لك عاطر التحايا الحبيبة \ نعومي .. ومشكورة علي المرور والترحاب .
ولا شكر علي الواجب الوطني . مشكورة على الفيديو المضحك و مخزي في نفس الوقت، و ياهو حال الشحاتين من بشة لآخر شحاد. الله ينتقم منهم يا نعومي زي ما فاضحننا الله يصرفهم عننا ومننا الي يوم الدين .. انك علي كل شئ قدير .
والله يا أختنا منى موسيفيني لا يمكن هضمه ( هو ايضا ديكتاتور) اتفق معاك تمامآ وعائلة عبد الواحد كلها واحد ومعظمهم مفسدين وديكتاتورين والا ما كان دا حالنا كلنا كافارقة ! لكن حقيقة الحيرني الموقف في حد ذاته ! يعني احضار الفيديو ما عنده اي طابع ايجابي للدكتاتور موسوفيني .
دا دليل علي انهم عشوائين جدآ ولو فعلآ درس البرتكولات ما افتكر كان نساها ! لكن فعلآ سلطة بتعين قطاع طرق امثال حميدتي برتبة عقيد ممكن تعين اي جاهل آخر باي رتبة ومن غير مؤاهلات والفيديوات خير الادلة ! الزول ده بعد ما شالوهو و قعد 3 سنين عاطل, نسي البروتكولات و الناس القعدو في السلطة 30 سنة و فوق بكونو فقدو اي احساس بالمجاملة.
ويا حبيبنا الدبلجة حاصلة لكن في شعارات سلطتهم الواضحة في الفيديو دا هههههههههههههههه.
يا اخي عزيز هولاء جهلة القوم في كل المناصب والدليل ما يحدث في وطنا المنكوب من دمار شامل في كل الهئيات لو كانت مدنية او غيرها ! دا دليل علي انه هولاء ما عندهم اي علاقة لا من قريب لا بعيد بادارة حتي امورهم الشخصية ناهيك عن بلد باكمله ! وااكد ليك هولاء حا يكونوا نموذج سئ جدآ في العالم اجمع وحا يدخلوا في التاريخ الذي سوف يدرس للاجيال القادمة في جميع العالم . موقف زي ده ممكن ليحصل لضابط أمن صغير بلا خبرة بلا تجارب لكن لأن يحدث لمن هو في قمة أمن نظام الكيزان فهي قمة الاهانة.. وعدييييل كدا مسحوا بيه الأرض.. أصلا الانقاذ الفاسدة ما فيها زول صالح لا كبير ولا صغير كلهم شفع سياسة رغم ال 30 سنة القضوها صعلكة في سدة الحكم فعلآ انها حكومة الصعاليك والمفسدين .
لكن مبالغة ! اياها ذاتها يا منى بلاي الواحد احساسه ابدآ ما بخيب هههههههههههههه. جاني احساس الهشة دي هشة ذباب هههههههههههو لا وايه ؟ كمان لقيت عندها اغنية ههههههههههه .
بلاي لاحظت للتبسمات الساذجة السخيفة دي ؟! انت يابت عمسيب العجبك شنو الهشة ولا هو جاى يتبسم هههههههههههههههههههههههههههه حقيقة حاجة تهرد الفشفاش الله ينتقم منهم .
منى عمسيب وشركاها صراحة انا لو كنت في مكان قوش دا كنت اقدم استقالتي حفظا للكرامة وماء الوجه انا القدامك دا مرة قدام يمكن الفين نفر مديت يدي لى واحدة قامت كنكشت وختت يدها فوق صدرها يعني (مابصافح ) الرجال ... اتحرجت احراج قعدت يمكن شهور وانا محرج ... لكن اتسديت في امها وهي قاعدة تعاين امها جات فاتحة يدينها اهلا اهلا ابوحميد حمدالله على السلامة وين الغيبة ازيك؟ فتحت يديني كنت عايز اسلم عليها اول ما لمحت بتها الاحرجتني قدام الناس وهي بتتبسم وبتمتم .. وانا جاي على الام ورافع يديني بس اول ماقربت اصل قمت ختيت يدي فوق صدري وهزيت ليك راسي ومعاها صرة خليت ليك امها مشرورة في الهواء
لكن دا ما انت يا خيي الكلس احمد ياسين . صراحة انا لو كنت في مكان قوش دا كنت اقدم استقالتي حفظا للكرامة وماء الوجه شن جاب لي جاب ؟ ديل اسم الله عليك من صنف كلاب الحراسة وذباب السلطان !! الله يكرمك .
وشوشة : ما ليك اي حق يا ود يسن تحرج ام المهوسة لما جات تسلم عليك ههههههههه . صدقني هي ذاتها تكون مغيوظة من بتها عشان هوسها دا ههههههههه .