مُقاطعة اللحمة قالو !، يقطع ...... يا بركة مِن جعل محمد نبي ...

09:17 AM July, 04 2018

سودانيز اون لاين
معاوية المدير-بكندا محافظة البرتا
مكتبتى
رابط مختصر

زمان في اتبرا في جزار الجماعة كرهوهو بحكاية أدينا رُبع كيلو من
هنا وادينا رُبع كيلو من هناك. دمس اتبرا ؤ مشى فتح جزارة في
حي راقي في الخرتوم والحكاية مشت معاهو، أقلّ زول بيشتري
3 كيلو .أها يوم جا وآحد قاشر بجلآبية ؤ عِمّة وقف بعيد والناس
شابكين الجزار 3 كيلو، 5 كيلو، نص خروف، الجزار قال يشوّف
خبر الزول المروّق دا يمكن يشتري الجزارة ؤ يريحو من اللخمة،
طوالي قال ليهو، أيوا يا سيادتك نديك كم ؟، الراجل قالو، عليك
الله رُبع كيلو من الحِتة الفيها عضُم دي !!!، الجزار طوالي جدع
السكين ؤ حضنو، أهلآلآلآلآلآلاً جيّت من اتبرا متين ؟!...

والله بصراحة حكاية مقاطعة اللحمة دي لهسّع محيراني ؤ ما لآقيلآ
تفسير !.
هو النداء دا موجه لمنو ؟، والبياكل اللحمة منو ؟.
هل البياكلوا اللحمة قاطعوا ؟.
هل كل الناس بيشوفوا اللحمة ؟.


مش في غنوة بتقول أرحموني يا ناس ؤ حِنوا عليا، واللآ
أنا سمعي طشاش ؟...

مع انو النكتة قديمة و سمعتها من زمن الاللحمة الكيلو باتنين جنيه لكن ما عارف ليه ضحّكتني !
المهم يا قريبك, قال ليك الحملة فشلت الفشل الواحد دا
اغرب شي زي ما قلت الناس ما قاعد تشتري لحمة -اغلبية الناس اعني, لكن بعد دا حملة المقاطعة فشلت!
يكون من شنو
تعرف على حس المقاطعة اظن الناس فهموها غلط انو اللحمة ح تنعدم او ح تغلى الكان بشتري ربع بقى يشتري كيلو !
احتمال

سألت واحد من اصحابي القابضين على جمر القضية

وقاعدين في السودان عن موضوع مقاطعة اللحمة

قال المقاطعة اصلاً حصلت غصباً عن عين السواد الاعظم من الشعب

نسبة لاسعار اللحمة الخرافية توقف الكثيرين عن شراءها وحدثت المقاطعة بدون اي دعوات في الاسافير

ولكن اهمية الاعلان عن مقاطعة سلعة ما شي مهم جداً حتى ينضم من هو قادر على الشراء لصفوف المتوقفين قصراً

ومن الممكن ان تأتي بنتائج جيدة في صالح المواطن البسيط، هذا فضلاً عن ان المقاطعة لفت نظر مهم جداً

للمسؤولين لو فيهم لا يوم الليلة واحد متذكر الشعب المنسي ومطحون دا

سلام يا مدير
وأعتقد أنه فكرة غير مدروسة وعشوائية جدا وما حا تنجح بل تضر
لأنه أولا اللحوم هي قبل ما تتحول للحوم هي بهائم كائنات حية وفي موسم الخريف لو خف سوقها الرعاة سيعودوا لخلاهم على الأقل تتكاثر تسمن هي ليست سلع لا تقبل التخزين مثل البصل والطماطم
لكن القرار سيؤثر في السلع البديلة سيرتفع سعرها كالبقوليات وفعلا أمس في الفيس تحدث أحد أن اسعار العدس والفول تضاعفت .
سيظل سعر اللحمة في مكانه لكن الأسوأ سيرتفع سعر السلع البديلة نتيجة لارتفاع الطلب عليها فضلا عن الهلع والاسراع في التخزين والشراء بكميات واحتكار التجار ودسها

ود المدير مسا الخير
اللحمة مادايرنا بس لمو لينا الضلافين والريسين وابغازيييييييييييييييييييييييييه والقلقات الاخير ده بي توم وبصل وفلفل اخدر تاكل وماتدي جلالدونا بتاع التركييينج والمرس

قبل اكثر من عامين كنت في رحلة من الخرطوم لقريتي بالنيل الابيض
وفي الطريق عادة ما اتسوق اشتري اللحمة والخضار والفواكة واتبضع للتوسعة على الاسرة
خاصة لحمة الخرطوم بقولو احسن
مشيت للجزار قلتا ليهو بالله اوزن لي نص الخروف دا
وتركته وذهبت للبقالة التي تقع بالقرب منه
وعندما عدتُ اليه أي الجزار كان شطب كل حاجة ووضعها في اكياس صغيرة
قلتا ليهو الوزن كم قالي : خمسة كيلو
طيب عايز كم: قالي خمسمائه
اجبتهو يا راجل الكليو ٧٠ جنيه كيف تبقى الخمسة بخمسمائه؟
فاجابني ببرود:
كان كدي يا اخوي اتا غبت كتير عن شراء اللحمة
فمثلاً كيلو لحمة الضان قبل رمضان كان ١٨٠ وفي رمضان اصبح ٢٠٠ وفي العيد وحتى الان ٢٢٠
تصاعد بالمصعد وليس بسلم
اللحمة زي الدولار كلو يوم عندها سعر

Quote: مع انو النكتة قديمة و سمعتها من زمن الاللحمة الكيلو باتنين جنيه لكن ما عارف ليه ضحّكتني ! المهم يا قريبك, قال ليك الحملة فشلت الفشل الواحد دا اغرب شي زي ما قلت الناس ما قاعد تشتري لحمة -اغلبية الناس اعني, لكن بعد دا حملة المقاطعة فشلت! يكون من شنو تعرف على حس المقاطعة اظن الناس فهموها غلط انو اللحمة ح تنعدم او ح تغلى الكان بشتري ربع بقى يشتري كيلو ! احتمال

برضو إحتمال وآرد يا قريبك . بالله فشلت برغم الواقع !، والله ما ليها الحق تفشل،
بس في شي غريب بيحصل !...

Quote: ولكن اهمية الاعلان عن مقاطعة سلعة ما شي مهم جداً حتى ينضم من هو قادر على الشراء لصفوف المتوقفين قصراً ومن الممكن ان تأتي بنتائج جيدة في صالح المواطن البسيط، هذا فضلاً عن ان المقاطعة لفت نظر مهم جداً للمسؤولين لو فيهم لا يوم الليلة واحد متذكر الشعب المنسي ومطحون دا

هههههههههههههههههههه،
يا ود الغالي دي نُكتة واللآ إنت جادي، عموماً ؤ في كِلى
الحالتين فطصطتني بالضحك ياخ ...

Quote: سلام يا مدير وأعتقد أنه فكرة غير مدروسة وعشوائية جدا وما حا تنجح بل تضر لأنه أولا اللحوم هي قبل ما تتحول للحوم هي بهائم كائنات حية وفي موسم الخريف لو خف سوقها الرعاة سيعودوا لخلاهم على الأقل تتكاثر تسمن هي ليست سلع لا تقبل التخزين مثل البصل والطماطم لكن القرار سيؤثر في السلع البديلة سيرتفع سعرها كالبقوليات وفعلا أمس في الفيس تحدث أحد أن اسعار العدس والفول تضاعفت . سيظل سعر اللحمة في مكانه لكن الأسوأ سيرتفع سعر السلع البديلة نتيجة لارتفاع الطلب عليها فضلا عن الهلع والاسراع في التخزين والشراء بكميات واحتكار التجار ودسها

سلآمات يا درديري .
حقيقة يا درديري الفكرة في حدِ زاتها غريبة جداً ؤ غير منطقية للجهة المعنية،
لأنو الجهة المعنية هي الجهة البتشتري اللحم ؤ تعرف تمزمزو، والجهة دي
تحديداً بتشتري من غير ما تسأل حتي من السعر، والجزارين عارفين عشان كدي
ضبحو ؤ لحمتُن عِدمت نفاخ النار .
أهو تأثير القرار أثّر علي السلع البيقدر عليها المواطن لو قِدِر أصلاً ؤ جاب نتائج
عكسية زادت العِبء علي المواطن، ؤ يا قولك عشوائية للطيش !...

سلام عليكم صاحب البوست وضيوفو
ما اظن المقاطعه تؤثر سلبا على اسعار السلع الاخرى . اغلب الاساتجاوزت اللحمه الا غى اضيق حدود والبديل بقى مكعبات ماجى .
عن تجربه شخصيه ممكن تطبخ طعام من الخضروات والبقوليات دون حتى دون الحاجه لمكعبات ماجى (سعرها زاد مره ونص خلال الزيادات الاخيره).
المشكله فى ثقافه انو اللحمه اساسيه فى الطعام ومازال الكثيرين مرتبطين باطباق الطعام التقليديه دون تجريب او عمل وصفات جديده (من المتاح).

انا الحمدلله لي زمن بوقف اللحمة في العشاء تضامنا مع الفقراء والمساكين والعاملين عليها
بشتري يوم الجمعة تلاتة كبدة مقفولة ضان وعفشة ضان و خمسة كيلو ضان لازم تكون الكراع القدامية ولازم يكون حمل لبن وفقرتين لملاح ام رقيقة بطعم الملاح ياخ
اشتري دة عشان الاقتصاد وكدة
موقف ام فتفت وكبدة الجمل عشان المقاطعة وكدة

Quote: بشتري يوم الجمعة تلاتة كبدة مقفولة ضان وعفشة ضان و خمسة كيلو ضان لازم تكون الكراع القدامية ولازم يكون حمل لبن وفقرتين لملاح ام رقيقة بطعم الملاح ياخ اشتري دة عشان الاقتصاد وكدة

هههههه يا مفتري ... ههههههه
المفروض يجيك مرض النقرس مش الملاريا ...
قبيل داير اخش عليك في بوست الحمي والهلوسه
واقول ليك اوكل صحن شية جمر وبصل أبيض
مع خلطة شطه خدرا وحمرا ودكوة والتي ...
بعدين دي :-

Quote: وعفشة ضان

مش معاها أم فتفت ؟
تحياتي ...

افتراء شنو يا صلاح
ياخ ما تكون حاسد دة رزق يقسمه الله لنا
شن عرفتك باللحمة ياخ .. العفشة حقت الضان دي الكمونية
ام فت فت دي عفشة البقر بس . وافضل ام فت فت حقت العجل الدعول والعتي حقو اخدااااار دقة جليط
وبيضا لكن ام فت فت البقر الجقق سوداء وشينة وعتيها اصفااااار
اسألني نحن ياخ اسياد الشي زاتو

عليك النبى فشلت
حالتى قلت ارفع سقف المقاطعات
وادعو لمقاطعة الحج وذبح الاضاحى