Post: #1
Title: صوتوا لمرشحكم عمر، رمز القرعة 🥙
Author: عمر التاج
Date: 06-14-2018, 12:34 PM
Parent: #0
12:34 PM June, 14 2018 سودانيز اون لاين
عمر التاج-KHT
مكتبتى
رابط مختصر اخيرا وليس متأخرا،
وبعد إجماع الحزب والشعب على ترشيحي لدورة قادمة
قررت انا عمر، ومن أجلكم وفي سبيلكم،
واستجابة لنداء وطن خرافي وشعب قرافي،
قررت قبول ترشيحي لرئاسة البتاعة دي
ورمزي الانتخابي هو القرعة 🕳️
|
Post: #2
Title: Re: صوتوا لمرشحكم عمر، رمز القرعة 🥙
Author: عمر التاج
Date: 06-14-2018, 01:09 PM
Parent: #1
صورة القرعة الأخيرة توضح مدى عمق رؤيتنا الاقتصادية
قرعة تبلغ جب
وهي بالتالي عندما تمتلى بعد فوزنا مباشرة
فالشعب ما حايتعب تاني في زراعة أو صناعة أو نفط
شعارنا حايك : ناكل مما نبلع ونلبس مما نقلع
|
Post: #3
Title: Re: صوتوا لمرشحكم عمر، رمز القرعة 🥙
Author: تماضر الطاهر
Date: 06-14-2018, 04:22 PM
Parent: #2
طبعاً ح اديك صوتي..ولو انه الايام دي مقروش
،
كيفك يا زعيم؟؟؟
|
Post: #4
Title: Re: صوتوا لمرشحكم عمر، رمز القرعة 🥙
Author: عمر التاج
Date: 06-14-2018, 07:35 PM
Parent: #3
بسم الله بدينا جمع الاصوات
وصوتك يا تماضر كان مقروش وكان بي قروش
حانشيلو ما دام طريقنا مفروش و معانا قوش..
قولوا واحد في عين العدو...
فضلن 49 مليون و999 الف صوت بس، حسب آخر تعداد للشعب الفضل.
وبمناسبة قوش يا رفيقة.. نحن حا ناخد كم وزير من الحكومة الحالية
من أعمق وزراهم يوصلوا معانا.. على رأسهم بتاع الأمن وبتاع القروش..
اها.. الركاب ده بي ميزانيتو البتعتمد على الدعم الخارجي بنسبة 99%
حايكون أنجح وزير قرعة في حكومتنا..
وانت زاتك تنفعي وزيرة لوزارة اسمها (شاحد ربي يدونا كل زيارة)
وكل عام وانت وكل ( الحكومة) بخير
|
Post: #5
Title: Re: صوتوا لمرشحكم عمر، رمز القرعة 🥙
Author: عمر التاج
Date: 06-15-2018, 12:28 PM
قرأت أخبار اليوم في الصحف
خمسطاشر خبر مافيهاش غير سطاشر خبر عن الشحدة:
1/السعودية تتعهد بإنفاذ برنامج اقتصادي في السودان على نمط تمويل الاردن.
2/بكرى يطلع علي جهود المنظمة العربية للزراعة.
3/ وزارة المالية تستلم 10 آلاف طن قمح منحة من تركيا.
4/مبعوث رئيس الجمهورية يلتقي رئيس الوزراء الإثيوبي.
5/وزير الدفاع يستقبل السفير القطري بالخرطوم.
6/ البشير يجتمع بولي العهد محمد بن سلمان وتعهد سعودي بانفاذ برنامج اقتصادي في السودان .
7/ السعودية تتعهد بانفاذ برنامج اقتصادى فى السودان
8/ البشير يعود الي البلاد بعد ادائه العمرة(تقرأ احيانا بفتح العين)
9/ البشير يلتقي الملك سلمان بمكة المكرمة
10/ وزير الخارجية يسلم رسالة البشير إلى أبي أحمد
11/السودان يتسلم منحة تركية من القمح ويترقب وصول 15 ألف طن جازولين.
12/ تمويل سعودي عاجل لمشروعات إنتاجية بالسودان
13/ اتفاقية للتعاون والتدريب العسكري بين السودان وتركيا
14/ منحة تركية من القمح وترقب وصول 15 ألف طن جازولين
15/ النعيمي: وزارة الدفاع سهلت مهمة الدوحة للإعمار بالسودان
16/ ديوان الزكاة يتفقّد أسرة تسكن بـ"مقابر أم دوم"
.
.
دي الأخبار ولا (بلاش)
هذا وكل عام وانتم بخير.
|
Post: #6
Title: Re: صوتوا لمرشحكم عمر، رمز القرعة 🥙
Author: عمر التاج
Date: 06-15-2018, 03:46 PM
Parent: #5
أجمل مافي البلد دي _بعد ما افوز _ معارضيها
لما الرئيس يمشي يشحد وما يدوهو بيفرحوا
معارضة لقطة والله أنفع بجدارة اكون رئيس بلدها
عشان لما يدوني برضو افرحهم.
|
Post: #7
Title: Re: صوتوا لمرشحكم عمر، رمز القرعة 🥙
Author: عبداللطيف حسن علي
Date: 06-16-2018, 10:51 AM
Parent: #6
ورمزي الانتخابي هو القرعة
ــــــــــــــــــ
وين الصور يا عثمان موسي 
في ناس فاكرينها قرعة الدوري الممتاز
|
Post: #8
Title: Re: صوتوا لمرشحكم عمر، رمز القرعة 🥙
Author: تماضر الطاهر
Date: 06-16-2018, 01:06 PM
طبعاً تاني حكاية صديقي واخوي وعارف يا عمر دي ما بتنفع
،
ح اتجول بين يا زعيم ويا ريس وحضرتك وسيادتك ومعاليك و...
،
أنا عايزة اكون وزيرة واحد في الاتنين يا الثقافة يا الزراعة..ولو اني ما عارفة شحرة القرع - رمزنا القومي- اسمها العلمي شنو.
المهم انا معاك وسير سير واي شي.
،
شاحدة ربي تبقى رئيس جد جد
|
Post: #9
Title: Re: صوتوا لمرشحكم عمر، رمز القرعة 🥙
Author: عمر التاج
Date: 06-16-2018, 05:04 PM
Parent: #8
سلامات اخ عبد اللطيف
| Quote: في ناس فاكرينها قرعة الدوري الممتاز |
السياسيون لايهتمون بتشكيل الكلمات ولا وجدان الشعوب
إنما ينصب كل جهدهم في تشكيل الحكومات
ثم إن المنافسة الرياضية جزء من السياسية والكأس واحد
فمرحباً بجمهور الرياضة مصوتا لعمر
أمنت لما وفرت الكرة لهم *** فنام الشعب نومة أهل الكهف هانيها
كده ضمنا 12 مليون صوت.. ومازلنا في السكة نمد اكياس الفلوس
.
.
.
بالمناسبة.. الصورة في عنوان البوست لو شاهدتها من ايفون أو جلكسي فوق ال 8 أو هواوي 10؛ حاتظهر ليك صورة قرعة محترمة؛ وماعدا ذلك تتشكل حسب نوع جهازك الفني والسياسي ونيتك في التصويت.
|
Post: #10
Title: Re: صوتوا لمرشحكم عمر، رمز القرعة 🥙
Author: عمر التاج
Date: 06-16-2018, 05:51 PM
Parent: #9
Quote:
طبعاً تاني حكاية صديقي واخوي وعارف يا عمر دي ما بتنفع
،
ح اتجول بين يا زعيم ويا ريس وحضرتك وسيادتك ومعاليك و...
،
أنا عايزة اكون وزيرة واحد في الاتنين يا الثقافة يا الزراعة..ولو اني ما عارفة شحرة القرع - رمزنا القومي- اسمها العلمي شنو.
المهم انا معاك وسير سير واي شي.
،
شاحدة ربي تبقى رئيس جد جد |
انت كده كبيرة يا صاحبة السمو..
قولي ي (اخوي في الحكومة)
وانا بفهمها قبل ماتطير..
بخصوص الوزارة حا اديك الثقافة والزراعة والتعليم هوادة..
عشان ما عايزين نوسع الظل الإداري والحضاري ويحدث ترهل فكري
أهم حاجة وأول تكليف عايزين سريع قصيدة صريحة نجاري فيها شعار:
في سبيل القرعة قمنا.. نبتغي شحد الجميع
لا لشعب قد عملنا.. نحن للسف قطيع ،
فليعد للجيب مجده .. أو تنتهي العملة سريع.
وكذلك محتاجين اغنية حماسة على طريقة (النار بدارك شبت)
|
|