قالوا كبست ميامي كتاحة تراب احمر جاهم وماعرفوا للكتاحة اسم واحد من ناس الارصاد طالع قابلو سوداني . قام سالوا . عندكم الظاهرة دي بتسموها شنو ؟ السوداني قالوا بنسميها haboob هبوب . ومن داك اليوم انطلقت الكلمة في نشرات الاحوال الجوية . هبوب
Post: #2 Title: Re: كلمة haboob هبوب الانتشرت في نشرات امريكا سب� Author: جلالدونا Date: 07-09-2018, 08:30 PM Parent: #1
سلام يا عثمان الكلمة طلعت من اريزونا من قبل اربعة او خمسة سنوات جاتنا الكبتة بتاعت الشمالية البتخلى النهار ليل ديك سقوف بيوت طارت و شدر كتير ضرب الواطاه و حركة المرور توقفت و الناس الفى الشوارع دى متابع الروادى كان داير تفتيش لى كلمة مقابلة للشى الحصل ده لأنو ما مرّت عليهم حاجة زى دى قل كده بحثوا فى جميع لغات العالم و وقع اختيارهم على كلمة هبوب و لو انو كلمة هبوب ما بتدى المعنى المطلوب
Post: #3 Title: Re: كلمة haboob هبوب الانتشرت في نشرات امريكا سب� Author: Osman Musa Date: 07-10-2018, 09:58 AM Parent: #2
الاخ استاذ جلال سلامات في فيديو منقول يوم الاتفاق علي كلمة هبوب عليك الله ارجوك نزلو في البوست . عشان الناس تشوف حلاوة الكلمة و نطقها عند بنات اليانكي . ياخ ديل يخلن حتي للكتاحة طعم . زمان ياجلال لمان تجينا الكتاحة بي الليل و نكون نايمين في الحيشان التلاتة . الواحد يقمز من العنقريب زي الدحش الكان بدردق في الفرناقة . .. حاول جيب فيديو ال haboob
Post: #4 Title: Re: كلمة haboob هبوب الانتشرت في نشرات امريكا سب� Author: Osman Musa Date: 07-10-2018, 10:26 AM Parent: #3
ارجو التكرم بدرع الفيديو
Post: #5 Title: Re: كلمة haboob هبوب الانتشرت في نشرات امريكا سب� Author: MOHAMMED ELSHEIKH Date: 07-10-2018, 10:38 AM Parent: #4
Post: #6 Title: Re: كلمة haboob هبوب الانتشرت في نشرات امريكا سب� Author: عزالدين عباس الفحل Date: 07-10-2018, 10:48 AM Parent: #5
سلام قريبي موسي. المعجم السوداني . الدارجية السودانية دخلت حوش ال USA . مزيد من التاثير السوداني. و غسل الادمغة. نبدأ باللغة. اشواقي.
عزالدين عباس الفحل ابوظبي
Post: #7 Title: Re: كلمة haboob هبوب الانتشرت في نشرات امريكا سب� Author: جلالدونا Date: 07-10-2018, 11:11 AM Parent: #6
امس القريبة دى يا عثمان كان عندنا هبوب صغيرونه كده و بى مطرتا كمان مشيت اشوف الفيديو بتاعك لقيت اليوتوب متروس بى فيديوهات امس خت الرابط بتاع الفيديو بتاعك و ليك على محمد الشيخ ده يتم الباقى اصلو بقى وكيل اعمالى
Post: #8 Title: Re: كلمة haboob هبوب الانتشرت في نشرات امريكا سب� Author: Osman Musa Date: 07-10-2018, 12:10 PM Parent: #7
يا اخ جلال الفيديو الفيه توضيح اكتر هو فيديو قناة ال msnbc ممكن تكتب he said haboob يظهر ليك الفيديو
Post: #9 Title: Re: كلمة haboob هبوب الانتشرت في نشرات امريكا سب� Author: جلالدونا Date: 07-10-2018, 12:26 PM Parent: #8
ان شالله يكون قاصد ده دى هبوب 2011 الجاتنا فى اريزونا و زى ما قلت ليك: من اريزون جات كلمة هبووووووب يا حبيب
Post: #22 Title: Re: كلمة haboob هبوب الانتشرت في نشرات امريكا سب� Author: Osman Musa Date: 07-11-2018, 01:39 PM Parent: #9
الاخ جلال ارجو التكرم برفع مزيد من فيديوهات الهبوب والكلمة العمت وزاعت في المحطات العالمية .
Post: #19 Title: Re: كلمة haboob هبوب الانتشرت في نشرات امريكا سب� Author: Osman Musa Date: 07-11-2018, 06:47 AM Parent: #6
عزيزنا عزالدين الفحل سلامات انا اليومين دي في بلدكم . ياخ دبي حر احسن منو هبوب اريزونا البتلفح القندراني علي اساس انو علبة كبريت .
Post: #10 Title: Re: كلمة haboob هبوب الانتشرت في نشرات امريكا سب� Author: Osman Musa Date: 07-10-2018, 12:30 PM Parent: #5
عزيزنا ود الشيخ سلامات عندنا صديق سوداني اول ما سمع بي خبر الكبسة حتنزل الساعة كم . طوالي نزل بي عيالو للبيزمينت تحت الارض . بعد انفشت الكبسة وطلع لقي سقف البيت حقو مافي . ولقي عفش الجيران كلو سراير علي كراسي جاهم طاير في بيتو ابوسقف طاير . وعفشو مافي . تاني يوم لقي عفشو عند جيرانو . دي ال haboob
Post: #11 Title: Re: كلمة haboob هبوب الانتشرت في نشرات امريكا سب� Author: Osman Musa Date: 07-10-2018, 12:36 PM Parent: #10
شوف يا جلال المذيعة دي فرحانة بي كلمة هبووب كيف . لكن لو حضرت ليها فد هبوب عندنا كان الحكاية عندها اختلفت .
Post: #12 Title: Re: كلمة haboob هبوب الانتشرت في نشرات امريكا سب� Author: نادر الفضلى Date: 07-11-2018, 01:18 AM Parent: #11
سلام يا عثمان
ليس فقط قبل سنتين ثلاثة بدأ الأمريكان بإستخدام مصطلح هبوبو فى النشرة الجوية أذكر عام 2003 كنت فى مأمورية عمل لدلاس تكساس، وكان برنامجى اليومى الشغل والفندق والفرجة مساء فى التلفزيون .. وأشهد بينما بقلب فى القنوات فى النشره الجوية كانت هنالك جزئية عن أريزونا وإستخدم مصلح هبوب وعرف المذيع المصلح بانه مصطلح سودانى.
مفروض بعد دا نفرق بين هبوب وكتاحة بتعريفات واضحة لزوم الإستخدام الأمريكى وسمع السودان (البتراب) !
Post: #13 Title: Re: كلمة haboob هبوب الانتشرت في نشرات امريكا سب� Author: osama elkhawad Date: 07-11-2018, 01:34 AM Parent: #12
قال الاستاذ جلالدونا:
Quote: جاتنا الكبتة بتاعت الشمالية البتخلى النهار ليل ديك
لاأدري كيف تنطقون يا جلال "الكبتة"،
لكن في كبوشية نقول "أُمْ كُبُتْ"، وأظنها من "الكبْت"، وهو معروف.
لم يوردها قاموس عون الشريف للهجة العامية في السودان، في طبعته الثانية في عام ١٩٨٥.
لذا كما قال الاستاذ نادر الفضلي علينا التفريق بين "الكبتة" أو "أُم كُبُت" و"الكتّاحة"،
ف"أُم كُبُت"، أشرس كثيراً من الكتّاحة"...
والله أعلم.
Post: #14 Title: Re: كلمة haboob هبوب الانتشرت في نشرات امريكا سب� Author: جلالدونا Date: 07-11-2018, 01:52 AM Parent: #13
مرحب بى استاذنا الخواض فى الشمالية بننطقا بى ضم الكاف و تسكين التاء و االبعض يقول الغمّة .. بضم الغين و تشديد الميم --- بى حبّة مراجعات و بحث وصلت لى انو الكلمة مستعملة منذ السبعينيات فى اريزونا جسب المقتبس ادناه
Quote: In 1971, a group of scientists witnessed an Arizona dust storm so huge that they proposed calling it a haboob, the term used for the infamous dust storms in Sudan. Those people were not outsiders; they were Arizona scientists. Their article, "An American Haboob," was printed in the October 1972 issue of the Bulletin of the American Meteorological Society. It argued that the dust storms in Phoenix were similar to those around Sudan's capital, Khartoum. "Although much less frequent than the Sudanese haboobs," the article said, "they are equally as dramatic." The dust storms formed, the article said, through a series of storm cells that intensify as they move from the Santa Cruz Valley into Phoenix. The cells are so close to one another that they "merge in what appears to be a solid wall of dust, reported by aircraft to extend upward to 8,000 feet."
و ده رابط الموضوع ان شالله يفتح معاكم https://azc.cc/2KY0hDbhttps://azc.cc/2KY0hDb
Post: #15 Title: Re: كلمة haboob هبوب الانتشرت في نشرات امريكا سب� Author: هاشم احمد ادم Date: 07-11-2018, 04:19 AM Parent: #14
تسمى رياح "الهبوب " فى شرق السودان ب "الهبياى " ، وهى رياح موسمية ترابية ذات ألوان متعددة منها الأحمر والاسود والرمادي والأصفر ، وهى ذات فائدةبيئة حيث انها تساعد فى نقل التربة الخصبة كما حبيباتها الترابية تساعد فى تشكل السحب المطرية . وكلما ازداد عنفها وكثافتها فهى دلالة خير وامطار غزيرة وأكثر أضرارها هى اضافة عب النظافة لنساء المدن ، واتساخ ملابس المتمدنين .
ومصدر الاسم كما أشار لة الروائى محمد جميل أحمد من كلمة (الحباب ) وهو اسم احد قبائل الشرق كما هو معلوم . كما سماها البجا" الإيتبيت" ،
ونجدها كرمزية فى قاموس الثقافة السودانية حيث نجدها فى مسمى ديوان صلاح أحمد إبراهيم "غضبة الهبياى " ، وفى عدد من الاغانى والأشعار يطول ذكرها .
وفى الشرق هناك أسطورة تحكى عنها لخصها عضو البورد احمد طة ( رحمة الله علية ) فى احدى بوستاته. وهذا مقتبس منة و رابط البوست فى اخره.
Quote: لا زال السكان المحليون هناك يتناولون الأسطورة المرتبطة (بالهبباي) كأنها حقيقة ويكادوا يجزمون بذلك. تقول الأسطورة أن سليمان (عليه السلام) غضب من بعض قبائل الجن فبنى لهم سجناً منيعاً في أوسوك (سواكن) وأوسوك بلغة التبداويت تعني السوق. لأن سواكن كانت الثغر والسوق الكبير الذي كنا نطل من خلاله على أسواق العالم وعبرها تجلب البضائع من كل الدنيا إلى الميناء العتيق وتنتقل بعد ذلك داخل السودان عبر بربر. وتضيف الأسطورة أن بناء سليمان لسجنه في أوسوك كان اختياراً موفقاً ودقيقاً لأنه كان يعلم بأنها ستصير خرائباً تسكنها الجن والقطط السوداء، بعد أن كانت حاضرة عامرة بالقصور والحدائق والحوانيت.. على مرفاها ترسو السفن القادمة من خلف البحار.. تسمع فيها الرطان بألسنة كل الشعوب. بنى سليمان سجنه لمعاقبة الجن جراء ذنب اقترفوه لم تحدده الأسطورة.. وكانت عقوبتهم نقل كل الاتربة التي تثيرها الأمطار بعد سقوطها في وسط السودان وإلقاءها في البحر قبالة ميناء ترنكتات الواقع على ضاطئ البحر الأحمر شرق مدينة طوكر.. وحدد سليمان الحكيم لعملية نقل الأتربة زمناً يبدأ منذ طلوع الشمس وحتى الثانية ظهراً.. وهي الترة التي ينشط فيها (الأيتبيت) ليهدأ بعد ذلك ويصير الجو صافياً ما عدا (عينة) محدودة يستمر فيها (الأيتبيت) حتى مغيب الشمس. منذ أيام الإنجليز تواءمت الحكومة مع موسم الهبباي وغيرت التوقيت الحكومي الرسمي وجعلت التوقيت الرسمي في مكاتب الدولة ومؤسساتها يبدأ في لاثانية ظهراً وحتى الثامنة مساء. بعد العمل المضني الذي تقوم به قبائل الجن في نقل الأتربة.. تعود إلى محبسها في أوسوك بعد عمل يوم مغبر ومجهد نقلت فيه كميات (معتبرة) من الأتربة عبر المدينة التي اصابتها اللعنة بلا سبب غير انها تقع أمامها لتكون البوابة التي تمر عبرها الأتربة لمنطقة المنخفض الجوي بين الساحل وجبال البحر الأحمر، ولا تجد منفذاً غير هذه البوابة بين الجبال قبالة طوكر. هذا هو التفسير العلمي لظاهرة الايتبيت والهبباي
Post: #23 Title: Re: كلمة haboob هبوب الانتشرت في نشرات امريكا سب� Author: Osman Musa Date: 07-11-2018, 06:10 PM
عزيزنا الاخ استاذ هاشم سلامات ياخ مشكور كتير علي نقل كلام عزيزنا الراحل عن الرياح . عليه الرحمة ومشكور علي شرحك الجميل لكلمة هبووب بلهجات اهلنا في الشرق الحبيب وفي انتظار اضافاتك المهمة . نعم المهمة .
Post: #16 Title: Re: كلمة haboob هبوب الانتشرت في نشرات امريكا سب� Author: هاشم احمد ادم Date: 07-11-2018, 04:19 AM Parent: #14
أسف للتكرار
Post: #17 Title: Re: كلمة haboob هبوب الانتشرت في نشرات امريكا سب� Author: Kostawi Date: 07-11-2018, 04:35 AM Parent: #14
Post: #18 Title: Re: كلمة haboob هبوب الانتشرت في نشرات امريكا سب� Author: osama elkhawad Date: 07-11-2018, 05:37 AM Parent: #17
Quote: فى الشمالية بننطقا بى ضم الكاف و تسكين التاء و االبعض يقول الغمّة .. بضم الغين و تشديد الميم ---
شكراً أستاذ جلالدونا على التوضيح..
Post: #25 Title: Re: كلمة haboob هبوب الانتشرت في نشرات امريكا سب� Author: Osman Musa Date: 07-12-2018, 09:50 AM Parent: #14
عزيزنا الاخ جلال سلامات نعم عندنا في منطقتنا يسموها من ضمن التسميات العديدة الغمة والكبسة . ومن الظواهر الكتيرة البتجي في موسم الخريف هناك الشعفوفة .
Post: #21 Title: Re: كلمة haboob هبوب الانتشرت في نشرات امريكا سب� Author: Osman Musa Date: 07-11-2018, 12:29 PM Parent: #13
عزيزنا استاذ اسامة الخواض سلامات ام كبت يا اسامة شغلة عاتية جدا جدا بتكبت العالي علي الواطي و بتكون في سرعة الهوروكين . والهبووب برضها كاسحة لكنها اقل خطورة من الهوروكين . و الهبوب ممكن تكون هي العاصفة الوصفها شاعرنا الراحل ابوقطاطي . لكن علي كل حال الظواهر القاعدة تضرب الغرب قاعدة تختلف عن الظواهر البتجينا و تختلف عن البتمشي لي جنوب اسياء .
Post: #20 Title: Re: كلمة haboob هبوب الانتشرت في نشرات امريكا سب� Author: Osman Musa Date: 07-11-2018, 07:53 AM Parent: #12
عزيزنا استاذ نادر الفضلي سلامات كلمات عربية وسواحيلية كتيرة جدا دخلت شمال وجنوب امريكا وكمان بي هناك في دول السنترال بارك الله في اهلنا اهل الشام ما خلوا شي . قشطوا اللغة الاسبانية قشط . والامثلة ما ليها حد . في اللغات التلاتة الانجليزية والاسبانية و البرتقالية .
Post: #24 Title: Re: كلمة haboob هبوب الانتشرت في نشرات امريكا سب� Author: Kostawi Date: 07-11-2018, 10:54 PM Parent: #20
n 2005, the winning hot-weather limerick, as judged by columnist Clay Thompson, featured "haboob" in its opening line. Joe Orlando of Mesa wrote this winning limerick:
The haboob blows through here each year.
I view it with loathing and fear.
Not wind, rain or lightning
Is what I find frightening.
I hate getting dust in my beer
Post: #26 Title: Re: كلمة haboob هبوب الانتشرت في نشرات امريكا سب� Author: عزالدين عباس الفحل Date: 07-12-2018, 10:49 AM Parent: #24
Osman Musa
Osman Musa
عزيزنا عزالدين الفحل سلامات انا اليومين دي في بلدكم . ياخ دبي حر احسن منو هبوب اريزونا البتلفح القندراني علي اساس انو علبة كبريت
Osman Musa
---------------------------
Osman Musa
سلام قريبي موسي. معقولة انت معانا . في الامارات . بالله رسل رقم التلفون علي المسنجر . درجة الحرارة مقدور عليها . الكندشة في كل مكان. السيارة المكتب البيت. وحتي المساجد. ارض زايد الخير الحمد لله.