كل سنة وانسان السودان بخير كل سنة والجميع بخير 💐🌹🌹🌹🌹🌹
Post: #2 Title: Re: عيد مبارك Author: محمد حيدر المشرف Date: 08-21-2018, 06:52 AM Parent: #1
كل عام وانت وافراد الاسرة الكريمة بالف خير يا دكتور .. ثم انا والله لمشتاقون وفاقدنك بين تفاصيل هذا المكان
Post: #3 Title: Re: عيد مبارك Author: Yasir Elsharif Date: 08-21-2018, 06:55 AM Parent: #2
كل عام وأنتم والسودان بخير نسأل الله أن يعيد العيد وقد تخلص السودانيون من كابوس حكم الإنقاذ
Post: #4 Title: Re: عيد مبارك Author: اخلاص عبدالرحمن المشرف Date: 08-21-2018, 09:30 AM Parent: #3
الحبيب محمد حيدر كل سنة انت والاسرة الكريمة بخير البلد محتاجة مع الدعوات عمل وعمل صبور ومتواصل ما تعرضنا له كشعب نتائجه ماثله من تقسيم وتهميش وتزييف لم يسلم اي جزء من البلاد
ح نبنيه ال بنحلم بيهو
Post: #5 Title: Re: عيد مبارك. Author: اخلاص عبدالرحمن المشرف Date: 08-21-2018, 09:39 AM Parent: #4
دكتور Yasir Elsharif لك التحايا يحتاج الامر لمهارة الطبيب وصبر الحكيم يحتاج الامر لروح السودان
كثر هم الذين نذراها كثر أهل ،أصدقاء ،زملاء عمل ورفقاء طريق ونبتسم رغم الفراق كتبت قصة كانت جميلة ، عندي عادة بكتب في قصاصات او اي ورقة اجدها = كنت الايام الفاتت مشغولة بالرسم ، رسم نص نص ناس غزالة وباقة ورد ووشوش ،القصة جميلةبس القصاصات نصها ضائع . متذكرة فيها ملائكة وأغاني ، متذكرة يا حليلهم دوام بطراهم والغريبة مفروض يكون فيها محمود عبدالعزيزبيغني الأوصفوك .
يا حليلهم دوام بطراهم مفروض ما تكون غناء في السودان العيد عندو طعم ورغم انو فرحنا ممزوج بالحزن بس في العيد بنطراهم عشان كده يا حليلهم دوام بطراهم كلما تتمعن فيها تسأل نفسك الشاعر قاصد شنو مشاعرك كانت شنو
الاخ علاء سيد احمد كل سنة وانت طيب والسنة الجاية وطن خير معافي بدون كيزان وطن يسع الجميع وطن مهاب بين الامم أبناؤه موفوري الكرامة لك العزة يا وطني والسودانيين الخير كل الخير
Post: #14 Title: Re: عيد مبارك. Author: احمد حمودى Date: 08-21-2018, 06:38 PM Parent: #13
كل سنة وانت طيبة يا دكتورة والمواطن السوانى بالف خير
Post: #16 Title: Re: عيد مبارك. Author: محمد عبد العظيم فرح Date: 08-21-2018, 08:49 PM Parent: #15
كل سنه وانتو طيبين ولاميين وتامين عقبال الخير يترادم والدنيا تمشي دغريه
Post: #17 Title: Re: عيد مبارك. Author: اخلاص عبدالرحمن المشرف Date: 08-22-2018, 00:12 AM Parent: #16
كل سنة وانت طيب استاذ محمد عبدالعظيم فرح السنة الجاية سودان حر ،قوي بوحدة بنية من دون ظلم من دون مظالم
Post: #18 Title: Re: عيد مبارك Author: Fatima Alhaj Date: 08-22-2018, 00:40 AM Parent: #1
كل سنة وأنت بألف خير دكتورة عيدك مبارك أن شاء الله من العايدين. منورة خلوص وليك وحشة ، المنبر من غيرك ناقص نكهة.
Post: #19 Title: Re: عيد مبارك Author: اخلاص عبدالرحمن المشرف Date: 08-22-2018, 03:23 AM
فطوم كيفك يا اخ العيد يتبارك عليك غايتو مجموعة مقاطعة الشواء لحال البلد رغم عدديتها المقدرة الا ان أنصار الشواء لا زالوا أغلبية للشئ الديني متوقعة العيد الجاي لو مدردقين بالحالة دي الخروف يصير ترف مقتصر علي الرئيس فقط
Post: #20 Title: Re: عيد مبارك Author: امتثال عبدالله Date: 08-22-2018, 03:48 AM Parent: #19
وكل سنة وانت طيبة يا اخلاص ...وان شاء الله السنة الجاية نتلم في وطن حدادي مدادي وطن ديمقراطي حيث السوداني يرفع رأسه عاليا ويقول بفخر انا سوداني والسودانية تقول بعزة وشرف وكرامة انا سودانية ...
Post: #21 Title: Re: عيد مبارك Author: اخلاص عبدالرحمن المشرف Date: 08-22-2018, 04:01 AM Parent: #20
يا ناسية للعيد واللحم لابسة السواد متوشحه حالك اخير من كتير جايبة اللحم دين اوشاحده اجتمعوا عليك جميع تجار دين كفار وملاحده عزة وجمال ملاحه ورشاقة مين يلحقه انتي الحنان انتي الجمال كفاحك ملحمة منك يبدأ الحكي ولك منتهاه
Post: #22 Title: Re: عيد مبارك Author: اخلاص عبدالرحمن المشرف Date: 08-22-2018, 04:33 AM Parent: #21
الحبيبة امتثال كل سنة وانتي طيبة تعرفي زمان كان خروف العيد عندو مواصفات يعني بونينو ما مكسورة صنبو ما مقطوع وكده الشيوخ كانو يقولو لك دي غير مستحب للفداء والضحية واحد من الشيوخ سألو كيف وهو ممكن نقول عليه من المجددين ما ناس النصوص قال ليهم لو شاحد قروشه ولا مزينه مكروه ولو سارقة وما فيه عيب صحيح بس ما بدخلك الجنة