الأمل المبهم

03:55 PM August, 10 2018

سودانيز اون لاين
عبدالحفيظ ابوسن-no where
مكتبتى
رابط مختصر

ينتابني امل مبهم
وتفاؤل دون مبرر
احس ان لحظة الخلاص دانت
هو محض احساس
لايسنده منطق موضوعي
ولا شروط ذاتية او موضوعية
ولا قراءة واعية للاحداث
مجرد نبؤة ان صحت العبارة

حين توفي الترابي أتاني احساس ان طاقية الحكم قد نزعت منهم
وقلتها هنا
الترابي كان يحفظ لهم التوازن العالمي بما له من صلات وان اختلفنا معه
بيعرف سياسة what ever it's
الآن يغلب عليهم التخبط في السياسة الخارجية والصراعات الداخلية

احيانا احس بأن اعلان ترشيح البشير في هذه الظروف الحرجة سيمثل القشة التي قصمت ظهر البعير
بعد البلاوي العملا دي كلها .. اتمنى ذلك مهما كان الثمن ، لأنه لو استمر سيكون الثمن افدح بالتأكيد

لاتحلموا بعالم سعيد ، اسوا ايام السودان لم يات بعد

الانجليز قالوا انتو عايشين في خلا عشان كدا طلعوا

أمل مبهم!!!
تعرف يا ود اب سن إصلو الأمر كدة
الراجنو كلنا، علمنا او لم نعلم
استعصم بخفاء
من جهة لا تعلمونها وبهيئة تنكرونها
الزول الكتب يومتا "فرج الله" جاي بعد العيد
بل والزمان قال يحيي جاي من كبكابية
والقالو في الغُنا يوم تبشر بيهو غيمة
وناس محيي الدين فارس الكتبوا
وغدا نعود للقرية الغناء للكوخ الموشح بالورود
والزول السرب سربة وخت الجبل غربا
وكلنا قاصين دربا
كلهم في انتظار جودو
مبهم
نعم
لكن ح يجي
لا تُضامون في رؤيته

كلكم قولو مع عمك ايرنست
مهدوا طريق الرب
اجعلوا سبله مستقيمة

حزقيال
أبانا الذي في السموات
ليتقدس أسمك ليأت ملكوتك

وعلى إشجار الصفصاف علقنا أعوادنا

ليلتصق لساتي بحنكي إن أنا نسيتك يا أورشليم

لا بد من صنعاء

صحي يا عبدالله ادريس ترشيح البشير بقا هو المقاس لكسب الرضاء للسلطة والبقاء في المنصب رغم كارثيته
سنحلم يا عبداللطيف لأننا لا نستحق ذلك لانحن ولا اي شعب آخر
الخلود والحتمية للواقع الانساني الافضل
نعم عبدالله عثمان سيأتي واثق الخطو يمشي ملكا
وسيأتي ألف شليل يا نورا يفوتو لامن يجيك شليلك زاتو
ونحن اهل الفرحة جينا لا المدامع وقفتنا ولا الحكايات الحزينة
سيأتي
سندفن موتانا وننهض
يرونه مستحيلا ونراه لا نضام في رؤيته