Post: #2 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-13-2018, 06:31 PM Parent: #1
اول مرة اسمع بكأس العالم كانت سنة ١٩٧٨ .. صغير جدا وما فاهم حاجة كل البتذكرو انو كل الناس كانت بتتكلم عن زول لعاب اسمو كمبس .. عرفت بعدها بزمن مين كمبس اجمل نسخة في نظري كانت نسخة ١٩٩٤ ، امريكا كانت رائعة بحق رغم السهر والويل الورتنا ليهو
سلامات يا عبد الله و كل عام وانت بخير... اها نوريك دوري التمنية! ؟ ألمانيا - اسبانيا - انكلترا - البرازيل - الأرجنتين - فرنسا - المكسيك - بلجيكا. بلجيكا هي الحصان الأسود هذا العام سوف تصل مراحل بعيدة. الكأس ألماني كالعادة. جهز القروش.
Post: #4 Title: Re: كاس العالم ..تنبؤات .. قصص .. انتيمات Author: عثمان الأمام Date: 06-13-2018, 06:49 PM Parent: #3
سلامات عبدالله
يا سفيان كأس العالم السنة دي ما بيطلع من فريقين لو المباريات مشت حسب منطق الكورة بدون مفاجاءات
بلجيكا والبرازيل
Post: #5 Title: Re: كاس العالم ..تنبؤات .. قصص .. انتيمات Author: جلالدونا Date: 06-13-2018, 06:59 PM Parent: #4
النهائى يا ايطاليا و النمسا يا مصر و السعودية انتهى
Post: #7 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-13-2018, 07:07 PM Parent: #5
اهلين سفيان ، وانت طيب ياخي ترشيحك مضروب ضرب غرائب الابل هههههههه اسبانيا بعد المشكلة بتاعة لوبيتيجي دي حكايتا اتلخبطت ، رغم انو كمية من ذوي الخبرة في منتخبا .. المكسيك وانجلترا ، لا ارشحها ، لكن بلجيكا عندها منتخب قوي جدا الارجنتين ممكن تاخد الكاس وممكن تطلع من دوري الستاشر ، منتخب يعتمد على لاعب واحد
Quote: نهائى يا ايطاليا و النمسا يا مصر و السعودية انتهى
نهائي إيطاليا و النمسا دا يا جلالدونا الا تشوفو في الحلم لأنهم زي ما انت عارف مافشين في الكأس دا. أما مصر و السعودية غايتو مافي شي بعيد على الله ههههههههه بس يلعبو محمد صلاح
Post: #11 Title: Re: كاس العالم ..تنبؤات .. قصص .. انتيمات Author: محمد حيدر المشرف Date: 06-13-2018, 07:30 PM Parent: #1
المانيا والبرازيل للفاينال مالم يتقاطعا قبل ذلك ..
.. بالنسبة ل ميسي فكاس العالم واردة ولا يمكن اغفال حقيقة ان ميسي بامكانه الفوز بها على غرار مارادونا وهو يستحق بطولة كبيرة ككاس العالم بعد غياب البطولات الكبيرة عنو بتسيد الريال لبطولة الاندية الاوروبية والعالم
Post: #12 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-13-2018, 07:37 PM Parent: #11
جلال ود الباوقة مساك خير لو قاصد انو البطل مفاجأة احييك غير كدة اكون طالبك تحية بس كان تختم المداخلة بي (وشكرا)
Post: #13 Title: Re: كاس العالم ..تنبؤات .. قصص .. انتيمات Author: usama Babiker Date: 06-13-2018, 09:15 PM Parent: #12
ماعارف لكن الجاهزية والتوقعات البرازيل الارجنتين ....
Post: #14 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-13-2018, 09:29 PM Parent: #13
Quote: قامت محطة "توك سبورت" الإذاعية البريطانية بإجراء اختبار على حاسوب تم تلقيمه بمعلومات حول المنتخبات المتأهلة لكأس العالم بالإضافة للمجموعات. . قامت الإذاعة البريطانية بتحميل الكمبيوتر بالعديد من المعلومات المتعلقة بالمجموعات والمنتخبات بالإضافة لمعلومات حولها. ليتوقع الكمبيوتر بأن يكون المنتخب المصري مفاجأة البطولة بتصدره لمجموعته على حساب الأوروغواي، قبل أن يتغلب منتخب الفراعنة على منتخب البرتغال في دور الـ16 بهدفين لهدف. ولتنتهي مسيرة المنتخب المصري في دور الثمانية بخسارة من المنتخب الفرنسي بثلاثة أهداف لهدف. كما توقع الكمبيوتر بأن يتوج المنتخب البرازيلي ببطولته السادسة بعد تغلبه على المنتخب الإسباني في النهائي بهدفين لهدف.
معقول مصر في دوري ال8؟
Post: #15 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-13-2018, 09:32 PM Parent: #14
اغنية نسخة 2010 اجمل اغنية
Post: #17 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-13-2018, 09:48 PM Parent: #15
من ينسى روجر ميلا صاحب اجمل قصة في نهائيات كاس العالم في نسخة 1990 ؟
Quote: The oldest scorer in FIFA World Cup™ history, Roger Milla was 38 when he illuminated Italy 1990 with his goals and dancing celebrations, inspiring Cameroon to break new ground for an African nation by reaching the last eight.
احرز خمسة اهداف حصل على ضربة جزاء (لم يسددها) وصنع هدفا رائعا افضل لاعب في نسخة 90 لو بحساب عدد الدقايق رشيق ، حريف ، ذكي ، قوي بدنيا رقم انه ليس ضخما
يا عبد الله إدريس ما تسمع كلام الكمبيوتر دا كلام فارغ ههههههه.
بداياتي مع كأس العالم على ما اذكر كانت في كأس 1982 كان كأس عجيب و البرازيل تيمه يطقطق لكن إيطاليا حسمته باولو روسي... و ألمانيا انطقت 2 إلى 1 من المغرب و كانت بطولة فيها نجوم كتيرة اذكر منهم ليتابارسكي من ألمانيا و شوماخر و فولر أندرياس بريمة و رومنيقا و البرازيل كل التيم كان نجوم و ايطاليا كذلك عدى باولو روسي الذي ظهر فجأة... تقريباً كل المنتخبات كانت تتلتل. كأس العالم 90 كان أول مرة أسمع فيها كلمة (جكس) و كنت عارف انها للبنات السموات المهم قاعد احضر في كورة طرفه البرازيل و معاي ناس ابوي و عدد من اعمامنا الجيران و شباب ندادتي كده المهم قلت اعلق بدون ما الحجاج ديل ينقشو حاجة قمته قلته البرازيل عندها جكس صاح ابوي قال لي :- عيبه انو بشتغل فقط من المدرجات.... فإذا بي انبهت.
Post: #19 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-13-2018, 10:05 PM Parent: #18
Quote: المانيا والبرازيل للفاينال مالم يتقاطعا قبل ذلك .. .. بالنسبة ل ميسي فكاس العالم واردة ولا يمكن اغفال حقيقة ان ميسي بامكانه الفوز بها على غرار مارادونا وهو يستحق بطولة كبيرة ككاس العالم بعد غياب البطولات الكبيرة عنو بتسيد الريال لبطولة الاندية الاوروبية والعالم
المشرف يا حبيب مرشحين بشدة المانيا والبرازيل لكنهم ليسو الاقوى ، بلجيكا في لحظة تجلي ممكن تشرشحهم الاتنين ، اسبانيا لو تجاوزت موضوع المدرب الشالوهو قبل يوم ده برضو مرشحة حتة عبقرية من ميسي ممكن تطير اي فريق ولو انو فريقو ما بشد ليهو ضهر
Post: #20 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-13-2018, 10:08 PM Parent: #18
Quote: ماعارف لكن الجاهزية والتوقعات البرازيل الارجنتين ....
اسامة اخبارك ياخي ، وينك ؟ الارجنتين دي فريق ميسي ، ما عندها اي حاجة تاني ، خط وسط ضعيف ودفاع متوسط وحارس مرمى احتياطي ليهو 5 سنة البرازيل منتخبا كويس
Post: #21 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-13-2018, 10:24 PM Parent: #20
Quote: يا عبد الله إدريس ما تسمع كلام الكمبيوتر دا كلام فارغ ههههههه. بداياتي مع كأس العالم على ما اذكر كانت في كأس 1982 كان كأس عجيب و البرازيل تيمه يطقطق لكن إيطاليا حسمته باولو روسي... و ألمانيا انطقت 2 إلى 1 من المغرب و كانت بطولة فيها نجوم كتيرة اذكر منهم ليتابارسكي من ألمانيا و شوماخر و فولر أندرياس بريمة و رومنيقا و البرازيل كل التيم كان نجوم و
عارف يا سفيان ، 82 و 86 ديل انا سمعت بيهم سمع ساي ، غايتو طقشو اضاني 78 كنا في عطبرة ، حصلت لينا "ردة حضارية كده " والاسرة رجعت الحلة (ودحامد) حيث لا كهربا ولا موية الصادق الككوية حتى ارسال تلفزيوني ذاتو ما كان بصلنا ، تسمع عالم الرياضة والباقي تتمو خيال ، واحد صاحبي سافر الخرتوم وجا حكا لي مباراة الارجنتين وانجلترا بتاعة 86 ديك بطريقة حكي الافلام الهندية زمان علي اليمين تقول حضرتها لايف خليني اجيك بترشيحاتي بكرة ، عايزة ليها قعدة دي اما فيما يختص بترشيحاتك "الزمبعورية " هذه ، فوالله ما تقطعك قوزن اخدر ..
Post: #22 Title: Re: كاس العالم ..تنبؤات .. قصص .. انتيمات Author: Ahmed Khalil Date: 06-13-2018, 11:01 PM Parent: #21
دور الأربعة
البرازيل v المانيا فرنسا او اسبانيا v الأرجنتين
Post: #23 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-13-2018, 11:40 PM Parent: #21
في نظري اقوى 6 منتخبات هي : المانيا : ابرز اللاعبين : كيميتش - هوميلز - نوير - كروس - خضيرة - اوزيل - دراكسلر - مولر - رويس - غروتسكا بالاضافة للحارس نوير فرنسا : ابرز اللاعبين : لوريس الحارس - فاران - اومتيتي - بوغبا - كانتي - غريزمان - مبابي - نبيل فقير اسبانيا : ابرز اللاعبين : الحارس دي خيا -راموس - بيكيه - سيلفا - انيستا -البا - بوسكيتس - ايسكو ، اتوقع ان يكون المهاجم اياغو اسباس مفاجأة الفريق بلجيكا : ابرز اللاعبين :كورتوا - فيرتونخين -الدرفيلد - هازارد - دي بروين - لوكاكو - كومباني - نصر شاذلي البرازيل :ابرز اللاعبين : مارسيلو - تياغو سيلفا - كاسيميرو - فرناندينهو -باولينهو - كوتينهو - وليان - نيمار كرواتيا : ابرز اللاعبين : فرساليكو - لوفرين -راكيتيتش - مودريتش-ماتيو كوفاسيتش-كراماريتش-بروزوفيتش-مانزوكيتش بعدها هنالك منتخبات الصف الثاني انجلترا -الارجنتين - الاورغواي - البرتغال وهي تمتلك منتخبات غير متوازنة ، يعني تلقا الهجوم نار والدفاع مواسير او الوسط ضعيف وهكذا لكن يبرز منتخبا فرنسا والمانيا كأكثر المنتخبات توازنا وتكاملا في كل الخطوط
Post: #24 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-13-2018, 11:47 PM Parent: #23
Quote: دور الأربعة
البرازيل v المانيا فرنسا او اسبانيا v الأرجنتين
احمد خليل - مساك عافية باستثناء الارجنتين ، الاربعة الباقيين هم الاقوى انا بشجع الارجنتين من بدري وبتمنى تفوز لاكين الفريق الحالي ده معظمو مواسير ساي ، الوسط بتاعهم صفر كبير والدفاع محدود القدرات والحارس راكوبة
Post: #26 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-13-2018, 11:55 PM Parent: #24
Quote: كشف علماء نمساويون السبب الذي يدعو للمراهنة لصالح البرازيل أو ألمانيا في كأس العالم 2018. ويعد الفريقان أفضل المرشحين للفوز بالبطولة التي ستُقام في روسيا، وفقا لملايين الحسابات التي تعتمد على مئات المراهنات. وقال الخبراء إنه في الوقت الذي تحقق فيه البرازيل نسبة 16.6% من احتمال الفوز باللقب، فإن ألمانيا (حامل اللقب) تأتي في المرتبة الثانية بنسبة 15.8%. ونجح فريق البحث في توقع العديد من النتائج المباريات في الماضي، ومن بينها توقع فوز إسبانيا ببطولة كأس العالم 2010، و3 من أصل 4 في الدور نصف النهائي في كأس العالم 2014 بالبرازيل. وجمع الباحثون في جامعة Innsbruck بالنمسا احتمالات 26 شركة مراهنات عبر الإنترنت، وقارنوها مع مجموعة معقدة من النماذج الإحصائية. وباستخدام هذه الحسابات لمحاكاة جميع الألعاب والنتائج الممكنة، ظهرت البرازيل وألمانيا في القمة، ليتفوق المنتخبان على الفرق الأخرى جميعها. وقال البروفيسور أكيم زيليس، المشارك في الدراسة إن "المباراة النهائية الأكثر احتمالا بنسبة 5.5% ستكون أيضا بين هذين الفريقين، ما يمنح البرازيل فرصة للتعويض عن نصف النهائي الدرامي في عام 2014". وعلى الرغم من احتمال أن تكون المباراة النهائية في العاصمة الروسية موسكو بين ألمانيا والبرازيل، إلا أن النماذج لم تكن قادرة على التنبؤ بالفريق الذي سينال كأس العالم للعام 2018. ويصل احتمال فوز البرازيل بالنهائي ضد ألمانيا إلى نسبة 50.6%، وهو ما يجعل الفرصة متاحة أمام حامل اللقب بنسبة 49.4% في المباراة النهائية.وسمح هذا النموذج بمحاكاة الاحتمالات في المباراة النهائية، وتبين أن فريقين آخرين يتمتعان بفرصة جيدة للفوز: إسبانيا (12.5%) وفرنسا (12.1%). ومن المرجح أن تلعب البرازيل في الدور نصف النهائي مقابل فرنسا بنسبة 9.4%، وألمانيا مقابل إسبانيا بنسبة 9.2%. واعتبر كل من البرازيل وألمانيا الفائزين الأكثر احتمالا بهذه المباريات. وتم اختيار إنجلترا في المركز السابع للفوز المحتمل بنسبة 4.9%. وبلغت نسبة احتمال وصول منتخب روسيا إلى دور الثمانية 28.9%، إلا أن فرص فوزه في البطولة كانت 2.1% فقط. واستخدم الباحثون هذه الاحتمالات كقاعدة بعد تعديلها حسب احتمالات شركات السجلات، التي تم اقتباسها من هوامش الربح. وأوضح البروفيسور زيليس، أن النموذج يتميز بقدرته على تقدير الاحتمالات الإجمالية للفوز بشكل مباشر لكل فريق، بينما يشير أيضا إلى احتمال "البقاء" على مدار البطولة. ومع ذلك يقول: "نحن بعيدون عن تحديد توقعات معينة 100%".يذكر أنه خلال يورو 2016، توقع فريق البحث أن الدولة المضيفة، فرنسا، ستهزم ألمانيا في الدور نصف النهائي، ثم تستمر للفوز بالبطولة. وسجل المهاجم الفرنسي، أندريه بيير غيغناس، هدفا في الوقت المحتسب بدل الضائع، والذي كان من الممكن أن يفوز به في المباراة، ولكن في النهاية تمكن منتخب البرتغال من تحقيق الفوز في الوقت الإضافي.
دراسة نمساوية تتنبأ بفوز البرازيل بالبطولة ووصول المانيا للنهائي
Post: #29 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-14-2018, 00:51 AM Parent: #21
Quote: عارف يا سفيان ، 82 و 86 ديل انا سمعت بيهم سمع ساي ، غايتو طقشو اضاني 78 كنا في عطبرة ، حصلت لينا "ردة حضارية كده " والاسرة رجعت الحلة (ودحامد) حيث لا كهربا ولا موية الصادق الككوية حتى ارسال تلفزيوني ذاتو ما كان بصلنا ، تسمع عالم الرياضة والباقي تتمو خيال ، واحد صاحبي سافر الخرتوم وجا حكا لي مباراة الارجنتين وانجلترا بتاعة 86 ديك بطريقة حكي الافلام الهندية زمان علي اليمين تقول حضرتها لايف خليني اجيك بترشيحاتي بكرة ، عايزة ليها قعدة دي اما فيما يختص بترشيحاتك "الزمبعورية " هذه ، فوالله ما تقطعك قوزن اخدر ..
يا عبد الله إدريس و الله أقلاها انا كنت حاسب ليك تكون دفعة مؤلانا (المعز طه) بس طلعته صغيروني دفعة (هشام طه) ههههههههههه ههههههه
كدي تعال بي ترشيحاتك
Post: #25 Title: Re: كاس العالم ..تنبؤات .. قصص .. انتيمات Author: محمد حيدر المشرف Date: 06-13-2018, 11:50 PM Parent: #1
تعرف يا عبدالله ! ذكريات الواحد مع كأس العالم غير مرتبطة فقط بالمستويات الفنية والأجواء الخ .. بل هي مرتبطة, كذلك, بنوستالجياتك الخاصة ..
بالو روسي 82 الذي أبكانا قبل صياح الديك ثلاثا كان عمري 10 سنوات .. برازيليون حتى النخاع وبعضنا يشجع الارجنتين .. كنا كلنا في الحلة بنتلمى ونحضر كاس العالم مع بعض (ايام اتحاد الاذاعات العربية الم تخني الذاكرة) ..
ومع برازيليتني .. كان مغرما بلاعب يعد مغمورا نوعا ما .. آرديليس صاحب القميص رقم 1 .. وكنت اقلده لفترة من الزمان .. حتى الرقم ..
اذكر ان صديقا لي اصر على ان يكون رقمه عند طبع فنايل التيم هو الرقم 1 ونص :)
المهم ذكريات كاس العالم في الواقع هي ذكرياتي الخاصة بازمنة داخلية جواك .. او شيء قريب من هذا القبيل على اية حال نتابع بشغف و (نطبق) في الميدان مباشرة ..
Post: #27 Title: Re: كاس العالم ..تنبؤات .. قصص .. انتيمات Author: محمد على طه الملك Date: 06-14-2018, 00:13 AM Parent: #25
سلامات عبدالله وزواره الكرام .. كل عام وأنتم بخير .. طبعا فريق بلدنا ركب التونسية من عصرا بدري هههه .. أظرف حاجة لما جابو أحد أشهر المدربين (غوس هيدينك ).. الزول دا قاد منتخب كوريا الجنوبية من كرة الشراب حتى الدور قبل النهائي في بطولة كأس العالم عام 2002 .. جاء وقف عاين ليهم ورجع قال ليهم دا ما الفريق البضيع معاه سمعتي .. أها من ديك الجماعة قالوا ستر الميت دفنه ودفنو من سكات .. هسه بقيت محتار أصوت لياتو من الجيران ألمانيا ولّ بلجيكا .. غايتو أنا قلبي مع بلجيكا وسيفي مع المانيا.. لكين كان التصويت سري بدى البرازيل والكاين يكون.
Post: #28 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-14-2018, 00:47 AM Parent: #27
روبيرتو باجيو ملك كاس العالم 94
Post: #30 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-14-2018, 01:15 AM Parent: #28
Quote: ذكريات الواحد مع كأس العالم غير مرتبطة فقط بالمستويات الفنية والأجواء الخ .. بل هي مرتبطة, كذلك, بنوستالجياتك الخاصة .. ذكريات الواحد مع كأس العالم غير مرتبطة فقط بالمستويات الفنية والأجواء الخ .. بل هي مرتبطة, كذلك, بنوستالجياتك الخاصة .. الو روسي 82 الذي أبكانا قبل صياح الديك ثلاثا
بالتأكيد اجمل حاجة زمان هي اللمة بتاعة التشجيع ، التلفزيونات قليلة (في الاقاليم طبعا )، قبل عصر مقطوع الطاري بلاتر طبعا ، ايام اتحاد اذاعات الدول العربية والملح كنت بشجع ارجنتين مارادونا وهولندا ايام جوليت و فان باستن وكومان يا سلااااااام ياخ ، لينكر وبول غاسكوين في انجلترا ، بصراحة فترة التمانينات والتسعينات كان فيها نجوم كمية مش زي اسي ميسي - رونالدو وبالعكس باولوروسي ده يا مشرف فكوهو ليكم من السجن مخصوص ، كان ما عمل كده كان رجعوهو السجن تاني
Post: #31 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-14-2018, 01:33 AM Parent: #30
Quote: سلامات عبدالله وزواره الكرام .. كل عام وأنتم بخير .. طبعا فريق بلدنا ركب التونسية من عصرا بدري هههه .. أظرف حاجة لما جابو أحد أشهر المدربين (غوس هيدينك ).. الزول دا قاد منتخب كوريا الجنوبية من كرة الشراب حتى الدور قبل النهائي في بطولة كأس العالم عام 2002 .. جاء وقف عاين ليهم ورجع قال ليهم دا ما الفريق البضيع معاه سمعتي .. أها من ديك الجماعة قالوا ستر الميت دفنه ودفنو من سكات ..هسه بقيت محتار أصوت لياتو من الجيران ألمانيا ولّ بلجيكا ..غايتو أنا قلبي مع بلجيكا وسيفي مع المانيا..لكين كان التصويت سري بدى البرازيل والكاين يكون.
مولانا الملك كل سنة وانت طيب مرة كده بداية الالفية بنشاهد في كورة كده طرفا الهلال ، قام خالي سألنا : مدرب الهلال الاجنبي ده راتبو كم ؟ واحد رد ليهو الفين دولار او مبلغ زي ده ، خالنا قال ليهو علي الطلاق ابو الفين دولار ده لا مدرب ولا الله قال ، ده زول محمول ساي تقول لي غوس هيدنك ؟ دي نوعية المدربين بتاعيننا ، ناس محمولين ساي ، او كما قال .. لاكين بيني وبينك كده شجع بلجيكا ، ممتعين والله ، والجار اولى بالمعروف
Post: #32 Title: Re: كاس العالم ..تنبؤات .. قصص .. انتيمات Author: محمد صديق عبد الله Date: 06-14-2018, 03:05 AM Parent: #31
سلام عبد الله إدريس وضيوفك، وكل كأس عالم وأنتم بخير.
زيك بتذكر كاس العالم 1978 طشاش طشاش لكن كمبس هو من أتذكر من ذلك المونديال.
أما كأس العالم 1982، فبتذكره تمامًا. كان في رمضان وكنت وما زلت بشجع ألمانيا اللي كانت وقتها (ألمانيا الغربية)، ربما لأننا جيل تأثر بعرض مباريات الدوري الألماني (مسجلة) في ذلك الوقت في مباراة الأسبوع في عالم الرياضة مع الأستاذين مأمون الطاهر وعلي الريح. وتصحيحًا لمعلومة الأخ سفيان، الجزائر هي من فازت على ألمانيا في ذلك المونديال ورغم ذلك وصلت ألمانيا للنهائي مع إيطاليا وتجرعنا هزيمة نكراء بثلاثية مقابل هدف وحيد لألمانيا أحرزه بول برايتنر. وبتذكر في الكأس داك طردوا مارادونا، وبتذكر دخول رمنيغه وتعديله لهزيمة ألمانيا لنصر كبير في مباراة مشهورة لعلها من أمتع مباريات كاس العالم.
أي كأس عالم بعد 82 بتذكره تمامًا، لكن مونديال 1990 حضرته من المدرجات عديل وكان ممتعًا جدًا، وكنت مواظبًا على حضور تجمعات مشجعي البرازيل وحفلاتهم الموسيقية في ساحات مدينة تورينو. بس ما تقول الزول ده كبير. أنا ممكن أصغر من ود المشرف بشوية وأظنك يا عبد الله إدريس قريب من العمر ده. الصورة الجاية التقطتها بكاميرتي من داخل إستاد ألبي بمدينة تورينو في مباراة من مباريات البرازيل في ذلك المونديال.
تحياتي.
Post: #33 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-14-2018, 04:08 AM Parent: #28
ملك لكن ضيعهم.. يا ود المشرف كابتن لطيف ياخ
Post: #34 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-14-2018, 06:15 AM Parent: #33
شكراً يا محمد صديق على التصحيح فعلاً هم الجزائر تحديداً رباح مادجير و الأخضر بلومي هم الاحرزو الأهداف.... عارف الجاطني معاي واحد صاحبي مغربي وانا بكتب هو جايط و ينبذ في الدول العربية عشان وقفت ضد ملف المغرب لاستضافة كأس العالم هههههههه
Post: #35 Title: Re: كاس العالم ..تنبؤات .. قصص .. انتيمات Author: حمد عبد الغفار عمر Date: 06-14-2018, 10:42 AM Parent: #34
سلام عبدالله وضيوفك اتوقع المنتخب التونسي يمشي كويس في المنافسة وقد يحقق مفاجأة
الادلة الواضحة بتقول الكاس بين البرازيل والارجنتين والمانيا يا مشرف ارديليس دا اكتر لاعب كرة انيق ورشيق في الملعب على مر التاريخ وما تنسى هدف فالكاو في ايطاليا من خارج الخط
Post: #36 Title: Re: كاس العالم ..تنبؤات .. قصص .. انتيمات Author: حمد عبد الغفار عمر Date: 06-14-2018, 12:30 PM Parent: #35
للتذكير
قناة بي إن سبورت المفتوحة قد تنقل حفل ومباراة الافتتاح
Post: #37 Title: Re: كاس العالم ..تنبؤات .. قصص .. انتيمات Author: Faisal Saad Date: 06-14-2018, 02:19 PM Parent: #36
السلام و التحايا للجميع.. كأس العالم هذا العام سيذهب لأمريكا الجنوبية أن شاء الله..
Post: #38 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-14-2018, 06:14 PM Parent: #37
Quote: أي كأس عالم بعد 82 بتذكره تمامًا، لكن مونديال 1990 حضرته من المدرجات عديل وكان ممتعًا جدًا، وكنت مواظبًا على حضور تجمعات مشجعي البرازيل وحفلاتهم الموسيقية في ساحات مدينة تورينو. بس ما تقول الزول ده كبير. أنا ممكن أصغر من ود المشرف بشوية وأظنك يا عبد الله إدريس قريب من العمر ده. الصورة الجاية التقطتها بكاميرتي من داخل إستاد ألبي بمدينة تورينو في مباراة من مباريات
مرحبا دكتور ، وانت ووليداتك طيبين بالله يا محمد صديق حضرت نسخة 90 في المدرجات ؟ وشفت مارادونا وباجيو وفان باستن شوف عين عديل كده ؟ you really don't belong here ههههههه والله حقو الزول يطردك من البوست ده حقد طبقي ساي كده انا والمشرف اولاد 72 ، امبارح حقدت على المشرف وسفيان اولاد البندر قاشرين لينا بمونديال 82 نحن يعمينا فيهو ، الليلة حاقول ليهم قومو لفو الناس حضروهو في المدرجات ..
Post: #39 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-14-2018, 06:20 PM Parent: #38
Quote: سلام عبدالله وضيوفك اتوقع المنتخب التونسي يمشي كويس في المنافسة وقد يحقق مفاجأة
حمد يا فنان .. احوالك ما عندهم عوجة ، لاكين العرب ديل ما بشدو ليهم ضهر ، قبل شوية السعودية طلعت بفضيحة انا شايف السنغال ونيجيريا حيعملوا مشاكل لاي فريق يقابلهم وممكن تطلع منهم مفاجأة
Post: #40 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-14-2018, 06:25 PM Parent: #39
Quote: السلام و التحايا للجميع.. كأس العالم هذا العام سيذهب لأمريكا الجنوبية أن شاء الله..
مرحبا فيصل يا ريت بس ما يمشي للبرازيل ولا الاورغواي بس "الغرينغوس" ما حيدوهم فرقة
يا عبد الله إدريس انا لو وريتك الحضرتهم لايف و من المدرجات ح تنوفي و فيت ههههه
Post: #41 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-14-2018, 06:27 PM Parent: #37
Quote: يا عبد الله إدريس و الله أقلاها انا كنت حاسب ليك تكون دفعة مؤلانا (المعز طه) بس طلعته صغيروني دفعة (هشام طه) ههههههههههه ههههههه
سفيان الناس "القصار" ديل بتعرفهم من وين ؟ معز ده فردة قديمة ياخ والدفعة القدامنا طوالي ، بس هشام ده صغير
Post: #43 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-14-2018, 06:35 PM Parent: #41
Quote: يا عبد الله إدريس انا لو وريتك الحضرتهم لايف و من المدرجات ح تنوفي و فيت ههههه
يا زول هوي ولله اسي نقص دربا تطلع كلها طلال الساتة و عوضية عذاب و"ما في حكمهما " .. شوف يا حبيب حضوركاس العالم 90 من المدرجات بتاعة محمد صديق دي تعادل "نص حجة " عديل كده .. وانا مسئول من الفتوى دي
Post: #44 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-14-2018, 06:39 PM Parent: #43
الافتتاح .. روسيا تصعق السعودية بخماسية * مباراة مملة ، رتيبة ، ضعيفة فنيا * المنتخب السعودي منتخب ضعيف الشخصية وبلا روح وبلا اي حاجة * الروس ملوك الملل في كرة القدم ، بعد كده يحاولو يطلعوا بتعادلات بس من المباريات الجاية وانشاء الله حيقرفونا في دور ال16 * اتوقع تأهل روسيا والاورغواي
Post: #45 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-14-2018, 07:14 PM Parent: #44
عبدالله ادريس وضيوفه كل عام وانتم بخير كاس العالم خلال النسختين الاخيرتين لم يقدم نجم كبير كما في السابق مثال باولو روسي ، رومنقه ، ماردونا ، رونالدو يبدو ان الاعتماد على التكتيك العالي اصبح طاغي على اللعبه لذا لا تلمح اللاعب الخارق هذا العام لا اتوقع مفاجات ولا بطل جديد ح ارجع بالترشيحات كامله
Quote: يا زول هوي ولله اسي نقص دربا تطلع كلها طلال الساتة و عوضية عذاب و"ما في حكمهما " .. شوف يا حبيب حضوركاس العالم 90 من المدرجات بتاعة محمد صديق دي تعادل "نص حجة " عديل كده .. وانا مسئول من الفتوى دي
اها اديك من الساهلات حضرته ليك عدد واحد كلاسيكو في السنة الفاتت و حضرته برشلونة و مانشستر سيتي السنة الفاتت... اديك التقيل!؟
Post: #47 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-14-2018, 07:28 PM Parent: #46
مباريات دوري ال16 حسب توقعاتي للفرق الصاعده اورقواي x البرتغال اسبانيا x روسيا فرنسا x نيجريا الارجنتين x بيرو بلجيكا x السنغال كلومبيا x بريطانيا المانيا x صربيا البرازيل x المكسيك
Post: #48 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-14-2018, 07:31 PM Parent: #47
مباريات دوري ال 8 حسب توقعي للمنتخبات الصاعده فرنسا x البرتغال البرازيل x بلجيكا اسبانيا x الارجنتين المانيا x انجلترا
Post: #49 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-14-2018, 07:33 PM Parent: #48
مباريات ربع النهائي البرازيل x فرنسا اسبانيا x المانيا
النهائي البرازيل x اسبانيا
البرازيل بطل العالم 2018 للمره السادسه
Post: #50 Title: Re: كاس العالم ..تنبؤات .. قصص .. انتيمات Author: قسم الفضيل مضوي محمد Date: 06-14-2018, 08:28 PM Parent: #49
Quote: ناس فرقة تيراب في كأس العالم 2006 سألوا (حاجة) بتبيع زلابية ... انتي يا خالة ح تشجعي يا تو فريق في كأس العالم ؟؟؟ الحاجة قالت ليهم : ح أشجع استراليا ... قالوا ليها : ليه ؟؟؟ قالت ليهم : لأن عندهم الدقيق الاسترالي والدقيق الاسترالي برمي لقيمات كتيرة ... :):):) . . أنا مع أُمنا الحاجة دي ... بشجع استراليا حتى لو طارت من الدور الأول :)
يا علي محمد الفكي و الله انت معلم بس طلع البرتقال و دخل بدله المكسيك و النهائي الكأس ألماني
Post: #52 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-14-2018, 09:10 PM Parent: #50
المغفور له : المنتخب الايطالي المشارك في نسخة 2002 (Squadra Azzura) يغني اغنية azzuro للمخضرم ادريانو شيلينتانو الكورس اداء عالي جدا تقول فنانين ما لاعبين كورة افتقدناهم هذه النسخة
Post: #55 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-14-2018, 09:25 PM Parent: #52
Quote: كاس العالم خلال النسختين الاخيرتين لم يقدم نجم كبير كما في السابق مثال باولو روسي ، رومنقه ، ماردونا ، رونالدو
مرحبا علي ، كل سنة وانت طيب ياخ الكورة بوظتا المدارس وتطبيق الاسلوب العلمي المبالغ فيهو ده ، المدارس بقت كانها مصانع بتاعة لاعبين روبوتات مافي الحرفنة وشغل الشوارع داك ، وين ياخ ايام بجيبو ليك ليتبارسكي او مارادونا قبل المباراة يشتغل شوية فري ستايل فترة التمانينات والتسعينات كان فيها نجوم كتيرين جدا ومتعة حقيقية ، اسي الموضوع بقا خطط ولياقة بدنية اسي عليك الله الكورة السخيفة اللعبتا روسيا قبيل دي كورة 5 اهداف ؟ بالنسبة للترشيحات ، بختلف معاك في حاجة واحدة وهي كرواتيا ، اعتقد بتستحق تقييم اعلي
Quote: سفيان القرعه وضعت المكسيك لي حظها العاثر في طريق البرازيل في دوري ال 16 فمافي ليها طريقه نوهائي
بالله انا نسيت القصة دي كلو كلو.. معناها خلاص كرواتيا في دوري الثمانية وليس البرتقال
Post: #56 Title: Re: كاس العالم ..تنبؤات .. قصص .. انتيمات Author: محمد أبوجودة Date: 06-14-2018, 09:35 PM Parent: #53
أخونا عبدالله إدريس، وضيوفه الكرويين، سلام
وعيد سعيد .. وكل عام وأنتم بخير ..
وشدّما استغربتُ له، أنّ لك في اكككووورة كمان
فذكرتُ بيتَ زُهير، في حوليّاِتِه:
سفاهُ الشيخ لا حِــلم بعده ،،، وإنّ الشباب بعد السفاهةِ يحلمِ ..!
وربما أضيف له:
ومَنْ لم يُعافِر في كأس العالم ،،، يكن ذنبه على جنبه فيندمِ
بالطبع، لن تفهم من مداخلتي دي، أني ألومَك أو ألومني! ولكن "بيني بينك" حكاية الانمياع البطّال في الكورة بالطريقة دي، ونحنُ في طيّ هذه الحتوف العنوف! شيءٌ سيُدخلنا - شـِئنا أم أبينا - في قولٍ أثير من أمثالنا الشعبية في القرن التاسع عشر!
الناس x شــنو وال سودانيون x شــنو
ـــــــــــــــــ مع التحايا للربع الذي انماع وَ "زهر الرياض" في "خدورو" ماح .. يتهادى في الساحة "أم سماح" شايــقني .. طبعو ال جِماح
Post: #57 Title: Re: كاس العالم ..تنبؤات .. قصص .. انتيمات Author: محمد أبوجودة Date: 06-14-2018, 09:41 PM Parent: #56
وإلحاقاً لمداخلتي، فقد وددتُّ والله، أن يكتب لنا "أحدهم" عن هذا البرنامج الدعائي الكبير للسودان البلد "المأزوم" بهم وبآلِهم!
واسمه: ( أرض السُّـمُـر) ..؟!
ــــــــــــــــــــــــــــــــ باقيلك في طريقة كتابة عن (أرض السُّمُر) بعد هذا الانمياع ذو الشعاع اللمّاع؟
Post: #58 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-14-2018, 10:06 PM Parent: #57
قسم بتاع الزلابية كل سنة وانت طيب كانت من الفرق المفضلة لي ايام لينكر وغاسكوين وهودل ، لكنها طالما اورثتني الخيبة .. مفنوسين الانجليز هجومهم كاسح لكن الباقي يعني نص نص
Post: #59 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-14-2018, 10:17 PM Parent: #58
Quote: سفاهُ الشيخ لا حِــلم بعده ،،، وإنّ الشباب بعد السفاهةِ يحلمِ ..!
عمت مساءََ يا اباجودة شنو يا بوجودة ياخ شاديها كده عموما حسب عجز البيت في أمل
نسوي شنو ياخ الفقر ملحوق دي مناسبة بتجي كل 4 سنة موضوع ارض السمر ده خلي السمر يتأهلوا لي كاس العالم اول شي الكتابة هينة
Post: #60 Title: Re: كاس العالم ..تنبؤات .. قصص .. انتيمات Author: محمد صديق عبد الله Date: 06-14-2018, 10:34 PM Parent: #59
سلام عبدالله.
معليش، ما عارف شنو اللي خلاني أفتكر إنه ود المشرف مولود 1970 رغم إني شفت بروفايله قبل فترة. للتصحيح بعد توضيحك، أنا أكبر منكما بسنة. أما موضوع حضوري لكأس العالم، فسببه مرضة مزمنة بالكورة من زمان، والحمد لله إنه حب الكورة من الحلال الذي يخفف علينا رهق الحياة وينسينا القبح اللي مالي الدنيا هذه الأيام. بعدين مافي طبقية ولا حاجة، أنا قروي حتى النخاع من الأقاليم. صحيح نشأت وترعرت في البندر، لكن حتى في البندر أنا من أطراف المدينة، وبالتحديد الكلاكلات.
سفاهُ الشيخ لا حِــلم بعده ،،، وإنّ الشباب بعد السفاهةِ يحلمِ ..!
وربما أضيف له:
ومَنْ لم يُعافِر في كأس العالم ،،، يكن ذنبه على جنبه فيندمِ
بالطبع، لن تفهم من مداخلتي دي، أني ألومَك أو ألومني! ولكن "بيني بينك" حكاية الانمياع البطّال في الكورة بالطريقة دي، ونحنُ في طيّ هذه الحتوف العنوف! شيءٌ سيُدخلنا - شـِئنا أم أبينا - في قولٍ أثير من أمثالنا الشعبية في القرن التاسع عشر!
الناس x شــنو وال سودانيون x شــنو
السلام عليكم أخونا محمد أبو جودة... إنت تعيب علينا تعاطينا أمر الكرة يا صديق!؟ تمهل يا عزيزي فكلنا طي ذات حتوفك.
Post: #65 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-15-2018, 08:45 PM Parent: #60
لا يا رجل بتونس ونهذر ساي .. يا محمد صديق الكلاكلة دي ذاتا اقاليم ، بس الخرطوم هي المشت ليها ههههههها الكورة فن راقي لمن ما يكون في تعصب زايد زيها وزي المزيكا والمسرح ، او هكذا اراها ..
Post: #63 Title: Re: كاس العالم ..تنبؤات .. قصص .. انتيمات Author: محمد حيدر المشرف Date: 06-15-2018, 11:02 AM Parent: #1
أمك رشاهم ..
هههههههههههه ابوجوده رشى سفيان وعبدالله ادريس
كابتن لطيف يا سفيان وارديلس يا حمد .. ومباريات الجمعة المسجلة من الدوري الالماني .. ناس ليتبارسكي ياخ .. وكارك هانز رومنيجه ..
يا سلاااام ..
وذلك الزمان اللمختوم في جواك ..
المهم وفي أمر حبيبنا ابوجودة(أحد الثوريين). وان كان الرش عجبنا وسر بالنا الا انو يستدعي للبال (شهوات) المريد
شهوة لبلاد تطالب ابناءَها
باقل من الموت جيلا فجيلا
وفيها من الوقت وقتٌ نخصصه
للخطايا الحميمه والغلط الادمى البسيط
وزحزحةِ الافتراض البطوليِّ عنّا قليلا
فمسكينةٌ أُمَّةٌ حين تحتاج كلَّ البطولات من كلِّ أبنائها
Post: #66 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-15-2018, 08:48 PM Parent: #64
كل عام وانتم بخير والسنة الجاية اي زول زي ما يتمنى
Post: #67 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-15-2018, 08:58 PM Parent: #66
Quote: ابوجوده رشى سفيان وعبدالله ادريس
رش السواد والرماد بس الشر يعم .. نكلم ليهو جياني انفانتيني يأجل باقي كاس العالم ده لحد ما البشير ده يتلحس ولا يشوف ليهو كبة زمان تخارجنا منو ..
Post: #68 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-15-2018, 09:09 PM Parent: #66
Quote: اها اديك من الساهلات حضرته ليك عدد واحد كلاسيكو في السنة الفاتت و حضرته برشلونة و مانشستر سيتي السنة الفاتت... اديك التقيل!؟
بالراحة علينا ي سفيان ، ما تبقى زول محبط ، رغم انو "نص حجة " محمد صديق ما حتحصلا مهما حضرت .. تخيل اخر مباراة شاهدتها في الاستاد كانت هلال مريخ سنة 1993 تقريبا ؟ زيكو جاب قون المريخ ، عادل وليم في الزمن الضايع وقفلنا معانا معاي واحد الاتنين مريخاب .. جايين من استاد الخرطوم كداري جاكين ماشين علي البركس لقينا عمك كبير كده مريخابي من الناس المتعصبين المعروفين في الااستادات ديلك والهلالاب بشاغلو فيهو وهو زعلان جدا ، جينا بي عندو جاكين شاغلناهو .. وليم .. وليم .. (ونحن وليم قاطع قلبنا قطع )عمك رشانا رشة قريبة من رشة ابوجودة ده ههههههه وليم يا اولاد الـــ.. وصرف لينا واحد Umbrella متر ونص وكانت اخر مباراة اشاهدا في ملعب واخر Umbrella ..
Post: #69 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-15-2018, 09:25 PM Parent: #68
مصر - الاورغواي * مباراة ليست جميلة ، الفريقين اسلوبهم قريب من بعض ، الاورغواي فريق بدني جدا بدفاع صلب وقناصين من الكبار ، كافاني وسواريز لكن ماعندهم خط وسط كويس ، ماعندهم زول حريف صانع لعب يربط سواريز وكافاني ببقية الفريق * مصر فريق جيد دفاعيا وعندو شخصية قوية وبلعب بروح ، لكن بدون اي ابتكار في الوسط والهجوم وااعتقد اصابة صلاح قتلت هجوم مصر * النتيجة النهائية عادلة حسب اعتقادي بعد تصديات حارس مصر وكرة كافاني الاصطدمت في القائم وعقم هجوم مصر * كده المجموعة الاولى ماشة في خط توقعات الغالبية وبدون مفاجأت بعد الجولة الاولى بتصدر روسيا والاورغواي * السعودية حتلعب ضد مصر بقوة وندية وده ممكن يؤثر على حظوظ مصر
Post: #70 Title: Re: كاس العالم ..تنبؤات .. قصص .. انتيمات Author: محمد صديق عبد الله Date: 06-15-2018, 10:50 PM Parent: #69
ذكرني كلام الأخ أبوجودة عن إنكار متابعة كرة القدم على غيره كما فهمت بقصة حصلت لي زمان وهي تصلح لتوضيح فكرة إنه في ناس بتكون عايزة تفرض رؤيتها على الآخرين وإنه الآخرين لازم ينظروا للأمور زي نظرتهم ليها وإلا الآخرين بيكونوا غلطانين.
زمان عزمت زملاء وزميلات في الجامعة غداء في مطعم البحر الأحمر، وكان مطعم كويس بمقاييس الزمن داك. المهم، لما جات المطايب في العزومة ديك، في زميلة رفضت تاكل. سألتها ليه ما بتاكلي، قلت ما حا تاكل عن مبدأ لأنه في ناس جعانين ونحن ما ممكن ناكل مطايب زي دي تعاطفًا مع الفقراء. قلت ليها طيب نطلب ليك شنو؟ قالت لي فول. قلت ليها "فول في الغداء؟ بعدين إنتي فاكرة إنه كل الناس لاقية فول تأكله، في ناس هسي الفول ما لاقياهو، ثم إنه ملابسك دي في ناس ما لاقنها والعطر اللي متعطرة بيهو ده بجيب عشرات الوجبات المشبعة لناس هسي بيتضوروا جوعًا". المهم شيل وخت معاها، بعد شوية الزميلة دي بدأت "حفريات" لما خفت على الدجاجة في الصحن. دحين يا أخونا أبوجودة، في ناس هسي بينكروا عليك وعلينا كلام الثورجية الساهل في الإنترنت ده وبيشوفوا الرجالة في الخروج إلى الشارع زي ما عملوا الرجال زمان قبل الإنترنت وقبل سودانيزأونلاين.
وأعذرني إذا فهمت كلامك غلط.
تحياتي
Post: #74 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-16-2018, 00:52 AM Parent: #70
تمام يا عبد الله إدريس أهو اتفقنا في المريخ العظيم... يازول كورة طرفه اي فريق عربي أو أفريقي اوعه تحرق رزك فيها لأنهم عقليتهم لكسب الكورة تعبان بيشتغلو قوة بس لفقت لفقت مالفقت مالفقت. يا محمد صديق و الله بالغته ياخ مطعم البحر الأحمر للأسماك دا كان إلا للعصبة ذات البأس هههههه بتذكر مرة عمك بروف عبد الله على ابراهيم عزمنا فيهو و هو في أول عودة له تقريباً من أمريكا (صراحة هو ما عزمني انا بس عزم شلة صحفيين من جريدة السوداني الدولي الغابرة و الشلة دي أصحابي و حينها كنت كاتب مشارك في صحيفة الصحافة العدد الممتاز و من جاه الملوك اتعزمته معاهم) كان أول مرة أعرف مطعم البحر الأحمر رغم اني من أولاد الخرطوم عديل كده ههههه صاحبتكم ليها حق و الله هههههه
Post: #71 Title: Re: كاس العالم ..تنبؤات .. قصص .. انتيمات Author: طارق عبد الله Date: 06-15-2018, 11:05 PM Parent: #1
التحية للجميع وكل عام وأنتم بخير....موضوع جميل وممتع حقيقة وبالنسبة لي أول كأس عالم تابعته كان مونديال ايطاليا 90 وكنت حينها في الثانية عشر من العمر تقريبا وبالرغم من العشق المتوارث للمنتخب البرازيلي الا أن أسلوب لعب المنتخب الايطالي حينها بقيادة المدرب الداهية فيتشيني والهداف سكيلاتشي والفنانين روبرتو باجيو وجيانيني قد نال اعجابي بدرجة كبيرة ولا أزال على يقين ان ايطاليا لو كانت وصلت النهائي بدلا عن الأرجنتين آلتي كانت في أسوأ أحوالها لتمكنت من الفوز على ألمانيا الغربية ولا أنسى كذلك مفاجآت الكاميرون وخيبة البرازيل وهولندا وغيرها من الذكريات الجميلة.
وبالنسبة للبطولة الحالية أرى أن الصف الأول للمرشحين هم البرازيل وألمانيا وأسبانيا ويأتي بعدهم فرنسا وبلجيكا مع احتمال مفاجأة من البرتغال ولا أتوقع الكثير من الأرجنتين رغم تواجد ميسي وتبقى الفرق اللاتينية كولومبيا والمكسيك ملح المونديال كما اتوقع ظهورا جيدا للسنغال ونيجيريا وربما اليابان وأستراليا بحسب نتائج المباريات التحضيرية.
ومتابعين معاكم :)
Post: #72 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-15-2018, 11:43 PM Parent: #71
Quote: المنتخب الايطالي حينها بقيادة المدرب الداهية فيتشيني والهداف سكيلاتشي والفنانين روبرتو باجيو وجيانيني قد نال اعجابي بدرجة كبيرة ولا أزال على يقين ان ايطاليا لو كانت وصلت النهائي بدلا عن الأرجنتين آلتي كانت في أسوأ أحوالها لتمكنت من الفوز على ألمانيا الغربية ولا أنسى كذلك مفاجآت الكاميرون وخيبة البرازيل وهولندا وغيرها من الذكريات
مرحبتين طارق .. عيدك مبارك ملاحظة جميلة جدا مارادونا بعد النهائي بفترة بتذكر في المباراة دي ، قال لو المباراة لعبت للصباح ما كنا حنقدر نجيب قون واحد ! المانيا منتخبا كان مكمل وغير ايطاليا ما كان ممكن فريق يهددا ، مارادون شال الارجنتين للنهائي فوق كتفو لكن ناس ماتيوس وهسلر وبريمة ما خلوهو يتنفس في النهائي اما البنشرجي سكيلاتشي فحكايتو حكاية .. الزول ده لموهو للمنتخب في اخر لحظة ، الدنيا ارزاق ، المهاجم الاول كان فياللي وكان غير موفق تماما رغم موهبتو وسرعتو في النهاية الاساسي بقا سكيلاتشي وفياللي نجم ايطاليا الاول قعد كنب ..
Post: #73 Title: Re: كاس العالم ..تنبؤات .. قصص .. انتيمات Author: محمد حيدر المشرف Date: 06-15-2018, 11:59 PM Parent: #1
غايتو الطليان ديل كان عندهم كادوكين كاغرب ما يكون باولو روسي واسكيلاتشي
Post: #75 Title: Re: كاس العالم ..تنبؤات .. قصص .. انتيمات Author: محمد أبوجودة Date: 06-16-2018, 01:25 AM Parent: #73
أكرمك الله، عزيزي عبدالله وكان ظنّي فيك، هذا السماح الوضّاح، فتحقق خيراً وبِرّا، ويا زول هيي بقت على "كأس العالم" ال(هُوِّين) شينو دا ..؟ المُشكلة ستظرط، وبأفرَط..! مع كأس الآنسات والسيدات العالميات يقوموا (الشباب) يدخلولنا بي قاموسية جديدة كمان! من باولوريسنجة ليْ "روضاكِنجة" لإنصاف-باميلا؛ ويبقى الوَصّاف يملأ بطاطيرو وهادا ما بِي صير خيّو (هههه) .. تسلم ياصديقي.
عزيزي سفيان، عليكم السلام والرحمة؛ وغالب الأمر، حِسّ اللوم - لومك في الانمياع بالكاس كاسي أختّو في راسي- مُستَشْعَر already من قِـبَــلَــك براك وأقيلا: بايت! فكان ردّك لي جِدَّ ماسِخ؛ بل أشبه بحكاية الكديس للفأر وهما في القارب: يا زول بتكتِّح مالَك ..؟! ثم تعال هنا ياصديقي: ألم تجد ما يواسيك وَ يُريــِّح ضميرَك الأبيض، إلّا بزجر الثوري (صرف النظر عن زمانه/ــك) والاشرئباب لتلك "العائرة"؟! وأكيد، هيَ ذاتها من ذات زمن الثوري؛ يعرف ذلك، بالطبع، الشاعر مُريد البرغوثي آل-مُـتـَـــشــَــهي الأكبر(!) لكأنه لم يعرف "تناصّاً" مع المهجري العتيق، إيليا أبوماضي: وطن النجوم .. أنا .. حَــدِّق .. أتذكُر مَنْ أنا ..؟ ليك التحايا، وتسلم ..
عزيزي المشرّف، ليك التحايا الطيبة، وسُعداء بعودتك المُبهِجة لسودانيز، ويا مراحب بتعليقك الرَّشِّي ؛ ويبدو أنه الـNew Look مقارنةً مع "ثيماتك" ال زمان كانن حُنان؛ وقد كاد أن يفتُّ بيني وبين أصفيائي من آل-ســودانيز، بعض حُصرم؛ لولا أن الدنيا عيد وسعيد عليكم جميعاً.. وتسلم ..
يا أهلاً ومرحباً بالأخ محمد صديق، وشكراً على تفضّلك بذاك البوست الجميل، وبالمناسبة فالـPhrase التي جاءت بعاليه: قِبَلَك، ما أراني كنتُ كاتبها، لو لم آخذ محاذيري من ذاك البوست؛ وبعد دا كلّو، إن شاء الله تطلع أخير but not worse من (كاس عالم) مجنون ذاتو ويطيب لي أن أشير إلى أن عبارتك، والتي تفيد معنىً:( بعض الناس ينزع إلى أن يجُرّ الناس لرؤيته هو "برايو" إذا وجدهم مهتمِّين ب "رؤية" مُغايَرَة لما يفكِّر فيه) حَ رَ قَ ت ن ي مَليّا فاشكرك عليها، وتسلم
ـــــــــــــــــــــــــ عيدٌ مبارَك على الجميع .. وكل عامٍ وأنتم بخير
Post: #76 Title: Re: كاس العالم ..تنبؤات .. قصص .. انتيمات Author: محمد حيدر المشرف Date: 06-16-2018, 02:11 AM Parent: #1
صاحبي ابوجودة لا تجوز قراءته الا بديكشنري ..
.. الرد بعد التأكد من فهم المداخلة بكره واتمنى صادقا انك تكون ما رشيتني مع سفيان وعبدالله
Post: #77 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-16-2018, 07:28 AM Parent: #76
حبيب قلبي و الله يا ابو جودة و حليف سياسي كمان هههههه
رونالدو... رونالدو... رونالدو... صاروخ مانديرا
Post: #78 Title: Re: كاس العالم ..تنبؤات .. قصص .. انتيمات Author: محمد صديق عبد الله Date: 06-16-2018, 10:17 AM Parent: #77
Quote: يا محمد صديق و الله بالغته ياخ مطعم البحر الأحمر للأسماك دا كان إلا للعصبة ذات البأس هههههه
سلام يا سفيان وكل سنة وإنت طيب. الليلة قلت أبطِّل الكسل وأعمل اقتباس زي ما الناس بتعمل، خصوصًا إنه الدنيا عيد والوقت متوفر. وطبعًا اتأكدت إنه ظابط قبل ما أنشر بـ(preview).
مطعم البحر الأحمر اللي أنا قاصده مجاور (لأستديو فارتي) اللي كان بيطلع الناس وجيهين في الصور. يعني قريب من بنك النيلين فرع الأمم المتحدة (بالقديم) لأني طوَّلت من الحتَّات دي. المطعم ده في الثمانينيات وبداية التسعينيات كان مطعم معروف مع قلة المطاعم الجيدة في ذلك الوقت، وما كان متخصص سمك. وبتذكر تمامًا إني شفت الراحل إبراهيم عوض في طربيزة جنبنا وأنا كنت مع الوالد الله يرحمه ويحسن إليه طوالي قمت مشيت للأستاذ وسلمت عليه وقلت ليهو أنا حافظ غناك واتبسط جدًا. وكم مرة شفت مشاهير آخرين. الكلام ده في منتصف الثمانينيات. ما عندي فكرة المطعم ده لسه موجود أم لا، لكن أكيد ظهور مطاعم شارع المطار وامتدادات الخرطوم في الرياض والطائف وغيرها من الأحياء بتكون قضت على المطاعم القديمة وسط الخرطوم.
Post: #79 Title: Re: كاس العالم ..تنبؤات .. قصص .. انتيمات Author: محمد صديق عبد الله Date: 06-16-2018, 10:30 AM
شكرًا أخي أبوجودة. قد تؤدي الكتابة في وسائط التواصل الحديثة في بعض الأحيان إلى التباس المعاني والمرامي والخلط والتفسيرات الخاطئة، إذ تغيب الإيماءات ولغة الجسد عمومًا. لذلك، أرى أن وضوح الكلام والمباشرة قد تقينا كثيرًا من هذه المشاكل. ونحمد الله أن وهبنا نعمة التواصل بهذه الوسائط الحديثة التي يمكن أن تُستغل إلى جانب الأنس مع الزملاء والأحباب لطرح موضوعات للحوار، وليس بالضرورة أن يصل المتحاورون فيها إلى نتائج قاطعة، أو أن يتفقوا على آراء معينة.
شكرًا لك.
Post: #80 Title: Re: كاس العالم ..تنبؤات .. قصص .. انتيمات Author: محمد حيدر المشرف Date: 06-16-2018, 11:14 AM Parent: #79
هههههههه
Quote: لذلك، أرى أن وضوح الكلام والمباشرة قد تقينا كثيرًا من هذه المشاكل
رشه راقية وعلى خفيييييف كده .. يا سلام على المنبر لمن تكون المشاحنات الاليفة بين الزملاء على هذا المستوى من الرقي
Post: #82 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-16-2018, 05:34 PM
Quote: مطعم البحر الأحمر اللي أنا قاصده مجاور (لأستديو فارتي) اللي كان بيطلع الناس وجيهين في الصور. يعني قريب من بنك النيلين فرع الأمم المتحدة (بالقديم) لأني طوَّلت من الحتَّات دي. المطعم ده في الثمانينيات وبداية التسعينيات كان مطعم معروف مع قلة المطاعم الجيدة في ذلك الوقت، وما كان متخصص سمك. وبتذكر تمامًا إني شفت الراحل إبراهيم عوض في طربيزة جنبنا وأنا كنت مع الوالد الله يرحمه ويحسن إليه طوالي قمت مشيت للأستاذ وسلمت عليه وقلت ليهو أنا حافظ غناك واتبسط جدًا. وكم مرة شفت مشاهير آخرين. الكلام ده في منتصف الثمانينيات. ما عندي فكرة المطعم ده لسه موجود أم لا، لكن أكيد ظهور مطاعم شارع المطار وامتدادات الخرطوم في الرياض والطائف وغيرها من الأحياء بتكون قضت على المطاعم القديمة وسط الخرطوم.
بالزبط يا محمد صديق ياهو ذات القاصدو أنا و غايتو لحدود 97 تقريباً كان في نفس المكان و كلامك سليم كان مطعم للمشاهير لأني بذكر سألته والدي عن هذا المطعم فيكي لي عن كل منطقة الخرطوم بتاعة السوق الافرنجي حكايات مدهشة حقاً.
بس بيني و بينكم كلكم الليلة انا شمتااااان في ليونيل ميسي ههههههههههههه
Post: #81 Title: Re: كاس العالم ..تنبؤات .. قصص .. انتيمات Author: محمد حيدر المشرف Date: 06-16-2018, 11:55 AM Parent: #1
في الفيديو 3 اساطير رونالدو كان و كولينا
Post: #83 Title: Re: كاس العالم ..تنبؤات .. قصص .. انتيمات Author: جلالدونا Date: 06-16-2018, 07:08 PM Parent: #81
خسارة البيرو تخسر افتقدنا فى النسخة دى تقليعات شعر الراس بعد الهدف الضايع للبيرو و الملعوب بالكعب توجهت الكاميرا للجمهور الدنماركى ... واحد من المشجعين عمل جركة بى ايدو ذكرتنى قول حبوبنى ليمياء ... الشر بررررررة و بعيد مع الامنيات بالانتصار لى نيجيريا المغرب و مصر خذلونا
Post: #84 Title: Re: كاس العالم ..تنبؤات .. قصص .. انتيمات Author: جلالدونا Date: 06-16-2018, 07:15 PM Parent: #83
نسيت حاجة ... الارجنتين فاضل ليها مباريتين بس فى كاس العالم
Quote: نسيت حاجة ... الارجنتين فاضل ليها مباريتين بس فى كاس العالم
جلالدونا كلامك دا نعتبرو رؤية مدرب حالي لفريق ولائي؟.
Post: #86 Title: Re: كاس العالم ..تنبؤات .. قصص .. انتيمات Author: جلالدونا Date: 06-16-2018, 08:04 PM Parent: #85
اسمها قراءة وقائع يا سوفينى مالك بقيت تلخبت فى العربى زى العريبى المتعورب داك ___ مع نيجيريا الان و فريقها الشاب ... و اتوقع المفاجأة الداوية امام فريق كبير مثل كرواتيا
Quote: سمها قراءة وقائع يا سوفينى مالك بقيت تلخبت فى العربى زى العريبى المتعورب داك ___ مع نيجيريا الان و فريقها الشاب ... و اتوقع المفاجأة الداوية امام فريق كبير مثل كرواتيا
كنت فاكر انها رؤية ليك كمدرب كوامر ههههههههه
و الله نيجيريا منتخبه شاب و كويسين لكن عامل الخبرة ضعيف و هو عامل متوفر لدى الكرواتيين ، غايتو اتوقع انها بعد الدقيقة 20 تسخن سخانة جد.
Post: #88 Title: Re: كاس العالم ..تنبؤات .. قصص .. انتيمات Author: محمد أبوجودة Date: 06-16-2018, 10:19 PM Parent: #87
أخشى أن أكون قد أثّرتُ على اندياحكم الكروي..! وإن حدث، فغالب الأمر الأمَـرْ يكون بسبب مطعم البحر الأحمر، ومطعم البحر الأحمر، حالياً انتقل إلى شارع عبدالمنعمِ، ذلك ال مُحسِنُ حيّاه الغمام. أي نعم لم يغادر البحر الأحمر، ساحة نُحنُ (UN) حيث ابتعد من جوار بنك النيلين فرع الأمم المتحدة، ليقبع ناحية الجنوب الغربي لبنك النيلين "الرئاسة" وهذا الأخير قد حلّ محل البنك الصناعي، الذي كان جنوب (نحنُ) قديما.
هل كان مطعم البحر الأحمر، القديم، هو ذاته المكان الذي حلّ به مطعم الإخلاص؟ في فوهة شارع عمارة الضرائب وأنتَ مُتّجهٌ نحو (الحرية) الشارع الذي ينتهي بالسـجّانة جنوبا؟
يا اباالسيوف، لقد التقينا عام 2008 في ندوة لاتحاد الكتاب، مقرّه القديم بشارع علي دينار، قبل أن يأتي (!) نواحينا في "العمارات" فرعية ZAIN أو ربما أي "ندوةٍ" في الجوار الحار، فهل تذكُر؟
وبما أن الشيء بالشيء يذكّر، فهل تذكرون مطعم الأمريكيِّـيــين!! (هكذا كانوا ينطقونها بمعنى الــ Two Americans) لصاحبه "الأمين أرباب" كما كانت تُقرأ اللافتة.
محمد حيدر، الـــ( المشاحنات الأليفة) شطبتْ راسي تتتتتتب! وإن كان من تعليلٍ، فإني أكِلها إلى أجواء كأس العالم.
محمد صديق، ألهمني موقف زميلتكم التي فضّلتْ "فولة" منتصف النهار على الدّاجن الطاجن! فكرة فحواها، أن غداء الفول في شتاءات الخرطوم، هو فطور قياسي عند كتير من طُلّاب العِلم بهذه النواحي؛ ثم مضت الأعوام وتعصّت أحوال "الأفوال" فأصبح الموّال: منقة بالشطة دون التقيّد بحالة الطقس الخرطومي، بي أيّام البرد، أيّامِ الشِّــتّي، والرصيف إب حيرِي .. والشارع غريييق .. تجي هادي البنت .. من بيتِ العتيق .. وُ تنطُر عَ الطريييييق! حَــبَّيتك بالصيف ..
يا اخوانا أخونا عبدالله إدريس، معل ما وووواقف ناطر بالصّف
Post: #89 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-17-2018, 00:18 AM Parent: #88
Quote: خشى أن أكون قد أثّرتُ على اندياحكم الكروي..! وإن حدث، فغالب الأمر الأمَـرْ يكون بسبب مطعم البحر الأحمر، ومطعم البحر الأحمر، حالياً انتقل إلى شارع عبدالمنعمِ، ذلك ال مُحسِنُ حيّاه الغمام. أي نعم لم يغادر البحر الأحمر، ساحة نُحنُ (UN) حيث ابتعد من جوار بنك النيلين فرع الأمم المتحدة، ليقبع ناحية الجنوب الغربي لبنك النيلين "الرئاسة" وهذا الأخير قد حلّ محل البنك الصناعي، الذي كان جنوب (نحنُ) قديما.
هل كان مطعم البحر الأحمر، القديم، هو ذاته المكان الذي حلّ به مطعم الإخلاص؟ في فوهة شارع عمارة الضرائب وأنتَ مُتّجهٌ نحو (الحرية) الشارع الذي ينتهي بالسـجّانة جنوبا؟
يا اباالسيوف، لقد التقينا عام 2008 في ندوة لاتحاد الكتاب، مقرّه القديم بشارع علي دينار، قبل أن يأتي (!) نواحينا في "العمارات" فرعية ZAIN أو ربما أي "ندوةٍ" في الجوار الحار، فهل تذكُر؟
وبما أن الشيء بالشيء يذكّر، فهل تذكرون مطعم الأمريكيِّـيــين!! (هكذا كانوا ينطقونها بمعنى الــ Two Americans) لصاحبه "الأمين أرباب" كما كانت تُقرأ اللافتة.
محمد حيدر، الـــ( المشاحنات الأليفة) شطبتْ راسي تتتتتتب! وإن كان من تعليلٍ، فإني أكِلها إلى أجواء كأس العالم.
محمد صديق، ألهمني موقف زميلتكم التي فضّلتْ "فولة" منتصف النهار على الدّاجن الطاجن! فكرة فحواها، أن غداء الفول في شتاءات الخرطوم، هو فطور قياسي عند كتير من طُلّاب العِلم بهذه النواحي؛ ثم مضت الأعوام وتعصّت أحوال "الأفوال" فأصبح الموّال: منقة بالشطة دون التقيّد بحالة الطقس الخرطومي، بي أيّام البرد، أيّامِ الشِّــتّي، والرصيف إب حيرِي .. والشارع غريييق .. تجي هادي البنت .. من بيتِ العتيق .. وُ تنطُر عَ الطريييييق! حَــبَّيتك بالصيف ..
و انتصر الثوري في قيادة تيار ثوري تصحيحي داخل البوست ههههههههههههههه و يا حبيبي ما تيشف الكورنجية ديل كلهم ثورنجية (بس مش بي مفهوم عمنا كمال الجزولي ههههههه ودي حكاية تاني تكون طالبني ليها)... بالحيل بالحيل بتذكر لقانا ذاك حياه الغمام.
Post: #90 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-17-2018, 00:21 AM Parent: #88
شنو ياخونا قلبتو مطاعم وفتة وبتاع .. واتعشيتو وسبتونا نكابس في البسكويت ؟ ++++ أها .. ** البرتغال واسبانيا امس ، مباراة فيلم هندي ، بطلو رونالدو الوهم و الخاين دي خيا .. اسبانيا لعبت كورة جميلة لاكين دفاعا مهلهل .. ** الارجنتين ايسلندا ، كما توقعت ، الارجنتين منتخب ضعيف ومفكك ومش متجانس بالمرة ولا يستحق الوصول للنهائيات ** كرواتيا - نيجيريا ، نيجيريا عندها فريق كويس ، لكن كرواتيا تمتلك ربما افضل خط وسط في العالم من الناحية الفنية والتكتيكية والخبرة ولذا تفوقت كرواتيا واتوقع لها تصدر المجموعة بجدارة
Post: #91 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-17-2018, 00:35 AM Parent: #90
اصبر شوية ما تنجهو .. ينجهو اب جلابية ، بركة الهي وسيدي ومولاي كوم حظ
Post: #92 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-17-2018, 01:42 AM Parent: #91
Quote: اصبر شوية ما تنجهو .. ينجهو اب جلابية ، بركة الهي وسيدي ومولاي كوم حظ
ماكل لحم خنزير النجيهة ما بتسويلو الحبة دي.
الزول دا غير طبيعي و لاعب متكامل و ح يكون هداف هذه النسخة من كأس العالم. و تشوف
Post: #93 Title: Re: كاس العالم ..تنبؤات .. قصص .. انتيمات Author: محمد صديق عبد الله Date: 06-17-2018, 09:57 AM Parent: #92
معليش يا عبد الله إدريس، ده آخر تعليق عن المطاعم.
سلام أبوجودة. كلامك عن مطعم الأمريكيين نبهني لأني ممكن أكون خلطت بينه وبين مطعم البحر الأحمر. عشان كده راسلت فردة الطفولة والصبا ليساعدني، فأكد لي أن المطعم المقصود هو مطعم الأمريكيين.
المهم، الحمد لله المنشور ده تحول من الكلام عن كأس العالم، اللي بيصرفنا عن هموم الشعب، إلى موضوع ثوري عن مطاعم الخرطوم حا يقلب الحكومة دي بإذن الله قريب.
بعيدًا عن المطاعم، التصوير التلفزيوني في البطولة دي دون المستوى. التصوير في البرازيل وجنوب أفريقيا كان أفضل بكتير.
Post: #94 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-17-2018, 10:10 AM Parent: #92
البيرو لا تستحق الخساره ولكنها كرة القدم نتيجة الارجنتين وايسلندا متوقعه لان منتخب النجم الواحد لن يصمد امام التكتيك الدفاعي وما حدث لايسلندا اتوقع حدوثه للبرتغال في مباريات المغرب وايران معها لا مفاجأت حتى الان رغم ان نيجريا خذلتني المباريات السابقه اكدت كلام الان شيرر بعد مباراة الافتتاح ان المنتخب السعودي ضعيف ولا يستحق التواجد في النهائيات
Post: #95 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-17-2018, 10:12 AM Parent: #94
ابو جوده مبارك عليك العيد وينعاد عليك بالفرح والخير ثم يا ابو جوده قالوا روحوا عن نفسكم ساعه ومافي ترويح امتع من معشوقة الملايين في اغلى بطولاتها وزي ما قال امرؤ القيس اليوم خمر وغداً امر فشنو سفيان وعبدالله ادريس ومحمد صديق ومن لف لفهم راقدين ليهم فوق رأي فطول بالك معاهم ومد ليهم حبل الصبر لي غد البتوافق ما بعد منتصف يوليو
Post: #96 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-17-2018, 12:03 PM Parent: #95
اتفق مع علي تماما منتخب النجم الواحد لن يستطيع تجاوز التكتلات الدفاعية ميسي ورونالدو بيلعبو كويس ضد فرق بتلعب كرة هجومية مفتوحة
Post: #97 Title: Re: كاس العالم ..تنبؤات .. قصص .. انتيمات Author: حمد عبد الغفار عمر Date: 06-17-2018, 12:21 PM Parent: #96
سلام
Quote: بعيدًا عن المطاعم، التصوير التلفزيوني في البطولة دي دون المستوى
صحيح وبعدين المخرجين حاسدين جدا ما بمشوا المساطب أمس حندكونا ببنات كرواتيا ياخ ديل عندهم جكس ما حصل
تانيا مستوى نيجيريا في المباراة امس ليس بأفضل من مستوى السعودية في الافتتاح
ثالثا واضح جدا إنو كريستيانو رونالدو لاعب يعادل وطن وعكسو تماما ميسي الذي اتضح انه بدون مساعدة آخرين يصبح مجرد فرفارة ليس إلا حتى أضاع مجهود فريقه باهداره لضربة الجزاء
Post: #98 Title: Re: كاس العالم ..تنبؤات .. قصص .. انتيمات Author: محمد أبوجودة Date: 06-17-2018, 12:45 PM Parent: #1
سلام يا محمد صديق،
Quote: المهم، الحمد لله المنشور ده تحول من الكلام عن كأس العالم، اللي بيصرفنا عن هموم الشعب، إلى موضوع ثوري عن مطاعم الخرطوم حا يقلب الحكومة دي بإذن الله قريب.
دي رؤية شائقة، أو لعلّها رسالة حاذقة؛ مع أني - بصراحة - لم أتبيّن لها موطئ حصافة باشقة.
مرحب بالأخ علي ود الفكي، سأطوّل بالي إن شاء الله تعالى، ومع ذلك، فما أزال في خشية من الأمر! فيما إنْ تركنا المسألة ليْ حبل المهلَة وجاءنا ما بعد منتصف يوليو2018 واستشرف أناسٌ من "بوادِينا وحَضرنا" للدوحة 2022 وكأنّ لهم فيه "كراع" وُ "بُرّاع" لظنّوا أن أستادنا فِدىً لــِ قَطَر
عزيزي أباالسيوف، شكراً لتطمينك للذكرى الجميلة، بل وُ "عارف معنااااها" وأبقا طالبك حكاية من حكايا العم "توم" ههه
وانشغل أخونا ودالمشرّف، فتالتة العيد دائما لها انشغالاتها.
ويا عزيز القوم، عبدالله، ليك التحايا الطيبة تكتِّر تَقلِّل، أقوم افتح في "منشورك" دا، بنك الطعام فيقوم "بروس" أو "يشرب ما يروى"
ــــــــــــ وُ راجعين (بتاعة دُريد دييييك)
Post: #99 Title: Re: كاس العالم ..تنبؤات .. قصص .. انتيمات Author: علاء سيداحمد Date: 06-17-2018, 01:27 PM Parent: #98
السلام عليكم عبدالله وزواره الكرام كل عام وأنتم بخير والقابلة على امانيكم .
تعرف يا عبدالله ذكريات بطولات كئوس العالم فى السودان مع الاصدقاء والاخوان لا تُنسى ابداً .. ارشح المانيا والارجنتين للنهائى .
Post: #100 Title: Re: كاس العالم ..تنبؤات .. قصص .. انتيمات Author: حمد عبد الغفار عمر Date: 06-17-2018, 01:38 PM Parent: #99
يا جماعة أبوجودة لا يقل خطورة عن كريستيانو .
لازم محمد المشرف يلعب معاه مان تو مان وإلا سوف يمزق شباكم بأهداف أسطورية
Post: #101 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-17-2018, 02:10 PM Parent: #100
Quote: ارشح المانيا والارجنتين للنهائى .
مراحب يا علاء وكل سنة وانت طيب اختلف معاك في الارجنتين دي تماما ، تأهلت بصعوبة للنهاائيات انا بتمنى ميسي يفوز بالكاس لكن مع فريقو المهلهل ده لو اتجاوز المجموعات يكون كويس
Post: #102 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-17-2018, 02:24 PM Parent: #101
Quote: ثالثا واضح جدا إنو كريستيانو رونالدو لاعب يعادل وطن وعكسو تماما ميسي الذي اتضح انه بدون مساعدة آخرين يصبح مجرد فرفارة ليس إلا حتى أضاع مجهود فريقه باهداره لضربة الجزاء
ما تتسرع يا حمد ميسي كبير جدا ، رونالدو ده لعب 3 كاس عالم قبل كده ولم يترك اي بصمة امبارح مارادونا قال انا خسرت المباراة الافتتاحية في نسخة 1990 امام الكاميرون ووصلت للنهائي هو اكيد بحاول يرفع معنويات اللاعبين والجمهور كزول رايو في الكورة مهم ، لكن برضو كلامو عندو سند منتخب الارجنتين 90 كان بلعب بروح عالية جدا رغم افتقاره للجانب الفني ، بس جماعة ميسي ديل لا جانب فني ولا روح عالية ولا اي حاجة ، امس مورينيو برضو قال كابييرو ده حارس ماسورة ساي انا ممكن العب مكانو واطلع بنفس النتيجة
Post: #103 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-17-2018, 02:29 PM Parent: #102
Quote: تكتِّر تَقلِّل، أقوم افتح في "منشورك" دا، بنك الطعام
بيدي لا بيد عمرو .. شفت العنوان ده : Re: كاس العالم ..تنبؤات .. قصص .. انتيمات اقوم اسي دي بعد انتيمات دي ارمي لي نقطتين كده الواحدة بحجم زلابية سوق ليبيا وبعدهم طوالي .. مطاعم و ويبقى على سنة الله ورسولو
Post: #163 Title: Re: كاس العالم ..تنبؤات .. قصص .. انتيمات Author: ترهاقا Date: 06-23-2018, 03:25 AM Parent: #100
المرة حتكون في مفاجآت كتيرة ، يعني فرق ظهرت بقوة زي صربيا وكرويشيا والدنمارك وآيسلاند وسويسرا البرازيل لا أعتقد ، والارجنين بقى على شفاء حفرة للخروج
Post: #104 Title: Re: كاس العالم ..تنبؤات .. قصص .. انتيمات Author: محمد حيدر المشرف Date: 06-17-2018, 08:06 PM Parent: #1
ابوجودة ده يا حمد الا نلعب معاهو دفاع منطقة تقفيل ورا والاعتماد على انطلاقات محمد صديق في "المطاعم" المرتدة ..
غايتو انا و"سوفيانو راموس) بنموت معاهو موت ..
Post: #105 Title: Re: كاس العالم ..تنبؤات .. قصص .. انتيمات Author: محمد أبوالعزائم أبوالريش Date: 06-17-2018, 09:17 PM Parent: #104
غايتو حكم كورة البرايل وسويسرا مفروض يجلدوهو في ميدان عام.
بعد داك يجيب ولي أمرو
Post: #106 Title: Re: كاس العالم ..تنبؤات .. قصص .. انتيمات Author: Nasser Amin Date: 06-17-2018, 09:24 PM Parent: #104
سلام عليكم دوري الاربعة البرازيل ،المانيا، الارجنتين الرابع دا خليتو ليكم... بعدين ما تتغشوا من المستويات في دور ال32 لكل مرحلة تكتكيها ودا نوع من الاستراتيجية الفرق الكبيرة ما بتقوم بنمرة 4 من قولة تيت.
*الاهم في الموضوع ،كرة القدم تحولت من لعبة شعبية للبسطاء لتجارة و احتكار لمن يدفع.. حقو الناس تقاوم الاتجاه دا بكل ما اوتيت من قوة لصالح غمار الناس مش قناة بي ان سبورت (تتصدق) بي 22 مباراة. تبا لهم بالروسي
Post: #107 Title: Re: كاس العالم ..تنبؤات .. قصص .. انتيمات Author: osama elkhawad Date: 06-17-2018, 09:32 PM Parent: #106
Quote: "سوفيانو راموس)
هل صحيح انو راموس سبّب ارتجاج لحارس ليفربول؟؟؟
Post: #108 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-17-2018, 09:34 PM Parent: #106
ملاحظات على بعض مباريات اليوم ** سقوط المانيا امام المكسيك وتعادل البرازيل وسويسرا مع تعادل ايسلندا والارجنتين امس اثبت ان كرة القدم تبدأ بعد اطلاق صافرة الحكم 11 ضد 11 والحشاش يملا شبكتو .. مافي كبير ** المكسيك تمتلك فريق شاب سريع ورائع جدا واليوم احرزت اجمل اهداف البطولة الى الان ** كوستاريكا ربما تهدد تأهل البرازيل للدور القادم لان المنتخبات اللاتينية تلعب ضد بعضها بحماس وندية وخشونة زائدة
Post: #109 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-17-2018, 09:35 PM Parent: #108
Quote: غايتو حكم كورة البرايل وسويسرا مفروض يجلدوهو في ميدان عام.
صدقت والله ومعاهو نيمار يبطحوهم الاتنين
Post: #111 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-17-2018, 09:40 PM Parent: #109
Quote: بعدين ما تتغشوا من المستويات في دور ال32 لكل مرحلة تكتكيها ودا نوع من الاستراتيجية الفرق الكبيرة ما بتقوم بنمرة 4 من قولة تيت.
اهلين ناصر كلام سليم بس مرات المباراة الاولى بتكون سبب في الخروج من الدور الاول تتذكر مباراة السنغال - فرنسا في 2002 ؟ اعتقد ندرة النجوم الكبار هي الاتسببت في التعادلات الكتيرة دي ، الكتوف اتلاحقت في 90 و94 ايطاليا تكون مزنوقة وخلاص المباراة قربت تنتهي ، فجأة يطلع بااجيو بلمحة عبقرية يرجعهم تاني للتنافس
Post: #110 Title: Re: كاس العالم ..تنبؤات .. قصص .. انتيمات Author: محمد حيدر المشرف Date: 06-17-2018, 09:35 PM Parent: #1
بالرغم من الخطأ التحكيمي الذي نتج عنه تعادل سويسرا مع البرازيل .. الا ان منتخب البرازيل ظهر بصورة سيئة ودون التوقعات
نيمار لا يمتلك شخصية النجم القائد .. وحساسية الكرة عندو منخفضة جدا, وربما يعود ذلك للاصابة
الفريق بصورة عامة يتعامل بفوقية وعدم اكتراث .. ولا يتمتع بالروح اللازمة نحو البطولة.
للاسف لم اشاهد المانيا اليوم .. الا ان منتخبات اسبانيا, البرتغال روسيا وفرنسا والارجنتين والبرازيل بحسب تقديري ستكون موجودة في دور ال 8 مالم تتقاطع اسبانيا او البرتغال مع احدها (نسبة لوقوع البرتغال واسبانيا في مجموعة واحدة) او في حالة حلول احد هذه الاتيام في المركز الثاني في مجموعته
في انتظار بلجيكا ..
Post: #112 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-17-2018, 09:43 PM Parent: #110
Quote: في انتظار بلجيكا ..
فريق موهوب جدا جدا انا غايتو منتظر السنغال
Post: #114 Title: Re: كاس العالم ..تنبؤات .. قصص .. انتيمات Author: محمد صديق عبد الله Date: 06-17-2018, 11:16 PM Parent: #112
الب################ فريق خبرة، لكنه فقد نكتهه وأسلوبه المميز في اللعب لسبب تغير طرق اللعب، فأصبح أداؤه لا يختلف عن أي فريق آخر. وين أيام إيدير، وسقراط، وفالكاو. حتى الكورة اتمحقت في هذا العالم! يعجبني تفاعل الجمهور في المباريات. هذا فيديو مباراة لفريق البرازيل قبل شهور خليت الكورة وبقيت أصور في الجمهور وتفاعله. إن شاء الله إنزال الفيديو يظبط.
Post: #113 Title: Re: كاس العالم ..تنبؤات .. قصص .. انتيمات Author: محمد حيدر المشرف Date: 06-17-2018, 09:49 PM Parent: #1
بالرغم من الخطأ التحكيمي الذي نتج عنه تعادل سويسرا مع البرازيل .. الا ان منتخب البرازيل ظهر بصورة سيئة ودون التوقعات
نيمار لا يمتلك شخصية النجم القائد .. وحساسية الكرة عندو منخفضة جدا, وربما يعود ذلك للاصابة
الفريق بصورة عامة يتعامل بفوقية وعدم اكتراث .. ولا يتمتع بالروح اللازمة نحو البطولة. ولا تلك المهارات العالية جدا (قارن هذا التيم بتيم رونالدو ريفالدو رونالديهو روبيرتو كارلوس وكافو الخ)
للاسف لم اشاهد المانيا والمكسيك اليوم .. الا ان منتخبات اسبانيا, البرتغال روسيا وفرنسا والارجنتين والبرازيل بحسب تقديري ستكون موجودة في دور ال 8 مالم تتقاطع اسبانيا او البرتغال مع احدها (نسبة لوقوع البرتغال واسبانيا في مجموعة واحدة) او في حالة حلول احد هذه الاتيام في المركز الثاني في مجموعته
في انتظار بلجيكا .. والمكسيك والمانيا (المكسيك والمانيا زي حالة اسبانيا والبرتغال)
Post: #115 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-18-2018, 01:48 AM Parent: #113
Quote: هل صحيح انو راموس سبّب ارتجاج لحارس ليفربول؟؟؟
كيفك يا خواض!؟ ايوة انا قريت خبر زي دا في احد المواقع الكروية بالنص قالوا انو الحارس جاء هنا أمريكا و فحص و طلع عندو شوية مشكلة في الشوف مش ارتجاج في المخ المهم الاتحاد بتاع اليوفا برأ أخونا راموس لانو راجعو الفديو ولقو السبب انو احد لعيبة ليفربول هو الدفع راموس و بسبب الدفعة الحارس انضرب.
ياجماعة زي ما قال أحد الإخوان ماتركزو مع ال32 الغريق قدام لكن رايكم شنو في ترشيحي للماكسيك من اول مداخلة؟ المكسيك من ما عرفته كأس العالم و هي بتجي تلعب بتلعب بحماس و قوة.
Post: #116 Title: Re: كاس العالم ..تنبؤات .. قصص .. انتيمات Author: محمد أبوالعزائم أبوالريش Date: 06-18-2018, 08:59 AM Parent: #115
يا سفيان، رغم إنو متابعتي لكرة القدم تنحصر في نهائيات كأس العالم فقط، إلاّ إني أقدر أقول ليك فريق المكسيك واحد من الفرق ليها تأثير في مجريات المنافسة، يعني بتتسبب في إخراج فرق كبيرة وتأهيل أخرى ... لكنها لا تصل للنهاية.
شخصياً أستمتع جداً بأداء هذا الفريق.
Post: #117 Title: Re: كاس العالم ..تنبؤات .. قصص .. انتيمات Author: طارق عبد الله Date: 06-18-2018, 01:51 PM Parent: #116
Quote: يا سفيان، رغم إنو متابعتي لكرة القدم تنحصر في نهائيات كأس العالم فقط، إلاّ إني أقدر أقول ليك فريق المكسيك واحد من الفرق ليها تأثير في مجريات المنافسة، يعني بتتسبب في إخراج فرق كبيرة وتأهيل أخرى ... لكنها لا تصل للنهاية.
شخصياً أستمتع جداً بأداء هذا الفريق.
فعلا الفريق المكسيكي من الفرق التي تضفي نكهة مميزة على كأس العالم وبالمناسبة هو أكثر فريق تأهل لنهائيات المونديال عبر التاريخ بعد الأربعة الكبار البرازيل وألمانيا وايطاليا والأرجنتين، وفي مباراته الأخيرة ضد ألمانيا قدم عرضا نموذجيا مع تمازج السرعة والموهبة واللياقة البدنية والتكتيك المناسب وبدون شك استحق الفوز وكان يمكنه زيادة غلته من الأهداف، أما ألمانيا فقد دفعت ثمن غياب المهاجم الصريح والقناص منذ اعتزال كلوزه ولايوجد لديها سوى ماريو جوميز الذي يعاني من هبوط المستوى ولايمكن مقارنته بنجوم الألمان التاريخيين في هذا المركز من غيرد مولر ورومينجيه ورودي فولر وكلينسمان وغيرهم كذلك دكة البدلاء ليست بحجم فريق مثل ألمانيا وأتوقع أن يلاقي الفريق صعوبات جمة للدفاع عن لقبه. الجميل في المونديال حتى الآن تكافؤ المستويات بين الفرق بصرف النظر عن الأسماء باستثناء مباراة الافتتاح بين روسيا والسعودية، وبالمناسبة أتوقع خروج جميع الفرق العربية من الدور الأول عطفا على ماقدمته حتى الآن وربما يكون ذلك من صالحنا حتى يتوقف مذيعو الجزيرة الرياضية ومحللوها عن التحيز لها بالشكل المفضوح الذي يناقض الموضوعية والمهنية كما أراه.
Quote: فعلا الفريق المكسيكي من الفرق التي تضفي نكهة مميزة على كأس العالم وبالمناسبة هو أكثر فريق تأهل لنهائيات المونديال عبر التاريخ بعد الأربعة الكبار البرازيل وألمانيا وايطاليا والأرجنتين، وفي مباراته الأخيرة ضد ألمانيا قدم عرضا نموذجيا مع تمازج السرعة والموهبة واللياقة البدنية والتكتيك المناسب وبدون شك استحق الفوز وكان يمكنه زيادة غلته من الأهداف، أما ألمانيا فقد دفعت ثمن غياب المهاجم الصريح والقناص منذ اعتزال كلوزه ولايوجد لديها سوى ماريو جوميز الذي يعاني من هبوط المستوى ولايمكن مقارنته بنجوم الألمان التاريخيين في هذا المركز من غيرد مولر ورومينجيه ورودي فولر وكلينسمان وغيرهم كذلك دكة البدلاء ليست بحجم فريق مثل ألمانيا وأتوقع أن يلاقي الفريق صعوبات جمة للدفاع عن لقبه. الجميل في المونديال حتى الآن تكافؤ المستويات بين الفرق بصرف النظر عن الأسماء باستثناء مباراة الافتتاح بين روسيا والسعودية، وبالمناسبة أتوقع خروج جميع الفرق العربية من الدور الأول عطفا على ماقدمته حتى الآن وربما يكون ذلك من صالحنا حتى يتوقف مذيعو الجزيرة الرياضية ومحللوها عن التحيز لها بالشكل المفضوح الذي يناقض الموضوعية والمهنية كما أراه.
وبانتظار ماسوف تقدمه بلجيكا اليوم.
ما شأ الله تبارك الله يا طارق كلام دقيق و متكامل و شبه تخصصي. اتفق معاك و مع ابو الريش تمام في كل ما ذكر.
بنما تقدم الإثارة و تعلن أن لا فريق مغمور في العالم سوى الفرق العربية و الأفريقية التي ستخرج جميعها.
الان مارتيز يقتل بنما بكرة من خارج الخط معلن الأهداف الأول في أول دقيقتين من الشوط الثاني.
Post: #119 Title: Re: كاس العالم ..تنبؤات .. قصص .. انتيمات Author: osama elkhawad Date: 06-18-2018, 07:38 PM Parent: #118
اهلا سفيان
وشكرا على الاجابة ..
سيول المعلومات عن الرياضة والرياضيين التي اتاحتها ثورة الانفوميديا تتيح النظر اليها اي الرياضة والرياضيين والرياضيات بطرق اخرى،
تختلف عن النظر التقليدي أي الاكتفاء بالمتعة او الضجر..
مثلا ًيمكن الجمع بين البحث عن المتعة وتحليل مجريات الاشواط ومقارنتها بما يقول به المختصون في الاستديو التحليلي..
يمكن الانتباه الى الخلفيات الثقافية للاعبين وما يقومون به من تصرفات . مثلا صلاة لوكاكو هدّاف بليجكا مع لاعب من بنما في نهاية المباراة* ،
جعلتني اعتقد خطا انه مسلم .
.وبالبحث عنه في الانترنت اتضح انه مسيحي ملتزم رغم ما اشيع في صحيفة بريطانية تابلويدية من انه مسلم..
يمكن ايضا النظر الى اللاعبين بما يقدمونه من افعال الخير مثل سيرينا ويليامز التي بنت على نفقتها مدرسة للبنات ، تحمل اسمها ،في جنوب افريقيا مجهزة بالكمبيوترات،
مثلما بنى السويسري روجر فيدرر مدرسة في اثيوبيا، وبدأ في مشروع مهني تعليمي في احدى الدول الافريقية لتدريب فقراء افريقيا..
كذلك بنى محمد صلاح مركزا لغسيل الكلى في قريته...إلخ....
Quote: سيول المعلومات عن الرياضة والرياضيين التي اتاحتها ثورة الانفوميديا تتيح النظر اليها اي الرياضة والرياضيين والرياضيات بطرق اخرى،
تختلف عن النظر التقليدي أي الاكتفاء بالمتعة او الضجر..
مثلا ًيمكن الجمع بين البحث عن المتعة وتحليل مجريات الاشواط ومقارنتها بما يقول به المختصون في الاستديو التحليلي..
يمكن الانتباه الى الخلفيات الثقافية للاعبين وما يقومون به من تصرفات . مثلا صلاة لوكاكو هدّاف بليجكا مع لاعب من بنما في نهاية المباراة* ،
جعلتني اعتقد خطا انه مسلم .
.وبالبحث عنه في الانترنت اتضح انه مسيحي ملتزم رغم ما اشيع في صحيفة بريطانية تابلويدية من انه مسلم..
يمكن ايضا النظر الى اللاعبين بما يقدمونه من افعال الخير مثل سيرينا ويليامز التي بنت على نفقتها مدرسة للبنات ، تحمل اسمها ،في جنوب افريقيا مجهزة بالكمبيوترات،
مثلما بنى السويسري روجر فيدرر مدرسة في اثيوبيا، وبدأ في مشروع مهني تعليمي في احدى الدول الافريقية لتدريب فقراء افريقيا..
كذلك بنى محمد صلاح مركزا لغسيل الكلى في قريته...إلخ....
شكراً يا خواض يا شواف على لفت انتباهنا لزاوية شوف وفرحة أخرى انا شخصياً ما انتبهته ليها شديد رغم المامي ببعض الجوانب كمعلومات عامة مثلاً زي رفض كريستيانو رونالدو للوشم في جسمه لأنه متبرع دائم بالدم حيث يرفضون تبرع الأشخاص أصحاب الوشم. بعد مداخلتك الماتعة دي حقو ننتبه للتوسع البصري في الكورة دي.
Post: #121 Title: Re: كاس العالم ..تنبؤات .. قصص .. انتيمات Author: osama elkhawad Date: 06-19-2018, 01:08 AM Parent: #120
اهلا سفيان
شكرا على كلماتك الودودة.
سيرينا بنتْ اربع مدارس في يوغندا وزيمبابوي وكينيا وجمايكا.،
لست متاكدا الآن من جنوب افريقيا فقد اعتمدت على ذاكرتي لمشاهدة فيلم في قناة التنس عن افتتاحها مدرسة في افريقيا..
هنا فيديو عن افتتاح مدرسة تحمل اسمها في ريف كينيا النائي بمساندة تكنلوجية من شركة اتش بي:
Post: #122 Title: Re: كاس العالم ..تنبؤات .. قصص .. انتيمات Author: osama elkhawad Date: 06-19-2018, 02:02 AM Parent: #121
خالص اسفي استاذ عبدالله لو كان في طرحي ما يخرج البوست عن موضوعه..
أختم كلامي ببسط كتاب مهم عن كرة القدم كتبه واحد من اعظم كتّاب امريكا اللاتينية.
ومن التعبيرات التي اتذكرها "الصيدليات المتحركة" في وصف إلزام اللاعبين باللعب بمساعدة المسكنّات !!!
Post: #123 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-19-2018, 02:58 PM Parent: #122
شكراً خواض مداخلاتك سلطت الضؤ على جانب اخر مشرق في لعبة كرة القدم وفي الرياضه عموم فالرياضين رواد اجتماعيين وتبادلهم المحبه مع محبيهم بهكذا اعمال يعطي الرياضه ادوار اخرى في المجتمع
Post: #124 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-19-2018, 03:04 PM Parent: #123
خسارة مولمبيا من اليابان اعتبرها اولى مفاجأت المونديال ولكن ردود الفعل الغبيه لبعض اللاعبين دائماً تتسبب في خسارة فرقهم وكارلوس سانشيز تسبب في خسارة فريقه برد فعل غبي فالمباراه في دقائقها الاولى والهدف يمكن تعويضه ولكن النقص العددي لاكثر 85 دقيقه لا يمكن تعويضه ولكنه اختار رد الفعل الخطأ فخسر فريقه لاعب واحرزت اليابان هدف
السنغال تسجل اول هدف من نيران صديقة لكن الكورة دي لسه بدري عليها. اعتقد أيضا انو السنة دي هدافي كأس العالم صعب التنبؤ بهم لانو العمالقة موجودين كريستيانو رونالدو و روميو لوكاكو و هاري كين و ما اظن يمرق منهم الهداف.
Post: #128 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-19-2018, 05:07 PM Parent: #127
Quote: خالص اسفي استاذ عبدالله لو كان في طرحي ما يخرج البوست عن موضوعه..
عادي يا حبيب تطلع من االموضوع وترجع تاني مافي نقاش حر ، بنتونس في الدنيا دي ساي
Post: #129 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-19-2018, 05:09 PM Parent: #127
Quote: غايتو يا على محمد الفكي كان كلومبيا دي طلعت كارلوس سانشيز دا الا يطلب اللجوء في دولة تانية هههههه
بلحقوهو اسكوبار بتاع 90
Post: #130 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-19-2018, 05:44 PM Parent: #129
Quote: غايتو يا على محمد الفكي كان كلومبيا دي طلعت كارلوس سانشيز دا الا يطلب اللجوء في دولة تانية هههههه
يا سفيان عصابات المراهنات خطيره غايتو الله يستر عليهو ما يلحقو في روسيا
Post: #131 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-19-2018, 05:47 PM Parent: #130
Quote: اعتقد بولندا ح تضرب في زمن قاتل.
السنغال حتى الان تبلي بلاء حسن وفي طريقها لحصد النقاط الثلاث
معليش يا جماعة لكن اسمحوا لي اقول :- زووووووووووووووووط زووووووووووووووووط زووووووووووووووووط زووووووووووووووووط و فرحان انو محمد صلاح لاعب لانو لو ما لعب الوهم ديل حيفتكروا انهم كانوا ح يشيلو الكأس.
معليش تاني زووووووووووووووووط و تالت زووووووووووووووووط
Post: #136 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-19-2018, 08:53 PM Parent: #133
Quote: و فرحان انو محمد صلاح لاعب لانو لو ما لعب الوهم ديل حيفتكروا انهم كانوا ح يشيلو الكأس.
ههههههههههه اول المغادرين
Post: #135 Title: Re: كاس العالم ..تنبؤات .. قصص .. انتيمات Author: طارق عبد الله Date: 06-19-2018, 08:25 PM Parent: #1
روسيا تأخذ نصيبها من الشباك العربية.... ثمانية أهداف حتى الآن في مباراتين! مع ذلك أقول الفريق الروسي ضعيف ومتواضع المستوى وربما ينتهي به المطاف في الدور القادم وأعتقد أن جدول المباريات قد خدمه بشكل كبير إذ لو كانت بداية مبارياته مع الاوروغواي بدلا من السعودية لكان الوضع مختلفا ولكانت حساباته أصعب.
Post: #137 Title: Re: كاس العالم ..تنبؤات .. قصص .. انتيمات Author: محمد أبوجودة Date: 06-19-2018, 10:34 PM Parent: #135
تحايا مسائية لكم، أخي عبدالله إدريس، وتيمـه His team-work آل مُنَوّع .. لاسيما بدخول "قوات الاحتياط" من أمثال أخينا الودود حمد عبدالغفار (حمد لكييين ما بالغتا يا أخي الكريم، ما يجوووز! الناس تعاين بي جاي "وسط الدائرة" وانتا مُلتفِت لــِ " أجمل نائرة" .. خلِّي قلوبنا تسييييير .. ارحلي بينا "فراشة" حنيييينة بين "زينات" وُ " عَبيييير" .. ههههالأخ طارق عبدالله، ليك التحايا وعيد سعيد،كلامك دا : (( روسيا تأخذ نصيبها من الشباك العربية.... ثمانية أهداف حتى الآن في مباراتين! مع ذلك أقول الفريق الروسي ضعيف ومتواضع المستوى وربما ينتهي به المطاف في الدور القادم وأعتقد أن جدول المباريات قد خدمه بشكل كبير إذ لو كانت بداية مبارياته مع الاوروغواي بدلا من السعودية لكان الوضع مختلفا ولكانت حساباته أصعب. )) فإنّي اشتمُّ فيه رائحة "مخافير" أو شيء من تلك الرائحة..! وأعني أن هناك شُبهة (بيع فِرَق عربية) للدُّبّ الماكن وُكِدا فما رأيك ..؟!
وَ هذه مُلحة الوداع.. فقد جاء في الواطساب، أن مصريا سعى لإيقاظ ابنه لصلاة الفجر مُحَفِّزاً، فقال له: قوووم يا ابني خلّينا نصلّي الفحر وُ نِدْعي لمصر تكسب روسيا. تمطّى الابن في رقدته، ومن بين النوم وا الصّحيان، ردّ على أبيه:يا بابا نِـدعي إيه دا ..؟!! دي السعودية اللّي فيها "الكعبة" أكلت 0 - 5 عايزنا إحنا ندعي وُ "ما حِــيلتناش" غير "فرعون"
Post: #138 Title: Re: كاس العالم ..تنبؤات .. قصص .. انتيمات Author: osama elkhawad Date: 06-19-2018, 11:43 PM Parent: #137
لاحظت انّ معلقي قنوات "البي اي ان" يتحدّثون عن "تونس، ومصر، والمغرب بوصفها "فرقاً عربية" فقط.
ولا يتحدثون عن أنها تمثّل -في الأصل- قارتي فريقيا وآسيا.
وأنها ما كانت لتحظى بفرص المشاركة بصفتها "العربية"....
لا مانع من التحدّث ثانيا عن تلك الفرق ك"عربية"،
ولكن بعد التحدث أوّلاً عن علاقتها الأصلية بالقارة التي أتاحت لها تلك الفرص..
ايوة يا خواض ملاحظتك سليمة جدا ودي حاجة عجيبة توضح أن العنصرية وعي ظلامي مستبطن.
طبعاً انا بعد خروج السعودية و المغرب و مصر و تونس ح اكون مستعد لبداية كأس العالم.
الأسطورة رونالدو يبدأ السيطرة على هداف كأس العالم.
Post: #140 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-20-2018, 09:11 PM Parent: #139
Quote: الأسطورة رونالدو يبدأ السيطرة على هداف كأس العالم.
البرتغال في خطر فالمستوى الذي اظهره المنتخب الايراني خاصه اما اسبانيا انذار شديد اللهجه للبرتغال اسبانيا كسبت بصعوبه بهدف ساندها فيه الحظ وايران لعبت بانضباط دفاعي يصعب مهمة منتخبات اللاعب الواحد
Post: #141 Title: Re: كاس العالم ..تنبؤات .. قصص .. انتيمات Author: محمد أبوالعزائم أبوالريش Date: 06-20-2018, 09:21 PM Parent: #140
Quote: لاحظت انّ معلقي قنوات "البي اي ان" يتحدّثون عن "تونس، ومصر، والمغرب بوصفها "فرقاً عربية" فقط.
ولا يتحدثون عن أنها تمثّل -في الأصل- قارتي فريقيا وآسيا.
وأنها ما كانت لتحظى بفرص المشاركة بصفتها "العربية"....
لا مانع من التحدّث ثانيا عن تلك الفرق ك"عربية"،
ولكن بعد التحدث أوّلاً عن علاقتها الأصلية بالقارة التي أتاحت لها تلك الفرص..
قليل من "الاحترافية"،مفيد للصحة العقلية هههههه
بح صوتي وانا بقول الكلام ده .... طبعاً السعودية بتنسى إنها بتمثل آسيا ... وعموماً السعوديين ما عارفين إنهم آسيويين برضو المصريين ما عارفين إنهم بيمثلوا أفريقيا أو بيتناسوا الكلام ده
Post: #142 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-20-2018, 10:14 PM Parent: #140
Quote: لاحظت انّ معلقي قنوات "البي اي ان" يتحدّثون عن "تونس، ومصر، والمغرب بوصفها "فرقاً عربية" فقط.
نفاق ما قدرت افهمو كلو كلو .. كتير جدا بسمع تعليق انجليزي يوم واحد ما سمعت معلق يتكلم عن منتخبات اوربية او يشجعها ضد االلاتينية مثلا او الافريقية ما علاقة كرة القدم بهذا النفاق ؟
Post: #143 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-20-2018, 10:18 PM Parent: #142
Quote: البرتغال في خطر فالمستوى الذي اظهره المنتخب الايراني خاصه اما اسبانيا انذار شديد اللهجه للبرتغال اسبانيا كسبت بصعوبه بهدف ساندها فيه الحظ وايران لعبت بانضباط دفاعي يصعب مهمة منتخبات اللاعب الواحد
يا علي دي نفس الطريقة الفازت بيها في اليورو ، بص شندي معاهو شوية حظ وحتلاقي منتخبات متواضعة في الknock-out زي ما لاقت ويلز والمجر في اليورو
Post: #144 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-20-2018, 10:28 PM Parent: #143
Quote: الأسطورة رونالدو يبدأ السيطرة على هداف كأس العالم.
انشالله بركة الرسول الغالي وجوزاتو االحوالي ، على قول حبوبتي ، تتسلط عليهو نصيبتن في بطنو دي لامن يقدّولو العنقريب الانتهازي الرجعي البرجوازي المتعفن
Post: #145 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-20-2018, 10:32 PM Parent: #144
الان تأهل رسميا منتخبا روسيا والاورغواي .. باقي 14 مقعد من يا ترى سيفوز بها ؟
Post: #146 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-21-2018, 01:31 AM Parent: #144
Quote: انشالله بركة الرسول الغالي وجوزاتو االحوالي ، على قول حبوبتي ، تتسلط عليهو نصيبتن في بطنو دي لامن يقدّولو العنقريب الانتهازي الرجعي البرجوازي المتعفن
هههههههههههههههههههه هااااي هههههههه انت الزول دا مكاجرو ساااي ياخ و هو أفضل من زولكم ميسي ميات المرات بما يفعله و يقدمه فبلاش شتائم بلشفية معاك هههههههه
يا حليلو ميسي الليلة ذكرني العتود الرايح من امو هههههههه
Post: #150 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-21-2018, 09:06 PM Parent: #149
Quote: يا حليلو ميسي الليلة ذكرني العتود الرايح من امو هههههههه
هههههههههه بتخيل في منظر العتود حايم تحت الغنم يا سفيان الارجنتين منتخب بلا روح وميسي كأنو في زول مزعلو هههههههههههه احييك على ترشيحك كرواتيا من البدايه
Post: #151 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-21-2018, 09:18 PM Parent: #149
Quote: يا حليلو ميسي الليلة ذكرني العتود الرايح من امو هههههههه
العتود اليتيم (بس ما دغور) خليك دقيق بصراحة ده مستوى الارجنتين وده مستوى كرواتيا ، دي وجهة نظري في المنتخبين من البداية فريق يضم افضل محور وسط في ريال مدريد وافضل محور وسط في برشلونة ، يعني افضل محورين في العالم ببساطة من يوجد في وسط الارجنتين ؟ نكرات بجانب ماسكيرانو 34 سنة ويلعب في الدوري الصيني، من في الدفاع ؟ اوتاميندي ونكرتين وحارس مرمى يلعب بيديه فقط زي عتالي البتيخ مسكين ميسي والله ..اشفق عليه
Post: #153 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-21-2018, 09:26 PM Parent: #151
الان امام الارجنتين سيناريوهات صعبة لابد ان تتحق لكي تتأهل : 1- تفوز الارجنتين على نيجريا 2- تفوز نيجريا غدا على ايسلندا او تتعادل معها 3- تفوز كرواتيا على ايسلندا او تتعادل معها وحتى لو تحقق هذا السيناريو فليس لمنتخب الارجنتين اي مستقبل في المنافسة الا لو لعب بميسي وديبالا في الهجوم ، لا اغويرو ولا هيجواين حتى لا يتم خنق ميسي في الوسط ومن ثم تحييد المنتخب بكامله واشرك لو سيلسو اساسيا في خط الوسط كل الفرق اصبحت تلعب بخطة واحدة فقط ، اخنق ميسي وانسى
Post: #154 Title: Re: كاس العالم ..تنبؤات .. قصص .. انتيمات Author: طارق عبد الله Date: 06-21-2018, 09:34 PM Parent: #153
تحليل مميز يا أخونا عبدالله والمشكلة طبعا نيجيريا وباقي الفرق الأفريقية لا يمكن التنبؤ بنتائجها وبشكل أكثر من باقي الفرق يعني يغلب أجعص جعيص ويتغلب من الطيش بشكل مفاجئ وده بيزيد الاثارة والمتعة في هذه المجموعة
Post: #152 Title: Re: كاس العالم ..تنبؤات .. قصص .. انتيمات Author: طارق عبد الله Date: 06-21-2018, 09:22 PM Parent: #1
نقاط حول فريق كرواتيا....
أفضل فريق في المونديال حتى الآن من ناحية التكتيك والقوة البدنية، لا يجارى في الانتشار السليم وافتكاك الكرة من الخصم ووضعه تحت الضغط لدرجة أنك تحس بأنهم يلعبون بأكثر من ١١ لاعبا، قوة الفريق تكمن في خط الوسط وبالذات التناغم بين الثنائي راكيتيتش ومودريتش، وباعتقادي لو كان الفريق يتوفر على هدافين من عينة النجم التاريخي السابق لكرواتيا دافور سوكر لأصبح الحصان الأسود للبطولة بسهولة وقد ينافس في التتويج باللقب.
الأرجنتين فريق متهالك ويفتقر للروح والانسجام ونتائجه السيئة ليست وليدة اللحظة بل هي حصيلة تراكمات عديدة لسنوات، وأعتقد أن الخلل في الكرة الأرجنتينية يعود للمدرسة التدريبية والاعداد البدني والنفسي للاعبين.
Post: #155 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-21-2018, 10:12 PM Parent: #152
Quote: والمشكلة طبعا نيجيريا وباقي الفرق الأفريقية لا يمكن التنبؤ بنتائجها وبشكل أكثر من باقي الفرق يعني يغلب أجعص جعيص
دي نقطة مهمة وصحيحة 100% نيجيريا بالذات ، مع الكاميرون ، حققوا مفاجأت كبيرة في كاس العالم ماببنسى ابدا اخراجهم لاسبانيا وزنقتهم القوية جدا لايطاليا في مونديال 94 لولا عبقرية باجيو في الاشواط الاضافية على ما اذكر لا يمكن التنبؤ ابدا بالفرق الافريقية اعتقد ان فرصة الارجنتين في العبور ضئيلة جدا
Post: #156 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-22-2018, 03:04 AM Parent: #155
يا عبد الله إدريس ياخ فكنا من ميسي دا ههههههه الزول دا اي نجم وللعاب و معلم واي شي بس براهو كده ما بيسوي شي غير إظهار مهاراته و فرفرتو دي في فرق بين اللاعب السوبر سوبر استار و اللاعب السوبر استار واحده بس هههههههههه اها ميسي دا زيو زي اي رونالدينهو و أي آخر حريف لكن يظل الفرق بينه وبين لعيبة زي كريستيانو رونالدو و تيري اونري فرق شاسع و كبير لأنهم لعيبة اتميزو بالقوة و الشراسة و عزم الإستسلام و القتال و العمل الجماعي و تميزو اكتر بالشخصيات التي تفرض اسلوبيتها الهجومية المميزة. المهم هههههههه ح نشهد معركة أخيرة قوية للأرجنتين و هي (بترفس) لإخراج الروح و بعديها ح يبدي فاصل درامي آخر بطله ميسي الذي سيعتزل اللعب مع الأرجنتين مرة أخرى كعادته ههههههههه مش قلته ليك شخصية باهتة و مملة هههههههه
Post: #157 Title: Re: كاس العالم ..تنبؤات .. قصص .. انتيمات Author: Hassan Farah Date: 06-22-2018, 07:16 PM Parent: #1
سلامات يا حسن فرح... ايوة الصبي احمد موسى سواها ولا يخاف عقباها ما شاء الله تبارك الله عليهو اها بعد كده يضربو العتود الرايح و رفقاه أو يدرنو معاهم و آيسلندا تدري مع كرواتيا و يتخارجو مع الأرجنتين عشان كاس العالم (العالم) الجد جد يبدأ.
Post: #159 Title: Re: كاس العالم ..تنبؤات .. قصص .. انتيمات Author: جلالدونا Date: 06-22-2018, 08:42 PM Parent: #158
كده الارجنتين امورا اتعقدت شديد نيجيريا ما اظن تكون صيد سهل بالنسبة ليها خاصة مع ارتفاع طموحات تأهّلا يا اخوانا فى احتمال لى مباراه بين المكسيك و كرواتيا يتخيل لى دى ح تكون زبدة كاس العالم
Post: #160 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-22-2018, 11:15 PM Parent: #159
بختلف معاك يا جلال النتيجة دي ادت الارجنتين امل لو فازت ايسلندا كان حيكون عندها 4 نقاط وتعادل مع كرواتيا يضمن ليها التأهل بغض النظر عن نتيجة الارجنتين - نيجيريا كده على االارجنتين هزيمة نيجيريا اولا ، بعداك ايسلندا ما تفوز على كرواتيا ، تتعادل او تتغلب بس نيجيريا نعم عندها امل كبير تتعادل او تهزم الارجنتين بشرط ايسلندا ما تفوز على كرواتيا يبقى كده ايسلندا هي الفريق الاقل املا لانو مباراتها مع كبير المجموعة وحتكون صعبة جدا ، لانو كرواتيا ما ضمنت صدارة المجموعة لسه نيجيريا عندها امل تتصدر المجموعة ولو صغير ..
Post: #161 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-22-2018, 11:35 PM Parent: #160
مداخلة من بوست عثمان محمود ردا على سفيان الحاقد حاشيل عثمان واخت في مكانو سفيان يا سفيان ياخ انت بتتمنى كاس عالم بدون ميسي ؟ المشكلة في المدرب والمنتخب بشكل عام ، ضعيف جدا عناصريا عايزين ميسي يجيب الاقوان ويصنع اللعب والفرص ويقعدو يتفرجوا ساي ؟ مش ممكن خط الوسط كلو مافيهو زول بلعب في دوري الابطال ! خليك من انو ينافس عليهو شوف ، فريق ما فيهو لاعبين كتار بنافسو على اعلى مستوى في دوري ابطال اوربا ده فريق بائس فريق ما عندو لاعبي محور وسط على اعلى مستوى ، ده فريق جااي يشارك بس ويتكل على الله شفت امبارح كرواتيا مع مودريتش وراكيتيتش ؟ وبعد كده عندهم كوفاسيتش قاعد برة وكوفا افضل من كل لاعبي وسط الارجنتين الماعارف بلعبوا وين ديل الارجنتين بقا فريق محفوظ : اخنق ميسي وفوز بالمباراة مين ميتزا وتاليافيكو وميركادو وبافون الخ الخ الخ ، بلعبوا وين ديل ؟ ده كلو كوم ولحارس بتاعهم ده كوم تاني ! على المدرب تحرير ميسي وتقديمه كمهاجم صريح مع ديبالا واللعب بلو سيلسو اساسي في الوسط حتى لا يتم خنق ميسي من منطقة الوسط بلا هيجواين بلا اغويرو بلا لمة
Post: #162 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-23-2018, 00:23 AM Parent: #161
Quote: بس نيجيريا نعم عندها امل كبير تتعادل او تهزم الارجنتين بشرط ايسلندا ما تفوز على كرواتيا
اول شي خليني ارد على كلامك الفوق دا بعديها بجرد ليك حملة رد على هضربتك في مداخلتك التانية التحت يا ود إدريس. اها نيجيريا أقلاها ح تطلع تعادل مع الأرجنتين و الكروات ضارب ين آيسلندا و كل قرد يطلع جبلو.
Post: #164 Title: Re: كاس العالم ..تنبؤات .. قصص .. انتيمات Author: عثمان الأمام Date: 06-23-2018, 06:58 AM Parent: #162
سلامات عبدالله وسفيان
مباريات كأس العالم لحد هسه ماشة حسب المتوقع الكروات فنانين بقيادة اللوكا مودريتش والبلجيكيون قادمون الاسبان قادرين على تخطي المراحل الأولى وفرصتم ما زالت موجودة والعرب كالعادة خارج البطولة من الدور الأول ونتمنى السنغال ونيجيريا في دور ال16 . الكأس أوروبي واضح المعالم
Post: #165 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-23-2018, 07:33 AM Parent: #164
Quote: يا سفيان ياخ انت بتتمنى كاس عالم بدون ميسي ؟ المشكلة في المدرب والمنتخب بشكل عام ، ضعيف جدا عناصريا عايزين ميسي يجيب الاقوان ويصنع اللعب والفرص ويقعدو يتفرجوا ساي ؟ مش ممكن خط الوسط كلو مافيهو زول بلعب في دوري الابطال ! خليك من انو ينافس عليهو شوف ، فريق ما فيهو لاعبين كتار بنافسو على اعلى مستوى في دوري ابطال اوربا ده فريق بائس فريق ما عندو لاعبي محور وسط على اعلى مستوى ، ده فريق جااي يشارك بس ويتكل على الله شفت امبارح كرواتيا مع مودريتش وراكيتيتش ؟ وبعد كده عندهم كوفاسيتش قاعد برة وكوفا افضل من كل لاعبي وسط الارجنتين الماعارف بلعبوا وين ديل الارجنتين بقا فريق محفوظ : اخنق ميسي وفوز بالمباراة مين ميتزا وتاليافيكو وميركادو وبافون الخ الخ الخ ، بلعبوا وين ديل ؟ ده كلو كوم ولحارس بتاعهم ده كوم تاني ! على المدرب تحرير ميسي وتقديمه كمهاجم صريح مع ديبالا واللعب بلو سيلسو اساسي في الوسط حتى لا يتم خنق ميسي من منطقة الوسط بلا هيجواين بلا اغويرو بلا لمة
يا عبد الله يا حبيبي مش انا البتمني كأس عالم بدون ميسي الواقع هو الحايفرض الحاجة دي و الكلام دا ببساطة خلاصته من جوة كلامك الفوق دا وهو انو الأرجنتين فريق ضعيف من حيث المدرب و من حيث الاعبين مش ياهو كلامك!؟ يبقى انت ذاتك مقتنع بانو كأس العالم ح يكون دون وجود هذا الشخص و لا مو هيك!؟ لكن ح اقول ليك كلامك ما صاح المدرب مدرب كويس و المنتخب فيهو نجوم كبيرة و ممتازة و اصلا الكلام ما غلاط هاك دا المنتخب و اسماء اللعيبة :- حراسة المرمى (3): روميرو (مانشستر يونايتد الإنجليزي) - ويلي كاباييرو (تشيلسي الإنجليزي) - فرانكو أرماني (ريفر بليت الأرجنتيني).
الهجوم (4): ليونيل ميسي (برشلونة الإسباني) - باولو ديبالا (يوفنتوس الإيطالي) - غونزالو هيغواين (يوفنتوس) - سيرجيو أغويرو (مانشستر سيتي الإنجليزي). اها ديل كلهم لعيبة ليهم وزنهم لكن مشكلة الكورة الأرجنتينية السنوات الفاتت دي رهنت كل خططها و تشكيلة لعبها فقط لخدمة ميسي ودي حاجة فاشلة زي فشل برشلونة البدأ حالياً في خلال دورات بطولة الأمم الأوروبية التلاته الفاتت ، ما ممكن برشلونة بتاريخها العريض ترون كل خططه و امجادها من أجل عشرة لعيبة فقط يخدمون لاعب واحد!!! ؟دي مشكلة منتخب الأرجنتين و كذلك برشلونة. بعدين انت ليه معترض على انو المنتخبات الأخرى تخنق ميسي و تكسب!! ؟ ياخ من حقها تكسب طالما انو سهل جداً خنق ميسي مش كده!! ؟ ما ياهو منتخب البرتقال كسب البطولة بتاعة الأمم الأوروبية و لحدي هسي ماشي كويس في كأس العالم و برضو بي لاعب واحد اسمو كريستيانو رونالدو ليه المنتخبات الأخرى ما قادره تخنقو!؟ هل سألته نفسك السؤال دا!؟ مش هو برضو (بنفس منطقك الفوق داك) معاهو لعيبة تعبانين!! ؟ اوكي اوريك السبب شنو!؟ السبب هو انو رونالدو لاعب صاحب روح قتالية و عندو من الإمكانيات و المقدرة و القوة ما يجعله سوبر استار و يخلق من أي كرة أمام المرمى هدف و يجيد الحلول في أحلك ظرف... ايوة دا السبب. شي اخير الأرجنتين ح تطلع من البطولة و دا آخر عام لميسي مع المنتخب و بعد عودته لبرشلونة برشلونتكم ح تتفرتق هههههههههه اسمعه مني و اتذكر كلامي دا.
Post: #167 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-23-2018, 12:39 PM Parent: #165
يا سفيان ياخوي صلي على النبي فريق شنو البتتكلم عنو ده : - الحارس الاساسي روميرو اخر مرة لعب اساسي مع الاندية قبل 4 او 5 سنة وبي سجمو ده اصيب وجا الاسوأ منو كابييرو وهو برضو احتياطي من كم سنة وشفناهو عمل شنو مع كرواتيا - الدفاع : فقط اوتاميندي والبقية لعيبة عاديين ، اشبيلية و روما واياكس وسبورتينغ لشبونة وروخو احتياطي في مانشستر ، يعني مافي تشيلسي ولا الريال ولا برشلونة ولا اتليتيكو ولا اليوفي - اما محور الوسط فدا اسوأ خط ولا يوجد فيه لاعب واحد يصلح لفريق تنافسي عدا لو سيلسو وهو شاب صغير لم يدفع به المدرب ولا ادري لماذا ، البقية من ؟ ماسكيرانو ؟ انتهى من اخر موسمين مع برشلونة ولحق جدي عمرو 34 او 35 سنة وبلعب في الصين ! دي ماريا وسط مهاجم وبرضو قاعد احتياط في سان جيرمان في دوري "الخليفي" الضعيف جدا البقية ديل بتاعين انديبيندنتي وبوكا واشبيلية الخ الخ لو كانوا لاعبين بينافسوا في كاس العالم كنا شفناهم في فرق كبيرة ، يا سفيان سوق الكورة زيو وزي اي سوق تاني بيتسم بالعقلانية ، يعني كل شي بي تمنو وكل شي بي قيمتو ، تلعب في لشبونة يعني الoutcome بتاعك بيناسب طموحات لشبونة وراتب لشبونة والدوري االبيلعب فيهو لشبونة وهكذا .. والعكس .. وشفنا مودرينش وراكيتيتش لعبو بيهم كيف ، شفنا تأثير اللاعب الكبير البيلعب اساسي في فريق كبير ، فرق يا سفيان .. - الهجوم ضايع بدون محاور وسط واطراف دفاع مافي فريق بيقدر ينافس - رونالدو لاعب هداف في فرص ، بيضمن ليك اهداف ، مافي فرص ، ما بيقدر يعمل اي حاجة ، في 3 كؤوس عالم سابقة خاضها سجل 3 اهداف فقط ! ما تقول لي شايل فريق وبتاع ، المنتخب يعتمد عليه في التسجيل بدرجة كبيرة نعم ، لكنه يعتمد على خط الوسط في الامداد ولديه فريق متماسك يلعب ككتلة واحد ويدافع بشكل ممتاز ، ميسي هو هداف الارجنتين وصانع اللعب وهو البساعد خط الوسط في االسيطرة واي حاجة ، بمجرد السيطرة عليه انتهى الموضوع ! وشفنا لمن اعتزل فترة شهور الحصل شنو للمنتخب لمن جا راجع والمنتخب الارجنتيني تأهل في اخر جولة ..
Post: #166 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-23-2018, 07:37 AM Parent: #164
Quote: مباريات كأس العالم لحد هسه ماشة حسب المتوقع الكروات فنانين بقيادة اللوكا مودريتش والبلجيكيون قادمون الاسبان قادرين على تخطي المراحل الأولى وفرصتم ما زالت موجودة والعرب كالعادة خارج البطولة من الدور الأول ونتمنى السنغال ونيجيريا في دور ال16 . الكأس أوروبي واضح المعالم
مرحب ود الإمام اخوي... كلامك صح الكأس أوربي مافي شك. واحد صاحبي قالي:- يا سفيان ياخ ما تحرق رزك لسه كأس العالم ما بدي ح يبدي لما ال (ما عالم) يتخارجو ههههههههه قلته ليهو ديل منو!؟ قال العرب و الأفارقة بتاعننا ديل هههههههههه
Post: #168 Title: Re: كاس العالم ..تنبؤات .. قصص .. انتيمات Author: طارق عبد الله Date: 06-23-2018, 02:26 PM Parent: #1
البلجيك ركبوا التوانسة التونسية خلاص.....بس الغريب ان خط دفاعهم سئ وبطئ الحركة وليس بمستوى فريق مرشح للتنافس على اللقب
يا طارق البلجيك انا مرشحهم كحصان اسود لكن ابدا ما ح يصلو دوري الأربعة ناهيك عن النهائي. المكسيك يغزون العالم. الألمان بعد زنقتهم هسي من السويد لكن ح يضربو السويد.
Post: #170 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-23-2018, 07:51 PM Parent: #169
الألمان بعد زنقتهم هسي من السويد لكن ح يضربو السويد. ــــــــــــــــــ
اذا استمروا بنفس طريقة الاداء في الشوط الاول اتوقع ان يلحقوا بركب المنتخبات العربيه
Post: #171 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-23-2018, 08:00 PM Parent: #170
Quote: سلامات عبدالله وسفيان
مباريات كأس العالم لحد هسه ماشة حسب المتوقع الكروات فنانين بقيادة اللوكا مودريتش والبلجيكيون قادمون الاسبان قادرين على تخطي المراحل الأولى وفرصتم ما زالت موجودة
اهلين يا عثمان المدريديستا بلجيكا اكثر فرق العالم موهبة في نظري ما معقول ياخ دي بروين وهازارد وميرتنز ولوكاكو وفي الدفاع عندهم كورتوا و الدرفيلد وفيرتونغين ومونييه وكومباني وفيرمايلين ، وسط اكسل وفلايني .. غايتو لو الموهبة بتدي اي ضمانات ، بلجيكا هي البطل
البلجيك رغم نجومية أسماء دفاعهم الا انو فيهو مشكلة كبيرة.
يا ود إدريس ياخ لعيبة الأرجنتين الفي المنتخب ياهم تقريباً الأفضل للأرجنتين لو في أفضل منهم كان جابوهم. لكن ما بالغته سوية في انك تدي ايحاء بانو لعيبة منتخب البرتغال لعيبة من العيار الثقيل أو أنهم أفضل من لعيبة الأرجنتين!؟ ياخ امشي راجع اساميهم و فرقهم ياخ ديل ناس دوري محلي سااااهت هههه. يا ود المكي ألمانيا أهو غيرت طريقة لعبها و دورو محاصرة لكن لأول مرة في حياتي أشاهد الألمان بدون هداف خطير بالرغم انو تاريخياً الألمان فيهو كل اللعيبة هدافين بحساسية عالية.
Post: #173 Title: Re: كاس العالم ..تنبؤات .. قصص .. انتيمات Author: عثمان الأمام Date: 06-23-2018, 08:53 PM Parent: #172
Quote: يا سفيان ياخ قول خير ..... الألمان زاتهم ما كانوا متأكدين أنهم (سيعودون) ..... دي ولادة.
عموماً .... المونديال ده ليس فيه كبير.
يا ابو الريش ياخ نحنا من زمان الكورة الألمانية دي علمتنا لو لو الحكم ما تييييت صفر اصلا ما تعتبر الكورة خلصت بانتصار احد الفريقين أو انتهت تعادل. يا صاحبي دي ما أول مرة ابدا و صدقني انا كنت متأكد من هدف الألمان و هسي انتو هنا كلكم اسمعوها تاني ألمانيا شايله الكأس شايلاهو.
Post: #178 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-23-2018, 10:45 PM Parent: #176
ياخ ديل روحهم روح كلب بالجد ! جاطو المجموعة تاني من الاول ! حتى المكسيك ذاتا تأهلا بقا ما مضمون
Quote: صاح إنت قلت بسخذنوا متأخرين ..... لكن كمّلوا البنزين
ههههههههههههه انت يا صاحبي قايلهم من السودان بنزينهم يكمل
Post: #182 Title: Re: كاس العالم ..تنبؤات .. قصص .. انتيمات Author: محمد أبوالعزائم أبوالريش Date: 06-24-2018, 09:47 AM Parent: #181
الغريبة يا سفيان، بي سجمهم ورمادهم ده، موقفهم بقى أحسن من السويديين، رغم إنهم متعادلين في النقاط والأهداف. لأنو باقي ليهم مباراة مع كوريا، ودي ممكن نقول في جيبهم. بينما السويد باقي ليها المكسيك متصدرة المجموعة.
و الله يا صاحبي صدق ماركيز ياخ دا شعب مليان فرح يحير.
كلومبيا رصعت بولندا تلاته زي الترتيب.
Post: #189 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-24-2018, 09:07 PM Parent: #188
Quote: كلومبيا رصعت بولندا تلاته زي الترتيب.
وصعبت المهمة على السنغال
Post: #190 Title: Re: كاس العالم ..تنبؤات .. قصص .. انتيمات Author: جلالدونا Date: 06-24-2018, 09:08 PM Parent: #189
خليها تصعب عليهم و يطيرو كمان
Post: #191 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-24-2018, 09:14 PM Parent: #190
Quote: خليها تصعب عليهم و يطيرو كمان
جلالدونا امرين احلاهم مر بعد العرض الراقي لكلومبيا ولكن نتمنى هزيمة اليابان من بولندا
Post: #192 Title: Re: كاس العالم ..تنبؤات .. قصص .. انتيمات Author: جلالدونا Date: 06-24-2018, 09:29 PM Parent: #191
اليابانيون يا على شعب راقى و الفريق بتاعن جا عشان يلعب كورة يقوم اللاعب الصعلوق نمرة 19 يعتدى على لاعب منهم بالضرب يخلّى دمومو تتجارى و قدام الحكم كمان .. و يكتفى بالكرت الاصفر ... ياخى ده الطرد شوية عليهو معقولة ياخ .. ده فريق يمارسو معاهو صعلقة خيران داكار ياخى
Post: #193 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-24-2018, 09:51 PM Parent: #192
Quote: اليابانيون يا على شعب راقى و الفريق بتاعن جا عشان يلعب كورة
فعلا .. و كورتهم نضيفة لمن بايخة عديل ديل شنو ياخ زول واحد يغالط مافي ؟ لاكين السنغال كورتها اجمل فيها ابداع اكتر اليابانيين كورتهم زي كومبيوتراتهم وحاجاتهم دي بالظبط لاكين فعلا السنغال فرصتها ضاقت ، كولمبيا فريق خطير جدا والتعادل معاهو ماا مضمون ابدا ، لو السنغال اتغلبت لازم بولندا تغلب اليابان باهداف اكتر ، كده حتتأهل
Post: #194 Title: Re: كاس العالم ..تنبؤات .. قصص .. انتيمات Author: أحمد الطيب بدرالدين Date: 06-24-2018, 11:03 PM Parent: #193
مساء الخير، أسمحوا لنا بالدخول في هذه الونسة الرياضية.. متابع للمونديال منذ أول يوم، رغم أن مواعيد المباريات لا تناسب من يعمل نهارا، لكن نهاية الأسبوع تكفي ... قبل البداية كنت أتوقع أن تصل نصف النهائي: روسيا و أسبانيا و البرازيل و ألمانيا و لكن بعد هذه البداية القوية لبعض الفرق مثل مكسيك و كرواتيا و الظهور المتواضع لألمانيا و البرازيل الواحد يتوقع مفاجآت!!!
نحن جيل فتحنا عيوننا على مونديال ألمانيا في ١٩٧٤ و الأرجنتين ١٩٧٨ مونديال ألمانيا ١٩٧٤ ظهرت فيه أشياء كثيرة باكنباور و مولير كانوا عمالقة و حققوا فوزا كبيرا بالكأس هولندا و الأسطوري يوهان كرويف أبهروا العالم بأسلوب الكرة الشاملة (توتال فوتبول)! كذلك أتذكر بولندا و كان عندهم لاعب شهير جدا حيث حلوا ثالثا بعد هولندا.... زائير كان الفريق الوحيد من أفريقيا... هولندا فعلتها مرة ثانية في الأرجنتين و لعبت النهائي. يوهان كرويف لم يشارك و عرفنا بعدها أن الـCIA تدخلت لمنعه حتى تضمن الكأس للأرجنتين.. أمريكا كان تريد أن تلمع النظام الديكتاتوري في بوينس آيروس فكان لا بد من التآمر من أجل أن تفوز الأرجنتين بقيادة كمبس! أمريكا مارست نفس الأسلوب في تلميع نظام موبوتو سيسي سيكو عندما جلبت ملاكمة القرن بين محمد علي و جورج فورمان لتلعب في كينشاسا،،، (رومبل إن ذَا جونغل)
فعلا لا توجد بطولة رياضية أعظم من المونديال
Post: #195 Title: Re: كاس العالم ..تنبؤات .. قصص .. انتيمات Author: osama elkhawad Date: 06-25-2018, 00:23 AM Parent: #194
Post: #196 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-25-2018, 01:54 AM Parent: #195
قروش تعادل ميزانية دول كحيانه في أفريقيا يا خواض هههههع
Post: #197 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-25-2018, 09:18 AM Parent: #196
Quote: مساء الخير، أسمحوا لنا بالدخول في هذه الونسة الرياضية.. متابع للمونديال منذ أول يوم، رغم أن مواعيد المباريات لا تناسب من يعمل نهارا، لكن نهاية الأسبوع تكفي ... قبل البداية كنت أتوقع أن تصل نصف النهائي: روسيا و أسبانيا و البرازيل و ألمانيا و لكن بعد هذه البداية القوية لبعض الفرق مثل مكسيك و كرواتيا و الظهور المتواضع لألمانيا و البرازيل الواحد يتوقع مفاجآت!!!
حبابك 10 احمد وشكرا على مشاركة ذكرياتك فعلا الامور ما واضحة ، مافي نجوم سوبر كتيرين في الفرق التقليدية وفي الكرة العالمية بشكل قارن منتخب المانيا في التسعينات وأسي ، ماتيوس - سامر -هاسلر-بريمة -كلينزمان-فولر -شول مقارنة معدومة تقريبا في كل المراكز ، نفس الشي ينطبق على فرنسا ، البرازيل ، الارجنتين باستثناء اسبانيا التي تعيش بقايا عصر ذهبي بدأ في الافول ..
Post: #198 Title: Re: كاس العالم ..تنبؤات .. قصص .. انتيمات Author: osama elkhawad Date: 06-25-2018, 12:41 PM Parent: #197
Quote: قروش تعادل ميزانية دول كحيانه في أفريقيا يا خواض هههههع
الفيفا يا سفيان كسب من مونديال البرازيل ٢٠١٤ ٢.٢ بليون دولار صافي ربح..
الرياضة أصبحت واحدة من أكبر مجالات البزنس...في السوبر بول في امريكا ثلاثون ثانية دعاية تكلف خمسة مليون دولار ؟؟؟؟
Post: #199 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-25-2018, 05:42 PM Parent: #198
كما توقعت .. المنتخب السعودي ليس سيئا للدرجة البتخليهو ياخد 5 من روسيا منتخب ضعيف الشخصية مصاب بعقدة الخواجة اما مصر فلن تتخلص من فوبيا الهزيمة الى الابد منتخب جبان جدا جدا لا يلعب لتسجيل الاهداف وانما يلعب لتفادي قبولها ودي بقت ليهم عقيدة عديل يتغير المدرب وتظل نفس العقيدة سائدة عشان ما نقول دي تعليمات كوبرحتى قدام السعودية ما عايزين يلعبو كورة عموما الاورغوي تصدرت المجموعة بجدارة بعد لقنت روسيا المملة درسا لن تنساه ..
سليم يا خواض الرياضية أصبحت أهم مجالات الأموال و استثمارها.
صح يا عبد الله إدريس انا برضو قبل الكورة دي كنت متيقن انو السعودية ح تضرب الوهم ديل (هم الاتنين وهم ههههه) لانو الكورة السعودية متطورة اكتر من كرة المصريين.
Post: #201 Title: Re: كاس العالم ..تنبؤات .. قصص .. انتيمات Author: osama elkhawad Date: 06-25-2018, 06:11 PM Parent: #199
المدرب دوره محوري ..
مدرب المكسيك الكولومبي أعد خطة هزيمة المانيا قبل ستة أشهر:
Post: #202 Title: Re: كاس العالم ..تنبؤات .. قصص .. انتيمات Author: osama elkhawad Date: 06-25-2018, 06:26 PM Parent: #201
مصري زعلان من بهدلة مصر الكروية:
لماذا لا نفرح؟؟؟
Post: #203 Title: Re: كاس العالم ..تنبؤات .. قصص .. انتيمات Author: جلالدونا Date: 06-25-2018, 06:45 PM Parent: #202
قلبى مع ايران ..... فريق يلعب بمسئولية و التزام خططى جاد اليوم لا سبيل لهم غير الفوز و الفوز عاوز لعب هجومى ....... اهو و بالمرة نتحول من تشجيع الفرق العربية لى فرق اسلامية ما عدا السنغال طبعا
Post: #204 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-25-2018, 09:44 PM Parent: #203
**ايران قربت تحقق المفاجأة .. البرتغال تأهلت بشق الانفس ، المهاجم الايراني ضيع هدف في الدقيقة 94 مبالغة عديل ، الزول ده لو رفع الكورة فوق الحارس بكل هدوء رونالدو كان جا راجع مع المصريين بعد ضربة الجزا الضيعا دي لكن الحظ بفوت رونالدو يمشي وين ؟ غايتو هاردلك جلال .. ** المغرب كمان لعبت كورة محترمة للمباراة ال3 على التوالي وللاسف حظها نايم ، المجموعة مفروض يتاهلو منها المغرب واسبانيا بحساب مؤشرات الاداء ، بس عيبهم الوحيد انو ما عندهم مهاجم كبير .. ** كده اسبانيا المتصدرة حتقابل روسيا ، البرتغال حتقابل الاورغواي في ال16.
Post: #205 Title: Re: كاس العالم ..تنبؤات .. قصص .. انتيمات Author: جلالدونا Date: 06-26-2018, 01:39 AM Parent: #204
فعلا ياهو الحظ يا عبدالله بالنسبة للاداء الروسى اسبانيا متوقع تصل دورى التمانية لكن البرتقال ما ظنيت شبح الصراع بين ريال مدريد .و برشلونة حايم فوق المباراه صراع تانى بين سواريز و كرستيانو
Post: #206 Title: Re: كاس العالم ..تنبؤات .. قصص .. انتيمات Author: osama elkhawad Date: 06-26-2018, 03:48 AM Parent: #205
هههههههههههههههه هههههههه و الله فديو الزول الزعلان دا يكتل عديييل
Post: #208 Title: Re: كاس العالم ..تنبؤات .. قصص .. انتيمات Author: محمد مجيدو Date: 06-26-2018, 12:43 PM Parent: #1
الاخ عبدالله .. وضيوفك الكرام ..
السلام عليكم .. وكل عام وانتم بخير ,,
المسلسل الكرتوني ( سميسون ) دائما ما يتنبأ بحداث مستقبلية بعضها قد حدث بالفعل .. ولقد تنبأ المسلسل بوصول فريق البرتغال والمكسيك للنهائي ... واذا حدث ذلك فاني ارشح البرتغال لنيل البطولة 2018 .. والله اعلم ,,
عااالم بطاالــــــــــــــــــــة ,,
Post: #209 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-26-2018, 09:22 PM Parent: #208
شي مخجل و الله الذي حدث في مباراة الأرجنتين و نيجيريا، الأرجنتين كالعادة قدرة تستفيد من أبسط الفرص رغم تفوق نيجيريا في الفرص و عدد الهجمات. الأرجنتين اعتقد انها لن تتجاوز المرحلة القادمة.
Post: #211 Title: Re: كاس العالم ..تنبؤات .. قصص .. انتيمات Author: جلالدونا Date: 06-26-2018, 09:31 PM Parent: #210
تعرف يا سوفينى فرنسا ,الارجنتين واروغواى و البرتقال بحسب القرعة ح يكون فى فريق واحد من المجموعة دى فى دورى الاربعة تخمينى ماشى مع الاروغواى
Post: #212 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-26-2018, 10:00 PM Parent: #211
Quote: المسلسل الكرتوني ( سميسون ) دائما ما يتنبأ بحداث مستقبلية بعضها قد حدث بالفعل .. ولقد تنبأ المسلسل بوصول فريق البرتغال والمكسيك للنهائي ... واذا حدث ذلك فاني ارشح البرتغال لنيل البطولة 2018 .. والله اعلم ,,
مرحبا مجيدو نعم ده اولمبياد مفاجات لكن ما للدرجة دي عمك سيمبسون ده بكون ما شاف بلجيكا
Post: #213 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-26-2018, 11:35 PM Parent: #212
تأهل الارجنتين بشق الانفس يوضح تماما مستواها المتواضع بصراحة فريق مفكك بلا هوية ، ما عارف المدرب بتاعهم ده قاعد يعمل في شنو ؟ التشكيلة بتاعتو دي من حوالي سنة ما اتغيرت ، نفس الاداء ونفس النتائج المتذبذبة ونفس التوهان ! ياخي غير حاجة طالما ديل ما نافعين ده شنو الممل ده ؟ لييه لاعب موهوب زي لو سيلسو يقعد كنب ولعيبة ما يسوو تعريفة زي ميتزا وبافون بلعبو اساسيين ؟ ليه الاعتماد على ماسكيرانو شيخ شيوخ الدوري الصيني في مركز يحتاج للياقة بدنية وذهنية كبيرة جدا ليه وسط الارجنتين بلعب بكثافة منخفضة جدا جدا وهو عارف انو عندو خط هجوم عل مستوى عالي ودفاع ضعيف جدا ما بتحمل اي ضغط ؟ لم اشااهد اي نشاط هجومي لظهيري الدفاع طوال البطولة ؟ غايتو لو ما قدم ميسي مهاجم صريح وراهو ديبالا وادخل لو سيلسو في الوسط ، فرنسا حتاكلهم وااقفين علي طولهم ..
Post: #214 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-27-2018, 00:22 AM Parent: #213
Quote: فرنسا ,الارجنتين واروغواى و البرتقال بحسب القرعة ح يكون فى فريق واحد من المجموعة دى فى دورى الاربعة تخمينى ماشى مع الاروغواى
يا جلالدونا غايتو انا بقول واحد من اتنين يا فرنسا يا البرتغال و بتمنى البرتغال كيتن في ميسي و عبد الله إدريس. يا عبد الله إدريس فرنسا ح تمزمز حناننم ذاتو و زولكم دا ح تطير ليهو هههههههه
Post: #215 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-27-2018, 04:55 PM Parent: #214
Quote: يا عبد الله إدريس فرنسا ح تمزمز حناننم ذاتو و زولكم دا ح تطير ليهو هههههههه
نجهت المانيا لحقتها الصح ، داير تنجه ميسي سيد الناس كمان
لاكين بالجد مفاجأة غير عادية بالمرة ، نعم في عدة مرات طار حامل اللقب من مرحلة المجموعات ، بس مش المانيا ، ومن مجموعة عادية جدا ! كاس عالم غريب بالجد ، والمكسيك تترش 3-صفر من السويد ؟
Post: #216 Title: Re: كاس العالم ..تنبؤات .. قصص .. انتيمات Author: طارق عبد الله Date: 06-27-2018, 05:19 PM Parent: #1
كأس عالم صغار الفرق......غالبا البطل هذه المرة فريق جديد
Post: #219 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-27-2018, 07:26 PM Parent: #218
ليست المفاجاءة في الخروج المدوي والتأريخي للمانشفت فقط ولكن على يد كوريا الجنوبيه التي لم يكن ناقه لها ولا جمل غايتو ابان عويناتن صغار ديل خلو الكثيرين فرشو
Post: #220 Title: Re: كاس العالم ..تنبؤات .. قصص .. انتيمات Author: محمد أبوالعزائم أبوالريش Date: 06-27-2018, 09:14 PM Parent: #219
زحو لي من سفيان ده ......... كاااااك
قلت لي الألمان ما سخّنوا لسة؟ ................ كاااااك
Post: #221 Title: Re: كاس العالم ..تنبؤات .. قصص .. انتيمات Author: محمد على طه الملك Date: 06-27-2018, 09:35 PM Parent: #220
حسادة الكوريين على الألمان فاتت حسادة الحكم على النيجيريين.
Post: #222 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 06-28-2018, 03:09 AM Parent: #220
Quote: زحو لي من سفيان ده .
و الله انا ذاتو عايز ازح لي مني
Post: #223 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-28-2018, 02:09 PM Parent: #222
Quote: زحو لي من سفيان ده ......... كاااااك قلت لي الألمان ما سخّنوا لسة؟ ................ كاااااك
بالراحة على سفيان يا اابو الريش ماتطيرو علينا الزول داخرنو لي يوم هو عارفو (الاسبوع الجاي) وحيطوي برشو براااااااهو
Post: #224 Title: Re: كاس العالم ..تنبؤات .. قصص .. انتيمات Author: جلالدونا Date: 06-28-2018, 02:10 PM Parent: #223
يعنى ح نتفكّ منّو ربى عجل بالفرج
Post: #225 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-28-2018, 02:11 PM Parent: #223
مولانا الملك يومداك قلت ليك خليك مع جماعتك ناس الشوكولاتة لعابين ولذيذين مالك ومال الالمان الناشفين ديل لوف ده بكون اخر مرة ضحك بعد فاز بـبطولة 2014
Post: #226 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-28-2018, 02:25 PM Parent: #225
***انجلترا - بلجيكا مباراة قمة لفريقين من اروع فرق هذه النسخة مع تفوق بلجيكي في نظري .. المباراة ح تكشف مدى جدية وجاهزية الفريقين للمنافسة على اللقب خاصة بعد سقوط المانيا كابوس الجميع في كاس العالم اختبار حقيقي للفريقين مع مباراة خاصة بين هاري كين ولوكاكو اتوقع فوز بلجيكا ..
السنغال - كولمبيا مباراة صعبة جدا للسنغال التي يكفيها التعادل فقط للصعود ، هزيمتها ستجعلها تحت رحمة بولندا الضعيفة التي يجب ان تفوز على اليابان لكن كولمبيا ليست بالفريق السهل وتطمح ايضا للفوز والتأهل بيد ان التعادل لا يخدمها بالمرة ، عشان كده حتهاجم وعندها مهاجمين على اعلى مستوى ، خط وسط ودفاع السنغال لازم يكونو في فورمة كويسة لاحتواء خميس رودريغيز و فالكاو ومورييل وكوادرادو اتوقع نتيجة التعادل
Post: #227 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-28-2018, 03:07 PM Parent: #226
Quote: يعنى ح نتفكّ منّو ربى عجل بالفرج
بالحيل .. اصبر بس حنشتاق ليهو والله ..يا حليلو
Post: #228 Title: Re: كاس العالم ..تنبؤات .. قصص .. انتيمات Author: جلالدونا Date: 06-28-2018, 05:10 PM Parent: #227
السنغال لحقت السعودية و مصر ياما انت كريم يا رب الانجليز دخلو فى حيص بيص اليابان لعبت بى اسلوب الكريسيدا فى دورى المجموعات من هنا و لى قدام ح تلعب بى اسلوب الهينو و الزد واى جنس شق هو .. قيزان لندن الله قال بى قولا _____ السوفينى ده من هسى بقيت اشتاق ليهو و خايف عليهو
Post: #229 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-28-2018, 10:15 PM Parent: #228
والفائزين من مباريات نفس التاريخ ح يتقابلوا في دور ال 8
Post: #230 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-28-2018, 10:41 PM Parent: #229
شكرا علي .. يلا تعال شوف دوري ال8 : الفائز من الارجنتين - فرنسا ضد الفائز من البرتغال والاورغواي .. صدام محتمل بين ميسي ورونالدو وان كان احتمال ضعيف الفائز من البرازيل - المكسيك ضد الفائز من بلجيكا - اليابان .. غالبا البرازيل ضد بلجيكا وده انا بعتبرو نهائي مبكر الفائز من السويد - سويسرا ضد الفائز من كولمبيا - انجلترا .. غايتو الانجليز ماشة معاهم باسطة لو شدو حيلهم شوية دوري الاربعة ساهل جدا ليهم الفائز من اسبانيا - روسيا ضد الفائز من كرواتيا الدنمارك .. غالبا اسبانيا حتقابل كرواتيا وحتكون مباراة صعبة جدا جدا
Post: #231 Title: Re: كاس العالم ..تنبؤات .. قصص .. انتيمات Author: جلالدونا Date: 06-28-2018, 11:04 PM Parent: #230
يعنى احتمال المكسيك تلاقى كرواتيا دخ معدوم نهائى كان كده كاس العالم ده حيكون ما عندو اى طعم
Post: #232 Title: Re: كاس العالم ..تنبؤات .. قصص .. انتيمات Author: usama Babiker Date: 06-29-2018, 00:18 AM Parent: #231
Quote: جدول دور ال16 29/6 الارجنتين فرنسا الساعه 2 بتوقيت جرينتش البرتغال اورغواي الساعه 6 بتوقيت جرينتش
الصحيح 30/6 ... السبت
Post: #233 Title: Re: كاس العالم ..تنبؤات .. قصص .. انتيمات Author: usama Babiker Date: 06-29-2018, 00:18 AM Parent: #231
Quote: جدول دور ال16 29/6 الارجنتين فرنسا الساعه 2 بتوقيت جرينتش البرتغال اورغواي الساعه 6 بتوقيت جرينتش
Post: #235 Title: Re: كاس العالم ..تنبؤات .. قصص .. انتيمات Author: عمر نملة Date: 06-29-2018, 09:31 PM Parent: #219
سلام واحد بلجيكي راهن ب ١٠٠ يورو علئ فوز كوريا ٠/٢ والسويد ٠/٣ ربح ٢٥٤٠٠٠ يورو
Post: #236 Title: Re: كاس العالم ..تنبؤات .. قصص .. انتيمات Author: عمر نملة Date: 06-29-2018, 09:54 PM Parent: #235
راهنت ب ١٠٠ يورو بفوز السويد وكوريا وصربيا خسرتها...اذا صربيا فازت كنت بربح ٥٤٦٠٠٠ كنت ناوي اوبها لعمل منتزهات لالعاب الاطفال في جبال النوبة اي والله
Post: #237 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-29-2018, 10:27 PM Parent: #236
Quote: بالشايفو دا سيمبسون هو البيشيل الكأس
تشاهد غدا : ميسي و رونالدو خارج المونديال ! اصلو مونديال شفع ، هولندا مافي ـ ايطاليا مافي ، المانيا اتكلت من الدور الاول وبلدا ما فيها تمساح يقدل فيها الورل ، غايتو حظ ود المدير
Post: #238 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-29-2018, 10:31 PM Parent: #237
Quote: راهنت ب ١٠٠ يورو بفوز السويد وكوريا وصربيا خسرتها...اذا صربيا فازت كنت بربح ٥٤٦٠٠٠ كنت ناوي اوبها لعمل منتزهات لالعاب الاطفال في جبال النوبة اي والله
مرحبا عمر نملة جميل ان نفكر في اطفالنا دائما ، اطفال جبال النوبة يستحقون العيش واللعب والتعلم مثلهم مثل اطفال سويسرا .. ليت الحظ حالفك .. الرياضة بدون حس انساني لا تستحق الاحتفاء .
Post: #239 Title: Re: كاس العالم ..تنبؤات .. قصص .. انتيمات Author: أحمد الطيب بدرالدين Date: 06-29-2018, 11:33 PM Parent: #238
شكلها على نهائي المكسيك X كرواتيا الكأس للمكسيك دي تكون أكبر مفاجأة
Post: #240 Title: Re: كاس العالم ..تنبؤات .. قصص .. انتيمات Author: محمد على طه الملك Date: 06-30-2018, 02:04 AM Parent: #239
رغم هزيمة الأرجنتين 1 صفر ورغم الضغط الفرنسي إلا أنه في نظري ربما تفوز الأرجنتين اليوم (هذا ما لا اتمناه) لانو ببساطة فرنسا لا تستثمر فرصها جيد و تضيع فرصها بسهولة أمام دفاع أرجنتيني تعبان.
Quote: ده فريق اخير منّو فريق فرجينيا بتاع السودانيين
ههههههههههههه ياخ قول الحق ياخ اخير منو فريق أريزونا بتاع السودانيين البقيت انت الكوتش بتاعو ههههههه
Post: #249 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-30-2018, 05:41 PM Parent: #248
Argentina out ! France qualifies +++ نتيجة منطقية جدا .. ده مستوى الارجنتين وده مستوى فرنسا ولو ان احراز الارجنتين ل3 اهداف شكل مفاجأة كبيرة جدا بالنسبة لي شخصيا نظرا لتواضع هجوم الارجنتين وقوة دفاع فرنسا وخط وسطها المنيع جدا بوجود كانتي وبوغبا وماتويدي ولذا اعتقد ان ديشامب سيكون محبط جدا وقلق بالرغم من تأهله لأنه في الغالب سيواجه اسبانيا ان لم تحدث روسيا المفاجأة +++ رغم غزارة الاهداف لم تكن المباراة ممتعة ، ما شفنا كورة حلوة ما شفنا لمسات وباستثناء مبابي لم يبرز لاعب بشكل واضح .. +++ منتخب الارجنتين لم ينظم نفسه جيدا بعد هدفه الثاني المفاجيء وتلقى 3 اهداف في 10 دقائق ودي فضيحة على سامباولي قبل الفريق انت عارف كويس انو دفاعاتك ووسطك ضعيفة جدا فنيا ، لازم تلجأ لحلول تكتيكية سريعة جدا مش تربع يدينك وترجى كرامة البليلة مبروك فرنسا
الارغوي غالبه واحد صفر و البرتغال تعبانة جدا جدا فقط أولاد عمك سيلفا الاتنين الفي الجانب الأيمن برناندو سيلفا و ادريان سيلفا زايد غيديش و واضح انو الأهداف ح تكون كتيرة في شباك البرتغال.
لو ارتفع مستوى بنتاغور شوية البرتغال ح تلعب احسن لكن الليلة دي اخر رحلة ليهم في كأس العالم
Post: #252 Title: Re: كاس العالم ..تنبؤات .. قصص .. انتيمات Author: جلالدونا Date: 06-30-2018, 07:53 PM Parent: #251
بالشى الحاصل ده وحسب مردود الفرق ,دورى الاربعة ح يخلو من الكبار المكسيك وكرواتبا وبلجيكا والاورغواى حضور فى دورى الاربعة مع انو الاحتمال ده نقطة الضعف فيهو بلجيكا
غايتو يا جلالدونا الروس ديل اي شي يدخلوا فيهو بيزوروهو و يخجوهو ياخ جهجهو رئاسة أمريكا هسي مجهجهننا في الكورة دي.
Post: #254 Title: Re: كاس العالم ..تنبؤات .. قصص .. انتيمات Author: جلالدونا Date: 06-30-2018, 08:24 PM Parent: #253
بصراحة قون عجيب اجمل ما فيهو الركنة الخادعة الذكية بهذا الهدف بلغت متعة كرة القدم ذروتها فى هذه النسخة من كاس العالم
Post: #255 Title: Re: كاس العالم ..تنبؤات .. قصص .. انتيمات Author: علي محمد الفكي Date: 06-30-2018, 09:04 PM Parent: #254
حققت الاورجواي المطلوب باي باي رونالدو باي باي ميسي ومافي حد احسن من حد وكلنا في الطيران سوا مونديال روسيا كرة قدم جديده تعتمد على القوه البدنيه والسرعه والالتحام لا مكان بعد الان لطغيان المهارات الفرديه والاستحواذ اورغواي بفرص محدوده في كل مبارياتها وضعت نفسها في ربع النهائي ولكن اعتقد مغامرتها ستنتهي على نقرات الديوك الفرنسيه
Post: #257 Title: Re: كاس العالم ..تنبؤات .. قصص .. انتيمات Author: Salah Zubeir Date: 06-30-2018, 10:20 PM Parent: #256
هلا عبدالله .... قال ليك القون الأول بتاع أورجواي كان اطول ون - تو في تاريخ كرة القدم .... هههههه شوف مسافة الون بعرض قوطر مستطيل نصف الملعب ... والتو بي نصف عرض الملعب ... ياخي اللتنين (سواريز وكفاني) سفاحين عديييل .... شوف الأجسام كيف والجهد المبذول ككيف ... الشي التقول بياكلو طوب مملح بي مونة اسمنت ... ههههه
Post: #258 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-30-2018, 10:39 PM Parent: #256
رونالدو يلحق بميسي بعد ساعتين فقط .. ** مباراة قوية جدا بدنيا من طرف الاوروغواي الاثبتو انو الروح القتالية قادرة انها تعوض وتغطي عيوب فنية كبيرة جدا ، منتخب يضم ثلاثة لاعبين معروفين فقط والبقية مغمورين ، لكنهم كالعادة لعبوا بروح قتالية عالية جدا واستحقوا الفوز لانهم استغلوا الفرص القليلة جدا بفعالية شديدة.. ** الشفتنة شي مهم جدا في كرة القدم ، الناس ديل شفوت كلهم اشتغلوا اورنيش وغسلو عربات وحامو في الشوارع ، اجسامهم قوية جدا وما بستسلمو بسهولة ** البرتغال وقعت في السم القدر غداها ، فريق دفاعي ضد فريق دفاعي عشان كده ما قدرت تتعامل مع الموقف كويس ، كانت بتعتمد على الهجمات المرتدة ودي مع الاورغواي مستحيلة .. ** غودين وخمينيز افضل متوسطي دفاع في العالم بامتياز كشركاء ، اثبتو النقطة دي مع اتلتيكو مدريد والان في كااس العالم .. ** فرنسا قدام مهمة صعبة جدا في دوري ال8 حتكلفا مجهود بدني كبير وربما كروت صفراء ايضا ستؤثر عل مسيرتها نحو احراز اللقب ..
Post: #259 Title: Re: كاس العالم ..تنبؤات .. قصص .. انتيمات Author: Abdullah Idrees Date: 06-30-2018, 11:22 PM Parent: #258
Quote: هلا عبدالله .... قال ليك القون الأول بتاع أورجواي كان اطول ون - تو في تاريخ كرة القدم .... هههههه شوف مسافة الون بعرض قوطر مستطيل نصف الملعب ...
مرحبتين صلاح اجمل ما في المباراة ، دقة عالية جدا فعلا اطول ون-تو كافاني كان نجم المباراة بامتياز عمل شغل دفاعي رهيب ما بتاع مهاجمين ابدا ، وهدفين من مافي وقرب يجيب التالت ..
غايتو انا متعاطف مع برناندو سيلفا الليلة الزول دا عمل اي شئ بس ناس فطايس
Post: #261 Title: Re: كاس العالم ..تنبؤات .. قصص .. انتيمات Author: محمد على طه الملك Date: 07-01-2018, 00:07 AM Parent: #260
Quote: هي نان جيه لينا نضمك عشان نعرف نراها معاك يا حبيب
سفيان يا حبيب انت صدقتا انا زول اسبتنق من الوسطى هههه .. التحليلات دي أنا مازولا... غايتو الفوز حصل إلا تقدير الأهداف ما ظبط .. على كدا ثلاثي كاس العالم فينيتو.. زي ما قلتو أظن كاس العالم في قبضة السغار إذا البرازيل ما ربطت الحزام.
Post: #262 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 07-01-2018, 00:14 AM Parent: #261
Quote: سفيان يا حبيب انت صدقتا انا زول اسبتنق من الوسطى هههه .. التحليلات دي أنا مازولا... غايتو الفوز حصل إلا تقدير الأهداف ما ظبط .. على كدا ثلاثي كاس العالم فينيتو.. زي ما قلتو أظن كاس العالم في قبضة السغار إذا البرازيل ما ربطت الحزام.
هههههههههههههههههههه و الله يا مولانا من لحظة قريت تحليلك داااك قاعد اضحك قلته مولانا خلاها عائمة عشان تلفق معاهو كل الاتجاهات هههههههه وفعلاً لفقت معاك
Post: #263 Title: Re: كاس العالم ..تنبؤات .. قصص .. انتيمات Author: osama elkhawad Date: 07-01-2018, 03:53 AM Parent: #262
مولد نجم عالمي فرنسي:
Post: #264 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 07-01-2018, 03:58 AM Parent: #263
فعلاً يا خواض الشاب دا مبالغه قوة و مهارة و سرعة و خيال ممتاز في اللعب و التمركز عموماً الساعات القادمة ودوري الأربعة ح يتضح و غالبا كرواتيا و اسبانيا يلحقوا بي فرنسا و الارغوي.
Post: #265 Title: Re: كاس العالم ..تنبؤات .. قصص .. انتيمات Author: osama elkhawad Date: 07-01-2018, 04:07 AM Parent: #264
مولد نجم عالمي فرنسي:
يا سفيان عمره لم يتعد ١٩ !!
Quote: Kylian Mbappé Lottin is a French professional footballer who plays as a forward for Paris Saint-Germain, on loan from Monaco, and the France national team.
Current team: France national football team (#10 / Forward) Trending
Born: December 20, 1998 (age 19 years), Bondy, France
Height: 5′ 10″
Salary: 17.5 million EUR
Did you know: Kylian Mbappé is the second-most expensive Association Football transfer (£128 M, from Monaco to Paris Saint-Germain in 2018)
Post: #266 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 07-01-2018, 04:14 AM Parent: #265
ايوة 19 سنة و هو أصغر فرنسي يلعب في كأس العالم و المستقبل أمامه. لكن يا اسامة الروح القتالية و القوة لهذا الشاب و معه رفاقه في المنتخب الفرنسي بتخليني اتمنى نهائي طرفه فرنسا و الارغوي أو فرنسا و كرواتيا وذلك أيضاً للروح القتالية لدى الكروات و الارغوانيين حتى نستمتع بكرة قدم فيها عرق وقوة و مهارة و أهداف.
Post: #267 Title: Re: كاس العالم ..تنبؤات .. قصص .. انتيمات Author: osama elkhawad Date: 07-01-2018, 04:47 AM Parent: #266
Quote: لكن يا اسامة الروح القتالية و القوة لهذا الشاب و معه رفاقه في المنتخب الفرنسي بتخليني اتمنى نهائي طرفه فرنسا و الارغوي أو فرنسا و كرواتيا وذلك أيضاً للروح القتالية لدى الكروات و الارغوانيين حتى نستمتع بكرة قدم فيها عرق وقوة و مهارة و أهداف.
لماذا أهملت المقاتل البلجيكي "لوكاكو" وصحبه؟؟
بالمناسية سواريز اشتهر بعضّاته:
Post: #268 Title: Re: كاس العالم ..تنبؤات .. قصص .. انتيمات Author: علي محمد الفكي Date: 07-01-2018, 07:27 AM Parent: #267
فعلا يا خواض موبابي سيكون له شان كبير في المستقبل ارشحه مع نيمار لتسيد الساحه الكرويه بعد انقضاء فترة ميسي ورونالدو وهو اخطر مهاجم صريح موجود في الساحه الان
Post: #269 Title: Re: كاس العالم ..تنبؤات .. قصص .. انتيمات Author: درديري كباشي Date: 07-01-2018, 07:36 AM Parent: #268
حرامي الشية في كسلا كانت توجد حديقة عامة أمام المجلس البلدي ولصق الجامع الكبير كما يوجد امام الحديقة موقف التاكسي العام. داخل الحديقة كان يوجد مطعم للحوم والمشاوي. اشتهر بشية السلات مع الطبائخ الأخرى. والسلات هو شوي لحم الضأن على الحجر المسخن بالجمر. وطباخ السلات يسمى السلات بتشديد اللام. وكان رواد المطعم من تجار وزوار السوق وسائقي التاكسي وغيرهم من الفئات المجاورة. وكلهم يتناولون طلباتهم حسب استطاعتهم. وضعت طاولة السلات في خارج المطعم. بسبب الدخان ورائحته المستفزة التي تجعل البطون تتلوى وتتمرد. يوم ما أحد الشباب المشردين وقف يتفرج على طباخ السلات . وهو يشوي كتلة ضخمة من لحم الضأن الصافي والخالي من العظم والشحوم ثم يقطعها في شكل مكعبات صغيرة تسيل اللعاب يملأ بها صحن كبير من الالمونيوم اللامع. قبل أن يوزعها في اطباق صغيرة وهي طلبات الزبائن . انتهز المشرد فرصة ذهاب الطباخ لأحضار شيء ما فخطف صحن الشية وجرى به متجها ناحية الباب الجنوبي المقابل للمجلس البلدي مسافة بطول ملعب كرة القدم . قبل أن ينتبه له العاملون بالمطعم ويطاردونه. لكن من العجائب أنه المشرد كان يؤدي عدة وظائف في وقت واحد. يجري ويحافظ على الصحن في حضنه ويتناول منه الشية ويأكل ويمضغ ويبلع.😂😂😂😂😂 لكن الطريف أن باقي الزبائن لم يشاركوا في المطاردة بل وقفوا يتفرجون ويشجعونه بالتصفيق والضحك. فهو عبر عن رغبات مكبوتة عند الجميع دون شك. حتى من له قدرة على تناول طبق الشية فهي حتما لن تكون بهذه الكمية الكبيرة.🤗🤗🤗🤗🤗🤗🤗 تذكرت هذا المشهد الآن من هدف اللاعب الفرنسي أمبابي وهو يخطف كرة الارجنتينين من أمام مرمى فرنسا ويجري متجها ناحية مرماهم حتى أحرز الهدف. تخيلت كل نيجيرية وأفريقيا وقفت تصفق له ونحن كذلك.🏃♂️🏃♂️🏃♂️🏃♂️🏃♂️🏃♂️🏃♂️🏃♂️😂😂😂😂
Post: #270 Title: Re: كاس العالم ..تنبؤات .. قصص .. انتيمات Author: osama elkhawad Date: 07-01-2018, 05:49 PM Parent: #269
وخرجت اسبانيا بضربات الجزاء وضعف الهجوم:
Post: #271 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-01-2018, 07:15 PM Parent: #270
وتتوالى المفاجات .. ** اسبانيا تنضم لالمانيا والارجنتين ، وايطاليا وهولندا تراقبان من الخارج ! ده كاس عالم شنو ده ؟ معقول ؟ دوري ال8 بدون الدول ال5 دي؟ لا اعتقد انها حدثت من قبل .. مين باقي ؟ فرنسا والبرازيل والباقي فكة بحسابات التاريخ .. ** المباراة كانت مملة كأغلب مبااريات النسخة الجارية ، سيطرة اسبانية سلبية وتكتل دفاعي روسي محكم وفرص نادرة جدا تعد على اصابع اليد للفريقين .. ** اعتقد ان هييرو بالغ في تشكيلته نوعا ما ، كان واضح للجميع انو روسيا حتلعب في منطقتا وتشتغل على الهجمات المرتدة ، ومعروف انو القوة البدنية بتساعد الفرق الدفاعية جدا وروسيا لديها لاعبين كلهم ذوي بنية جسدية قوية عكس اقزام اسبانيا ، كان يجب عليه للعب بمهاجمين اثنين وفتح الملعب واللعب عن طريق الاجنحة لان الاختراق من العمق كان مستحيل او استحال فعلا ** اسنسيو وسيلفا كانو نقطة ضعف اسبانيا وكانو عالة على الفريق ، اخطأ المدرب في اشراك اسنسيو من البداية وتأخر جدا في التغيير .. ** ايسكو تحرك جيدا لكن لم يجد تعاون كافي من سيلفا وكوكي .. ** اعتقد ان هذا الخروج يمثل نهاية الجيل الاسباني الذهبي ، انيستا اعلن عتزاله وسينضم اليه بيكيه ويتبقى فقط راموس وبوسكيتس وكلاهما وصل ال30 او تعداها .. ** نشوف روسيا حتعمل شنو مع فرنسا ؟
Post: #272 Title: Re: كاس العالم ..تنبؤات .. قصص .. انتيمات Author: علي محمد الفكي Date: 07-01-2018, 08:11 PM Parent: #271
المنتخب الاسباني ساعد الروس باللعب من العمق والتمريرات في وسط الملعب ايسكو كان الوحيد الذي يمرر للاما في وسط المنتخب فكيف تلعب بدون اطراف امام منتخب يلعب ب 11 لاعب امام مرماه وجود كارفخال في الكنبه وهو الطرف الهجومي خطأ كبير ومعروف ان ناشو دفاعي فالواضح كان ان روسيا ستلعب مدافعه لذا كان في حوجه لطرف هجومي تاخر في ادخال انيستا كثيراً ولكنه كاس عالم المفاجأت
Post: #273 Title: Re: كاس العالم ..تنبؤات .. قصص .. انتيمات Author: جلالدونا Date: 07-01-2018, 08:20 PM Parent: #272
توقعاتى لا زالت قائمة المكسيك ,الاروغواى ,كرواتيا و بلجيكا البلجيك الطرف الاصعف فى التوقع ده اخاف عليها كتيرا من الزدواى اليابانى
Post: #274 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-01-2018, 08:44 PM Parent: #273
جلال لازم دوري الاربعة يكون فيهو الفائز من فرنسا وروسيا وانا بقول فرنسا ، لانها ممتازة بدنيا وفنيا ومليانة مواهب وعايز اجر سبحتي لي بلجيكا وانجلترا عشان مولانا الملك وود المدير
النصيحة البلجيك يستاهلو السبحة ، انتو شيخ الامين ده مش عايش في بلجيكا ؟
Post: #275 Title: Re: كاس العالم ..تنبؤات .. قصص .. انتيمات Author: علي محمد الفكي Date: 07-01-2018, 09:04 PM Parent: #274
النصيحة البلجيك يستاهلو السبحة ، انتو شيخ الامين ده مش ـــــــــــــــ عبد الله نهائي ما فيهو البرازيل اغبش وفي ظني شيخ لينين ما بمرق البلجيك من السامبا خلي شيخ الامين لكن في مونديال الشيوعيين دا كل شيء وارد
Post: #276 Title: Re: كاس العالم ..تنبؤات .. قصص .. انتيمات Author: osama elkhawad Date: 07-01-2018, 10:04 PM Parent: #275
كرواتيا لدور الثمانية بضربات الجزاء:
Post: #277 Title: Re: كاس العالم ..تنبؤات .. قصص .. انتيمات Author: محمد على طه الملك Date: 07-01-2018, 10:45 PM Parent: #276
Quote: اخاف عليها كتيرا من الزدواى اليابانى
زدواي شنو يا حلال ياخي البلجيك معاهم قطر بخار عدييل .. الله يحبر بخاترك يا ود ادريس .. أها من اسع بقول ليكم البلجيك لو اتخطو الفائز من البرازيل والمكسيك .. حنمشي لى دكتور منير نجهز معاهم احتفالات التنصيب.. واحتمال نخلي يضيف للـ chip بتاعو الماشي عطارد حروف Belg معاها رسمة لكاس العالم 2018.
Post: #278 Title: Re: كاس العالم ..تنبؤات .. قصص .. انتيمات Author: جلالدونا Date: 07-02-2018, 00:18 AM Parent: #277
حليلك يا ود ادريس وقعت عليك الجهجهة الواقعة على البرازيل الارروغواى ح تلاقى فرنسا فى دور التمانية و الروس وقعوا فى يد الكروات ___ مولانا الملك انت من زمن البخار البخار يعمل شنو مع الفل اوبشن الزد واى يشق الصحرا و لا مساعد جرى لا حفر
Post: #279 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 07-02-2018, 05:48 AM Parent: #278
تمرق البرازيل و تمرق فرنسا و الكأس يمشي اي بلد بعد دا
Post: #280 Title: Re: كاس العالم ..تنبؤات .. قصص .. انتيمات Author: عثمان الأمام Date: 07-02-2018, 04:44 PM Parent: #279
Post: #282 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-02-2018, 04:58 PM Parent: #278
صح جلال .. كلامك مظبوط ، تشابه علي البقر !
Post: #283 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-02-2018, 05:01 PM Parent: #282
Quote: البرازيل في الموعد 💛💛💛
الكبير كبير المكسيك فريق شاب وبيلعب كورة سريعة وبينتشر كويس ، بس ما عندو نيمار وكوتينهو وويليان .. فوز مستحق وواضح جدا
Post: #284 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-02-2018, 05:05 PM Parent: #282
Quote: نهائي ما فيهو البرازيل اغبش
ماشة كويس البرازيل ومستواها متصاعد خلونا نشوف توقعات جلال الغبشاء دي حتوصلنا وين
Post: #285 Title: Re: كاس العالم ..تنبؤات .. قصص .. انتيمات Author: عمر سعيد علي Date: 07-02-2018, 05:07 PM Parent: #282
البرازيل تنتفض . .
Post: #286 Title: Re: كاس العالم ..تنبؤات .. قصص .. انتيمات Author: osama elkhawad Date: 07-02-2018, 08:57 PM Parent: #285
بلجيكا تهزم اليابان ٣ \٢ في أحسن مباراة في كاس العالم حتى الآن.
لعب المنتخب الياباني مباراة العمر، وكان تغيير مدرب بلجيكا موفّقاً ، إذ أحرز البديلان الهدف الثاني والثالث....
Post: #287 Title: Re: كاس العالم ..تنبؤات .. قصص .. انتيمات Author: محمد على طه الملك Date: 07-02-2018, 09:07 PM Parent: #286
وين سفيان دا جلال بعضي ليكم بعدين .. بالجد اليابان وقفت قلبنا .. تعال قول يا ود إدريس وزيد لينا التلج شوية .
Post: #288 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-02-2018, 09:11 PM Parent: #286
لحظة احراز اليابان لهدفها الثاني .. اعتقدت ان المباراة انتهت طوالي اتذكرت مولانا الملك قلت الزول ده تاني بشوفو شايت وين وعكسو طوالي كل الفرق البشجعا بتطير عصرن بدري بداها بي هولندا وبعدها المانيا ربك ستر ....
Post: #289 Title: Re: كاس العالم ..تنبؤات .. قصص .. انتيمات Author: علي محمد الفكي Date: 07-02-2018, 09:17 PM Parent: #288
لحظة احراز اليابان لهدفها الثاني .. اعتقدت ان المباراة انتهت ــــــــــــــــ انا شلته الهم يجي يقول انو ماريو زجالو وبالعدم بله الغائب لكن ربنا ستر
Post: #290 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-02-2018, 09:36 PM Parent: #289
يا علي الجماعة ديل عندهم شيخ الامين رائد الدبلوماسية الشعبية الوطنية الاشتراكية العظمى كلها تقول لي بلة الغائب ، ده دجال محلي ساي الشغل العالمي ده عايز لغات
Post: #291 Title: Re: كاس العالم ..تنبؤات .. قصص .. انتيمات Author: محمد على طه الملك Date: 07-02-2018, 09:38 PM Parent: #289
هي المانيا حيرتني براي دي حيرت العالم ياخي .. أي صحيح ما كنت متوقعها تشيل الكاس لكين كمان ما قايلا تغادر من عصرا بدري .. يا ود الفكي بلة الغائب بتاع فنلتك أنا حسمت ليكم الكاس بيد منو من أمبارح بتلعب ولّ بتلعب.
Post: #292 Title: Re: كاس العالم ..تنبؤات .. قصص .. انتيمات Author: علي محمد الفكي Date: 07-02-2018, 09:45 PM Parent: #291
مولانا الملك لو الكأس ما سافر برازيليا يبقى المونديال فيهو ملعوبيه بعدين انا كنت قاصد جلالدونا لو اتاهل الزيدواي زي ما قال
Post: #293 Title: Re: كاس العالم ..تنبؤات .. قصص .. انتيمات Author: محمد على طه الملك Date: 07-02-2018, 09:57 PM Parent: #292
Quote: بعدين انا كنت قاصد جلالدونا لو اتاهل الزيدواي زي ما قال
لا يهمك جلا معذور صعير ياخي ..بدا يوعى للكورة العالمية من منديال ج افريقيا.
Post: #294 Title: Re: كاس العالم ..تنبؤات .. قصص .. انتيمات Author: علي محمد الفكي Date: 07-03-2018, 09:59 PM Parent: #293
اليوم الاخير في ثمن النهائي مر بدون مفاجأت وماشه باسطه مع ود المدير
Post: #295 Title: Re: كاس العالم ..تنبؤات .. قصص .. انتيمات Author: جلالدونا Date: 07-03-2018, 11:45 PM Parent: #294
كرواتيا فى طريقها الى الاربعة الكبار فروسيا قد دنا خروجها فى دورر الاربعة ح تلاقى الفايز من السويد و انجلترا و الاتنين ما ليهم نصيب فى الوصول للنهائى النتيجة كرواتيا طرف فى النهائى ده شى مؤكّد ما توقّع
Post: #296 Title: Re: كاس العالم ..تنبؤات .. قصص .. انتيمات Author: جلالدونا Date: 07-03-2018, 11:54 PM Parent: #295
بلجيكا بعد الهجمة الدخلتا من الزدواى و جات من الكوشة ما اظن تفرّط تانى قدام البرازيل متوقّع بشدّة وصول بلجيكا الى دورى الاربعة الاوروغواى بتعرف وين و متين تاكل الكتف و الديك الفرنسى ما صيده ساهلة ليها لكن احتمال وصولا كبير عليهو يبقى النهائى كرواتيا ضد بلجيكا او الاوروغواى قضى الامر
Post: #297 Title: Re: كاس العالم ..تنبؤات .. قصص .. انتيمات Author: معاوية المدير Date: 07-04-2018, 02:49 AM Parent: #296
أرشح مدرب اليابان لجائزة أكبر فارة في المونديال ...
Post: #298 Title: Re: كاس العالم ..تنبؤات .. قصص .. انتيمات Author: معاوية المدير Date: 07-04-2018, 03:54 AM Parent: #297
Quote: الكبير كبير المكسيك فريق شاب وبيلعب كورة سريعة وبينتشر كويس ، بس ما عندو نيمار وكوتينهو وويليان .. فوز مستحق وواضح جدا
البرازيل الله مرقا من مارسيلو، لو كان لآعب ضد المكسيك كان إترشوا ...
Post: #299 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-04-2018, 07:10 AM Parent: #296
Quote: الاوروغواى بتعرف وين و متين تاكل الكتف و الديك الفرنسى ما صيده ساهلة ليها لكن احتمال وصولا كبير عليهو يبقى النهائى كرواتيا ضد بلجيكا او الاوروغواى
اتفق معاك انو اورغواي فريق عملي انتهازي جدا ، لكن برشح فرنسا اما بلجيكا ، نعم يفصل بينها وبين النهائي مفاجأة فقط ، غير كده اعتقد طريقا سالك ..
Post: #300 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-04-2018, 07:14 AM Parent: #299
Post: #301 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-04-2018, 08:22 AM Parent: #300
مباريات دوري الـ8 الجمعة : اورغواي - فرنسا البرازيل - بلجيكا السبت : السويد - انجلترا روسيا - كرواتيا
Post: #302 Title: Re: كاس العالم ..تنبؤات .. قصص .. انتيمات Author: معاوية المدير Date: 07-04-2018, 08:57 AM Parent: #301
Quote: السويد - انجلترا
الباسطة هنا يا ود الفكي وقعنا مع الحمام الميّت ...
Post: #303 Title: Re: كاس العالم ..تنبؤات .. قصص .. انتيمات Author: محمد على طه الملك Date: 07-04-2018, 12:22 PM Parent: #302
Quote: بلجيكا بعد الهجمة الدخلتا من الزدواى و جات من الكوشة ما اظن تفرّط تانى قدام البرازيل
أيوه كدا اصلح معانا يا جلال .. عارف الزدواي لوما قابل بلجيكا احتمال كبير كان يتقدم .. ياخي باكم العامل وشو زي ارنب الخلا داك جهجه هجوم بلجيكا جهجهة السواد .. لوكاكا بكان ما يتلفت يلقا تحت كرعي.
Post: #304 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-06-2018, 01:46 PM Parent: #303
بعد قليل فرنسا - اورغواي 2 - صفر فرنسا ستحتل الملعب طولا وعرضا الاورغواي تفتقد خدمات اهم لاعب لديها في المونديال وهو كافاني ستركز بالطبع عل تكثيف الدفاع والهجمات المرتدة التي لا تملك اسلحتها ، بديل كافاني جيد واثبت نفسه امام الفرق الكبيرة في الدوري الاسباني لكنه ليس كافاني .. ننتظر ونشوف عموما المباراة حتكون مملة لكن الكورة الصاح في المسا وسيتم تمزيق مجموعة المشرف وعلي اربا اربا
كورته تكتم النفس ياخ بس فجأة تجي ضربة جزاء يارب تشد الأعصاب زيادة
Post: #306 Title: Re: كاس العالم ..تنبؤات .. قصص .. انتيمات Author: جلالدونا Date: 07-06-2018, 03:57 PM Parent: #305
بالطريقة البلعب بيها الدفاع الفرنسى دى ,البلنت جايى جايى
Post: #307 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-06-2018, 05:09 PM Parent: #306
فرنسا الى دوري الـ4 بقوة وصاح الديك ** الاورغواي كالعادة لم يكن صيدا سهلا ولعب بقتالية وروح عالية لكن ارادة النجوم هي من غلب في النهاية ، منتخب فرنسا هزيمته صعبة جدا ، فريق مكتمل الخطوط تقريبا .. ** الغريب انو رغم النجوم والعراقة ، مافي مشجعين لفرنسا في المنبر ! ** في انتظار الشوكولاتة
Post: #308 Title: Re: كاس العالم ..تنبؤات .. قصص .. انتيمات Author: Ahmed Khalil Date: 07-06-2018, 05:13 PM Parent: #307
Post: #309 Title: Re: كاس العالم ..تنبؤات .. قصص .. انتيمات Author: محمد على طه الملك Date: 07-06-2018, 05:25 PM Parent: #308
Quote: وسيتم تمزيق مجموعة المشرف وعلي اربا اربا
ههههه والله خايف مش من اللعب الفير .. لكين من جنس العمايل العبر عنها الكاركاتير بالحرف.. ماعارف لكين اروقواي ما كانت بتشبه روحا وسهلوها على الفرنسيين شديد .. قونين في روحم ؟ دي ما حصلت .
Post: #310 Title: Re: كاس العالم ..تنبؤات .. قصص .. انتيمات Author: جلالدونا Date: 07-06-2018, 05:36 PM Parent: #309
الاوروغواى طبّقت خطة اللعب السلبي بكفاءة عالية يحسدون عليها
Post: #311 Title: Re: كاس العالم ..تنبؤات .. قصص .. انتيمات Author: Ahmed Khalil Date: 07-06-2018, 06:41 PM Parent: #310
Quote: مافي مشجعين لفرنسا في المنبر !
الاخ عبد الله سلام
انا بشجع فرنسا لانو الفريق (الأفريقي) الوحيد البيصل مراحل متقدمة.
الدفاع الفرنسي الشفتو الليلة دي محظوظ عديل باللعب السلبي الفعلن لعبتو الارغوي و المستوى الأغرب الظهر بيهو بنسنيرا حارس الارغوي و الله شي عجيب!!!
Post: #313 Title: Re: كاس العالم ..تنبؤات .. قصص .. انتيمات Author: جلالدونا Date: 07-06-2018, 07:58 PM Parent: #312
الشوط الاول برطشة امها بت عم ابوها الهجوم الكاسح و متنوع هدّ حيل البرازيل بالذات الاختراق من العمق لو استمر الحال لما هو عليه فى الشوط التانى ح تكون برطشة تاريخية
Post: #316 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-06-2018, 11:10 PM Parent: #315
هاردلك برازيلييروس ! قلنا ليكم سنمزقكم إربا أربا ما صدقتو .. ** مباراة رائعة مفتوحة اوفت بتوقعاتنا جميعا كون الفريقان يعجان بالمواهب الكبيرة التي تنشط في اكبر الفرق الاوربية .. ** البرازيل افتقدت للقناص ، كما عانت من عدم مساعدة كوتينيو وويليان وباولينيو لخط الدفاع وانعدام كثافة اللعب في خط الوسط. مما فتح دفاعاتها امام المدمرة لوكاكو ومهارة دي بروين وهازارد .. ** كورتوا اثبت انه من افضل حراس المرمى في العالم وأدى مباراة كبيرة مع لوكاكو وهازارد .. ** الفائز من فرنسا وبلجيكا مرشح فوق العادة لرفع كأس البطولة ..
Post: #317 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-06-2018, 11:16 PM Parent: #316
Quote: انا بشجع فرنسا لانو الفريق (الأفريقي) الوحيد البيصل مراحل متقدمة.
10 مراحب احمد خليل اخيرا لقينا مشجع فرنسي ولو من بوابة افريقيا بيني وبينك شي يحير ! اغلب المنتخب من اصول افريقية البيض ديل في فرنسا بشجعو ساي ولا الموضوع شنو ؟ حتى بلجيكا فيها عدة افارقة ، قبيل المعلق قال انو والد لوكاكو لعب كاس عالم في السبعينات لصالح الكنغو الديمقراطية ..
Post: #318 Title: Re: كاس العالم ..تنبؤات .. قصص .. انتيمات Author: زينب محمد عبدالله Date: 07-07-2018, 02:04 AM Parent: #317
سلام عبدالله ادريس والضيوف الكرام
انا اجيد التنبؤ الى حد ما .. تنبأت بى فوز فرنسا على الارغواى وقد كان بالرغم انو كنت اتمنى فوز الارغواى عشان سواريس ولا اسمو شنو... غدا السبت الانجليز حيغلبوا السويديين .. مع انى لا اتمنى فوز انجلترا ولكن انجلترا ايضا حتتغلب لى قدام .. ما بتقدر تصمد امام فرنسا او روسيا او كروتيا او البلجيك
صورة النجم الفرنسى امبابى مع اللاعب كرستيانو فى عام 2013
Post: #319 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 07-07-2018, 02:20 AM Parent: #318
Post: #321 Title: Re: كاس العالم ..تنبؤات .. قصص .. انتيمات Author: محمد حيدر المشرف Date: 07-07-2018, 03:50 PM Parent: #1
حذرناكم من المساخة وعاقبة تشجيعها ولكن .. خموا وصروا ..
Post: #322 Title: Re: كاس العالم ..تنبؤات .. قصص .. انتيمات Author: علي محمد الفكي Date: 07-07-2018, 03:57 PM Parent: #321
انتو كاس العلم دا مافيهو شكاوي تشوف لينا طريقة لي برازيلنا يا اخ الكاس بدوس السيلساو مسيخ اسه في ابيخ من المباراه اللاعبه الان بين انجلترا والسويد كاس العالم بقى زي المنبر فقد القو
و الله يا ود الفكي برغم ترشيحي و محبتي القديمة لكرواتيا الا اني حزين لخروج الروس بهذا الشكل لانضباطهم التكتيكي و التزامهم الشديد بس حارس كرواتيا هو بطل اليوم.
ياخ اسمعني يا ود الفكي هل في اي مرحلة من مراحلك كان لك لقب محمد عصفور!؟
Post: #326 Title: Re: كاس العالم ..تنبؤات .. قصص .. انتيمات Author: علي محمد الفكي Date: 07-07-2018, 10:20 PM Parent: #325
روسيا اضباط تكتيكي يدرس يا سفيان اهم حاجه وصلت الكروات منهكين حظ الانجليز غايتو ود المدير بداء يتبين وشكلي ح اتحور ليهو ـــــ ابداً ما كان عندي لقب عصفور القابي كلها من الاسم الناس القريبه بتقول الفكي ويمكن يكون بعضهم ما بعرف اسم علي نهائي
و الله ود المدير يشيل الكأس إلا نحنا من هنا نشيل أهلنا بس.
بس خلي بالك الكروات ديل بي حارسهم دا ناوين يكملو للنهاية و انا متأكد انهم ح يكونو جاهزين للانكليز.
تسلم للرد يا حبيب
Post: #328 Title: Re: كاس العالم ..تنبؤات .. قصص .. انتيمات Author: محمد حيدر المشرف Date: 07-07-2018, 10:27 PM Parent: #326
روسيا اوقدت شمعة في ظلام الكأس الاوروبي وانطفأت .. لا يملك المرء الا ان يرفع القبغة (او كاس فودكا) لتلك الروح الوطنية الملتهبة والملهمة يا سوفي ناب ويا على
Quote: يا اللخو تشيّل تخُت ما علينا، الكأس دا ماشي عاصمة الضباب ...
هههههههههههههههاي غايتو انا بعد شوفة رئيسة الوزراء بقيت عايزو يمشي كرواتيا بالله و أحد يتكرم يجيب الصور الصور
Post: #334 Title: Re: كاس العالم ..تنبؤات .. قصص .. انتيمات Author: علي محمد الفكي Date: 07-10-2018, 09:05 PM Parent: #333
باي باي بلجيكا وعقبال كرواتيا تضامنا مع ود المدير ونكايه في كوليندا ومعجبيها
Post: #335 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-11-2018, 10:39 AM Parent: #334
Quote: سلام عبدالله ادريس والضيوف الكرام انا اجيد التنبؤ الى حد ما .. تنبأت بى فوز فرنسا على الارغواى وقد كان بالرغم انو كنت اتمنى فوز الارغواى عشان سواريس ولا اسمو شنو...
مرحبا زينب والله تنبؤاتك رهيبة ، بتفهمي الكورة كويس ولا حظ الكيشة ؟ انا زيك شايف كرواتيا حتتخطا انجلترا .. وحتلاقي فرنسا ، ودالمدير حيزعل ، بس خليهو يطرشق .. حزنت والله لخروج بلجيكا ..
Post: #336 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-11-2018, 10:44 AM Parent: #334
شباب كيفكم ده منو الكجانا امس ده محزن والله .. لكن في النهاية فرنسا عندها الفريق الاكثر توازنا في البطولة واعتقد منطقيا تستحق التتويج بالرغم من امكانية حدوث مفاجأة اتمناها ان تحدث من انجلترا المحظوظة نوعا ما في المراحل السابقة والتي يبدو فريقها مفككا نوعا ما بالذات في محور الوسط البعيدين جدا من مستوى بوغبا وكانتي .. نشوف بعدين ..
Post: #337 Title: Re: كاس العالم ..تنبؤات .. قصص .. انتيمات Author: محمد على طه الملك Date: 07-11-2018, 12:53 PM Parent: #336
Quote: ده منو الكجانا امس ده
غايتو ما أنا .. افتكر البلجيك ضيوعوا زمن كتير في اختراق الدفاعات الفرنسية الاصلا الفرنسيين محتاطين ليهو.. كان مفروض من أول الشوط الثاني ينوعوا هجمومم بين كور طويلة وقصيرة تربك الدفاع .. على كل حال ربنا شافم باليتيمة دي .. لو ما هي كان الاسبتنق بتاعي كلوا كدا .. بس لسه برضو أنا باص منتظرين أنا وسفيان أخوى احضان رئيسة وزراء كرواتيا هههه.. يا ربي ود المدير قدر نام؟
Post: #338 Title: Re: كاس العالم ..تنبؤات .. قصص .. انتيمات Author: زينب محمد عبدالله Date: 07-11-2018, 09:44 PM Parent: #337
باى باى انجلترا
Post: #339 Title: Re: كاس العالم ..تنبؤات .. قصص .. انتيمات Author: زينب محمد عبدالله Date: 07-11-2018, 09:46 PM Parent: #338
مبروك كروتيا
Post: #340 Title: Re: كاس العالم ..تنبؤات .. قصص .. انتيمات Author: محمد حيدر المشرف Date: 07-11-2018, 09:59 PM Parent: #1
اخطأ مدرب انجلترا خطأ فادحا باخراج رحيم ففقد المنتخب الانجليزي شخصيته تماما ..
مبروك كرواتيا ويستحق مودريتش ورفاقه والسيدة الجميلة كولندا كوتاروفيتش..
ازيكم يا شعب عمر بشيروفيتش اما وقد آلت اموركم للترجيح بين فرنسا وكرواتيا .. فالخيارات صعبة جدا
Post: #341 Title: Re: كاس العالم ..تنبؤات .. قصص .. انتيمات Author: معاوية المدير Date: 07-11-2018, 10:32 PM Parent: #340
أحححححححححـ، بعد دا نقوم نحشّر لحاتم ...
Post: #342 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-11-2018, 10:37 PM Parent: #340
** المنتخب الانجليزي منتخب ساذج وصل للمرحلة دي بالبركة ومدربو كمان زول طيبان ساي .. واعتقد انهم كسبانين كتير انهم وصلو للمرحلة دي .. بينما كرواتيا ، وان بدا عليها الارهاق الشديد ، فريق محنك صعب المراس رغم قلة مواهبه ، لكنه يتميز بمحور وسط ممتاز قادر على ادارة المباريات الكبيرة بشكل جيد .. ** اصرار مدرب انجلترا على الاحتفاظ بلينجارد غير مفهوم تماما ونفس الشيء هندرسون رغم انه اخرجه في النهاية .ز ** ظهرهاري كين بعيد من منطقته المفضلة طوال الوقت مما ساهم في تحييده وتقليل خطورة منتخب انجلترا ، اعتقد ان جيمي فاردي كان يستحق دقائق لعب اكثر في المونديال بجانب راشفورد الذي اشركه المدرب اخيرا لكن في غير خانته لانه يجيد اللعب على الجانب الايسر .. ** لا اتوقع نهائي جميل طالما كرواتيا "العملية جدا " طرفا فيه ، لكني اعتقد بأن فرنسا بطلة هذه النسخة بنسبة كبيرة جدا جدا ..
Post: #343 Title: Re: كاس العالم ..تنبؤات .. قصص .. انتيمات Author: osama elkhawad Date: 07-11-2018, 10:39 PM Parent: #342
هذا أمسخ كأس عالم أشاهده في حياتي ....
Post: #344 Title: Re: كاس العالم ..تنبؤات .. قصص .. انتيمات Author: معاوية المدير Date: 07-11-2018, 10:48 PM Parent: #343
Quote: اخطأ مدرب انجلترا خطأ فادحا باخراج رحيم ففقد المنتخب الانجليزي شخصيته تماما ..
نعم يا مشرف، المصريين بيقولوا العيار اللي ما يصيبش يِدوِش، رحيم رغم إنو كان كعب لكن طلعاتو كانت مزعجة عكس هاري كين الذي كان يفترض إستبدالة من نصف الساعة الأولي ...
Post: #345 Title: Re: كاس العالم ..تنبؤات .. قصص .. انتيمات Author: معاوية المدير Date: 07-11-2018, 10:59 PM Parent: #344
Quote: اما وقد آلت اموركم للترجيح بين فرنسا وكرواتيا .. فالخيارات صعبة جدا
Post: #346 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 07-13-2018, 05:36 AM Parent: #345
الشاف ود المدير منو!؟
Post: #347 Title: Re: كاس العالم ..تنبؤات .. قصص .. انتيمات Author: طارق عبد الله Date: 07-14-2018, 10:31 PM Parent: #1
بلجيكا تتفوق على انجلترا بسهولة وتحرز المركز الثالث.....الفريق كان في الواقع يستحق أكثر من ذلك ولكنها كرة القدم التي تكون أحيانا غير عادلة، ماينقص بلجيكا هو الاهتمام بالنواحي الدفاعية وبالذات ناحية افتكاك الكرة واستخلاصها من الخصم وهو ماتفوق فيه الفرنسيون والكروات بوجود نغولو كانتي الفرنسي والثنائي الكرواتي مودريتش وراكيتيتش، وعدا عن ذلك الفريق البلجيكي فريق زاخر بالمواهب ومنسجم جدا جدا والمدرب ذكي ويلعب بالتكتيك المناسب حسب الخصم، باختصار فريق من الزمن الجميل ويلعب بطريقة التوتال فوتبول التي ابتكرها جيرانهم الهولنديين ولكن الحظ خذلهم.
Post: #348 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-14-2018, 11:03 PM Parent: #347
نعم طارق اتفق معك مشكلة بلجيكا هي محاور الوسط خلاف كده هي الفريق الافضل والامتع للاسف مع فرنسا كان صعب تتأهل بوجود فريق متكامل ، تخيل ادريان رابيو لم يتم ضمه للمنتخب وهو لا يقل ابدا عن بوجيا وكانتي ..فرنسا فريق شبعان متخم بالمدافعين ولاعبي الوسط .. وبكرة حيفوزوا ..
Post: #349 Title: Re: كاس العالم ..تنبؤات .. قصص .. انتيمات Author: علي محمد الفكي Date: 07-15-2018, 07:30 PM Parent: #348
صاحت الديوك الفرنسيه في ملعب لوجنيكي موسكو معلنة تتويج منتخب بلادها للمره الثانيه بلقب المونديال العالمي .. منتخب فرنسا بتشكيلته السوداء اعطى مؤشر ايجابي لأثار الهجره الافريقيه الى اوربا بأن الكل رابح المهاجر والوطن الجديد وهذ الانجاز سيجعل كثير من الدول الاوربيه تراجع سياستها تجاه الهجره والمهاجرين .. ولا تنتهي دروس كأس العالم 2018 فهاهي الرئيسة الكرواتيه تقدم بلدها الى العالم وتكسب تعاطف العالم وحبه لها ولمنتخب كرواتيا ولكرواتيا ببساطتها وتفاعلها مع كرة القدم اللعبة الشعبيه الاولى في العالم ولتقول ان ما نستطيع تحقيقه عبر الرياضه وبعدم التكلف اكثر بكثير مما يمكن ان نحققه عبر السياسه والاقتصاد والاعلام والسلاح وكيف لا وهاهي روسيا من خلال نجاحها في تنظيم المونديال تمحو الصوره الذهنيه السالبه لروسيا وتقدمها كدوله وشعب متحضر متقدم وقادر على ان يصنع الحدث بعيد عن ترسانته النوويه .. مبرووك روسيا .. مبرووك فرنسا .. مبروك كرواتيا .. مبروك كل المشاركين .. مبروك قطر التحدي 2022
Post: #350 Title: Re: كاس العالم ..تنبؤات .. قصص .. انتيمات Author: عثمان الأمام Date: 07-16-2018, 07:15 AM Parent: #349
انتهت بطولة كأس العالم بتتويج مستحق للفرنسيين وزي ما قلنا ليك سابقا" يا عبدالله اوروبا هي المهيمنة على كرة القدم باضافة نجوم السامبا فقط والحالة الطليان والهولنديين غير متواجدين 😎
Post: #351 Title: Re: كاس العالم ..تنبؤات .. قصص .. انتيمات Author: سفيان بشير نابرى Date: 07-16-2018, 10:35 AM Parent: #350
ندين و نشجب و نندد بتحول كأس العالم لكأس الأندية الأوروبية
Post: #352 Title: Re: كاس العالم ..تنبؤات .. قصص .. انتيمات Author: MOHAMMED ELSHEIKH Date: 07-16-2018, 11:57 AM Parent: #351
دين و نشجب و نندد بتحول كأس العالم لكأس الأندية الأوروبية ****************************************
تقصد كاس الأمم يا سفسفة
الاوروبيين ما خلوا لينا مواد خام في افريكا الا سرقوها واستفادوا منها ورجعوا يبيعوها لينا مصنعة
Post: #353 Title: Re: كاس العالم ..تنبؤات .. قصص .. انتيمات Author: Abdullah Idrees Date: 07-16-2018, 01:14 PM Parent: #352
علي وعثمان وسفيان وود الشيخ .. علكم طيبين نعم انتهت ابيخ نسخة لكاس العالم في نظري طبعا .. مبروك فرنسا ، هاردلك كرواتيا الله يقطع اكاديميات الكورة ويقطع معاها المدربين ، مسخو الكورة وحولو اللاعبين لروبوتات تؤدي المطلوب منها بحذافيره ، كل حسب قدرته طبعا ، مافي فن ، مافي فري ستايل مافي ابداع ، اتخن فرق البطولة كانت بتدافع كتلة واحدة وتهجم بنفس االطريقة اقوان مسيخة ، ضربات جزاء ، ضربات راسية بتاعت مدافعين يا حليل زمن ناس روماريو وباجيو الكانو بلفوها مع المدربين زي الترتيب هاري كين بدافع من وسط الملعب وميسي مع لاعبي المحور في خط واحد ورونالدو مدربو جبان متخيل حتضرب معاهو كل مرة ! ندرة المواهب الفطرية دي اعتقد سببا الاكاديميات ، حتى البرازيل منجم المواهب نضب معينها .. غايتو .. اخبار الكرة الطائرة شنو يا جماعة عايزين نعدل المكنة
..؟!
