني عامر, دناقلة, شايقيون, جعليون, هبانيون,

ربما تكون هذه المرة الثالثة التي انبه فيها لمسالة ان هذا الزي المسمى بالجلابية والعمة هو زي سوداني وليس هو الزي السوداني الوحيد .. وموضوع البوست حول ظاهرة تحوير هذا الزي السوداني ليشابه الجلابية الخليجية.

هذه هي النقطة المفصلية التي وردت في البوست والتداعي ممكن جدا ولكن محاكمة افكار آخرى بصورة رغبوية ليست تداعي لفكرة البوست وانما شيء آخر في نفوس الاخوة يعقوب

صور لجلسة في البرلمان حول الاستقلال
واخرى للجماهير خارج البرلمان.

دكتور ود الامين،

نعم الجلابية البيضا المكوية هولتنا ومنذ فجر التاريخ!

الطواقي بي الوانا هولتنا ومنذ فجر التاريخ!

بالذات الطاقية الفاقعة حمار.

العراقي تحديدا والسروال كان هو الزي الرسمي للسوداني عبر التاريخ باكثر من الجلابية!

العمة ام عزبة هولة الانصار منحوتة في البجراوية!

اليكم الادلة:

التطرف والهوس الفكري إشكال كبير وهو نوع من الهروب للخلف لما يطرحه الفرد من أكار فكل فكفكة وحوار ونقاش لابد فيه من استرجاع الماضي وكل ما هو سلبي ليكون هو المحرك الأساس للنقاش.

دون تكليف النفس بالدفاع عن طرحه بنيوياً وموضوعياً وبطريقة بحثية بعيداً عن العاطفة و التنميط الخاطئ.

وصورة البرلمان التي أوردها صاحب الطرح تنسف تماماً فكرة البوست وبنيته وما استند عليه.

فنرى التباين الواضح للباس السودانين آنئذ وذاك في وقت جد قريب تاريخياً فكيف إذا رجعنا إلى 100 عام وأكثر,

وحتى الآن لم يوضح لنا ما هي معيارية الزي الخليجي دع عنك السوداني فأي زي خليجي بعني الزي العماني باختلافاته الزي الإماراتي باختلافاته الزي السعودي باختلافاته الزي الكويتي باختلافاته أم الزي القطري باختلافاته وما هو مصدر هذه الأزياء ونشأتها؟؟؟؟؟؟

ليس هناك شيء معياري اسمه

Quote: هذا الزي السوداني ليشابه الجلابية الخليجية

هل الزي الختمي تحوير للتصميم المعياري(الإفتراضي) أم الزي الإنصاري تحويري ومتى يمكن اعتباري التصميم في الزي تحويراً وغيره تجميلاً أو تطويراً؟

هشاشة هذا الطرح تظهر جلياً في هذه الجملة

Quote: هذا الزي المسمى بالجلابية والعمة هو زي سوداني

الجلابية السودانية ما هي؟ والعمة السودانية ما هي؟ ولو نظرنا لمناطق التماس فما هو الفرق بين جلابية النوبي السوداني من النوبي المصري وما هو الفرق بين الجلابية السودانية في شرق السودان باختلافاتها مع الجلابية في إريتريا وإثيوبيا وما هو الفرق بين الجلابية في غرب السودان من الأزياء في النيجر وتشاد وجنوب ليبيا؟ وما هو الفرق بين الكدمول في غرب السودان وفي النيجر ومالي وما هو الفرق بين العمة الإثيوبية والعمة المصرية؟

للأسف هذا طرح يغلب عليه التقديري العاطفي لذلك يفتقر لأي بنية بحثية موضوعية.

ثمّ ما الذي يجعل كلمة "عربية" سودانية و"سيارة" خليجية لا يجوز استخدامها؟

هذا الطرح يمثل بصورة كبيرة النمطية لأقلية في الوسط باطلاق النكات العنصرية التي تطلق على الحبش ونطق كلمة "هساهيسا"

فهو يجعل نطقه هو المعيار وما سواه دخيل وغير أصيل دون أن يكلّف نفسه عناء البحث والتقصي عن التنوع الثقافي والإجتماعي والإرث اللغوي في السودان.

يعيب الطرح لباس السوداني لجلابية ذات تصميم مشابه لتصميمات أخرى بينما قد تجده لبس بدلة من "قوتشي" ويحمل شنطة من "لوي فيتو" ولا يرى أي مساس بهويته السودانية.


كمات مفتاحي:

Gucci, Louis Vuitton

استاذ الخواض له التحية والاحترام تداخل حول مسألتين.

التانية ارتباط احد الازياء السودانية والمسمى بالجلابية والعمة الخ, ارتباطه بالانقاذ مما خصم من مقدار هذا الزي في موازينو العاطفية او الوجدانية ..

في الحقيقة ناس الانقاذ ديل لم يأتوا من خارج كوكب السودان ..
ولو اخذت اي صورة جماعية لمناسبة اجتماعية في اغلب بقاع السودان لكان هذا الزي هو السائد .. هذا الزي الصامت والمتواضع والبسيط والمنتخب جماليا من قبل قسم كبير من الشعب السوداني لا يمكن محاكمته عاطفيا بمجرد ارتداء الكيزان ليهو ..

غاية الامر انو استاذنا الخواض يحتكم لعاطفة داخلية لا تحتكم بطبيعتها لخلفيات منطقية او عقلانية صارمة .. شأنها شأن اي عاطفة تعترينا جميعا

المسألة الاولى ..
المظهر الوهابي في مصر ..

عشت في مصر قبل تلاتين سنة .. واعتقد ان العباءة السوداء ذائعة هناك منذ وقت طويل جدا ومن الصعب ان نحكم بمرجيعتها الوهابية ..

هذا جانب ..
الجانب الثاني هناك وجود وهابي كبير في مصر ..
وجود عقائدي لا وجود مزاجي عام وتقليد لاهل الخليج في الازياء والميك اب (يسمونها الطلة الخليجية وهناك طلة لبنانية كذلك للراسخين في المعرفة) ..

شكرا اسامة

ازيك يا بشاشا
لعلك بالف خير ..

Quote: طيب لو كده، زعلان ليه من خلجنة السودان بدل تشويمو من "شام" او سعودتو من "سعود"؟

جاوب انت؟!!

شوف يا سعادة الباشا
انا زول مليان اخطاء كتيرة جدا
واحد من الاخطاء انو انا زول محصور في سودانويتي واعيش وفق مزاجها وزمانها الخاص. ولذلك فشلت اجتماعيا في مد جسور تواصل حقيقي وحميم مع اي زول خارج السودان .. نعم هناك اصدقاء عمل مصريين وشوام وفلسطينيين ولكني منحاز كثيرا لاطاري الهوياتي المزاجي البعيد منهم والمتميز عنهم تماما .. قواسم مشتركة كثيرة موجودة كلها تدور في فلك الثقافة واللغة والدين .. ولكنها قواسم مشتركة وليست مطابقة او ذوبان او جوهر واحد.

اقف بهذه السودانوية على قمة هذا العالم (كان صاح كان غلط) .. ولا هماني شيء !!

لا امقت انسانا على وجه هذه البسيطة ..
كوني ذاتا مستقلة لا يعني كراهيتي للآخر. هذه مسالة بديهية ليست غائبة عنك ولكنه التدليس الذي تعرفه فيك ونعرفه فيك يا عزيزي

هون عليك يا فرانك.
ربما يكون من العسير ان تفهم الاشياء بصورة واضحة
خليني اوقعها ليك بي بساطها عشان ما تتعب كتير مع تعنتات الامساك المعرفي المزمن ومحاولات الاخراج المتعثرة التي المت بيك

البوست عن خلجنة السودان وليس دراسة حول اختلافات الازياء وفلسفاتها.

نتحدث عن (الطله الخليجية) واتخاذ الخليجي او الخليجية نموذجا ..

الكلام ده يا صاح يا غلط ..
لو صاح الاسباب شنو ولماذا؟!

حاول تفهم الخط العام ده ..
والشواهد المذكورة مجرد شواهد ومشاهدات ..
شكل الجلابية ربطة العمة قصة اللحية طريقة الكلام اسماء الاحياء ديكور المنازل والميك اب النسائي الخ ..

البص ده ماشي المحطة دي .. فهمت ولا لسه؟!
فهون على نفسك مشقة مغالبة الامساك المعرفي

يا ود المشرف العسر المفاهيمي واضح في طرحك ودي ما دايرة ليها فهامة من سوق ليبيا

طيب واحدة واحدة ما هي خلجنة الزي السوداني متى تبدأً وإلى ماذا تنتهي.

المشكلة الواقع فيها بطرحك الفطير هذا أنّك لم تكلّف نفسك عناء أي بحث أو تأصيل للطرح

يعني معيارك شنو في أن تفصيلة معينة لجلابية أو لون معين لجلابية يلبسها سوداني أنها "خلجنة" أو "طلّة" كما تريد كنوع من الغطغطة والورجغة ومحاولة إيجاد هامش تفسير أكبر بعد أن تبين لك هشاشة الطرح وتسرعك.

دا الخطأ الوقعت فيه ولم تستطع الدفاع عنه

البوست كله مبني عن اختلاف الأزياء ودا مبتداك ومنتهاك في هذا الطرح إلا إذا أردت الهروب من طرحك فساعتها سنجعل لك الأبواب مشرعة.

ما في خط عام يا زول كله كلام فارغ وغير متسق وغير موضوعي وغير متماسك البتة

فما تعمل من الفسيخ شربات


كلمات مفتاحية: الطلة شامية

يا سيدنا فرانكلي ياخي روق المنقة شوية ..

عندك بشاشا مثلا ..
اخد جزئية من الطرح بتاعي كانت مقصودة جدا حول الاضافات اللونية للزي المسمى (على الله)
وبنى عليها طرح مضاد يفترض الاصالة في اعطاء بعد افريقي لدول افريقية لا تخصنا .. السودان افريقي ولكن الدول الافريقية ليست السودان (دي الحاجة الما مقتنع بيها بشاشا) ..

طيب كلام بشاشا في صلب الموضوع ..
وهو خصمي هنا (خصمي في النقاش) ولكن بتكلم في صلب الموضوع ..


انت بتتكلم خارج الموضوع تماما ..

اضرب ليك مثل عشان تفهم ..

دي مشاهدة مني .. استقراء .. تامل الخ الخ ..
ممكن كلو يكون غلط ..
عرفت كيف؟!!

وممكن المشاهدات الانا اخترتها تكون غلط لكن جوهر الكلام صحيح ..
يعني انو مثلا الانحطاط اوصلنا لمرحلة عدنا كما الاعزل في وجه الهجوم الثقافي المدعوم بسلطة بسلطة الريال او البترودولار لا فرق ..

وممكن انو المشاهدات صاح والفكرة الجوهرية صحيحة ..

دي كلها ممكنات ولكن كلامك لا يدخل فيها ..

اقول ليك كلام ..
ممكن طرحي يكون هزيل جدا لكن ما ممكن يكون هزيل بي مدخلك لانو irrelevent

طيب !!

انت عاوزني اعمل فزلكة تأريخية جغرافية ثقافية للازياء ليه؟!
عشان شنو؟!
الخلاصة الممكن نطلع بيها شنو؟!

انت طبعا ما فاهم الكلام ده ولكن لنفترض انو هناك عوامل ثقافية جغرافية دينية وحضارية تمثل مرجعية للزي (وهو كذلك) .. ونو هذه المرجعية تقتضي التشابه فيمن يحملون هذه العوامل في جيناتهم الثقافية الحضارية الدينية البيئية المناخية الخ ..

ما فمهت طبعا ولكن نواصل ..
لنفترض كل ذلك ..
هل ذلك يدحض فكرة التاثير ال Passive (الكلمة مختارة بعناية للفرق بين السلبي وال passive ) .. هل ذلك يلغي فكرة التأثير ال passive بخلفية التفوق الاقتصادي في ظل الانحطاط المحيط بالاقل اقتصاديا؟!

جاوب

* اعتذر عن اخطاء الكتابة لو وجدت لانو بكتب وانا مستعجل جدا

يا ود المشرف

Quote: دي مشاهدة مني .. استقراء .. تامل الخ الخ .. ممكن كلو يكون غلط .. عرفت كيف؟!! وممكن المشاهدات الانا اخترتها تكون غلط لكن جوهر الكلام صحيح ..

ما أهو نحن وضحنا ليك أنو طرحك فطير وحكمه على الأشياء متسرع على أقل تقدير

يعني ببساطة تعقيبي الأثار حفيظتك دا كله عشان يوريك أن استقراءاتك وتاملاتك في الموضوع دا بالذات جانبها الصواب وخطأ واااااااااضح

المشكلة أنك اقحمت نفسك في جدل الهوية بوعي أو دون وعي ولكن أخطأت حين لم تستعين بموضوعية الطرح وتحقيق وتدقيق الباحث

يعني موضوع البوست ما هو عبارة عن ونسة وضياع وقت. ولازم تكون مستند على معلومات تحقق القدر الكافي من الإتفاق المبدئي عشان نصل لغايات أسمى

لكن الطرح بهذه الصيغة يضر كثيراً بهويتنا أكثر من أن يؤصل لسودانيتنا.

عشان كدا أنا نبهتك لتهافت الطرح حتى يتم نقاش الأمر باستفاضة لكن بعيداً عن التنميط الخاطئ وأنانية المعيار

فليس هناك زي سوداني موحد وليس هناك لغة سودانية موحدة ولهجة الوسط نفسها ليس واحدة ولباس الوسط أيضاً ليس واحد موحد والإثنين لا يشكلان الغالبية لا من ناحية المظهر لا من ناحية اللسان.

وشعان تعرف خطل الفكرة حاول أن تبعد شخصك ومعارفك عن الصورة النمطية وضع مكانها سوداني من أبيي مثلاً فما الذي يجعل الزي الذي تراه أنت الإفريقي يضر بهويته السودانية ولماذا يجب عليه حين يريد أن يلبس جلابية أن يلبس تلك التي تلبسها أنت في الوسط؟

هذه الأسئلة الموضوعية مهمة جداً معالجتها ومحاولة تخطيها يوضح أنك غير موفق في طرحك

والسلام ختام

قد لا أعود

فقد اوضحت فكرتي بجلاء

Quote: نعم الجلابية البيضا المكوية هولتنا ومنذ فجر التاريخ! الطواقي بي الوانا هولتنا ومنذ فجر التاريخ! بالذات الطاقية الفاقعة حمار. العراقي تحديدا والسروال كان هو الزي الرسمي للسوداني عبر التاريخ باكثر من الجلابية! العمة ام عزبة هولة الانصار منحوتة في البجراوية! اليكم الادلة:

شكرا أخي بشاشا على المعلومات.

Quote: كده شوفوا لينا البتاعة دي جات من وين ومتين

الاخ محمد الامين
اللون الابيض جاء من الدمورية او اصلو القطن.
تتذكر قبل انشاء مصانع النسيج التي انتجت الدمورية او الوزن كانو بستخدمو (الخوخاية) لنسج القماش و من ثم خياطتها.
بعد ما صناعة النسيج اتطورت بره البلد ياهو دخلو لينا التترون و الدبلان و ما شابهم و تدريجيا تمت ازاحة الدمورية او حتي المصانع اتقفلت.

الاخ العزيز ديتق
تحية طيبة

هي المضحكات المبكيات ..
واستغرب انهم لا يعلمون انهم تحولوا لمسخ كاراكتيري؟!

كلامك يا دينق ينقلني لمشاهدة اخرى.. زولك ده اكيد اطلق على نفسو كنية ابو فلان .. اليس كذلك؟!

نكني الناس بابائهم وامهاتهم ..
ود فلان او فلانة او بت فلان او فلانه

لو رجعت للسوشال ميديا حتلقى الناس تكني نقسها او بعضهم البعض ب ابو فلان او ام فلان.. وفلان هذا من المستحب ان يكون ذكرا وفي الذكور اكبرهم (مجتمع ذكوري ونظام ابوي بطرياركي بامتياز)

في انتظارك

محمد الامين موسى
تحية طيبة يا عزيزي

Quote: ما نستورده أو نستعيره من أفريقيا لا يعد استيرادا أو استعارة فنحن إفريقيا وإفريقيا نحن

نحن قطر من اقطار افريقيا المديدة .. ولسنا افريقيا ولا افريقيا نحن. .. وما اقول به ةضعية طبيعية جدا لكل الدول الافريقية .. وذات الفكرة موجودة في كل قارات العالم .. فلا الهند اسيا ولا آسيا هي الهند .. ولا البرازيل امريكا الجنوبية ولا امريكا الجنوبية هي البرازيل. ولا اعلم ما الذي يجعل الامر مختلفا مع الدولة الافريقية الاسمها السودان؟!

عندنا ازياء كثيرة متنوعة في السودان ليس من بينها الجلابية المحاكة بطريقة اشبه بجلابية الخليج المتميزة بالضيق وذات الاكمام الضيقة والاشبه ما تكون بالقميص الطويل (اعتقد ان اسمها الدشداشه)

العزيز النذير حجازي
كيفك يا صاحبي؟

Quote: وبرضو بقى كل المذيعين فاتحي البشرة،لقطوا اي زول لونو فاتح في السودان وجابوهو في التلفزيون

الشاشات التلاتة
سودانية 24 والنيل الازرق والشروق تروج لشكل محدد من السودانيين كنموذج نموذجي ..
النيل الازرق بالتحدبد .. وهذه مجرد ملاحظة عابرة لا اجزم بصحتها.

عشت في الخليج يا النذير .. وتعلم انت كما اعلم انا ان عدد كبير من السودانيين يريدون ويرغبون في ان يُنظر لهم كما تلك الصورة التي بهذه القنوات التلاته.

تحياتي مشرف
وضيوفه
مابعرف الجلابية جات من وين . لكن منذ ان وعيت تفتحت عيوني علي الجلابية السودانية بشكل محدد ولون محدد
بيضاء دبلان او بولستر او بوبلين وتيترون
او سمنية او صفرا قليلا
دمورية ويشتهر بها الفقرا وهم اهل الخلاوي
ويستحسن دوما ان تكون في المناسبات الرسمية بيضا
تعودت عليها هكذا وتعني لي ان هذا الشخص سوداني
علي الله كان يلبسها كهول الانصار في الجزيرة ابا وطيبة لدلالات اخري
الجزيرة ابا وطيبة في الضفة الشرقية من كوستي يفصلنا منها بنطون

أود تنبيه المدعو بشاشا انو دكتور المشرف ليس ماركسياً،
كما أود الإتفاق مع فرانكلي في تحليلو للبوست

الاخ العزيز علاء سيداحمد
تحية طيبة

Quote: لاسف الشديد الشخصية السودانية مهزوزة وسريعة التأثر بالآخرين بدل ان تؤثر هى على الاخر بما تحمله من قيم واخلاق

ده جوهر البوست .
وفي ذلك ما يدعو للعجب لانو الناس العندهم عمق حضاري متجذر ما بكونوا كده يا علاء.

هناك حالة من الانقطاع الحضاري بكل تأكيد ..
بيد ان هناك قطيعة راهنة مع ذلك العمق الحضاري ..

الانقطاع كان تاريخي وله اسبابه ولكن القطيعة فراهنة وذات ابعاد سياسية وثقافية ودينية تتمثل في محاولة تهميش التأريخ غير الاسلامي.. ولذلك انقطع التواتر .. احتمال؟!!

محاولة احياء هذا العمق الحضاري ممكنة بمعنى كونها غير مستحيلة ولكن اصلاح الخطأ اصعب من اتكابه بكثير

مودتي

عبداللطيف حسن
تحية طيبة

Quote: سوء الاخلاق سيبقي كامنا في الدواخل حتي بعد ان نشهد عهدا جديدا ورفاهية وخير كثير ، سيبقي تجربة كامنة مستعدة للانقضاض علي كل ماهو جميل

عشنا كمجتمع ظروف بالغة التعقيد والقسوة.. محنة وجودية كاملة الدسم وبكل دراميتها من اغتراب وهجره وفقر وضنك انساني وانحطاط.

نعم ستظل فينا لامد بعيد!

صادق ميرغني
تحية طيبة

القميص والبنطلون !!

هناك شخصية عالمية كوزموبوليتانية كونية تشكلت لاسباب كثيرة .. ثقافية واقتصادية في الغالب .. هي الان تحمل الموبايل وترتدي الساعة في اليد اليسرى وتمشي (في كل المداين) .. من اليابان لجنوب افريقيا لنيوزلندا للبرازيل.. ...

قال غرفة الصالون كانت بها كراسي محترمة وتربيزة سفرة
تحولت لمجلس خليجي عربي
ودا شيء مضحك

كأنو غرفة الجلوس وتربيزة السفرة اختراع دينكاوي!!!

الذي يدعو للضحك سطحية الطرح

شنو البخلي البدلة والكرفتة ما استلاب
والمجلس والعقال استلاب؟

يا أبوبكر الظلامي قال ليك هناك شخصية عالمية كوزموبوليتانية لكن منفصمة يعني لما يلبس بدلة بيكون عالمي ولما يلبس جلابية بيكون سوداني وما عنده علاقة بالكوزموبوليتانية على شرط أن تكون جلابيته لا تشابه الخليجية وأن تكون مثل جلابية ود المشرف بالتفصيلة الوضحها ليك.

طبعاً أهم حاجة في الطرح هي الكلمات الكبار كبار ديل عشان يدعموا البوست زي الدولاب (خزانة الملابس بالخلجنة) لما يكون مهلهل وأرجله ما متساوية بتعمل ليها شم shim

كلمات مفتاحية: كوزموبوليتانية عولمة, انفتاحية, كونية

الباشا بشاشا
تحية طيبة

Quote: لو كلنا سودانيين بي معني سود اي ذنوج فما سر المحارق والاباده للملايين من الزرقة تحديدا؟

اتمنى ان تقرأ الاجابة هذه المرة

1- هناك قتل واسع جدا تم على الهوية والدين لانو هناك سلطة ذات مرجعية ايدلوجية قائمة على الهوية العربية والدين الاسلامي والثقافة الاسلامية .. هذه السلطة قديمة في السودان .. الا ان الانقاذ اكسبتها البعد السياسي والجبروت السلطوي.

2- وعموما يحترب الاسود مع الاسود والابيض مع الابيض والقمحي مع القمحي والاصفر مع الاصفر .. اتمنى اللا تكون هذه الحقيقة مفاجئة بالنسبة ليك (وحدة اللون لا تمنع القتل والاحتراب)

3- نحن سودانيين بمعنى انتماءنا لبلد اسمها السودان (كان ممكن يكون اسمو ازنيبار ولا اي حاجة) واعتقد انو الاسم ده اطلقه العرب .. وقبلهم تم اطلاق ذات الصفة على البلاد السودانية من قبل شعوب وحضارات اخرى ومن قبلنا نحن كمان.. ربما يكون الامر متعلقا بمحنة الاسود عموما في المخيلة الكونية .. ربما؟! .. المهم تخلصت عدد من الشعوب السودانية من الاسم وبقينا عليهو نحنا .. هل توجد بلد اخرى في العالم تحمل صفة لون البشرة؟! .. لا اعتقد.

4 بشرتنا السوداء في عيون العالمين دي لا تعني انتماءنا لكل السود او انتماء كل السود الينا.. تماما زي باقي الخلوق في هذه الدنيا .. ليست للشعوب البيضاء هوية جامعة .. وليست للشعوب الصفراء هوية جامعة ,, انا سوداني اسود ولا انتمي لموزمبيق كما لا ينتمي الموزومبيقي للقطر الافريقي المدعو بالسودان بينما انتمي لقطر افريقي اسمو السودان وادعو من جوه البلد الاسمو السودان ده ان نكون جميعا سودانيين وبس

5- مشروعك السياسي والثقافي الافريقاني هو مشروع مشروع جدا ولكنو ببساطة غير ملزم او يتوافر على منظومة اخلاقية ومشروعية ثقافية وسياسية واثنية وعرقية تحاكم الناس على خلفياتها يا بشاشا .. من الممكن ان تنادي به لا ان تحاكم الناس بخلفياته.

أبو لمبة

كده أنت بما أنك عايش في الخليج حاول تمشي للسودانين لابس الزي الخليجي الكامل، وشوف ردة الفعل عندهم بتكون شنو يا أرقوز أنت.
طبعا لن أسئلك من البدلة والكرفتة.

Quote: عندنا ازياء كثيرة متنوعة في السودان ليس من بينها الجلابية المحاكة بطريقة اشبه بجلابية الخليج المتميزة بالضيق وذات الاكمام الضيقة والاشبه ما تكون بالقميص الطويل (اعتقد ان اسمها الدشداشه)

يادكتور سلامات وعيد مبارك عليك وضيوفك .. أبداً عندنا جلابية متطابقة مع الخليج الا الاختلاف في اشياء بسيطة مثلاً حقتنا مافيها زراير والكفة موجودة بشكل اكبر لكن بنفس اي شي ضيق وخلافه ودي موجودة في الإقليم الشرقي ( ولايات القضارف كسلا البحر الاحمر ) وتعتبر الزِّي الرسمي لهولاء وكذلك في نهر النيل من برير وانت طالع حتي ابوحمد والان منتشرة بشكل واضح في السودان

عبدالحفيظ ابوسن
تحية طيبة

ياهو ده موضوع البوست واضح جدا زي ما بلغك بالضبط, ولكنها سودانيزاونلاين يا صديقي ..
لا تعدم فيها من يحلب الديوك.

محجوب عبدالله
تحية طيبة يا صديقي و
شكرا يا حبيب على الاضافة حول تفسير غلبة الابيض كلون للجلابية

ابوبكر عباس
حبابك عشرة
ويسعدني اتفاقك مع فرانكلي
واتفق مع تنبيهك لبشاشا ..
واتجاوز عن نقاش الاستلاب الكامن في البدلة والكرافته وطقم الجلوس اذ لا املك الا اجابتي نحو الاخ العزيزصادق ميرغني عن الثقافة الكونية.

فرانكلي
سعدت بمرورك ونقاش صلاحية مدخلك لهذا البوست

كل عام وانتم بخير

وكخلاصة أقول ان هناك نمط سلوكي ومظهري في المجتمع السودان ينحو لانماط سلوكية ومظهرية تخص الخليج العربي.. وهناك تداعيات كثيرة كان من الممكن نقاشها حول توطين هذا السلوك وهذا المظهر في السودان

ملاحظة جيدة يا مسلمي ..
ملاحظة جيدة جدا ..

هل من الممكن ان يكون ذيوع هذا الشكل الآن بسبب تاثير جلابية شرق السودان التي تفضلت بذكرها؟!

شفت جلابية جمال فرفور في العيد؟!

دي صور للرشايدة في شرق السودان يا مسلمي ..
بالامس كان معي "ضباح" رشيدي
شخصية لطيفة جدا لا يكل ولا يمل من ترديد عبارة (اخوانا السودانيين)

ودي صورة لاحد (السادة) المراغنة .. برضو قريبة من الزي الخليجي..
ما الاستقراء هنا؟!

تجمعات اهلنا الختمية يسود فيها الزي المعروف عندنا في السودان

يا محمد حيدر.

المراغنة في السودان يعتقدون بأن أصولهم غيرسودانية وهم من آل البيت، ووجودهم في السودان يجب أن يكون "كسادة وحكام" فقط.
ولذلك تجد أن الزي الذي يلبسونه لا علاقة له بالسودان، وهم يريدون أن يكونو مميزين من السودانيين.

والله الموضوع بقى لذيذ
وبقى موضوع داخل موضوع داخل موضوع
في النقطة التي أثارها د. محمد الأمين وعقب عليها
بشاشا من الناحية التاريخية
لي إضافة في هذا الصدد من الناحية الفيزيائية
اللون الأبيض قليل الامتصاص للحرارة،
ولذا السودان ودول الخليج مشتركون في
إرتفاع درجات الحرارة، ولذا يلبسون الزي
الأبيض لتخفيف درجة الحرارة رغم أنه وسيخ.

ومن نافلة القول في علاقة الألوان بدرجة الحرارة
بتلاحظوا في صهاريج المياه في السودان مطلية
بالأبيض والأسود كرقعة شطرنج،
والسبب هو موازنة درجة حرارة المياه
داخله في الصيف والشتاء
في الصيف يعمل اللون الأبيض على تربيد المياه
وفي الشتاء يعمل اللون الأسود لتدفئة المياه

موضوع تاريخ معرفة أجدادنا لقوانين الفيزياء
نتركه لعزيزنا بشاشا يفتي فيه.

سلام يا محمد حيدر وتحياتي لضيوفك

موضوع الزي السوداني القومي "الجلابية" المعبر عن جموع السودانين
دا ما موجود وحتي اليوم الزي في شرق السودان يختلف عن الزي الملبوس في أواسط السودان
الجلابية في بورتسودان (ضيقة) وبي لياقة (تختلف عن الزي في وسط السودان)
قبل الجلابية كان السودانين يلبسون ملابس أفريقية حسب ما متوفر من أدوات
عشان كدا سوف يأتي زمن وتختفي فيه (الجلابية الحاليه) ودي ما هي المشكلة

إنت هسي أتسلبطت في الجلابية المسكينة دي وعاوز تدافع عنها (وهي زاتها كزي وافدة علينا)
قصة الدفاع عن الزي والتمترس حول الجلابية لا يصنع قومية سودانية معبرة عن الكل
خلينا نشوف لينا ممسكات أكثر قوة و منعة تربط بين السودانين غير الجلابية
الجلابية زاتها اذا كانت فضفاضة أو كانت معولقة زي غلي الله (ممكن تتنسي كزي مستقبلا)
أتوقع الموضوع تجارة وبنزنس أكثر من أنه تراث وأرث وثقافة مجتمع
الإنجليز زرعوا القطن وحاكوا الملابس وجدعوا علينا هذه الخرق ليصنعوا منا مستهلك ويجنوا هم المكاسب
ويستمر الألتفاف حول الجلابية وتستمر صناعة المنسوجات ...

بالنسبة للخلجنة ( ما أنتو جهزتوا البساط للمشروع الإعلاميالعربي عشان يتمدد في السودان
في الوقت الحالي الخليج يسيطر علي الإعلام ومؤكد أن له مشروع ثقافي
وطالما موضوع الهوية في السودان غير محسوم , وطالما في ناس لسة قايلين نفسهم عرب
وبالقوة عاوزين يدافعوا عن المشروع العروبي الأسلاموي (شنو البمنع حدوث تأثير خليجي علي السودان)
طالما قناة زي سودانية24 ماشة عاملة ليها سهرة مع مذيعة من قناة الأم بي سي (لجين عمران) سهرة كاملة
ونيكول تنوري ووووو ..... الجلابية هينة يا محمد حيدر

تحياتي

بالمناسبة
كلامكم المذكور فوق دا كلو ممكن يكون صحيح
بس في سياقات اخرى
تداخلنا مع اخ محمد المشرف من اجل اثراء البوست
والرفد بالافكار وليس المعاكسة اللهم من باب المزاح
المهم
كلامكم الفوق دا ياخوانا اسمو تلاقح ثقافات
وليس بالضرورة يكون ضد المصلحة
يعني جلابية خليجية وبنطلون وقميص
وجلسة عربية والوان صارخة دا كلو تباين اذواق
المهم الحس الوطني واللحمة بين ابناء الشعب الواحد
لاداعي لوصف الخليجي بالتخلف
بالذات نحن كسودانيين
لانو التقدم عندهم غير عندنا
حتى التأثر بالغرب فيهو الايجابي والسلبي
الهوية لاتفرض فرضا
الشعوب تتوق للحرية وبالتالي عندما تفقدها تتمرد على ابسط
التقاليد في الملبس واللغة
نحن نتحدث عن الحرية
والقرآن يتحدث عن التعارف بين القبايل والشعوب
نبحث عن ماضينا ونبحر وفق عمقنا الافريقي
نتقمص شخصياتهم
لفت انتباهي مقرر اللغة الانجليزية للسنة الثالثة المرحلة
الثانوية بالاضافة لتشارلز دكنز ورواية الكنز المفقود
هنالك مناقشات لرواية افريقية تتحدث عن الالهة واسرة
ريفية اسرة اوكونكو
وجدت الرواية كسر للروتين التربوي الموجه من قبل لجنه تعليم
تلقت وحيها من مصر ونهجت نهجها
لي عودة

Quote: كلامكم الفوق دا ياخوانا اسمو تلاقح ثقافات

اوكي .. بس تلاقح الثقافات ده مفروض يكون برتكز على قيم حضارية ايجابية او قيم أعلى ، خلاف كده ببقى استلاب ثقافي بالباب العديل وما بتحتاج زمن عشان تكشفو لانو واضح جدا في حالات كتيرة .. في سودانيين وسودانيات كتيرين جدا بنظرو للثقافات السودانية as inferior to other cultures الموضوع اعمق من منظر واحد لابس جلابية خليجية او بتكلم بلكنة قطرية ، هي حالة انبهار بالاخر المتفوق حضاريا-ماديا تغذيها نظرة سلبية "لأنا المستلب" او ثقافته .
تلاقح الثقافات موجود داخل السودان ده بدون اي انعكاسات سلبية ، قبل سنوات مثلا انتشرت جلابية الشرق كموضة عند الشباب على نطاق واسع جدا ، لكن بدون أي اشارة لتفوق ثقافة البجا او اي حمولة ثقافية اضافية ، مجرد اعجاب بقيم جمالية مجرد ، لكن عندما تحاول المذيعة في قناة ما ايهام المتفرج بأن هذه التعابير او نطق الحروف بطريقة محددة يعبر عن ثقافة سوبر او اسمى من السائد ، مع العلم بأن التعابير المعنية او طريقة نطق الحروف تنتمي لثقافة دولة اخرى ، فالموضوع مختلف .. ده استلاب ما فيهو كلام .بعد داك لازم نسأل نفسنا ليه ده بحصل ؟
بحصل لانو نحن في تراجع مستمر ومخيف في كافة المناحي ، ينقصنا ما نفتخر به ونعرف به انفسنا في عالم مادي اشبه بالغابة لا يعترف لا بسطوة المال وقشور الحضارة .. اذا كان رئيسك ناطي السعودية كل اسبوع وبياخد تعليمات زيو وزي اي امباشى ، واذا كنت بتشحد حق البنزين البتطير بيهو طيارة الرئيس وشايل قرعتك وحايم يوم يدوك وعشرة لا ، وشبابك وبناتك بهاجرو وبغتربو في ظروف صعبة واطفالهم في المنافي بشوفو التمييز العنصري وذل ابواتهم وشقاوتهم ، كل الصور دي بتتخزن في ذاكرتهم وبتطلع في الزمن المناسب ، انهم بينتمو لدولة ضعيفة فقيرة متهالكة وانهم تحت رحمة شعوب اخرى اعلى مرتبة منهم حضاريا واقتصاديا بالضرورة .
الموضوع عايز شغل على مستوى الاعلام والاقتصاد والمناهج والمقررات المدرسية .. تاريخنا وثقافتنا لازم يكونو جزو اساسي في مدارسنا من اولى ابتدائي..
جدودنا كانو عايشين كيف بياكلو شنو بيشربو شنو بتزوجو كيف ، اوكي درسو الناس العربي والدين لا كين ما تبالغو
مالي انا ومال حاطب بن ابي بلتعة امو مين ولا حبوبتو مين ولا بتاع ؟
معقول من اولى ابتدائي لحد ما تدخل الجامعة انت ما درست اي حاجة عن الثقافات السودانية ؟
لا سمعت بالحردلو ولا تاجوج .. ولا عارف الناس هناك في حمرة الوز ولا القرير عايشة كيف ؟ ولا عندك اي خلفية علمية عن اي ظاهرة ثقافية سودانية عدا عن نتف تسمعها هنا وهناك بعضها خاطيء وبعضها مبتور وبعضها مدسوس ..
مافي سبب يخلي الحاصل ده ما يحصل ..

المشرف والجميع كل عام وانتم بخير

عبدالله ادريس
كلامك دا زاتو نتيجة استلاب ثقافي
انت حاسي بانو المذيعة لو نطقت حرف او كلمة بطريقة معينة بترمز لي حضارة اسمى
طيب مدام فوكوياما قال في حضارات اسمى من بعض
خلي المذيعة المسيكينة دي هي بتفهم شنو
لما زول يقول ليك ياعب عشان لونك اسود.وتزعل دا استلاب ثقافي
مرده انو انت مسلم بان اللون الابيض سائد على باقي الالوان وان اللون الأسود
في ذيل القائمة وزعلان ليه عيرك بي لونك
بعدين تلاقح الثقافات يا عبدالله المفروض يرتكز على قيم حضارية دا لا انا ولا انت بنرسم ملامحو
فيسبوك وتويتر و واتساب وMBC ,CNN,Rotana....etc
البغرف ولدك وولدي وكل زول بشيل على حسب مزاجو وهواه وتربيته
الطيب صالح ماقدر يطلع من حالة التلبس دي في موسم الهجرة للشمال
مصطفى سعيد شال بقجة غبينته من السيادة الثقافية والعلمية والادبية
للغرب ونافحهم بي فحولته ووقع في بنات الخواجات زعط ومعط
ولما رجع ماقدر يطلع من براثن الاستلاب وظل محتفظ بي غرفة مغلقة تحوي غرامفون وكتب شكسبير وقزاز ويسكي واغاني فرنسية وغربية واصبح يهمهم ويتمتم بكلمات غير مفهومة وفي ألنهاية شالو البحر وما قصص بت الريس عن فحولة زوجها الا تغطية لعجز فكري وخواء روحي
عليك الله كيف بس اخوك شطح ونطح

يا ود المشرف طبعاً بعد أن ظهر لك جلياً تسرعك في الحكم على الأمور ذهبت وبحثت عن الإختلافات في الزي السوداني والجلابية

والكام دا نحن قلنا ليك من أمس لكن كنت راكب راسك وتواصل في طرحك السطحي والفطير جداً

وأهو أنت بصورة الرشايدي والختمي عدت لصوابك وأعلنت نهاية البوست وأنه ما ليه داعي

دا كلامي ليك فوق عشان نذكر قارئ بشاشا الكريم

Quote: فلباسنا ليس على نمط واحد شرقاً وغرباً وشمالاً وجنوباً وبينهما والوسط. بل حتى في الوجهة الجغرافية يختلف الزي باختلاف الإتجاه الفكري والديني فجلابية الختمية غير جلابية الأنصار وغير جلابية الوسط وغير جلابية الدرويش وعمامة غرب السودان لا تشابه اي من عمائم بقية السودان ولا تشابه عمامة الأنصار وعمامة الختمية. وهكذا الصدرية والتوب الرجالي والمركوب كما تختلف أزياء النساء بنفس الصورة شرقاً وغرباً وجنوباً وشمالاً والألوان الزاهية هي جزء أصيل من نمط تلك الأزياء النسائية.

وبالمناسبة تعليقك على تسميات أبو فلان وأم فلان برضو سطحي جداً ويبدو أن عند خلط مفاهيمي بين الإستلاب الثقافي والإثراء والتلاقح الثقافي خاصة لو كان المنبع أصيل في المجتمع السوداني كالديانة الإسلامية فهذه التسميات والأسماء والكٌنى التي بدت جديدة مثل هيثم وآياد وغيث تعود للهوية الإسلامية كما اسم محمد وعلي وعثمان وعمر والكنى مثل أبوبكر وأبو هريرة وأبو الدرداء فلماذا بعد الاستخدامات في هذه المنحى استلاب وخلجنة وطلة وبعضها مقبول وعادي؟

فهي ليست حصرية على الخليجيين وليست حصرية على العرب

هنا تظهر ربكتك في طرحك وأنك تكتب فقط بالعاطفة الساذجة (الساذجة هنا ليست شتيمة وهي بمعنى بسيطة) لموضوع أكثر عمقا|ً ولكن للأسف لا تملك آلياته وتلم بأطرافه.

مشكلتك أنك تتعامل بأنانية المعيار ("المعيار أنا") وهذا شيء جد ضار

بينما لو وضعت في معيارك الختمي الذي أتيت بصورته من الأول أو الرشايدي أو أحد سوانيي أبيي من دينكا نقوك أو أحد نوبة الشمال لكفاك ذلك فتح البوست بهذه السطحية

وكل عام وأنت بخير
no hard feelings

Quote: وربّما للإيحاء للمسؤولين عن توظيف المدرسين الأجانب بثقل الوجود،أو لسبب آخر، يصرّ الفلاشا على تأكيد هويتهم السودانية بلبس العراريق المكرفسة والجلاليب المتَّسخة والسراويل ذات "التكك" المزركشة ويكوِّرون فوق رؤوسهم عمامات لُفَّتْ على النمط الأنصاري في أحايين قليلة. وكانوا يفضِّلون ،لأسباب عملية في الغالب،النمط الهلامي،وهو نمط حر ،لا يحكمه قانون،وفيه تلفُّ العمامة كيفما اتّفق. ذلك أنّ عجلتهم الدائمة لا تتيح لهم تدوير العمامة على الطريقة "الترباسية" أو الأقل تعقيدا منها :"الحسينخوجلية" .

عبدالعظيم سلامات

Quote: موضوع الزي السوداني القومي "الجلابية" المعبر عن جموع السودانين دا ما موجود وحتي اليوم الزي في شرق السودان يختلف عن الزي الملبوس في أواسط السودان الجلابية في بورتسودان (ضيقة) وبي لياقة (تختلف عن الزي في وسط السودان) اقا قبل الجلابية كان السودانين يلبسون ملابس أفريقية حسب ما متوفر من أدوات عشان كدا سوف يأتي زمن وتختفي فيه (الجلابية الحاليه) ودي ما هي المشكلة

من الذي تحدث عن زي قومي يعبر عن جموع السودانيين؟!

ليس هذا ما تحدثت عنو انا يا عبدالعظيم ..
فاوعك من طرطشة فرانكلي ان تصيبك ..
بحسبي انك تمتلك دقة فهم افضل من ذلك

الذي لم يفهمه فرانكلي ان وجود اشكال مطابقة للزي الخليجي في عمق الواقع السوداني .. لا يغير شيئا من موضوع البوست (خلجنة السودان) اذ ان زعمي الاساس هو ان التغييرات السلوكية والمظهرية والكلامية هي خلجنة وليست عودة او انحياز لازياء شرق السودان كما ظهرت في صورة الرشايدة الفوق ديل .. او انحياز لل (سادة) المراغنة .. وهكذا

لو فيكم زول مقتنع معاي انو في تغيير خاصل .. بس مختلف معاي انو التغيير ده انحياز لمكونات اصيلة في المجتمع السوداني فليكن .. يتفضل ويقول الكلام ده.

Quote: قبل الجلابية كان السودانين يلبسون ملابس أفريقية حسب ما متوفر من أدوات عشان كدا سوف يأتي زمن وتختفي فيه (الجلابية الحاليه) ودي ما هي المشكلة

يعني ما كانوا بلبسوا ملابس امريكية؟!!!
هههههههه ..


اسمعني ..
كانوا بلبسوا ملابس افريقية كيف؟!
الجلابية دي ما افريقية مثلا ..
السروال والسديري ديل جنسهم شنو؟!!

عبدالعظيم ياخي ما تلاوز بينا ساي .. قول كلام معقول شوية

Quote: ( ما أنتو جهزتوا البساط للمشروع الإعلاميالعربي عشان يتمدد في السودان في الوقت الحالي الخليج يسيطر علي الإعلام ومؤكد أن له مشروع ثقافي وطالما موضوع الهوية في السودان غير محسوم , وطالما في ناس لسة قايلين نفسهم عرب وبالقوة عاوزين يدافعوا عن المشروع العروبي الأسلاموي (شنو البمنع حدوث تأثير خليجي علي السودان)

البساط ده اجرناهو من ناس (كزام) ..
صدق قعدنا تلاتة يوم نفرشو !!

الهوية محسومة جدا .. نحنا سودانيين .. انت عاوز اكتر من كده شنو مثلا .. عاوز تضيف شنو .. زنوج افارقة وننطلق من مركزية افريقية نتكيء عليها في صراعنا مع العالم ودستورنا الهتاف (امة افريقية زنجية واحدة ذات رسالة خالدة)

طيب ما عندي مانع لكن بالجد انت مقتنع ان ده من (الممسكات) بقراءة موضوعية للمجتمعات السودانية وهذا حبرك لم يجف بعد من كتابة عبارة نزقة جدا (في ناس قايلين روحهم عرب) ؟!! .. الناس القايلين روحهم عرب ديل حتضربهم رصاص مثلا ..

Quote: الجلابية هينة يا محمد حيدر

لا لا ما هينة..
الهين انو التلفزيون يعمل لقاء مع نيكول .. المشكلة شنو ؟!
مذيعة ما عارف جنسيتها شنو عملو معاها لقاء ..

الما هين هو الجلابية المحورة خليجيا وسيطرة النموذج الجمالي الخليجي على الاذهان .. كان طلع النموذج ده باي شكل من الاشكال يا (ابو عثمان) ..

Quote: no hard feelings

حبابك عشرة فرانكلي
واومبارح قلت ليك

Quote: لنفترض كل ذلك .. هل ذلك يدحض فكرة التاثير ال Passive (الكلمة مختارة بعناية للفرق بين السلبي وال passive ) .. هل ذلك يلغي فكرة التأثير ال passive بخلفية التفوق الاقتصادي في ظل الانحطاط المحيط بالاقل اقتصاديا؟!

كتر خيرك المعرفي يا عبدالله ادريس ..

Quote: الذي لم يفهمه فرانكلي ان وجود اشكال مطابقة للزي الخليجي في عمق الواقع السوداني .. لا يغير شيئا من موضوع البوست (خلجنة السودان) اذ ان زعمي الاساس هو ان التغييرات السلوكية والمظهرية والكلامية هي خلجنة وليست عودة او انحياز لازياء شرق السودان كما ظهرت في صورة الرشايدة الفوق ديل .. او انحياز لل (سادة) المراغنة .. وهكذا

يا ود المشرف طرحك ليس ساذج وسطحي ومرتبك ومضطرب فحسب بل رايح ليك الدرب وما عارف تمسك بأي خيط عشان تؤطر ليه.

يا ولد قلنا ليك ما في معيار واحد لجلابية سودانية فما تهرف بما لا تعرف ساكت, وبما أنك لم تضع منهجية للخلجنة وصورتها فقط في الجلابية ذات الأكمام العريضة فيبقى نتيجة البوست تحصيل حاصل أنه كلامك عن الخلجنة هو ضرب من التناول السطحي لقضية أعمق من ذلك ولكنك لا تمتلك المفاهيم ولا الفهم البيقود لنقاش حولها . انتهى

فانسى

يادوب وقع ليك الكلام مش كده يا فرانك؟!
ههههههههههههه

الموضوع ياهو في الجلابية واللحية وطريقة الكلام والكنية والمظهر والعباية والميك اب النسائي وطريقة التفكير واسماء الشوارع والمدارس وحتى النمط الاستهلاكي الخ الخ الخ ..


قلت لي انا كتبت عن الجلابية بس؟!
انت ما بتخجل؟!
هسع ردك حول الكنية باسم الابن بدلا عن اسم الاب والام
يعني ابو فلان او ام فلان مقابل ود فلان وبت فلانه زي ود المشرف الشابكني ليها من الصباح ..
ردك ده حتودي وين؟!

فرانكلي عشان ما يروح ليك الدرب في الموية .. النقطة الاخيرة انا ذكرتها لتكذيب كلامك الكذوب انو انا حصرت كلامي في الجلابية .. فما تدافع عن فحوى كلامك وانما المقصود مناسبته .. انا عارفها صعبة عليك ولكن لعل وسعى ..

اقولها ليك تاني .. انت قلت انا حصرت الشواهد في الجلابية .. وانا بيان بالعمل وريتك ردك على الكنية .. فهمت ولا لسه؟

سلفاكير بالبدلة والكاب الكابويي الذي أهداهو له كارتر شكلو مضحك ومستلب.

Quote: اتابع هذه الايام التلفزون السوداني .. سودانية 24 و النيل الازرق والشروق ..

شكيتك يامحمد حيدر
انت بتقدر على ديل كلهن
بعدين راجع مفردة خلجنة واختلج
مين اول من استخدمها هنا ولو داير
تعرف عود للمشوطن قصى مجدى سليم

Quote: سلفاكير بالبدلة والكاب الكابويي الذي أهداهو له كارتر شكلو مضحك ومستلب.

ههههه عشان ما يقول لي سلفاكير دا ما سوداني, قلت ليه سوداني من دينكا نقوك من أبيي وشايفه برضو زايغ ومكبر اللفة

أنانية المعيار مشكلة حقيقية وتنم عن جهل مركب وعدم إحساس بالواقع الذي يعيش فيه البعض

Quote: قبل عدة سنوات اعترضت على صفحتي في الفيس بوك على ظاهرة أخرى .. ظاهرة الالوان الصارخة في الزي الرجالي المسمى ب (على الله) واعتبرت ان الوانه تلك لا تخصنا كسودانيين وتنحو نحو شعوب افريقية اخرى ..

الصورة لأرني كيف من ويكيبيديا

ههههههه بقيت متلقي حجج؟؟؟!! لكن دا ما بيجعل من طرحك غير طرح ساذج جداً وأنت في قرارة نفسك عررررررررررفت كدا كويس ووقع ليك تب, لكن عامل زي الزول الكشح كباية اللبن في التربيزة وقاعد يحاوش في اللبن بيده يحاوش بجنبة لكن الجهات الثلاث الأخرى أبعد من طول يده

عفيت ليك بعد دا تم بوستك زي ما عايز لكن هو من ناحية طرحه فطير وساذج فهو كذلك....

كان ممكن يصبح بوست عميق لكن للأسف لا تملك الإرهاف والإحساس بتأثير التنوع الكبير الذي يحمله سوداننا وجوارنا لبناء الشخصية السودانية والتي هي بالطبع ليست في وضع ثابت بل متطور التطور الطبيعي الواحد دا يؤثر ويتأثر بغيره, ولا تملك الإدراك والفهم المعرفي لتقود النقاش لأبعد وأعمق من جلابتك ذات الأكمام الواسعة والعريضة.

قلت لي الزول بالبدلة بيكون في حالة شنو كدا كوز...؟ الكلمة الكبيرة ديك

كل عام وأنت بخير

Quote: سلفاكير بالبدلة والكاب الكابويي الذي أهداهو له كارتر شكلو مضحك ومستلب.

أبو لمبة.

وأنت ببنطلون الجينز شكلك أهبل وعبيط.

السودان قبل أن نرى فيه محاولات الخلجنة يا محمد حيدر.

رأينا فيه محاولات التعريب ومحاولات الاسلمة، وطبعا عملية ربط العروبة بالاسلام هذا قد جعلت جماعتنا في السودان يركضون ركدا خلف ما كل هو عربي.

والاهم من كل ذلك محاولات طمس هويته الافريقية والتزوير الكبير في تارخيه الحديث والقديم.

والغريب في هذا الموضوع أن كل تلك المحاولات لم تنجح حتى اللحظة، بعد كل الحقب التاريخية و الاشياء التي فرضت على الناس في السودان.

دينق سلامات

من الذي قام بمحاولات تعريب السودان .. لم افهم ؟!

Quote:

طبعاً ود المشرف ما علق على الصورة دي ووضعها هكذا لحاجة في نفسه

لكن عايز أقول هي صورة من مالي وذلك للتوضيح

Mali,Mopti. Two men chatting outside Mopti mosque after afternoon prayers. This fine


https://www.masterfile.com المصدر

يا فرانكلي انت زول عقلك صعير ومدخللك عاوز تثبت انو في حاجة غلط وانت عارف تماما ليه انت بتعمل كده..

الالوان الحمراء في الاقتباس لا تصنع معنى عندما تخطيء المعنى وببلادة متناهية ..
الالوان الصارخة لا تخص الزي المسمى على الله ..
على الله ده مما قمنا من الدمورية ..
ادخال الالوان عليهو هو الحاجة التي لا تخصنا ..

قبل ما انت تتدداخل ذاتو كتبت الآتي

Quote: هناك خطأ في صياغة موقفي القديم من الزي الرجالي المسمى "على الله" انا ارتدي على الله وفخور بيها جدا اعتراضي كان على الالوان الصارخة التي ادخلت على الزي فجعلته اكثر قربا لدول أخرى افريقية .. وهو ذات موقفي الرافض للتعديلات التي اجريت على "جلابيتنا" لتشبه جلابية العرب الخلايجة فعادت اكثر ضيقا وذات اكمام ضيقة جدا اشبه باكمام القميص ولا ينقصها الا ال cufflinks ..

المهم يا زول لو عاوز تفش غبينتك ولسه الدرس الاديتو ليك في طريقة التفكير السليم والحضاري حول مسؤولية وزراة التربية في مقتل التلاميذ مآكل معاك جنبه ودخل عليك شديد آ زول .. لو عاوز تفش الغبينة مافي مشكلة .. الطرح هنا ساذج وفطير كما تفضلت تماما .. المافي شنو ؟!

العافية النفسية حق لكل الزملاء سودانيزاونلاين

بس برضو في درس تاني ليك وهو تقبل الراى الآخر ولو كان خارج السياق ... وانت اكثر ممن استخدم معاى الاستيكية .. .. درس واضح مش كده

ما اعرفه عن علي الله كثقافة سماعية بحسب قرب كوستي للجزيرة ابا
الامام طلب من الانصار قطع الاشجار من الغابة في الجزيرة ابا . اي زول بقطع وينضف متر عندو متر في الجنة
وللتدليل علي ذلك في العراقي بي ورا في خطوط من القماش توضح عدد الامتار المستحقة في الجنة

ود المشرف والمتداخلين الأكارم ,
الموضوع شيق وممتع , لكن كله كوم والطاقية البقينا نلبسا البتشبه( عجل الحديد )ديك كوم براهو .
عموما (يعطيكم العافية ) .

يا ود المشرف يا أخي ما قدر دا ! بتطرشق في شيتاً صغير كدا
هسع العقلو صغير منو ؟ تدفق اللبن وتكسر الكباية وتبكي

كدي خليني أكل لي "فول" مصري" بخبز "لبناني" ومش "سوري" الزيتون "مغربي" وجبنة بيضاء "تركية" وصحن شطة هريسة "تونسية" تقول يا ويل من أكلني ولم يقل أححححح.

وبجيك بمزاااااج للخلجنة والطلة "الحبشية"

بس أنت كير لي عقلك شوية وما أي حوار طوالي تتذكر الماضي ومع أن أدعاتك فيه بليدة جداً لكن داك موضوع براه ودا براه

Quote: وانت اكثر ممن استخدم معاى الاستيكية

لا حول ولا قوة إلا بالله بالله أنت مدكنة لي قدر دا؟

غبينة السواد دي

وأنا أقول الزول دا ماله متوتر كدا التقول كاتل ليه كتيل

يا أخي تطور شوية وبطل حركات عيال الروضة دي,
داك كان زمااااااااااااااان وبآلياته

صح , أنت كنت بس تسألني ليه كنت بأستكك

والجواب كان ح يجيك دلفري ولسه ساخن.

لا حولا، المشرف (أب جلابية) بقوك عدو الشعب الأول .. إلا تنده أب جلابية يمرقك من بحر التماسيح دا!!
تكأكأ عليك القوم الشتّى يا محمد، حقو تقول ليهم: افرنقعوا يا أذواق شتى انتو ولّ هسّع أقوم أقلب ليكم ود قلبا
والبلد بلدنا ونحن أسيادا!!
شنو القصة؟ من جيهة بشاشا وعظمة ومحمد الأمين، ومن جيهة المستنير،
ومن جيهة أخرى صادق ميرغني ومن جبهة واسعة جدا فرانكلي بأسلحة متنوعة!
يا أخوانا استهدوا بالله، خلاص أكلتوا اللحمة وأصبحتوا من أهل النهمة؟
الراجل ما قال حاجتن كعبة لغاية ما تنفتح عليه الجبهات وتتم التحالفات التي ولا في الأحلام دي،
كل الموضوع لاحظ وانتبه لمظاهر الخلجنة الما بتغباكم في محل الرئيس بنوم والطيارة بتقوم ومحل التلفزيونات
فقام ضرب أمثلة يعرفها وحاول يحللها ما سمحتم له بفرصة أو ساعدتموه باشارة وتنويه
وقد بدأ بما يعرفه عن جلابية أم درمان والوسط (ولو ما رب بشاشا ستر يمكن كان غالطوهو في سودانيتا)
وهي بالمناسبة الزي الذي رسخه الإعلام المركزي من هنا درمان وعلى مر الأزمان كزيي قومي،
يعني يا بتوع التنوع انتو شايفين الفيل وتطعنو في ود قلبا؟؟
ببساطة حتى لو قال خلجنة جلابية أمدرمان دي ما حبابا،
أو زأرنة العلى الله ما مناسبة، انتو المزعلكم شنو؟
جلابيتهم وعمتهم وعلى الله حقتم.. كل زول يشوف زيو ويحافظ عليهو أو يخلجنو أو يزأرنو!
شنو شابكنو جاهل بالتنوع وما أدرئيك ما التنوع، والراجل كل ما انتبه أو نُبه لتنوع فقد أقر به
وقال ليكم خلاص حافظوا على كل أصولكم السودانية وما تخلجنوها ولا تزأرنوها، تاني شنو؟
وعبد الله إدريس كمان ما قصر ولخص مبتدأ القصة وخبرها، المافي شنو؟
الغلط الوحيد الشفتو في كلام المشرف ولما صححه المسلمي لم يأخد بكل التصحيح، هو الذي عن جلابية الختمية الحجازية، فهي
ليست مقصورة على الأسرة المريغنية، بل كل أهل سواكن وغالب البحر الأحمر وجميع الخلفاء في السودان ومن نهر النيل إلى بحر ارتريا.
ومؤخرا فقد بدأت تختفي عند عموم الختمية في كسلا والقضارف والشمالية وإن كان لا يزال يحتفظ بها الخواص والناشطين في الطريقة
بعدما كانت لقريب زيا رسميا لكل السالكين والمحبين..
وأما جلابية الرشايدة النجدية فهي في الغالب بألوان زاهية فاقعة وليست بيضاء وتفصيلها فكما عند النجديين والقطريين والكويتين،
ولكن الآن، فرويدا رويدا أصبحت تحل محلها الجلابية السودانية، وقريبا أظن أن نسائهم ايضا سيلبسن التوب والفوطة وستفتقد مدننا لزيهن البدوي الجميل..

وطالما المناسبة مناسبة تنوع؛ فلبستي السودانية المفضلة هي جلابية تبع هنا أم درمان، وسروال مفصّل على الطريقة الزغاوية/البنغالية (أها كمان غالطوني)،
وسديري واسع على الطريقة الكسلاوية.. وأما أكره الجلاليب عندي فهي دشداشة الإماراتيين والعمانيين.. قبيحة ياخ وبالذات الحبل المدلى من رقبتها داك.

وأما الجوايز:
جايزة ألذ حاجة في البوست: لدفاع فرانكلي المستميت عن التنوع الثقافي. دفاع شنو؟ قول نضال راسو عديل كدا، نضال التقول الزول بقا كائن مجري!
جايزة تاني ألذ حاجة في البوست: كلمات فرانكلي المفتاحية كان البلقطا من كلام المشرف أو القاطعا من راسو..
قال ليكم: "Gucci, Louis Vuitton وفانسي وكوزموبوليتانية وعولمة, وانفتاحية, وكونية".. ديل منو ديل؟
جايزة الأخلاق الرياضية: بالاجماع السكوتي ولانعدام المنافس، ستذهب إلى: محمد المشرف.

أما أكعب حاجة في البوست فهي: اطراد الإتفاق بين المستنير والظلامي، هذا مزيج خطر جدا على حيوية على المنبر.

Quote: خلاص أكلتوا اللحمة وأصبحتوا من أهل النهمة؟

ولا أخفي عليك أخي هاشم، زدت عليها شربوت (وللأسف بشاشا طيّر مفعوله بأصل الجلابية البيضاء وفصلها)... طبعا أنا ما عندي إضافة ذات قيمة لموضوع البوست، لذلك تجدني بهابش في هوامشه ووجدت ضالتي في أقوال سابقة لود المشرف أوردها في بداية البوست، وفي آخر مداخلة له كذلك لقيت لي ضالة خليني أقبل عليها!

Quote: اعتراضي كان على الالوان الصارخة التي ادخلت على الزي فجعلته اكثر قربا لدول أخرى افريقية

أها الدول الأفريقية الأخرى دي ننفرز منها ثقافيا كيف؟ أمن خلال الحدود الوهمية التي وضعها الإنجليزي؟ كيف نفضل ثقافيا بين قبائل بعضها في شمال السودان والبعض الآخر في جنوب مصر؛ أو قبائل بعضها في غرب السودان والبعض الآخر في ليبيا وشاد؛ أو ما يحدث بين شرق السودان والنيل الأزرق وأرتريا وأثيوبيا؟ هذه الألوان الصارخة موجودة في بعض أطراف السودان ووسطه فلا داعي للاعتراض عليها.

د. محمد الامين
الهاكم الشربوت كما يبدو يا عزيزي ..

كيف ننفرز منهم كيف؟!

زي ما قال ليك هاشم اي حاجه عندها اصول الاصول ..
الجلابية المقصودة هنا .. بتاعت هنا امدرمان دي .. بتفرزني منهم زي الشعرة من العجين ..انا البس جلابيتي والف العمة واجدع الشال وهم يلبسوا جلاليبهم بي طواقيهم الظريفة ديك ومفروزين في امان الله ..

وهم ذاتهم مفروزين مننا وملابسهم جميلة جدا حسب بلدانهم
هسع شوف الازياء دي سمحة كيف ..
سمحة كما هي موش سمحة لمن يغيروها يخلوها اقرب لجلابية هنا امدرمان او على الله ذات الدمور الابيض

هسع ديل مفروزين ولا ما مفروزين ..

يا ود المشرف ما في فايدة؟؟

أها خليت الطرح الساذج وبقيت في البلادة والتبلد الإجتماعي

Quote: .انا البس جلابيتي والف العمة واجدع الشال

ما في زول قال ليك انت تلبس شنو ولا ما تلبس شنو دي خيارااتك وذوقك لكن العايزين ندخلوا ليك في وعيك إن اتحت لنا الفرصة هو أن هناك سودانيون كاملي الدسم لكن لا تعنيهم أمدرمانك ولا جلابتك ولا شالك ولا عمتك في شيء

صعبة دي؟

أنا قلت ليك مشكلتك إنك واضع نفسك معيار ما لأم درمان بس بل لكل السودان بمختلف تنوعاته الإجتماعية وإرثه الثققافي والذوقي

لو كبرت عقلك شوية ح تلقى غيرك أيضاً له ذائقة وله خياراته وله أرائه حول جلابيتك الأمدرمانية دي ذاتها. على الأقل احترم الإختلافات دي وأديهم الكرديت اللي هم فعلاً بيستحقوه كمكون أصيل في النسيج الإجتماعية والثني في السودان.

ما قادر أفهم العسر المفاهيمي دا جاييك من وين لقضية واضحة جداً وأنت وقت زنقة أتيت بصورة تنسف فكرتك الساذجة عن اللباس السوداني الموحد ومع ذلك تصر إصرار قبيح لحشر جميع السودانيين في كم جلابيتك العريضة

مقعولة بس دا يكون تفكير زول نحن نقعد نتحاور معاه في منبر عام؟

البتعمل فيه دا شاذ ونشاذ. ممارسة فوقية ودكتاتورية صغيرة ونظام ملكية و"الدخول بربطة عنق سوداء" مع أنك شخص طيب وعلى نيّاتك

قوم لف!!!!

يا هاشم للضمان كدا أنا بحجز ليك جائزة أكبر كسار تلج

يا زول صحبك ود المشرف دا ما عايز أوصف بوسته دا كمن وقع في بلاعة عشان ما يزعل مني زيادة ح أقول ليك بس شارك في سباق الطين بمالدون

فما ممكن تلقى جهة فيه نظيفة يمكن الإشارة إليها بأنها ما زالت مثل قبل أن يخوض.

كلمات مفتاحية

البتبلبل يعوم, Maldon Mud Race , ثلج, جبل جليدي, شاكوش


حوافز وهوامش وجوائز:

Quote: كلامك دا زاتو نتيجة استلاب ثقافي انت حاسي بانو المذيعة لو نطقت حرف او كلمة بطريقة معينة بترمز لي حضارة اسمى

مرحبا اسامة
قبل ما ادخل في مداخلتك دي خليني اديك الاقتباس ده المتعلق بالردة الثقافية والاستلاب ونختو قدامنا :

Quote: Cultural cringe, in cultural studies and social anthropology, is an internalized inferiority complex that causes people in a country to dismiss their own culture as inferior to the cultures of other countries. It is closely related to the concept of colonial mentality and is often linked with the display of anti-intellectual attitudes towards thinkers, scientists, and artists who originate from a colonial or post-colonial nation. It can also be manifested in individuals in the form of cultural alienation.

طيب نجي لمداخلتك وموضوع البوست على العموم
اولا لم اقل ان هناك حضارة اسمي ، اعد القراءة ، قلت ان المذيعة - المستلب يعتقد ان هناك ثقافة اسمى او موديل يجب تقليده . فقصة اني مستلب دي شيلا من راسك ، لانو لايعقل ان انادي بتدريس الثقافات السودانية لتلاميذ المدارس لو كنت مستلبا.

Quote: لما زول يقول ليك ياعب عشان لونك اسود.وتزعل دا استلاب ثقافي مرده انو انت مسلم بان اللون الابيض سائد على باقي الالوان وان اللون الأسود في ذيل القائمة وزعلان ليه عيرك بي لونك بعدين تلاقح الثقافات يا عبدالله المفروض يرتكز على قيم حضارية دا لا انا ولا انت بنرسم ملامحو فيسبوك وتويتر و واتساب وMBC ,CNN,Rotana....etc

لا ما تخلط الامور
دي عنصرية ـ انا بزعل لانو "الاخر" يرى انني اقل منه بسبب لوني فقط لا غير ..
القيم الايجابية هي ما يحدث تغييرا ايجابيا ، شنوالايجابي الحايحصل لو بدلنا اسامينا بأبو فلان وام فلان ؟ شنو التغيير الايجابي الحيحصل لو بدلنا الجلابية بتاعتنا بجلابية مصرية او التوب بالعباية ؟ شنو الحيحصل لو عطشنا الجيم ولحقناها امات طه؟ القيم الايجابية البتكلم عنها دي بالضرورة قيم ثقافية او سلوكية بتغير طريقة تفكيرنا للافضل او نظرتنا للعالم وللاخرولانفسنا في المقام الاول ، التغييرالايجابي في اللبس ده حصل زمان ايام الناس كانوا بمشو نصف عراة او عراة ، انتبهت المجتمعات السودانية لذلك وانتجت ازياءها والبستها الخاصة ، جلابية الوسط ، الانصارية جناح ام جكو ، العراقي ، توب الرجال ، توب النساء ، الحق ، جلابية الشرق ، الازياء الافريقية ، المهم كل ناس انتجو الزي البناسب بيئتهم وامكانياتهم وتطورت كل هذه الازياء داخليا حتى وصلت ما وصلت اليه ثم دخلت الازياء الاوربية كنموذج كوني يناسب بعض جوانب الحياة مثل العمل المكتبي والحكومي من خلال طريقة حياكته و اقمشته والوانه ومن خلال تبنيه من كل دول العالم ثم تمدد استخدامه شيئا فشيئا ليشمل بعض الانشطة الاجتماعية او البشرية العادية . وانتهى الموضوع على كده .. خلاصة هذه النقطة انك يفترض ان تتبنى ما يفيدك او يجعل حياتك اسهل ..
تويتر وروتانا الخ الخ دي وسائط لنقل الثقافة لكنها لا تنتج الثقافة وانما تنتجها المجتمعات ، لكن برضو برجع ليك تاني ، لا غضاضة في تبني قيم ثقافية نابعة من بيئة اخرى بشرط ان تضيف او ترمم جانبا ما ، ان تكون قادرة على القيام بوظيفة ايجابية قائمة او مستحدثة لمواكبة العالم.

عبدالله ادريس
شكرا للرد الوافي
عموما كلامي عن الاستلاب ممكن ماينطبق عليك
لكن بنطبق على ناس كتار
انت مثلا متفهم وواقعي ومنطقي ومتصالح مع نفسك
لكن غيرك يرى العكس
انت عارف لو القال عب دا قال ونحن مازعلنا منو
بعد فترة زمنية ببطل يقولها.
بالنسبة للزي الاوروبي انت بتسميهو نموذج كوني
انا بسميهو ثقافة فرضت نفسها
اللغة ايضا

قلقو
ازيك وكيف الحال

Quote: لكن كله كوم والطاقية البقينا نلبسا البتشبه( عجل الحديد )ديك كوم براهو .

اوع تكون الطاقية بتاعت العمانيين .. دي براها بترفع الضغط

يبدو أن مداخلة الظلامي أبوبكر "ذات الضربة المزدوجة" عن طاقية سلفاكير ود المشرف ما قادر يستوعبها وبرضو مصر ينمط الطاقية حسب معياره الأناني

لا فائدة!!

'You can lead a horse to water, but you can't make it drink'

QUOTE :اوع تكون الطاقية بتاعت العمانيين .. دي براها بترفع الضغط ..
بس ياها ذاتا ياود المشرف ..
شيئ يغيظ .

عليك الله يا ضلامي، عاين مستر دينق ردّ على تعليقي حول بدلة وكاب سيلفا بشنو!!!

المستوى ضعيف جداً جداً

أبولمبة

الناس بتناقش في قضايا ولكنك بتناقش في أشخاص.
أنت بتدني مستوى الحوار حقا.

Quote: دينق سلامات من الذي قام بمحاولات تعريب السودان .. لم افهم ؟!

محمد حيدر

مرحبا.

معظم المسلمين السودانيين، لأن الإسلام ليس ديانة فقط بل هو طريقة حياة بعاداته وتقاليده أيضا.
والاسلام يفرض على كل مسلم تعلم اللغة العربية، والاسلام أيضا يعطي العرب مكانة أفضل بين الاثنيات الاخرى.
لذلك مسلمي السودان يعملون جاهدين من أجل الانتماء للعروبة وللثقافة العربية وللهروب من الثقافة الافريقية وهي ثقافتهم الام.

عليك الله، يا ضلامي، لو عندك فهامة زائدة من بتوع سوق نايف؛ سلفني واحدة نفهم بيها المدعو دينق دا.
برجعها ليك اتنين بعد الأربعة دست بتاعاتي يجن

يا ظلامي فهاماتي عندهم حد أدنى ومعاهم "كتيب طريقة استخدام" أها دي يحلوها كيف؟

Quote: مالي انا ومال حاطب بن ابي بلتعة امو مين ولا حبوبتو مين ولا بتاع ؟ معقول من اولى ابتدائي لحد ما تدخل الجامعة انت ما درست اي حاجة عن الثقافات السودانية ؟ لا سمعت بالحردلو ولا تاجوج .. ولا عارف الناس هناك في حمرة الوز ولا القرير عايشة كيف ؟ ولا عندك اي خلفية علمية عن اي ظاهرة ثقافية سودانية عدا عن نتف تسمعها هنا وهناك بعضها خاطيء وبعضها مبتور وبعضها مدسوس ..

ياعبدالله ياحبيبنا بتفق معاك في أهمية تعظيم الشأن السوداني وتأصيل دراسته وتثبيتها كمنهج ثابت يدرس في كل المراحل التعليمية لكن هذا بالضرورة يجب ألا يكون خصما على العلوم الاخرى ( العربية ، الإسلامية ) التي هي لها أهميتها القصوى في الإنفتاح والمعرفة .. يبقى قصدي ليس هناك تنافر او تضاد بين المنهجين .
بالنسبة للجلابية ال ( على الله ) فالالوان فيها أصبحت موضة ودا زي ماقال فرانكلي هو جزء من المتغيرات المجتمعية وفي ظني إنو بعض الإخوة المغتربين يتمنون أن بجدوننا محنطين كما تركوننا قبل عشرات السنين .. ياخ نحن زينا وزي أي مجتمع بنغير ألوان وتسريحات وحتي في لغتنا الدارجة بتخش ألفاظ وبتموت مفردات عاشت حينا من الدهر .. الخ الخ الخ .. دي سنة الحياة ودا دليل تطور حياتي مستمر .
تحياتي .

فرانكلي يا حادي التنوع؛

Quote: يا هاشم للضمان كدا أنا بحجز ليك جائزة أكبر كسار تلج

هههها، التلج برضو كويس في الحر دا..
ياخي بالله خلينا من حركات الإقليميين المتكأكئين دي، عليك النبي جيب لي موضع واحد المشرف قاليكم لا أريكم إلا ما أرى
أو رفض القبول بإشاراتكم وتنويهاتكم في التنوع.. عداهو العيب أب جلابية وعمة وتوب.. ooops التوب دا خليهو للإقليميين الزيّّكم/نا..

المسلمي

Quote: النسبة للجلابية ال ( على الله ) فالالوان فيها أصبحت موضة

صحي، رمادي وسمني وأزرق وأخضر
إلا لو قاموا يرقعوها فإن شاء الله بس ألوانن تراعي لتفادي النشاز مغ الأصل التاريخي المهدوي
حين كانت تسمى بالجبة وبالمرقعة، أو حتى الصوفي، لو بقدرو عليهن!!

ولا يفوتني بمناسبة عيد الضحية الفات وعيد الاستقلال الجايي
أن أهدى للمشرف وجميع أولاد قلبا ولجيرانهم في متلقي النيلين وللشريف الكنزي وتوفيق حفيد الأغاريق،
وللإقليمين من طرف ساي وناس الضهاري الورا وللمغتربين والمهاجرين وناس فاطنة الهناك
ولي كافة أهل ودعاة التنوع في منبر بكري الشهير بمنبر من لا منبر له،
هذه الأغنية التي تحتفي بكم..

ههه هي محاولة يا هاشم أن تخرج صاحبك من مستنقع أنانية المعيار ولكنها صدقني دون جدوى

Quote: أو رفض القبول بإشاراتكم وتنويهاتكم في التنوع

هات لي يا هاشم جملة واحدة بأن ود المشرف قبل أشاراتنا وتنويهاتنا في التنوع!!!

لو قبل فيبقى ختم على البوست بأنه سطحي الطرح وما منه فائدة وأن كلامنا جاب فائدة

ودي فعلاً خلاصة البوست

نحن ما عندنا شخصي كلامنا كله محصور فقط في موضوع البوست المطروح بتجرد شفت كيف

لكن هو ماخداه العزة بالخطأ ومكابر عشان كدا ما قبل لا إشاراات لا تنويهات بل بيحاول مستميتاً أن يجعل تلك الإشارات والتنويهات الموضوعية خارج أطر البوست

فيا صاحب كدي خليه يقتنع بالإشارات والتنويهات في التنوع وبعدها نختم على البوست بسورة العصر.

وبالمناسبة الصور التي تنسف البوست على قفا من يشيل لكن اعتقد الموضوع واضح ومع ذلك شكراً على صورتى "زي الأنصار" واللي هو برضو قاعد يتطور تطور يناسب زمنه وح يتطور في الأزمان التالية أو يندثر ودي طبيعة الأشياء

لكن ما نشيل كل التنوع دا ونضعه في جلابية ود المشرف البكم عريض وعمة وشال وكمان جابت ليها طاقية.

وأعمل حسابك بكرة ود المشرف دا ممكن يجيك يقول ليك خلجنة السودان وأن السوداني صار لا يأكل فتة بل كبسة ولا يأكل خبز بلدي بل خبز لبناني عشان الطلة شامية

والصينية بدل فيها صحن شية ومرارة صار فيها سجوك القوصي وهامبرقر لولي والتحلية حلويات مغربية وشامية

زي ما اعتبر الجلسة نوع من الخلجنة واعتبر الصالون أبو كراسي جلوس هو الأصل بسذاجة لا تخفى .

لكن ما ح يسأل نفسه أبداً منو في السودان البيلبس زي جلابيته ومنو البقعد في زي صالونه ومنو البياكل زي خبزه البلدي

ما بعاين ابعد من أرنبة أنفه وأم درمانه وفاكر دا السودان.

كل البنقوله مافي حاجة اسمها زي سوداني ولا أكل سوداني ولا كلام سوداني معياري وما دام في اختلافات يبقى الحديث عن خلجنة كلام فاضي.

الناس بطبيعتها بتتطور يلبسوا طربوش تركي لما يتأثروابالأتراك يقولو شفخانة وإجزخانة وجبخانة وأدب خانة ويقولوا جربوكس "قيربوكس" وغيرها يلبسوا بنطلون شارلستون يلبسوا قميس "تحرمني منك" يسرحوا أفروا ويدخلوا "الخلال" في نص الشعر زي أهلنا في الشرق.

دا تلاقح وتمازج وتصاهر ثقافات وأكتر من عادية

ياكلوا بابا غنوج ولا سلطة أسود, بتزا ولا قراصة, يلبسوا جلابية ضيقة ولا واسعة, طاقية مزخرفة ولا سادة ولا حمراء ولا ام قنبور.

دا موضوع فطير جداً يا هاشم والدفاع عنه مضيعة وقت فما تضيع وقتك ساكت

Quote: بعض الإخوة المغتربين يتمنون أن بجدوننا محنطين كما تركوننا قبل عشرات السنين

وهو كذلك يا صديق

شكراً يا السيد على الزوم إن

محمد حيدر المشرف وشركاه
الجلابية سكروتة والعمة توتال والساعة سيكو والقلم تروبن
الجلاليب انواع (المنديل، السكروتة، على الله)
وهناك الجلابية السواكنية ب (لياقة) وفيها زراير
جلابية الختمية (المراغنة) ب (لياقة) وبدون زراير
والجلابية الانصارية (جناح ام جكو) بتاعة الدراويش
ومع دا كلو الجلابية هي ليست الزي (القومي) للسودانيين لتنوع الجغرافيا والمجموعات العرقية المختلفة
زي ما كان معتقد الطيب مصطفى لمن فرض الجلابية والعمة شرط اساسي للظهور في التلفزيون
--
هل الجلابية السكروتة تعتبر (لون صارخ) ؟

تقليد الزي وطريقة الكلام دي كوم واستلاب الأسماء دا كوم براه ...
من المستحيل أن تجد خليجي او سعودي تحديدا اسمه ابو بكر ...
لأن ابا بكر دي كنية وليست اسم ...
وغيرها كتير مثلا ابو عبيدة وابو هريرة ...
من الاسماء الغريبة عندنا والتي تدل على حالة الاستلاب اسم جار النبي لما السعوديين يسمعوا الاسم دا بقعدوا يتبسموا لانه بيقولوا ليك جار النبي كان يهودي ...
والآن الموضة بين نسائنا تسألها من اسمها تقول ليك أم فلان ...
في حين انه البدو السعوديين تحديدا ما بذكروا الأسماء الصريحة لزوجاتهم من باب العادات والتقاليد ففي عرفهم من العيب ذكر اسم الانثى في حضرة الغريب كما أن لديهم اعتقاد بأني لو عرفت اسم أمك الصريح فبامكاني من عمل سحر لك بواسطة ذلك الاسم ...
ناس شرق السودان برضوا لو سالتوا من اسم امه برد ليك بقول اسم امك ما تقول ...
اها ناسنا ديل ومن باب حاكوا حاكوا تلقاهم ماخدين الموضوع كوبي بيست ...
.
..
.

اللاعب المريخابي المشهور بشارة عبدالنضيف،

تحوَّل اسمه في مشاهدة لي لقناة الهلال إلى "بشارة عبداللطيف"؟؟؟

هل تمّت "خلجنة" اسم بشارة عبدالنضيف إلى "بشارة عبداللطيف"؟؟

في السودان لم يتم الاعتراض على اسمه ...

"المعايش غلابة"..

كم يا ترى عدد ضحايا تلك المذبحة الخليجية "الدلالية"؟؟؟؟

يا قسم الفضيل أنت زول ظريف جداً وما عندك موضوع
عندي سعال, انت اسمك دا بينطقوه كيف؟؟ كدي عليك الله شكّله لينا!!!

وبعدين حكاية تبسم السعوديين دا جد ولا ناجرها من راسك؟؟

طيب ضحك لينا السعوديين ديل بالله وقول ليهم انتو عندكم "جار الله" مثل "محمد جارالله السهلي" و "جار الله السواط" تتبسموا لينا في "جار النبي" مع أنه من الأسماء الموجودة عندهم برضو مثل"وليد سعد جار النبي المالكي"

ونحن عندنا "كوكو" و"دفع الله" و"جبارة الله" و"أبكر" و"دودو" خليهم يضحكوا لو بتضحكهم اسمأء ذي دي وأنت فرحان طبعاً بسخريتهم دي خالص وظاهر عليك أنك مستلب لدرجة كبيرة وأنت لا تدري لان تقييمك لنفسك هو السعودي.

ومع قسم الفضيل ما فيش مستحيل

والنبي صلى الله عليه وسلم ما كان عنده جار خالص غير اليهودي حتى يتبسموا؟ دي بلادة عجيبة!!

وأوع يكونوا قاصدين قصة اليهودي الذي كان يؤذي النبي صلى الله عليه وسلم بالأوساخ؟؟ دي قصة لا أصل لها وحكي حبوبات ساكت.

موضوع أم فلان دا موضوع بيض يعني أنت اصلاً موافق عليه بأمارة أبو بكر وأبو عبيدة وأبو هريرة اللي قلت عليها معترضاً أنها كنى, فمن باب أولى أم محمد وأم بكر وأم عبيدة..كنى.. ولا مو هيك يا زلمة؟؟؟

المهم ما عندك موضوع.

كل عام وأنت بخير.

Quote: هات لي يا هاشم جملة واحدة بأن ود المشرف قبل أشاراتنا وتنويهاتنا في التنوع!!!

فرانكلي؟!
بقيت غالاط شديد!!
أنا سألتك أول: جيب لي جملة واحدة المشرف رفض فيها التعدد أو قال ما يفيد أو حتى يشي بذلك؟
الراجل قال ليكم "الجلابية السودانية" وقد صدق.. فاللبسة التي وصفها (جلابية وعمة وشال)،
لبسة سودانية أصيلة.. ثم أصلها السادن بشاشا إلى عهد آمون شخصيا!!
تاني شنو؟
جهجهتو سيد البوست عن فكرتو وحرمتوه من التفاكر، البركة في عبد الله أدريس..

يا مشرف، عليك النبي بكرة خت ليك صورة بي دشداشة وعقال زي صورة بريمة، نشوف الكيمان دي حتتفرز كيف؟

كنت قد تحدثت في إشارة مقتضية إلى تأثير الثقافة السعودية الوهابية على المجتمع المصري،

مستنداً إلى كتاب عبدالوهاب المؤدب المهم "أوهام الإسلام السياسي"...

وها انني انقل مقتطفات من الكتاب عن أثر الوهابية في المجتمع المصري:

يا هاشم أنت البتعمل فيه دا شين وإلتواء على مضمون البوتس وفيه وصاية على ود المشرف وعجبني رده بالمناسبة على كلماتك

الموضوع واضح وما محتاج عنت الفزلكة دي واللولوة

ود المشرف طارح زيه القال عليه "هنا أمدرمان" نمطي للزي السوداني ووصف التفصيلة كيف تكون بالكم العريض والجلابية عريضة والشال والعمة ورفض الضيق والألوان

ونحن أوضحنا له أن ذلك كله هراء فليس هناك "زي سوداني" واحد وموحد بل أزياء كثيرة تختلف باختلاف الثقافات والإتجاهات والطائفة الدينية. وانتقاء زي محدد ليكون هو صاحب المعيارية كلام هزيل وقد أوضحنا هزله وضعه وسذاجته

بخصوص الكلام لكل جيل لغته كما له زيّه وموضة تسريح شعره محاولة تجميد التطور الطبيعي دي محاولة جد ساذجة وسخيفة في آن واحد.

وكما يفخر ود المشرف بحشر الكلمات الماركسية والإنجليزي حشراً وقسراً في كل مناسبة ودون مناسبة ويعتبر كلمات انجلز وماركس وفرويد وغيرهم لغة نخبة وتفرد وتخليه فرحان بنفسه.

مفروص يدي الحق دا لغيره وأن يختاروا اللغة التي تناسب عصرهم وتعبر عنهم فاللهجات هي أصلاً متطورة وليست ثابتة وأنا ذكرت ليك الإستعارات من التركية ومن الإنحليزية ومن الفرنسية وغيرها

وهجرة الكثير من السودان وانجاب أبنائهم في المهجر سيأتي بجيل بالطبع له خصائصه وهذا سيؤثر بدوره على من هم بداخل السودان أو يـأثروا هم بهم.



وانفتاح الجيل الجديد على الوسائط الإجتماعية شكل وسيشكل شخصيتهم ونظرتهم للأمور ويجعل منهم شخصية رويداً وريداً شخصية عالمية تكاد بالكاد تستعر الفوارق بينهم بعضهم يذوب ذوباناً وبعضهم يختار ما يعبر عن هويته وشخصيته

ما ممكن لود المشرف أن يوقف عجلة الزمن ليمنع التغيرات العادية جداً في الملبس والمأكل واللهجة.

هذا هراء وزراعة في البحر.

والموضة بالذات هي نوع من التفرد فلماذا يبلس كل الناس نفس لباس ود المشرف أو يتكلموا لهجته أو يأكلوا اصناف طعامه

بينما هو لا يشعر أبداً بالإختلافات الموجودة حقاً وواقعاً في ارجاء مدينته أمدرمان وباقي مدن السودان وقراه ويسلبهم حقوقهم بجعل زيه هو المعيار. هذه فوقية وأناينة لا تليق.

تصميم اللباس والأثاث والمسكن وطريقة الكلام وأصناف الطعام هي ذائقة وإحساس ولكل الحق في أن يعبر عن نفسه بالصورة التي يراها

صعبة دي؟

نحن في بداية كلامنا وجهنا سؤال محوري وهام وهو من أين أتت الجلابية المسميها ود المشرف "الزي السوداني" يعني ما سألنها عن الصور المختلفة عن الجلابيب بل الصورة النمطية العايز يمشيها على الكل دي. من اين أتت؟؟

لو أقر أن هناك تطور طرأ عليها يبقى البوست تحصيل حاصل وتقييمنا له صحيح

لو قال أنها هكذا منذ مئات السنين فليأت بدليل

اعتقد دا كلام واضح وصريح

ههههه
شفت كيف يا هاشم
هو تحالف الغارمين يا صديقي!!
وهي سودانيزاونلاين.

ولكنه وطن جميل
رغم التناقض في ازقته.. او كما اشار الصادق

كلام موزون والله..
يجب أن نحافظ على خصوصيتنا....
لكن ذلك لا ينفي بالضرورة عدم نبذ العادات والممارسات والأسلوب التقليدي غير اللبق في الإعلام أو الأدب السوداني...
يجب أن نغيير من أساليبانا القديمة بما يخدم الحداثة دون اللجوء للاستلاب من المحيطين الأفريقي والعربي.

يا دكتور المشرف أنا جيت متأخر ووجدت كثيراً مما يقال قد قيل ولكن لي كلمة ...
كل عادة او طبع او تقليد جيد في عالم الإنسانيه لا يعتبر إستلاب بما في ذلك اللبس ...
بس مسألة اللبس دي صراحه في ناس ظابطه فيهم وفي ناس شينة لامن مشاترهـ ...
بيني وبينك الأزواق الخليجيه طورتنا نحو الأحسن ...
واستثني من ذلك طريقة الكلام إلا بعض الكلمات التي تعتبر مدخل ثقافي مثلاً ممكن تحشر لكن كلمة بين بين بس ما تكتر المحلبيه
أنا شغال في شركة عربيه خليجيه تعجبني عندهم كلمة يا رجّال
نحن طبعاً بنقولا بدون تشديد.
:
:
:
:
:
مع التحيات لله الزاكيات

العزيزان مهند طيفور ومحمد الحسين ..
حللتما اهلا ..

تعرفوا يا صحاب
وهذا البوست في ختامه بالنسبة لي ..
انتبهت لحقيقة انو انا غلطان ذاتو ..
وشنو هو الصاح الفي حياتنا عشان نفتش عن ذواتنا وشخصياتنا التي في الكتاب المقدس هوى

فلتتلون "على الله" بالف الف لون ..
وليرتدى العرسان العمامة الهندية .. المافي شنو؟!
ولتسمى احياؤنا على اسماء الاحياء الخليجية ..
هذه غبيرة وتلك عنيزة وذاك الريان ..
ولتتحول العمامة لعقال ..
والخماسي لي سباعي..
وحتى "مجازفات" فرقة الاصدقاء ان شاء الله يسموها "طاش ما طاش" ..

هو الانحطاط يا سادتي ..
فليأخذ مداه فينا
وخلينا
نشوف آخرتها شنو يا طولي العمر

واحد شيوعي عايز ينتقد المنهج السلفي في السودان
فوصمه بــ"الفكر الوافد"

فتأمل

Quote: أنا شغال في شركة عربيه خليجيه تعجبني عندهم كلمة يا رجّال

المهم يا محمد حمزة ما تزعل إذا قلت ليك يا ريّال (حسب النسخة الإماراتية)!

عشقي في الأكل والذي أفضله على أي أكل في الدنيا هو البرياني جكن،
وعشان ما يقولوا عليّ مستَلب
قاعد آكله بالمعلقة
—-
يا ضلامي،
ما قائل ليك حوبة
لقد جملت المنتدى لي بهذا الرش المقعد
شكراً يا صديق على هذه الروعة

التوقيع:
واحد حاقد

Quote: واحد حاقد

انت يا مشرف يا ود قلبا الناس بتوع "التنوع"ديل طالبنك تار منو؟
في احلاف كدا غير ممكنة بشكل طبيعي ولازمها تار حار جدا لتنعقد!

كمال يا فرانكلي يا تكتيكات منبرية جديدة.. ترمينا باللولوة وتتلولو! كدا ما حلو ياخي...
غايتو فارقت موضوعيتك الكانت محرية، فراق البيرة أم جمل للسودان!
بالله عليك خلي "التكاتيك" وجيب الدليل والبينة على دعاواك بانكار التنوع..
وما تلاوز؛ التلج راقد وبنكسر ليك منو..

بتوع التنوع مين يا هاشم اخوي ..
وأسال العنبة الرامية فوق بيتنا ..
وبوستات "جمهورية الموز"
ههههههههه ..

هم تحالف الناقمين يا عزيزي.
بقايا اشياء
يسار وكيزان
مكاء صلاة اليمين
وحج اليسار اليك نفاق.

وليس ذاك بهام.
هي حالة انحطاط عام نعيشها ولها معطياتها وظروفها .. وكل الناس حاكماها ظروف.

ذلك الوطن كما نعرفه الى زوال.
والنصيحة لله هو ما كان كويس
لكن التغيير للأسوأ

مودتي

Quote: يسار وكيزان مكاء صلاة اليمين وحج اليسار اليك نفاق.

هههههههها!!
يا زول إت كمان ما تبقا جادي قدر دا!!
لا تركت كتيابي لا خليت موز لا نسيت إميل دوركايم زاتو!
خليك صاحي لللون ياخي.. وللخط الواصل بين النغمة والنقمة!

غايتو والمهم، ركز على مجمل "المعطيات والظروف" وأبقا عشرة على جلابيتك!
ولّ أقول ليك، فرضنا الجلابية اتبدلت واتبهدلت واتغير اسمها زاتو،
مافي حتة احتمال، تبعا لذلك يعني، إنو يتغير مفهوم كلمة (جلابة)،
وبكدا يقوم "سمعة" يتحيَّر في سبوبة "عيال أم جلبة حبل القيطان"؟
دا برضو ممكن يكون حل كويس ومناسب للجميع..
خليك براغماتي،
خليك مع الزمن... يلااااا.. !!

سلامات يا دكتور وعيدك مبارك كلامك صاح الخلجنة انشرت . ياخ في نص سوق الناقة وفي قلب دخاخين المشاوي ظهر. مطعم سوري مع شريك يمني المطعم فتح كبسة نفس الكبسة السعودية . الخروف او العتود المقبل في الصينية مع الليمون الناشف والمكسرات بالجمبة والطماطم المخلوطة بالخلاطة مع الشطة الخفيفة . يعني زحف الخلجنة كاسح في كل الاتجاهات . من مشاريع قمح الراجحي في الشمال .
واكتشاف الخليجيين للنجاح الكبير لي
بزنس البرسيم .
ولي التعدين الخليجي في الوسط ولي الصيد في الشرق . القصة ما واقفة علي الجلابية والكشحة . تحياتي

ملاحظات.

المتعلمين السودانيين في الاول كانت ثقافتهم المكتسبة هي الثقافة البريطانية، فلقد كان ذلك الجيل يتحدث اللغة الانجليزية بطلاقة، وكان معظم نقاش المثقفين تتداخل به بعض الكلمات الانجليزية الكبيرة. حتى الزي الغربي كان واضح جدا في ملبسهم، ولبس البدلة الكاملة وبربطة عنق أنيقة.
وكانت هنالك محلات خاصة لتفصيل البدل الشتوية والصيفية. ولم تكن تخلوا بيوت كبار الموظفين من البارات، نعم بار في المنزل وهو عبارة عن دولاب كبير من زجاج ترتص فيه جميع المشروبات الكحولية الغالية الثمن من أمثال بلاك ليبل وجون ووكر، والبيرة الساقطة أيضا في الثلاجة.

ولكن بعد الاغتراب بدأت تظهر مظاهر غريبة على السودان وعلى السودانيين، مثلا البكاسي التي كانت تسرع في شوارع الخرطوم وتسببت في عدة حوادث سير. وبدأ لبس الجلابية خلاف أيام الجمعة. (الجلابية لدى كبار الموظفين كانوا يرتدونها في أيام الجمعة، حضور عقد قران أو المشاركة في تقديم عزاء.) فلم يكن كبار الموظفين يرتدون الجلابية بصورة يومية. ولكن بعد الاغتراب ظهرت هذه الظاهرة. ومع تدهور الاقتصاد في السودان وزيادة أعداد المغتربين السودانيين في الخليج، بدأت ثقافة السودانيين المكتسبة من البريطانيين تتحول من الثقافة الغربية والانجليزية بالتحديد الى ثقافة دول الخليج الغريبة على المجتمع في السودان.

وفي بداية الثمانينات أعلن النميري تطبيق القوانين الإسلامية في السودان، بعد أن خدعه الاخوان المسلمين، المدعومين أنزاك بأموال الخليج.
ولسخرية القدر في تلك الفترة كانت المملكة العربية السعودية تتقرب من الغرب، وخصوصا من بريطانيا ومن الولايات المتحدة، عن طريق صفقات عسكرية كبيرة (صفقة الاواكس وصفقة اليمامة مع بريطانيا). وفي السودان كان بيتم جلد شارب الخمر وقطع يد "السارق". وتعريب نظام التعليم.

الذي أريد قوله هنا هو أن أهل الخليج أنفسهم صاروا يتخذون من الثقافة الغربية والامريكية، ثقافة مكتسبة لهم.
فمثلا الان في دول الخليج سوف تجد معظم الاسواق التجارية الكبيرة هي نسخة من الاسواق في الغرب وفي الولايات المتحدة، والمحلات التجارية نفسها هي محلات أمريكية أو غربية، وواضح جدا أن اللغة الانجليزية في دول الخليج الان هي اللغة الاولى، رغم أن اللغة العربية هي اللغة "الاولى.
وأي شخص يعمل في الخليج اليوم لا يستطيع أن يتحدث اللغة الانجليزية فمن الصعب جدا أن يحصا على وظيفة ممتازة.
انا ظروف عملي سمحت لي بأن أتجول في معظم دول الخليج، فمن السهولة جدا أن يمر يوم أو يومين من غير أن أجد شخص أتحدث معه لغة عربية.

رسالتي للجميع هي، أن السودانيين عندما كانوا يتبنون الثقافة الغربية بعد خروج الاستعمار، وبعد أن استفادوا من التعليم البريطاني، كانت دول الخليج تلهث جريا من خلف كبار الموظفين السودانيين من أجل توظفهم في وظائف كبيرة وبرواتب ضخمة في الخليج، وكان معظمهم يرفض تلك الوظائف، ولكن كان يقبل بتلك الوظائف بعض الموظفين الصغار ورغم ذلك كانوا يعتبرونها مغامرة مؤقتة.

ومع مرور الزمن ومع تدهور التعليم وتدهور مستوى الكوادر المؤهلة في السودان تغير ذلك الوضع كثيرا. وأهم أسباب ذلك التدهور هو تبني الدولة السودانية نظام تعليم هو الاقرب للنظام العربي وهو يختلف عن نظام التعليم الذي تركه المستعمر البريطاني.
وفي نفس الوقت كانت دول الخليج تقوم بتغير نظام تعليمها، وقامت بفتح عدد كبير من أفرع الجامعات الامريكية والغربية في دولها، بالإضافة الى ابتعاث عدد كبيرا من طلابها للدول الغربية وأمريكا لتلقي أفضل وأحدث تعليم في العالم. فالسودانيين اليوم ينقلون في ثقافة دول الخليج الى السودان ودول الخليج بدأت في تغير ثقافتها الى ثقافات أمريكية وغربية.

الثقافة الغربية التي تخلى عنها السودانيين في الماضي، سوف تعود إليهم هذه المرة من دول الخليج، ومن غير أن يشعرون بأنها ثقافة غربية.
أبنائكم يا مغتربين اليوم يعشقون آكل المطاعم الامريكية، ويرتدون أشهر الماركات الامريكية من الملابس، ويفضلون أستخدان الاي فون عن بقية التلفونات، ويتحدثون اللغة الانجليزية باللهجة الامريكية ويتابعون الافلام الامريكية أكثر من أبناء السودانيين العايشين في أمريكا والغرب.

عشان كده موضوع الخلجنة ده لن يستمر طويلا، فهي ثقافة غير قوية في نهاية الامر.


ملحوظة:

هذه مجرد خواطر للتفكير

يا هاشم كورتك فكت وبقيت نكّات جروح

قد أوفينا بما علينا وزيادة بس أنت أقرأ وأنت لا تحمل ازميل التلج.

هسع شوف الأحكام المجانية البتطير في الهوا دي !!

قال ليك بالبنط العريض ما لم يقبل برايه الفطير والساذج والسطحي فهو يدافع عن انحطاط عام يعيشه السوداني (وفي تصوره جلابيته ذات الأكمام) وجابت كوز ويسار وباقيا أشياء (طبعاً هو قاصد يشتم لكن معليش عيار وطاش) وأنا عارفه زول طيب وعلى نيّاته.

طبعاً هو ما بيكون فاهم الكتيابي ذاته عايز يقول شنو. زول نظرته لمحيطه بهذا القصر وهذا الطشاش لا يمكن أن يعي جماليات الكلمة وإيجابيات التعددية والألوان والسحنات.

شخصية منغلقة جداً ومتقوقعة على نفسها (قل أمدرمانها المتخيلة) وإنطوائية محركها العاطفة لا العقل ووزن الأمور وتقييمها وموازنتها, يحسب أن الإختلاف في وجهات النظر عداء واختلاف الأراء له بلاء لا يليق بهذا البهاء .

لا يدافع عن فكرته ورأيه بل يعمد بطريقة صبيانية لاستحضار الملفات القديمة بحثاً عن انتصار زائف لا يفيده ولا يفيد النقاش.

وما عارف الجارة "جمهورية الموز جنوب السودان" دخلها شنو في البوست دا؟ لكن للضمان زول بالأوصاف عاليه حتماً سيستعصي عليه قراءة أي عنوان دع عنك المضمون.

وأنت تبحث عن دليل عن شنو كدا ما عارف.

ويا ظلامي تعال فكفك لهاشم دا توقيعك عشان ما يفتكر أنك أنت الحاقد!

وكمان زادها شمار "تار", الظاهر عليه مكتر اللحمة وزايد من شربوت التلاتة ايام عبّار

يا جماعة أنا بكتب وما عندي ضغينة ضد أحد, هي الدنيا دي فيها شنو وبتسوى شنو؟
نختلف ونتشاكل في الصح والغلط والغالب والمغلوب ونحلف على بعض على صحن بوش

فحقو العقول تكبر شوية ونعطي الأمر حقه, وأنه نقاش عادي في مسألة مطروحة في منبر عام تقبل الجدال والقبول أو الرفض.

ولا شخصي

كويس؟؟؟

الاحباب الكرام ودالمشرف والاحباب في البوست
لم ألاحظ هذا البوست إلا قبل شوية
زمان الزي المدرسي أيامنا الزمان ( جلابية بلياقة وكم زي كم القميص وعمة ) أيام الاولية
وبعدين موضة الجلاليب السودانية بالمناسبة بدأها الامام ا لرائع الصادق المهدي تقريباً
وأفتكر أول من ظهر بزي على الله ( هو الامام ) وأنا دائماً بتابع تقليعاته خاصة في اللبس
كمان مشايخنا في الطرق الصوفية
كما ننسى الزول الجميل الفنان عالمي راشد دياب

أما بالنسبة للزي الذي غزا كل الوطن .. الصديري من الشرق
أستطاع أهل الشرق بتفاخرهم بزيهم ( الصديري ) غزو كل الوطن حتى وصل إلى القصر الجمهوري
واصبح من الاساسيات في تكميل الزينة .. في نوع قيمته هنا في جدة ( ثلاثمائة )

الزي السودان على مستوى الاناقة والماركات مكلف جداً
الجلابية النوع التمام 200ريال
العمة مشغولة 150 ريال
مركوب بلدي 100 ريال
الشال 100 ريال
على الاقل 600 ريال ( وصلاحية الاحتفاظ بالنظافة ربما 10 ساعات ) ثم كرفسه

عايز أحكي بس مشكلتي في العامية السودانية .. يا رب تجعل للدنقلاوية كيبورد

شكراً المشرف ..

الحبيب علي

تحنيط الذوق كما قال الأخ السيد المسلمي يقتل الإبداع والجمال والذائقة السليمة

فبدلاً من تشجيع المصممين والمبدعين ندعوا للتحنيط والتنميط الممل. وذلك هو الإنحطاط الحقيقي

بينما العالم يتفنن في تصميم الملبوسات لوناً وشكلاً ونوعاً.

تصور لو كل زهور الدنيا وورودها على لون واحد وهيئة واحدة ورائحة واحدة وتصور لو أن كل الناس على لون واحد وطول واحد ولسان واحد؟

نقرب زوم الكاميرا أكثر, وتصور لو أن كل قبيلة الماساي على لون لباس واحد أو زينتهم على تشكيل خرز واحد ونمط واحد وتصور قبائل الأبروجنالز والنيتف امريكان كالأباتشي على زي واحد ولون واحد وتصور لو أن جيراننا في إثيوبيا وإريتريا على نقش لباس واحد فاين مساحة الجمال والتفرد والتنوع واختلاف الأذواق؟

والعالم الكبير بات قرية صغيرة وصار فيه التبادل الثقافي وتبادل العادات والتقاليد والأكل والملبس "صناعة" وتمثل أكبر روافد الإقتصاد في العالم وهو قطاع السياحة والفندقة والمطاعم.

الحمد لله أن هذه الذائقة سمة فطرية في الإنسان ينجذب إليها انجذاباً غير آبه بدعوات التحنيط

اهديك هذه الصورة (ومعليش ياني يضع شال علم السودان معكوساً)

Quote: ههههههههههه ... الردود دي لي انا .. كتر خيرك والله ياخ ... يعطيك العافية كما يقول اهلنا وربعنا في الخليج .. Re: د. النور حمد لمحمد لطيف: نحن لا نختلف عن ار�Re: د. النور حمد لمحمد لطيف: نحن لا نختلف عن ار�

Quote: إنّ التاريخ يعيد نفسه مرتين, مرة على شكل مأساة, ومرة على شكل مهزلة.

تحياتي يا مشرف.....
لم استغرب ضحالة و تفاهة ما يكتبه صاحب "الرصاص في الراس" - و من على شاكلته - بقدر ما استغربت أن يرفع لمقام يحاور و يرد عليه فيه.



..............................
بلاغ لى سيد الحوش ,, وقّع لطرد داعية القتل من المنبر

عودة.