Post: #1
Title: بنأكل الكبد والكرش والفشفاش والطحال وبنضيف ليها البول وبنأكلها
Author: النذير حجازي
Date: 08-22-2018, 09:41 AM
09:41 AM August, 22 2018 سودانيز اون لاين
النذير حجازي-بلاد الله الواسعة دي، كل شهر في بلد
مكتبتى
رابط مختصر 
Quote: في لقاء تلفزيوني في احدي القنوات الخليجية سألت المذيعة ضيفها السوداني:
ايش اهم اكلة عندكم في السودان في الاضحية؟
اجابها والزهو يملؤه:
المرارة .
سألته: كيف بتعملونا؟
اجابها: بنقطع الكبد وبنقطع معها الكرش والفشفاش والطحال وبنضيف ليها البهارات وزبدة الفول السوداني...قاطعته سائلة:
وبدخلونها الفرن؟
اجابها: لا..بنكب ليها البول وبناكلها !!!؟؟؟
لكم ان تنخيلوا ردة فعل المذيعة والمشاهدين غير السودانيين
. |
https://www.alrakoba.net/news-action-show-id-311800.htmhttps://www.alrakoba.net/news-action-show-id-311800.htm
|
Post: #2
Title: Re: بنأكل الكبد والكرش والفشفاش والطحال وبنض
Author: نادر الفضلى
Date: 08-22-2018, 07:42 PM
Parent: #1
هههههه والبول ما معروف بول شنو ومنو ؟
طبعا دا هبل سودانى بتاع تقديم وتمييز أنفسهم لغير السودانيين بفركة القرمصيص والحنة والدخان والريحة البلدية ورقصة العروس .. وزولتنا فى سيرها على نفس الخط ما لقيت فى أكل العيد غير المرارة بالبول! دى من النوع الما بضبح إلا من عيد لى عيد .. المرارة بى البول دى من توابع أى ضبيحة .. ما بتعرف تقول لحمة الصاج المحمرة واللحمة المشوية .. والكمونية ول أخير ما تذكر الكمونية لأنها حتلخبط .. (افى السعودية فى المطاعم السودانية ...الزبائن السعوديين المستعجلين يطلبونها سندوتشات)
النذير كل سنة وأنت طيب .. لكن صورة صحن المرارة ما بس إبداع .. تشهى وتتاكل بى بولا ... هههه
|
Post: #3
Title: Re: بنأكل الكبد والكرش والفشفاش والطحال وبنض
Author: النذير حجازي
Date: 08-23-2018, 10:20 AM
Parent: #2
هههههههه @ نادر
وينك يا نادر ووين أراضيك؟
من أيام سودان فور أول ما شفناك،
وكيف أوهايو على حسك.
شوفت المرارة دي اتطورتك كيف؟
ياخي والله السودانيات ديل مبدعات
|
|