Post: #2 Title: Re: البشير يتعهد بإنقاذ الجنوب Author: عبدالحفيظ ابوسن Date: 08-06-2018, 09:56 AM Parent: #1
ولا اقول ليكم ما تبلو راسكم ناسنا ديل بحلقو ناشف
Post: #3 Title: Re: البشير يتعهد بإنقاذ الجنوب Author: muntasir Date: 08-06-2018, 10:02 AM Parent: #2
زي ما بقول المثل الكوستاوي ما عندو شعر وشايل موسو ولابسلو سديري
Post: #4 Title: Re: البشير يتعهد بإنقاذ الجنوب Author: محمد علي البصير Date: 08-06-2018, 10:04 AM Parent: #2
المُشير البشير : هدفنا إنقاذ إقتصاد الجنوب المنهار [Profile] [Edit]
[رد على الموضوع] عرفنا المحلي ، كمان جابت ليها تصدير ؟؟
تحياتي أخي عبد الحفيظ
Post: #5 Title: Re: البشير يتعهد بإنقاذ الجنوب Author: علي دفع الله Date: 08-06-2018, 10:19 AM Parent: #4
ما غلطان بشة غلطان ابطربوش
Post: #6 Title: Re: البشير يتعهد بإنقاذ الجنوب Author: Khalid Abbas Date: 08-06-2018, 10:31 AM Parent: #1
نرجو من الدكتور على بلدو فحص الحالة
Post: #7 Title: Re: البشير يتعهد بإنقاذ الجنوب Author: عبدالحفيظ ابوسن Date: 08-06-2018, 10:50 AM Parent: #6
يا منص فرعون عاين لي هامان كدة وقال ليهو بي راسك الماكن دة لامن خلقتك ! اتعبتني تعب فقال هامن دة علي هامان يا فرعون ! ونطط ليهو عيونو وغمز بي طرف عينو قصة كوستاوية
Post: #8 Title: Re: البشير يتعهد بإنقاذ الجنوب Author: Hassan Farah Date: 08-06-2018, 10:50 AM Parent: #1
البشير: من أهدافنا إنقاذ إقتصاد جنوب السودان لأنو وصل مرحلة الإنهــــــيار
Post: #9 Title: Re: البشير يتعهد بإنقاذ الجنوب Author: عبدالحفيظ ابوسن Date: 08-06-2018, 10:53 AM Parent: #8
غايتو يا البصير حيرو ابليس زاتو تابوها مملحة تكوسوها قروض مثل سوداني
Post: #10 Title: Re: البشير يتعهد بإنقاذ الجنوب Author: عبدالحفيظ ابوسن Date: 08-06-2018, 10:55 AM Parent: #9
يا علي الطربوش هين كعب يملصو الطربوش ويلبسو قنبور ولا فنيلة ميسي
Post: #11 Title: Re: البشير يتعهد بإنقاذ الجنوب Author: عبدالحفيظ ابوسن Date: 08-06-2018, 10:57 AM Parent: #10
هو الضيعها منو غير الدكاترة المبارين الفارغة يا خالد
Post: #12 Title: Re: البشير يتعهد بإنقاذ الجنوب Author: Mohamed Adam Date: 08-06-2018, 11:55 AM Parent: #11
سلفاكير الوحيد تشعر بيهو واطي الجمرة وأنه زول صادق مع نفسه لما قال: خمسة نواب وبرلمانين ووووو ديل بلقي ليهم عربات وميزانية من ويين!!
برضو سلفا تجاهل مصافحة مشار له لما وقفوا الناس بعد إنتهاء التوقيع لكن الكمرا زاغت من المشهد وبرضو المعلق حاول يلطف الجو ببعض الكلمات الدرامية!
أنا قايتوا حاسي هذا الإتفاق ما ح يصير منه وذلك لعدة أسباب منها ما هو متعلق بنوعية الوساطة والآخر متعلق بالقادة الجنوبين نفسهم!
الوساطة ماجادة وتشعر أنها مدفورة من جهات خارجية والجنوبين مامتفقين حتي في أولوياتهم الملحة!
كل الشغلانة بهيلمانتها موجهة لعناية الإمريكان بدليل إختيار توقيت التوقيع ولقراءة بنودها بالإنجليزية من قبل وزير خارجية الخرطوم!
Post: #13 Title: Re: البشير يتعهد بإنقاذ الجنوب Author: Abdullah Idrees Date: 08-06-2018, 12:54 PM Parent: #12
ما لقيت تعليق بالمرة قلت اجمعا فاضية ..
Post: #14 Title: Re: البشير يتعهد بإنقاذ الجنوب Author: محمد أبوالعزائم أبوالريش Date: 08-06-2018, 01:15 PM Parent: #13
سجم امهم ....
عبارة إشفاق على ما سيئول إليه حالهم .... والضمير يرجع لسيلفا والمنتظرينو
Post: #15 Title: Re: البشير يتعهد بإنقاذ الجنوب Author: محمد على طه الملك Date: 08-06-2018, 01:25 PM Parent: #14
حزين والله يا ود أبسن .. حزين لحالة أقرع ونزهي التي لازمت هذه الشخصية .. وحزين أكثر لسلفا الذي وجد نفسه مرة أخرى بيد العصابة التي افلت منها .
تشكر يا حسن كتر خيرك غايتو كلمة انقاذ دي إلا يكون عندها معني تاني
Post: #17 Title: Re: البشير يتعهد بإنقاذ الجنوب Author: علي عبدالوهاب عثمان Date: 08-06-2018, 04:04 PM Parent: #16
حبيبنا أبوسن .. تحياتي ..
عمر البشير بالغ في خطابه أمس ( الانهيار الاقتصادي في الجنوب وأن الجنوب به موارد طبيعية وأنه سوف يقف معهم لإزدهار الجنوب) وكأننا نحن اليابان والمؤسف أن الخطاب كان موغل في العامية وعدم الجدية والمزاح ولا أعرف كيف تمكن المترجم من نقل الخطاب إلى الضيوف كيف يلقي الرئيس مثل هذا الخطاب في إجتماع تم رصده إعلامياً من قنوات كثيرة وبحضور سفراء ومنظمات دولية ورؤساء .. من المفترض ان الخطاب مكتوب ومترجم لعدة لغات لتوزيعه على وكالات الانباء لتوثيق الحدث . أجزم أن بعض الحضور من الدول العربية أيضاً لم يفهوا هذه اللغة الموغلة في العامة مثال إتفاقية ( ألف تزعمية تلاتة وتزعين 1993) كانت فرصة للبشير أن يقدم الوطن للعالم في تلك السانحة التي لن تكرر بخطاب مكتوب ومنسق ومترجم بلغات مختلفة لأن الموقف ليس خطاب حماسي للجماهير في الداخل ولكن خطاب له بعد أفريقي وعالمي ولا مجال للارتجال ..
وقد أخطأ أيضاً عندما تولى موقف الناصح والاسباب معروفة ..
والمصيبة في نهاية الخطاب والجلسة تم تشغيل أغنية نور الجيلاني ( يلا سافر جوبا ) وكأننا في حفل زواج مما أذهب هيبة الموقف وجديته ..
أليس للرئيس مستشارين إعلاميين ..
مع التحية حبيبنا ابوسن ..
Post: #18 Title: Re: البشير يتعهد بإنقاذ الجنوب Author: عبدالحفيظ ابوسن Date: 08-07-2018, 06:25 AM Parent: #17
ل حين ميسرة
Post: #19 Title: Re: البشير يتعهد بإنقاذ الجنوب Author: عبدالحفيظ ابوسن Date: 08-08-2018, 08:09 AM Parent: #18
والصومال كمان البشير يؤكد : مواصله دعم السودان للحكومه الصوماليه .
Post: #20 Title: Re: البشير يتعهد بإنقاذ الجنوب Author: Deng Date: 08-08-2018, 08:13 AM Parent: #19
أبوسن.
البشير قاصد يقول لكم هو عاوز ينقذ الاقتصاد السوداني الشمالي ببترول الجنوب.
Post: #21 Title: Re: البشير يتعهد بإنقاذ الجنوب Author: عبدالحفيظ ابوسن Date: 08-08-2018, 08:15 AM Parent: #19
صحي يا عبدالله المرات الكلام زاتو خسارة الزعماء عودونا خيانة شعوبهم يا ابوالريش يا الملك سلفا شريك اصيل في الانفصال ويتحمل الوزر كان من الافضل ان يكون معارضا في وطن واحد
Post: #23 Title: Re: البشير يتعهد بإنقاذ الجنوب Author: عبدالله عثمان Date: 08-08-2018, 02:49 PM Parent: #22
من لطايف التعليقات زي لما لزول تتملص منو بسكويتة جوة الشاي الحار يدور يمرقها بي أختها -//
يقولو في البير ووقع فيهو الفيل —/
أهلك في البطانة يا اب سن بقولو السعيد البات على همو القديم
وفي رواية الصبِح
Post: #24 Title: Re: البشير يتعهد بإنقاذ الجنوب Author: عبداللطيف حسن علي Date: 08-08-2018, 02:54 PM Parent: #23
الكلام ده بدري شوية .. قالوا في اعمامك عملوا رحلة صغيرة في شمبات الزراعة وشالوا معاهم خضارهم ولحمتهم في قفة وجابوا العرقي .. شبعوا وسكروا 😇 اها لمن بقو مارقين راجعين الحلة .. في واحد منهم منتهي شديد يقع ويقوم .. تعبهم تعب شديد يتكلوا فيهو ويسندوهو لغاية ما فتروا .. قاموا ختو الزول ده في القفة الجابو فيها الخضار واللحمة وكل نفرين يشيلو شوية 😂 واثناء ما هم ماشين .. ظهر قدامهم واحد سكران يترتح يمين شمال 😇 قام الزول الشايلنو في القفة قال للزول البترتح ده ( انت وقت ما قادر عليهو .. بتشرب مالك ؟) 😂😅😂😂😂
# كسرة : واحدة من اهدافنا انو ننقذ اقتصاد جنوب السودان لأنو وصل مرحلة الانهيار😒
Post: #25 Title: Re: البشير يتعهد بإنقاذ الجنوب Author: Abdullah Idrees Date: 08-08-2018, 05:52 PM Parent: #24
قربت اجمعا فاضية الليلة برضو .. بس الموضوع اتطور شديد والحالة بقت حرجة تصورو يا شباب قريت الليلة في الشرق الاوسط انو الحكومة السودانية تعرض 3 مناطق صناعية في بحري والجيلي والسبلوقة للمستثمرين .. لحد هنا اوكي متعودين على البروباغاندا الوسخة بتاعتهم دي .. اهاااا المناطق دي عضم النشاط بتاعا حيكون الصناعات التحويلية والغذائية .. !! تصورو الغيبوبة وصلت وين ؟ قال صناعات تحويلية وغذائية وهم لا بنزين ، لا جازولين ، لا كهربا ، وبالتالي لا زراعة من الاساس وعايزين يصنعو ومرسلين الموضوع لجريدة اقليمية او دولية ! الناس ما لاقية طماطم ، ما لاقية عيش حاف ، ندرة وغلاء الاتنين مع بعض نحن ما قادرين ننتج غذائنا لاكين عايزين نصنع .. بختنا يا ابسن قالو حتخلق 40 الف وظيفة ..
Post: #26 Title: Re: البشير يتعهد بإنقاذ الجنوب Author: عبدالحفيظ ابوسن Date: 08-09-2018, 06:10 AM Parent: #25
اي يا عبدالله هو جوة البير ووقع فيها الفيل .. عايرة وادوها سوط تصدق يا لطيف نشلتني ياخ 😆😆 القصة دي خاتيها يا عبدالله ادريس ما عندهم كهربا ويكوسو للنووي
Post: #27 Title: Re: البشير يتعهد بإنقاذ الجنوب Author: Abdlaziz Eisa Date: 08-09-2018, 07:02 AM Parent: #26
Quote:
هدفنا إنقاذ إقتصاد الجنوب المنهار .
غلفاء وشايلة الموس تطهر...!!!
Post: #28 Title: Re: البشير يتعهد بإنقاذ الجنوب Author: عبدالحفيظ ابوسن Date: 08-09-2018, 07:57 AM Parent: #27
تعرف يا عزيز المثل دة لامن سمعتو من الصادق يستشهد بيهو اتعجبت صحي هو بثقافة سودانية بدائية متخلفة صحيح وود الغلفا نبذة سودانية لكن لامن تعاين ليهو تلقا الغلفا افضل من المطهرة بما لا يقاس لضرر الطهارة دي تعريجة ساي يا عزيز مني لكن صحي معقولا انت مش غرقان لكن قاعد تغرق في الناس وانت في البر ومرتاح .. البناديك عشان تمرقو الا يبقا داير الغرق بس
Post: #29 Title: Re: البشير يتعهد بإنقاذ الجنوب Author: Abdlaziz Eisa Date: 08-09-2018, 09:15 AM Parent: #28
Quote: تعرف يا عزيز المثل دة لامن سمعتو من الصادق يستشهد بيهو اتعجبت صحي هو بثقافة سودانية بدائية متخلفة صحيح وود الغلفا نبذة سودانية لكن لامن تعاين ليهو تلقا الغلفا افضل من المطهرة بما لا يقاس لضرر الطهارة دي تعريجة ساي يا عزيز مني لكن صحي معقولا انت مش غرقان لكن قاعد تغرق في الناس وانت في البر ومرتاح .. البناديك عشان تمرقو الا يبقا داير الغرق بس
في أيام الصغر كنا بنسمع لهذا المثل من بعض شيوخ وشيخات الحي.. ووقتها كان ختان الاناث ساريا وربما حتى الآن في بعض جخانين الوطن.. المثل ده يا أخي ابوسن فعلا قديم وبتاع ثقافة شبه اندثرت.. وأذكر الفنان عمر دفع الله كانت له كاريكاتيرا بنفس المعني قبل عدة سنوات وبهذا المنبر..
والمعني ماشيا حيا في أحداث السودان.. فهو اي بشة يعقد مؤتمر مصالحة لدولة جنوب السودان والاحتراب مدور في السودان.. وقد يسمع من بقاعدة الصداقة أزيز طائرة منطلقة لترمي القنابل في جبال النوبة أو النيل الأزرق..
مصيبتنا أن هذا الجاهل لا يستحي من شر أعماله وأقواله
