Post: #1
Title: ***** نفسي في ملاح اخدر يا حياتي .. *****
Author: ABUHUSSEIN
Date: 07-19-2018, 03:39 PM
03:39 PM July, 19 2018 سودانيز اون لاين
ABUHUSSEIN-السعودية الرياض
مكتبتى
رابط مختصر قال ليها :- نفسي في ملاح اخدر يا حياتي ..
قالت ليه :- جيب البوهية الخدرا يا عيوني ...
قال ليها :- بوهية شنو ... ؟؟؟
قالت ليه :- الخدرا يا حبيبي ....
قال ليها :- اقول ليك ملاح تقولي لي بوهيه ... ؟؟؟
قالت ليه :- مش قلت اخدر .. ؟؟؟؟
قال ليها :- انعل ابو الملاح .... غلطان انا ...
قالت ليه :- في شنو يا حبيبي ... ؟؟؟
قال ليها :- مافي حاجة خلاص ..
قالت ليه :- مالك بقيت هظاري ما بتتحملو و الله بضحك معاك يا حبيبي
قالت ليه :- انت قلت ملاح اخدر .. خدرا و ل ورق و ل بامية بالشمار ..؟؟
طنطن :- الله يلعنك يا ابليس ...
قالت ليه :- قلت شنو يا حبيبي ... ؟؟؟؟
قال ليها :- لا لعنت ابلبس
قالت ليه :- ابليس مالو كمان ... ؟؟؟
قال ليها :- ما هو اكيد القال لي اقول ليك كلام الزعل دا
قالت ليه :- الكلام قلتو انت بي لسانك ... كان تخليه يقولو هو ...
قال ليها :- خلاص انا آسف يا حبيبتي
قالت ليه :- يا حبيبي ما تدخل ابليس بينا العنو قبل ما تقول كلامو ...
قال ليها :- حاضر يا حياتي
قالت ليه :- امشي جيب الخدار النفسك فيه و ما تتونس في الطريق مع ابليس
ابو حسين
مفكر و كاتب (لا يشق له غبار)
الرياض
الخميس 19/7/2018
الساعة 5:34 عصرا
|
Post: #2
Title: Re: ***** نفسي في ملاح اخدر يا حياتي .. *****
Author: عمر عثمان عبد الوهاب
Date: 07-19-2018, 03:55 PM
Parent: #1
ههههههههههه والله ياابوحسين ذكرتني اخونا جاب امو زياره وهم قاعدين
في ونسه لذيذه كده قال لي مرتو الحلبيه ماتعملي لينا الليله كستر ياحياتي
قات ليهو قوم ياعب الله يسالك خشمك ده هسع خشم كستر و هههههههههههه
الام طلقتها وهي في بكانه
|
Post: #3
Title: Re: ***** نفسي في ملاح اخدر يا حياتي .. *****
Author: عبدالحفيظ ابوسن
Date: 07-19-2018, 04:25 PM
Parent: #2
زولي اللخدر
كان شفتو بخدر
قلت لي شنو ؟
كاتب واديب ومثقف لا تشق له كتاحة 😆
بالطريقة دى هسة يجينا هناي داك بنص مزاور ولا مزازي
|
Post: #4
Title: Re: ***** نفسي في ملاح اخدر يا حياتي .. *****
Author: علي عبدالوهاب عثمان
Date: 07-19-2018, 04:52 PM
Parent: #3
حبيبنا أبوحسين .. مودتي ..
يا سلام يا الحبيب المواهب بدات تظهر
يا أبوحسين .. دا سيناريو عديل يمكن تجسيده وتصويره
أكبر من كتابة خواطر ..
حوار له بداية ونهاية .. فقط يحتاج إلى مخرج (يحدد المكان والادوات والازياء ونوعية الممثلين )
واصل على نفس النسق
تحياتي ..
|
Post: #5
Title: Re: ***** نفسي في ملاح اخدر يا حياتي .. *****
Author: Abdullah Idrees
Date: 07-19-2018, 04:59 PM
Parent: #4
غايتو يا بوحسين بعد ده بتسعالك "كرتونة " تب 
|
Post: #6
Title: Re: ***** نفسي في ملاح اخدر يا حياتي .. *****
Author: حمد عبد الغفار عمر
Date: 07-19-2018, 05:01 PM
Parent: #4
انا كان عندي احساس انو المنبر دا حيرجع لرونقو عن طريقك انت
|
Post: #7
Title: Re: ***** نفسي في ملاح اخدر يا حياتي .. *****
Author: Salah Zubeir
Date: 07-19-2018, 05:03 PM
Parent: #4
ههههههههههههه .... دا شنو يا أديب ...
لقد صبأت يا هذا ... خلاص بقيت موسوعي!!!
قنطرتا رقبتك ... نفسي ومني عيني
يجيك منتصر يرشك بي سطر واحد
يرجعك لينا من ضهب اخر العمر دا ...
ياخي كتا تسويها زمان ... زمن المنبر
بي رونقو ...
|
Post: #8
Title: Re: ***** نفسي في ملاح اخدر يا حياتي .. *****
Author: محمد حيدر المشرف
Date: 07-19-2018, 05:04 PM
Parent: #1
مفكر بخرات برضو؟!
|
Post: #9
Title: Re: ***** نفسي في ملاح اخدر يا حياتي .. *****
Author: Frankly
Date: 07-19-2018, 05:12 PM
Parent: #8
قصة حلوة لكن ما عارف عندي إحساس انك قاصد حاجة تاانية
خدرا وورق وإبليس ويوم خميس ديل ما بيتلموا مع بعض في مشهد براءة
|
Post: #10
Title: Re: ***** نفسي في ملاح اخدر يا حياتي .. *****
Author: MOHAMMED ELSHEIKH
Date: 07-19-2018, 05:25 PM
Parent: #9
غايتو البوهية الخدراء ذكرتني نكنة لكل من د.العبادي ود. عبد الله الشاطر عندما كنا بمعسكر دبك . حيث تم الافراج عن صاحب التلفزيون صديقنا م. عربي بشير وضربتنا الحيرة في موضوع ليالي الحلمية. الشاطر قال عندي تلفزيون ممكن نرسل نجيبو بس لكنو ابيض واسود. د. ع اللطيف العبادي قال ليو: " خليهم يجيبوه ويجيبوا معاه علبة الوان"
|
Post: #11
Title: Re: ***** نفسي في ملاح اخدر يا حياتي .. *****
Author: ABUHUSSEIN
Date: 07-19-2018, 05:54 PM
Parent: #10
عمر يا اخوي قصتك دي بدون حلبية و عب بتصل زي ما هي بس ما بتصل مرحلة الطلاق ....
مالك علي عايز توديني التوج كمان ... 😂
*****************
| Quote: كاتب واديب ومثقف لا تشق له كتاحة |
الحالة تعبان ....
لو ما تعبان كان اضفت ليكم و (( ناقد حصيف))
😂😂😂
*****************
اخونا و حبيبنا علي
الله يكرمك ياخ و يسعدك
بالله كلم الوهم الحايم غي البوست دا ...
غير الاحباط ما لاقي منهم شي
تسلم يا راجل يا طيب
***********
| Quote: غايتو يا بوحسين بعد ده بتسعالك "كرتونة " تب |
😂😂😂😂😂😂😂😂
بعد دا مافي كرتونية و خرابيط
خلاص انتهى عهد (التبخبيس) ..
وحاتك انت الزمن (داك) اصحاب الاستاذية داسينها ... 😂😂
*******************
| Quote: انا كان عندي احساس انو المنبر دا حيرجع لرونقو عن طريقك انت |
بالله كلمهم .....
مالك انت الليلة مورود .. ؟؟؟ 😂😂😂😂😂
*******************
Quote: ههههههههههههه .... دا شنو يا أديب ...
لقد صبأت يا هذا ... خلاص بقيت موسوعي!!!
قنطرتا رقبتك ... نفسي ومني عيني
يجيك منتصر يرشك بي سطر واحد
يرجعك لينا من ضهب اخر العمر دا ...
ياخي كتا تسويها زمان ... زمن المنبر
بي رونقو ... |
قبل يومين (مولانا) قال مسافر
و قبل ساعتين (الفقر) قال مسافر
ارتحت نفسيا و ابت نفسي المرتاحة الا و ان تترجم هذا الشعور في شكل إبداع
و انثره في هذا الفضاء الواسع حتى تشاركوني هذا الجمال الراقي ....
😂😂😂😂😂
ياخ منتصر في الجو الحلو دا ... ؟؟؟؟
*****************
ديك الشهادات ....
كمان التفكير بي بخرات انت كمان ... ؟؟؟؟؟
😂😂😂😂😂
*******************
Quote: قصة حلوة لكن ما عارف عندي إحساس انك قاصد حاجة تاانية
خدرا وورق وإبليس ويوم خميس ديل ما بيتلموا مع بعض في مشهد براءة
|
شكرا ياخ
و صفي النية و الله بريئة جدا .....
مالك علي ياخ ..... اسي اجي هناي داك يخمو يحيرني فيه ....
الادب الحديث بلم كل شي في سطر واحد و دا قمة الإبداع ... 😂😂😂
********************
| Quote: غايتو البوهية الخدراء ذكرتني نكنة لكل من د.العبادي ود. عبد الله الشاطر عندما كنا بمعسكر دبك . حيث تم الافراج عن صاحب التلفزيون صديقنا م. عربي بشير وضربتنا الحيرة في موضوع ليالي الحلمية. الشاطر قال عندي تلفزيون ممكن نرسل نجيبو بس لكنو ابيض واسود. د. ع اللطيف العبادي قال ليو: " خليهم يجيبوه ويجيبوا معاه علبة الوان" |
دي نكتة .... ؟؟؟؟
لو نكتة كلمنا عشان نضحك ....
خايف اضحك تقوم تحرجني تقول لي دي ما نكتة ....
😂😂😂😂😂😂😂
|
Post: #12
Title: Re: ***** نفسي في ملاح اخدر يا حياتي .. *****
Author: جلالدونا
Date: 07-19-2018, 06:25 PM
Parent: #11
غايتو كرهتنا الملاح للخدر
هو ذاتو كمان بعمل امساك
**** جلال للنقد الفنى و التبويب القشيب ****
|
Post: #13
Title: Re: ***** نفسي في ملاح اخدر يا حياتي .. *****
Author: Hamid Elsawi
Date: 07-19-2018, 07:52 PM
Parent: #12
انا عكسك يا جلال
اشتهيت الملاح الاخدر
و ح اكون محدد جدا يا ابو حسين
ح امشي اجيب الخُدْرَة و اقول للمدام
عاوز دي مفروكة يا حياتي
عشان ابليس يمشي يشوف
ليهو شغلة تانية
لازم نستفيد من غلطة صاحبنا
لجميع زوار البوست الود
|
Post: #14
Title: Re: ***** نفسي في ملاح اخدر يا حياتي .. *****
Author: ABUHUSSEIN
Date: 07-19-2018, 08:39 PM
Parent: #13
Quote: غايتو كرهتنا الملاح للخدر
هو ذاتو كمان بعمل امساك
**** جلال للنقد الفنى و التبويب القشيب **** |
بالله دي امة يكتب ليها ابو حسين ... !!!!
اكتب لي قصة كلها حبيبتي و حياتي و يا عسل هو جايني بي (إمساك)..
إمساك اللي يخليك تقنت ساعتين بدون (مخرجات) 😂😂
ياخ اختاني بي إمساكك دا ...
**********************
حامد يا صاوي اهلا بيك يا ظريف
صاحبنا في جده جاب مرتو اول مرة
فرحاااااان اول يوم سألتو بتعرف تشتري خضار .. ؟؟
قال ليها و الله اعجبك
قالت ليه جيب لي خدره و سلطة
مشى فرحان ينطط
لقط السلطة براه و قال لي بتاع الخضار
في خدره ... ؟؟؟؟
بتاع الخضار اشر ليه على ناس الجرجير و الخس و البصل الاخضر
و قال ليه هادي كلها خضرة ....
اقول ليك خدره
ايه هادي كلها خضرا
الراجل رجع للمرا زعلان
الحيوان ما عرف الخدره
قالت ليه قول ليه ملوخية
رجع ليه قال ليه وين الملوخية ... ؟؟؟؟
الراجل ضحك و رفع الشوال المبلول خاتي تحتو الملوخية
الجماعة ديل هنا كل الورقيات الخضراء بقولو ليها خضرا
😂😂😂😂😂😂😂😂😂😂
تسلم يا طيب
|
Post: #15
Title: Re: ***** نفسي في ملاح اخدر يا حياتي .. *****
Author: محمد البشرى الخضر
Date: 07-19-2018, 08:42 PM
Parent: #14
ههههه
الحمدلله الجريت نفسك وبقيت تنكت كمان 😁
|
Post: #16
Title: Re: ***** نفسي في ملاح اخدر يا حياتي .. *****
Author: معاوية المدير
Date: 07-19-2018, 10:14 PM
Parent: #15
Quote: ههههه
الحمدلله الجريت نفسك وبقيت تنكت كمان |
هههههههه،
يا ابو حسين الكان عافصك مِنو ؟.
شايف بعد عمّك شتت الجماعة حقبو شِنطُن ؤ يا المطار
جوك رجال !.
أحي يا المُلآح اللخدر، وأحي يا الحر كمان .
ود المدير/ شاعر سغيّل ؤ ناقِد كمان ...
|
Post: #17
Title: Re: ***** نفسي في ملاح اخدر يا حياتي .. *****
Author: ABUHUSSEIN
Date: 07-19-2018, 11:20 PM
Parent: #16
| Quote: الحمدلله الجريت نفسك وبقيت تنكت كمان |
ما قلت مسافر ... ؟؟؟؟
المداخلة دي من الطيارة و ل من الآيفون .. ؟؟ 😂😂😂😂
الجو بقى مشجع للإبداع قلنا نغتنم الفرصة دي قبل ما تقوم الكتاحة تاني ....
الهجم و الرجم كتير الزمن دا ...
و كمان البحث عن (التحانيس) اصبح من الامراض المتفشية ...
😂😂😂😂😂😂😂
********************
Quote: يا ابو حسين الكان عافصك مِنو ؟.
شايف بعد عمّك شتت الجماعة حقبو شِنطُن ؤ يا المطار
جوك رجال !.
أحي يا المُلآح اللخدر، وأحي يا الحر كمان .
ود المدير/ شاعر سغيّل ؤ ناقِد كمان ... |
افو يا اصلع ...
كمان في راجل بقدر يعفص ابو حسين ...
ديل بتكلمو عن امانيهم و احلامهم ... 😂
اما عن حكاية احي فا أحي كلنا ...
اتمنى اني اقرأ ليك شعر يا سفيل ...
نشوف كمان شعر السغالة في زمن الهبالة ... 😂😂😂😂
|
Post: #18
Title: Re: ***** نفسي في ملاح اخدر يا حياتي .. *****
Author: MOHAMMED ELSHEIKH
Date: 07-20-2018, 09:46 AM
Parent: #17
ممكن طلب بسيط. عايز اترجمها . تديني الحق دا؟
|
Post: #19
Title: Re: ***** نفسي في ملاح اخدر يا حياتي .. *****
Author: muntasir
Date: 07-20-2018, 10:42 AM
Parent: #18
اللهم أجرنا في مصيبتنا وخفف علينا
|
Post: #20
Title: Re: ***** نفسي في ملاح اخدر يا حياتي .. *****
Author: ABUHUSSEIN
Date: 07-20-2018, 11:23 AM
Parent: #19
| Quote: ممكن طلب بسيط. عايز اترجمها . تديني الحق دا؟ |
ترجمة شنو انت كمان في الخريف دا ...؟؟؟
براك شايف السيل الجر الرواكيب من يومين ....
تقوم تغلط في الترجمة يجيك د. محمد صديق و اليومين ديل سمو فاير و الله يخنقك يخليك تكورك ...
Case Closed
Case Closed
و في النهاية تملص لينا سفنجاتك المقطعة دي و تقوم جاري ..
😂😂😂😂😂😂😂😂😂
*******************
| Quote: اللهم أجرنا في مصيبتنا وخفف علينا |
تضاف لفوائد هذا البوست
إسلام منتصر .....
سوقوه طهرو
😂😂😂😂😂😂😂
|
Post: #21
Title: Re: ***** نفسي في ملاح اخدر يا حياتي .. *****
Author: Salah Zubeir
Date: 07-20-2018, 12:06 PM
Parent: #20
Quote: Case Closed
Case Closed |
الإنجليزي بتاعك دا مصري ولا بخره ....
|
Post: #22
Title: Re: ***** نفسي في ملاح اخدر يا حياتي .. *****
Author: Frankly
Date: 07-20-2018, 12:26 PM
Parent: #21
|
Post: #23
Title: Re: ***** نفسي في ملاح اخدر يا حياتي .. *****
Author: جلالدونا
Date: 07-20-2018, 05:05 PM
Parent: #22
اولا .... تجدر الاشارة الى ان الصورة المنشورة ادناه ملفوحة
____
واحد صاحبنا عمل سيرش فى قوقل لى ملاح اجدر طلع بالمفاجأة دى
زولنا ذاتو طلع ملاح اخدر
|
Post: #24
Title: Re: ***** نفسي في ملاح اخدر يا حياتي .. *****
Author: ABUHUSSEIN
Date: 07-20-2018, 06:13 PM
Parent: #23
| Quote: الإنجليزي بتاعك دا مصري ولا بخره .... |
😂😂😂😂😂😂😂😂
دا انجليزي الزول الهارب .... 😂😂😂😂😂
انا كمان بتاع اجليزي يا حاج الطيب ... ؟؟؟؟
انا ثقافتي فرنسي بس ... 😂😂😂
****************
Quote: اولا .... تجدر الاشارة الى ان الصورة المنشورة ادناه ملفوحة
____
واحد صاحبنا عمل سيرش فى قوقل لى ملاح اجدر طلع بالمفاجأة دى
زولنا ذاتو طلع ملاح اخدر |
يا وهم الملاح الاخدر كان كمقبلات للقصة ....
لب الموضوع ابليس يا وهم .....
|
Post: #25
Title: Re: ***** نفسي في ملاح اخدر يا حياتي .. *****
Author: جلالدونا
Date: 07-20-2018, 06:26 PM
Parent: #24
ما مشكلة
نعدّل المدخلة
... المفاجأة زولنا طلع متأبلس مع الملاح اللخدر ...
|
Post: #26
Title: Re: ***** نفسي في ملاح اخدر يا حياتي .. *****
Author: ABUHUSSEIN
Date: 07-21-2018, 12:35 PM
Parent: #25
Quote: ما مشكلة
نعدّل المدخلة
... المفاجأة زولنا طلع متأبلس مع الملاح اللخدر ... |
يا جلجل مكانتي الادبية بتمنعني من اني اخوض معاك في حديث (مبتذل) زي دا ....
فا شوف اختاني خليني استفيد من وقتي في شي مفيد لي و لي مجتمعي و لي كل المعجبين بما انتج من ادب رفيع ....
و قوم لف ياخ ...
|
|