وانا اقول السبب شنو المخليني انا وجماعتي حلقنا انقرش من تشجيع كورواتيا .
Post: #2 Title: Re: يا جماعة البت حاكمة كورواتيا طلعت من الكو Author: علاء سيداحمد Date: 07-12-2018, 07:46 PM Parent: #1
عثمان يا صاحبى هاك
دى فوق البيعة
غايتو يا عثمان انا افرح واحزن مع اللاتين .
Post: #3 Title: Re: يا جماعة البت حاكمة كورواتيا طلعت من الكو Author: Osman Musa Date: 07-13-2018, 07:11 AM Parent: #2
اخونا علاء سلامات ومشكور كتير علي نقل فرحة بتنا الحاكمة بت كورتي . ياخ اتاريهم رحلوا من كورتي سنة الجراد . رحلوا وما تركوا خبر . واهو يا سيد علاء انت براك شايف السماحة النيلية .
Post: #4 Title: Re: يا جماعة البت حاكمة كورواتيا طلعت من الكو Author: Osman Musa Date: 07-13-2018, 08:50 AM Parent: #3
95 في المية من الشعب السوداني يا اخ علاء كان ضد مقتل القايد الانجليزي تشارلز جورج غردون في العظيمة الخرطوم بي ديك الطريقة الهبتلي . و 95 في المية من الشعب السوداني المتمدن يحب يحب الحضارة الانجليزية و التعليم و القانون والرياضة الانجليزية . و 95 في المية ضد بيع كلية غردون التذكارية وده مكان خط احمر . و 95 في المية ضد قوانين سبتمبر . لكن كمان يا علاء يا اخوي الوقفة مع اهلنا الكوارتة واجب . فوق الراس
Post: #15 Title: Re: يا جماعة البت حاكمة كورواتيا طلعت من الكو Author: Osman Musa Date: 07-15-2018, 02:34 PM Parent: #2
نتضامن مع اهلنا الكوارتة اليوم
Post: #5 Title: Re: يا جماعة البت حاكمة كورواتيا طلعت من الكو Author: Hassan Farah Date: 07-13-2018, 09:04 AM Parent: #1
الاخ عثمان موسى والله انتوا اصلا ما بتفوتوا حاجة زمان قلتوا نتنياهو شايقى هسع غيرتوا اسم البلد عشان الرئيسة السمحة؟؟ اها شن قولك واوعك تزوغ البلد اسمها الحقيقى Hrvatska (هرفاتسكا) وليس كرواتيا
Post: #6 Title: Re: يا جماعة البت حاكمة كورواتيا طلعت من الكو Author: Osman Musa Date: 07-13-2018, 09:43 AM Parent: #5
عزيزنا ود فرح جار اهلنا الذي في اسونيا سلامات حظك والله ضارب الجو النضيف . كان اسمها هارفاتسكا يجوز قبل هجرة اهلنا من كورتي و تغيير الاسم هسع عليك الله وسط زي ده خلاف عيال كورتي الترسوا البحر . في وسط بيركز الركزة دي ؟
Post: #7 Title: Re: يا جماعة البت حاكمة كورواتيا طلعت من الكو Author: Osman Musa Date: 07-13-2018, 12:21 PM Parent: #6
الدقايق المية ودقداقة المشجعات مبرومات الحشا ديل ما وقفن من التشجيع . عبرن بي كل الحركات وصرفن للانجليز البركاوي بالغمزة و اللمزة والضحكة . ياخ ديل قاصدين الكاس عديل
Post: #8 Title: Re: يا جماعة البت حاكمة كورواتيا طلعت من الكو Author: Osman Musa Date: 07-13-2018, 01:28 PM Parent: #7
غايتو يوم الاحد حنشجع اهلنا الكروات لامن نقول بس .
Post: #9 Title: Re: يا جماعة البت حاكمة كورواتيا طلعت من الكو Author: Osman Musa Date: 07-13-2018, 07:43 PM Parent: #5
اخر اغنية طالعة اليومين دي في كرواتيا بتقول : نزلنا كرواتيا بي اللفة .. والمدرب الانجليزي للنجيلة سفة . تعال شوف الفرنسي .. طرشق و عجلو خفة . تتتتا تتتا
Post: #10 Title: Re: يا جماعة البت حاكمة كورواتيا طلعت من الكو Author: Osman Musa Date: 07-14-2018, 06:11 AM Parent: #1
الجنيات قطعوا دوبيت كتير فوق حاكمة كرواتيا السمحة
Post: #11 Title: Re: يا جماعة البت حاكمة كورواتيا طلعت من الكو Author: Osman Musa Date: 07-14-2018, 10:36 AM Parent: #10
قال : الكروات حبابكن اهلنا ما قصرتوا مسحتوا الانجليز ساكتين وما اتفشرتوا من كورتي البلد مرقتوا وهناك كترتوا ياكن مننا لو حتي انتو رطنتوا . هيع
Post: #12 Title: Re: يا جماعة البت حاكمة كورواتيا طلعت من الكو Author: MOHAMMED ELSHEIKH Date: 07-14-2018, 11:27 AM Parent: #11
يا سلام برضو نبارك لاخواتنا " الكروات" بمنطقة " الكرو"
Post: #13 Title: Re: يا جماعة البت حاكمة كورواتيا طلعت من الكو Author: Osman Musa Date: 07-14-2018, 01:52 PM Parent: #12
حباب ود الشيخ وحباب ناس الكرو نبارك للكرو .. و الكدرو والكرفاب ولي عيال ناس مكابر .. والكردة والكبجاب ولي كرمة النزول ولي حلة الكرباب ...
Post: #14 Title: Re: يا جماعة البت حاكمة كورواتيا طلعت من الكو Author: Osman Musa Date: 07-14-2018, 02:51 PM Parent: #13
ويا جماعة هوي و بالصوت العالي باكر كان الله سهل الكاس حق كرواتيا انشاءالله .
Post: #16 Title: Re: يا جماعة البت حاكمة كورواتيا طلعت من الكو Author: Osman Musa Date: 07-15-2018, 07:10 PM Parent: #14
لعبت كرواتيا احسن من فرنسا مافي شك
Post: #17 Title: Re: يا جماعة البت حاكمة كورواتيا طلعت من الكو Author: Yasir Elsharif Date: 07-15-2018, 07:32 PM Parent: #16
سلام عثمان موسى وعلاء ومحمد الشيخ بوست النذير مكمل للبوست دا