يا كافي البلآ، الحوش بِقى كُلّو عزآبة !!!...

Post: #1
Title: يا كافي البلآ، الحوش بِقى كُلّو عزآبة !!!...
Author: معاوية المدير
Date: 07-27-2018, 12:54 PM
Parent: #0

12:54 PM July, 27 2018
سودانيز اون لاين
معاوية المدير-بكندا محافظة البرتا
مكتبتى
رابط مختصر
أخوات نُسيبة كُوّلهِن شتتن، فضلن أكان إتنين
أكان تلاتة بس !...

Post: #2
Title: Re: يا كافي البلآ، الحوش بِقى كُلّو عزآبة !!!...
Author: معاوية المدير
Date: 07-27-2018, 12:55 PM
Parent: #1

لي عِن وضاحة أم رِويّس دي كسحت !، غايتو
بس البركة في تماضر ؤ زينب تراهِن صامدات ...

Post: #3
Title: Re: يا كافي البلآ، الحوش بِقى كُلّو عزآبة !!!...
Author: معاوية المدير
Date: 07-27-2018, 12:59 PM
Parent: #2

قالوا في ناس من القُدام رجعو، أها جيّت جاري بسرعة مليون لآمِن
داير أقع إتقلّم فِشقة فِشقة، قلت اللخوات وصلن، أكان فرملت
زي فرملة توم ؤ جرّي لآمن لقيت قِدامي هاشم الحسن والشفيع
وراق ؤ عصام دقداق !!!، عليكم الله دي حالة دي ؟!...

Post: #4
Title: Re: يا كافي البلآ، الحوش بِقى كُلّو عزآبة !!!...
Author: معاوية المدير
Date: 07-27-2018, 01:00 PM

غايتو يا نعمات عماد أكان ما رجعتي تاني
لا بيني لا بينك ...

Post: #5
Title: Re: يا كافي البلآ، الحوش بِقى كُلّو عزآبة !!!...
Author: معاوية المدير
Date: 07-27-2018, 01:02 PM
Parent: #4

بعيك سيد الحوش تسجيلآتو الجديدة كُوووولها جلآليب ؤ عليلآت
ؤ مراكيب !!!، كِدي تاني اللشوفك جايبلك ضكر هنا ...

Post: #6
Title: Re: يا كافي البلآ، الحوش بِقى كُلّو عزآبة !!!...
Author: معاوية المدير
Date: 07-27-2018, 01:02 PM
Parent: #5

أنا زاتي ماشي أنوّم بس ...

Post: #7
Title: Re: يا كافي البلآ، الحوش بِقى كُلّو عزآبة !!!...
Author: تماضر الطاهر
Date: 07-27-2018, 01:52 PM
Parent: #6

سلام يا معاوية
ذكرتني صديقتي..كانت شغالة مراجعة في مكتب كله رجال
قالت لي هي شاعرة بي مبادي شنب في وشها هههههه
،
انا يسعدني اكون معاكم ..
واتمنى عودة الأخوات قريباً

Post: #8
Title: Re: يا كافي البلآ، الحوش بِقى كُلّو عزآبة !!!...
Author: ABUHUSSEIN
Date: 07-27-2018, 03:00 PM
Parent: #7

ما قدرن يتحملن شناتك دي ....
لا و كمان اصلع .....
كدي غيب ليك شهرين تلاتة و الله تجي تلقاه زي تعليمة العروس ...
قوم لف ياخ .... 😂😂😂😂

Post: #9
Title: Re: يا كافي البلآ، الحوش بِقى كُلّو عزآبة !!!...
Author: Hassan Makkawi
Date: 07-27-2018, 03:14 PM
Parent: #8

Quote:
ما قدرن يتحملن شناتك دي ....
لا و كمان اصلع .....

أبو الحصين
البقرا الكلام يقول "الفضلن" قاعدات عشان سماحتك

Post: #10
Title: Re: يا كافي البلآ، الحوش بِقى كُلّو عزآبة !!!...
Author: ABUHUSSEIN
Date: 07-27-2018, 05:42 PM
Parent: #9

Quote: أبو الحصين
البقرا الكلام يقول "الفضلن" قاعدات عشان سماحتك

😂😂😂
قالو رزقا تكوسو و رزقا يكوسلك ...
برااااااااك جيتني مدردق يا مستكاوي ...
سماحتي و وسامتي تمشي بها الركبان و تتحدث عنها البلدان
و انا واثق من كدا بدليل اني وضعت صورتي بالعدلة
وشي اهو دا ظااااهر زول واثق من نفسو ....
كعبين الخاتين صورة ضهرهم و خجلانين من شناة وشهم ...
😂😂😂😂😂😂😂

Post: #11
Title: Re: يا كافي البلآ، الحوش بِقى كُلّو عزآبة !!!...
Author: عبدالحفيظ ابوسن
Date: 07-27-2018, 05:51 PM
Parent: #10

ونسة الضكير للضكير النوم اخير
ازيك يا تماضر 😆

Post: #12
Title: Re: يا كافي البلآ، الحوش بِقى كُلّو عزآبة !!!...
Author: عادل الباهي عبدالرازق
Date: 07-27-2018, 06:33 PM
Parent: #11

Quote:
البقرا الكلام يقول "الفضلن" قاعدات عشان سماحتك

عوقو يا حكم. 😎😎🙂🙂🙂😂🤣

Post: #13
Title: Re: يا كافي البلآ، الحوش بِقى كُلّو عزآبة !!!...
Author: تماضر الطاهر
Date: 07-27-2018, 10:49 PM
Parent: #12

حبابك يا ابو سن
،
وتحايا للجميع
،

Post: #14
Title: Re: يا كافي البلآ، الحوش بِقى كُلّو عزآبة !!!...
Author: عبداللطيف حسن علي
Date: 07-27-2018, 11:37 PM
Parent: #13

الشاعرة تماضرة جيتي بدون طوبه مالك

Post: #15
Title: Re: يا كافي البلآ، الحوش بِقى كُلّو عزآبة !!!...
Author: امتثال عبدالله
Date: 07-27-2018, 11:59 PM
Parent: #14

جينا نسلم وبس يا معاوية ود المدير..وبعدين انت اسال السبب شنو!؟
وبالمناسبة عندي موضوع كارب شديد عن حكم الاخوان المسلمين ومدعوم بشريط فيديو وحتعرف من الموضوع ان الاخوان المسلمين غير مؤهلين لحكم اي بلد في العالم ...لان مبادئهم عجيبة جدا...وقررت أعلن خبر هذا الموضوع من خلال هذا البوست الظريف ...وبالمرة كمان نقول نحن هنا ...وانا يشجع الغايبات يرجعن ويشاركن معاي في البوست القادم وفي مقدمتهن الاخوات دينا خالد وعواطف إدريس ود.وضاحة ...
ومع وافر التقدير والاحترام

Post: #16
Title: Re: يا كافي البلآ، الحوش بِقى كُلّو عزآبة !!!...
Author: زينب محمد عبدالله
Date: 07-28-2018, 04:18 AM
Parent: #15

سلام معاوية وضيوفك الكرام
كتر خيرك بتتفقد اخواتك
انا فى رائى الاخوان والاخوات البكتبوا هنا ولسة مواصلين ومؤمنين بقضية التنوير هم من اشجع الناس وذلك
لى طبيعة المواجه الخشنة فى هذا المنتدى
تحياتى

Post: #17
Title: Re: يا كافي البلآ، الحوش بِقى كُلّو عزآبة !!!...
Author: معاوية المدير
Date: 07-28-2018, 12:45 PM
Parent: #16

Post: #18
Title: Re: يا كافي البلآ، الحوش بِقى كُلّو عزآبة !!!...
Author: محمد البشرى الخضر
Date: 07-28-2018, 01:14 PM
Parent: #17

ههههههه
الله يقدرني على خشمي بس

Post: #19
Title: Re: يا كافي البلآ، الحوش بِقى كُلّو عزآبة !!!...
Author: Ahmed Yassin
Date: 07-28-2018, 01:42 PM
Parent: #18

ابوحسين .. معقولة
Quote: دليل اني وضعت صورتي بالعدلة

هو دا انت بالله ؟ ولا عبدالرحمن الخضر.. الوالي السابق حق الخرتوم

Post: #20
Title: Re: يا كافي البلآ، الحوش بِقى كُلّو عزآبة !!!...
Author: معاوية المدير
Date: 07-28-2018, 01:43 PM
Parent: #18

Quote: ههههههه
الله يقدرني على خشمي بس

هههههههههه،

ننطق بالنيابة عنّك قبل الرد علي المتداخلين، واضح إنو البوست
أصبح ذو شقين .
هل تعتقد إني أستحي من ذلك ؟...

Post: #21
Title: Re: يا كافي البلآ، الحوش بِقى كُلّو عزآبة !!!...
Author: Ahmed Yassin
Date: 07-28-2018, 02:05 PM
Parent: #20

Quote: س البركة في تماضر ؤ زينب تراهِن صامدات

وين يامعاوية .. نعمات وامتثال .. بى عافيتن