لا يتبادر الى ذهنك ابدا انني اقصد حقيبة اليد ، خاصة وانها منسوبة لايطاليا ، تلك الدولة الجميلة التي حذقت صناعة الجلد وتشكيله والتي تشبه خارطتها الجغرافية ، للصدفة الغريبة ، شكل الحذاء ! هل كان هذا قدرها منذ الازل ؟ لا ادري .. هي حقيبة سودانية في الواقع ، او قل اغنية حقيبة .. وان لبست ثوبا ايطاليا زاهيا ملونا .. يضاهي في جودته مصنوعات ايطاليا الجلدية كلها .. مقطوعة غنائية من اوبرا "لا ترافياتا " للموسيقارفيردي او Aria كما يطلق على المقطوعة الغنائية في فن الاوبرا .. لحنها لحن حقيبة خالص وأدائها ايضا ، لدرجة انها فيها كسرة كمان .. الاختلافات بسيطة بعضها من صنع الاوركسترا الباذخة والكورس المدرب والتنفيذ ايضا .. كلما اسمعها اتذكر حديث بشاشا رد الله كسحته ، ذات شطحة ، حول سرقة الاوربيين للتراث الكوشي .. لابد ان فيردي قد التقى بعمر البنا في مكان ما وان التينور العظيم بافاروتي قد تأثر ببابكر ودالسافل او ميرغني المامون في أدائه الرجولي ، ولابد يتردد صدى صوت الراحل خليل اسماعيل ، ،على مسامعك هنا وهناك من خلال اداء خوسيه كاريراس وبلاثيدو دومينغوز .. فعلا خليل اسماعيل كان يتمتع بصوت تينور اوبرالي قوى وجميل .. والان سؤالي للموسيقيين : ألا يمكن تنفيذ اغاني الحقيبة باوركسترا فيلهارمونية وكورس دارس ومدرب سواء اداها مغني سولو او كورال؟ ، يعني حاجة كده زي المقطوعة دي ؟ لست دارسا للموسيقى ولا نظرياتها ، زول بسمع بس .. الاغنية مهداة لعشاق الحقيبة وعلى رأسهم الجنرال قباني واباذر ، مع دعوة للشيخ احمد يسن وترهاقا والبقية للتحليل والتعقيب .. لكم سادتي : بافاروتي ودالسافل ، خوسيه كاريراس و بلاثيدو دومينغوز واغنية "برنديسي" ..
Post: #2 Title: Re: حقيبة ايطالية و تحف اخرى .. Author: Abdullah Idrees Date: 07-14-2018, 06:11 PM Parent: #1
Post: #3 Title: Re: حقيبة ايطالية و تحف اخرى .. Author: Ahmed Yassin Date: 07-14-2018, 06:59 PM Parent: #2
الله على طريقة كرومة لا زالت النشوة مستمرة وتعضف بنا عبدالله ادريس ياخ انت نشوة ريد
Post: #4 Title: Re: حقيبة ايطالية و تحف اخرى .. Author: Abdullah Idrees Date: 07-14-2018, 08:26 PM Parent: #3
Quote: الله على طريقة كرومة لا زالت النشوة مستمرة وتعضف بنا عبدالله ادريس ياخ انت نشوة ريد
حبابك 10 شغل رهيب ، انا من عشاق الصوت البشري والكمان دي من اهم الحاجات عندي .. لمن يتلمو مع لحن الحقيبة الموضوع بياخد بعد تاني خالص .. رايك شنو في تجربة كابلي في اغنية "الخنتيلة" ؟
Post: #5 Title: Re: حقيبة ايطالية و تحف اخرى .. Author: Ahmed Yassin Date: 07-14-2018, 08:45 PM Parent: #3
" لا ترافياتا" او (الضائعة) او (الضالة) وهي مارجريت الغانية التي اوهمت حبيبها الاورستقراطي (دوفال) انها طامعة في امواله حتى تبتعد عنه (من اجله).. قصة عشق ماساوية وضحت بحياتها لاجله. فيردي اطلق على مارجريت اسم (فيوليتا) في الاوبرا ياعبدالله يا ادريس رجعتنا الى المؤلف (الكسندر دوما) لان الاعداد الموسيقي عن قصة (غادة الكاميليا) (Aria) هي (الألحان المسرحية) حنرجع ليك لمغني التينور ولى خليل اسماعيل الصوتو (ألطو) تخيل يا عبدالله ؟
Post: #6 Title: Re: حقيبة ايطالية و تحف اخرى .. Author: صديق مهدى على Date: 07-14-2018, 08:52 PM
متابعة
Post: #7 Title: Re: حقيبة ايطالية و تحف اخرى .. Author: Abdullah Idrees Date: 07-14-2018, 08:53 PM
Quote: فيردي اطلق على مارجريت اسم (فيوليتا) في الاوبرا
بالحيل نسيت الاشارة لان الاغنية اساسا حوار بين تينور وسوبرانو ... البطل والبطلة الجماعة الفوق ديل طبعا وزعوها بيناتهم وبطبيعة الحال مافي سوبرانو ..
ود إدريس و الشبح احمد عساكم طيبين... القصة بعد كده ناقصة شلوخ بس
Post: #9 Title: Re: حقيبة ايطالية و تحف اخرى .. Author: Abdullah Idrees Date: 07-14-2018, 10:58 PM Parent: #8
Quote: ود إدريس و الشبح احمد عساكم طيبين... القصة بعد كده ناقصة شلوخ بس
سفيان يا حبيب شبح دي ما عايز اسمعا هنا ، الموضوع ده زدناهو نقطة ما شفتها فوق يعني ؟ الزول ده مغرودين فيهو ..
Post: #10 Title: Re: حقيبة ايطالية و تحف اخرى .. Author: حاتم إبراهيم Date: 07-15-2018, 06:21 AM Parent: #1
فيبدو أن (التينر) صار صفة نادرة.
___ بين الرجال.
Post: #11 Title: Re: حقيبة ايطالية و تحف اخرى .. Author: Ahmed Yassin Date: 07-15-2018, 09:49 AM Parent: #10
طار قلبي يا ادريس زي ما طار قلب سيدعبدالعزيز من صدره بس عشان شاف (حور الجنان جوة الحيشان) تبدأ الاحداث والبطلة ترقص وهي لابسة فستان (احمر) كاملا والرجال كلهم في بدل سوداء المشهد يا ادريس ذكرني العبادي وهو في حفلة امدرمانية العبادي : وقعة ادريس ودطه شاف الحسناء في الحفلة وطلب من العريس ان يقومها ترقص (حسب احكام ذلك الزمان والآوان) قامت لتعدل التوب ووجهها نحو البنات ومدبرة قبالة الرجال وكانت عجزاء مدبرة ، وفردت التوب وعايزة تاخد لفة بجسمها لتلتف بالتوب وكان يقف جنبها ولد اسمه ادريس ود طه فضربته بعجزها ووقع الغلام ارضا ، ومع تلك اللحظة قال العبادي (مربوع ) يصف تلك الوقعة ود البنا قال : يا الصدرك عالى وخصرك نحيل وسيد عبد العزيز: البديع السحر الفكر بالجمال والحياء انسكر حسو يرمى الزول فى وكر شوفتو تسكر من دون سكر ودالرضي متلاعب ليس الا لانه حذف البيت (المكشوف) حسب رأي اللجنة وادخلها في حرج بعدالتعديل وقال احدهم الراجل دا ما عندو (حل)
Post: #12 Title: Re: حقيبة ايطالية و تحف اخرى .. Author: Abdullah Idrees Date: 07-15-2018, 01:54 PM Parent: #11
Quote: فيبدو أن (التينر) صار صفة نادرة. ___ بين الرجال.
ثانكس ايني واي ..
Post: #13 Title: Re: حقيبة ايطالية و تحف اخرى .. Author: Abdullah Idrees Date: 07-21-2018, 01:28 PM Parent: #12
Quote: حنرجع ليك لمغني التينور ولى خليل اسماعيل الصوتو (ألطو) تخيل يا عبدالله ؟
يا "شيخ" احمد يس الالطو ده مش صوت انثوي ؟ تعال فهمنا الحكاية دي
لو ما جيت ح اشيل النقطتين بتاعاتي اورجعك تاني لي تنقيط ابوحسين
Post: #14 Title: Re: حقيبة ايطالية و تحف اخرى .. Author: Ahmed Yassin Date: 07-21-2018, 05:01 PM Parent: #13
Quote: يا "شيخ" احمد يس الالطو ده مش صوت انثوي ؟ تعال فهمنا الحكاية دي
جيت جاري جري عشان (النقطة ) المهمة دي .. و دي اهم نقطة في تاريخي في المنبر عشان كدة انا قلت ليك (تخيل) ..! ارجع ليك لى وراء شوية او كتير يا ود ادريس اكتشفوا عبدالرحمن الريح اكتشف الفنان (الفاضل احمد) قام ألف ليهو ولحن ليهو اغنية (كان بدري عليك) غنى الاغنية دي بى صوت (سوبرانو) نسائي صريح. فضل المولى (زنقار) كان يملك (صوتين) واحد رجالي والتاني (نسائي) يعني صوت مستلف او مستعار ماشين بعيد ليه في واحد في (الكورس) حق محمداحمد عوض اسمه لو انا بتذكر اسمو عبدالعزيز قسم كان بستلف صوت نسائي الطو خليل اسماعيل دا عينة الفنان الما بتلقى صوته دا في العصر الحديث ولا القديم ولا الجاي دا حير الاساتذة الكوريين مستر كيم ومستر اوشان سونغ .. وفي المعهد كانوا بقولوا (سلم خليل) محمد الامين بعبقريته الفذة وباستشارة الموزع الرهيب موسى محمد ابراهيم استعان بيهو في الملحمة الخالدة واختتم المقطع منفردا وكان فى الخطوه بنلقى شهيد ... بـدمو بـيـرسم فـجـر العـيــد و ايـد فى إيد حلفـنا نقاوم .....ما بنتراجع وما بنساوم
الله يرحمه
Post: #15 Title: Re: حقيبة ايطالية و تحف اخرى .. Author: Abdullah Idrees Date: 07-31-2018, 09:50 AM Parent: #14
Quote: اكتشفوا عبدالرحمن الريح اكتشف الفنان (الفاضل احمد) قام ألف ليهو ولحن ليهو اغنية (كان بدري عليك)
الفاضل احمد بتاع الحقيبة ؟ اعتقد تقصد عمر احمد كان بدري عليك دي من اوائل الاغنيات السمعتها في حياتي ، كانت منتشرة جدا منتصف السبعينات ، ما عارف منو الكان بغنيها في الزمن داك ، بس بتذكر انها كانت على كل لسان ...
Post: #16 Title: Re: حقيبة ايطالية و تحف اخرى .. Author: Abdullah Idrees Date: 07-31-2018, 09:54 AM Parent: #15
تحفة اوبرالية اخرى .. ااغنية Con te partiro او Time to say goodbye اندريا بوتشيلي وسارا برايتمان ..
Post: #17 Title: Re: حقيبة ايطالية و تحف اخرى .. Author: ناذر محمد الخليفة Date: 07-31-2018, 10:45 PM Parent: #1
Post: #18 Title: Re: حقيبة ايطالية و تحف اخرى .. Author: Abdullah Idrees Date: 08-01-2018, 10:29 AM Parent: #17
شكرا على المرور ناذر .. ولحين عودة المختفي اليومين ديل شيخنا احمد يس عله بخير وعافية ..
Post: #19 Title: Re: حقيبة ايطالية و تحف اخرى .. Author: Abdullah Idrees Date: 08-02-2018, 11:24 PM Parent: #18
..
Post: #20 Title: Re: حقيبة ايطالية و تحف اخرى .. Author: Abdullah Idrees Date: 10-06-2018, 01:28 PM Parent: #19
النسخة الايطالية من اغنية "غرانادا" بصوت العظيم كلاوديو فيلا الزول القصير ده عندو تكنيك اداء عالي للغاية ، تحكم رائع اجمل نسخة من الاغنية رغم ان معظم مغنيي الاوبرا غنوها
Post: #21 Title: Re: حقيبة ايطالية و تحف اخرى .. Author: جمال ود القوز Date: 10-06-2018, 03:33 PM Parent: #20
up
Post: #22 Title: Re: حقيبة ايطالية و تحف اخرى .. Author: Abdullah Idrees Date: 10-16-2018, 02:06 PM Parent: #21
ود القوز يا جمال مرورك اسعدني
Post: #23 Title: Re: حقيبة ايطالية و تحف اخرى .. Author: Abdullah Idrees Date: 10-16-2018, 02:30 PM Parent: #22
مشهد من اوبرا "ريغوليتو" للموسيقار فيردي يغني فيه الراحل لوتشيانو بافاروتي اغنية لا دونّا إي موبيلي La Donna E Mobili من اشهر اغنيات الاوبرا ان لم تكن الاشهر ..
بالله مغني الباص الفي اخر المشهد ده لو بقا عندنا "بدقها" حسب رندوك الكورة ؟
Post: #24 Title: Re: حقيبة ايطالية و تحف اخرى .. Author: Abdullah Idrees Date: 10-23-2018, 03:26 PM Parent: #23
السوبرانو ماريا كالاس اسطورة حية تعتبر من اعظم مغنيات الاوبرا هنا ستغني مقطوعة رائعة جدا من اوبرا كارمن لجورج بيزيه شغل على الكمان غير معقول مهارة فائقة بالذات في المقدمة بالاضافة لبقية الالات
Post: #25 Title: Re: حقيبة ايطالية و تحف اخرى .. Author: Abdullah Idrees Date: 10-26-2018, 12:36 PM Parent: #24
.....
Post: #26 Title: Re: حقيبة ايطالية و تحف اخرى .. Author: محمد حيدر المشرف Date: 10-26-2018, 09:05 PM Parent: #1
تحياتنا يا شاب (اعتقد ان مباراتك للغنا في سبعينات القرن الماضي مبالغة منك ساي)
المهم .. لا نوق لنا في هذه السوق وانما .. بس جيت اعاين!
Post: #27 Title: Re: حقيبة ايطالية و تحف اخرى .. Author: Abdullah Idrees Date: 10-26-2018, 09:23 PM Parent: #26
اهلين مشرف مساء النور
الموسيقى الكلاسيكية دي ما بتمسخ ياخ وبتتقاطع مع موسيقانا في حتات كبيرة لو لاحظت لي الاعمال الفوق دي كلها ساهلة جدا على الاذن السودانية بالذات الزول السمع اغنية امدرمان كتير ، الايقاعات الهادية واستعراض القدرات الصوتية والالحان المعقدة احيانا ..
Post: #28 Title: Re: حقيبة ايطالية و تحف اخرى .. Author: Abdullah Idrees Date: 11-10-2018, 12:44 PM Parent: #27
ما اجمل الغناء للأم .. بالذات لما يكون الزول بعيد وراجع Mamma son' tanto felice Perché ritorno da te .. اعلى درجة سمو ممكن تصلا الموسيقى .. مافي اجمل منها الا رائعة محمد جبارة .. غايتو اي زول على بعد كيلومتر واحد بس من امو لازم يسمعا .. حفظ الله امهاتنا جميعا واسبغ رحمته على من رحلن ..
التينور - بنيامينو جيجلي يغني للام
نفس الاغنية من فرقة Il Volo دمها خفيف لكن بجودة أداء أقل في نظري
Post: #29 Title: Re: حقيبة ايطالية و تحف اخرى .. Author: Abdullah Idrees Date: 12-06-2018, 12:55 PM Parent: #28
يا لصوت البني ادم ..
السوبرانو دايانا دامارو ومقطع Queen of the night من اوبرا The magic flute لموزارت
