من عادة أهل كوستي في البكيات برفعو الفراش تالت يوم بعد صلاة المغرب رفع الفراش بتم بواسطة احد الائمة ولا الخطباء المفوهين . وامكن يكادوا يكونو معروفين . بعد الصلاة مباشرة بقوم الخطيب وسماعات الساوند السيستم الضخمة والمفخمة تدخل حتي البيوت البعيدة بقوم يتكلم عن الموت واغلبهم يعرجو علي الوضع السياسي الراهن ونقد مرير للحكومة ثم حديث عن مناقب المرحوم وطلب المغفرة والدعا ليهو . ومن ثم يعلن بأسم اهل الميت عن رفع الفراش رفع الفراش يعني بفكو الصيوان بتاع الشارع والعزاء بكون في صالون المنزل او صوالين الجيران ورفع الفراش إيذان للاهل بالسفر والجيران القراب بمفارقة عصر الفراش اها في بكيات بتكون لامة خلق كتير بالذات لو الميت من قدامى اهل المدينة والناس بتتجمع قبل صلاة المغرب . من عصرا هالك بجو والساوند بكون مظبط وقاعد ف مرات بقوم واحد ودايما من يحسبون نفسهم علماء المدينة وخطابها وائمتها بقوم يعمل يدرس ديني
Post: #3 Title: Re: ارجل راجل Author: محمد حمزة الحسين Date: 08-08-2018, 11:05 AM Parent: #2
أوعااااا يكون الساوند من حساب الكشف تبقي ميته وخراب ديار الراجل ... منتظرينك كمل يا شيخ العرب ... : : : : : : : مع التحيات لله الزاكيات
حضور رفع الفراش من اوجب واجبات العزاء في كوستي تشيع الميت وتعاود صلاة المغرب وتجي رفع الفراش مرة في وفاة احد اهل كوستي والحضور كان كبير . لايشكل الغني والفقر فارقا في الحضور من عصرا هالك لبست جلابية البكيات وختيت طاقيتي في راسي وعنيت الفراش الحضور كان كبير جدا . وصلت الصيوان وبتلفت لي زول اكسر معاهو الزمن قبل الصلاة . نظام ونسة وكدة . الناس صانة والساوند يلعلع لي عاشر شارع وصادف جلوسي جمب عمنا معتصم مختار . ما كنت فارز البتكلم منو وعن شنو .. الصوت جهوري وزاده الساوند جهورية قعدت وبسمع بتكلم عن الاستنجاء والاستبراء وقطع الجمار والغائط آي والله وبلغة دارجة جدا ومعاها توصيف للاستنجاء وغسل مكان الاذي يدنقر ويقوم ويدخل يدو بي ورا وقدام وينضم عن الطهارة ولازم تغسل كويس 😆 شارحا للذين يطلعون للخلاء والبخشو المراحيض كل زول بعمل ليهو مشهد مسرحي توضيحي والناس صانة . بين من يغالب ضحكته ومن ينزوى خجلا ومن هو مندهش الفراش لامي ناس من برة كوستي جو للعزا الناس تسأل في الله الاذان يأذن الصوت مالي الصيوان وخاشي البيوت جوة ما عارف ناس البيوت وضعهم كيف
ربك رب الخير الاذان أذن ما خلوهو يتم زاتو .. قولت الله أكبر لمو فيهو يا شيخ فلان الصلاة ... الصلاة سكت علي مضض بعد ان تعالت الاصوات عم معتصم قاعد جمبي . قال لي علي بي جملة الايمان شيخ فلان دة ارجل راجل ! هسة جنس كلام دة لو دفعو لي قروش واقولو بالمكرفون وقدام الخلق دى كلها ما بقدر ثم اردف ذلك فارس لكن !!
ام قللو اسمها كدة ما تحرجنا يا منص اها عمنا شيخ فلان دة ما خلا قعدة ما سواها قعدة المزنوق والممسك والمسهل 😆😆 ومركز علي الطهارة😆😆 غايتو حسب نظرتي يلزمو اعادة الوضوء
يا مشرف اهو دة معذور بما اتاح له فهمه فلم يجد سبيلا للتعليم سوى التمثيل لاخص فعل البني آدم اتعجب من يفعلها امام الناس مظهرا عورته غير خجل في الاسافير بعضهم كأنه يتغوط تحت الاضواء الكاشفة
Post: #12 Title: Re: ارجل راجل Author: Khalid Abbas Date: 08-09-2018, 07:19 AM Parent: #1
اخونا عبدالحفيظ طبعا دى كانت واحدة من اغرب العادات العشتها فى كوستى نحن متعودين تمشى الدفن معناها عملت الواجب فترتي فى كوستى لقيت رفع الفراش اهم من الدفن وممكن يجيب زعل ومشاكل وساوند بالجد الفكرة مزعجة فى ظل الاوضاع الاقتصادية فرش 3 يوم مع مهرجان اعتزال فى الرفع ميتة وخراب ديار ثانياً مشغوليات الناس ماممكن تزعل وتلوم زول حضر معاك الدفن عشان
Post: #13 Title: Re: ارجل راجل Author: محمد البشرى الخضر Date: 08-09-2018, 08:57 AM Parent: #12
هههههه ياخي لو ما شفت الفيديو كان يستحيل اصدّق! قلت ياها طرطرشة منتصر المعتادة
لكن بالغ الشيخ! اوعى يكون نهاية القصة دي جابت ليها عملي وكدا
فعلا خالد رفع الفراش اهم واجب بعد حضور الدفن رفع الفراش بتم فيهو المشاركة المالية ( القدح) من المعزيين وزايد علي كدة بتضمن حضور عدد كبير من اهل الميت . وبتلاقي الناس انخفضت الايام ليومين الصرف فعلا محتاج مراجعة لأنو بتم بشكل آلي من تحصل وفاة شباب الحي بتحركوا لوحدهم في طريق محفوظ الصيوان الطباخ مواد تموينية ولحوم ايجار عدة وكوانين فحم وبشتروا بالدين ودي الكارثة . في وفيات لا تغطي مصاريفها ومرات اهل الميت بكونوا ما عندهم قدرة لي دة واصلا هم مشغولين ومافاضين للحاجات دي
Post: #15 Title: Re: ارجل راجل Author: علي عبدالوهاب عثمان Date: 08-09-2018, 09:07 AM
مع التحية لصاحب البوست حبيبنا محمد المشرف .. شكراً على الفيديو لأنك أطلعتنا على نموذج من الانحطاط الذي يضرب الوطن كيف لانسان راشد لديه عقل أن يخوض في مثل هذا الموضوع شكراً المشرف