Post: #1
Title: موضوع انصرافي .. الزول البشتري ( شربتو ) ليه بجي مارق طابقها على صدرو ؟
Author: يحي قباني
Date: 07-06-2018, 07:28 AM
Parent: #0
07:28 AM July, 06 2018 سودانيز اون لاين
يحي قباني-فى الدنيا العجيبة
مكتبتى
رابط مختصر اول شي ...
قررت انو اكتب في الفرح فقط ...
عل و عسى اساهم في رفع حالة الاحباط العام ...
فترنا من الكلام المحبط الخلا الناس في البلد ما فارق معاها اي شي ...
المهم ...
|
Post: #2
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-06-2018, 07:34 AM
Parent: #1
زمااااان ...
ايام البارات في السودان ...
اي زول مارق من البار ... تلقاهو طابق قزازتو الملفوفة بي ورق ابيض او في كيس ورق
تحت اباطو او قريب من سدرو !!!
كنا بنقول الزول ( مختشي ) من الناس بس ... خوفة من ربو ... و مطنش انو ربنا شايفو ...
لكن لاحظت هنا في كندا ... الكنديين ... الما بختشوا من اي شي ... و لا عندهم خوف من اي شي ...
نفس الحكاية ... الواحد مارق من الليكر ستور ...
و طابق قزازتو نفس الطبقة الكان بمرقوا بيها الناس من بار العبد ابادير و ابوسطولو ...
ماهي الحكمة في ذلك ؟
|
Post: #3
Title: Re: موضوع انصرافي .. الزول البشتري ( شربتو ) ليه
Author: عبدالحفيظ ابوسن
Date: 07-06-2018, 07:54 AM
Parent: #2
بكون طابيها كربون امكن تنزلق تتكسر
|
Post: #4
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-06-2018, 07:59 AM
Parent: #3
| Quote: بكون طابيها كربون امكن تنزلق تتكسر |
و ليه الحرص الشديد عليها ؟
و ممكن تلقاو شايل بي ايدو التانية كيس فيو قزازة سمنة و ماسك الكيس بأطراف أصابعه
المتسوق بشيل حاجاته قي اكياس و عادي مدلدل الاكياس ...
عدا المدامة ... لازم يكون طابيها علي سدرو ...
هل هو احساس بقيمة ( المحمول )المعنوية ؟
|
Post: #5
Title: Re: موضوع انصرافي .. الزول البشتري ( شربتو ) ليه
Author: Osman Musa
Date: 07-06-2018, 08:46 AM
Parent: #4
سلامات يا استاذ قباني
لو طرشقت البتاعة في الزلط حتطرشق السهرة كلها.
والسهرة عندها توابع . بي هناك المدام تعبانة تكون بهرت لحمة المشاوي .
بعني ح يجوط البرنامج . و الزول بكون محضر شريط اغنية انا وانت والنيل
والقمر .
. الاهتمام والتركيز في مشوار البتاعات بكون اكتر من الاهتمام والتركيز
بي حاجات زي الويكة والدكوة ودقيق الفيتريتا وكدي .
|
Post: #6
Title: Re: موضوع انصرافي .. الزول البشتري ( شربتو ) ليه
Author: Deng
Date: 07-06-2018, 09:55 AM
Parent: #5
قباني.
لازم تكون قريبة من قلبو.
|
Post: #7
Title: Re: موضوع انصرافي .. الزول البشتري ( شربتو ) ليه
Author: محمد مدني
Date: 07-06-2018, 05:20 PM
Parent: #6
سلام صاحب البوس والمتداخلين.
شكلها نظام (أنا في شخصك بحترم أشخاص، و"طبعان" عندي احترامك خاص)
|
Post: #8
Title: Re: موضوع انصرافي .. الزول البشتري ( شربتو ) ليه
Author: تماضر الطاهر
Date: 07-06-2018, 05:35 PM
ح يكون صعب لو ح تشيل أي مُسكِر بالطريقة دي
،
إتخيلت الناس في قزاز
،
قباني سلام بي مزاج عالي
|
Post: #9
Title: Re: موضوع انصرافي .. الزول البشتري ( شربتو ) ليه
Author: عبداللطيف حسن علي
Date: 07-06-2018, 05:36 PM
كويس انك قلت السودان زمان ودي مامتذكرنها
لكن امكن شربتو زي ولدو ، ليطمئن قلبه
الان في السودان لو دسيتها في الحتة القالها الخواض لحاتم برضو بتتقبض
وبتنجلد واي زول ما انجلد في الانقاذ فضيحتو كبيرة مع اولادو في المستقبل 
|
Post: #10
Title: Re: موضوع انصرافي .. الزول البشتري ( شربتو ) ليه
Author: Hassan Farah
Date: 07-06-2018, 05:55 PM
Parent: #1
الزول البشتري ( شربتو ) ليه بجي مارق طابقها على صدرو ؟
-----------------------------------------------------------------------
خايف عليها من الثقيل(ثقيل الدم البجى داخل توش بدون مواعيد)
|
Post: #11
Title: Re: موضوع انصرافي .. الزول البشتري ( شربتو ) ليه
Author: جلالدونا
Date: 07-06-2018, 06:10 PM
Parent: #10
غايتو نحنا لامن وعينا فى الدنيا دى الشغل كان بى اكياس النايلو
اهم حاجة فى شيل العرقى كان الجلابية ام كم طويل
تخمشو فى راحة ايدك الشمال و تغطيهو بى كم الجلابية و تمشى عادى
جدّى اخو حبوبتى ليميا كان حريف فى الشغلة دى
اما حكاية عصر القزازة فى السدر دى ما شفناها
لا هنا لا هناك
|
Post: #12
Title: Re: موضوع انصرافي .. الزول البشتري ( شربتو ) ليه
Author: Deng
Date: 07-06-2018, 06:18 PM
Parent: #11
جلالدونا.
ياخي دي مجازفة كبيرة جدا.
بي كيس نايلو
بي أبريق شاي
بي جك الفول
وفيها سكة بوليس ويمكن تتقبض وتاخد 40 جلدة وتتفضح.
أيام محاكم الطوارئ، في راجل كبير في السن جابوهو المحكمة ومتهم بأنوا كان شارب مريسة.
قال للقاضي ياخ أنا شربت مريستي دي وما سألت أي زول وماشي في طريقي عديل لكن ناس البوليس ديل بتاعين مشاكل ساكت، قاموا جابوني المحكمة
القاضي حكم عليهو بي أربعين جلدة. رد وقال للقاضي يا مولانا، 40 جلدة في مريسة؟ القاضي رد وقال ليهو أيوه المريسة خمرة، رد الرجل العجوز وقال للقاضي طيب يا مولانا أنا ح أسكر و ح أسكر و ح أسكر.
|
Post: #13
Title: Re: موضوع انصرافي .. الزول البشتري ( شربتو ) ليه
Author: MOHAMMED ELSHEIKH
Date: 07-06-2018, 06:33 PM
Parent: #12
نحن كنا نطبقها في الأباط
قريبنا مشى ايام الزمن داك في عطبرة عند سكوتيلس وطلب العشاء مع نص شري
في الأثناء جاء كديس نط في التربيزة وكسر القزازة
طلب طبعا نص تاني.
في الحساب الراجل عاوزين يحاسبوه بنصين بدل نص واحد.
قال ليهم نص واحد بس.
قالوا ليهو طيب الكسرها الكديس ديك شنو؟
رد عليهم: " انا لمان جيت داخل جيت طابق الكديس دا في اباطي؟
|
Post: #14
Title: Re: موضوع انصرافي .. الزول البشتري ( شربتو ) ليه
Author: Osman Awoda
Date: 07-06-2018, 07:31 PM
Parent: #1
هسي الطابق البوخة ليه
ما جبت خبره
بس فلاحتك في الشربة المسكينة
ويتيمة دي؟؟
|
Post: #15
Title: Re: موضوع انصرافي .. الزول البشتري ( شربتو ) ليه
Author: جلالدونا
Date: 07-06-2018, 08:01 PM
Parent: #14
يا اخوانا عوووضة ده ودوهو الضل
الناس هسى فى مرحلة كيف تجيبو
ثم كيف تندهش بيهو
و تتعشى و تختم بى هوى يا ليلى
ما تستعجل
سمح
|
Post: #16
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-06-2018, 11:12 PM
Parent: #15
Quote: سلامات يا استاذ قباني
لو طرشقت البتاعة في الزلط حتطرشق السهرة كلها.
والسهرة عندها توابع . بي هناك المدام تعبانة تكون بهرت لحمة المشاوي .
بعني ح يجوط البرنامج . و الزول بكون محضر شريط اغنية انا وانت والنيل
والقمر .
. الاهتمام والتركيز في مشوار البتاعات بكون اكتر من الاهتمام والتركيز
بي حاجات زي الويكة والدكوة ودقيق الفيتريتا وكدي . |
و الله يا عثمان هي أساس الليلة ...
فاذا هي ذهبت احلامهم ذهبوا ...
المشوار نفسو عنده طقوس ...
في اليقول ليك ماشي الإجزخانة اجيب لي دوا ...
و ف الماشي يجيب تموين ...
و في ناس عمك ( نجيب زيادة ) ...
حليل السودان قبل شريعة النميري ... كان بلد ...
|
Post: #17
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-06-2018, 11:14 PM
Parent: #16
Quote: قباني.
لازم تكون قريبة من قلبو.
|
النصيحة يا دينق ...
هي بتعصر القلب زي الجوكرين في نص الورق ...
|
Post: #18
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-06-2018, 11:16 PM
Parent: #17
Quote: سلام صاحب البوس والمتداخلين.
شكلها نظام (أنا في شخصك بحترم أشخاص، و"طبعان" عندي احترامك خاص) |
يا محمد مدني شكلك فهمتني غلت ...
صاحب ( البوس ) ده منو ؟ هههههههههه
|
Post: #19
Title: Re: موضوع انصرافي .. الزول البشتري ( شربتو ) ليه
Author: سفيان بشير نابرى
Date: 07-07-2018, 02:27 AM
Parent: #18
يا قبقبه يا فردة حليل زمان و سنين زمان هسي بقى يركبوها سرج
|
Post: #20
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-07-2018, 07:16 AM
Parent: #19
Quote: ح يكون صعب لو ح تشيل أي مُسكِر بالطريقة دي
،
إتخيلت الناس في قزاز
،
قباني سلام بي مزاج عالي |
سلامين تلاتة و عشرة يا شاعرة ...
اما انا فتخيلت بوستي ده مع بوست اب سن حق الطبخ ...
ممكن يعملوا جلسة ما منظور مثيلها ...
|
Post: #21
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-07-2018, 07:28 AM
Parent: #20
Quote: كويس انك قلت السودان زمان ودي مامتذكرنها
لكن امكن شربتو زي ولدو ، ليطمئن قلبه
|
شكلو البورد ده العجايز الفوقو ياهم عووضة و دينق و ود الامير و هجام ...
نجي بهد داك ناس نحن و ود الشيخ و اب سن ...
وكت ناس عبد اللطيف قالوا ما متذكرين ...
|
Post: #22
Title: Re: موضوع انصرافي .. الزول البشتري ( شربتو ) ليه
Author: علي دفع الله
Date: 07-07-2018, 07:36 AM
Parent: #20
بابكر ابو ضراع نواحي البطانة
الخريف اتأخر والدنيا محل
وغنمو جيعانة
الكلام دا في التسعينات ايام (اقسمت يا نفسي لتنزلن)
قال بي حسرة يا حليل زمن الانادي
المطر من العصا العشطانة
من جونا ناس الشريعة ديل المطر في سماه انقطع
يا حليل زمان يا قبة
(الله يستر عليك من الجماعة ولسانهم حالهم اتلموا النطيحة والمتردية وما اكل السبع)
|
Post: #23
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-07-2018, 07:50 AM
Parent: #22
Quote: الزول البشتري ( شربتو ) ليه بجي مارق طابقها على صدرو ؟
-----------------------------------------------------------------------
خايف عليها من الثقيل(ثقيل الدم البجى داخل توش بدون مواعيد) |
و الله يا حسن النوع البجي شايل شلاليفو داك سغيل بالجد ...
المصيبة تقول عنده رادار داخلي ... يظهر على الموعد .. و يلحس في شلاليفو و يبقى سيدها بعد داك ...
|
Post: #24
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-07-2018, 07:54 AM
Parent: #23
ناس السعودية يا دينق عندهم عقيدة في اكياس النايلو ...
يشيلوا فوقها العرقي في الليل ... و معاهو الفول ...
و الصباح يجيبوا فوقها الفول القِلابة ...
...
|
Post: #25
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-07-2018, 07:58 AM
Parent: #24
Quote: في الحساب الراجل عاوزين يحاسبوه بنصين بدل نص واحد.
قال ليهم نص واحد بس.
قالوا ليهو طيب الكسرها الكديس ديك شنو؟
رد عليهم: " انا لمان جيت داخل جيت طابق الكديس دا في اباطي؟ |
صاحبنا يا ود الشيخ ... ابوه مات و الاصحاب كلهم مكابرنوا في صيوان البكا ... و كان عندهم ست عرقي كااارب في الشارع الوراهم ...
و اول اليوم البكا حار و مافي ونسة ...
اها بعد العشا كده ... عاين للاصحاب و قال :
ياخوانا ما نجيب لينا حاجة من الشارع البي ورانا ده نكسر بيها حاجز الحزن ده ...!!!
|
Post: #26
Title: Re: موضوع انصرافي .. الزول البشتري ( شربتو ) ليه
Author: حامد بدري
Date: 07-07-2018, 08:08 AM
Parent: #23
ياقباني زمان كان جلد هسة بقا يرصصصو اعمل حسابك وبعد تموت يفتحو جوالك وخابر انا جوالك ملان عضام وكوارع كاااااااااك
|
Post: #27
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-07-2018, 08:49 AM
Parent: #26
Quote: هسي الطابق البوخة ليه
ما جبت خبره
بس فلاحتك في الشربة المسكينة
ويتيمة دي؟؟ |
يا عم عصمان ...
انا ما بنضم معاك ... ياخ انت اشتريت الجداده بقرشين و الخروف بي خمسين قرش ...
انت من زمن قزازة الشري بريال ...
انت من زمن فتيل الوسكي مجاني و انت واقف راجي يلفوا ليك طلباتك ...
انت من زمن الناس بتمشي الحكيم ... قبال ما يعرفوا كلمة دكتور ...
معقول ياخ ... لدرجة السد العالي ؟
|
Post: #28
Title: Re: موضوع انصرافي .. الزول البشتري ( شربتو ) ليه
Author: Salah Zubeir
Date: 07-07-2018, 09:43 AM
Parent: #27
يوليو 198x نقلونى بحري كمسؤل عن
الكبانيات الفرعية (الشركات والمصالح)
كبديل مؤقت للمهندس المقيم الذي ذهب
في إجازة خلال شهر رمضان ... قبل أسبوع
من العيد تقرر القيام بصيانة كبانية مصنع
البيرة الموجود في المنطقة الصناعية بحري ..
تمت الصيانة وحضرت يوم الوقفه كل مراحل
التشغيل بنجاح وتم التسليم للمدير الإداري ..
تقديرا" للعمل المتميز تم استدعاء حضرتنا
بواسطة مدير المصنع وشكرنا علي العمل
المتميز الذي قمنا به وتقديم هدية متواضعة
وهي 12 كرتونة بيرة each تحتوي 12
قزازة خضراء مليانه باجود بيرة منتجه ...
ومن المخزن تم تحميل عربة المؤسسة
التي اقودها (بيجو 404 بيكب) ...
تم تحفيز التيم العامل معي (2) بدفع
مبلغ يعادل سعر كرتونتين لكل منهم ...
(قالو دايرين يبيعوها) .... وبس ...
الدنيا قبايل عيد ...
قباني الأنيق ... إزيك ياخي ...
|
Post: #29
Title: Re: موضوع انصرافي .. الزول البشتري ( شربتو ) ليه
Author: Osman Awoda
Date: 07-07-2018, 01:51 PM
Parent: #1
يا صلاح البيرة كملتها ولا فيها
باقي؟؟
كانت باردة و مندية؟؟
،،،،
الجماعة بتاعين اولاد ام درمان
بيسالوا عنك😋😋😋
|
Post: #30
Title: Re: موضوع انصرافي .. الزول البشتري ( شربتو ) ليه
Author: Salah Zubeir
Date: 07-08-2018, 05:02 AM
Parent: #29
Quote: يا صلاح البيرة كملتها ولا فيها
باقي؟؟
كانت باردة و مندية؟؟ |
ههههههه يا حاج الجاب سيرة الشراب منو ...
هههههه كانت ، وهي كذلك الأن ، وسوف تظل ...Quote: الجماعة بتاعين اولاد ام درمان
بيسالوا عنك |
هههههه إتا رجلك ما بتنقطع من هناك إلا
ناس قباني ديل يعملوا ليك فتنه مع الأستاذه
بعد ما اديهم التفاصيل ...
شوق السنين يا عثمان ياخي ...
|
Post: #31
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-08-2018, 05:08 AM
Parent: #30
Quote: غايتو نحنا لامن وعينا فى الدنيا دى الشغل كان بى اكياس النايلو
اهم حاجة فى شيل العرقى كان الجلابية ام كم طويل
تخمشو فى راحة ايدك الشمال و تغطيهو بى كم الجلابية و تمشى عادى
جدّى اخو حبوبتى ليميا كان حريف فى الشغلة دى
اما حكاية عصر القزازة فى السدر دى ما شفناها
لا هنا لا هناك |
و كان لابس قميص نص كم ... ما تشتري يعني ؟
يا جلي ياخ طبقة السدر دي فيها خليط من الشوق و الخوف و الحرص و قليل من الشفقه ... ههه
قلت لي ما حضرتوها ؟
|
Post: #32
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-08-2018, 05:13 AM
Parent: #31
Quote: ثم كيف تندهش بيهو
و تتعشى و تختم بى هوى يا ليلى |
عندا صاحباً لينا الله يطراو بالخير ... نزل معش هسي ...
كان يفتح علبة البيرة عكس ... عشان الرزاز يرش في وشو ...
قال كمية مهملة و ضايعة في الهوا البعملو الناس ...
اتذكر ابتسامته و فرحتو لما القعدة تبتدي ....
|
Post: #33
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-08-2018, 05:15 AM
Parent: #32
| Quote: يا قبقبه يا فردة حليل زمان و سنين زمان هسي بقى يركبوها سرج |
و يقول ليك ايام زمان كعبة يا نابري ...
القعدات كانت اهم مكان للنت ويركنج في السودان ...
تجي اول القعدة ما بتعرف نص الناس ...
اخر القعدة كل الحصون تتكسر و كل الكتوف تتلاحق ...
...
|
Post: #34
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-08-2018, 05:20 AM
Parent: #33
Quote: يوليو 198x نقلونى بحري كمسؤل عن
الكبانيات الفرعية (الشركات والمصالح)
كبديل مؤقت للمهندس المقيم الذي ذهب
في إجازة خلال شهر رمضان ... قبل أسبوع
من العيد تقرر القيام بصيانة كبانية مصنع
البيرة الموجود في المنطقة الصناعية بحري ..
تمت الصيانة وحضرت يوم الوقفه كل مراحل
التشغيل بنجاح وتم التسليم للمدير الإداري .. |
ود الزبير يعني دسيت كم سنة بي علامة X دي ؟
النميري خربها سنة 83 ... سبتمبر ...
يعني جات على السنتين اللوايل ؟ هههههه
تعرف بيرة خط الانتاج بتمرق ساااااقطة ... و طعمها غير ...
ايامكم كانت ساكوبيس كان كده ...
|
Post: #35
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-08-2018, 05:23 AM
Parent: #34
Quote: ا صلاح البيرة كملتها ولا فيها
باقي؟؟
كانت باردة و مندية؟؟
،،،،
الجماعة بتاعين اولاد ام درمان
بيسالوا عنك😋😋😋 |
عم عصمان ...
حيث انك من الرعيل الأول ...
غير طبقة السدر للقزازة ...
ليه الزول البوكلوهو عملية الكب في القعدة ...
لامن يجي يفتح غتاية الدمبل او الكورفوازير ... بخمش الغتاية باصابعينو الخمسة وهو بفتح ؟
بلف الغتاية زي البفك ليو في لمبة ...
بالله احكي لينا عن ايامكم زمان ...
|
Post: #36
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-08-2018, 05:30 AM
Parent: #35
Quote: يا حليل زمان يا قبة
(الله يستر عليك من الجماعة ولسانهم حالهم اتلموا النطيحة والمتردية وما اكل السبع) |
ايام خير كانت يابو الدفاع ...
النميري نشفها الله لا رحمو ...
بالله عليك الله ... الناس كان عندها يقين ...
الداير يسكر هديك البارات ...
الداير ... هديك الحلة ...
الداير يعتكف هديك الجوامع ...
و الداير يسويهن كلهن ... ده برا و ده برا و ده برا ....
الشريف حسين كان بيظبط ميزانية الدولة بي كرتونة شري ...
|
Post: #37
Title: Re: موضوع انصرافي .. الزول البشتري ( شربتو ) ليه
Author: Hassan Farah
Date: 07-08-2018, 09:06 AM
Parent: #1
تعرف يا قبانى كان فى اتنين اصحابنا عايشين عزابا
كل ليلة يجيبوا قزازة الشرى وبعد ما ينتهوا منها يتعشوا بالفى ويدخل كل واحد غرفته
ذات ليلة وهم لسع ما بدأوا جاهم داخل واحد سغيل وطبعا اتقاسم معاهم القزازة وخرب مزاجهم
من تلك الليلة صاروا يحتاطوا ويجيبوا للضمان قزازة السغيل
|
Post: #38
Title: Re: موضوع انصرافي .. الزول البشتري ( شربتو ) ليه
Author: Osman Awoda
Date: 07-08-2018, 11:06 AM
Parent: #1
يا قبة يعني شنو الدمبل والكرفوازير؟
|
Post: #39
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-08-2018, 08:45 PM
Parent: #38
| Quote: ياقباني زمان كان جلد هسة بقا يرصصصو اعمل حسابك وبعد تموت يفتحو جوالك وخابر انا جوالك ملان عضام وكوارع كاااااااااك |
يا حامد ياخوي ديل أرهبوا الناس و روعو أمنهم ساكت ...
الشعب السوداني شعب بهجة و يحب البهجة ...
و الشربة دي كانت في تركيبة المجتمع مسالة بهجة و وونسة ليس الا ...
غايتو ... السووها قعدت ...
|
Post: #40
Title: Re: موضوع انصرافي .. الزول البشتري ( شربتو ) ليه
Author: فرحات عباس
Date: 07-09-2018, 12:50 PM
Parent: #39
يحكى ان أحد القرويين مرتادي المزاج .. كان يرتكب البحر عبر ( البنطون) إلى البار في المدينة المجاورة ... ويخرج طابقًا " البتاعة " في كيس ورق بني، يحسبه الرائي خضاراً أو بعض تمر ... فيعود أدراجه عبر ذات البنطون مطمئنا ... لا تطاله شبهة. وفي إحدى المرات وهو يحمل البتاعة بيمنه، وكيسا آخر بشماله .. ابتدره أحدهم من بعيد بالسلام .. فرفع يده ذات الكيس ليرد السلام فانزلقت البتاعة إلى أرض البنطون الحديدة وانفجرت بشكل فاضح أمام الجميع ... أقسم صاحبنا ألا يرد السلام على أحد بعدها أبداً ..
|
Post: #41
Title: Re: موضوع انصرافي .. الزول البشتري ( شربتو ) ليه
Author: علي عبدالوهاب عثمان
Date: 07-09-2018, 01:50 PM
Parent: #40
يا قبة يعني شنو الدمبل
=============
حبيبنا عووضة .. سيرناقمي ..
أنا من ضواحي الدنيا هناك بعرف الدمبل
كان القزاز في شكل مثلث ..
النوع ده كان غالي جداً ..
بار الخواجة في القولد .. وبار إسحق في دنقلا
يوم نميري ومحمد سياد بري زاروا دنقلا درجة الحرارة كانت اقل 2 ( برد شديد )
من زحمة البار الخواجة كان يبيع من اللوري مباشرة ..
آه يا زمن .. في دنقلا .. ناش شووتي ، ومنقريوس ، ومحفوظ
كان البار في قلب السوق بالقرب من السرايا ( المدرسة الثانوية بنات )
ولكن دائماً الشري والبيرة للافندية .. الترابلة كانوا مع عرقي التمر الاصلي في البان جديد
يا جماعة الموضوع للتوثيق ..
شكراً قباني الحبيب على البوست ..
|
Post: #42
Title: Re: موضوع انصرافي .. الزول البشتري ( شربتو ) ليه
Author: علي عبدالوهاب عثمان
Date: 07-09-2018, 02:02 PM
Parent: #41
حبيبنا قباني .. مودتي ..
الشراب كان يدخل في الدورة الاقتصادية للترابلة ..
الخالة أو العمة تجي تسأل .. ما عندك قزاز فاضي ..
( خاصة قزاز البيرة أبوجمل ) كان مطلوب بشدة
لتعبأة السمن البلدي وعرضه السوق لأن المقاس كان مثالي .. لأن قزاز الشري المقاس أكبر شوية
وبالنوبية كان يسمى ( قشاشة ) المقصود مقاس قزاز البيرة أبو جميل ..
ولأن لون زجاج البيرة كان داكن قليلاً ومائل للخضرة فعيوب السمن والرواسب ما كانت تظهر
الترابلة بغض النظر عن الاعتبارات الاخرى لديهم ( دراسة جدوى إقتصادية ) لأي موضوع
حتى الشراب كان مباح في الفزع والنفير والحصاد .. لأنه كان دافع للحماس والعمل
والنبيذ في الصباح بدري وخاصة في الشتاء لمقاومة البرد ( تماماً مثل الفودكا في روسيا )
ووجود التمور بكثرة ساعد على التنوع والفنون في هذه الصناعة ..
يا جماعة الكلام لتأصيل التراث .. مودتي
معليش قباني الحبيب إحتلال للبوست .. الذي أثار الشجون
|
Post: #43
Title: Re: موضوع انصرافي .. الزول البشتري ( شربتو ) ليه
Author: Ahmed Yassin
Date: 07-09-2018, 02:54 PM
Parent: #42
قباني وشركاه
Quote: زمااااان ...
اي زول مارق من البار ... تلقاهو طابق قزازتو الملفوفة بي ورق ابيض او في كيس ورق
تحت اباطو او قريب من سدرو !!!
|
دا كان زمان لانه (الراح او المُدام ، السلاف ، العاصفة) كانت في قزاز
هسي بقوا يشيلوها في اكياس النايلون وبكون مدلدل يدينو وبمرجح في الكيس
---
ذكرتني في كندا حقتكم دي .. كنا مع الموسيقار بشير عباس الله يديهو الصحة +وكانت اللمة في بيت
واحد من لعلماء الافذاذ .. الجماعة تقريبا اربعة وصلوا وكل واحد لابس بالطو وشال ووو
المهم بعد الاحضان والسلام .. كل واحد دخل يدو في جيب البالطو بتاعو وطلع قزازة وفرحانين
والله يا قباني .. بشير عباس دا ما قرب منها .. ما تتخيل انا اصلا بحبو جدا وبحترمو جدا
وفي تلك اللحظة احببته الان اكثر
|
Post: #44
Title: Re: موضوع انصرافي .. الزول البشتري ( شربتو ) ليه
Author: Deng
Date: 07-09-2018, 03:24 PM
Parent: #43
معقولة بوست زي ده يفوت العبار بريمة بلل وبتاع كندا محمد النور كبر!
|
Post: #45
Title: Re: موضوع انصرافي .. الزول البشتري ( شربتو ) ليه
Author: Osman Awoda
Date: 07-09-2018, 07:17 PM
Parent: #1
ويا فينا وو علي امبس
في القولد هسي عمتك ريتا
شغالة تش بس ودوها غرب الظلط
لو داير وصف المحل اسال نصر الدين
كنوزي
هو ما بيشرب بس شليق زيي كدا
|
Post: #46
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-10-2018, 05:20 AM
Parent: #45
| Quote: يا قبة يعني شنو الدمبل والكرفوازير؟ |
مش كده باللاي ...
غايتو ... جنس غاينو ....
|
Post: #47
Title: Re: موضوع انصرافي .. الزول البشتري ( شربتو ) ليه
Author: علي عبدالوهاب عثمان
Date: 07-10-2018, 07:26 AM
Parent: #46
ويا فينا وو علي امبس
في القولد هسي عمتك ريتا
شغالة تش بس ودوها غرب الظلط
لو داير وصف المحل اسال نصر الدين
كنوزي
هو ما بيشرب بس شليق زيي كدا
================
عووضة أمبس .. مودتي ..
في الزمن الجميل أيام سفر اللواري
الموضوع كان في ( شوبلي )
وكان مميز ومعروف وحصري لسواقي اللواري
تحياتي الحبيب عووضة .. مداخلاتك خفيفة على المعدة
نعمل نتسلى في الغربة مع الكفيل وزحمة العمل
التحية للحبيب قباني ..
|
Post: #48
Title: Re: موضوع انصرافي .. الزول البشتري ( شربتو ) ليه
Author: kamal omer
Date: 07-10-2018, 08:27 AM
Parent: #47
لما كان بيتباع في السوق الحر بمطار الخرطوم
و نحنا طابة راجعين من القاهرة، واحدة زميلة دخلت السوق الحر و خرجت بي كيس فاخر.
خلاص عند البوابة المنها و الشارع الكيس إتقد من تحت و قزازتين من النوع الفاخر وقعو و ما بقى إلا إضنين الكيس
بكل بساطة فكت الإضنين و مشت زي المافي حاجة
حسي لو كانت ضاباهن زي ما قلت يا قباني كان باقي ليك ده حصل؟
غايتو الزول الكان منتظرها قرب يديها بنية ههه
|
Post: #49
Title: Re: موضوع انصرافي .. الزول البشتري ( شربتو ) ليه
Author: Ashraf El Bagir
Date: 07-11-2018, 05:23 AM
Parent: #48
قايتو البتزكرو من المرحلة دي ونحن اطفال المنافسة علي جمع القزاز الفاضي.
ولما تكون هناك حفلة لازم نصحي بدري عشان جمع القزاز وانتظار بتاع الحمار "المعاه قزاز"
طبعا الاطفال في الزمن داك مستحيل يحضرو حفلة لانو الحفلات تبداء بعد منتصف الليل وتنتهي مع اذان الفجر.. اتذكر هنالك فنان معروف كان يطلق عليه طيارة الصباح
اتزكر في امتداد الدرجة الثالثة وتقريبا مكان مبني المغتربين الحالي كان هناك احد الاشخاص عندو مجمع ضخم من القزاز .. تلال من القزاز الفاضي والبراميل
|
Post: #50
Title: Re: موضوع انصرافي .. الزول البشتري ( شربتو ) ليه
Author: يحي قباني
Date: 07-11-2018, 01:39 PM
Parent: #49
Quote: تعرف يا قبانى كان فى اتنين اصحابنا عايشين عزابا
كل ليلة يجيبوا قزازة الشرى وبعد ما ينتهوا منها يتعشوا بالفى ويدخل كل واحد غرفته
ذات ليلة وهم لسع ما بدأوا جاهم داخل واحد سغيل وطبعا اتقاسم معاهم القزازة وخرب مزاجهم
من تلك الليلة صاروا يحتاطوا ويجيبوا للضمان قزازة السغيل |
حسن يا فرح ...
النوع السغيل ده كان كتير زمان
العجب كمان ايّام طلبة ...
قريشاتنا على قدرنا ...
مرة عندي اخوي جا ماري و برّاني بي ورقة ابو خمسة جنيه
البنية الزمان ديك ...
طوالي قررنا العشا شواشو اليوم داك ...
مشينا دار الأطباء و القعدة مدورة جاك واحد من المنحّلين و طوالي قعد
كب كاسو و بقى قاعد راجي العشا
جات الشية ... و صاحبنا ظبط الشطوط و بدا يلقط
فجاة جات كديسة ...
صاحبنا بقى يأكل قطعة و يجدع قطعة للكديسة ...
الله يرحمو صاحبنا قال ليو ... انت في جمعية الرفق بالحيوان
قال ليكم تاكلو و تاكلو معاكم الكدايس الضالة ؟
|
|