سؤال للأخ (Biraima M Adam )

03:56 PM July, 28 2018

سودانيز اون لاين
عبدالقادر محمد-عمق الوطن
مكتبتى
رابط مختصر

تحياتي لك الأخ بريمة واتمني ان لا يغضبك تساؤلي او وضع اسمك اعلي البوست
فقط رأيت تناقض في مبادئك وكانت الدهشة كبيرة بداخلي

Quote: والله بوست مهول يا ول أبا كبر .. يا أخي لقيتو ذي ال ميدتيشن .. Meditation .. يريح الأعصاب جداً .. ما تنسوا أخوتنا في الوطن، قبيلة الكنين ..في شمال دارفور .. هم قبيلة الطوراق الوحيدة في السودان .. وقد رحلت القبيلة بكامل عدتها وعتادها .. وتركت السودان بسبب الحروب .. أنظروا كيف الحروب تدمر الأوطان .. التنوع ثراء لا غني عنه .. بريمة

28-07-2018, 03:09 AM

طرد الشماليين أذيال الحركة الشعبية بعد إنفصال الجنوب واجب وطنى.طرد الشماليين أذيال الحركة الشعبية بعد إنفصال الجنوب واجب وطنى.
30-08-2009, 08:45 PM

Quote: والقائد حميدتى .. دا مينو؟ .. مش نحن ذاتنا ! الما عايزين حميدتى .. يتشوا البحر فى سرته .. أو يطلعوا لينا النقعة .. بريمة

مرحبتين يا الأخ عبد القادر ..

أها وين التناقض .. ؟؟ .. كده أكتب إسم ياسر عرمان .. شوف أخر بوست لي ورد فيه أسمه .. ثم أكتب أسم تراجي مصطفي .. قبل وبعد العودة إلي السلام في السودان ..

مافي تناقض .. بريمة إنسان مبدئي .. لا يتزحزح .. لا شيئ غير السلام .. الدوار الدائر كله حول جذب الناس نحو مبدأ السلام ... ولا شيئ غير الأعتراف بالتنوع الأثني .. والثقافي ..


أنت نفسك ليس رجل سلام .. عشان كده أنا قاعد أشوف ليك بطرف خفي .. لا تغرنك السياسة .. والأحزاب والحكومة .. بدون إحقاق السلم والسلام .. لا يتقدم السودان خطوة ..


بريمة

عبد القادر، يا أخي ..

Quote: والقائد حميدتى .. دا مينو؟ .. مش نحن ذاتنا ! الما عايزين حميدتى .. يتشوا البحر فى سرته .. أو يطلعوا لينا النقعة .. بريمة

القائد حميدتي رجل صنع السلام ..
وهل تصدق كتبت بوست كامل اليوم .. وأقبل أن أرسله قام الكمبيوتر عمل رفريش .. وضاعت مداخلة طويلة وعريضة .. عنوان البوست كالأتي: "نطالب العالم المتحضر .. بأعطاء القائد الفذ حميدتي جائزة نوبل للسلام" ..
وكتبت عن أستحقاق ول أبا حميدتي للجائرة .. وكنت عايز الناس تقدم نقد بناء مع أو ضد الدفوعات التي دفعت بها .. وح أجييكم الأسبوع القادم بنفس البوست ..

أها التقول شنو؟؟

بريمة

تحياتي لك اخي بريمة
واشكرك جداً علي الرد بدون زعل والشوفة بالطرف الخفي
المهم
انت ذكرت في مداخلتك للاخ والاستاذ محمد النور
(التنوع ثراء لا غني عنه )
وفي بوستات كثيرة اتيت لك بامثلة بسيطة منها
دعوتك للحرب واحتفائك بقيادات الحرب امثال حميدتي والغاء الاخر
الحركة الشعبية تمثل قبائل لا افراد مع انني لا انتمي لها من قريب او بعيد
لكنهم جزء من هذا المجتمع والتنوع الذي تتمناه يا استاذ بريمة
تحياتي

الأخ عبد القادر،
سلامات .. لازم يكن هناك معيار لنفرق ما بين من هم دعاة الحرب ومن هم دعاة السلام .. وللعلم الطرفين يتحججان بأنهما يقاتلان من أجل السلام ..دعوة السلام هى وطن سوداني واحد لكل شعوبه .. وأي محاولة لتقسيمة يعتبر صاحبها داعية حرب .. وأنا ضده .. وأدعم القتال من أجل تحقيق السلام .. والكلام واضح من قول الله تعالي وَإِن طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا ۖ فَإِن بَغَتْ إِحْدَاهُمَا عَلَى الْأُخْرَىٰ فَقَاتِلُوا الَّتِي تَبْغِي حَتَّىٰ تَفِيءَ إِلَىٰ أَمْرِ اللَّهِ ۚ فَإِن فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا ۖ إِنَّ اللَّهَ يُحِبُّ الْمُقْسِطِينَ

الحركة الشعبية داعية حرب .. وكذلك الحركات الدارفورية المسلحة ..

ما تجئ تقول لي الحكومة وما أدراك ما الحكومة .. صراع الحكومة والمعارضة .. وقع ضحيته الشعب السوداني بأكلمه .. كان بالأمكان تقليل خسائر الشعب السوداني وتقليل معاناته إذا ما الناس أنتهجت أسلوب السلام .. وأخيراً الملك بيد الله .. هو الذي يعطي الملك لمن يشاء وينزعه عمن يشاء .. والرئيس سوف يكون قاعد رضينا أم أبينا في سدة الحكم حتى يقضي الله أمراً كان مفعولا ..

دعوتي ليك إنضم إلي ركب السلام .. وما تلطخ أيديك بدماء الأبرياء من حيث لا تعلم .. شوف ول أبا كبر وشخصي .. ندعوا الناس إلي كتابة تراثها وقيمها .. ومبادئها .. وندعوهم إلي الننافس الحر الشريف .. في كل الميادين حتى في مجال العروض الفلكلورية والغناء والرقص والموسيقي .. وغيرها .. تجد الناس انفسها تغيرت رويداً رويداً .. كما يقول أهلنا الكلمة الباردة "تنوخ الجمل" .. ولا شنو؟ .. في حين دعاة الحرب يشتتون جموع الشعب السوداني .. معقول قبيلة بكاملها ترحل ولا زول يقول عوووك .. مثل تلك القبيلة ممكن تنجب ذات يوم أمثال فاطنة سيدي غالي .. لكن بعد شنو البكاء علي الأطلال لا يفيد كثيراً.

بريمة

Quote: الشوفة بالطرف الخفي

هل تصدق أو لا تصدق نحن المنبر دا بنقراه ذي قراءة الجرايد زمان .. ما تفتكر الناس ما قاعدة تتداخل تظنها خافي عليها شيئ .. أمثال النذير حجازي .. جاي جاري نفسه قايم لافح ليهو بوست .. رحبوا بالمناضل عبد القادر محمد .. أنا عايز أعرف 30 سنة كفيلة بأن تعظ أي إنسان ذو عقل يفكر .. معقولة نبقوا ذي حيوان الكونكورد .. كلهم جاكيين في درب زعيمهم لا يحيدوا عنه .. وأن صياد واحد ممكن يقتل فيهم عشرات .. واحد تلو الأخر إلي أخر واحد فيهم ..

نحن محتاجين لإعادة بعث جديد للروح السودانية السمحة .. المتسامحة .. التى تعف عند المغنم .. وتصفح عند المقدرة .. وتحس بآلام الأخرين ..



هذا هو الشعب السوداني الطيب ..

بريمة

وهاك من القضارف ..

زهرة من زهرات بلادي ..



نحن يا عبد القادر شعب غير الذين هم في السياسة .. نحن شعب طيب القلب .. عزيز النفس .. ما نضيعوا هذا الشعب من خلال السياسة القذرة.

بريمة

ومن قرية أم مغد ..

بالله يا عبد القادر .. الواحد لو سألوه عن موقع قرية أم مغد في السودان هل يستطع يعرفة ..؟ .. لكن أنظر كيف أن الريف السوداني مازل نقياً .. هذا هو الشعب السوداني ..



ديل الناس المفروض نقف معهم .. نقلل الحروب التى تهدر مقومات بقائهم .. وتبدد وسائل عيشهم المتواضع .. وتسلب كبرياءهم ونفوسهم الأبية الكبيرة .


بريمة

الاخ بريمة انا عارف انك رغم كوزنتك انك رجل طيب وصاحب قلب ابيض
بس يا بريمة اخوي الدعوة للحفاظ علي التنوع الثقافي والاثني والتفاخر بها
لا يمكن ان يتم استيعابها مع الدعوة الي الحرب والغاء الاخرين
يمكن لك ان تكون رجل سلام تتقبله جميع العناصر داخل سوداننا الحبيب
لو تركت عصبية القبيلة والاحتفاء بالمجرمين وتبدل مواقفك حسب الحالة المزاجية او ما يوافق نهجك
تحياتي واحترامي لك

يا قدورة الاصلي ههههههه بريمة دا حسب التساهيل
بمعنى قبل وبعد العبابير. كل ساعة هو في شأن

فما تعصر عليه ..
اسمع بي جاي وفرغ بي هناك

مع مودتي الاكيدة لو ابا بريمة ايقونة الخرمجة😂😂

أعصرو العبار.

Quote: فقط رأيت تناقض في مبادئك وكانت الدهشة كبيرة بداخلي

شنو شنو؟؟
عايز تسوي مباديء لبريمة!؟
شي عجيب.

خلاص ..... سفيان قال الجيت أقولو

ودعتكم الله

عبد القادر يا أخوي .. أنا ماشي من بوستيك .. مجموعة الكونكورد وصلت .. ديل سلموهم حجوة أم ضبيبينة بتاعت النضال قبل 30 عام مضت.. ومازالوا جاكيين في نفس الدرب .. الحافر بالحافر والضلف بالضلف ..
ديل لما يهلكوا ما يجئ منهم خير للسودان ..

بالله شوف النور الذي يشع من وجوه أهل الخير في الفيديوهات الفوق .. قابل واحد من الكونكورد تجدهم عديمي بصر وبصيرة ..

القائد حميدتي .. لابد أن يقدم لنيل جائزة نوبل للسلام العالمي ..

بريمة

Quote: القائد حميدتي .. لابد أن يقدم لنيل جائزة نوبل للسلام العالمي ..

معقول يا عبار تفك اخرك بالسرعة دي !!

Quote: القائد حميدتي .. لابد أن يقدم لنيل جائزة نوبل للسلام العالمي ..  بريمة

بعد كلامك دة انا ذاتي دة طرفي من البوست

لكم التحية اخواني
علي
دينق
سفيان
محمود
..
قصدي بالمبادئ يا شباب انه الاخ بريمة
في طرح يتبني الحرب والاقصاء وفي طرح اخر يتبني التنوع والسلام

Quote: بعد كلامك دة انا ذاتي دة طرفي من البوست

أها يا الكونكورد .. خلا ليكم الجو .. الواحد فيكم يبحث في الأرض بأرجله حتى يثير الغبار .. ثم ينهق ويشهق ويكوك عوووك عووك عووك ثم "يشعرن" ويرفس في الهواء .. ويجري "يشروط" البوست من أعلي إلي أسفل والعكس ..
ثم يفك 3 قنابل بمبان من الخلف .. ويجدع كول هنا وهناك .. ثم يذهب وينوم .. ويقول اليوم ناضلت ..

عبد القادر، تجربة 14سنة في المنبر .. وصفي الفوق دا .. أحسن شيئ يليق بهم .. وما بتلقي منهم أي فائدة ..

بريمة

الحروب في بعض الاحيان تقود للسلام.