ليس سرا لقد بدأ العمل التحضيري لها بالفعل يساعدني فيها د على ابراهيم الضو ستشمل من سرور وكرومة الى احدث موسيقي ومغني الان بالساحة تم تجنيد العديد من الموسيقيين وغير الموسيقيين للمساعدة فيها الطريقة ستكون علمية بحتة وتشبه الاوراق العلمية الاكاديمية من مراجع ولنكات ونوت موسيقية الخ الخ لذا فنرجو من كل الذين يمتلكون صورا نادرة ارسالها لي في ايميلي او على الواتساب في تلفوني او وضعها هنا في هذا البوست تلفوني هو
كسرة يا قباني اولا وين يا اخوي صالة العرض الموصلية راحت فتشت في موقعكم لامن فترت ومالقيتها ثانيا عندي اغنية اسمها "هجر الحبيب" في الاذاعة السودانية لم اجدها عندكم ياريت لو شبابك الخطرين لقوها وختوها في صفحتي عندكم تحياتي للجميع
Post: #2 Title: Re: موسوعة الموسيقى السودانية في الطريق ان شا Author: Ahmed Yassin Date: 08-16-2018, 09:14 AM Parent: #1
كل سنة وانت طيب استاذنا العزيز بالتوفيق ان شاء الله وفي انتظار الموسوعة التاريخية
Post: #3 Title: Re: موسوعة الموسيقى السودانية في الطريق ان شا Author: عمر أبوعاقلة Date: 08-16-2018, 09:29 AM Parent: #2
موفق يا دوك أتوقع أن تكون موسوعة في غاية المهنية والابداع متمنياً لك المزيد من النجاحات
Post: #4 Title: Re: موسوعة الموسيقى السودانية في الطريق ان شا Author: عزيز Date: 08-16-2018, 09:56 AM Parent: #3
استاذي الجميل أسعدك الله ومتعك بالصحة والسعادة
حقيقة نحتاج لهذه الموسوعة التي ستبحث وتكتب بفكر موسيقي متخصص.. فكل الكتابات السابقة والاسهامات كانت من اهل الصحافة والاعلام واعتقد انها اعتمدت صيغة الخبر. اكيد ستجدني بكل ما أستطيع طوع امرك استاذي.
وفقك الله وفي شوق لهذا السفر
Post: #8 Title: Re: موسوعة الموسيقى السودانية في الطريق ان شا Author: Elmosley Date: 08-17-2018, 02:26 AM Parent: #4
حقيقة نحتاج لهذه الموسوعة التي ستبحث وتكتب بفكر موسيقي متخصص.. فكل الكتابات السابقة والاسهامات كانت من اهل الصحافة والاعلام واعتقد انها اعتمدت صيغة الخبر. اكيد ستجدني بكل ما أستطيع طوع امرك استاذي.
وفقك الله وفي شوق لهذا السفر
تسلم حبيبنا عزيز دوما قدام ومبادر وخلوق ديب ياخي مانوكل ليك مهمة ناس هولندا وناس المانيا؟؟؟ ما اظن حيكون في زول زيك بهذا القدر من الاهتمام نحن عايزين الكم الهائل من المعلومات بعدين حنرتبها بسلوب علمي وياريت تسالهم عن بعضهم البعض كل الود ياحبيب الموضوع ده غاية في الاهمية كفاية الناس الماتو واندفنت معاهم معلوماتهم
Post: #24 Title: Re: موسوعة الموسيقى السودانية في الطريق ان شا Author: Elmosley Date: 08-30-2018, 05:02 AM Parent: #4
في الانتظار
Post: #6 Title: Re: موسوعة الموسيقى السودانية في الطريق ان شا Author: Elmosley Date: 08-16-2018, 06:05 PM Parent: #3
موفق يا دوك أتوقع أن تكون موسوعة في غاية المهنية والابداع متمنياً لك المزيد من النجاحات ان شاء الله بفضل دعمكم يا عمر
Post: #5 Title: Re: موسوعة الموسيقى السودانية في الطريق ان شا Author: Elmosley Date: 08-16-2018, 06:01 PM Parent: #2
زميلنا الجميل احمد يس تسلم لمساندة والمساندة الاكبر تبدا لي بي روحك احكي اكتب عن نغسك الالات الالحان الكتابات المعارف من الموسيقيين النشاة الميلاد ولو رسلوك الدكان وابيت تمشي اكتب
اكتب عن المناطق العشت فيها والفنون والنشاط الفني فيها الخ الخ اكتب بالتفصيل الممل وارسل صورك من زمن بابو لي هسع على ورد دوكيومنت وخلي الباقي علينا ورينا الناس الموسيقيين الممكن نسالهم عنك النوت الموسيقية التي كتبتها حاجاتك في قوقل واليوتيوب اها
Post: #7 Title: Re: موسوعة الموسيقى السودانية في الطريق ان شا Author: Kostawi Date: 08-16-2018, 08:35 PM Parent: #5
Post: #9 Title: Re: موسوعة الموسيقى السودانية في الطريق ان شا Author: يحي قباني Date: 08-17-2018, 05:16 AM Parent: #7
Quote: كسرة يا قباني اولاوين يا اخوي صالة العرض الموصلية راحت فتشت في موقعكم لامن فترت ومالقيتها ثانياعندي اغنية اسمها "هجر الحبيب" في الاذاعة السودانية لم اجدها عندكم ياريت لو شبابك الخطرين لقوها وختوهافي صفحتي عندكم
تحياتي يا موسيقار ...و موفقين ان شاء الله ... مشروع بديع ...
Post: #12 Title: Re: موسوعة الموسيقى السودانية في الطريق ان شا Author: Elmosley Date: 08-18-2018, 04:23 AM Parent: #9
تحياتي يا موسيقار ...و موفقين ان شاء الله ... مشروع بديع
الصديق الجميل يحى قباني شطرا لتشديعك الدائم اللينك ما اشتغل
Post: #10 Title: Re: موسوعة الموسيقى السودانية في الطريق ان شا Author: Elmosley Date: 08-17-2018, 06:10 AM Parent: #7
شكرا كثيفا صديقي الجميل يا كرمبتنا كل الود
Post: #11 Title: Re: موسوعة الموسيقى السودانية في الطريق ان شا Author: Elmosley Date: 08-17-2018, 06:11 AM Parent: #7
شكرا كثيفا صديقي الجميل يا كرمبتنا كل الود
Post: #13 Title: Re: موسوعة الموسيقى السودانية في الطريق ان شا Author: Ahmed Yassin Date: 08-18-2018, 10:23 AM Parent: #11
استاذنا الجميل الموصلي حاضر .. ستجدني تحت رهن اشارتك ان شاء الله
Quote: زميلنا الجميل احمد يس تسلم لمساندة والمساندة الاكبر تبدا لي بي روحك احكي اكتب عن نغسك الالات الالحان الكتابات المعارف من الموسيقيين النشاة الميلاد ولو رسلوك الدكان وابيت تمشي اكتب
اكتب عن المناطق العشت فيها والفنون والنشاط الفني فيها الخ الخ اكتب بالتفصيل الممل وارسل صورك من زمن بابو لي هسع على ورد دوكيومنت وخلي الباقي علينا ورينا الناس الموسيقيين الممكن نسالهم عنك النوت الموسيقية التي كتبتها حاجاتك في قوقل واليوتيوب
والغريبة ان يوسف الموصلي دا كان حريف في الكورة حرفنة شديدة وجمع بين حرفنة الكفر وبراعة الوتر والنغم اما اخوك (عب الدوكة) انقطعت اخباره وهو وين يا يوسف عارف حابدأ ليك من وين يا حبيبنا ؟ من (بلابل الغربي) ياحلو وخلفك ... مهدي بابكر مهدي قرشي (رحمه الله) كمال رحمة الله الشهير ب (كريازي) - الله يرحمه بدرالدين رحمة الله حسون عثمان النور واخليك مع آخر اغنية في الحفلة و(الرق ) مع الراحل مهدي قرشي ياحمامة مع السلامة
Post: #14 Title: Re: موسوعة الموسيقى السودانية في الطريق ان شا Author: Zakaria Fadel Date: 08-18-2018, 10:50 AM Parent: #13
تحياتي اخونا يوسف اخشى ما اخشاه ان تجنح هذه الموسوعة للعلمية ( البحتة) وتهمل ( المشاعر) الموسيقى مشاعر و أحاسيس تهز الوجدان قبل العقول
فتضيع موسيقى بسيطة مثل ( الليلة يا سمراء) وهي ما ماهي في الوجدان لانها لم تجعل العقل يقف مشدوها!!!
Post: #16 Title: Re: موسوعة الموسيقى السودانية في الطريق ان شا Author: Elmosley Date: 08-19-2018, 04:39 PM Parent: #14
تحياتي اخونا يوسف اخشى ما اخشاه ان تجنح هذه الموسوعة للعلمية ( البحتة) وتهمل ( المشاعر) الموسيقى مشاعر و أحاسيس تهز الوجدان قبل العقول
فتضيع موسيقى بسيطة مثل ( الليلة يا سمراء) وهي ما ماهي في الوجدان لانها لم تجعل العقل يقف مشدوها!!! اخي زكريا ان كان هذا ما تخشاه فانت محق
فنحن بصدد التوثيق التاريخي للاحداث التي صاحبت المبدع من١ الولادة حاى الممات او اللحظة الحاضرة وهذا سيكزن باسلوب علمي بحت ومحدد لا يحتمل العواطف الجياشة ونا من عشاق الليلة ياسمرة الا هنا في الموسوعة يمكن تحليلها بعد كتابتها كنوتة باعتبار انها تعبر عن عبقرية وردي في استلهام التراث لك تحياتي
Post: #15 Title: Re: موسوعة الموسيقى السودانية في الطريق ان شا Author: Elmosley Date: 08-19-2018, 04:28 PM Parent: #13
غاينو اعترف بانك حفار جدت هههههه بس نسين بعدها يوسف ود الصحافة والكورس محدوب ود نفاش ومحمد بشيلر وحميدة وحمزة حسن والايقاعات عوض دون وعز الدين سيد احمد وعوض الكنزي وغيرهم اها كيف ------------- اهم شئ تكلمناعن احمد يس
Post: #17 Title: Re: موسوعة الموسيقى السودانية في الطريق ان شا Author: امتثال عبدالله Date: 08-19-2018, 05:04 PM Parent: #15
خطوة موفقة يا استاذ ومشروع اوسكار ..اوسكار ...اوسكار فالمكتبة السودانية فعلا في حاجة ماسة الى هذه الموسوعة الموسيقية فلكم الشكر والامتنان مقدما ومع وافر التقدير والاحترام والامتنان ،، والتحيات النواضر ولكل الذين يشاركون معك في هذا العمل الكبير
Post: #18 Title: Re: موسوعة الموسيقى السودانية في الطريق ان شا Author: Elmosley Date: 08-20-2018, 08:36 AM Parent: #17
خطوة موفقة يا استاذ ومشروع اوسكار ..اوسكار ...اوسكار فالمكتبة السودانية فعلا في حاجة ماسة الى هذه الموسوعة الموسيقية فلكم الشكر والامتنان مقدما ومع وافر التقدير والاحترام والامتنان ،، والتحيات النواضر ولكل الذين يشاركون معك في هذا العمل الكبير
العزيزة المقدر الزميلة امتثال شكرا للتشجيع والحقيقة الموسوعة لن تستثني احدا صغير ام كبير هاوي ام محترف موسوعة يعني موسوعة وانا عرفت انك درستي وعزفتي الساكسفون يلا كلمينا هنك منذ الميلاد وحتى الان انا جاد جدا كل الود وكل سنة وانتي طيبة
Post: #19 Title: Re: موسوعة الموسيقى السودانية في الطريق ان شا Author: Elmosley Date: 08-21-2018, 03:05 AM Parent: #1
كل عام وانتم بالف خير
Post: #20 Title: Re: موسوعة الموسيقى السودانية في الطريق ان شا Author: ترهاقا Date: 08-21-2018, 03:51 AM Parent: #19
تمامين أخبارك؟
Post: #21 Title: Re: موسوعة الموسيقى السودانية في الطريق ان شا Author: Elmosley Date: 08-22-2018, 06:53 AM Parent: #20
الحمد لله زميلي العزيز ترهاقا يلا زبدت لينا موضوعك وبالمرة جمبك عندك خالدبرعي وغي شابة كانت غنت في عقد الجلاد نسيت اسمها معاكم في الولاية ونكون ممنونين يا حبيب
Post: #22 Title: Re: موسوعة الموسيقى السودانية في الطريق ان شا Author: ترهاقا Date: 08-22-2018, 04:08 PM Parent: #21
يا ريت ترسل تلفونها
وكل عام وانت الاسرة الكريمة بخير
Post: #23 Title: Re: موسوعة الموسيقى السودانية في الطريق ان شا Author: Elmosley Date: 08-24-2018, 09:09 PM Parent: #22
يا ريت ترسل تلفونها
وكل عام وانت الاسرة الكريمة بخير
ان شاء الله تسلم
Post: #25 Title: Re: موسوعة الموسيقى السودانية في الطريق ان شا Author: Elmosley Date: 09-10-2018, 06:27 AM Parent: #23
الخطوات تسير بشكل متسارع ولكنه جيد جدا والتجاوب كبير
Post: #26 Title: Re: موسوعة الموسيقى السودانية في الطريق ان شا Author: Elmosley Date: 09-12-2018, 05:33 AM Parent: #1
الصديق عماد احمد هل تساعدنا فانت موثق ممتاز
Post: #27 Title: Re: موسوعة الموسيقى السودانية في الطريق ان شا Author: Kostawi Date: 09-13-2018, 01:59 AM Parent: #26
Alshbab
Post: #28 Title: Re: موسوعة الموسيقى السودانية في الطريق ان شا Author: Kostawi Date: 09-13-2018, 02:36 AM Parent: #27
أخي المايسترو و الصديق الموصلي نصيحة مني ليك أطلع من أستوديهات و تلفزيونات العاصمة المثلتة و أمشي المدن و الريف السوداني و حا تجد العجب العجاب أنا كنت في مامورية في جنوب دارفور و الله وجدت أستاذ مدرسة إبتدائية يعزف ويغني أحسن من كل ففنانينك الأنا شفتهم و إستمعت ليهم في حلقات المايسترو... أرجو منك زيارة الريف و المدن الأخرى و حا تلقى العجب العجاب (سيب الخرطوم على قول طرزان)
كدى أسمع الزول الفوق دا و ربابته! تحيتي من على البعد و واشنطون تحييك
Post: #29 Title: Re: موسوعة الموسيقى السودانية في الطريق ان شا Author: Awad Omer Date: 09-13-2018, 04:53 PM Parent: #28
دعواتنا لك بالتوفيق ...وابهارنا بما لانتوقع ؟ ياستاذ ياكبير .
وزي ما الشوق بيمد..نحن كمان مادين اضتينا ليك ...
متاكد بانك ستبتعد بنا عن التقليدية الشديدة الراسخة في الانتلاجنسيا السودانية والذهنية المكررة في مسارات الابداع ..
حبيبنا عوض هذه موسوعة معلوماتية لا علاقة لها بالعواطف او "احب ولا احب" المعلومات تاتي محايدة ومجردة ولا توجد محلبية من الاساس ههههههه ولن نقع في خطأ من سبقنا من المؤرخين!!!! كل الود لك والمحبة
Post: #31 Title: Re: موسوعة الموسيقى السودانية في الطريق ان شا Author: Elmosley Date: 09-16-2018, 08:37 AM Parent: #28
أخي المايسترو و الصديق الموصلي نصيحة مني ليك أطلع من أستوديهات و تلفزيونات العاصمة المثلتة و أمشي المدن و الريف السوداني و حا تجد العجب العجاب أنا كنت في مامورية في جنوب دارفور و الله وجدت أستاذ مدرسة إبتدائية يعزف ويغني أحسن من كل ففنانينك الأنا شفتهم و إستمعت ليهم في حلقات المايسترو... أرجو منك زيارة الريف و المدن الأخرى و حا تلقى العجب العجاب (سيب الخرطوم على قول طرزان)
كدى أسمع الزول الفوق دا و ربابته! تحيتي من على البعد و واشنطون تحييك
,وانت الصادق اخي كوستاوي فقد اجاز لي مجلس حماية المصنفات الفنية برنامجا يهتم بالاغنيات الناطقة بلغات غير دارجة الخرطوم وهي متعددة وموجودة في كل اقاليم السودان وعلى رأسها اقليم دارفور والان ابحث عن التمويل المناسب
....... مشتاقين والله وغالبا اجي اجازة شهر لاميركا تن شاء الله بداية ديسمبر كل الود يا صديقي
Post: #30 Title: Re: موسوعة الموسيقى السودانية في الطريق ان شا Author: Elmosley Date: 09-14-2018, 06:02 AM Parent: #27
الزول ظريف يا كوستاوي كونو يغني عمل في ضخامة الطير المهاجر بالطمبور ده كلام كبير يستحق التصفيق بجيك لكلامك التاني بي مهلة
Post: #33 Title: Re: موسوعة الموسيقى السودانية في الطريق ان شا Author: الطيب عباس Date: 09-18-2018, 06:24 AM Parent: #1
متابع يا استاذ بالتوفيق
ياريت لو تدعموها بنوتات حرفيه للسلم الخماسي السوداني ونوتات للعود لانها نااادرة التوثيق في الاسافير وكل مبتدئي يبحث عنها انا مبتدئي عود بس تقدر تقول كي جي 1 يادوبي ..
تحياتي ولضيوفك الكرام
Post: #34 Title: Re: موسوعة الموسيقى السودانية في الطريق ان شا Author: ياسر السر Date: 09-18-2018, 08:27 AM Parent: #33
من غيرك يعطي لهذا الشعب معنى ان يعيش وينطرب ,,,
التحية لك دوما استاذي الموسيقار يوسف الموصلي على هذا العمل الكبير الجبار والذي طال انتظارنا له فنحن كشعب لنا من التراث والاعمال الموسيقية والغنائية العظيمة التي تحتاج بان يوثق لها وان تدون في سجلات ومدونات حتى لا يضيع ارثنا وفننا الجميل الذي لم يجد حظه من الانتشار على الرغم من انه يستحق ومؤهل تماما بان يكون في ريادة الفنون الغنائية في العالم اجمع على حسب تقديري الخاص . فاسال الله ان يعينك ومن معك ويوفقكم للمسير قدما في هذا المشروع العظيم ,,,, وبالتوفيق ان شاء الله ,,,, ونحن في الانتظار ...
تحياتي : ياسر العيلفون ....
Post: #36 Title: Re: موسوعة الموسيقى السودانية في الطريق ان شا Author: Elmosley Date: 09-27-2018, 09:46 AM Parent: #34
التحية لك دوما استاذي الموسيقار يوسف الموصلي على هذا العمل الكبير الجبار والذي طال انتظارنا له فنحن كشعب لنا من التراث والاعمال الموسيقية والغنائية العظيمة التي تحتاج بان يوثق لها وان تدون في سجلات ومدونات حتى لا يضيع ارثنا وفننا الجميل الذي لم يجد حظه من الانتشار على الرغم من انه يستحق ومؤهل تماما بان يكون في ريادة الفنون الغنائية في العالم اجمع على حسب تقديري الخاص . فاسال الله ان يعينك ومن معك ويوفقكم للمسير قدما في هذا المشروع العظيم ,,,, وبالتوفيق ان شاء الله ,,,, ونحن في الانتظار ...
تحياتي : ياسر العيلفون ....
شكرا زميلنا الحبيب ياسر وما تنسى تكتب لينا عن ياسر وبالتفصيل الممل وبالصور وبالاغنيات الخاصة ان وجدت كل الود
Post: #35 Title: Re: موسوعة الموسيقى السودانية في الطريق ان شا Author: Elmosley Date: 09-19-2018, 05:27 AM Parent: #33
متابع يا استاذ بالتوفيق
ياريت لو تدعموها بنوتات حرفيه للسلم الخماسي السوداني ونوتات للعود لانها نااادرة التوثيق في الاسافير وكل مبتدئي يبحث عنها انا مبتدئي عود بس تقدر تقول كي جي 1 يادوبي ..
تحياتي ولضيوفك الكرام
عزيزي ال يب ستكون النوت هناك فكن معنا وبالتوفيق غي عودن الوتري
Post: #37 Title: Re: موسوعة الموسيقى السودانية في الطريق ان شا Author: Elmosley Date: 10-01-2018, 06:53 AM Parent: #35
يسير الامر كما يرام اها زملائنا هنا انتو وين؟ أخير لييييكم
Post: #38 Title: Re: موسوعة الموسيقى السودانية في الطريق ان شا Author: ياسر السر Date: 10-01-2018, 09:17 AM Parent: #37
اولا لك الشكر استاذنا الكبير يوسف الموصلي على رفع روحي المعنوية لهذه الدرجة الكبيرة جدا وبالنسبة لي لا اعتقد انني قدر المستوى الذي يجعل ما قدمته يضاف لهذه الموسوعة التي احسبها اكب رمن مقدراتي بكثير فانا مثلا امتلك عمل خاص واحد وهو اغنية امنية التي صاغ كلماتها الشاعر المجيد محمد سلفة وهو من اميز الشعراء الغنائيين الذين تخصصو في شعر منطقة الشايقية وله انتاج غزير من الاغاني المعروفة وهي من الحاني الخاصة وكانت محاولة لتجربة اداء اغنية الشايقية او الدليب بصورة مختلفه وبصورة اقرب لغناء الوسط او الغناء الحديث لذلك لا اعرف اذا كانت المحاولة ناجحة ام لا ! وايضا انا مثلك الغربة اخذت مني الكثير وابعدتني عن الوسط الفني في السودان لفترة قاربت عن ال 18 عاما وهي فترة بكل الحسابات طويلة جدا وانت ادرى بان المواصلة في الفن تكسب الفنان خبرة وطلاوة صوت وعلى الاقل لا تترك مجالا للصوت ان يشيخ وانت سيد العارفين في هذا المجال ... لذا ارجو ان تعفيني من المشاركة في هذه الموسوعة وطلبك على عيني وراسي ولكن عندما اشعر انني قدمت شي للفن ساكتب عن نفسي وعن الكثير واشكرك كثير على منحي هذا الشرف الكبير واكيد لي عودة ان شاء الله ..
تحياتي : ياسر العيلفون ......
Post: #39 Title: Re: موسوعة الموسيقى السودانية في الطريق ان شا Author: ناذر محمد الخليفة Date: 10-01-2018, 10:26 AM Parent: #1
أمنية .. الفنان ياسر العيلفون
Post: #40 Title: Re: موسوعة الموسيقى السودانية في الطريق ان شا Author: ياسر السر Date: 10-02-2018, 12:41 PM Parent: #39
كل الشكر لك اخي الاستاذ ناذر الخليفة على ادراج فيديو اغنية امنية هنا وهي كما اسلفت الذكر من انتاجي الخاص ... ولابد ان اشكرك مرة اخرى على القيام بتسجيل الاغنية في مكتبكم العامر بالخرطوم 3 رقم انني لم اهيئ نفسي للتسجيل بل كانت دندنه عادية ولكن شخصك الفنان قام بالتسجيل والنشر مشكورا ,,, واتمنى ان تنال استحسان كل من يسمعها ... ويا ريت الموسيقار الموصلي ياتينا بنقده البناء بوصفه احد ابناء وادي عبقر في الموسيقى السودانية حتى يستقيم الاداء واللحن .. مرة اخرى شكرا الشفيف ناذر ...
تحياتي : ياسر العيلفون ...
Post: #41 Title: Re: موسوعة الموسيقى السودانية في الطريق ان شا Author: أبوبكر عباس Date: 10-02-2018, 02:23 PM Parent: #40
متابع لهذا البوست للآن لم أر مداخلة ممكن تحرك المشروع خطوة الموضوع أقرب الونسة ويبدو لي انو مشروع خيالي ساكت
Post: #42 Title: Re: موسوعة الموسيقى السودانية في الطريق ان شا Author: حاتم إبراهيم Date: 10-26-2018, 06:39 AM Parent: #1
Quote: ستشمل من سرور وكرومة الى احدث موسيقي ومغني الان بالساحة تم تجنيد العديد من الموسيقيين وغير الموسيقيين للمساعدة فيها الطريقة ستكون علمية بحتة وتشبه الاوراق العلمية الاكاديمية من مراجع ولنكات ونوت موسيقية الخ الخ لذا فنرجو من كل الذين يمتلكون صورا نادرة ارسالها لي في ايميلي او على الواتساب في تلفوني
خبر ممتاز وأبارك الخطوة وأعلن استعدادي لمد يد العون بما تيسر.
لكن يا يوسف انت ما شايف إنو (الطريقة العلمية) تستدعي أسلوب مغاير في جمع "المادة"؟ فحسب علمي المتواضع أنت تتحدث عن (ملكية فكرية) وبعضها (خصوصيات) أصلاً فهل تطالب فعلاً بإرسالها إلى (إيميلك) و(تلفونك)؟
فإذا كان دا مشروع رسمي يشمل الانتاج الثقافي الموسيقى على مستوى جمهورية السودان فأنا بتوقع يتم بطريقة (أفضل) من كدة، دا خلاف إنو المحتوى الأنت بتحاول جمعه (بنفسك) معظمه في الإذاعة والتلفزيون، يعني البداية المفروض تكون من هناك أو من اتحاد الفنانين أو مراكز الشباب.
مشاريع كبيرة زي دي عادة بيتم التخطيط ليها بطريقة مدروسة، وما أظن يخفى عليك حادثة فشل تسجيلات وردي الأنت أدرتها بذات الطريقة وأخشى (بعد الفشل) أن نشهد في المنبر قريباً (شكوى) وكلام من شاكلة:
==== (الموسوعة دي أنا جمعت مادتها بنفسي وبإيميلي وتلفوني) ====
على غرار المن بفضل الظهر وذكرك لعملية توصيل العازفين بسيارتك الخاصة في المشروع الفاشل آنف الذكر.
نصيحتي أن تبعد إيميلك وتلفونك من الشأن العام، أقولها باعتباري ممن يحق لهم إبداء الرأي في الموسوعة.
___ هل ستشمل الموسوعة نوتة أغنية (تخيل) التي وزعتها للشاب خالد حاج إبراهيم؟
Post: #43 Title: Re: موسوعة الموسيقى السودانية في الطريق ان شا Author: حاتم إبراهيم Date: 10-27-2018, 08:05 AM Parent: #1
Quote: الطريقة ستكون علمية بحتة وتشبه الاوراق العلمية الاكاديمية من مراجع ولنكات ونوت موسيقية الخ الخ
كدة تبقى مكتبة بحوث موسيقية أو مكتبة للموسيقى مش موسوعة.
Quote: احكي اكتب عن نغسك الالات الالحان الكتابات المعارف من الموسيقيين النشاة الميلاد ولو رسلوك الدكان وابيت تمشي اكتب
اكتب عن المناطق العشت فيها والفنون والنشاط الفني فيها الخ الخ اكتب بالتفصيل الممل وارسل صورك من زمن بابو لي هسع على ورد دوكيومنت وخلي الباقي علينا ورينا الناس الموسيقيين الممكن نسالهم عنك
وكدة تبقى مذكرات شخصية (يوميات).
Quote: فنحن بصدد التوثيق التاريخي للاحداث التي صاحبت المبدع من١ الولادة حاى الممات او اللحظة الحاضرة وهذا سيكزن باسلوب علمي بحت ومحدد لا يحتمل العواطف الجياشة
وكدة ما حتكون موسوعة موسيقية، بل ترجمات (بايوغرافي) للموسيقيين.
Quote: شكرا للتشجيع والحقيقة الموسوعة لن تستثني احدا صغير ام كبير هاوي ام محترف موسوعة يعني موسوعة وانا عرفت انك درستي وعزفتي الساكسفون يلا كلمينا هنك منذ الميلاد +++ وبالمرة جمبك عندك خالدبرعي وغي شابة كانت غنت في عقد الجلاد
وكدة حتكون مكتبة سير ذاتية للأفراد، أوتوغرافي. وللأسف قائمة على العلاقات الشخصية.
Quote: على ورد دوكيومنت وخلي الباقي علينا
وكدة حينتهي المشروع لمجرد موقع إلكتروني ما ليهو أي علاقة بالموسوعات. ومع مرور الوقت حيتم وضع المحتوى زي ماهو، للتنزيل. لا اعتقد أنها وسيلة مناسبة.
اقترح عليكم تعلموا بلاتفورم بلوائح محددة تتيح التحرير الجماعي.
===============
Quote: متابع لهذا البوست للآن لم أر مداخلة ممكن تحرك المشروع خطوة الموضوع أقرب الونسة ويبدو لي انو مشروع خيالي ساكت
يا أبوبكر أصلاً في ضبابية في الرؤية، من طلبات يوسف الفوق دي أنا ما قدرت أفهم المشروع دا شنو بالضبط اسم المشروع في وادي والبيكتب فيهو هنا في وادي تاني.
Post: #44 Title: Re: موسوعة الموسيقى السودانية في الطريق ان شا Author: Kabar Date: 10-27-2018, 12:01 PM Parent: #43
استاذنا الموصلي..سلامات.. سعدت بكل حلقات المايسترو ، وكل حلقة تثير اسئلتها الخاصة..ومعليش ما قدرنا نتواصل..! استغرقتني كتير..كتير شديد يا موصلي تجربة شذى عبد الله.. شكلها اخر سدنة (هنا امدرمان)..!!
مع انو عندي ظن ، انها خامة قوية ، لو لقت ليها فرقة تمرق شوية..
هل شذى مستعدة تمرق شوية أم انو مشروعها يكتفى بسدانة (هنا امدرمان)؟
كبر
Post: #45 Title: Re: موسوعة الموسيقى السودانية في الطريق ان شا Author: زهير عثمان حمد Date: 10-27-2018, 01:27 PM Parent: #44
أستاذي والموسيقار المبدع الموصلي
متعك ربي بالعافية في البداية كنت مع مجموعة من شبابنا السودانيين في قارة أسيا هنا حيث تشردي وكالعادة يوم الجمعه بيكون عندنا موضوع للنقاش في الشأن الوطني والحمد لله كان الموضوع عن مستقبل الموسيقي السودانية وتم تقديم أوراق عن تاريخ السلم الخماسي و هل هو جزء من الموسيقي الايقاعات الشعبية ؟ والورقة الثانية كانت تتحدث عن ميلاد الاغنية السودانية ما بعد الحرب العالمية الثانية والثالثة هل من الممكن كتابة الايقات الشعبية ما هي الاختلافات مع قواعد التدوين الموسيقي والرابعة كانت عن الاغنية السودانية وتتطور التوزيع خلال العقد السابق والخامسة تجربة سرور ملحن وموسيقي بعيدا عن التختت العربي والاخيرة الموسيقي وألذائقة السودانية المعاصرة أستماع أم أستلاب ثقافي وددت لو هنالك وقت لكي أعمل علي قراءة كل هذه الاوراق وطرحها عليك لكي تفيدنا عن القيمة العلمية لهذه الاوراق ونستفيد منها نحن جميعا موسيقيين وعشاق الثقافة السودانية أتمني لهذا المشروع أن يري النور ونحن معاك نقدم كل المساعدة وهنالك فليق من الشباب الباحثيين في الوطن يمكن أن تستعين بهم لك كل الاحترام أستاذي
Post: #46 Title: Re: موسوعة الموسيقى السودانية في الطريق ان شا Author: حاتم إبراهيم Date: 10-28-2018, 08:29 AM Parent: #1
بحسب إطلاعي زي الفي مشروعين واحد اسمه (سودابيديا) ودا معلن عنه هنا