Quote: استقدموهم كان في الخليج ولا أوروبا وقدموهم للعالم واتصوروا معاهم، وقولوا بفخر (دي موسيقتنا) انتو غلبكم تطلعوا للعالمية أدوها ليهم كلها سلفة عشرة سنة هم يستفيدوا ويفيدونا قولوا للعالم ديل أولادنا وديل أخواننا وبكرة إثيوبيا كلها تغني سوداني هي العلاقات بين الشعوب كيفن بتنشأ؟
أبوش دا ذاتو لموهوا في عبد القادر سالم ولا أحمد شارف ولا أي فنان من شرق السودان شوفوهم لو ما فجروا الدنيا في سنة واحدة
يفجروا الدنيا بغنانا ؟ هم ما دام فنانين ومتفوقين وين غناهم ؟ ما معقول تقارن تسجيل تم في بتقنيات الأربعينات بتسجيل تم بتقنيات الألفية الثالثة انت الأغنية عجبتك لأنها قاعدة في ذاكرتك بهذا اللحن الجميل العملوا موسيقار سوداني بس تم أداؤها أثيوبياً بآلات تستهويك مثل الساكسفون والأورغ والباص جيتار
Post: #2 Title: Re: فن سوداني أصيل يا..... Author: حمد عبد الغفار عمر Date: 06-29-2018, 04:46 PM Parent: #1
يا جماعة هنا الكورة واطا
باصات أرضية يعني
Post: #3 Title: Re: فن سوداني أصيل يا..... Author: حاتم إبراهيم Date: 06-29-2018, 05:29 PM Parent: #1
سلام حمد
يقيني أنو أكبر دليل على سبق الإثيوبيين لينا في الموسيقى هو سهولة استيعاب كل أغنياتنا بذات سهولة استيعاب الكبار لأغاني الأطفال ويشمل ذلك الموسيقى والكلمات في حين أن العكس لا يحدث. اقتراحي هو عمل تؤامة بين الشعبين بحيث تتاح لهم أعمالنا من خلال توفيرها أو حتى التنازل عن بعضها سواء بمقابل او هبة ونظرتي هنا أن مركبتهم أسرع وأفخم فلماذا لا نعرض عليهم أخذنا إلى العالمية؟
يا حمد حتى الشباب المبدعين عندنا لا نجيد التعامل معهم ودعمهم إلا في إطار المجاملات والعلاقات الشخصية، قرأت قبل فترة في بوست عزيز (طلب توصية) من عضو لقريبه الشاب الذي (يرغب) أن يشتهر!
البنت هبة الجزولي مبدعة يمكن أن تصل للعالمية لم تأت ردة فعل الناس هنا إلا بمشاهدة أعمالها فقط يعني لا إعجاب ولا مشاركة ولا نقاش حول فنها، انتهى.
في عوالم أخرى ينشط الناس لترفيع المبدعين الحقيقيين أمثالها وليس بالتوصيات.
إثيوبيا فاتتنا كتير جدا ولما كانوا هم بيشتهروا كنا هنا شغالين جلالات دفاع شعبي ومدائح!
كيف يتم ذلك؟ بمنتهى السهولة، شوية شغل علاقات عامة رسمية وشعبية وتحفيز بأكثر من طريقة
في دول في الكوكب تتمنى الفرصة المعروضة لينا بالمجان دي.
Quote: يقيني أنو أكبر دليل على سبق الإثيوبيين لينا في الموسيقى هو سهولة استيعاب كل أغنياتنا بذات سهولة استيعاب الكبار لأغاني الأطفال ويشمل ذلك الموسيقى والكلمات في حين أن العكس لا يحدث.
أنا من مقتولي وردي وموسيقته ولكن عندما غنى في أثيوبيا التمست الفرق الموسيقي الما بغبى ذواق بالمناسبة السودانيين في الفنشينيغ - بالعموم- مش في القمة!!!
Post: #5 Title: Re: فن سوداني أصيل يا..... Author: Salah Zubeir Date: 06-29-2018, 06:15 PM Parent: #3
سلام يا حمد ... هو الموضوع ما مزيكا وفنانين ... الموضوع يا حمد عن كل ما هو سوداني وكل ما يخص السودانيين ... والدليل راقد هبترش في داخل بوستاتو ... وهاك دي من بوستيك يا حمد عن احمد محمد عمر بتاع السنة الفاتت ...
Quote: غريبه جدا" ...كل ما تلقي فرصه للنيل من السوداني مين ما كان ما قاعد تفوتها ... وكأني أري في الجو غيم تجاه السودانيين ... عملو ليك شنو ..
بعدين خليك شداع وتقول الكلام دا موجه لي صلاح ..
Quote: قرأت قبل فترة في بوست عزيز (طلب توصية) من عضو لقريبه الشاب الذي (يرغب) أن يشتهر!
طبعا" كالعادة كضاب وستين كضاب في قولك البوست عزيز موجود ... قريبي لا (يرغب) في الشهرة لانو مشهور بما فيهو الكفاية انو يكون محجوز للغناء لي التالته شهور القادمة دا اولا" ... وثانيا" توصيتي للموسيقار الكبير الأستاذ القامه يوسف الموصلي بتزويده بالنصايح اللازمة لفن الغناء والموسيقي وهو اهل لذلك وقريبي يستحق .... تحياتي حمد ...
حمد كيفك توجد مداخلة مسيئة لبعض السادة الزملاء الكرام علية نرجو منك الطلب من الادارة سحب هذه المداخلة
Post: #8 Title: Re: فن سوداني أصيل يا..... Author: حمد عبد الغفار عمر Date: 06-29-2018, 07:44 PM Parent: #3
هلا حاتم
Quote: يقيني أنو أكبر دليل على سبق الإثيوبيين لينا في الموسيقى هو سهولة استيعاب كل أغنياتنا بذات سهولة استيعاب الكبار لأغاني الأطفال ويشمل ذلك الموسيقى والكلمات في حين أن العكس لا يحدث.
عكستها تماما يا حاتم أعتقد إنو سلاسة وطربية الموسيقى السودانية هي الخلتهم يتعلقوا بيها ودا مردو لقوة التأليف الموسيقي وجزالة الشعر
في الثمانينات كنا بنحفظ أغاني بوب مارلي وبوني أم وجيمي كليف وبعدهم مايكل جاكسون هل نحن متفوقين على ديل ؟ نحن نعترف بس إنو عندنا بعض الحواجز المجتمعية مقيدة لحركة الفن ومن تخطى هذه الحواجز من الفنانين أبدع .
----------- انا عارف التعديل صعب بس يا حاتم رجاء ممكن تزيل الجملة الأخيرة بتاعة الفلول عشان اللعب يهدأ ونقدر نمشي لقدام حتى في بوستات تانية
Post: #9 Title: Re: فن سوداني أصيل يا..... Author: حمد عبد الغفار عمر Date: 06-29-2018, 08:19 PM Parent: #8
مرحب آدم
Quote: أنا من مقتولي وردي وموسيقته ولكن عندما غنى في أثيوبيا التمست الفرق الموسيقي الما بغبى ذواق بالمناسبة السودانيين في الفنشينيغ - بالعموم- مش في القمة!!!
في بعض الآلات الموسيقية الأثيوبيين متفوقين في عزفها لحصرية استعمالهم لها وردي في إثيوبيا كان متفرغ للتجويد ولاقي مساحة حرية كبيرة عشان يقدم أعمالو مع ذلك الفرقة ما كلها اثيوبيين كان فيها سودانيين برضو
Post: #10 Title: Re: فن سوداني أصيل يا..... Author: حمد عبد الغفار عمر Date: 06-30-2018, 12:02 PM Parent: #9
كيفك يا حاج الطيب
Quote: هو الموضوع ما مزيكا وفنانين ... الموضوع يا حمد عن كل ما هو سوداني وكل ما يخص السودانيين ... والدليل راقد هبترش في داخل بوستاتو ... وهاك دي من بوستيك يا حمد عن احمد محمد عمر بتاع السنة الفاتت ...
طبعا مما لا شك فيه إنو حاتم زول سوداني قد يكون ساخط على أوضاع معينة وتصدق بالله أنا مداخلة حاتم وإشارتو لحكاية الفنان العايز دعم دي ما قايلا بتخصك لأنو كتير من أحداث المنبر الواحد ما بكون مستحضرها كويس واعتبرتها كمثال عايز يعضد بيهو رأيه في حكاية إنو الفنون ما بتلقى الدعم والإهتمام
تانيا أنا شايف إنو الناس تحاول تطلع من المستنقع دا ليه: 1- مسألة تحديد إنو حاتم دا منو اعتقد إنها صعبة لأنو الزول البقطع شكها بكري أبوبكر ، وبكري ملزم باتفاقية سرية معلومات ضمنية غير موقعة مع الأعضاء تفرضها تقاليد وأعراف المواقع الأسفيرية أدبيا بعدم كشف معلومات عضو إلا عند الضرورة القصوى أو بأمر قضائي وبكري قد يرى أن ما يحدث هذا ليس بضرورة قصوى لأنه متكرر الحدوث في المنبر ويمكن يكون جزء من الحراك الأسفيري وهو فقط بقوم ببعض الإجراءات الإدارية لوقف الضرر وفقا للائحته من توقيف مؤقت وسحب البوستات أو قفلها أو سحب مداخلات. 2- شعور حاتم بأنو مستهدف في كينونتو ووضعو الاعتباري بتخليهو يستمر في الهجوم على الناس وبالتأكيد الناس ما حتتوقف في الهجوم على حاتم وهكذا، وتكرار الاتهام بشبحية حاتم أو اثباتها بطعن في مصداقية بكري نفسو خصوصا إنو التسجيل للمنبر كما أُعلن اصبح عن طريق الهوية الشخصية. شفتا الوضع معقد كيف؟ يبقى الحل واحد من أتنين إما اللجوء للقضاء أو التوقف/ التجاهل من أحدى الطرفين ، لما يحدث ليتم الوصول لنهاية لهذه الإشكالية
Post: #11 Title: Re: فن سوداني أصيل يا..... Author: حمد عبد الغفار عمر Date: 06-30-2018, 12:19 PM Parent: #10
هلا أبوحسين
Quote: لغم ليكم البوست كالعادة .... ما تردو على الكوت دا ....
يأمرون الناس بالإحسان وينسون أنفسهم انت جبت الكوت ورديت خلاس
طبعا حاتم بطبعو خجول أنا قلت الكورة واطة والباصات أرضية هو عمل خط وحفر لباصو ومررو تحت النجيلة ههههه Subsoiler
Post: #13 Title: Re: فن سوداني أصيل يا..... Author: حمد عبد الغفار عمر Date: 06-30-2018, 12:55 PM Parent: #11
هلا جلالدونا
Quote: حمد كيفك توجد مداخلة مسيئة لبعض السادة الزملاء الكرام
أهو سحبها خلى الفلول بس ما عارف اتقرمت براها ولا خلاها تحوطا ما عارف
المهم انت في بوستك قلت وصلت لخلاصة إنك ما تتداخل ما حاتم ودي خطوة جيدة جدا لإزالة الخلاف التزم بيها وشوف النهاية
احكي ليك ما حدث لي
أول وآخر لي مشاحنة شخصية في المنبر دا كانت في بداياتي مع وليد محمد المبارك اداخلت في بوست لخدر الله يطراهم بالخير كلهم دخل وليد بعدي كتب كلام أنا ما قريتو وعدلو بواحد فيهو هجوم علي لكن أقل إساءة دخلت في خشونة واحيانا شتيمة مع وليد والمسألة زعلتني شديد لأنو ما عندو أي مبرر يجي يشتمني لمجرد رأي أنا قلتو في بوست ما حقو وانا كنت جديد في الرياض ما عندي كمبيوتر في البيت لما أكون عايز اتصفح المنبر ولا أشوف لي حاجة بمشي قهوة قريبة من البيت لما بدأ الشجار بقيت يوميا لازم أمشي القهوة وبدل 5 ريال أدفع 10 ريال لساعتين أرد لوليد شتيمتو ووأزيد عليها وباقي الوقت أكون فاتح البوست وحارسو لما اكتشف المسألة دي بقى يجي يتداخل متأخر خالس انا أكون مشيت طبعا تاني يوم على طول أجي من الدوام أمشي البيت وعلى طول على القهوة الشغلانة دي استمرت قريب 10 يوم الموضوع انتهى ما عارف نهايتو كانت كيف لكن رضيت على نفسي برد الشتيمة. وصلت لخلاصة إنو الصراعات الشخصية في المنبر بتاخد من وقتك وجهدك الكتير بدون مردود يجنى منها ونهايتها دائما غير سعيدة.
Post: #24 Title: Re: فن سوداني أصيل يا..... Author: حمد عبد الغفار عمر Date: 07-04-2018, 05:54 PM Parent: #19
هلا كوستا
أنا في الأول قلتا كوستاوي دا خلط بيني وبين المستنير ولا شنو لكن ما لقيت فيديو لأوباما باقي المنبر اليومين دي خلط شديد
لكن أقول ليك حاجة صوت البت دي أجمل صوت أسمعو في الخمستاشر سنة الأخيرة دي دا غير الأداء المجوّد بما فيه الكفاية سمعتا بيها لكن أول مرة أسمعها بشكل جادي يا سلام عليها
هي بت ناس حسن الجزولي؟
Post: #12 Title: Re: فن سوداني أصيل يا..... Author: حاتم إبراهيم Date: 06-30-2018, 12:37 PM Parent: #1
Quote: عكستها تماما يا حاتم أعتقد إنو سلاسة وطربية الموسيقى السودانية هي الخلتهم يتعلقوا بيها ودا مردو لقوة التأليف الموسيقي وجزالة الشعر +++ في الثمانينات كنا بنحفظ أغاني بوب مارلي وبوني أم وجيمي كليف وبعدهم مايكل جاكسون هل نحن متفوقين على ديل ؟
لكن هم ما بيفهموا اللغة العربية بذات تلقينا لها شعراً وكذلك سلاسة وطربية الموسيقى السودانية كان من المفترض أن تجبر الآخرين على التعلق بها، هذا لم يحدث وعلى أقل تقدير أن يكون لها الانتشار العالمي المتوقع، وبالتأكيد موسيقانا ليست سلسة أبداً بل هي مزيج من آلات غير متجانسة أصلاً هاك مثلاً: الأكورديون+البونغوز+التشيلو!! آلة فلكلورية+آلة أفريقية+آلة أوركسترالية
وهاك أيضاً أداء المدائح النبوية بآلة الأورغان الكهربائي، أورغان هاموند يا حمد المخصص للكنيسة! Hammond Organ وهو ذات الصوت الذي أدخله محمد الأمين في أغانيه العاطفية مثل زاد الشجون تسجيل الثمانينات في الربع الأخير منها
فلو اتسع لي الوقت يمكنني أن أعد لك مسارد من هذه المفارقات التي لا تثبت سوى مفارقة موسيقانا لجميع الأسس والمنطق السليم.
+++
حفظ الأغاني وترديدها هذه أمور فردية، التفوق الذي عنيته هو في الأداء الحقيقي، أي بواسطة مغنيين وموسيقيين.
Quote: وتصدق بالله أنا مداخلة حاتم وإشارتو لحكاية الفنان العايز دعم دي ما قايلا بتخصك لأنو كتير من أحداث المنبر الواحد ما بكون مستحضرها كويس واعتبرتها كمثال عايز يعضد بيهو رأيه في حكاية إنو الفنون ما بتلقى الدعم والإهتمام
يا حمد أنا متابع المنبر من 2005 ومستحضر مداخلات فيهو من 2002 يعني قادر على ربط الأمور مع بعضها بطول الفترة دي كلها.
___ ما دا البيجنن فلة وفلايل وقلايل!
================
Quote: قريبي لا (يرغب) في الشهرة لانو مشهور بما فيهو الكفاية انو يكون محجوز للغناء لي التالته شهور القادمة دا اولا" ...
سمح التوصية يسوي بيها شنو؟ حجزانو دا الزول الحيوصيهو ذاتو ما لاقي زيو! فمن أحق بالوصية؟
Quote: يا حمد أنا متابع المنبر من 2005 ومستحضر مداخلات فيهو من 2002 يعني قادر على ربط الأمور مع بعضها بطول الفترة دي كلها.
شغلك والمجموعة التي تعمل معك، المسألة ليست قوّة ذاكرة ولا هي ذكاء خارق بل أكل عيش . لماذا إلتحقت بالمنبر في 2014 !، طالما إنت متابع من 2005 ؟...
Post: #15 Title: Re: فن سوداني أصيل يا..... Author: Ahmed Yassin Date: 06-30-2018, 01:14 PM Parent: #12
حمد وشركاه الموسيقى اصبحت شعار وايقونة لاثيوبيا رغم ان ايقاعاتهم ثلاثة ايقاعات فقط ولكنها فاقت حد التطور في الجملة الموسيقية نحن عندنا عشرات الايقاعات نتاج طبول افريقيا واشهرهم حداشر ايقاع حاتم ابراهيم قال كلام .. ارجو ان ما يتفات ساكت ولا يمر مرور النسيان وعايز ليهو مساحة موسيقية عريضة.. كلامه عن (الاورغن المزعج)
Post: #26 Title: Re: فن سوداني أصيل يا..... Author: حمد عبد الغفار عمر Date: 07-04-2018, 06:51 PM Parent: #12
هلا يا حاتم
يا حاتم عدم ولوج العالمية في الأساس بيرجع لعدم الاعتراف المسبق من العالم في امكانية تقديم الدول المتخلفة لموسيقى ذات مستوى عالي هل تتوقع الانجليز يعترفو بزول من العالم المتخلف دا ممكن يقدم موسيقى أفضل من ألتون جون؟ هل الغرب قاعد يسمع أم كلثوم برغم الزخم الاعلامي المصاحب ليها ؟ دي واحدة
تانيا أغانينا موسيقاها سلسة يا حاتم خد عندك البت السورية زينه الغنت اغنية الكاشف أسمر جميل رغم تعود السوريين على السلم السباعي لكنهم أجادوا عزف الأغنية دي بي شكل ممتاز حتى أظهرو أصوات الآلات كما هي في النسخة السودانية تماما ولو لا الحرب كان ممكن الأغنية السودانية تنتشر بسبب هذه الأغنية في سوريا مثلا كما انتشرت في اثيوبيا
والأمثلة كتيرة لانجذاب الناس لموسيقانا بمجرد سمعها الموضوع فقط إزالة الصورة الذهنية السالبة عن مقدراتنا.
برجع للنماذج الجبتها وواستخدام الآلات
أهو الفاتح حسين عمل نص الحاجات القلتها بالجيتار
Post: #16 Title: Re: فن سوداني أصيل يا..... Author: حاتم إبراهيم Date: 06-30-2018, 02:11 PM Parent: #1
أديك نموذج واحد يا أخ حمد الفنان الإثيوبي مادنغو أفورقي عندو العمل دا
لو كنت من المهتمين بتفاصيل الموسيقى حتلقاهو وظف الجيتار بكل تقنيات عزفه والمؤثرات الأنا بعرفها لماماً
الطريف عندو أغنية اسمها (Afar) يؤديها بذات لحن أغنية (توبة) للكاشف (توبة يا أنا)
النسخة العادية
النسخة الصاخبة (exotic)
مقارنة بالنسخة التقليدية (relaxing)
مادنغو بيحاول ينسخ حتى الكلمات وهو بيكرر جملة (أفار كونجو) يعني فاتنة العفر وهو ذات المعنى في أغنية توبة.
فأي النسختين مؤهل للعالمية؟ التقليدية أم الصاخبة؟
العايز أصل ليهو إنو الإثيوبيين عندهم القدرة السليمة على هضم ميزات موسيقانا بسهولة شرب الماء بل إمكانية خلق تناسل من نفس اللحن بأكثر من استايل مقارنة باستايل واحد عندنا ممكن يكون عمره 70 سنة.
هنا المرجع هو التسجيل وتقنياته والرؤية والتذوق.
أنا ما معترض على أصالة الفن أو (تأصيل) الفن لكن للعالمية أشراطها.
Post: #17 Title: Re: فن سوداني أصيل يا..... Author: Salah Zubeir Date: 06-30-2018, 02:52 PM Parent: #16
Quote: سمح التوصية يسوي بيها شنو؟ حجزانو دا الزول الحيوصيهو ذاتو ما لاقي زيو! فمن أحق بالوصية؟
بالتأكيد توصية وتوجيه من فنان في الغناء (مشهور) وموسيقار متمكن مثل الأستاذ القامة الأيقونة لكل السودانيين بروف يوسف الموصلي سوف يستفيد منها قريبي في تجويد فنه وموسيقاهو وبالتأكيد سوف يساعده علي النجاح ... الرك عليك إتا ... واحد زيك لو طلع من حوش بكري دا حا يكون حي الله نكرة ساكت .. شنو الباهلك عشان تسأل وتحكي في الموسيقي والغناء ... جربنديه ساي منك ... هههه .. الناس بطلت بنيان الجالوص ...
Post: #18 Title: Re: فن سوداني أصيل يا..... Author: حمد عبد الغفار عمر Date: 07-02-2018, 07:43 PM Parent: #17
هلا معاوية
Quote: لماذا إلتحقت بالمنبر في 2014 !، طالما إنت متابع من 2005 ؟...
هو بستنكر مسألة الذاكرة البتحفظ كلام مكتوب من 2002
اليومين دي عندي ارهاق ذهني
بجي راحع للبوست
Post: #20 Title: Re: فن سوداني أصيل يا..... Author: Kostawi Date: 07-03-2018, 00:28 AM Parent: #18
Post: #21 Title: Re: فن سوداني أصيل يا..... Author: Kostawi Date: 07-03-2018, 00:29 AM Parent: #20
Post: #22 Title: Re: فن سوداني أصيل يا..... Author: Kostawi Date: 07-03-2018, 00:29 AM Parent: #21
Post: #23 Title: Re: فن سوداني أصيل يا..... Author: Kostawi Date: 07-03-2018, 00:37 AM Parent: #22
Post: #25 Title: Re: فن سوداني أصيل يا..... Author: حمد عبد الغفار عمر Date: 07-04-2018, 06:07 PM Parent: #23
هلا أحمد ياسين
Quote: الموسيقى اصبحت شعار وايقونة لاثيوبيا
ما مختلفين بس الشعار دا بخصهم هم ما عالمي وما متخطي حدود ضيقة جدا من بينها السودان فقط
Post: #28 Title: Re: فن سوداني أصيل يا..... Author: حمد عبد الغفار عمر Date: 07-09-2018, 08:42 PM Parent: #27
مرحب كبر
ما عايز اجيك يدي فاضية كدي أسمعو السلم الخماسي دا وشوفوا عذوبة اللحن
https://m.facebook.com/video_redirect/؟src=https%3A%2F%2Fvideo.fruh4-4.fna.fbcdn.net%2Fv%2Ft42.9040-2%2F35063777_1490845544360394_2977382586420035584_n.mp4%3F_nc_cat%3D0%26efg%3DeyJ2ZW5jb2RlX3RhZyI6InN2ZV9zZCJ9%26oh%3D6b69705478f7d9e24718b73c0d70209e%26oe%3D5B43F6CEandsource=miscandid=10155801552113370andrefid=52and__tn__=FH-Rhttps://m.facebook.com/video_redirect/؟src=https%3A%2F%2Fvideo.fruh4-4.fna.fbcdn.net%2Fv%2Ft42.9040-2%2F35063777_1490845544360394_2977382586...refid=52and__tn__=FH-R انسخ اللنك في صفحة بحث غلبني أنزلو فيديو لو في زول بقدر يحولو ممكن
Post: #29 Title: Re: فن سوداني أصيل يا..... Author: حاتم إبراهيم Date: 07-10-2018, 03:49 AM Parent: #1
شفت ردك يا حمد وحارجع للتعليق.
Post: #30 Title: Re: فن سوداني أصيل يا..... Author: ترهاقا Date: 07-10-2018, 04:17 AM Parent: #29
Quote:
الفرقة ما كلها اثيوبيين كان فيها سودانيين برضو
الاخ حمد وزواره الكرام ، حقيقة استوقفتني الجملة المقتبسة أعلاه ، والحقيقة هي إنو الفرقة سودانية بحتة اتذكرت لمن مشينا الكويت مع الراحل المقيم محمد وردي كانوا بيقولوا محمد وردي معاهو اتنين عازفين اثيوبيين وكانوا قاصدين العبد لله والصديق عازف الجيتار شاكر عبد الرحيم
ودمتم
Post: #31 Title: Re: فن سوداني أصيل يا..... Author: حاتم إبراهيم Date: 07-10-2018, 07:30 AM Parent: #1
Quote: يا حاتم عدم ولوج العالمية في الأساس بيرجع لعدم الاعتراف المسبق من العالم في امكانية تقديم الدول المتخلفة لموسيقى ذات مستوى عالي هل تتوقع الانجليز يعترفو بزول من العالم المتخلف دا ممكن يقدم موسيقى أفضل من ألتون جون؟ هل الغرب قاعد يسمع أم كلثوم برغم الزخم الاعلامي المصاحب ليها ؟ دي واحدة
نحن نختلف يا حمد!
وبالتأكيد لا أوافقك في أن نرهن وصولنا للعالمية بتقفي أثر الموسيقى الشرقية وأن نقنع بأن نجاحها هو نجاحنا هي طبعاً دي المشكلة أن نعتقد في وجوب إرضاء العالم العربي عوضاً عن الكون الفسيح، هذه الموسيقى الشرقية لا تشبهنا ولا تعبر عننا.
بوب مارلي، مريم ماكيبا، وغيرهم من دول بسيطة يا حمد، والغرب لا يطلب منك أن تنافسه في موسيقاه بل لا يحبذ ذلك أصلاً لا يمكن مثلاً أن تقدم لونيتك الموسيقية في القالب الغربي وتنتظر قبولها، قدم ثقافتك الموسيقية بطريقة منظمة، فقط.
فرقة جانو الإثيوبية لا تختلف عندي من أي فرقة عالمية، نعم يؤدون موسيقى الروك لكن بطابعهم ولونيتهم
Quote: تانيا أغانينا موسيقاها سلسة يا حاتم خد عندك البت السورية زينه الغنت اغنية الكاشف أسمر جميل رغم تعود السوريين على السلم السباعي لكنهم أجادوا عزف الأغنية دي بي شكل ممتاز حتى أظهرو أصوات الآلات كما هي في النسخة السودانية تماما ولو لا الحرب كان ممكن الأغنية السودانية تنتشر بسبب هذه الأغنية في سوريا مثلا كما انتشرت في اثيوبيا
أنا أفهم أن سلاسة الموسيقى أمر تقديري وتذوق ومن الواضح أن الاختيار هنا لم يكن للموسيقى بل للكلمات! وعرفوا (ما يطلبه المستمعون)!
المهرجانات الرسمية وأمور العلاقات العامة لا تدخل ضمن وسائل الانتشار أفهم كذلك أن أغنية (كدة يا الترلا) يمكن أن تعبر أكثر
عقب فوز الجزائر على مصر في مباراة أم درمان حضرت إلى الخرطوم فرق شعبية وموسيقية بإيعاز حكومي فهل يتذكر أي عضو هنا أي نوع من الفنون قدموها؟
ولن تنتشر الأغنية السودانية بهذه الطريقة يا أخ حمد لكنها يمكن أن تصل للعالمية بمجهودات تماثل ما أتى به كوستاوي لأعمال هبة الجزولي وغيرها من (الشباب) المعاصر، نحتاج إلى لوبيات وأن نفهم كيف يتم الترويج لهؤلاء، مثل فيديوهات هبة الجزولي هذه يجب أن تصل عدد مشاهداتها إلى أرقام مليونية، كيف؟ الإجابة علينا أن نبحثها ربما هنا وربما في منتديات أخرى، لكن الشاهد أننا لا نحسن تقديم أنفسنا للعالم.
أو تطوير الموسيقى لتصل مستوى الجارة إثيوبيا على الأقل، وكيف يتم الدمج بين الروك والموسيقى المحلية، بسلاسة يا حمد
الموسيقى التي تترك انطباعاً فورياً لدى العالم على مستوى الأفراد وليس المسؤولين فقط
Quote: والأمثلة كتيرة لانجذاب الناس لموسيقانا بمجرد سمعها الموضوع فقط إزالة الصورة الذهنية السالبة عن مقدراتنا.
برجع للنماذج الجبتها وواستخدام الآلات
أهو الفاتح حسين عمل نص الحاجات القلتها بالجيتار
طيب يا حمد
أطمئنك أول إنو مافي صورة ذهنية سالبة، موسيقانا بالتأكيد لها معجبيها الغالبين على المجتمع السوداني وكونها تكون مصدر إلهام لإخوتنا في إثيوبيا فهذا يحسب لها وبالتأكيد يزيد من تعلقنا بها، وهذا يحسب لهم.
إشكالية الموسيقيين الانغلاق، ثم الانفتاح الخاطيء، اختيار خاطيء للآلات، تنظيم خاطيء للموسيقى أداء غير منظم، تشابك للحرفية مع العلاقات الاجتماعية، عدم التطور والتعلم والوقوف في ذات القديم.
بخصوص نموذج أغنية الكاشف، فالعازف الفاتح حسين قدير ومتمكن، بدون شك. لكن للأسف يا حمد العزف عادي جداً ولم يشمل نصف الحاجات الأنا رصدتها في عمل مادنغو أفورقي أتحدث عن الجيتار منفرداً، عزف عادي جداً بدون تقنيات متطورة وبدون مؤثرات، تقنية العزف الوحيدة هنا هي السحب (slide). ومع ذكرها أعلى القائمة لكنها مهارة أساسية لكل مبتديء، يمكنك التحقق من ذلك مع أي مختص أو مع العازف نفسه.
Post: #32 Title: Re: فن سوداني أصيل يا..... Author: MOHAMMED ELSHEIKH Date: 07-10-2018, 08:40 AM Parent: #31
قاصدين العبد لله
----------------------
ههههه وأنا اقول ساطور دا بيشبه " العفر" ليه
Post: #33 Title: Re: فن سوداني أصيل يا..... Author: حمد عبد الغفار عمر Date: 07-12-2018, 02:09 PM Parent: #32
هلا ترهاقا تعرف انا ادم صيام شككني وحتى لما حاولت اتاكد من كلامو كنت فقط بفتش وجود سودانيين بلمحة سريعة عرفت في سودانيين لكن فعلا الفرقة كلها سودانيين
مرحب محمد الشيخ
Post: #34 Title: Re: فن سوداني أصيل يا..... Author: Ahmed Yassin Date: 07-12-2018, 02:41 PM Parent: #33
حمد عبدالغفار و .. آخرين كل ما الواحد يخش بوست غنا ولا موسيقى بحتة ولا ايقاعات ولا آبوش زيلكا يلقى الشكلة مدورة
ف بنفضل الانسحاب من الاجواء العكرة صراحة
Post: #35 Title: Re: فن سوداني أصيل يا..... Author: Ahmed Yassin Date: 07-12-2018, 02:50 PM Parent: #34
الاحباش مع الزخم دا كلو عندهم تلاتة ايقاعات بس لكن نحن عشرات الايقاعات المتنوعة بضربات افريقية مبينة حاضرب مثال بسيط ..لاغنية مشهورة جدا وفيها ايقاع عالمي وهي سودانية مية المية وخفيفة جدا وراقصة .. ولو وقعت في يد اي حبشي ممكن يحصل ليها دمار شامل الاغنية هي (بنت النيل) للعميد احمد المصطفى بركات يستهل الاغنية بى ايقاع (الرمبا) عرفتو الرومبا ؟ وبعدين بتجي (االكسرة) .. سريعة ومتلاحقة (احبو واحب نوناتو نوناتو الفي وجانتو) بايقاع (العشرة بلدي) دي عمايل الجاغريو ياتو حبشي بقدر على الكلام دا كلو؟؟؟ دا مثال بسيط لاغنية بسيطة والتقيل جاي
Post: #36 Title: Re: فن سوداني أصيل يا..... Author: Ahmed Yassin Date: 07-12-2018, 08:13 PM Parent: #35
من ضمن ايقاعات الحبشة ايقاع (التم تم الحبشي) ودا مشهور بسموهو (الاسكستا) وبرقصو عليهو رقصتهم الشهيرة الاسمها الــ(شب .. رب) وبنفس الايقاع دا عشان نقرب ليكم المسألة عبدالعزيز المبارك غنى بيهو اغنية (انونا... أنو... انونا) و البت (انو) دي كان ابوها شيخ التجار
