Post: #1
Title: يا بكري عباس بخصوص مداخلتك
Author: عبدالحفيظ ابوسن
Date: 07-26-2018, 05:50 AM
05:50 AM July, 25 2018 سودانيز اون لاين
عبدالحفيظ ابوسن-no where
مكتبتى
رابط مختصر لا انكر انني لا اقرأ البوستات التي تناقش العنصرية وتتحدث عنها . لكن لو صدف ولقيت اسم زول بحب اقرا ليهو في بوست عنصرية بخش بقراهو هو بس غالبا
المداخلة ادتاه رد من بكري عباس في بوست اسماعيل وموجهة لي اسماعيل وادم
عجزت عن فهم مراميها وادراكها
ممكن بكري عباس ان تفضل يشرحها لي واذا ابا علي كيفو
و
ومرحب بيك مرة عاشرة يا بكري
|
Post: #2
Title: Re: يا بكري عباس بخصوص مداخلتك
Author: عبدالحفيظ ابوسن
Date: 07-26-2018, 05:51 AM
Parent: #1
أين أبناء جنود الغزاة الشراكسة والأرمن والتعايشة؟
بصفتي منحدر من منطقة شندي، بالتأكيد بعد إجتياح الدفتردار وسيدي محمود ود أحمد لمنطقتنا فيما مضى، بالضرورة بيكون تم إغتصاب للنساء، وبالتالي إختلطت دمائهم بسكان المنطقة.
صحي حاول أدبنا الشعبي إخفاء ذلك وقالوا شعر انو بنات جعل ربطن شعرن مع بعض ووقعن في النيل حاكن التمساح؟؟؟؟
لكن دا كضب ساكت، ممكن تكون في حادثة أو اتنين، لكن تم اغتصاب تم زي أي حرب في الدنيا في ذلك الزمان.
شوفوا شاعر البطانة العنصري قال شنو:
أمس العصير خبر الإعيسر (عبد الله ود سعد) جانا
وكتلة دار جعل والله، مو سارانا
البت القبيل بالعطور نديانة
شالوها ناس جلبة جيب أخوانا
السؤال بتاع سمعة وصيام وراهو سؤال تاني:
طيب يا جلابة يا معفنين، نابحننا أشراف وجدكم العباس ودمكم نقي؛ ورونا دماء الشراكسة والتعايشة بعد اجتاحوكم مشت وين؟
الإجابة:
يا سمعة وصيام، قصة اشراف وعباس دي مكنة مننا ساكت
نحن ناس عاديين زيكم، انتصرنا وانهزمنا في الحروب واغتصبنا نساء الآخرين (بعد كرري)، وحصل لينا العكس في هزائمنا (الدفتردار وكتلة المتمة)
فشنو حكاية أشراف دي مكنة كبيرة عملناها أيام الجهل وننفيها بعد استنرنا بالعلم
فشنو؟
عفى الله عما سلف ونحن اولاد النهار دا قاعدين معاكم في مجتمع واحد شيوعيين، أنصار، وكيزان
مراجع:
رواية ستاربكس
ورواية صديقي الخليل أخو محمود ود أحمد
للكاتب المبدع المستنير بأرشيف سودانيز
هامش:
يا سمعة، مبروك البدلة الرمادية الجديدة
|
Post: #3
Title: Re: يا بكري عباس بخصوص مداخلتك
Author: يحي قباني
Date: 07-26-2018, 06:01 AM
Parent: #2
Quote: المداخلة ادتاه رد من بكري عباس في بوست اسماعيل وموجهة لي اسماعيل وادم
عجزت عن فهم مراميها وادراكها
ممكن بكري عباس ان تفضل يشرحها لي واذا ابا علي كيفو |
كلامك غريب يا حفيظ ...
العجز في شنو ؟
ابو بكر عباس ( عم عكس ) ... داير يقول كلام مخالف ليس الا ... صاح ام غلط ...
لازم يقول كلام شاذ مخالف للطبيعي عشان الفت نظر الناس ليهو ...
فشنو ... وفر مدادك اخوي ... موضوعه ميت زولك ده ...
|
Post: #4
Title: Re: يا بكري عباس بخصوص مداخلتك
Author: عبدالحفيظ ابوسن
Date: 07-26-2018, 06:23 AM
Parent: #3
يا يحي
داير افهم بس ما اكتر
اخوك مخو تخين شوية
الحاجات ما بتقع ليهو طوالي
ولايوق لو ما فهمت ما بسكت
ما اظنها صعبة!؟
|
Post: #5
Title: Re: يا بكري عباس بخصوص مداخلتك
Author: هاشم الحسن
Date: 07-26-2018, 06:49 AM
Parent: #4
سلامات يا اب سن،
أبّكر وسمعة ديل شايفم أصحاب قُدام ؤعندهم كود خاص،
لكني ظنيت الدهن والكنتة كلها في المقتبس هنا| Quote: نحن اولاد النهار دا |
باقي الكلام قديم.. غريبة إنو ما لاقاك قبل!
لكن برضو، طال ماك لايوق قدر دا:)
فعليك النبي تعصروا لامن يجيب الزيت..
بس عشان تاني يعرف حاجة:)
|
Post: #6
Title: Re: يا بكري عباس بخصوص مداخلتك
Author: علي دفع الله
Date: 07-26-2018, 07:01 AM
Parent: #4
اسمح لي يا صديقي ابسن انقل لي سعادتك ان المستنير ما بقدر يدخل البورد بعد ما خرب الباسويرد بتاعو و طالبنا بكري ابو بكر بإرجاعه تحت اسم المستنير ولكن لم يستجب ..
----------------
اما بخصوص المداخلة المنقولة للمستنير بتوضح حالة العبور لتابوهات القبيلة والعرق والدين واللون الوصل ليها المستنير وصدقني التعبير الكاتبو ابو بكر صادق فيه جداااا و فعلا اتحرر تماما عن هذه الاكلشيهات الفارغة و احيانا يتناول الصراع العرقي بصورة ساخرة ربما تشكل على البعض فهمه..
المستنير فعلا يستحق اللقب لانو متصالح جداااا وعندو رؤية عميقة لهذه العنصرية التي اجتاحت الامة السودانية .
اتمنى عودته خصوصا للبوست دا وليس لي طلب قريمان😂
|
Post: #7
Title: Re: يا بكري عباس بخصوص مداخلتك
Author: يحي قباني
Date: 07-26-2018, 07:13 AM
Parent: #6
علي دفع الله ..
عنو ما كان صحن فول ده ياخ ...🙄
صورتكم زاتها شينة جدا ... و زايدة شنا ...
|
Post: #8
Title: Re: يا بكري عباس بخصوص مداخلتك
Author: محمد أبوالعزائم أبوالريش
Date: 07-26-2018, 07:22 AM
Parent: #7
| Quote: اتمنى عودته خصوصا للبوست دا وليس لي طلب قريمان😂 |
يا علي دفع الله، ما وقفت شوية في إتفاقك مع قريمان في نفس الطلب؟
هذا بعد السلام على ود أبسن
|
Post: #12
Title: Re: يا بكري عباس بخصوص مداخلتك
Author: علي دفع الله
Date: 07-26-2018, 07:36 AM
Parent: #8
ابو العزايم يا صديقي
وقفت وحارقاني بس😂😂
دا شكل من اشكال استحقاق الاستنارة..
|
Post: #9
Title: Re: يا بكري عباس بخصوص مداخلتك
Author: علي دفع الله
Date: 07-26-2018, 07:22 AM
Parent: #7
هههههههه اي صاح المستنير عشانا بي صحن فول 😂😂😋
بس تفتكر الريدة والمحبة دي سعرها صحن فول
ارجع للارشيف وشوف انا مؤمن باستنارة ابكر قبل الاقيه
كونك ما بتحبو دا حقك
لكن كمان ما تمنع الناس تعبر عما تحسو تجاه شخص احياء البورد بعد قرب يموت وبي غيابو سيكون البورد نوم تقيل.
ورب المجرات من امتع الناس القابلتهم في حياتي
وحسب اخر اتصال بيني وبينو قال تاني ما عندو نفس يرجع
لانو حس خلق ليه عداوات كتيرة والسبب الدوز بتاع الاستنارة العالي
و زي ما قلت زمان المستنير خلق متجاوز زمنو
|
Post: #10
Title: Re: يا بكري عباس بخصوص مداخلتك
Author: عبدالحفيظ ابوسن
Date: 07-26-2018, 07:24 AM
Parent: #7
مرحبا هاشم
نحن اولاد النهار دة جملة تكاد تلامس حقائق الرياضيات الباردة من فرض حقيقتها
ولكن هل عقول بعضنا تعيش وفقا لنصاعتها؟
هل ذهنيتنا ومزاجنا قادر علي هضمها والمضي قدما؟
ام ان بعضنا لازال يعيش اجواء ذلك الماضي مدخله قسرا في الواقع؟
ولا يستحضر الماضي إلا ما ساءه حاضره
ولا يستحضر الماضي إلا لهدف يقصده وليس شرطا ان يكون من اجل واقع افضل !
ليس قراءة بذهن مفتوح للتراث! او استلهام ما كان افضل فيه او تجنب مزالقة!
وانصع مثال لاستدعاء الماضي سلطة الانقاذ !!
ف شنو يا هاشم
اخوك لو فهم بنطم وبكرز
|
Post: #11
Title: Re: يا بكري عباس بخصوص مداخلتك
Author: عبدالحفيظ ابوسن
Date: 07-26-2018, 07:27 AM
Parent: #10
يا علي يعني كتب مداخلتو وقام خرب الباسورد تاني ولا كيف!؟؟
المهم
هو له مطلق الحرية في الرد او عدمه كحق اصيل
عدم الرد زاتو يعتبر رد لي
مش مصطفي قال
وعدم الملام
هو كمان ملام
|
Post: #13
Title: Re: يا بكري عباس بخصوص مداخلتك
Author: هاشم الحسن
Date: 07-26-2018, 07:56 AM
Parent: #10
يا حفيظ الله ما يطمّ ليك بطن ولا خشم،
باقي أنا كلامك في الرد علي، واقعلي تب،
لكن لأني بعرف إنو كلام علي دفع الله دا| Quote: ورب المجرات من امتع الناس القابلتهم في حياتي |
كلام صاح وزيادة ومادايرلو حليفة زاتو،
وممكن تضيف ليهو إنو برضو راقدلو فوق آراء كتر..
فيعني وكدا ولذلك ما بقدر أفتي ؤأأول
والزول دا طالما شايفِنِّو بتحاوم بي جاي
أخير يجي هنا براهو ويفـــــرد كلاماتو دي
بدل ما واحد من ألغامو دي ينفجر بي زول
غايتو انا شايف كدا..
يا إمتن يفردا أو يتقبقب، ماف حل تاني!
|
Post: #14
Title: Re: يا بكري عباس بخصوص مداخلتك
Author: عبدالحفيظ ابوسن
Date: 07-26-2018, 08:05 AM
Parent: #13
تصدق يا هاشم انا انحاز ل بكري
واظن نفسي اعرفه
هو زول ذكي ومرح وممتع جدا
اعرفه من هنا وتواصلنا بالتلفون كم مرة واتونسنا
ههههه
لا ياخ بطني ما بتطم ولكن بكرز وبنطم مترادفات سودانية للسكوت والصمت
|
Post: #15
Title: Re: يا بكري عباس بخصوص مداخلتك
Author: محمد حيدر المشرف
Date: 07-26-2018, 10:51 PM
Parent: #1
بالرغم من عزوفي من الامر كله الا ان عدم التعليق غلبني
ارفض التعامل مع آدم واسماعيل على انهم ناقصين عقل وأخذهم على حسب عقلهم .. كما ارفض التعامل مع العنصرية بخفة
ابوبكر عباس يفعل ذلك
ويتصور ذاته مسؤولا عن الاخذ بايدي هؤلاء خطوة خطوة في طريق الوعي ..
العنصرية لا يتم التعامل معها من مدخل (السكران في ذمة الواعي)
لاسيما وان جاءت في سياق مشاريع سياسية وفكرية واجتماعية تخص الوطن.
|
Post: #16
Title: Re: يا بكري عباس بخصوص مداخلتك
Author: أبوبكر عباس
Date: 07-27-2018, 03:13 AM
Parent: #15
سلام يا أبسن يا ملك
بجيك بعدين بعد صلاة الجمعة
|
Post: #17
Title: Re: يا بكري عباس بخصوص مداخلتك
Author: علي دفع الله
Date: 07-27-2018, 05:14 AM
Parent: #16
سنة يا الجمعة 😂😂
المهم انك موجود
|
Post: #18
Title: Re: يا بكري عباس بخصوص مداخلتك
Author: يحي قباني
Date: 07-27-2018, 05:21 AM
Parent: #17
| Quote: اسمح لي يا صديقي ابسن انقل لي سعادتك ان المستنير ما بقدر يدخل البورد بعد ما خرب الباسويرد بتاعو و طالبنا بكري ابو بكر بإرجاعه تحت اسم المستنير ولكن لم يستجب .. |
Quote: وحسب اخر اتصال بيني وبينو قال تاني ما عندو نفس يرجع
لانو حس خلق ليه عداوات كتيرة |
Quote: سلام يا أبسن يا ملك
بجيك بعدين بعد صلاة الجمعة |
Quote: سنة يا الجمعة 😂😂
المهم انك موجود |
خخخخخخخخخخخخخخخخخخخخخخ يا علي دفع الله
|
Post: #19
Title: Re: يا بكري عباس بخصوص مداخلتك
Author: علي دفع الله
Date: 07-27-2018, 05:32 AM
Parent: #18
قباني ههههههههههههه
غايتو الله يصبرك من حالتك الفوقك
او كما قال صديق عباس ما ابو بكر عباس 😂😂
|
Post: #20
Title: Re: يا بكري عباس بخصوص مداخلتك
Author: Frankly
Date: 07-27-2018, 05:38 AM
Parent: #16
الظلامي أبوبكر عباس حمداً لله على سلامة الباسورد.
المهم هسع بتكون نمت ولما تصحى بعد صلاة الجمعة عايزين نشوف ردودك على موضوع البوست دا
|
Post: #21
Title: Re: يا بكري عباس بخصوص مداخلتك
Author: يحي قباني
Date: 07-27-2018, 05:48 AM
Parent: #20
Quote: قباني ههههههههههههه
غايتو الله يصبرك من حالتك الفوقك
او كما قال صديق عباس ما ابو بكر عباس 😂😂 |
ما ظنيتو صحن فول بس ...
شكلها جابت ليها مشاوي ...
انا زمان ما قلت ليك مشوارك داك كان مريب ...
الشيوعية حينما تتبدل الى رأس مالية في أبشع صورها ... :)
|
Post: #22
Title: Re: يا بكري عباس بخصوص مداخلتك
Author: علي دفع الله
Date: 07-27-2018, 08:28 AM
Parent: #21
يا قباني المستنير في ورشة العمل العقدناها في دبي بخصوص انتاج فلم المهدي عليه السلام رشحك لي دور غردون باشا لكن بعد ملاواتك دي كومبارس ما بديك ليه 😂😂
|
Post: #23
Title: Re: يا بكري عباس بخصوص مداخلتك
Author: عبداللطيف حسن علي
Date: 07-27-2018, 08:31 AM
Parent: #21
يامشرف المستنير عندو اسلوب خاص كل الناس فاهماهو
يعني الجدية والصرامة خفف منها شوية
|
Post: #24
Title: Re: يا بكري عباس بخصوص مداخلتك
Author: حمد عبد الغفار عمر
Date: 07-27-2018, 09:12 AM
Parent: #23
سلام
يا ابسن ابو بكر كتب نفس الكلام دا من قبل في بوست لوضاحة على ما اعتقد لكن ما بنفس الوضوح والتفصيل والناس مشت فيهو بدون تعليق يمكن لطبيعة البوست الفكاهية ما كان في تركيز على المداخلات واعتقد انو اسماعيل استلهم كلامو دا من كلمة كلمتين وردت في مداخلة بكري وقتها بنفس المعنى
المهم مداخلة ابو بكر دي عايزة فلفلة بتركيز وخصوصا جملة نحن اولاد النهار دا
|
Post: #25
Title: Re: يا بكري عباس بخصوص مداخلتك
Author: محمد حيدر المشرف
Date: 07-27-2018, 11:28 AM
Parent: #1
عبداللطيف سلامات
اعلم والله اسلوب ابوبكر عباس في هذه الامور ..
ولكن تحفظاتي منطقية جدا.
الذي يغيب او يحصل ليهو تخفيف مفاهيمي جراء الاسلوب ده .. هو الموقف من العنصرية نفسها وعدم صلاحيتها كخلفية او تأسيس للمستقبل..
ساهل جدا اقول للعنصري انو فحوى كلامك (متن الكلام) صحيح لكن نحنا اولاد النهار ده.. لكن صعب جدا اقول ليهو انو الكلام دي عنصري ولا يصلح كمقدمات او اجندات للمستقبل
|
Post: #26
Title: Re: يا بكري عباس بخصوص مداخلتك
Author: عبدالحفيظ ابوسن
Date: 07-27-2018, 11:38 AM
Parent: #25
تشكروا جميعا
وكتر خيركم
وفي رجاك يا بكرى
انا غايتو في تقديرى
العنصرية جدها جد وهزلها جد
|
Post: #27
Title: Re: يا بكري عباس بخصوص مداخلتك
Author: أبوبكر عباس
Date: 07-27-2018, 01:11 PM
Parent: #26
الإمام في الخطبة قال لينا:
"كلكم لآدم وآدم من تراب"
بسري قلت ليهو:
قصة خلق الانسان الاسلامية دي ما بنتفق معاك فيها، لكن هدفك من المقولة نبيل بنقبلوا.
دولة السودان الحديثة دي بدت بعد انتصرنا على جيوش التعايشي في كرري وهروبه لام دبيكرات.
بجيكم بعد صلاة المغرب
|
Post: #28
Title: Re: يا بكري عباس بخصوص مداخلتك
Author: حمد عبد الغفار عمر
Date: 07-27-2018, 01:42 PM
Parent: #27
| Quote: بجيكم بعد صلاة المغرب |
قلبتا واعظ ولا شنو ؟
|
Post: #29
Title: Re: يا بكري عباس بخصوص مداخلتك
Author: عبدالحفيظ ابوسن
Date: 07-27-2018, 05:45 PM
Parent: #28
اها ما صليت المغرب وعملت الباقيات الصالحات لسه 😆
طيب
لو في زول تاني برضو ما مقتنع بقصة الخلق الاسلامية وخاتيك معلم ليهو . وشافك تجاوزتها لتثبيت المساواة وفهم ضمنيا تجاوزك موافقة 😆
قالوا في المثل
النواتي في حساب وسيد المركب في حساب
|
Post: #30
Title: Re: يا بكري عباس بخصوص مداخلتك
Author: علاء سيداحمد
Date: 07-27-2018, 09:48 PM
Parent: #29
بركة الجيت با المستنير
وأنا اقول البورد مالو الايام الفاتت نورو باهت !!
|
Post: #31
Title: Re: يا بكري عباس بخصوص مداخلتك
Author: عمر نملة
Date: 07-28-2018, 03:59 AM
Parent: #30
سلام
اصدق كفاك مطول
شيخ العرب الما وقع ليك شنو. هي حقائق تاريخيا موثقة
ممكن ما تتفق مع ما تؤمن...كلام ود عباس خلو...فلفل لينا
كتب التاريخ ..وجيب لينا الذاهبه
|
Post: #32
Title: Re: يا بكري عباس بخصوص مداخلتك
Author: عبدالحفيظ ابوسن
Date: 07-28-2018, 04:58 AM
Parent: #31
تحياتي عمر
انا اصلا ما قاعد اتكلم عن التاريخ ولا ببحث فيهو
ولا جاري وراء اثبات حادثة او نفيها
لكن داير افهم بس كلام بكري ما وقع لي
ولا وقع لي استدلالو
عاين التاريخ دة جا وين يا عمر !
في زمن سحيق كانت العبودية والرق تطور ثوري
مش حاجة غريبة
شوف خطورة الكلام عن الاحداث ومحاكمتها انتقائيا؟
|
Post: #33
Title: Re: يا بكري عباس بخصوص مداخلتك
Author: عبدالحفيظ ابوسن
Date: 07-28-2018, 06:22 PM
Parent: #32
وعدم الملام
هو كمان ملام
|
|